Геннадий Айхи: Левитан

Геннадий Айхи — … Тĕплĕнрех→

---

Левитан

Эп, ун кашни ÿкерчĕкне курса,
Хама ялан ачалăхра туятăп.
Пăхатăп та хама манса тăнлатăп
Çил вăрманта вăратакан сасса.
Çапла малтан хăй чĕркуççи çинче
Пире тĕлĕнтерет пуль çут тĕнче.

1950

↓ ↓ ↓

Малаллийĕ пĕлтерÿ хыççăн

Эпир пĕр-пĕр патшалăх тытса тăракан учреждени мар.

Тектсене ирĕклĕн тишкерсе хаклатпăр. Произведенисене сĕрĕмлĕх, сутлăх е пропаганда тĕллевĕпе мар – шырав, цитатăлу тунă чухне çăмăллăх кÿрессишĕн вырнаçтаратпăр.

Пирĕн çинчен

– VulaCv, Вула чăвашла редакцийĕ

Сайта кĕртнĕ çĕнĕ текстсем:

• Турă Амăшне Ырă Хыпар Каланă Кун Вĕрентсе Калани25/03/2023
• Христос Туррăмăра Чиркĕве Илсе Пынă Кун Вĕрентсе Калани06/02/2023
• Стихван Шавли: Вĕçкĕн Ваççа06/10/2022

↓ ↓ ↓

Малаллийĕ

Геннадий Айхи: Эсĕ – пур

Геннадий Айхи — … Тĕплĕнрех→

---

Эсĕ – пур

«Эсĕ пур» теекен шухăшпа
Йăпанатăп,— эс сассăр чухне.

Геннадий Айхи: Вунсаккăра ярса пусатпăр

Геннадий Айхи — … Тĕплĕнрех→

---

Вунсаккăра ярса пусатпăр,—
Кунçул — шăвать хăй юххипе,
Çитет,— чĕре пĕр харăс таптăр
Васкавлă пурнăç таппипе,
Кашни таппи мала васкаттăр,
Мала — кунçулăн тăршшипе!

Геннадий Айхи ][ Туслăх çулĕ тумхахлă…

В. А.
Туслăх çулĕ тумхахлă пулсассăн,
Чун та пулĕ — татах та хĕрÿ.
Адресу сан ыран улшăнсассăн,
Улшăнма пултараймĕ — чĕрÿ.
1950

Геннадий Айхи ][ Паллах, халь Шупашкар çаплах шавлать…

Паллах, халь Шупашкар çаплах шавлать,
Çаплах ялтраççĕ Атăл хумĕсем.
Урамсенче çĕршер хунар çунать,
Çуртсем çине ÿкеççĕ шевлисем.
Ăçта эсир, телей сунан кунсем,
Мĕскершĕн вăрататăр чĕрене?
Ăçта эсир?.. Халь манăн шухăшсем
Пурте вĕçеççĕ Шупашкар енне…
1948

Геннадий Айхи: Каç

Каç

Нÿрлĕ çил, Пăларан çĕкленсе,

Ак часах садсене кĕмелле.

Хĕвелçаврăнăшсем, тĕлĕнсе,

Çаврăнаççĕ халь ГЭС еннелле…

1951

Геннадий Айхи: Тĕкĕр

Верăна

Эп кĕнĕ чух тăраттăн эсĕ
Тăр шыв пек тĕкĕр умĕнче.
Эп сан куçусене тĕл пултăм
Малтан çав тĕкĕр хумĕнче.
Таса та ирĕклĕ чиперлĕх,
Илемлĕ, ырă ăраскал!..
Хуçасене ыр каç сунма та
Ун чух çитмерĕ ман вăй-хал.
Халь, тĕкĕрсем çине пăхсассăн,
Тем курăнать пек ман тĕле.
Мĕскер-ши вăл? Анчах пĕр мар-и:
Е пулĕ хурлăх, е телей!
1952