Маккавейсен Пĕрремĕш Кĕнеки

Маккавейсен Пĕрремĕш Кĕнеки

1

(1) Филипп ывăлĕ Александр — Македони çынни, Киттим çĕрĕнчен тухнăскер, унчченех Эллада патши пулнăскер — Персипе Миди патшине Дарие çĕнтернĕ те ун вырăнне патшана ларнă; унччен маларах ăна Эллада патшине те лартнă пулнă;

(2) пайтах вăрçă кăларнă вăл, çирĕплетсе тĕреклĕлетнĕ вырăнсене чылайăшне яра-яра илнĕ, çав çĕрсен патшисене вĕлернĕ.

(3) Çĕрĕн вĕçĕ-хĕррине çитсе нумай-нумай халăхăн пурлăхне туртса илнĕ; ун умĕнче пĕтĕм тĕнче шăп пулнă, хăй ĕнтĕ çĕкленсе кайса чапа тухнă, чĕри мăнаçланнă.Read More »

Варух Пророк Кĕнеки

Варух Пророк Кĕнеки

1

(1) Çак кĕнеке сăмахĕсене Варух çырнă, вăл Нирия ывăлĕ пулнă, Нирия вара — Маасей ывăлĕ, Маасей — Седекия ывăлĕ, Седекия — Асадий ывăлĕ, Асадий — Хелкия ывăлĕ; Варух çакна Вавилонра,

(2) Иерусалим хулине халдейсем ярса илсе вутпа çунтарса янă хыççăн пиллĕкĕмĕш çулхине, пĕрремĕш уйăхăн çиччĕмĕш кунĕнче, çырнă.

(3) Варух çак кĕнекери сăмахсене Иехонияна — Иоаким ывăлне, Иудея патшине — тата кĕнеке вуланине итлеме пынă мĕнпур халăха,Read More »

Franc Kavčič. Артаксес умĕнче Эсфирь

Эсфирь кĕнеки

ЭСФИРЬ КĔНЕКИ

[ Ἐσθὴρ  Esther  אֶסְתֵּר ]

1

[Аслă Артаксеркс иккĕмĕш çул патшара ларнă чухне, нисан уйăхĕн пĕрремĕш кунĕнче, Мардохей — Сузă хулинче пурăнакан иудей, чаплă çын, патша керменĕ таврашĕнче ĕçлесе тăраканскер — тĕлĕк курнă. Мардохей вăл Вениамин йăхĕнчен тухнă, ун ашшĕ Иаир, Иаир ашшĕ — Семей, Семей ашшĕ Кис пулнă.Read More »

Jăhutti Onofern puşne kasat'

Иудифь кĕнеки

ИУДИФЬ КĔНЕКИ (יהודית Йăхутьыт)

Ку кĕнекене грекларан куçарнă пулнă


1

(1) Навуходоносор патшана ларни вуниккĕмĕш çул çине кайсассăн, вăл Ассири халăхне тытса тăрса аслă Ниневи хулинче патшара ларнă чухне, — ку вăл Миди халăхне тытса тăрса Екбатан хулинче патшара ларакан Арфаксад вăхăтĕнче пулнă;Read More »

Ездрăн Иккĕмĕш Кĕнеки

Ездрăн Иккĕмĕш Кĕнеки

1

(1) Пĕрремĕш уйăхăн вунтăваттăмĕш кунĕнче Иосия Иерусалимра Çÿлхуçа ячĕпе пасха ирттернĕ, пасха путекĕ пуснă,

(2) кĕлĕ тумĕ тăхăннă священниксене Çÿлхуçа Çуртĕнче хăйсен вырăнне тăратса тухнă.

(3) Иосия Левитсене, Израиль халăхĕшĕн ĕçлесе тăракансене, каланă: Давид ывăлĕ Соломон туса лартнă Çурта Çÿлхуçанăн таса арчине лартмашкăн хăвăра Çÿлхуçа умĕнче тасалăх тивлечĕ кÿрĕр.

(4) Малашне сирĕн ăна хулпуççи çине лартса çĕклемелле пулмĕ; халĕ Çÿлхуçа Туррăршăн ĕçлесе тăрăр, Унăн Израиль халăхĕшĕн тăрăшăр, Израиль патши Давид хушнă пек, унăн ывăлĕ Соломон вĕрентсе хăварнă пек, йăхăнйăхăн, ăрăвăнăрăвăн илемлĕн пайланса йĕркеленĕр,

(5) сăваплă вырăнта хăвăр тăванăрсем умне, Израиль ывăлĕсем умне, Левитсен ăрăвĕсемтăхăмĕсем тăрăх ушкăнăнуш кăнăн тăрса тухăр,

(6) вара йĕрке тăрăх пасха путекĕ пусăр, хăвăр тăванăрсем валли парнесем хатĕрлĕр, Çÿлхуçа Моисее панă ÿкĕте пурăнăçа килтерсе пасха ирттерĕр, тенĕ.

(7) Иосия çавăнта пуçтарăннă халăха пасха парни кÿме вăтăр пин путекпе качака таки, виçĕ пин пăру панă; патша çапла тума сăмах панипе, çав парнелĕх выльăха ĕнтĕ халăха, священниксемпе Левитсене унăн кĕтĕвĕсенчен илсе килсе панă.

(8) Турă Çурчĕшĕн яваплă Хелкияпа Захария та, Иеиил та пасха ячĕпе парне кÿме священниксене икĕ пин те ултçĕр пуç сурăх тата виççĕр пуç вăкăр панă.

(9) Пинпÿсем Иехония, Самей, ун тăванĕ Нафаниил, Асавия, Охиил, Иорам Левитсене пасха парнилĕх пилĕк пин пуç сурăх тата çичçĕр вăкăр панă.

(10) Çак ĕç пынă вăхăтра илемлĕ, чаплă тумтир тăхăннă, хăйсен ăрăвĕсемтăхăмĕсем тăрăх тăрса тухнă священниксемпе Левитсем,

(11) Моисей кĕнекинче çырса кăтартнă пек, Çÿлхуçана парне кÿмешкĕн халăх умĕнче тутлăлла çăкăрсем тытса тăнă. Ку вăл ирхи вăхăтра пулнă.

(12) Пасха путекне, йĕрке хушнă пек, вутçулăм çинче пĕçернĕ, парнесене пăхăр савăтсемпе хурансенче ырă шăршăллă курăксем ярса пĕçернĕ те пĕтĕм халăха валеçсе панă.

(13) Çавăн хыççăн вара хăйсем валли тата священниксем валли, хăйсен тăванĕсем Аарон ывăлĕсем валли, хатĕрленĕ.

(14) Священниксем ĕнтĕ мĕн тĕттĕм пуличченех парне çăвĕ кÿнĕ, çавăнпа Левитсем хăйсем валли те, хăйсен тăванĕсем Аарон ывăлĕсем валли те пĕçерсе хатĕрленĕ.

(15) Турă Çуртĕнче юрлакансем, Асаф ывăлĕсем, — Давид, Асаф, Захария, Еддинус вĕрентнĕ пек — хăйсен вырăнĕнчех тăнă.

(16) Кашни хапха патĕнче тăракан хуралçăсен те хăйсен черетне пăрахса кайма юраман: вĕсем валли хăйсен тăванĕсем, Левитсем, пĕçерсе хатĕрленĕ.

(17) – (18) Иосия патша хушнипе çав кун пасха ирттернĕ чухне Çÿлхуçана мĕнле парне кÿмеллине, Çÿлхуçанăн парне вырăнĕ çинче пĕтĕмĕшпе çунтарса парне кÿмеллине пĕтĕмпе пурăнăçа килтернĕ.

(19) Çав вăхăтра унта пулнă Израиль ывăлĕсем вара пасхăпа тутлăлла çăкăр уявне çичĕ кун хушши уявланă.

(20) Çакăн пек пасха Израильре Самуил пророк вăхăтĕнче пулнăранпа та пулман.

(21) Израилĕн пĕр патши те Иосия, священниксем, Левитсем, иудейсем тата çав вăхăтра Иерусалимра пурăннă Израильсем ирттернĕ пек пасха ирттерсе курман.

(22) Çак пасхăна Иосия вунсаккăрмĕш çул патшара ларнă чухне ирттернĕ.

(23) Иосия хăйĕн ĕçĕсене Çÿлхуçа умĕнче чунчĕререн, тÿрĕ кăмăлпа туса тăнă.

(24) Ун вăхăтĕнче мĕн пулса иртнине унчченхи çулсеренхи кĕнекесенче çырса кăтартнă: Израиль халăхĕ кирек хăш халăхран та, кирек хăш патшалăхран та ытларах çылăха кĕрсе Çÿлхуçана хирĕçле усал ĕçсем туни çинчен, пĕлсе тăрсах Çÿлхуçана хурлани çинчен, Унăн сăмахĕсем Израиле мĕншĕн хирĕçле пулни çинчен çырса кăтартнă.

(25) Иосия тунă çав ĕçсем хыççăн акă мĕн пулса иртнĕ: фараон, Египет патши, Евфрат шывĕ хĕрринчи Каркамис хулине вăрçăпа кайнă, Иосия ĕнтĕ ăна хирĕç тухнă.

(26) Египет патши ун патне çапла калама элчĕсем янă: Иудея патши, сана та, мана та мĕн халь?

(27) Сана хирĕç яман мана Çÿлхуçа Турă: эпĕ Евфрат çинче вăрçă вăрçатăп, халĕ Çÿлхуçа — манпа пĕрле, Çÿлхуçа мана хистет; пăрăн, Çÿлхуçана ан хирĕçле, тенĕ.

(28) Анчах Иосия хăйĕн çар урапи çине таврăнман, Иеремия пророк урлă каланă Çÿлхуçа сăмахне тăнламасăр, фараонпа çапăçмах шут тытнă.

(29) Вара Мегиддо хирĕнче унпа çапăçăва кĕнĕ. Иосия патша патне пуçлăхра тăракансем пуçтарăнса пынă.

(30) Патша хăйĕн тарçисене каланă: илсе тухăр мана çапăçу хирĕнчен — эпĕ халтан кайрăм, тенĕ. Тарçисем ăна çавăнтах ĕретрен илсе тухнă.

(31) Вара вăл хăйĕн иккĕмĕш çар урапи çине куçса ларнă, Иерусалима таврăнсанах вилнĕ, ăна ашшĕсенĕн тупăк I лăхне пытарнă.

(32) Иосияшăн пĕтĕм Иудея хурланса йĕнĕ, уншăн Иеремия пророк та макăрнă, пуçлăхсемпе вĕсен арăмĕсем уншăн хÿхленĕ, çав хÿхлев юррисем паян кунчченех сыхланса юлнă, вĕсене Израиль йăхне яланлăха парса хăварнă.

(33) Çакна тата Иосия мĕнмĕн туса хăварни çинчен те, унăн чапĕ çинчен те, вăл Çÿлхуçа саккунне епле пĕлни çинчен те Иудея патшисенĕн çулсеренхи кĕнекинче çырса хăварнă; унăн малтанхи ĕçĕсене тата халĕ асăннă ĕçĕсене Израильпе Иудея патшисенĕн кĕнекинче çырса кăтартнă.

(34) Халăх вара Иосия ывăлне Иехонияна [Иоахаза] ашшĕ вырăнне патшана лартнă, Иехония çавăн чухне çирĕм виççĕре пулнă.

(35) Вăл Иудейăпа Иерусалимра виçĕ уйăх хушши патшара ларнă; вăл Иерусалимра текех патшара ан лартăр тесе, Египет фараонĕ ăна патшаран сирпĕтнĕ.

(36) Халăх çине хырçă — çĕр талант кĕмĕл, пĕр талант ылтăн — хунă.

(37) Египет патши ĕнтĕ унăн тăванне Иоакима Иудейăпа Иерусалим патшине лартнă.

(38) Аслă улпутсене сăнчăрланă, унăн тăванне Заракина вара Египета янă.

(39) Иудейăпа Иерусалим патшине ларнă чухне Иоаким çирĕм пиллĕкре пулнă, Çÿлхуçа умĕнче вăл усал ĕçсем тунă.

(40) Вавилон патши Навуходоносор ăна хирĕç тухнă, ăна пăхăр сăнчăрпа сăнчăрласа, Вавилона илсе кайнă.

(41) Çÿлхуçа Çуртĕнчи хăшпĕр таса савăтсене Навуходоносор Вавилона илсе кайса хăйсен туррин çуртне вырăнаçтарса лартнă.

(42) Иоаким ĕçĕсем çинчен, вăл епле асăхса, йĕркесĕр пурăнни çинчен патшасенĕн çулсеренхи кĕнекинче çырса кăтартнă.

(43) Ун вырăнне патшана унăн ывăлĕ Иоаким ларнă; патшана лартнă чухне вăл вунсаккăрта пулнă.

(44) Иерусалимра вăл виçĕ уйăх та вунă кун хушши патшара ларнă, Çÿлхуçа умĕнче вăл усал ĕçсем тунă.

(45) Тепĕр çултан Навуходоносор ун патне çынсем янă та ăна Çÿлхуçанăн таса савăчĕсемпе пĕрле Вавилона илсе пыр тарнă,

(46) Иудейăпа Иерусалим патшине çирĕм пĕр çулхи Седекияна лартнă. Вăл вунпĕр çул патшара ларнă.

(47) Вăл та Çÿлхуçа умĕнче усал ĕçсем тунă, Çÿлхуçа Иеремия пророк урлă каланă сăмахсене тăнламан.

(48) Вăл, Навуходоносор патшана Çÿлхуçа ячĕпе тупа тунăскер, çав тупана пăснă, унран хăпнă, куштанланса, чĕрине хаярлатса ярса, Çÿлхуçанăн, Израиль Туррийĕн, саккунĕсене пăхăнма пăрахнă.

(49) Çавăн пекех халăх пуçлăхĕсем те, священниксен пуçлăхĕсем те, хăйсен тасамарлăхĕпе пур суя тĕнлĕ халăхсенчен те ирттерсе, ытла усалланса пурăннă, Иерусалимри тасалăх тивлечĕ кÿнĕ Çÿлхуçа Çуртне ирсĕрлетнĕ.

(50) Ашшĕсенĕн Турри, вĕсене Хăй енне çаврăнма чĕнсе, вĕсем патне Хăйĕн хыпарçисене ярсах тăнă, мĕншĕн тесессĕн Вăл вĕсене тата Хăйĕн Çуртне хĕрхеннĕ;

(51) анчах вĕсем Унăн хыпарçисенчен кулнă çеç, шăпах Çÿлхуçа каланă кунхине вĕсем Унăн пророкĕсенчен мăшкăлласа кулнă,

(52) вара Вăл, Хăйĕн халăхне йĕркерен тухса пурăнн,^шăн çилленсе çитсе, Халдея патшисеь вĕсене хирĕç тухма хушнă.

(53) Халдейсе: вара вĕсен яш ачисене хăйсенĕн сăвапл Çурчĕ çумĕнчех хĕçпе чиксе пăрахнă, яго ачана та, хĕре те, ваттине те, çамрăккине те хĕрхенмен — пурне те çавсен аллине ÿкернĕ.

(54) Çÿлхуçа Çуртĕнчи мĕнпур сăваплă савăта — пысăккине те, пĕчĕккине те — патшан мулнепурлăхне пĕтĕмпех Вавилона илсе кайнă.

(55) Çÿлхуçа Çуртне çунтарса янă, Иерусалим хÿмисене аркатнă, ун пашнисене вут тивертсе çунтарнă,

(56) хулан чаплă илемĕнчен ĕнтĕ нимĕн те юлман; хĕç тĕлне лекменнисене Вавилона илсе кайнă.

(57) – (58) Вара вĕсем перссем хуçа пулса тăричченех, Çÿлхуçанăн Иеремия урлă çĕрĕн шăмат çулĕсем çинчен каланă сăмахĕсем тÿрре киличченех, Халдея патшин тата ун ывăлĕсенĕн чурисем пулса пурăннă; хăйĕн шăмат çулĕсене уявлама пăрахнă çĕр вара çав юхăнăç вăхăтĕнче çитмĕл çул канса выртнă.

2

(1) Перси патши Кир пĕрремĕш çул патшара ларнă чухне, Иеремия урлă каланă Çÿлхуçа сăмахне пурăнăçа килтерсе,

(2) Çÿлхуçа Кирăн, Перси патшийĕн, чун хавалне хускатса янă та, вăл вара пĕтĕм патшалăхĕ тăрăх сăмах вĕççĕн те, çырупа та çапла пĕлтернĕ:

(3) Кир, Перси патши, çапла калать: Израиль Çÿлхуçи, Çÿлти Турă мана тĕнче патшине лартрĕ,

(4) мана Иудея çĕрĕнчи Иерусалим хулинче Хăйне валли Çурт лартма хушрĕ.

(5) Çапла ĕнтĕ, сирĕн хушшăрта Ун халăхĕн çыннисем пулсассăн,— ĕнтĕ хăйсен Çÿлхуçи вĕсемпе пĕрле пултăр! — Иудейăри Иерусалим хулине Израиль Çÿлхуçин Çуртне лартма кайччăр. Вăл — Иерусалимра пурăнакан Турă.

(6) Вĕсем ăçта, мĕн чухлĕ пурăннине пăхмасăр, çав вырăнти çынсем вĕсене ылтăнпа кĕмĕл,

(7) лашасем, выльăхчĕрлĕх паччăр, Иерусалимри Турă Çурчĕ валли мĕн пама пулнине парса пулăшчăр, тенĕ.

(8) Çÿлхуçа çынсен чун хавалне Иерусалима таврăнма, унти Çÿлхуçа Çуртне çĕнĕрен лартма хускатса янă та, вара çав çынсем — Иудăпа Вениамин ăрăвĕсен пуçлăхĕсем, священниксемпе Левитсем, ĕнтĕ камăн кăмăлĕ çаврăннă, çавсем пурте — кар çĕкленнĕ;

(9) кÿршĕллĕ пурăнакансем вĕсене мĕн пуррипе пулăшнă: ылтăнкĕмĕл те, лашасемпе выльăхчĕрлĕх те панă, нумайăшĕ тата, хаВаллă кăмăлпа Турă Çурчĕ валли парне хывма пулса, темĕн чухлĕ парне панă.

(10) Кир патша та ĕнтĕ Çÿлхуçанăн таса савăчĕсене — Навуходоносор Иерусалимран куçарса кайса хăй туррин çуртне хунă савăтсене — илсе тухнă.

(11) Илсе тухсанах Кир, Перси патши, вĕсене хăйĕн мул управçине Мифридата панă,

(12) ун урлă вĕсене Иудея аслă улпутне Саманассара панă.

(13) Акă мĕн чухлĕ савăт пулнă: çу ямалли ылтăн савăт — пин, çу ямалли кĕмĕл савăт — пин, кĕмĕл тĕтĕркĕч — тăххăр, ылтăн курка — вăтăр, кĕмĕл курка — икĕ пин те тăватçĕр вуннă, ытти савăт — пин.

(14) Пĕтĕмпе пилĕк пин те тăхăрçĕр утмăл тăхăр ылтăн тата кĕмĕл савăт илсе килнĕ пулнă.

(15) Вĕсене Саманассар тата унпа пĕрле Вавилон тыткăнĕнчен таврăнакансем илсе килнĕ.

(16) Перси патшинче Артаксеркс ларнă вăхăтра Вилем, Мифридат, Тавеллий, Рафим, Веелтефм, Самеллий çыруçă тата вĕсемпе пĕр шухăшлă çынсем, Самарире тата ытти вырăнта пурăннăскерсем, патша патне çакăн пек çыру çырнă:

(17) «Артаксеркс патшана, хуçамăра — санăн чурусем: пулнииртнине çырса пыракан Рафимпа Самеллий çыруçă, вĕсен канашĕнчи ытти çынсем, КелеСирипе Финикийăра тăракан тÿресем.

(18) Патша хуçамăр паянтан пĕлсе тăтăрччĕ: сирĕн патăртан пирĕн пата тухса килнĕ иудейсем Иерусалима, çак çылăхлă та ултавлă хулана, çитсессĕн унти урам тăваткăлĕсене тирпейлеме тытăнчĕç, хÿмине хăпартаççĕ, Турă Çурчĕн никĕсне хываççĕ.

(19) Çапла ĕнтĕ, çак хулана туса лартсассăн, унăн хÿмине çĕнетсе тухсассăн, вĕсем хырçă тÿлеме те килĕшмĕç, ун пек çеç марха, патшасене те хирĕç тăрĕç.

(20) Ĕнтĕ Турă Çуртне тума тытăнчĕç те, эпир çакăн çинчен шарламасăр тăрар мар терĕмĕр,

(21) патша хуçамăра тата çакна та пĕлтересшĕн: эсĕ аçусенĕн кĕнекисене пăхса илме кăмăл тумăнши?

(22) Çулсеренхи кĕнекере эсĕ çавăн çинчен çырнине тупăн та çак хула сутăнчăк хула, патшасемпе хуласене пăлхатса тăнă хула пулнине,

(23) иудейсем вара унта яланах кавар тăвакан çылăхлă çынсем пулнине, çак хулана шăпах çавăнпа аркатнине вуласа пĕлĕн.

(24) Халĕ патша хуçамăра çакна пĕлтеретпĕр: çак хулана туса пĕтерсессĕн, ун хÿмисене юсаса çавăрăнсассăн, санăн КелеСирипе Финикийăна çÿреме çул пулмĕ».

