Сенкер май

Сергей Есенин


Сенкер май. Çутă шуçăм ăшши.
Сас памасть кил хапхи — калăн, çĕмрĕк.
Сывлăшра — йÿçĕ эрĕм шăрши.
Ыйăхра — шурă шупăрлă çĕмĕрт.
Урмăш уйăх кăвак кантăкран
Тирĕнсе шăтăкла каркăç витĕр
ÿкерет урайне аякран
Эрешсем — тĕлĕнтермĕшсем питĕ.
Сад шур кăпăк пек кăпăш, кăтра.
Ун çинче тăп тăрать кĕмĕл уйăх.

 

Г. Ефимов куçарнă

Шăнкăрч килни

Александр Савельев-Сас — сăвăçă, çыравçă, вĕрентÿçĕ. Çтерлĕ патшалăх педагогика институтĕнче пĕлӳ илнĕ. Тăван ялĕнче шкулта, район хаçатĕнче ĕçленĕ. Унăн чылай хайлавĕ хаçат-журналсенче пичетленнĕ, ултă кĕнеки тухнă… Тĕплĕнрех→


Кам, тетĕп, вичкĕн шăхăрать
Тулта вĕçĕмсĕрех.
Тен, хамăн тусăм йыхăрать
Мана ирпе ирех?
Васкарăм. Тухрăм урама.

Малаллине вулас

Курак

Георгий Орлов


Кайăксен ячĕпе календарь тăвас пулсан марта эпĕ курак уйăхĕ тейĕттĕм. Ним иккĕленмесĕр. Пирĕн таврана, Чăваш Ене, вăл шăп та лăп пуш уйăхĕн варринче таврăнать-çке. Кăнтăрта хĕл каçакан вĕçен кайăксенчен пуринчен малтан çитет, çуркунне хыпарçи лек. Килет те хăйĕн мăнă сассипе пĕтĕм яла вăратать.

Вăл вăхăтра хĕл йăтма тытăнни курăнсах каймасть-ха: урамри çул та хура мар, хĕвел питтинчи тÿпем-сĕвек те тарласа пăсланмасть. Ирпе-каçпа тата самаях сивĕ.Малаллине вулас

Çуркунне

Куçма Турхан


Çуркунне…

Таврара пур çĕрте те юр выртать-ха. Анчах вăл йăшнă ĕнтĕ, хĕвел питтинче ура йĕпенмелĕх сĕлкĕшленнĕ. Тÿпене кăн-кăвак теме çук. Типме тухса çакнă кĕпе пек, унта та кунта кăтрашка пĕлĕтсем çакăнса тăраççĕ. Çапах та тÿпе кунсеренех тăрăлса, тасалса пырать.Малаллине вулас

Çуркунне пуçланать

Н. Прокопьев


Васкавлăн çитрĕ чи малтан
Курак разведчик кăнтăртан.
Хĕл Мучие вăл пур вăйран
Тытса силлерĕ сухалтан.
Мăнаçлăн ларчĕ çул çине,
Тем тăршшĕ сарчĕ çунатне.
Пĕр шит пек карчĕ çăварне:
«Пуçланчĕ, — терĕ, — çуркунне».

Çуркунне

Гурий Комиссаров

Эпĕ анчах вăраннă;
Куçа уçса пăхрăм та,
Ман чун савăнсах кайрĕ:
Епле лайăх-çке тулта!

Çÿлтен, кăвак пĕлет çинчен
Çап-çутă хĕвел пăхать;
Ăшă парса, савăнса,
Йăл-йăл кулса нĕр тăрать.Малаллине вулас