Гаврил Кореньков
Ĕлĕк мана та чунтан юрататтăн,
Пĕр шикленмесĕр пăхаттăн куçран.
Ху ман çумма кĕнчелене лараттăн.
Ним пытармасттăн манран.
Ним ютшăнмасттăн, тармасттăн манран.
1914
Тег: Гаврил Кореньков
Гаврил Кореньков: Юрă
Гаврил Кореньков
Юрă
Пырса кĕтĕм çуркунне
Çамрăк çĕмĕрт вăрманне,-
Пурте чечек çураççĕ;
Икĕ çĕмĕрт хăраççĕ.
Мĕншĕн вĕсем çуралман,
Мĕншĕн вĕсем хăраççĕ?
Ватă çĕмĕрт уссăртан
Икĕ çамрăк хăраççĕ.
Гаврил Кореньков: Юман юрри
Гаврил Кореньков: Тăлăх арăм
Тăлăх арăм
Унăн мĕнпур шанчăкĕ
Пусри тырă çинчеччĕ.
Анчах ани татăкĕ
Ытла-ытла кĕскелчĕ.
Ансăрне те ансăр вăл,
Хыттине те хытă вăл.
Акнă тырă ÿсмерĕ.
Пÿлми тĕпне кĕмерĕ.
Гаврил Кореньков: Хурăн юрри
Гаврил Кореньков
Хурăн юрри
К. асăнса
Эпир иккĕн пĕр тĕпрен шăтса тухнă туратсен хуллисем пек пултăмăр, Пĕчиккĕ чух пĕр-пĕрне ытла та пит хавасчĕ эпир: пĕр-пĕрин çумне тĕршĕнеттĕмĕр, çулçăсемпе çапкаланаттăмăр.
Кайран-кайран иксĕмĕр те пĕр-пĕринчен сирĕле пуçларăмăр: эс те ÿсен – ак аяккалла каян, эп те ÿсеп – тепĕр еннелле каяп; тепĕр енне каймасан та юрамасчĕ манăн – эс таран. Эпĕ пĕр шит сан еннелле тăсăлсан, эсĕ икĕ шит, пушшех аякка таран манран.
Гаврил Кореньков: Хăрушă çумăр
Гаврил Кореньков
Хăрушă çумăр
Макăр, макар, çанталăк:
Макăрмалли вăхăт халь!
Ÿкрĕ-ÿкрĕ куççуль-тăк,
Савăнмалли сахал халь!
Гаврил Кореньков: Савăн
Гаврил Кореньков
Савăн
Савăн,
Сурпансене хывтарса,
Чăваш майра тăвакан;
Учителе пăрахса
Ваккатланса пурнакан!
Савăн,
Кĕлентĕрсем тайтарса
Эрех-сăра сутакан,
Тутарсене пуçтарса
Маткуннĕпе пуякан!