(25) Патша вара пулнииртнине çырса пыракана Рафима, Веелтефма, Самеллий çыруçăна тата вĕсемпе пĕр шухăшлă çынсене — Самарире, Сирире, Финикийăра пурăнакансене — çапла хуравласа çырса янă:

(26) «ман патăма янă сирĕн çырăва вуласа тухрăм та тĕрĕслеме хушрăм; вара I çакă паллă пулчĕ: ку хула авалтанпах патшасене хирĕç тăрать,

(27) çыннисем те кусем унта пăлхавпа вăрçă çĕклесех тăраççĕ, Иерусалимра вăйлă та хăватлă патшасем те пулнă, вĕсем КелеСирие, Финикийăна хăйсен аллинче тытса тăнă, вĕсенчен хырçă пуçтарнă.

(28) – (29) Патшасене ан канăçлантарччăр тесе, урăх нимĕн те ан туччăр, вĕсен усал шухăшлă ĕçĕтĕллевĕ ăнăçуллă ан пултăр тесе, халĕ эпĕ çав хулана юсакансене чарса лартма, вĕсене сăнасах тăма хушрăм».

(30) Артаксеркс патшаран илнĕ çырăва вуласа тухсассăн, Рафимпа Самеллий çыруçă тата вĕсемпе пĕр шухăшлисем утлă çарпа, халăх çарĕпе васкасах Иерусалима тухса кайнă та

(31) хула тăвакансене чарса лартнă. Вара Иерусалимра Турă Çуртне тăвасси Перси патшине Дарий ларичченех чарăнса тăнă, çак ĕç Дарий иккĕмĕш çул патшара ларнă чухне çеç çĕнĕрен хускалнă.

3

(1) Дарий патша хăйне пăхăнса тăракансемпе килĕнчи çыннисене, Мидипе Персин мĕнпур аслă улпутне,

(2) хăйне Индирен пуçласа Эфиопи таран пăхăнса тăракан çĕршывсен çĕр çирĕм çичĕ çĕрĕн пĕтĕм аслă пуçлăхне, çарпуçсене, тÿришарине пысăк ĕçкĕ туса панă.

(3) Ĕçсеçисе тăрансан, пурте саланнă; Дарий патша вара хăйĕн çывăрмалли пÿлĕмне кайнă, çывăрнă, унтан вăраннă.

(4) Çав хушăра çывăракан патшана хуралласа тăнă сыхлавçăсем, виçĕ çамрăк, пĕрпĕрне çапла каланă:

(5) пирĕнтен кашнийĕ тĕнчере пуринчен те вăйли çинчен пĕр сăмахпа калатăр. Хăшĕн сăмахĕ ыттинчен ăслăрах пулать, çавна Дарий патша пысăк парне парĕ, чыс тăвĕ.

(6) Çавă вара хĕрхĕлтĕм тум тăхăнса çÿрĕ, ылтăн савăтран ĕçĕ, ылтăн çинче çывăрĕ, ылтăн йĕвенлĕ урхамах кÿлнĕ çар урапипе тухса çÿрĕ, пуçне виссон хăю çыхĕ, мăйне чаплă мăя çакĕ,

(7) пысăк ăсне кура Дарипе юнашар ларĕ, ăна Дарий хурăнташĕ теме тытăнĕç, тенĕ.

(8) Çавăнтах кашнийĕ хăйĕн сăмахне çырса, пичет пусса çыпăçтарнă та ăна Дарий патша пуç вĕçне хурса каланă:

(9) патша вăрансан, ăна эпир çырнине парĕç; патшапа Персин виçĕ аслă улпучĕ, мĕн çырнине тишкерсе, хăшĕн сăмахне ăслăрах тесе йышăнĕç, çавна мала хурĕç, тенĕ.

(10) Пĕри çапла çырнă: пуринчен те вăйли эрех, тенĕ.

(11) Тепĕри çырнă: патша вăйлăрах, тенĕ.

(12) Виççĕмĕшĕ çырнă: хĕрарăмсем вăйлăрах, анчах пурне те чăнлăх çĕнтерет, тенĕ.

(13) Акă патша вăраннă та, ăна çак çырусене панă, вăл вуласа тухнă.

(14) Вара Персипе Мидин пур аслă улпутне, пысăк ирĕклĕ пуçлăхсемпе çарпуçсене, çĕрсен пуçлăхĕсемпе канашçăсене чĕнсе илнĕ,

(15) ĕнтĕ канаш тумалли пÿлĕме ларнă та мĕн çырнине вĕсем умĕнче вуласа панă.

(16) Патша каланă: чĕнсе кĕртĕр çав яш ачасене, хăйсен сăмахĕсене ăнлантарса паччăр, тенĕ. Чĕнсе илнĕ, лешĕсем вĕсем патне кĕнĕ.

(17) Патша вĕсене каланă: пире хăвăр çырнине ăнлантарса парăр, тенĕ. Малтанхи, эрех вăйĕ çинчен çырнăскерĕ, кала пуçланă, вăл çапла каланă:

(18) эй арсем! Еплерех те вăйлă вăл, эрех! Вăл хăйне ĕçекен мĕнпур çынна ăсран кăларать;

(19) вăл патшапа тăлăхтурат ăсне те, чурапа ирĕклĕ çын ăсне те, пуянпа чухăн ăсне те пĕр пек тăвать;

(20) кирек мĕнле ăса та хĕпĕртÿпе савăнăçа çавăрать, çын вара нимĕнле хуйăха та, нимĕнле тивĕçе те астумасть,

(21) пур чĕрене те пуян туса ярать вăл, вара никам та патша çинчен те, пуçлăх çинчен те шухăшламасть; кирек кама та вăл хăйĕн пултарулăхĕ çинчен калаçма хистет.

(22) Ÿсĕрĕлсессĕн çынсем тусне те, тăванне те манаççĕ, кĕçех хĕçне туртса кăлараççĕ,

(23) урăлса çитсессĕн, мĕн тунине те астумаççĕ.

(24) Эй арсем! эрех çапла тутарма пултарать пулсассăн, вăл пуринчен те вăйлă мари вара? тенĕ. Яш ача çапла каланă та — шăпланнă.

4

(1) Иккĕмĕшĕ, патша вăйĕ çинчен çырнăскерĕ, кала пуçланă:

(2) эй арсем! вăйлă мариха çĕрпе тинĕсе тата унта мĕн пуррине тытса тăракан çынсем?

(3) Анчах патша вĕсене çĕнтерет, вĕсенĕн хуçи пулса тăрать, вĕсене хушса тăрать, вăл мĕн каласассăн та, пурте ăна пăхăнаççĕ.

(4) Пĕрпĕрне хирĕç тапăнса тухма кала сассăн та, çавна тăваççĕ вĕсем; вĕсене тăшмансене хирĕç ярать пулсассăн, вĕсем каяççĕ, тусене, хÿмесене, пашнесене аркатаççĕ,

(5) вĕлереççĕ, хăйсем те вилеççĕ, анчах патша сăмахĕнчен иртмеççĕ; çĕнтерес пулсассăн, туртса илнĕ тупăша та, ыттине те пĕтĕмпех патшана килсе параççĕ.

(6) Вăрçа çÿременнисем, çапăçманнисем çĕр ĕçлеççĕ, акнă хыççăн пуçтарса илнине каллех патшана кÿрсе параççĕ,

(7) пĕри тепĕрне хистехисте патшана хырçă парса тăраççĕ.

(8) Вăл пĕртенпĕрре, вăл вĕлерме каласан — вĕлереççĕ, ирĕке яма каласан — ирĕке яраççĕ; хĕнеме каласан — хĕнеççĕ;

(9) тустарма каланă — тустараççĕ; туса лартма каланă — туса лартаççĕ; касса тăкма каланă — касаççĕ; çĕнĕрен лартма каланă — лартаççĕ;

(10) унăн пĕтĕм халăхĕ, çарĕ ăна пăхăнать. Кунсăр пуçне вăл кĕрекере ларать, ĕçсе çиет, выртса çывăрать,

(11) çынсем ун тавра сыхласа тăраççĕ, никам та пăрахса кайса хăйĕн ĕçне тума пултараймасть, ăна итлемесĕр тăраймасть.

(12) Эй арсем! Ăна çапла пăхăнса тăраççĕ пулсассăн, чи вăйли патша мари вара? тенĕ те — шăпланнă иккĕмĕшĕ.

(13) Виççĕмĕшĕ, хĕрарăмсемпе чăнлăх çинчен çыраканĕ,— ку Зоровавель пулнă,— кала пуçланă:

(14) эй арсем! Патша аслă мариха, çынсем те нумайăшĕ аслă мари, эрех вăйлă мари? Анчах кам хуçаланать вĕсемпе, кам тытса тăрать? хĕрарăм мари?

(15) Патшана та, тинĕспе çĕре тытса тăракан халăха та арăмсем çуратнă;

(16) эрех тума иçĕм лартса ÿстерекенсем те вĕсенченех çуралнă, вĕсен сĕчĕпе çитĕннĕ;

(17) вĕсем çынсем валли кĕпетумтир тăваççĕ, çынсене илем кÿреççĕ — çынсем арăмсăр пулма пултараймаççĕ.

(18) Ылтăнпа кĕмĕл пухаççĕ, ытти тĕрлĕрен хаклă йышши япала та пухса пыраççĕ, унтан чипер сăнлă, хитре хĕрарăма кураççĕ те,

(19) пурне те пăрахса, ун патнелле ăнтăлаççĕ, ун çине çăвар карса пăхаççĕ, ĕнтĕ пурте ылтăнпа кĕмĕлтен те, ытти хаклă япаларан та ытларах ун çумне çыпçăнаççĕ.

(20) Çын хăйне пăхса ÿстернĕ ашшĕне те, хă йĕн çĕршывне те пăрахса хăварать те арăмĕ çумне çыпçăнать,

(21) арăмĕшĕн чунне парать, ашшĕамăшне те, хăйĕн çĕршывне те астумасть.

(22) Çакăнтан эсир хăвăрпа хĕрарăм хуçаланнине пĕлме тивĕçлĕ. Тар тăкса йывăр ĕçлеместĕри эсир, пĕтĕм вăйхалăра хумастăри, кайран пурне те арăмăра памастăри, уншăн тумастăри?

(23) Çын хăйĕн хĕçне илет те çаратма, вăрлама çул çине тухать, вăл тинĕсюханшыв тăрăх ишме сатĕр,

(24) арăслана тĕл пулать, тĕттĕмре çĕтсе çÿрет; вăрлать, çаратать, хурах пусать, мĕн тупнине тÿрех савнă хĕрарăмĕ патне илсе каять.

(25) Çын вăл ашшĕпе амăшĕнчен ытларах хăйĕн арăмне юратать.

(26) Нумайăшĕ хĕрарăмсене пула ăсран тухнă, вĕсене пула чура пулса тăнă.

(27) Нумайăшĕ пуç хунă, çултан аташнă, хĕрарăмсене пула çылăха кĕнĕ.

(28) Элле халĕ ĕненмĕрши мана? Патша хăватлă та аслă мари? Çĕршывсем ăна тĕкĕнме хăрамаççĕи?

(29) Эпĕ патшана тата унăн сылтăм енче ларакан Апаминăна — мухтавлă Вартак хĕрне, патша çумарăмне — курнă;

(30) çавă вара патшанăн пуçкăшăльне хывса илетчĕ те хăй пуçне тăхăнтартатчĕ, сулахай аллипе патшана питрен çупса илетчĕ.

(31) Патша вара ун çине çăвар карса пăхса ларатчĕ: лешĕ кулсан, патша та кулать; лешĕ çилленсен, патша унпа килĕштересшĕн ăна ачашлать.

(32) Эй арсем! Патша та çапла тăвать пулсан, еплеха хĕрарăм вăйлă ан пултăр?

(33) Çакăн хыççăн патшапа аслă улпутсем пĕрпĕрин çине пăхса илнĕ, яш ачи вара чăнлăх çинчен кала пуçланă.

(34) Эй арсем! Вăйлă мари хĕрарăмсем? Çĕр — аслă, тÿпе — çÿллĕ, хĕвел хăвăрт шăвать: пĕр кунра вăл тÿпе тавра çаврăнса хăйĕн вырăнне таврăнать.

(35) Аслă мариха çакна туса тăраканĕ? Чăнлăх аслă, пуринчен те вăйлă.

(36) Пĕтĕм çĕр чăнлăха тархаслать, тÿпе ăна мухтавлать, пур ĕç те ун умĕнче чĕтресе, кисренсе тăрать. Унăн суйи çук.

(37) Эрех тÿрĕ мар, патша тÿрĕ мар, хĕрарăмсем тÿрĕ мар, этем ывăлĕсем пурте тÿрĕ мар, вĕсен ĕçĕсем те пурте çавăн пек, вĕсен че чăнлăх çук, вĕсем хăйсен тĕрĕсмарлăхĕпех пĕтĕç;

(38) чăнлăх вара ĕмĕрех пур, ĕмĕрех вăйлă, вăл ĕмĕрĕмĕр хуçа пулса пурăнать.

(39) Вăл никама та юрама тăрăшмасть, уншăн пурте тан, вăл, пĕтĕм тĕрĕсмарлăхпа усаллинчен пăрăнса, тĕрĕссипе тăвать, пурте ун ĕçĕсене ырлаççĕ.

(40) Вăл сут тунинче тÿрĕ марри нимĕн те çук; вăл — пур ĕмĕрсен вăйĕ, патшалăхĕ, хăвачĕпе ăслăлăхĕ: чăнлăх Турри мухтавлă!

(41) Виççĕмĕш яш ача калама чарăннă. Вара пурте кăшкăрса ярса каланă: чăнлăх аслă, пуринчен те вăйлă, тенĕ.

(42) Çавăн хыççăн патша яш ачана каланă: мĕн кăмăл тăватăн, çавна ыйт, çырнинчен те ытларах ыйт, парăпăр сана, мĕншĕн тесессĕн эсĕ чи ăсли пултăн, ĕнтĕ манпа юнашар ларăн, сана патша хурăнташĕ теме тытăнĕç, тенĕ.

(43) Вара яш ача патшана каланă: хăвăн патшалăхна йышăннă кунхине панă сăмахна — Иерусалим хулине çĕнĕрен туса лартма,

(44) Иерусалимран илсе кайнă савăтсене каялла тавăрма пулнине — асна илсемччĕ, тата Кир мĕнле сăмах панине те асна илсемччĕ: вăл Вавилона тустарса тухнă хыççăн çав суйласа илнĕ савăтсене çавăнтах ăсатма пулнăччĕ.

(45) Эсĕ тата халдейсем Иудейăна çĕмĕрсеçаратса хăварнă чухне идумейсем çунтарса янă Çурта тума пултăн.

(46) Эй патша хуçамăм, шăпах çакăн çинчен ыйтатăп та эпĕ санран, тархаслатăп сана, санăн аслăлăху çакă вăл: Çÿлти Патша умĕнче тума пулса, хăвăн чĕлхÿçăварупа сăмах панине пурăнăçа килтерме ыйтатăп, тенĕ.

(47) Вара Дарий патша ура çине тăнă та ăна чуптунă, ăна çыру çырса панă: çырăвĕнче пур çĕрĕн пуçлăхĕсене, çарпуçсене, пысăк ирĕклĕ пуçлăхсене çав яш ачана тата унпа пĕрле Иерусалим хулине тума каякансене пурне те ирттерсе яма хушнă.

(48) Çавăн пекех КелеСири çĕрĕнчи, Финикия çĕрĕнчи тата Ливан тăвĕ çинчи вырăнти пуçлăхсене Ливанран Иерусалима кедр йывăçĕ кÿрсе тăма, хула тумашкăн пулăшма хушса çырусем çырнă.

(49) Хăй патшалăхĕнчен Иудейăна тухса каякан иудейсен ирĕклĕхĕ çинчен çырнă: йĕрке тытса тăракансенчен никам та — çĕр пуçлăхĕ те, пысăк ирĕклĕ пуçлăх та, пăхса тăраканĕ те — вĕсен алăкĕ патне пымалла мар,

(50) вĕсем тытса тăракан пĕтĕм çĕршыва хырçăран хăтармалла, иудейсен ялĕсене йышăннă идумейсен унтан тухса каймалла;

(51) çавăн пекех Турă Çуртне тума, ăна туса пĕтеричченех, çулсерен çирĕм талант парса тăмалла;

(52) парне вырăнĕ çинче кунсерен пĕтĕмĕшпе çунтарса парне кÿмешкĕн малтан уйăрнă вунçичĕ талант çумне çулсерен вуншар талант хушса памалла;

(53) Вавилонран каякансен пурин те — вĕсен хăйсен те, вĕсен ачисен те — вĕсемпе пĕрле каякан священниксен те хула тума ирĕклĕх пулмалла.

(54) Тата вăл священниксене тытса тăма каякан тăкак çинчен те, священниксен Турра ĕçлесе тăнă чухне тăхăнмалли тумтирĕ çинчен те çырнă,

(55) Турă Çуртне тата Иерусалима туса пĕтериччен Левитсен тăкакне сапласа тăрасси çинчен те çырнă;

(56) хула хуралĕнче тăракансене пурне те ĕç укçипе апатçимĕç парса тăма хушнă.

(57) Кир Вавилонран уйăрса илнĕ пур савăта та панă; Кир мĕн тума хушнине вăл та тума хушнă: çав савăтсене Иерусалима ярса пама каланă.

(58) Яш ача ĕнтĕ, патша патĕнчен тухсассăн, пуçне тÿпенелле — Иерусалим еннелле çĕклесе пăхнă, Çÿлти Патшана тав туса çапла каланă:

(59) çĕнтерÿ Санăнран килет, ăслăлăх та Санăнран килет, Эсĕ мухтавлă, эпĕ вара Санăн чуру.

(60) Эй Турă, Эсĕ мухтавлă! Эсĕ мана ăслăлăх патăн, эй Çÿлхуçамăм, аттемĕрсенĕн Турри, тав тăватăп Сана! тенĕ.

(61) Вара çырусене илнĕ те Вавилона кайнă, хăйĕн пĕтĕм тăванне пĕлтерсе тухнă.

(62) Вĕсем ашшĕсенĕн Туррине хăйсене ирĕклĕх панăшăн,

(63) Иерусалима кайма, хулана юсама, Унăн ячĕпе лартакан Çурта тума ирĕк панăшăн тав тунă. Вара юрăкĕвĕ каласа çичĕ кун хушши хĕпĕртеннĕ.

5

(1) Çакăн хыççăн — тухса каймашкăн — йăхсем тăрăх ăру пуçлăхĕсене, вĕсенĕн арăмĕсене, ывăлĕсемпе хĕрĕсене, чурисене выльăхчĕрлĕхĕпе пĕрле суйласа илнĕ.

(2) Вĕсене Иерусалима кĕвĕюрă сасси пе, тÿнкĕр çапса, трупа кăшкăртса, ыррăнсыввăн илсе çитермешкĕн Дарий вĕсемпе пĕрле пин çынлă утлă çар янă.

(3) Вĕсенĕн тăванĕсем пурте савăнса тăнă, вĕсене патша каяканнисене ăсатма ирĕк панă.

(4) Акă хăйсен йăхĕпе ăрăвăнăрăвăн пынă çынсен аслăраххине кура кăтартнă ячĕсем:

(5) священниксем, Финеес ывăлĕсем, Аарон ывăлĕсем, Сарей ывăлĕн Иоседекăн ывăлĕ Иисус тата Зоровавель ывăлĕ Иоаким; Зоровавель вăл Иуда йăхĕнчи Фарес ăрăвĕн Давид килĕнчен тухнă Салафиил ывăлĕ пулнă,

(6) вăл Перси патши Дарий иккĕмĕш çул патшара ларнă чухне пĕрремĕш уйăхра, нисан уйăхĕнче, ун умĕнче ăслă сăмах каланă.

(7) Акă Вавилон тыткăнĕнчен тухнă иудейсем, вĕсене унта Навуходоносор, Вавилон патши, куçарса кайнă пулнă,

(8) вĕсене хăйсен пуçлăхĕсем Зоровавель, Иисус, Неемия, Зарей, Риссей, Ениней, Мардохей, Веельсар, Асфарас, Реелий, Роим, Ваана ертсе килнĕ, вĕсем ĕнтĕ Иерусалима тата Иудейăн ытти çĕрне, кашнийĕ хăйĕн хулине, таврăннă.

