Çитăр Ехримĕ: Вилĕм юрри


Çитăр Ехримĕ — хутa вĕренмен сăвăçă. Унăн такмакĕсемпе сăввисем халăх хушшинче сăмах вĕççĕн сарăлнă. Хăш пĕрне автортан ялти учительсем çырса илнĕ… Тĕплĕнрех→


Вилĕм юрри

Эп пăхăттăм вилĕме,
Хăвармарĕ ÿлĕме.
Вилсе çĕре кĕрсессĕн,
Таврăнаймăп килĕме.

Кÿлсе хунă пар лаша,
Иккĕшĕ те шур лаша.
Атьăр ĕнтĕ ăсатма,
Тупăк юрри юрласа.
Ăçта ĕлĕкхи сывлăху?
Ăçта ĕлĕкхи сывлăшу?
Чунна йывăр килсессĕн,
Камран ыйтăн пулăшу?
Икĕ куçăм хупăнчĕ,
Вилĕм хапхи курăнчĕ.
Вилĕм хапхи курăнсан,
Вилнĕ пекех туйăнчĕ.
Вилĕм хапхинчен кĕрĕпĕр,
Вилнĕ иккенне сисĕпĕр.
Тамăк вутне курсассăн,
Унта епле тÿсĕпĕр?
Тамăк çулĕ тап-такăр,
Унта епле таптăпăр?
Тамăк патне çитсессĕн,
Куççулĕпе макрăпăр.
Унта хăрушă сут пулĕ,
Аллисенче хут пулĕ.
Тамăк патĕнчен иртнĕ чух
Ура айĕнче вут пулĕ.
Рай çулĕ – чалăш çул,
Пусăпăр та шăвăпăр,
Çылăха кĕнĕ сăн-сăпата
Куççулĕпе çăвăпăр.
Эпир пырăпăр пухăнса.
Рай ларĕ çутăлса.
Рай патне çитсессĕн,
Рай тăрĕ хупăнса.
Шутлан алли хуçăлтăр,
Туррăн кăмăлĕ уçăлтăр.
Турă ятне асăнсан,
Рай алăкĕ уçăлтар.

↓ ↓ ↓

Малаллийĕ пĕлтерÿ хыççăн

Эпир пĕр-пĕр патшалăх тытса тăракан учреждени мар.

Тектсене ирĕклĕн тишкерсе хаклатпăр. Произведенисене сĕрĕмлĕх, сутлăх е пропаганда тĕллевĕпе мар – шырав, цитатăлу тунă чухне çăмăллăх кÿрессишĕн вырнаçтаратпăр.

– VulaCv, Вула чăвашла редакцийĕ

Сайта кĕртнĕ çĕнĕ текстсем:

↓ ↓ ↓

Малаллийĕ

Шухăшăра пĕлтерĕр

Fill in your details below or click an icon to log in:

WordPress.com Логотипĕ

WordPress.com аккаунчĕпе усă курса комментари çыратăр. Çырăнса тухас /  Улăштарас )

Twitter picture

Twitter аккаунчĕпе усă курса комментари çыратăр. Çырăнса тухас /  Улăштарас )

Facebook фотойĕ

Facebook аккаунчĕпе усă курса комментари çыратăр. Çырăнса тухас /  Улăштарас )

Connecting to %s

Ку сайт спамсене сахаллатмашкăн Akismet-па усă курать . Комментари даннăйĕсен обработки çинчен тĕплĕнрех пĕлĕр.