Петĕр Ялкир — … Тĕплĕнрех→
Лапсăркка йăмра пăшăлтатать,
Ăш çиле калать темскер çинчен.
Юрату саламĕ ăсатать
Вăл алкаллă хурăна иккен.
Урама илем кÿрсе ларать
Ешĕл-ешĕл тумĕпе йăмра.
Халь ăна шур хурăн пулăшать.
Вăл пуртан татах чипер тавра.
«Мĕн тери пĕрле ÿсме аван! —
Савăнать йăмра чун-чĕререн.—
Хурăн халь ман уйрăлми тăван.
Ун пек ырри çук тĕнчере».
Вырăс ращинчен хăй куçнине
Хурламасть пуль хурăн та нихçан?
Килĕштернĕ вăл чăваш ялне,
Йăмрана савать мĕнпур чунтан.
Вула Чăвашла 