(9) Халăх йышĕ хăйсен пуçлăхĕсемпе пĕрле: Форос ывăлĕсем — икĕ пин те çĕр çитмĕл иккĕн; Сафат ывăлĕсем — тăватçĕр çитмĕл иккĕн;

(10) Арес ывăлĕсем — çичçĕр аллă улттăн;

(11) ФаафМоав ывăлĕсем Иисуспа Иоав ывăлĕсемпе пĕрле — икĕ пин те сакăрçĕр вуниккĕн;

(12) Илам ывăлĕсем — пин те икçĕр аллă тăваттăн; Зафуя ывăлĕсем — тăхăрçĕр çитмĕл пиллĕкĕн; Хорве ывăлĕсем — çичçĕр пиллĕкĕн; Ванний ывăлĕсем — ултçĕр хĕрĕх саккăрăн;

(13) Вивай ывăлĕсем — ултçĕр вăтăр виççĕн; Арге ывăлĕсем — пин те виççĕр çирĕм иккĕн;

(14) Адоникам ывăлĕсем — ултçĕр вăтăр çиччĕн; Вагой ывăлĕсем — икĕ пин те ултçĕр улттăн; Адин ывăлĕсем — тăватçĕр аллă тăваттăн;

(15) Езекия ăрăвĕнчи Атир ывăлĕсем — тăхăрвун иккĕн; Килан тата Азинан ывăлĕсем — утмăл çиччĕн; Азар ывăлĕсем — тăватçĕр вăтăр иккĕн;

(16) Аннис ывăлĕсем — çĕр пĕррĕн; Аром ывăлĕ сем — вăтăр иккĕн; Вассай ывăлĕсем — виççĕр çирĕм виççĕн; Арсифуриф ывăлĕсем — çĕр иккĕн;

(17) Ветирус ывăлĕсем — виçĕ пин те пиллĕкĕн; Вефломон ывăлĕсем — çĕр çирĕм виççĕн;

(18) Нетофа çыннисем — аллă пиллĕкĕн; Анафоф çыннисем — аллă саккăрăн; ВЕфасмон çыннисем — хĕрĕх иккĕн;

(19) Кариафири çыннисем — çирĕм пиллĕкĕн; Кафирпа Вирог çыннисем — çичçĕр хĕрĕх виççĕн;

(20) хадиасейсемпе аммидейсем — тăватçĕр çирĕм иккĕн; Кирампа Гаввис çыннисем — ултçĕр çирĕм пĕррĕн;

(21) Макалон çыннисем — çĕр çирĕм иккĕн; Ветолий çыннисем — аллă иккĕн; Нифис ывăлĕсем — çĕр аллă улттăн;

(22) Каламолал тата Онус ывăлĕсем — çичçĕр çирĕм пиллĕкĕн; Иерех ывăлĕсем — икçĕр хĕрĕх пиллĕкĕн;

(23) Санаас ывăлĕсем — виçĕ пин те виççĕр пĕррĕн.

(24) Священниксем: Иисус ывăлĕн Иеддун ывăлĕсемпе Санасив ывăлĕсем — тăхăрçĕр çитмĕл иккĕн; Еммируф ывăлĕсем — пин те аллă иккĕн;

(25) Фассур ывăлĕсем — пин те хĕрĕх çиччĕн; Харми ывăлĕсем — пин те вунçиччĕн.

(26) Левитсем: Иисус, Кадмиил, Ванна, Судий ывăлĕсем — çитмĕл çиччĕн.

(27) Кĕлĕ каласа юрлакансем: Асаф ывăлĕсем — çĕр хĕрĕхĕн.

(28) Хапха хуралçисем: Салум ывăлĕсем, Атар ывăлĕсем, Толман ывăлĕсем, Дакув ывăлĕсем, Атит ывăлĕсем, Товис ывăлĕсем — пурĕ çĕр вăтăр тăххăрăн.

(29) Турă Çуртĕнче ĕçлесе тăракансем: Исав ывăлĕсем, Асиф ывăлĕсем, Таваоф ывăлĕсем, Кирас ывăлĕсем, Суд ывăлĕсем, Фалей ывăлĕсем, Лаван ывăлĕсем, Аграв ывăлĕсем,

(30) Акуд ывăлĕсем, Ут ывăлĕсем, Китав ывăлĕсем, Аккав ывăлĕсем, Сивай ывăлĕсем, Анан ывăлĕсем, Кафуа ывăлĕсем, Геддур ывăлĕсем,

(31) Иаир ывăлĕсем, Десан ывăлĕсем, Ной ывăлĕсем, Хасев ывăлĕсем, Казир ывăлĕсем, Озия ывăлĕсем, Финое ывăлĕсем, Асар ывăлĕсем, Васфай ывăлĕсем, Ассан ывăлĕсем, Маня ывăлĕсем, Нафиси ывăлĕсем, Акуф ывăлĕсем, Ахив ывăлĕсем, Асув ывăлĕсем, Фаракем ывăлĕсем, Васалем ывăлĕсем,

(32) Меедд ывăлĕсем, Куф ывăлĕсем, Хареа ывăлĕсем, Вархуе ывăлĕсем, Серар ывăлĕсем, Фомой ывăлĕсем, Наси ывăлĕсем, Атеф ывăлĕсем,

(33) Соломон чурисен ывăлĕсем, Ассапфиоф ывăлĕсем, Фарир ывăлĕсем, Иеиль ывăлĕсем, Лозон ывăлĕсем, Исдаил ывăлĕсем, Сафия ывăлĕсем,

(34) Агий ывăлĕсем, Фахареф ывăлĕсем, Савия ывăлĕсем, Сарофи ывăлĕсем, Мисей ывăлĕсем, Гас ывăлĕсем, Аддус ывăлĕсем, Сув ывăлĕсем, Афер ывăлĕсем, Вародис ывăлĕсем, Сафаг ывăлĕсем, Аллон ывăлĕсем:

(35) Турă Çуртĕнчи ĕçе туса тăракансемпе Соломон чурисенĕн ывăлĕсем пурĕ пĕрле — виççĕр çитмĕл иккĕн.

(36) Акă Фермелефран тата Фелерсран тухнисем: вĕсен пуçлăхĕ Хараафалан тата Аалар.

(37) Анчах вĕсем хăйсен йăхĕ-кăкĕ Израильрен пулнипе пулманнине кăтартса пама пултарайман: Ваенан ывăлĕн Даланăн ывăлĕсем, Некодан ывăлĕсем — ултçĕр аллă иккĕн.

(38) Священниксен йышĕнче священник ĕçне туса тăракансем, анчах йăх-кăк кĕнекинче тупăнманнисем пулнă: Овдий ывăлĕсем, Аквос ывăлĕсем, Иадду ывăлĕсем; çав Иадду ĕнтĕ Верзеллий хĕрне Авгийăна качча илнĕ те — ăна Верзеллий тесе чĕнме пуçланă.

(39) Иăхкăк çырăвĕнче вĕсем çинчен çырнине тупайман та, çавăнпа вĕсене священник ĕçĕнчен хăтарнă.

(40) Вара Неемийăпа Атфария вĕсене уримпа туммим тытнă аслă священник килмесĕр аслă та сăваплă парнене çиме каламан.

(41) Вуникĕ çулхисенчен пуçласа унтан аслăрах Израильсем пĕтĕмпе, чурасемпе хăрхăмсемсĕр пуçне, хĕрĕх икĕ пин те виççĕр утмăлăн пулнă; чурисемпе хăрхăмĕсем вĕсен çичĕ пин те виççĕр хĕрĕх çиччĕн пулнă; кĕлĕ каласа юрлакансемпе псалом юрлакансем — икçĕр хĕрĕх пиллĕкĕн.

(42) Вĕсен тăватçĕр вăтăр пилĕк тĕве, çичĕ пин те вăтăр ултă лаша, икçĕр хĕрĕх пилĕк ашакла лаша, пилĕк пин те пилĕкçĕр çирĕм пуç ĕç выльăхĕ пулнă.

(43) Иерусалимри Турă Çурчĕ патне çит сессĕн, ăру пуçлăхĕсем хăшĕхăшĕ çак Çурта хăйĕн вырăнĕнчех çĕнĕрен туса лартма сăмах панă,

(44) вĕсем ĕнтĕ вăйĕ çитнĕ таран Турă Çуртне тунă çĕре пин мина ылтăн, пилĕк пин мина кĕмĕл тата священниксем валли çĕр тум пама пулнă.

(45) Священниксемпе Левитсе!.!, халăхран хăшĕпĕри Иерусалимпа ун таврашĕнчи çĕре вырăнаçнă, юрăçсемпе хапха хуралçисем тата пĕтĕм Израиль хăйсен ялĕсене пурăнма вырăнаçнă.

(46) Çиччĕмĕш уйăхра Израиль ывăлĕсем кашнийĕ хăйĕн çĕрне вырăнаçса çитсессĕн, пурте пĕр шухăшлăн пулса, пĕрремĕш хапха патне тухăç енне уçă вырăна пуçтарăннă.

(47) Вара Иоседек ывăлĕ Иисуспа унăн тăванĕсем священниксем, Салафиил ывăлĕ Зоровавельпе унăн тăванĕсем,

(48) Турă çынни Моисей кĕнекинче çырнă пек, унта пĕтĕмĕшпе çунтарнă парнесем кÿрсе тăма Израиль Турри валли парне вырăнĕ тунă.

(49) Вĕсем патне çав çĕр çинче пурăнакан ытти халăх çыннисем пуçтарăннă, вĕсем Израиль ывăлĕсене хирĕç пынă, вĕсене хĕстерсех тăнă; çапах Израиль ывăлĕсем парне вырăнне унăн малтанхи никĕсĕ çинех туса лартнă; вара хăй вăхăтĕнче,— ирсерен те, каçсерен те,— пĕтĕмĕшпе çунтарса Çÿлхуçана парне кÿрсе тăма пуçланă.

(50) Вара, саккунра çырнă пек, хÿшĕ уявĕ ирттернĕ: йĕрке тăрăх кулленхи парнесем кÿрсе тăнă,

(51) вĕсем ĕнтĕ кулленхи парнесене, шăматкунпа çĕнĕ уйăх парнисене, Турра халалланă уявсен парнисене кÿнĕ.

(52) Турра парне пама пулнисем, Турă Çуртне туса пĕтермен пулсассăн та, çиччĕмĕш уйăхăн пĕрремĕш кунĕнчен пуçласа пурте парне кÿме тытăннă.

(53) Чул касакансемпе йывăç каскалакан ăстасене кĕмĕл, ĕçмеçиме панă, Сидонпа Тир çыннисене — Перси патши Кир хушнипе Ливанран Иоппи пристанне кедр йывăçĕ кÿрсе тăма — лавсем панă.

(54) Иерусалимри Турă Çурчĕ патне таврăнни иккĕмĕш çула кайсассăн, иккĕмĕш уйăхра, Салафиил ывăлĕ Зорова вель, Иоседек ывăлĕ Иисус тата вĕсен тăванĕсем, священниксем, Левитсем,— Иерусалима тыткăнран таврăннă пĕтĕм халăх,—

(55) Иудейăпа Иерусалима таврăнни иккĕмĕш çула кайсассăн, иккĕмĕш уйăхăн пĕрремĕш кунĕнче, Турă Çурчĕн никĕсне хывнă,

(56) Левитсене, çирĕм çулхинчен пуçласа унтан аслăраххисене, Çÿлхуçа Çуртне тăвас ĕçе пăхса тăма лартнă: вара Иисус тата унăн ывăлĕсемпе тăванĕсем, унăн Кадмиил тăванĕ, Имадавун ывăлĕсем, Илиадуд ывăлĕн Иодăн ывăлĕсем, хăйсен ывăлĕсемпе тата тăванĕсемпе,— ĕнтĕ мĕнпур Левит,— пĕр шухăшлăн пулса Çÿлхуçа Çуртне тăвакансен ĕçне ертсе пырса хавхалантарса тăнă. Ĕнтĕ Турă Çуртне туса лартнă.

(57) Вара Çÿлхуçана Израиль патши Давид панă йĕркепе мухтамашкăн унта священник тумне тăхăннă священниксем кĕвĕ сăпрайĕпе, трупасемпе, Левитсем кимвалсемпе тăрса тухнă,

(58) ĕнтĕ Çÿлхуçана аслăласа, Унăн ырăлăхĕпе мухтавлăхĕ — Израилыпĕн ĕмĕрлĕхе, тесе юрланă.

(59) Пĕтĕм халăх трупапа кăшкăртнă, Çÿлхуçа Çуртне çĕнĕрен çĕкленĕшĕн Çÿлхуçана мухтавласа хыттăн, янăравлăн кăшкăрса тăнă.

(60) Унчченхи Çурта курнă ватă священниксем, Левитсем, ăру пуçлăхĕсем халĕ çĕнни патне йĕрсе те хыттăн хÿхлесе пынă,

(61) нумайăшĕ вара трупа кăшкăртнă, савăнсахĕпĕртесе хыттăн кăшкăракăшкăра янă,

(62) пухăннă йыш кăшкăртакан трупасен сасси аяккааякка саланнă пулин те, халăх хÿхленипе çынсем трупасен сассине илтеймен.

(63) Çакна Иудăпа Вениамин йăхĕсен тăшманĕсем илтнĕ те ку трупа сасси мĕне пĕлтернине пĕлме пынă.

(64) Вĕсем вара тыткăнран таврăннисем Çÿлхуçа валли, Израиль Турри валли, Çурт тунине пĕлнĕ.

(65) Вĕсем Зоровавельпе Иисус тата ăру пуçлăхĕсем патне пынă та каланă: эпир те сирĕнпе пĕрле ĕçлĕпĕр,

(66) мĕншĕн тесессĕн эпир те сирĕн пекех сирĕн Çÿлхуçа Туррăра пуççапатпăр, эпир Ăна хамăра Ассири патши Асвакафас çакăнта куçар са килнĕренпех парне кÿрсе тăратпăр, тенĕ.

(67) Вара Зоровавельпе Иисус тата Израиль ăрăвĕсен пуçлăхĕсем вĕсене каланă: сирĕн пирĕнпе пĕрле пирĕн Çÿлхуçа Туррăмăр Çуртне лартасси пулас çук;

(68) хамăра Перси патши Кир хушнă пек, Çÿлхуçанăн, Израиль Туррийĕн, Çуртне эпир хамăрах тăватпăр, тенĕ.

(69) Çав çĕр халăхĕ вара Иудейăра пурăнакансене тапăнатапăна, хупăрлахупăрла илсе Çурт тума чăрмантарнă,

(70) халăха ултавпа пăтратса, пăлхавăрсем кăларса, Кир патша пурăннă вăхăтра тăршшĕпех кансĕрлесе тăнă; Турă Çуртне тăвас ĕç чарăнса ларнă, Дарий патшана ларни иккĕмĕш çул çитичченех çак ĕç вырăнтан хускалман.

6

(1) :Дарий патшана ларсан иккĕмĕш çулхине Аггей тата Аддо ывăлĕ Захария, пророксем, Иудейăпа Иерусалимра пурăнакан иудейсене Израилĕн Çÿлхуçа Турри ятĕнчен пророкла сăмахсем каланă.

(2) Вара Салафиил ывăлĕ Зоровавель, Иоседек ывăлĕ Иисус Иерусалимра, Çÿлхуçа пророкĕсен умĕнче, вĕсем пулăшнипе Çÿлхуçа Çуртне тума пуçăннă.

(3) Çав вăхăтра вĕсем патне Сирипе Финикия çĕрне тытса тăракан аслă пуçлăх Сисинни, СафраВузан тата вĕсен юлташĕсем пынă та каланă:

(4) ку Çурта, ытти хуралтăсене эсир кам ирĕк панипе тăватăр? Çакна тăвакансем камсем? тенĕ.

(5) Анчах Хăйĕн халăхĕ тыткăнра мĕнле пурăннине курнă Çÿлхуçа Иудейăн аслă çыннисене ырăлăх панă,

(6) вара вĕсем çинчен Дарий патшана пĕлтериччен вĕсене Турă Çуртне тума чарман. Ĕнтĕ Дарий патшаран хурав çитнĕ.

(7) Акă Сисинни Дарие çырса янă çырăва ÿкерсе илни: «Сирипе Финикия çĕрне тытса тăракан аслă пуçлăх Сисинни, СафраВузан тата вĕсен юлташĕсем, Сирипе Финикия пуçлăхĕсем, Дарий патшана савăнăç сунаççĕ.

(8) Патша хуçамăр пĕлсе тăтăрччĕ: эпир, Иудея çĕрне çитсе Иерусалим хулине кĕрсессĕн, Иерусалим хулинче иудейсен тыткăнран таврăннă аслă çыннисене куртăмăр,

(9) вĕсем Çÿлхуçа валли чутласа якатнă хаклă чулсенчен, стенисене йывăç хывса, çĕнĕ пысăк Çурт тăваççĕ;

(10) ку ĕçе тăрăшса тăваççĕ, ăнса пырать ĕç вĕсен аллинче, питĕ чаплă та тĕплĕ тăваççĕ. пВара эпир çак аслă çынсенчен: «çак Çурта, çак ĕçе эсир кам хушнипе тăватăр?» тесе ыйтрăмăр.

(12) Сана пĕлтерес, вĕсен пуçлăхĕсем çинчен сан патна çырса ярас тесе çапла ыйтрăмăр эпир вĕсенчен, ертсе пыраканĕсен ячĕсене çырса пама каларăмăр.

(13) Вĕсем пире хирĕç çапла хуравларĕç: «эпир — тÿпепе çĕре пултарнă Çÿлхуçанăн чурисем.

(14) Ку Çурта нумай çул ĕлĕкрех Израилĕн аслă та вăйлă патши тунă, туса лартнă.

(15) Анчах та пирĕн аттемĕрсем хăйсен çылăхĕсемпе Израилĕн Тÿпери Çÿлхуçине çиллентернĕрен Вăл вĕсене Навуходоносор аллине — Вавилон патшийĕн, халдейсен патшийĕн аллине — панă.

(16) Халдейсем вара çак Çурта аркатса тăкнă, çунтарса янă, халăха Вавилона тыткăна илсе кайнă.

(17) Вавилон çĕршывĕнче Кир патшана ларсассăн пĕрремĕш çулхине вара Кир патша çак Çурта тума ирĕк панă.

(18) Турă Çурчĕн савăчĕсене те — Навуходоносор Иерусалимри Çуртран илсе тухса Вавилона, хăйсен туррисен çуртне кайса лартнă ылтăнкĕмĕл таса савăтсене — Кир патша Вавилон туррисен çуртĕнчен каялла илсе тухнă та вĕсене Саманассар пуçлăхпа Зоровавеле панă.

(19) Çак савăтсене пурне те Иерусалимри Турă Çуртне кайса хума, Турă Çуртне хăйĕн вырăнĕнчех туса лартма хушнă.

(20) Вара Саманассар килнĕ те Иерусалимра Çÿлхуçа Çурчĕн никĕсне хывнă, çавăнтанпах çав Çурта тăвас ĕç пырать, вăл вĕçленменха» терĕç пире.

(21) Эппин, патшан кăмăлĕ пулсассăн, Кир патшан кĕнекисем упранса тăракан çĕрте шыраса пăхчăр,

(22) Иерусалимра Çÿлхуçа Çуртне Кир патша ирĕкĕпе туни палăрсассăн, патша хуçамăр кăмăл тусассăн, пире çакăн çинчен пĕлтермелле пултăрччĕ» тенĕ çырура.

(23) Вара Дарий патша Вавилонра кĕнекесем упранакан çĕрте шыраса пăхма хушнă, Миди çĕрĕнчи Екбатан хулинче асра тытма çырса пынă кĕнекере пĕр тĕлте çапла çырнă пулнă:

(24) «хăй пĕрремĕш çул патшара ларнă чухне Кир Иерусалимра, сÿнмен вутçулăм çинче парне кÿрекен çĕрте, Çÿлхуçа Çуртне туса лартма хушнă.

(25) Çурт çÿллĕшĕ утмăл чике, сарлакăшĕ утмăл чике пулмалла, чутласа якатнă чулран тунă виçĕ çуртран, вырăнти йывăçран тунă пĕр çĕнĕ çуртран тăмалла, тăкакне Кир патша килĕнчен парса тăмалла,

(26) Çÿлхуçа Çурчĕн таса савăчĕсене — Навуходоносор Иерусалим Çуртĕнчен Вавилона илсе кайнă ылтăн та кĕмĕл савăтсене — каялла Иерусалимри Çурта тавăрса памалла, вĕсене хăйсен вырăнне лартса хумалла.

(27) Эпĕ тата Сирипе Финикия аслă пуçлăхне Сисинние, СафраВузана, Сирипе Финикия пуçлăхĕсене лартнă вĕсен юлташĕсене ку вырăнтан аяккарах пулма, Зоровавеле — Çÿлхуçа чурине, Иудея пуçлăхне — тата Иудейăн аслă çыннисене Çÿлхуçа Çуртне хăйĕн вырăнĕнчех лартнă чухне чăрмантармасăр тăма хушрăм.

(28) Эпĕ ăна пĕтĕмпех туса пĕтерме, тыткăнран таврăннă иудейсене Турă Çуртне пĕтĕмпех туса çитерме пулăшу панине пăхсах тăма хушрăм,

(29) КелеСирипе Финикийăна тÿлекен хырçăран çак çынсем валли, Зоровавель пуçлăх валли Çÿлхуçана парне кÿмешкĕн пăрусем, сурăхсем, путексем туянма çителĕклĕ таранах парса тăмалла.

(30) Кулленхи тăкака шута илсе, Иерусалимри священниксем каланă тăрăх, çулсерен яланах пĕр хирĕçлемесĕр тулă, тăвар, эрех, çу парса тăмалла;

(31) вĕсем çапла патшашăн, унăн ачисемшĕн Çÿлти Турра парне кÿме, вĕсен пурăнăçĕшĕн кĕлтума пултарччăр.

(32) Çакна та пĕлтермелле: кам та кам эпĕ çырнинчен пăрăнать е ăна пăсать, ун харпăрлăхĕнчи пĕр йывăçа илмелле те ăна çавăнтан çакмалла, çав çын пурлăхĕ патша пурлăхĕ пулса тăмалла.

