Çемен Мрес — учитель, халăх йăли-йĕрки çинчен сăвă çырать. Ача чухнех чире пула хăрах урисĕр инвалида юлать. Пăлхава хутшăннăшăн ăна шкултан кăларса яраççĕ. Çапах та кайран вăл учитель ятне илет, ĕмĕр тăршшĕпех тăван таврари шкулсенче ĕçлет… Тĕплĕнрех→
Атте, анне, сире
Раштав çитнĕ çĕре
Яратăп эпĕ салам.
Пичче, инке, итлĕр:
Салам манран эсĕр
Ку çырура ан кĕтĕр.
Ман мăшăрăм – арăм,
Сана прахса карăм
Çулталăкран салтака.
Сана эпĕ юратса,
Хам сăнăма ÿкерсе
Çак çырупа яратăп.
И лапка-лапканăн
Лăпкă юр çăвать,
Çĕр çине чăлт-шурă
Кăкăрлăх çакать.
Тарлă, йăлăхтарнă
Канăçсăр çăва
Савăнса ăсатнăн
Сиккелет чакак.Малаллине вулас
Эс — пăлханнă пекрех курăнасшăн,
Сив сăнра вара — нимĕн те çук.
Ыр сунам пек тăван,— амантасшăн!
Тем чухлать, тем виçет сан куçу.
Чĕрÿне тăнламастăн эс халĕ,
Йăлт картатăн эс сивĕ ăспа.
Сивĕ куç — пасарта пулăшкалĕ,
Туслăха — тупаймастăн унпа.
1953
Геннадий Айхи — … Тĕплĕнрех→
Эп, ун кашни ÿкерчĕкне курса,
Хама ялан ачалăхра туятăп.
Пăхатăп та хама манса тăнлатăп
Çил вăрманта вăратакан сасса.
Çапла малтан хăй чĕркуççи çинче
Пире тĕлĕнтерет пуль çут тĕнче.
1950
↓ ↓ ↓
Малаллийĕ пĕлтерÿ хыççăн
Тектсене ирĕклĕн тишкерсе хаклатпăр. Произведенисене сĕрĕмлĕх, сутлăх е пропаганда тĕллевĕпе мар – шырав, цитатăлу тунă чухне çăмăллăх кÿрессишĕн вырнаçтаратпăр.
– VulaCv, Вула чăвашла редакцийĕ
Сайта кĕртнĕ çĕнĕ текстсем:
↓ ↓ ↓
Малаллийĕ
Геннадий Айхи — … Тĕплĕнрех→
«Эсĕ пур» теекен шухăшпа
Йăпанатăп,— эс сассăр чухне.Малаллине вулас
В. Пыркина
Кĕр енне çулсем тап-такăр,
Янкăр уяртан-тăр-и,
Юриех çуран утатпăр,
Калаçма тесе — юри.
Вунă çул пĕрле вĕреннĕ,
Ларнă иккĕн юнашар,
Халĕ, уйрăлма тивсен ак,
Пĕр сăмах та путлĕ мар.
Шÿт тума ăстаччĕ шав эс,
Халь — пуплетĕн ерипе…
Молотилка кĕрĕ-шавĕ —
Пăрçасем ташланă пек.
Инçетре хуллен пуçларĕç:
«Вĕлле хурчĕ, ылтăн хурт…»
Пур çĕрте те хаклă мар-и
Хамăр ен те хамăр çурт.
Грузовик иртсе çухалчĕ —
Тутăр сулчĕçĕ хĕрсем…
Яланах асра пулсанччĕ
Çакă кĕмĕл эрĕмсем.
Хурсене пĕрле пухасшăн
Ачапча йăслать, куран.
Тек чупаймăпăр, юлташăм,
Хăмăл çийĕн çаруран.
Сукмаксем халь уйрăлаççĕ:
Йăлтăр кÿлĕ хĕррине
Шăвăнса вĕсем тухаççĕ,
Улăхаççĕ ту çине…
Кĕр енне çулсем тап-такăр,
Çат выртать машин йĕрри.
Юлашки тесе утатпăр
Юриех çуран, юри.
1953
Эп кĕнĕ чух тăраттăн эсĕ
Тăр шыв пек тĕкĕр умĕнче.
Эп сан куçусене тĕл пултăм
Малтан çав тĕкĕр хумĕнче.
Таса та ирĕклĕ чиперлĕх,
Илемлĕ, ырă ăраскал!..
Хуçасене ыр каç сунма та
Ун чух çитмерĕ ман вăй-хал.
Халь, тĕкĕрсем çине пăхсассăн,
Тем курăнать пек ман тĕле.
Мĕскер-ши вăл? Анчах пĕр мар-и:
Е пулĕ хурлăх, е телей!
1952
Вула Чăвашла 