(33) Иерусалимри çак Турă Çуртне тума чăрмантарас е ăна усал тăвас тесе аллине тăснă кирек мĕнле патшана та, кирек мĕнле халăха та Çÿлхуçа Хăйĕн ятне асăнакан çĕрте пĕтерсе пăрахтăр.

(34) Эпĕ, Дарий патша, çакна тĕп-тĕрĕс пурăнăçлама хушатăп».

7

(1) Çавăн чухне КелеСирипе Финикия çĕрĕн аслă пуçлăхĕ Сисинни, СафраВузан тата вĕсен юлташĕсем, Дарий патша хушнине итлесе,

(2) сăваплă ĕçе тăрăшсах пикеннĕ, иудейсен аслă çыннисемпе священниксен пуçлăхĕсене пулăшнă.

(3) Аггейпа Захария пророксем малтанах каласа хунă пек, сăваплă ĕç ăнса пынă.

(4) Çапла Израилĕн Çÿлхуçа Турри хушнипе, Перси патшисен Кирăн, Дарийăн тата Артаксерксăн ирĕкĕпе пĕтĕмпех туса çитернĕ.

(5) Сăваплă Çурта Дарий улттăмĕш çул патшара ларнă чухне, адар уйăхĕн çирĕм виççĕмĕш кунĕ тĕлне, туса пĕтернĕ.

(6) Вара Израиль ывăлĕсем, священниксемпе Левитсем, тыткăнран таврăннă ытти çынсем те, пуçлăх туса лартнисем, йăлтах Моисей кĕнекинче çырнă пек тунă.

(7) Çÿлхуçа Çуртне тасалăх тивлечĕ кÿнĕ чухне вĕсем парне валли çĕр вăкăр, икçĕр сурăх, тăватçĕр путек панă,

(8) тата Израилĕн вуникĕ йăхне кура — пĕтĕм Израиль çылăхĕсемшĕн — вуникĕ качака таки кÿнĕ.

(9) Священниксемпе Левитсем, Моисей кĕнекипе килĕшÿллĕн, ăрусем тăрăх, Çÿлхуçанăн, Израиль Туррин, ĕçне тунă чухне тăхăнмалли тумпа тăнă, хапха хуралçисем кашни хапха умĕнче тăнă.

(10) “пСвященниксемпе Левитсем тата тыткăнра пулнисем пурте тасалса çитсессĕн вара тыткăнран таврăннă Израиль ывăлĕсем пĕрремĕш уйăхĕн вунтăваттăмĕш кунĕнче пасха уявне ирттернĕ.

(12) Тыткăнра пулнă пĕтĕм ывăл ятĕнчен, хăйсен тăванĕсен, священниксен ятĕнчен, хăйсен ятĕнчен пасха путекĕсем пуснă.

(13) Вара тыткăнран таврăннă Израиль ывăлĕсем, çĕр çинчи халăхсен ирсĕрлĕхĕнчен хăпса Турра шыраса тупнăскерсем, пурте çинĕ,

(14) Çÿлхуçа умĕнче савăнса çичĕ кун хушши тутлăлла çăкăр уявне уявланă,

(15) Турă хăйсен аллине Çÿлхуçанăн, Израиль Туррин, ĕçĕсене тума тĕреклĕлетсе Ассири патшийĕн чĕрине хăйсем майлă çавăрнăшăн хĕпĕртенĕ.

8

(1) Çак ĕçсем пулса иртнĕ хыççăн, Перси патшинче Артаксеркс ларнă чухне, Ездра таврăннă; Ездра вăл — Азария ывăлĕ, Азария — Зехрий ывăлĕ, Зехрий — Хелкия ывăлĕ, Хелкия — Шаллум ывăлĕ,

(2) Шаллум — Садок ывăлĕ, Садок — Ахитув ывăлĕ, Ахитув — Амария ывăлĕ, Амария — Озия ывăлĕ, Озия — Мерайоф ывăлĕ, Мерайоф — Зарей ывăлĕ, Зарей — Сауй ывăлĕ, Сауй — Буккий ывăлĕ, Буккий — Авишуй ывăлĕ, Авишуй — Финеес ывăлĕ, Финеес — Елеазар ывăлĕ, Елеазар — аслă священникăн Ааронăн ывăлĕ.

(3) Çак Ездра Вавилонран таврăннă. Вăл Израилĕн Çÿлхуçа Турри Моисее панă саккуна лайăх пĕлекен, пысăк вĕреннĕ çын пулнă,

(4) патша ăна Иерусалима кайма ирĕк парса чыс тунă, мĕншĕн тесессĕн ĕнтĕ кирек мĕн ыйтсассăн та патша ăна кăмăл курнă.

(5) Унпа пĕрле Иерусалима Израиль ывăлĕсен пĕр пайĕ — священниксемпе Левитсем, юрăçсем, хапха хуралçисем, Турă Çурчĕ таврашĕнче ĕçлекенсем — килнĕ,

(6) вĕсем Артаксеркс çиччĕмĕш çул патшара ларнă чухне, çав çиччĕмĕш çулхи пиллĕкĕмĕш уйăхра, çитнĕ; Вавилонран пĕрремĕш уйăхăн пĕрремĕш кунĕнче тухнă та, çул çинче Турă пулăшса пынипе, Иерусалима пиллĕкĕмĕш уйăхăн пĕрремĕш кунĕнче килсе çитнĕ.

(7) Ездра Çÿлхуçа саккунĕпе ÿкĕчĕсенчен нимĕн те манса хăварас мар, пĕтĕм Израиле Турă хунă йĕркесене, тÿрĕлĕхе вĕрентес тесе чунтанвартан тăрăшнă.

(8) Ездра священника, Çÿлхуçа саккунне вĕрентекене, Артаксеркс патшаран çыру урлă янă çакăн пек хушу çитнĕ:

(9) «Артаксеркс патша Ездра священника, Çÿлхуçа саккунне вĕрентекене, савăнăç сунать.

(10) Шухăшласа пăхнă хыççăн, çынсене юратнипе эпĕ çапла тума хушрăм: пирĕн патшалăхра пурăнакан Иудея халăхĕн çыннисем, священниксемпе Левитсем, хăйсен ирĕкĕпе каяс теекенсем, санпа пĕрле Иерусалима кайччăр. иЭпĕ хамăн чи çывăх çичĕ канашçăпа çакăн пек шухăшларăм: кайма кăмăл тунисем ĕнтĕ пуçтарăнччăр та кайччăр;

(12) Иудейăпа Иерусалимра Çÿлхуçа саккунĕпе килĕшÿллĕн пурăннипе пурăнманнине курччăр,

(13) эпĕ тата манăн çывăх çыннăмсем Израиль Çÿлхуçине пама пулнă парнесене, Иерусалимри Çÿлхуçа валли Вавилон çĕршывĕнче тупăнакан ылтăнкĕмĕле, хăйсен Çÿлхуçа Туррийĕн Çурчĕ валли халăх мĕн панипе пĕрле Иерусалима илсе кайччăр;

(14) ылтăнкĕмĕлĕ вăкăрсем, сурăхсем, путексем туянма, ĕнтĕ мĕн кирлине туянма кайтăр,

(15) çакă вĕсен Иерусалимри Çÿлхуçа Туррийĕн парне вырăнĕ çинче Çÿлхуçана парне кÿме пултăр.

(16) Çак ылтăнкĕмĕлпе ху тата хăвăн тăванусем мĕн тума шухăшлатăр, хăвăн Турру ирĕкĕпе çавна ту.

(17) Сана Иерусалимри хăвăн Туррун Çуртĕнче тыткалама панă Çÿлхуçанăн таса савăчĕсене Çÿлхуçа Турру умне ларт.

(18) Хăвăн Туррун Çурчĕ валли мĕн кирлине патша хыснинчен парса тăр.

(19) Акă эпĕ, Артаксеркс патша, Сирипе Финикия хысни хуçисене Ездра священника, Çÿлти Турă саккунне вĕрентекене, мĕн ыйтнине пĕр тăхтаса тăмасăр, çĕр талант кĕмĕл таранах, пама хушрăм,

(20) çавăн пекех çĕр кор таран тулă, çĕр виçе таран эрех пама хушрăм.

(21) Патшанăн патшалăхĕпе унăн ывăлĕсене Çÿлти Турă ан çиллентĕр, çавăнпа та, Турă саккунĕ тăрăх, Çÿлти Турă валли мĕн тумаллине тимлĕн, тăрăшса тăвăр.

(22) Çакна та калатăп сире: священниксемпе Левитсене, юрăçсемпе хапха хуралçисене, Турă Çурчĕ таврашĕнче ĕçлекенсемпе Турă Çурчĕн çыруçисене нимĕнле хырçă та, куланай та хумалла мар, никамăн та çакна тума ирĕк ан пултăр.

(23) Эсĕ вара, Ездра, Турă панă ăсупа Сирипе Финикия çĕрĕнче хăвăн Туррун саккунне пĕлекенсене пуçлăх пулма, тÿре пулма лартса тух, пĕлменнисене вĕрент;

(24) сан Туррун саккунне е патша саккунне пăхăнманнисене пурне те айăпламалла, вĕлермелле е хĕнемелле, укçан шыраса илмелле е хăваласа ямалла» тенĕ Артаксеркс çырăвĕнче.

(25) Вара Ездра ăсчах каланă: аттемсен пĕртенпĕр Çÿлхуçа Турри мухтавлă, Вăл патша чĕрине Хăйĕн Иерусалимри Çуртне чапа кăларас шухăш хыврĕ;

(26) мана та патшапа унăн канашçисем умĕнче, мĕнпур çывăх çыннисемпе аслă улпучĕсем умĕнче хисеп турĕ.

(27) Çÿлхуçа Туррăм пулăшнипе кăмăлăм çĕкленчĕ, эпĕ вара Израиль арĕсене хампа пĕрле кайма пуçтартăм.

(28) Артаксеркс патшара ларнă чухне манпа пĕрле Вавилонран тухнă ăру пуçлăхĕсемпе аслă çыннисем акă çаксем:

(29) Финеес ывăлĕсенчен — Гирсон; Ифамар ывăлĕсенчен — Гамалиил; Давид ывăлĕсенчен — Сехений ывăлĕ Латтус;

(30) Форос ывăлĕсенчен — Захария, унпа пĕрле çĕр аллă çын çырăннă;

(31) Фаафмоав ывăлĕсенчен — Зарей ывăлĕ Елиаония, унпа пĕрле икçĕр çын;

(32) Зафой ывăлĕсенчен — Иезил ывăлĕ Сехения, унпа пĕрле виççĕр çын; Адин ывăлĕсенчен — Ионаф ывăлĕ Овиф, унпа пĕрле икçĕр аллă çын;

(33) Илам ывăлĕсенчен — Гофолий ывăлĕ Иесия, унпа пĕрле çитмĕл çын;

(34) Сафатия ывăлĕсенчен — Михаил ывăлĕ Зараия, унпа пĕрле çитмĕл çын;

(35) Иоав ывăлĕсенчен — Иезил ывăлĕ Авадия, унпа пĕрле икçĕр вуникĕ çын;

(36) Ваний ывăлĕсенчен — Иосафий ывăлĕ Асалимоф, унпа пĕрле çĕр утмăл çын;

(37) Вавий ывăлĕсенчен — Вивай ывăлĕ Захария, унпа пĕрле çирĕм сакăр çын;

(38) Астаф ывăлĕсенчен — Акатан ывăлĕ Иоанн, унпа пĕрле çĕр вунă çын;

(39) Адоникам ывăлĕсенчен — юлашкисем, акă вĕсен ячĕсем: Иеуил ывăлĕ Елифала тата Самей, вĕсемпе пĕрле çитмĕл çын;

(40) Вагой ывăлĕсенчен — Исталкур ывăлĕ Уфий, унпа пĕрле çитмĕл çын.

(41) Эпĕ вĕсене Феран ятлă юханшыв хĕррине пуçтартăм, эпир унта виçĕ кун тăтăмăр, эпĕ вĕсене пăхса çаврăнтăм.

(42) Анчах унта священннксемпе Левитсенчен никама та курмарăм,

(43) эпĕ вара Елеазар, Идуил, Маасман, Алнафан, Мамей, Самей, Иоривон, Нафан, Еннатан, Захария, Мосоллам пуçлăхсемпе ăсчахсем патне çынсем ятăм,

(44) вĕсене Касифье теекен вырăнта пуçлăхра тăракан Доддей патне кайма каларăм,

(45) Доддейпе унăн çав Касифье теекен вырăнта пурăнакан тăванĕсене Çÿлхуçа Туррăмăр Çурчĕ валли священниксем ярса паччăр тесе калама хушрăм.

(46) Вĕсем вара пирĕн пата, Çÿлхуçа Туррăмăрăн хăватлă аллипе, Асевивее, ăслă çынна, Мооли ывăлне, — Мооли вăл — Левий ывăлĕ, Левий — Израиль ывăлĕ, — тата унăн ывăлĕсемпе тăванĕсене вунсакăр çын,

(47) тата Хануней ывăлĕсене Асевияна, Аннуя, вĕсен тăванне Осея тата вĕсен ывăлĕсене çирĕм çын илсе килчĕç;

(48) тата Левитсене пулăшакансем,— вĕсен йăхне хăй вăхăтĕнче Давидпа унăн пуçлăхĕсем Левитсене пулăшса тăма уйăрнă пулнă, — икçĕр вăтăрăн, кашнийĕн ятне çырнă хутпа килчĕç.

(4950) Вара Турăран хамăршăн, хамăрпа пĕрле пыракансемшĕн, хамăр ачасемшĕн, выльăхчĕрлĕхшĕн ăнăçлă çул ыйтмашкăн Çÿлхуçа Туррăмăр умĕнче типĕ тытмалли çинчен пĕлтертĕм:

(51) ĕнтĕ хамăра тăшмансенчен сыхласа пыма эпĕ патшаран çуран çарпа утлă çар, çул кăтартакансем ыйтма иментĕм;

(52) эпир патшана çапла каланăччĕ: «Çÿлхуçамăр хăвачĕ кирек мĕнле ырă ĕçре те Хăйне шыракансемпе пĕрле пулать» тенĕччĕ.

(53) Эпир вара çакна ыйтса каллех Çÿлхуçа Туррăмăра кĕлтурăмăр та Унран аслă ырăлăх илтĕмĕр.

(54) Эпĕ ăру пуçлăхĕсемпе священниксем хушшинчен вуникĕ çын — Есеревияна, Самияна тата вĕсемпе пĕрле вĕсен вунă тăванне — уйăрса илтĕм.

(55) Вĕсем умĕнче эпĕ патшапа унăн канашçисем, аслă улпучĕсем, Израиль çыннисем парнелесе панă ылтăнпа кĕмĕле, Çÿлхуçамăр Çурчĕн таса савăчĕсене виçепе тайтарса виçрĕм.

(56) Виçсе тухса, вĕсене ултçĕр аллă талант кĕмĕл, çĕр талант кĕмĕл савăт, çĕр талант ылтăн, çирĕм ылтăн савăт, чи паха пăхăртан тунă, ылтăн пекех йăлтăртатакан савăтсем вуниккĕ патăм.

(57) Вара вĕсене каларăм: эсир те Турăшăн таса, çак савăтсем те таса, çавăн пекех аттемĕрсен Çÿлхуçа Туррине тупа тунипе панă ылтăнпа кĕмĕл те таса, терĕм.

(58) Тимлĕ пулăр, çакна Иерусалима аслă сваященниксемпе Левитсене, Израилĕн ăру пуçлăхĕсене Туррăмăр Çуртĕнче упрама çитерсе паричченех сыхлăр, терĕм.

(59) Иерусалим валли ылтăнкĕмĕл тата савăтсем йышăннă священниксемпе Левитсем вĕсене Çÿлхуçа Çуртне çитерсе пачĕç.

(60) Эпир Феран шывĕ хĕрринчен пĕрремĕш уйăхăн вуниккĕмĕш кунĕнче тапранса тухрăмăр, Иерусалима кайнă чухне эпир Çÿлхуçанăн хăватлă аллине туйсах пытăмăр, çул пуçламăшĕнченех Вăл пире тĕрлĕрен тăшманран хăтарса пычĕ, çапла эпир Иерусалима çитрĕмĕр.

(61) Кунта, виçĕ кун иртсессĕн, тăваттăмĕш кунхине виçнĕ ылтăнпа кĕмĕле Çÿлхуçамăр Çуртне Мармоф священника, Урия ывăлне, патăмăр.

(62) Унпа пĕрле Финеес ывăлĕ Елеазар пулчĕ; çавăн пекех Иисус ывăлĕ Иосавдос, Саванн ывăлĕ Моеф тата Левитсем пулчĕç; пурне те шута илсе, виçсе патăмăр; пурин виçине те çавăн чухнех çырса хунă.

(63) Тыткăнран килнисем çавăн чухне Израиль Туррине парнесем кÿчĕç: мĕнпур Израиль çыннишĕн вуникĕ вăкăр, çăлăнăç парнисем тăхăрвун ултă сурăх, çитмĕл икĕ путек, вуникĕ качака таки — çакна пурне те Çÿлхуçана кÿтĕмĕр.

(64) Эпир патша мĕн хушса çырнине патшанăн вырăнти пуçлăхĕсене, КелеСирипе Финикия пуçлăхĕсене патăмăр, вĕсем вара халăха тата Çÿлхуçа Çуртне чыс турĕç.

(65) Çак ĕçсене туса пĕтерсессĕн, ман патăма пуçлăхсем пычĕç те каларĕç:

(66) Израиль халăхĕ, пуçлăхсем, священниксемпе Левитсем çĕр çинчи ют халăхсенчен, вĕсен ирсĕрлĕхĕнчен, Ханаансенчен, хетсенчен, ферезейсенчен, евусейсенчен, мо авсенчен, египетсенчен, идумейсенчен хăпман:

(67) ĕнтĕ хăйсем те, ывăлĕсем те вĕсен хĕрĕсемпе мăшăрланнă, таса вăрлăх ют халăх йăхĕсемпе хутăшса кайнă, вĕсенĕн ертсе пыраканĕсемпе улпучĕсем çак йĕркесĕр ĕçе чи пуçламăшĕнченех хутшăннă, терĕç.

(68) Çакăн çинчен илтсессĕнех, эпĕ çири тумтирĕме, священник тумне, туртса çуртăм, çÿçĕмпе сухалăма тăпăлтартăм, шухăша кайса хурланса лартăм.

(69) Эпĕ çак йĕркесĕр ĕç пирки вăйăрханса ларнă чухне ман патăма Израиль Турри сăмахĕпе хавхаланнисем пурте пуçтарăнчĕç, эпĕ ĕнтĕ каçхи парне вăхăчĕ çитичченех хуйхăрса лартăм.

(70) Çавăн чухне эпĕ хам кулянса ларнă вырăнтан тăтăм та туртса çурнă тумтирĕм вĕççĕнех, çурса антарнă священник тумĕпех, чĕркуçлентĕм те аллăмсене Çÿлхуçа еннелле çĕклесе çапла каларăм:

(71) эй Çÿлхуçамăм! Сан умăнта тăма намăсланатăп, хăратăп эпĕ:

(72) пирĕн çылăхăмăрсем пуç тÿпинчен те çÿлерех çĕкленнĕ, пирĕн ăссăрлăхăмăр тÿпенех çитнĕ;

(73) аттемĕрсен вăхăтĕнчен пуçласа мĕн паянхи кунчченех эпир тÿсме çук пысăк çылăх ăшĕнче пурăнатпăр,

(74) хамăр çылăхсемшĕн, аттесен çылăхĕсемшĕн пире хамăр тăвансемпе, хамăр патшасемпе, хамăр священниксемпе пĕрле ют çĕрсен патшисен аллине панă, хĕç айне тунă, тыткăна ăсатнă, çаратнă, эпир паянхи кунчченех намăс курса пурăнатпăр.(75) Анчах халĕ, эй Çÿлхуçа Туррăмăр, Санран пысăкран та пысăк ырăлăх илтĕмĕр: Эсĕ Хăвăн сăваплă вырăнунта пирĕн тымарăмăрпа ятăмăра сыхласа хăвартăн,

(76) Çÿлхуçа Туррăмăр Çуртĕнче пире çутă çутса патăн, эпир чура пулса пурăннă чухне пире тăрантарса усрарăн! Чура пулса пурăннă чухне пире Çÿлхуçа Туррăмăр пăрахмарĕ;

(77) Вăл Перси патшисен кăмăлне пирĕн енне çавăрчĕ те, лешĕсем пире тăрантарса усрарĕç,

(78) пирĕн Çÿлхуçамăр Çуртне мухтава кăларчĕç, пире пушанса юлнă Сиона çĕнĕрен çĕклеме, Иудейăпа Иерусалимра хÿттĕн пурăнма май пачĕç.

(79) Эй Çÿлхуçамăр, халĕ ĕнтĕ, пирĕншĕн çакна пĕтĕмпе тунине кура тăркач, эпир мĕн калама пултарайăпăр? Эпир Эсĕ хушнă йĕркесене пăсрăмăр, Эсĕ вĕсене Хăвăн чурусем, пророксем, урлă панă, Эсĕ каланă:

(80) эсир еткерлĕхе илме пырса кĕрекен çĕр ют халăхсен йĕрĕнчĕкĕсемпе ирсĕрленнĕ, вĕсен тасамарлăхĕпе тулнă, тенĕ.

(81) Халĕ вара хăвăр хĕрĕрсене вĕсен ывăлĕсене качча ан парăр, вĕсен хĕрĕсене те ывăлăрсем валли качча ан илĕр,

(82) çакă çĕр çинче тĕпленсе, унăн ырăлăхĕпе пурăнса ăна хăвăр ачăрсене еткерлĕхе хăварас тесессĕн, нихăçан та вĕсемпе килĕшÿ ан шырăр, тенĕ.

(83) Пирĕн тĕллĕн мĕн килсе тухать, пурте усал ĕçĕмĕрсемшĕн, пысăк çылăхăмăрсемшĕн пулать. Эй Çÿлхуçамăр, Эсĕ пирĕн çылăхсене çăмăллатрăн,

(84) пирĕн валли тымара сыхласа хăварсам; анчах эпир, ют халăхсен тасамарлăхĕпе хутшăнса, каллех Санăн саккунна пăсас енне сулăнтăмăр.

(85) Ĕнтĕ Эсĕ пире тĕппипех пĕтермелле, пирĕн тымара та, вăрлăха та, ята та пĕтермеллех çилленмерĕнши?

(86) Эй Çÿлхуçа, Израиль Турри, Эсĕ ырă! эпир ĕнтĕ çак кунчченех тымар пулса юлтăмăр.

(87) Акă эпир халĕ Сан умăнта хамăрăн çылăхăмăрсемпе тăратпăр; пирĕн ĕнтĕ çав çылăхсемпе Сан умна курăнмалла та мар, терĕм эпĕ.

(88) Ездра çапла Турă Çурчĕ умĕнче ÿпне ÿксе, йĕрейĕре ÿкĕнсе кĕлтунă хушăра ун патне Иерусалим çыннисем — арçынсем, хĕрарăмсем, ачасем — питех те нумаййăн пуçтарăннă; ĕнтĕ пĕтĕм халăх татăлса макăрнă.

(89) Вара Иехония — Израиль йăхĕнчен тухнă Иоиль ывăлĕ — кăшкăрса ярса каланă: эй Ездра! эпир, çак вырăнти ют халăхсен хĕрĕсене качча илсе, Çÿлхуçа умĕнче çылăха кĕтĕмĕр; акă кунта халĕ пĕтĕм Израиль:

(90) Çÿлхуçа умĕнче тупа тăвар: санăн тата Турă саккунне пăхăнса тăракансенĕн шухăшĕпе пĕр килсе, эпир хамăрăн ют халăхсенчен илнĕ арăмсене пурне те ачисемпе пĕрле каялла ярăпăр.

(91) Тăр та ту çакна! мĕншĕн тесессĕн ку вăл — санăн ĕçÿ, эпир те санпа пĕрле çакна тума вăй çитерĕпĕр, тенĕ.

(92) Ездра ĕнтĕ ура çине тăнă, вăл пĕтĕм Израиль священникĕсемпе левичĕсен пуçлăхĕсене çапла тупа тума хушнă, лешĕсем тупа тунă.

9

(1) Ездра вара Турă Çурчĕ умĕнчен Елнасив ывăлĕ Ионан килне кайнă,

(2) унта вăл, халăх ытла та йĕркесĕр пурăннишĕн кулянса, çăкăр та çимен, шыв та ĕçмен.

(3) Вара Иудейăра та, Иерусалимра та пĕлтерсе тухнă: тыткăнран таврăннисене пурне те Иерусалима пухăнма чĕннĕ;

(4) икĕ е виçĕ кун хушшинче пыманнисем пулсан, аслă çынсен сучĕ йышăннипе, вĕсенĕн пурлăхне туртса илĕç, хăйсене тыткăнра пулнисен ушкăнĕнчен уйăрĕç, тенĕ.

(5) Виçĕ кун хушшинче вара тыткăнра пулнă Иудăпа Вениамин йăхĕсен çыннисем пурте Иерусалима пуçтарăннă — ку тăххăрмĕш уйăхра, çав уйăхăн вуниккĕмĕш кунĕнче пулнă.

(6) Пĕтĕм халăх Турă Çурчĕн картишĕнче шăнсачĕтресе ларнă — хĕл пуçланнă пулнă ĕнтĕ.

(7) Ездра тăнă та вĕсене çапла каланă: эсир саккуна хирĕçле ĕç тунă, Израиль çылăхĕсене ÿстерсе, ют халăхсен хĕрĕсене качча илсе, çавсемпе пурăнатăр.

(8) Эппин, аттемĕрсенĕн Çÿлхуçа Туррине аслăласа, çылăхăрсемшĕн ÿкĕнĕр,

(9) Унăн ирĕкне тăвăр, ют халăхсенчен, ютран илнĕ арăмăрсенчен уйрăлăр! тенĕ.

(10) Пĕтĕм ушкăн кăшкăрса ярса, хыттăн хуравласа каланă: эсĕ каланă пек тăвăпăр. иАнчах ушкăнăмăр йышлă, вăхăчĕ те хĕллехи вăхăт, эпир уçă çĕрте тăма пултараймастпăр, ĕçĕ вара пĕрик кун хушшинчех тумалли ĕç мар, мĕншĕн тесессĕн эпир ку ĕçре ытла та çылăха кĕрсе пĕтрĕмĕр;

(12) çавăнпа та ушкăн пуçлăхĕсене лартса тухмалла, вара пирĕн ялсенче пурăнакансем, ют халăх хĕрĕсене качча илнисем, палăртса хунă вăхăтра çакăнта

(13) çав ялсен аслă çыннисемпе, тÿрисемпе килччĕр — ĕнтĕ çак ĕçе пула хыпса илнĕ Турă çилли пирĕнтен сирĕлинччĕ, тенĕ.

(14) Çак ĕçе вара Асаил ывăлĕ Ионафан, Феокана ывăлĕ Езекия хăйсем çине илнĕ, Месуллам, Левис, Савватей вĕсене пулăшса пынă.

(15) Тыткăнран таврăннисем йăлтах çапла тунă та.

(16) Ездра священник ăрусенчен аслă пуçлăхсене, пурне те ят ран, суйласа илнĕ те, вĕсем вара вуннăмĕш уйăхăн пĕрремĕш кунĕнче çак ĕçе тишкерме пухăннă.

(17) Ют халăх хĕрĕсене качча илнисенĕн ĕçĕсене пĕрремĕш уйăхăн пĕрремĕш кунĕ тĕлне тишкерсе тухнă.

(18) Çавăнта пухăннă священниксенчен ют халăх хĕрĕсене качча илнисем çаксем тупăннă:

(19) Иоседек ывăлĕ Иисус ывăлĕсенчен, унăн тăванĕсенчен — Мафилас, Елеазар, Иориф тата Иоадан,

(20) вĕсем хăйсен арăмĕсене уйăрса яма сăмах панă, çылăхĕсене каçарттарма сурăх такисем парне кÿнĕ;

(21) Еммир ывăлĕсенчен — Анания, Завдей, Манис, Самей, Иереил тата Азария;

(22) Фесур ывăлĕсенчен — Елионаис, Массия, Исмаил, Нафанаил, Окодил, Салоя;

(23) Левитсенчен — Иозавад, Семеис, Колий, вăлах Калита та, Пафей, Иуда, Иона,

(24) юрăçсенчен — Елиасав, Вакхур,

(25) хапха хуралçисенчен — Салум, Толван,

(26) Израиль халăхĕнчен вара, Форос ывăлĕсенчен — Иерма, Иезия, Мелхия, Маил, Елеазар, Асевия, Ванея;

(27) Ил ывăлĕсенчен — Матфания, Захария, Иезриил, Иоавдий, Иеремоф, Аидия;

(283) амаф ывăлĕсенчен — Елиада, Елеасим, Офония, Иаримоф, Сават, ЗераЛия;

(29) Виваий ывăлĕсенчен — Иоанн, Анания, Иозавад, Амафия;

(30) Маня ывăлĕсенчен — Олам, Мамух, Иедей, Иасув, Иасаил, Иеремоф;

(31) Адди ывăлĕсенчен — Нааф, Моосия, Лаккун, Наид, Матфания, Сесфил, Валнуй, Манассия;

(32) Анан ывăлĕсенчен — Елиона, Асаия, Мелхия, Саввей, Симон Хосамей;

(33) Асом ывăлĕсенчен — Алтаней, Маттафия, Саванней, Елифалат, Манассия, Семей;

(34) Вааний ывăлĕсенчен — Иеремия, Момдий, Исмаир, Иуил, Мафдай, Педия, Анос, Равасион, Енасив, Мамнитанем, Елиасис, Ваннус, Елиали, Сомей, Селемия, Нафания; Езор ывăлĕсенчен — Сесис, Езрил, Азаил, Самат, Замри, Иосиф;

(35) Ефм ывăлĕсенчен — Мазития, Завадей, Идей, Иуил, Ванея.

(36) Çаксем пурте ют халăхсенчен илнĕ арăмсемпе пурăннă, вĕсене ĕнтĕ ачисемпе пĕрле кăларса янă.

(37) Священниксемпе Левитсем, Иерусалимпа унăн çĕрĕнче пулнă Израильсем, вĕсенĕн ывăлĕсем çиччĕмĕш уйăхăн пĕрремĕш кунĕ тĕлне хăйсен вырăнĕсене вырăнаçса тухнă.

(38) Ĕнтĕ пĕтĕм халăх пĕр шухăшлăн пулса Турă Çурчĕн тухăç енчи хапхи умне уçă вырăна пуçтарăннă,

(39) вĕсем Ездра священника, кĕнекеçĕне Çÿлхуçа, Израиль Турри, Моисее панă саккуна илсе килме каланă.

(40) Вара çиччĕмĕш уйăхăн пĕрремĕш кунĕнче аслă священник пĕтĕм халăх умне — арçынсемпе хĕрарăмсем, мĕнпур священник умне — вуласа памашкăн саккун илсе тухнă,

(41) Турă Çурчĕн хапхи умĕнчи уçă вырăнта ăна иртен пуçласа кăнтăрлаччен арçынсемпе хĕрарăмсем умĕнче вуланă, пĕтĕм халăх саккуна тăнланă.

(42) Ездра — священник, кĕнекеçĕ — йывăçран тунă çÿллĕ вырăна тăнă;

(43) сылтăм енче унпа юнашар Маттафия, Саммус, Анания, Азария, Урия, Езекия, Ваалсам тăнă;

(44) сулахай енче Фалдей, Мисаил, Мелхия, Аофасув, Навария, Захария тăнă.

(45) Ездра саккун кĕнекине пĕтĕм халăх умĕнче илнĕ те питĕ чыслăн ăна вулама ларнă;

(46) вăл саккуна ăнлантарнă чухне пурте ура çинче тăнă; ĕнтĕ Ездра Çÿлти Çÿлхуçа Турра, Саваоф Турра, Пурне те Тытса Тăракана тав тунă.

(47) Пĕтĕм халăх: аминь! тесе кăшкăрнă, аллисене çÿлелле çĕклесе, çĕре ÿксе, Çÿлхуçана пуççапнă.

(48) Иисус та, Анниуф та, Саравия та, Иадин та, Иакув та, Саватия та, Автея та, Меанна та, Калита та, Азария та, Иозавад та, Анания та, ФаЛия та, Левитсем те халăх умĕнче Çÿлхуçа саккунне вĕрентсе тăнă, мĕн вуланине ăнлантараăнлантара Турă саккунне вуланă.

(49) Атфарат вара Ездрăна — аслă священника, кĕнекеçĕне — тата халăха вĕрентсе тăнă Левитсене çапла каланă:

(50) çакă куна Çÿлхуçана халалланă, ĕнтĕ пурте саккуна йĕрсе итлесе тăчĕç;

(51) халĕ кайăр та тутлă çийĕр, пылак ĕçĕр, чухăнсене кучченеç ярса парăр,

(52) ĕнтĕ çакă куна Çÿлхуçана халалланă, ан хурланăр, Çÿлхуçа сире мухтава кăларĕ, тенĕ.

(53) Çавăн пекех Левитсем те халăха: ку сăваплă кун, ан хурланăр, тесе ÿкĕтленĕ.

(54) Вара пурте ĕçмеçиме, савăнма, чухăнсене кучченеç пама кайнă, нумайччен хĕпĕртесе савăннă:

(55) вĕсем ĕнтĕ пухура вĕрентнĕ сăмахсене ăша хывнă.

Неемия Кĕнеки

1

(1) Ахалия ывăлĕ Неемия каласа пани. Артаксеркс патша çирĕммĕш çул патшара ларнă чухне, кислев уйăхĕнче, эпĕ Сузă керемĕнче пулнă.

(2) Ман патăма Иудейăран тăванăмсенчен пĕри, Ханани, тата унпа пĕрле темиçе çын çитрĕç. Эпĕ вĕсенчен тыткăнран чĕрĕ юлнă иудейсем çинчен, Иерусалим çинчен каласа пама ыйтрăм.

(3) Вĕсем мана каларĕç: тыткăнра пулса чĕрĕ юлнисем унта, хăйсен çĕршывĕнче, хĕнасап курса, мĕскĕн пурăнăçпа пурăнаççĕ; Иерусалим хÿмине аркатса тăкнă, хапхисене вутпа çунтарса янă, терĕç.

(4) Çак сăмахсене илтсессĕн, эпĕ лартăм та йĕрсе ятăм, темиçе кун хуйхăрса çÿрерĕм, типĕ тытрăм, çÿлти Турра кĕлтурăм,

(5) ĕнтĕ çапла каларăм: эй тÿпери Çÿлхуçа Турă, аслă та хăрушă Турă! Эсĕ Хăвна юратакансене, Хăвăн ÿкĕтÿсене уяса пурăнакансене ырăлăх кÿрсе халала тытса тăратăн.

(6) Хăвăн чуру тăвакан кĕлле илтмешкĕн Санăн хăлху тимлĕ пулинччĕ, куçу уçă пулинччĕ: эпĕ кунĕнçĕрĕн Санăн умăнта Израиль ывăлĕсемшĕн, Хăвăн чурусемшĕн кĕлтăватăп, Израиль ывăлĕсенĕн çылăхĕсене каçарма тархаслатăп — эпир Сан умăнта çылăха кĕтĕмĕр, эпĕ те, ман аттем килĕ те çылăха кĕтĕмĕр.

(7) Эпир Сан умăнта айăпа кĕтĕмĕр, Эсĕ Хăвăн Моисей чуруна панă ÿкĕтсене, йĕркесемпе кăтартусене тытса пыраймарăмăр.

(8) Анчах Эсĕ Хăвăн Моисей чуруна каланă сăмахна асна илсемччĕ, «эсир айăпа кĕрес пулсассăн, Эпĕ сире халăхсем хушшине сапаласа ярăп,

(9) Ман енне çаврăнсассăн вара, Манăн ÿкĕтĕмсене уяса тăрсассăн, вĕсене пурăнăçласа тăрсассăн, хăвăра тÿпе хĕрринех хăваласа ярас пулсассăн та, сире унтан та пуçтарса тухăп та Хамăн ятăм валли суйласа илнĕ вырăна илсе килĕп» тенине асна илсемччĕ.

(10) Вĕсем — Санăн чурусем, Санăн халăху, Эсĕ ăна Хăвăн аслă хăватупа, Хăвăн вăйлă аллупа тÿлесе илнĕ.

(11) Эй Çÿлхуçамăм, Сана кĕлтăватăп! Хăвăн чурун кĕллине, Санăн ятунтан хăранипе телейлĕ чурусен кĕллине итлеме хăлхуна тайсамччĕ. Халĕ ĕнтĕ Хăвăн чуруна пулăшма васкасамччĕ, çак çыннăн кăмăлне ман майлă çавăрсамччĕ, терĕм. Эпĕ ун чухне патша патĕнче эрех парса тăраканĕ пулнă.

2

(1) Ку Артаксеркс патша çирĕммĕш çул патшара ларнă чухне, нисан уйăхĕнче, пулса иртрĕ. Эпĕ патшана эрех тултарса патăм. Патша унччен нихăçан та эпĕ хурлăхлă пулнине курманччĕ.

(2) Патша мана каларĕ: мĕншĕн сăну хурлăхлă санăн? Çук, эсĕ чирлĕ мар, сана темĕскер канăç памасть пулмалла, терĕ. Эпĕ хăрасах ÿкрĕм те

(3) патшана каларăм: ĕмĕрĕмĕр пурăнтăр патша! Хуламăм, аттемсен тупăкĕсен килĕ, юхăнса юлнă пулсассăн, хула хапхисене вутçулăмпа çунтарса янă пулсассăн, епле хурлăхлă ан пултăрха сăнăм? терĕм.

(4) Патша мана: мĕн кирлĕ сана? терĕ. Эпĕ çÿлти Турра кĕлтурăм та

(5) патшана каларăм: патшашăн кăмăллă пулсассăн, санăн умăнта чуру ырăлăх тупрĕ пулсассăн, мана Иудейăна — аттемсен тупăкĕсен хулине — ярсамччĕ, эпĕ ăна юсаса тирпее кĕртем, терĕм.

(6) Вара патша, — ун çумĕнче майра патша ларатчĕ, — каларĕ мана: эсĕ нумайлăха каясшăни, хăçан таврăнатăн? терĕ. Çапла патша мана яма килĕшрĕ. Эпĕ вăхăтне палăртрăм.

(7) Каларăм: патшанăн кăмăлĕ пулсассăн, вăл мана юханшыв леш енчи çĕрсен пуçлăхĕсене кăтартма çырусем çырса патăрччĕ: çапла вĕсем мана Иудейăна пĕр чăрмавсăр çитсе ÿкме паччăр, терĕм,

(8) çавăн пекех патша вăрманĕсене пăхса тăракан Асаф валли çырнă çыру та пултăрччĕ: вăл мана Турă Çурчĕ çумĕнчи керем хапхи валли, хула хÿми валли тата хам пурăнас çурт валли йывăç патăрччĕ, терĕм. Патша мана çав çырусене çырса пачĕ, мĕншĕн тесессĕн ман çинче ĕнтĕ Туррăмăн ырăлăх кăтартакан алли тăнă.

(9) Вара эпĕ юханшыв леш енчи çĕрсен пуçлăхĕсем патне кайрăм, вĕсене патша çырăвĕсене патăм. Патша манпа пĕрле темиçе çарпуç тата утлă çар çыннисем янăччĕ.

(10) Хорон çынни Санаваллат тата аммонсен пуçлăхĕ Товия, çакна илтсессĕн, Израиль ывăлĕсемшĕн тăрăшакан çын килнĕшĕн питĕ кăмăлсăр пулчĕç.

(11) Çапла вара эпĕ Иерусалима çитрĕм. Унта виçĕ кун пурăнсассăн

(12) хамăн темиçе çыннăмпа пĕрле çĕрле тăрса тухрăм, Туррăм хушнипе чĕремре Иерусалим валли мĕнле ĕç тума шухăшласа хунине никама та каламарăм; хам ларса пыракан ашаксăр пуçне пирĕн урăх выльăх çукчĕ.

(13) Çапла çĕрле, Айлăм хапхи витĕр тухса, Аçтаха çăлкуçĕ еннелле кайрăм, Тислĕк хапхи патне çитрĕм, Иерусалимăн ишĕлнĕ хÿмине, вутпа çунтарса янă хапхисене пăхса çаврăнтăм.

(14) Çăлкуç хапхипе Патша кÿлли патне çитрĕм, анчах ку вырăнтан юлан кайма май пулмарĕ те,

(15) эпĕ лапампа каялла хăпартăм, хÿмене пăхса çаврăнтăм та каллех, Айлăм хапхи витĕр иртсе, каялла таврăнтăм.

(16) Пуçлăхра тăракансем эпĕ ăçта çÿренине, мĕн тунине пĕлеймесĕрех юлчĕç: иудейсене те, свя щенниксене те, ятлăсумлă çынсене те, пуçлăхсене те, ыттисене те — çав ĕçе тăвасскерсене — эпĕ çак таранччен нимĕн те каламанччĕ.

(17) Ĕнтĕ вĕсене каларăм: хăвăрах куратăр, мĕн тери синкерсехмет тÿсетпĕр эпир: Иерусалим пушпушă, ун хапхисене çунтарса янă; тытар та Иерусалим хÿмине туса лартар, малашне çапла мăшкăл курса пурăнар мар, терĕм.

(18) Эпĕ вĕсене Туррăм маншăн кăмăллă пулнине тата патша хама мĕн каланине те каласа патăм. Вĕсем: тытăнас! терĕç, ĕнтĕ аллисене ырă ĕç тума тĕреклĕлетрĕç.

(19) Çакăн çинчен илтсессĕн, Хорон çынни Санаваллат, аммонсен пуçлăхĕ Товия, Арави çынни Гешем пирĕнтен кулчĕç, йĕрĕнсе каларĕç: мĕн ĕç тăватăр вара эсир? Патшана хирĕç çĕкленес теместăри капла? терĕç.

(20) Эпĕ вĕсене хуравласа каларăм: Çÿлти Турă пире пулăшма васкать, эпир ĕнтĕ, Унăн чурисем, хуламăра юсама тытăнăпăр, сирĕн вара Иерусалимра пай та, ирĕк те, тивĕç те çук, терĕм.

3

(1) Вара аслă священник ЕЛияшив тата унăн священник тăванĕсем ĕçе тытăнчĕç те Сурăх хапхине туса лартрĕç: вĕсем ăна тасалăх тивлечĕ кÿчĕç, алăкĕсене лартрĕç, Меа пашнинчен пуçласа Хананел пашни таранах тасалăх тивлечĕ кÿчĕç.

(2) Вĕсен çывăхĕнче Иерихон çыннисем хÿме хÿрĕç, кусемпе юнашар Имрий ывăлĕ Закхур ĕçлерĕ.

(3) Пулă хапхине Сенаа çыннисем турĕç: вĕсем хапха тăррине витрĕç, алăкĕсене çакрĕç, вĕсен çăрисемпе сăлăпĕсене лартрĕç.

(4) Вĕсемпе юнашар хÿмен тепĕр сыпăкне Меремоф — Гакоц ывăлĕн Уриян ывăлĕ — юсарĕ; вĕсен çумĕнчи сыпăка Мешуллам — Мешизабел ывăлĕн Берехиян ывăлĕ — юсарĕ; вĕсен çумĕнчи сыпăка Баана ывăлĕ Садок юсарĕ;

(5) вĕсен çумĕнчи сыпăка Фекоя çыннисем юсарĕç; анчах вĕсенĕн чаплă çыннисем хăйсен Çÿлхуçишĕн пилĕк авмарĕç, ĕçлемерĕç.

(6) Кивĕ хапхана Пасеах ывăлĕ Иоиада тата Бесодия ывăлĕ Мешуллам юсарĕç: вĕсем хапха тăррине витрĕç, алăкĕсене, вĕсен çăрисемпе сăлăпĕсене лартрĕç.

(7) Вĕсен çумĕнчи сыпăка Гаваон çынни Мелатия тата Мероноф çынни Иодан — юханшыв леш енчи çĕр пуçлăхне пăхăнса тăракан Гаваонпа Мицфа çыннисем — юсарĕç.

(8) Вĕсен çумĕнчи сыпăка Харгаия ывăлĕ Уззиил, ылтăнкĕмĕл ăсти, юсарĕ, ун çумĕнчи сыпăка Ханания, ырă шăршăллă сĕрĕш тăваканскерĕ, юсарĕ. Çапла Иерусалима Сарлака хÿме патне çитиччен юсаса тухрĕç.

(9) Вĕсен çумĕнчи хÿме сыпăкне Хур ывăлĕ Рефаия, Иерусалим çĕрĕн çуррине тытса тăраканĕ, юсарĕ.

(10) Вĕсен çумĕнчи сыпăка, хăйĕн пÿрчĕпе тĕлметĕлех вырăна, Харумаф ывăлĕ Иедаия юсарĕ, ун çумĕнчи сыпăка Хашавния ывăлĕ Хаттуш юсарĕ.

(11) Хÿмен тепĕр сыпăкне Харим ывăлĕ Малхия тата Пахаф-Моав ывăлĕ Хашшув юсарĕç; Кăмака пашнине те вĕсемех юсарĕç.

(12) Вĕсен çумĕнчи сыпăка Галлохеш ывăлĕ, Иерусалим çĕрĕн çуррине тытса тăракан Шаллум тата унăн хĕрĕсем юсарĕç.

(13) Айлăм хапхине Ханун тата Заноах çыннисем юсарĕç: вĕсем хапха турĕç, алăкĕсене çакрĕç, çăрисемпе сăлăпĕсене лартрĕç; вĕсемех хÿмене пин чике тăршшĕ, Тислĕк хапхи патне çитиччен, юсарĕç.

(14) ‘Гислĕк хапхине вара Малхия — Рехав ывăлĕ, Бефкарем çĕрĕн пуçлăхĕ — юсарĕ: вăл хапха турĕ, алăкĕсене çакрĕ, çăрисемпе сăлăпĕсене лартрĕ.

(15) Çăлкуç хапхине Шаллум — Колхозей ывăлĕ, Мицфа çĕрĕн пуçлăхĕ — юсарĕ: вăл хапха турĕ, тăррине витрĕ, алăкĕсене çакрĕ, çăрисемпе сăлăпĕсене лартрĕ; патша сачĕпе тĕлметĕл вырăнаçнă Селах пĕви патĕнчи хÿмене те, Давид хулинчен анаталла анакан картлашкасем таран, вăлах юсарĕ.

(16) Неемия вара — Азбук ывăлĕ, Бефцур çĕрĕн çуррине тытса тăраканĕ — хÿмен тепĕр сыпăкне Давид тупăклăхĕ патне çитиччен, алтса тунă пĕвепе Паттăрсен çурчĕ таран юсарĕ.

(17) Ун çумĕнчи сыпăка Левитсем тÿрлетрĕç; Ваний ывăлĕ Рехум юсарĕ; унпа юнашар Хашавия, Кеиль çĕ рĕн çуррине тытса тăраканĕ, хăй çĕрĕшĕн ĕçлерĕ.

(18) Ун çумĕнчи сыпăка вĕсен тăванĕсем юсарĕç: вĕсене Хенанад ывăлĕ Баввай, Кеиль çĕрĕн çуррине тытса тăраканĕ, ертсе пычĕ.

(19) Хÿмен тепĕр сыпăкне — кăрал çурчĕ патне улăхакан тĕлти кĕтесе — Иисус ывăлĕ Езер, Мицфа пуçлăхĕ, юсарĕ.

(20) Ун çумĕнчи сыпăка Забвай ывăлĕ Варух юсарĕ, вăл питех те тăрăшса ĕçлерĕ — кĕтесрен пуçласа аслă священник ЕЛияшив çурчĕн алăкĕ патне çитиччен юсаса тухрĕ.

(21) Ун çумĕнчи сыпăка, ЕЛияшив çурчĕн алăкĕ патĕнчен пуçласа çурт вĕçне çитиччен, Меремоф — Гакоц ывăлĕн Уриян ывăлĕ — юсарĕ.

(22) Ун çумĕнчи сыпăка çав вырăнта пурăнакан священниксем юсарĕç.

(23) Малалла Вениаминпа Хашшув хăйсен çурчĕ тĕлĕнче юсарĕç; Азария вара — Анания ывăлĕн Маасеян ывăлĕ — хăйĕн çурчĕ тĕлĕнче юсарĕ.

(24) Тата малалла, хÿмен тепĕр сыпăкне, Азария çуртĕнчен пуçласа кĕтеспе çул кукрине çитиччен, Хенадад ывăлĕ Биннуй юсарĕ.

(25) Узай ывăлĕ Фалал кĕтес тĕлĕнче тата тĕрме картишĕ çумĕнчи патша çурчĕн — Тури çуртăн — çÿллĕ пашни тĕлĕнче ĕçлерĕ. Унран лерелле Парош ывăлĕ Федаия ĕçлерĕ.

(26) Левитсене пулăшакансем вара, Офелра пурăнаканскерсем, тухăç енчи Шыв хапхи тĕлне çитиччен, çÿллĕ пашне тĕлне çитиччен юсаса тухрĕç.

(27) Тата малалла, хÿмен тепĕр пайне, — пысăк та çÿллĕ пашне патĕнчен пуçласа Офел хÿмине çитиччен — Фекоя çыннисем юсарĕç.

(28) Лаша хапхинчен лерелле священниксем кашнийĕ харпăр хăй килĕ тĕлĕнче юсарĕ.

(29) Вĕсенчен леререх Иммер ывăлĕ Садок хăй çурчĕ тĕлĕнче юсарĕ, ун çумĕнчи сыпăка вара Шехания ывăлĕ Шамаия — тухăç енчи хапха хуралçи — юсарĕ.

(30) Малалла, хÿмен тепĕр пайне, Шелемия ывăлĕ Ханания тата Цалафăн улттăмĕш ывăлĕ Ханун юсарĕç. Вĕсенчен леререх Берехия ывăлĕ Мешуллам хăй пÿлĕмĕ тĕлĕнче юсарĕ.

(31) Ун çумĕнчи сыпăка, Левитсене пулăшакансемпе сутуçăсен çурчĕ таран, кĕтесри пурăнмалли çурт таран, Хурал хапхипе тĕлметĕл, Гацорфий ывăлĕ Малхия юсарĕ.

(32) Кĕтесри çуртпа Сурăх хапхи хушшине ылтăнкĕмĕл ăстисемпе сутуçăсем юсарĕç.

4

nehemiah-jerusalem-theng-kik(1) Санаваллат, эпир хÿме туни çинчен илтсессĕн, тарăхса талăрсах кайнă. Иудейсене мăшкăлласа,

(2) вăл хăйĕн тăванĕсемпе Самарири çар çыннисем умĕнче çапла каланă: мĕн тăваççĕха çак мĕскĕн иудейсем? тăваççехши? парне те кÿрĕçши? ĕçне туса пĕтерĕçши? ишĕлчĕк купинчи чулсенчен, çуннăĕннĕ чулсенчен, çĕнĕ чулсем тăвĕçши? тенĕ.

(3) Унпа юнашар пулнă аммон çынни Товия тата çапла каланă: ан тив, туччăрах; тилĕ сиксе хăпарĕ те — вĕсен чул хÿми ишĕлсе те анĕ! тенĕ.

(4) Туррăмăр, илтсемччĕ пире, пирĕнтен епле йĕрĕнсе кулаççĕ, вĕсен хăртса каланă сăмахĕсене хăйсен пуçĕ çинех çавăр; вĕсем тыткăна, ют çĕре лекчĕр, мăшкăл курччăр,

(5) вĕсен йĕркесĕр ĕçĕсене ан каçар, вĕсен çылăхĕ те Сан умăнта ан çухалтăр, мĕншĕн тесессĕн вĕсем хÿме юсакансене кÿрентерчĕç!

(6) Эпир пĕрех ĕçе пăрахмарăмăр, ĕнтĕ пĕтĕм хÿмене çурри таран хăпартнăччĕ. Халăхăн ĕçлес хастарлăхĕ çителĕклехчĕ.

(7) Санаваллатпа Товия, Арави çыннисемпе аммонсем тата Азот çыннисем, Иерусалим хÿмисене çĕнĕрен туни çинчен, юхăннăçĕмĕрнĕ вырăнсене питĕрни çинчен илтсессĕн, питĕ хытă тарăхнă.

(8) Вара Иерусалим çине пурте пĕрле вăрçăпа кайма, унти ĕçе чарса лартма сăмах татнă.

(9) Эпир хамăр Туррăмăра кĕлтурăмăр, вĕсенчен сыхланмашкăн вĕсене хирĕç кунĕнçĕрĕн хурал тăратрăмăр.

(10) Анчах иудейсем каларĕç: йăтмарçăсен вăйхалĕ чакрĕ, ванчăк чул вара ытла та нумай; эпир хÿме тума пултараймастпăр, терĕç.

(11) Пирĕн тăшмансем вара çапла каларĕç: вĕсем эпир хăйсен хушшине сасартăк пырса кĕнине, хăйсене çĕмĕрсе тăкни не пĕлмесĕрехкурмасăрах юлĕç — çапла вĕсен ĕçне чарса лартăпăр! терĕç.

(12) Вĕсен çывăхĕнче пурăнакан иудейсем «сирĕн çине пур енчен те тапăнаççĕ» тесе пĕр вунă хут та каларĕç пире,

(13) çакăн хыççăн эпĕ хула çумĕнчи айлăм вырăнсене, хÿме леш енне, уçă вырăнсене халăха ăрусем тăрăх, хĕçсемпе, сăнăсемпе, ухăсемпе тăратса тухрăм.

(14) Вара пăхса çаврăнтăм та, тăтăм та аслă çынсемпе пуçлăхсене тата ытти халăха çапла каларăм: вĕсенчен ан хăрăр; аслă та хăрушă Çÿлхуçамăра асра тытăр, хăвăр тăванăрсемшĕн, хăвăр ывăлăрсемпе хĕрĕрсемшĕн, хăвăр арăмăрсемпе килĕрсемшĕн çапăçăр, терĕм.

(15) Пирĕн тăшмансем ĕнтĕ хăйсен шухăшĕ пирĕншĕн пĕтĕмпе паллă пулнине, Турă вĕсен тĕллевне путарнине ăнкарса илнĕ; эпир вара пурсăмăр та хÿме патне, кашнийĕ хăйĕн ĕçĕ патне таврăнтăмăр.

(16) Çав кунран пуçласа вара ман çумри çамрăк çынсем çур халăхĕ ĕçлетчĕ, çурри сăнăпа, хулканпа, ухăпа, тимĕр тумтирпе авăрланнăччĕ; çарпуçсем яланах хÿме хăпартакан Иудея çыннисемпе юнашар пулчĕç.

(17) Хÿме хăпартакансемпе йăтмарçăсем ĕнтĕ хăрах алăпа ĕç турĕç, тепĕринпе сăнă тытсах тăчĕç.

(18) Хÿме тăвакансем кашниех пилĕкĕнчен хĕç çакса янăччĕ, çапла ĕçлерĕç вĕсем. Манпа юнашарах трупа кăшкăртакан тăратчĕ.

(19) Вара эпĕ аслă çынсемпе пуçлăхсене, ытти халăха каларăм: ĕçĕ ку пысăк та анлă, эпир хÿме тăрăх саланса пĕтнĕ, пĕрпĕринчен аякра ĕçлетпĕр;

(20) çавăнпа та трупа сассине хăш енчен илтетĕр, çав вырăна пирĕн пата пуçтарăнăр; Туррăмăр пирĕн хута кĕрсе çапăçĕ, терĕм.

(21) Çапла ĕçлерĕмĕр эпир; çур халăх мĕн шуçăмран пуçласа çăлтăрсем курăничченех сăнăпа тăчĕ.

(22) Çавăн чухне эпĕ халăха тата çапла каларăм: кашниех хăйĕн чуритарçипе пĕрле Иерусалимрах çĕр выртса тăтăр, — вĕсем çĕрле хуралта, кăнтăрла ĕçре пулĕç, терĕм.

(23) Эпĕ те, манăн тăванăмсем те, тарçăмсем те, манпа пĕрле çÿрекен хуралçăсем те çывăрнă чухне те çири тумтире хывман, сылтăм аллинчен хĕçне яман.

5

(1) Халăх хушшинче пысăк ÿпкелешÿ пуçланчĕ, хĕрарăмсем те хăйсен иудей тăванĕсене ÿпкелесе калаçрĕç.

(2) Çапла калакансем пулчĕç: эпир йышлăн, ывăлăмăрсемпе хĕрĕмĕрсем нумай; пирĕн тырă тупасчĕ, çăкăр çиесчĕ, чĕрĕ юласчĕ, терĕç.

(3) Çапла калакансем те пулчĕç: выçăпа аптăраса, тырă тупмашкăн эпир хамăр уйсене, иçĕм çырли пахчисене, хамăр çуртсене саклата паратпăр, терĕç.

(4) Çапла калакансем те пулчĕç: эпир патша хырçине тÿлесе татма хамăр уйсемпе иçĕм çырли пахчисене саклата парса кивçен кĕмĕл илетпĕр;

(5) пирĕн ÿтĕмĕр те хамăр тăванăмăрсен ÿчĕсем пекех, пирĕн ывăлăмăрсем те вĕсен ывăлĕсем пекех, анчах пирĕн хамăр ывăлăмăрсемпе хĕрĕмĕрсене чурана пама тивет, пирĕн хĕрĕмĕрсем хăшĕпĕри пусмăрлăхра ĕнтĕ. Вĕсене тÿлесе илме аллăмăрта нимĕнле вăй та çук; пирĕн уйсемпе иçĕм çырли пахчисем те урăххисен аллинче, терĕç.

(6) Вĕсем çапла ÿпкелешсе калаçнине илтсессĕн, эпĕ питĕ тарăхрăм.

(7) Чĕрем те пăлханса кайрĕ манăн, аслă çынсемпе пуçлăхсене эпĕ хытах ятласа каларăм: эсир хăвăр тăванăрсенчен ытлашши илетĕр, терĕм. Вара вĕсене хирĕç пысăк пуху пуçтартăм та

(8) каларăм: ытти халăхсене сутнă хамăр тăванăмăрсене, иудейсене, эпир вăй çитнĕ таран каялла тÿлесе илеттĕмĕр, эсир вара хăвăр тăванăрсене сутатăр, вĕсем те хăйсене хăйсем сутаççĕ, терĕм. Вĕсем шăпăртах тăчĕç, хирĕç тавăрса калама сăмах тупаймарĕç.

(9) Тата çапла каларăм: лайăх мар тăватăр эсир. Ытти халăхсен, хамăр тăшмансен, мăшкăлĕ пулас мар тесессĕн, Туррăмăртан хăрамалла мари сирĕн?

(10) Эпĕ хам та, манăн тăванăмсем те, мана ĕçлесе тăракансем те вĕсене кивçенле кĕмĕл тата тырă панă: ку парăма хăйсенчех хăварăпăр.

(11) Вĕсен уйĕсене, иçĕм çырлипе çу йывăçĕсен пахчисене тата хăвăр кивçенле панă кĕмĕлпе тырăшăн, эрехпе çушăн тунă услама халех тавăрса парăр, терĕм.

(12) Вара аслă çынсемпе пуçлăхсем каларĕç: тавăрса парăпăр, вĕсенчен нимĕн те ыйтмăпăр; эсĕ каланă пек тăвăпăр, терĕç. Эпĕ священниксене чĕнсе илтĕм те лешĕсене вĕсен умĕнче «мĕн каланине пурнăçлăпăр» тесе тупа тутартăм.

(13) Çакăн хыççăн эпĕ тумтирĕм аркине силлерĕм те каларăм: çак сăмаха тытман кирек хăш çынна та Турă çапла силлетĕр, унăн килĕçуртĕнчен те, хуçалăхĕнчен те çапла силлесе илтĕр те, вĕсем пушпушă юлччăр! терĕм. Пĕтĕм пуху: аминь, терĕ. Вара Турра мухтарăмăр; халăх мĕн сăмах панине пурăнăçларĕ.

(14) Тата çакна калам: хама Иудея çĕрĕн пуçлăхне уйăрса лартнă кунранпа,— Артаксеркс патшан çирĕммĕш çулĕнчен пуçласа вăтăр иккĕмĕш çулĕччен, вуникĕ çул хушши,— эпĕ хам та, манăн тăванăмсем те çĕр пуçлăхĕн çăкăрне çимен.

(15) Ман умĕн пулнă çĕр пуçлăхĕсем халăха йывăрлăх кÿнĕ, хĕрĕх сикль кĕмĕлсĕр пуçне çынсенчен тата апатçимĕçпе эрех те илсе тăнă; вĕсен тарçисем те пулин халăхпа хуçаланнă. Эпĕ вара Турăран хăранăран ун пек туман.

(16) Çав вăхăтрах эпĕ хÿме тăвас ĕçе чакма памарăм; эпир уйхир сутăн илмен, манăн тарçăсем те пурте хÿме юсама çÿренĕ.

(17) Ман сĕтелĕм хушшине иудейсемпе пуçлăхсем çĕр аллă çын таран пуçтарăнатчĕç, вĕсемсĕр пуçне пирĕн таврари халăхсен çыннисем те килсех тăратчĕç.

(18) Пĕр кун валли акă мĕнмĕн хатĕрленĕ: пĕр вăкăр, чи паха ултă сурăх; кайăккĕшĕк те хатĕрленĕ ман патăмра; кашни вунă кунран тĕрлĕ йышши эрех ытлăнçитлĕн илсе килсе тăнă. Çĕр пуçлăхне тивĕçлĕ апатçимĕç ыйтман эпĕ, мĕншĕн тесессĕн пысăк ĕç тăвакан халăха ахаль те йывăрччĕ.

(19) Туррăм, эпĕ çак халăх валли ырă тунине асна илсемччĕ!

6

(1) Санаваллат, Товия, Арави çынни Гешем тата пирĕн ытти тăшмансем эпĕ пĕтĕм хÿмене юсаса тухни çинчен, унта ĕнтĕ нимĕнле шăтăкçурăк та юлманни çинчен илтнĕ те,— пĕр тесен, çав вăхăт тĕлне эпĕ хапха алăкĕсене çакса пĕтерейменччĕ-ха,—

(2) Санаваллатпа Гешем ман патăма: кил, Оно тÿремлĕхĕнчи пĕрпĕр ялта тĕл пулăпăр, тесе калама çын ячĕç. Вĕсем мана усал тума каварлашнă пулнă.

(3) Анчах эпĕ вĕсем патне çапла калама элчĕсем ятăм: пысăк ĕçе пула эпĕ пушă мар, сирĕнпе тĕл пулаймăп; эпĕ сирĕнпе тĕл пулма пăрахса кайсан, ĕç чарăнса ларĕ, терĕм.

(4) Вĕсем ман патăма тăватă хутчен çав йыхравпах çынсем ячĕç, эпĕ те вĕсене унчченхи пекех хуравласа тăтăм.

(5) Çавăн хыççăн Санаваллат ман патăма пиллĕкĕмĕш хут хăйĕн тарçине ячĕ, лешĕ çыру илсе килнĕччĕ, çырăвĕ уçахчĕ.

(6) Унта çапла çырнăччĕ: «халăхсем хушшинче сăмах çÿрет, Гешем та çавнах калать: эсĕ тата Иудея уйăрăлма шут тытнă имĕш, çавăнпа хÿме тăватăн та, эсĕ вĕсен патши пуласшăн теççĕ;

(7) эсĕ хăвăн çинчен Иерусалимра чап сарма, «ку — Иудея патши!» тесе калаттарма пророксем те тупнă. Кун пек сăмахсем патша патне çитеççех. Эппин, кил те, пĕрле канаш тăвăпăр» тенĕччĕ.

(8) Анчах эпĕ ун патне çапла калама çын ятăм: эсĕ каланă евĕрли нимĕн те пулман; эсĕ çакна хăвăн пуçупа шухăшласа кăларнă, терĕм.

(9) Ентĕ вĕсем пире хăратсах тăратчĕç: аллисем усăнĕç те ку ĕçе пăрахĕç, ĕçĕ путланĕ тесе ĕмĕтленетчĕç; манăн аллăм вара тĕреклĕленчĕ çеç.

(10) Эпĕ Шемаия патне — Мегетавел ывăлĕн Делаиян ывăлĕ патне — пытăм, вăл ун чухне килĕнчен те тухмастчĕ; вăл мана каларĕ: Турă Çуртĕнче тĕл пулар, каяр та хамăр хыççăн алăка питĕрсе лартар, мĕншĕн тесессĕн сана вĕлерме килмелле, çĕрле сана вĕлерме килеççĕ, терĕ.

(11) Эпĕ ĕнтĕ çапла хуравларăм: ман пек çын тарса çÿреме пултараятьи вара? Ман пек çын чĕрĕ юлас тесе Турă Çуртне пытанатьи? Пымастăп, терĕм.

(12) Вăл мана пророклах каларĕ пулин те, эпĕ ăна Турă яманнине, ăна Товияпа Санаваллат хăйсем майлă çавăрнине ăнкарса илтĕм.

(13) Ăна ĕнтĕ, хăйсем майлă çавăрса, мана хăратма, мана вăл каланă пек тутарса çылăха кĕртме, çапла халăх хушшинче ман çинчен усал сăмах сармашкăн сăлтав тупма хушнă.

(14) Туррăмçăм! Товияпа Санаваллата çав ĕçĕсене аса илтерсемччĕ, çавăн пекех мана хăратма шутланă Ноадия хĕрарăм пророкпа ытти пророксене те асна илсемччĕ.

(15) Хÿмене елул уйăхĕн çирĕм пиллĕкĕмĕш кунĕнче, аллă икĕ кун хушшинче, туса пĕтертĕмĕр.

(16) Çакăн çинчен илтсессĕн, çакна пирĕн таврари пур халăхсем те курсассăн, пирĕн пĕтĕм тăшман ку ĕçе Туррăмăр тунине ăнланса илнĕ те, вĕсен ĕмĕчĕ сÿннĕ.

(17) Çав кунсенче иудейсен ятлăсумлă çыннисем Товия патне чылай çыру çырса янă, Товияран вара вĕсем патне хурав килсе тăнă.

(18) Иудейăра нумайăшĕ унпа татуллă пурăнма тупа тунă пулнă, мĕншĕн тесессĕн вăл Шеханиян — Арах ывăлĕн — кĕрÿшĕ пулнă, унăн ывăлĕ Иоханан вара Верехия ывăлĕн Мешулламăн хĕрне качча илнĕччĕ.

(19) Ман умăмра вĕсем Товиян ырă кăмăлĕ çинчен те асăнатчĕç, ман сăмахăмсене вара ун патне çитерсех тăратчĕç. Мана хăратас тесе, Товия çырусем яратчĕ.

7

(1) Хÿмене туса пĕтерсессĕн, хапха алăкĕсене çакса тухсассăн, хапха хуралçисемпе юрăçсене тата Левитсене хăйсен вырăнне ĕçе тăратрăмăр.

(2) Эпĕ хамăн пĕртăванăма Ханание тата керем пуçлăхне Хананияна, шанчăклă та Турăран хăраса пурăнакан çынна, — ун пек çын сайра вăл, — Иерусалим хулине тытса тăраканĕсем турăм та

(3) вĕсене çапла каларăм: хĕвел хĕртме пуçламасăр Иерусалим хап хисене ан уçăр. Хуралçăсем хăйсем тăнă чухне алăксене питĕрсе илсе хупă тытчăр. Хурала Иерусалимра пурăнакансене тăратăр, пĕрисем хулана хураллатчăр, тепĕрисем хăйсен килĕçурчĕ умĕнче тăччăр, терĕм.

(4) Анчах хула пысăк та анлăччĕ, халăхĕ унта сахалччĕ, çуртсем лартса çитерейменччĕха.

(5) Вара Туррăм ирĕкĕпе манăн чĕремре халăх йышне шута илес шухăш çуралчĕ, çавăнпа эпĕ ятлăсумлă çынсене, пуçлăхсене, пĕтĕм халăха пуçтартăм. Эпĕ тыткăнран чи малтан таврăннисенĕн йăх-кăк çырăвне тупрăм, унта çапла çырнăччĕ:

(6) акă тыткăнран таврăннă çынсем, вĕсене тыткăна Вавилон патши Навуходоносор хăваласа кайнăччĕ; вĕсем ĕнтĕ Иерусалима, Иудейăна,— кашнийĕ хăйĕн хулине таврăнчĕç,

(7) вĕсене Зоровавель, Иисус, Неемия, Азария, Раамия, Нахманий, Мардохей, Билшан, Мисфереф, Бигвай, Нехум, Баана ертсе килнĕ. Акă Израиль çыннисен йышĕ:

(8) Парош ывăлĕсем — икĕ пин те çĕр çитмĕл икĕ çын;

(9) Сафатия ывăлĕсем — виççĕр çитмĕл иккĕ;

(10) Арах ывăлĕсем — ултçĕр аллă иккĕ; пПахаф-Моав ывăлĕсем, Иисус тата Иоав тăхăмĕсем — икĕ пин те сакăрçĕр вунсаккăр;

(12) Елам ывăлĕсем — пин те икçĕр аллă тăваттă;

(13) Заффу ывăлĕсем — сакăрçĕр хĕрĕх пиллĕк;

(14) Закхай ывăлĕсем — çичçĕр утмăл;

(15) Биннуй ывăлĕсем — ултçĕр хĕрĕх саккăр;

(16) Бевай ывăлĕсем — ултçĕр çирĕм саккăр;

(17) Азгад ывăлĕсем — икĕ пин те виççĕр çирĕм иккĕ;

(18) Адоникам ывăлĕсем — ултçĕр утмăл çиччĕ;

(19) Бигвай ывăлĕсем — икĕ пин те ултçĕр çиччĕ;

(20) Адин ывăлĕсем — ултçĕр аллă пиллĕк;

(21) Езекия килĕнчен тухнă Атер ывăлĕсем — тăхăрвун саккăр;

(22) Хашум ывăлĕсем — виççĕр çирĕм саккăр;

(23) Вецай ывăлĕсем — виççĕр çирĕм тăваттă;

(24) Хариф ывăлĕсем — çĕр вуниккĕ;

(25) Гаваон ывăлĕсем — тăхăрвун пиллĕк;

(26) Вифлеемпе Нетофа çыннисем — сакăрвун саккăр;

(27) Анафоф çыннисем — çĕр çирĕм саккăр;

(28) БефАзмавеф çынни сем — хĕрĕх иккĕ;

(29) КариафИарим, Кефира тата Беероф çыннисем — çичçĕр хĕрĕх виççĕ;

(30) Рама тата Гева çыннисем — ултçĕр çирĕм пĕрре;

(31) Михмас çыннисем — çĕр çирĕм иккĕ;

(32) Вефиль тата Гай çыннисем — çĕр çирĕм виççĕ;

(33) тепĕр Нево çыннисем — аллă иккĕ;

(34) тепĕр Елам ывăлĕсем — пин те икçĕр аллă тăваттă;

(35) Харим ывăлĕсем — виççĕр çирĕм;

(36) Иерихон çыннисем — виççĕр хĕрĕх пиллĕк;

(37) Лод, Хадид тата Оно çыннисем — çичçĕр çирĕм пĕрре;

(38) Сенаа çыннисем — виçĕ пин те тăхăрçĕр вăтăр;

(39) священниксем, Иисус килĕнчен тухнă Иедаия ывăлĕсем — тăхăрçĕр çитмĕл виçĕ çын;

(40) Иммер ывăлĕсем — пин те пилĕкçĕр иккĕ;

(41) Пашхур ывăлĕсем — пин те икçĕр хĕрĕх çиччĕ;

(42) Харим ывăлĕсем — пин те вунçиччĕ.

(43) Левитсем: Иисус ывăлĕсем — Годева ăрăвĕнчен тухнă Кадмиил тăхăмĕсем — çитмĕл тăваттă.

(44) Юрăçсем: Асаф ывăлĕсем — çĕр хĕрĕх саккăр.

(45) Хапха хуралçисем: Шаллум ывăлĕсем, Атер ывăлĕсем, Талмон ывăлĕсем, Аккув ывăлĕсем, Хатита ывăлĕсем, Шовай ывăлĕсем — çĕр вăтăр саккăр.

(46) Левитсене пулăшакансем: Циха ывăлĕсем, Хасуфа ывăлĕсем, Табаоф ывăлĕсем,

(47) Кирос ывăлĕсем, Сия ывăлĕсем, Фадон ывăлĕсем,(48) Левана ывăлĕсем, Хагава ывăлĕсем, Салмай ывăлĕсем,

(49) Ханан ывăлĕсем, Гиддел ывăлĕсем, Гахар ывăлĕсем,

(50) Реаия ывăлĕсем, Рецин ывăлĕсем, Некода ывăлĕсем,

(51) Газзам ывăлĕсем, Узза ывăлĕсем, Пасеах ывăлĕсем,

(52) Весай ывăлĕсем, Меуним ывăлĕсем, Нефишсим ывăлĕсем,

(53) Ваквук ывăлĕсем, Хакуфа ывăлĕсем, Хархур ывăлĕсем,

(54) Вацлиф ывăлĕсем, Мехида ывăлĕсем, Харша ывăлĕсем,

(55) Варкос ывăлĕсем, Сисара ывăлĕсем, Фамах ывăлĕсем,

(56) Нециах ывăлĕсем, Хатифа ывăлĕсем.

(57) Соломон чурисен ывăлĕсем: Сотай ывăлĕсем, Софереф ывăлĕсем, Ферида ывăлĕсем,

(58) Иаала ывăлĕсем, Даркон ывăлĕсем, Гиддел ывăлĕсем,

(59) Сафатия ывăлĕсем, Хаттил ывăлĕсем, Похереф — Гацеваим ывăлĕсем, Амон ывăлĕсем.

(60) Левитсене пулăшакансемпе Соломон чурисен ывăлĕсем — пурĕ виççĕр тăхăрвун икĕ çын.

(61) Акă Тел-Мелах, Тел-Харша, ХерувАддон тата Иммер çĕрĕсенчен килнисем, анчах вĕсем хăйсен йăхĕ-кăкĕ Израильрен пулнипе пулманнине кăтартса парайманнисем:

(62) Делаия ывăлĕсем, Товия ывăлĕсем, Некода ывăлĕсем — ултçĕр хĕрĕх икĕ çын.

(63) Тата священниксенчен: Ховаия ывăлĕсем, Гаккоц ывăлĕсем, Верзеллий ывăлĕсем — çав Верзеллий ĕнтĕ Галаадра пурăнакан Верзеллий хĕрĕсенчен пĕрне качча илнĕ те вара ăна хăйне те Верзеллий тесе чĕнме пуçланă.

(64) Вĕсем хăйсен йăх-кăк çырăвне шыранă та — тупайман, çавăнпа вĕсене священниксен йышĕнчен кăларнă.

(65) Вара çав çĕр пуçлăхĕ вĕсене çак ĕçе священник урим тата туммим тытса татса памасăр аслă та сăваплă парнене çиме каламарĕ.

(66) Çапла вара пĕтĕм халăх йышĕ хĕрĕх икĕ пин те виççĕр утмăл çын пулнă;

(67) кунсăр пуçне вĕсен чурисемпе хăрхăмĕсем — çичĕ пин те виççĕр вăтăр çичĕ çын; тата арçын юрăçсемпе хĕрарăм юрăçсем — икçĕр хĕрĕх пилĕк çын.

(68) Вĕсен тăватçĕр вăтăр пилĕк тĕвепе ултă пин те çичçĕр çирĕм пуç ашак пулнă.

(69) Хăшхăш ăру пуçлăхĕсем ĕç тума пурлăх пачĕç. Çав çĕр пуçлăхĕ вара Турă Çурчĕн мул управăшне пин драхма ылтăн, аллă савăт тата священниксем валли пилĕкçĕр вăтăр тум хыврĕ.

(70) Ăру пуçлăхĕсенчен хăшĕхăшĕ ĕç тума çирĕм пин драхма ылтăн, икĕ пин те икçĕр мина кĕмĕл хыврĕ.

(71) Ытти çынсем çирĕм пин драхма ылтăн, икĕ пин мина кĕмĕл тата священниксем валли утмăл çичĕ тум пачĕç.

(72) Вара священниксем, Левитсем, хапха хуралçисемпе юрăçсем, Левитсене пулăшакансем хăйсен хулисенче, ытти Израильсем хăйсен хулисенче пурăнма вырăнаçрĕç.

(73) Ĕнтĕ çиччĕмĕш уйăхра пĕтĕм Израиль халăхĕ хăйсен хулисенче пурăннă.

8

(1) Израиль ывăлĕсем пурте, пĕр çын пек, Шыв хапхи умĕнчи уçă вырăна пуçтарăнчĕç те Ездра кĕнекеçĕне Çÿлхуçа Израиле панă Моисей саккунĕн кĕнекине илсе килме каларĕç.

(2) Çиччĕмĕш уйăхăн пĕрремĕш кунĕнче Ездра священник унта пухăннă арçынсемпе хĕрарăмсен, тăна илме пултаракан пĕтĕм çын умне саккун илсе тухрĕ; Звара Шыв хапхи умĕнчи уçă вырăнта шуçăмран пуçласа кăнтăрлаччен арçынсемпе хĕрарăмсем, тăна илме пултаракан пĕтĕм çын умĕнче çав кĕнекене вуларĕ; пĕтĕм халăх хăлхине тайса саккун кĕнекине тимлерĕ.

(4) Ездра кĕнекеçĕ çакна валли йывăçран ятарласа тунă çÿллĕ вырăнта тăчĕ, сылтăм енче унпа юнашар Маттафия, Шема, Анаия, Урия, Хелкия тата Маасея, сулахай енче Федаия, Мисаил, Малхия, Хашум, Хашбаддана, Захария тата Мешуллам тăчĕç.

(5) Çÿллĕ вырăнта тăракан Ездра саккун кĕнекине уçрĕ, çакна пĕтĕм халăх курса тăчĕ. Вăл кĕнекене уçнă чухне пĕтĕм халăх ура çине çĕкленчĕ.

(6) Ездра: аслă Çÿлхуçа Туррăмăр мухтавлă! терĕ. Пĕтĕм халăх алăсене çÿлелле çĕклесе: «аминь, аминь» терĕ, — ĕнтĕ çĕре ÿксе Çÿлхуçана пуççапрĕç.

(7) Иисус, Ваний, Шеревия, Иамин, Аккув, Шабе, Годия, Маасея, Клита, Азария, Иозадав, Ханан, Фелаия тата Левитсем халăха саккуна ăнлантараăнлантара пачĕç, çав вăхăтра çынсем хăйсен вырăнĕнчех тăчĕç.

(8) Кĕнекене, Турă саккунне, пурте илтмелле уçăмлăн вуларĕç, çав вăхăтрах мĕн вуланине ăнлантарса пычĕç, халăх мĕн вуланине ăнланса тăчĕ.

(9) Вара Неемия пуçлăх, Ездра кĕнекеçĕ, священник тата халăха вĕрентекен Левитсем пĕтĕм халăха каларĕç: паянхи кун — Çÿлхуçа Туррăра халалланă кун вăл; ан хуйхăрăр, ан йĕрĕр, терĕç, — ĕнтĕ пĕтĕм халăх саккун сăмахĕсене йĕрсе итлесе тăратчĕ.

(10) Неемия каларĕ: ĕнтĕ кайăр та тутлă çийĕр, пылак ĕçĕр, нимĕн те хатĕрлейменнисем патне пай ярса парăр, çакă куна эпир Çÿлхуçамăра халалланă! Ан кулянăр, Çÿлхуçа умĕнче савăнни — сирĕн тĕрекĕр, терĕ. пЛевитсем те халăха лăплантарчĕç: чарăнăр, ку — сăваплă кун, ан хурланăр, терĕç.

(12) Вара пĕтĕм халăх ĕçмеçиме саланчĕ, нимĕн те хатĕрлейменнисене пай яраяра пачĕç, тем тĕрлĕ савăнса уявларĕç, мĕншĕн тесессĕн халăх хăйне каланă сăмахсене ăнланчĕ.

(13) Тепĕр кунне пĕтĕм ăру пуçлăхĕсем, священниксем, Левитсем саккун сăмахĕсене тишкерме Ездра кĕнекеçĕ патне пуçтарăнчĕç.

(14) Çавăн чухне вĕсем Çÿлхуçа Моисей урлă панă саккунра Израиль ывăлĕсен çиччĕмĕш уйăхра, уяв кунĕсенче, хÿшĕре пурăнмалла тесе çырнине тупрĕç.

(15) Вара хăйсен пур хулисенче те, Иерусалимра та çапла пĕлтерсе тухрĕç: сăртту çине кайăр та хÿшĕ уявне саккун кĕнекинче çырса кăтартнă пек ирттерме сатра тата вăрманта ÿсекен çу йывăççисен турачĕсене, миртпа пальма турачĕсене, сарлака çулçăллă ытти йывăç турачĕсене касса килĕр, терĕç.

(16) Ентĕ халăх кайса турат тултса тултарчĕ те, кашнийĕ хăй çурчĕ тăрринче, хăйĕн картишĕнче, Турă Çурчĕн картишĕсенче, Шыв хапхи умĕнчи уçă вырăнта, Ефрем хапхи умĕнчи уçă вырăнта хÿшĕ тăватăва лартрĕ.

(17) Тыткăнран таврăннă халăх хÿшĕ туса тултарчĕ те хÿшĕсенче пурăнчĕ. Нав ывăлĕ Иисус пурăннă вăхăтранпа та Израиль ывăлĕсем çапла туман. Тем тĕрлĕ савăнăç çитрĕ!

(18) Турă саккунĕн кĕнекине кашни кунах — малтанхи кунран пуçласа юлашки кунчченех — вуларĕç. Çичĕ кун хушши уяв турĕç, саккăрмĕш кунхине вара, йĕрке тăрăх, чаплă пуху ирттерчĕç.

9

(1) Çав уйăхăн çирĕм тăваттăмĕш кунĕнче вара типĕ тытакан, хуйхă тумтирĕ тăхăннă, пуçĕ çине кĕл сапнă Израиль ывăлĕсем пурте пĕрле пуçтарăнчĕç.

(2) Израиль йăхĕ пур ют йăхран та уйăрăлчĕ; вĕсем Турă Çуртĕнче тăрса хăйсен çылăхĕсенчен тата ашшĕсенĕн усал ĕçĕсенчен ÿкĕнчĕç.

(3) Хăйсен вырăнĕнче пĕр хускалми тăчĕç вĕсем, чĕрĕк кун хушши хăйсен Туррийĕн саккунĕн кĕнекине вуларĕç, кайран чĕрĕк кун çылăх каçарттарчĕç, хăйсен Çÿлхуçа Туррине пуççапрĕç.

(4) Левитсен çÿллĕ вырăнне Иисус, Ваний, Кадмиил, Шевания, Вунний, Шеревия, Ваний, Хенани хăпарса тăчĕç те хыттăн кăшкăрса хăйсен Çÿлхуçа Туррине тилмĕрсе йăлăнчĕç.

(5) Иисус, Кадмиил, Ваний, Хашавния, Годия, Шевания, Петахия Левитсем çапла каларĕç: тăрăр, Çÿлхуçа Туррăра аслăлăр! Санăн мухтава тивĕçлĕ ятна, темĕнле мухтавран та, темĕнле чапран та аслă ятна, ĕмĕрĕмĕрĕпе мухтавлаччăр!

(6) Эй Çÿлхуçамăр, Эсĕ — пĕртенпĕрре. Эсĕ тÿпене, тÿпенĕн тÿпине, унти пĕтĕм вăйхăвата пултарнă, çĕрпе ун çинче мĕн пуррине, тинĕссемпе унта мĕн пуррине пултарнă, Эсĕ çакна пурне те чĕрĕлĕх парса тăратăн, Сана çÿлти çарсем пуççапаççĕ.

(7) Эй Çÿлхуçа Туррăмăр, Эсĕ Аврама суйласа илнĕ, ăна халдейсен çĕрĕнчи Ур хулинчен илсе тухнă, ăна Авраам тесе ят панă,

(8) вăл пĕтĕм чунчĕрипе Хăвна пăхăннине курсассăн, Эсĕ унпа халал хывнă: унăн вăрлăхне Ханаансен, хетсен, аморрейсен, ферезейсен, иевуссейсен, гергесейсен çĕрне пама пулнă. Эсĕ Хăвăн сăмахна вырăна килтернĕ, мĕншĕн тесессĕн Эсĕ — тÿрĕ.

(9) Эсĕ пирĕн аттемĕрсем Египетра хĕнхур тÿснине курнă, Хĕрлĕ тинĕс хĕрринче вĕсем епле кăшкăрса йĕнине илтнĕ,

(10) вĕсене епле мăшкăлланине пĕлсе, Эсĕ фараона, унăн пĕтĕм чурине, ун çĕрĕнчи пĕтĕм халăха хăват паллисемпе кĕтретсем кăтартнă — çапла Хăвăн ятна ĕмĕрлĕхе чапа кăларнă.

(11) Эсĕ пирĕн аттемĕрсем умĕнче тинĕсе икĕ енне уйăрса тăратнă, ĕнтĕ вĕсем тинĕс варрипе типĕ çĕртен каçса кайнă, тарăн шыва чул ывăтнă евĕр, вĕсене хăвалакансене Эсĕ тĕпсĕр авăра пăрахнă.

(12) Вĕсен каяс çулне кăтарт са, Эсĕ кăнтăрла пĕлĕт юпа ăшĕнче, çĕрле вут юпа ăшĕнче çутатса пынă.

(13) Эсĕ Синай тăвĕ çине аннă, вĕсемпе тÿперен калаçнă, вĕсене тÿрĕ саккунсем, тĕрĕс хушусем, ырă йĕркесемпе ÿкĕтсем панă.

(14) Эсĕ вĕсене Хăвăн сăваплă шăматкуну çинчен пĕлтернĕ, Хăвăн Моисей чуру урлă вĕсене ÿкĕтсем, йĕркесем тата саккунсем панă.

(15) Выçăхсассăн, вĕсем валли тÿперен çăкăр ярса тăнă, ăшĕсем хыпнă чухне чулран шыв кăларса панă, вĕсене еткерлĕх çĕре — Эсĕ аллуна çĕклесе вĕсене пама тупа тунă çĕре — кайма хушнă.

(16) Анчах вĕсем, пирĕн аттемĕрсем, турткалашнă, чурăсланнă, Санăн ÿкĕтÿсене итлемен;

(17) пăхăнасшăн пулман, Санăн тĕлĕнмелле ĕçÿсене, вĕсен хушшинчех тунă ĕçÿсене, аса илмен, чурăс пулнă, Египета каялла чуралăха таврăнмашкăн хăйсем валли çулпуçĕ тупнă. Анчах та Эсĕ — каçарма юратакан, ырă та хĕрхенекен кăмăллă, вăрах тÿсĕмлĕ, нумай ырăлăхлă Турă, Эсĕ вĕсене пăрахман.

(18) Вĕсем пăру кĕлетки шăратса кăларса: «акă сана Египетран илсе тухнă турру!» тенĕ пулин те,— çакăн пек хăрушла ирсĕр ĕç хыççăн та,—

(19) Эсĕ тем тĕрлĕ хĕрхенекен кăмăлупа вĕсене пушхирте пăрахса хăварман; вĕсене çулпа ертсе пымашкăн кăнтăрла вĕсенчен пĕлĕт юпа уйрăлман, вĕсен каяс çулне çутатса пымашкăн çĕрле вĕсенчен вут юпа çухалман.

(20) Вĕсене вĕрентсеертсе пымашкăн Эсĕ вĕсене Хăвăн ырă Сывлăшна панă, вĕсене манна çитерсе тăнă, ăшĕсем хыпнă чухне шыв парса тăнă.

(21) Эсĕ вĕсене пушхирте хĕрĕх çул тăрантарнă; вĕсем çитменлĕх мĕнне пĕлмен; вĕсен тумтирĕ те çĕтĕлмен, ури те шăйрăлман.

(22) Эсĕ вĕсене патшалăхсемпе халăхсем панă, инçетри çĕрсене вĕсен чикки тунă, Ог çĕрне — Васан патшийĕн çĕрне — туртса илнĕ.

(23) Эсĕ вĕсен ывăлĕсене тÿпери çăлтăрсем пек йышлă тунă, вĕсене Эсĕ аш шĕсене пама пулнă, «эсир çак çĕре илетĕр» тенĕ çĕршыва илсе çитернĕ.

(24) Ывăлĕсем килнĕ те çĕре хăйсен аллине илнĕ. Санăн ирĕкÿпе вĕсем çав çĕр çинче пурăнакансене, Ханаансене, парăнтарнă, Эсĕ унти патшасене, çавăнти халăхсене вĕсен аллине ÿкернĕ, Израильсем вĕсемпе хăйсене кирлĕ пек хуçаланнă.

(25) Вĕсем ĕнтĕ тĕреклĕлетнĕ хуласемпе пулăх çĕре вырăнаçнă, тĕрлĕ пурлăхпа тулнă çуртсем, чул хушшинче алтнă пусăсем, иçĕм çырлипе çу йывăçĕн пахчисем, паха çимĕç кÿрекен сатсем вĕсен аллине куçнă. Эсĕ пысăк ырăлăх панипе вĕсем тăраниччен çинĕ, самăрланнă, киленнĕ;

(26) анчах вĕсем чурăсланнă, Сана хирĕç тăнă: Санăн саккунна уяман, Санăн пророкусене — хăйсене вĕрентнĕÿкĕтленĕ, Сан енне çавăрма тăрăшнă пророксене — вĕлернĕ.

(27) Вара Эсĕ вĕсене хăйсене пусмăрлакан тăшманĕсен аллине ÿкернĕ. Анчах çавăн чухне, хĕнасаплă вăхăтра, вĕсем Сана тархасланă та — Эсĕ вĕсене тÿперен итленĕ, питех те хĕрхенекен кăмăллă пулнăран вĕсене Эсĕ хăтаракансем яраяра панă; кусем вĕсене тăшманĕсен аллинчен хăтарса тăнă.

(28) Лăпланса çитсессĕн, вĕсем Сан умăнта каллех усал ĕç тума пуçланă, вара Эсĕ вĕсене тăшманĕсен аллине панă, лешĕсем ĕнтĕ вĕсемпе хуçаланнă. Вĕсем каллех Сана тархасланă — Эсĕ вĕсене тÿперен итленĕ, питех те хĕрхенекен кăмăллă пулнăран вĕсене нумай хутчен çăлаçăла хăварнă.

(29) Эсĕ вĕсене астутарсах тăнă: Хăвăн саккуну енне çаврăнма ÿкĕтленĕ, анчах вĕсем чурăсланса Санăн ÿкĕтÿсене уяман, Эсĕ панă йĕркесенчен пăрăннă — пурăнас тесессĕн, этемĕн Санăн саккунна пурнăçламаллаçке! Вĕсем вара чăрсăрланнă, чурăсланнă, итлесшĕн пулман.

(30) Вĕсем улăшăнасса Эсĕ нумай çул кĕтнĕ, Хăвăн пророкусем урлă Хăвăн Сывлăшупа астутарсах тăнă, анчах вĕсем итлемен. Вара Эсĕ вĕсене ют халăхсен аллине ÿкернĕ.

(31) Питех те хĕрхенекен кăмăллă пулнипе Эсĕ вĕсене тĕппипех пĕтермерĕн, вĕсене пăрахмарăн, мĕншĕн тесессĕн Эсĕ — ырă, хĕрхенекен Турă.

(32) Эй Туррăмăр, аслă та хăватлă, хăрушă Туррăмăр! Хăвăн халална асăнта тытакан Туррăмăр! Эпир тÿснĕ асап — Ассири патшисен вăхăтĕнчен пуçласа паянхи куна çитиччен тÿснĕ асап, пирĕн патшасене, аслă çынсене, священниксене, пророксене, аттемĕрсене, Санăн пĕтĕм халăхна çитнĕ асап — Сан умăнта сахал пек ан курăнтăрччĕ.

(33) Пире çитнĕ хĕнасапра Эсĕ тÿрĕ, мĕншĕн тесессĕн Эсĕ тÿрĕлĕхпе тунă, эпир вара — айăплă.

(34) Пирĕн патшасем, аслă çынсем, священниксем, пирĕн аттемĕрсем Санăн саккунна пурăнăçламан, Санăн ÿкĕтÿсене, Эсĕ астутарса тăнине итлемен.

(35) Эсĕ, питех те ырă пулнипе, вĕсене патшалăх панă, анлă та пулăхлă çĕр панă, анчах вĕсем унта та Саншăн ĕçлемен, хăйсен усал ĕçĕсене пăрахман.

(36) Акă халĕ чурасем эпир; Эсĕ пирĕн аттемĕрсене панă çĕр çинче унăн паха çимĕçĕпе, унăн ырăлăхĕпе тăранса пурăнас вырăнне эпир чураланса пурăнатпăр.

(37) Хамăр çылăхсемшĕн Эсĕ пире ют патшасене пăхăнтартăн, халĕ ĕнтĕ пирĕн çĕр хăйĕн тулăх çимĕçне çавсене парса тăрать. Вĕсем пирĕн ÿтпе те, пирĕн выльăхчĕрлĕхпе те хуçаланаççĕ, — эпир хăрушла хĕнхур айĕнче пурăнатпăр.

(38) Çавăнпа та эпир çырсах килĕшÿ турăмăр, ăна пирĕн аслă çынсем, Левитсем тата священниксем алă пуссах, пичет хурсах çирĕплетрĕç.

10

(1) Пичет хуракансем çаксем пулчĕç: ГАхалия ывăлĕ Неемия пуçлăх тата Седекия,

(2) Сераия, Азария, Иеремия,

(3) Пашхур, Амария, Малхия,

(4) Хаттуш, Шевания, Маллух,

(5) Харим, Меремоф, Овадия,

(6) Даниил, Гиннефон, Варух,

(7) Мешуллам, Авия, Миямин,

(8) Маазия, Билгай, Шемаия — кусем пурте священниксем.

(9) Левитсем: Азания ывăлĕ Иисус, Хенадад ывăлĕсенчен Виннуй, Кадмиил;

(10) вĕсен тăванĕсем: Шевания, Годия, Клита, Фелаия, Ханан, пМиха, Рехов, Хашавия,

(123) акхур, Шеревия, Шевания,

(13) Годия, Ваний, Венинуй.

(14) Халăх пуçлăхĕсем: Парош, Пахаф-Моав, Елам, Заффу, Ваний,

(15) Вунний, Азгад, Бевай,

(16) Адония, Бигвай, Адин,

(17) Атер, Езекия, Азур,

(18) Годия, Хашум, Бецай,

(19) Хариф, Анафоф, Невай,

(20) Магпиаш, Мешуллам, Хезир,

(21) Мешезавел, Садок, Иаддуй,

(22) Фелатия, Ханан, Анания,

(230) сия, Ханания, Хашшув,

(24) Галлохеш, Пилха, Шовек,

(25) Рехум, Хашавна, Маасея,

(26) Ахия, Ханан, Анан,

(27) Маллух, Харим, Баана.

(28) Тата ытти халăх та — священниксем, Левитсем, хапха хуралçисем, юрăçсем, Левитсене пулăшакансем, ют халăхсенчен хăпса Турă саккунĕ енне куçнисем, вĕсенĕн арăмĕсем, вĕсенĕн ывăлĕсемпе хĕрĕсем, тăн илме пултаракансем пурте —

(29) хăйсен ятлăсумлă тăванĕсем çумне тăчĕç те, тупа туса, тупана пăссассăн çитекен ылхана та йышăнса, Турă саккунĕпе — Турă чури Моисей урлă панă саккунпа — пурăнма, Туррăмăрăн ÿкĕчĕсене, Вăл панă йĕркесене, Вăл мĕн хушнине пурне те тытса тăма, вырăна килтерсе пыма пулчĕç:

(30) эпир хамăрăн хĕрĕмĕрсене ют халăх ывăлĕсене памăпăр, вĕсенĕн хĕрĕсене хамăрăн ывăлăмăрсем валли илмĕпĕр;

(31) ют халăхсем шăматкун тавар тата ытти сутлăх тырă илсе килсессĕн, шăматкунпа таса кун вĕсен таварне туянмăпăр, кашни çиччĕмĕш çул пур тĕрлĕ парăма та каçарăпăр;

(32) эпир кашнийĕ çулталăкра сиклĕн виççĕмĕш пайне Туррăмăр Çурчĕ валли кÿрсе тăма сăмах паратпăр, ку вăл çакăн валли пултăр:

(33) Турă умне хумалли çăкăрсемпе кулленхи тырăпулă парни валли, кулленхи пĕтĕмĕшпе çунтарса кÿмелли парне валли, шăматкунпа çĕнĕ уйăхра тата уявсенче кÿрекен парнесем валли, сăваплă парне валли, Израиле тасатмашкăн çылăх каçарттарма кÿрекен парнесем валли тата Турă Çуртĕнче туса тăракан пĕтĕм ĕç валли пултăр.

(34) Вара эпир — священниксем те, Левитсем те, халăх та — Туррăмăр Çурчĕ валли вутă кÿрсе тăрасси пирки шăпа ятăмăр: саккунра çырнă пек, Çÿлхуçа Туррăмăрăн парни вырăнĕ çинче çунтармашкăн хăш ăрăвăн хăш вăхăтра çулранçул вутă илсе килмеллине палăртрăмăр.

(35) Тата эпир çулсерен çĕрĕмĕртен илнĕ малтанхи çимĕçе, тĕрлĕ йывăçсен малтанхи çимĕçне Çÿлхуçа Çуртне кÿме пултăмăр;

(36) саккунра çырнă пек, Çÿлхуçа Çуртне, Çÿлхуçамăр Çуртĕнче ĕçлесе тăракан священниксем патне тата хамăрăн малтанхи ывăлăмăрсене, тата шултăра, вак выльăхсен малтанхи пăрушĕсемпе путекĕсене илсе килме пултăмăр.

(37) Хамăрăн пĕтĕм малтанхи çимĕçе — тыррине, тĕрлĕ йывăç улмиçырлине, эрехне, çăвне — эпир священниксем патне Турă Çуртне, пурлăх управăшĕсене илсе пырăпăр, çĕрĕмĕр паракан тырпулăн вуннăмĕш пайне Левитсене кÿрсе тăрăпăр — вĕсем, Левитсем, эпир пурăнакан пĕтĕм хуларан вуннăмĕш пай илсе тăраççĕ.

(38) Левитсем вуннăмĕш пая илнĕ чухне вĕсен çумĕнче священник, Аарон ывăлĕ, пулĕ: Левитсем хăйсен вуннăмĕш пайĕнчен вуннăмĕш пайне Турă Çуртне, пурлăх управăшĕсем валли уйăрнă пÿлĕмсене, кайса хуччăр,

(39) мĕншĕн тесессĕн çав пÿлĕмсене Израиль ывăлĕсен те, Левитсен те парнелĕх çăкăр, эрех, çу кÿрсе тăмалла. Турă Çурчĕн савăтсапи те çавăнта упранать, священниксем, хапха хуралçисем, юрăçсем те унтах. Эпир Туррăмăр Çуртне пăхсах тăрăпăр!

11

(1) Халăх пуçлăхĕсем ĕнтĕ Иерусалимра пурăнчĕç, ыттисем вара шăпа ячĕç: вунă çынран пĕри сăваплă хулана Иерусалима пурăнма вырăнаçрĕ, тăххăрăшĕ урăх хуласенче юлчĕ.

(2) Хăйсен ирĕкĕпе Иерусалимра пурăнма килĕшнисене вара халăх пиллерĕ.

(3) Иудея хулисенче, — кашнийĕ хăйĕн çĕрĕнче, хă йĕн хулинче, — Израильсем, священниксем, Левитсем, Левитсене пулăшакансем тата Соломон чурисен ывăлĕсем пурăннă; Иерусалимра вара çĕршыв пуçлăхĕсем пурăннă, акă вĕсем:

(4) Иерусалимра Иуда ывăлĕсемпе Вениамин ывăлĕсем пурăннă. Иуда ывăлĕсенчен: Уззия ывăлĕ Афаия, — Уззия вара — Захария ывăлĕ, Захария — Амария ывăлĕ, Амария — Сафатия ывăлĕ, Сафатия — Мелелеил ывăлĕ, Мелелеил — Фарес тăхăмĕ;

(5) Варух ывăлĕ Маасея, — Варух вара — Колхозей ывăлĕ, Колхозей — Хазаия ывăлĕ, Хазаия — Адаияывăлĕ, Адаия — Иоиарив ывăлĕ, Иоиарив — Захария ывăлĕ, Захария — Шела тăхăмĕ.

(6) Иерусалимра пурăннă Фарес ывăлĕсем мĕнпурĕ тăватçĕр утмăл саккăрăн, пурте паттăр çынсем пулнă.

(7) Акă Вениамин ывăлĕсем: Мешуллам ывăлĕ Саллу, — Мешуллам вара — Иоед ывăлĕ, Иоед — Федаия ывăлĕ, Федаия — Колаия ывăлĕ, Колаия — Маасея ывăлĕ, Маасея — Ифиил ывăлĕ, Ифиил — Исаия ывăлĕ;

(8) Саллупа пĕрле тата Габбай, Саллай — тăхăрçĕр çирĕм саккăрăн.

(9) Иоиль, Зихри ывăлĕ, вĕсен пуçлăхĕ пулнă, Иуда вара, Сенуа ывăлĕ, хулара иккĕмĕш çын пулнă.

(10) Священниксенчен: Иоиарив ывăлĕ Иедаия, Иахин,

(11) Турă Çуртĕнчи пуçлăх Хелкия ывăлĕ Сераия, — Хелкия вара — Мешуллам ывăлĕ, Мешуллам — Садок ывăлĕ, Садок — Мераиоф ывăлĕ, Мераиоф — Ахитув ывăлĕ.

(12) Турă Çуртĕнче ĕçлесе тăракансем, вĕсен тăванĕсем — пурĕ сакăрçĕр çирĕм иккĕн; Иерохам ывăлĕ Адаия, — Иерохам вара — ФелаЛия ывăлĕ, ФелаЛия — Амций ывăлĕ, Амций — Захария ывăлĕ, Захария — Пашхур ывăлĕ, Пашхур — Малхия ывăлĕ,—

(13) тата унăн тăванĕсем, ăрупуçĕсем — икçĕр хĕрĕх иккĕн; тата Азариил ывăлĕ Амашсай, — Азариил вара — Ахзай ывăлĕ, Ахзай — Мешиллемоф ывăлĕ, Мешиллемоф — Иммер ывăлĕ,—

(14) тата унăн тăванĕсем, паттăр çынсем — çĕр çирĕм саккăрăн. Вĕсен пуçлăхĕ Гагедолим ывăлĕ Завдиил пулнă.

(15) Левитсенчен: Хашшув ывăлĕ Шемаия,— Хашшув вара — Азрикам ывăлĕ, Азрикам — Хашавия ывăлĕ, Хашавия — Вунний ывăлĕ,—

(16) Шавфай тата Иозавад, Турă Çурчĕн тулашри ĕçĕсен пуçлăхĕсем,

(17) Миха ывăлĕ Матфания, — Миха вара — Завдий ывăлĕ, Завдий — Асаф ывăлĕ; кĕлĕ тунă чухне Матфания мухтав юрри юрлакансенчен чи асли пулнă; ун хыççăн иккĕмĕшĕ унăн тăванĕ Бакбукия пулнă; тата Шаммуй ывăлĕ Авда, — Шаммуй вара — Галал ывăлĕ, Галал — Идифун ывăлĕ.

(18) Сăваплă хулара Левитсем мĕнпурĕ икçĕр сакăрвун тăваттăн пулнă.

(19) Хапха хуралçисем вара: Аккув, Талмон тата вĕсен тăванĕсем,— хапха хураллакансем, — çĕр çитмĕл иккĕн пулнă.

(20) Ытти Израильсем, священниксем, Левитсем Иудея хулисенче хăйсен еткерлĕх çĕрĕнче пурăннă.

(21) Левитсене пулăшакансем вара Офелта пурăннă; вĕсен пуçлăхĕсем — Циха тата Гишфа.

(22) Иерусалимра Левитсен пуçлăхĕ Ваний ывăлĕ Уззий пулнă, — Ваний вара — Хашавия ывăлĕ, Хашавия — Матфания ывăлĕ, Матфания — Миха ывăлĕ; Уззий вăл Асаф йăхĕнчен, Турă Çуртĕнчи кĕлĕ вăхăтĕнче юрлакан юрăçсен йăхĕнчен, тухнă,

(23) вĕсем пирки патшаран хушу — кашни кун мĕн тумаллине кăтартакан хушу — пулнă.

(24) Мешезавел ывăлĕ Петахия,— Мешезавел вара — Зара тăхăмĕ, Иуда ывăлĕн тăхăмĕ,— патшана халăх ĕçĕсем тĕлĕшĕпе канаш параканĕ пулнă.

(25) Уйхирлĕ ялсенче пурăнакансене илсессĕн, Иуда ывăлĕсем КириафАрба хулинче тата ăна пăхăнса тăракан хуласенче, Дивон хулинче тата ăна пăхăнса тăракан хуласенче, Иекавцеил хулипе ун ялĕсенче пурăннă;

(26) вĕсем пурăннă ытти вырăнсем: Иешуа, Молада, БефПалет,

(27) ХацарШуал, Вирсавия тата ăна пăхăнса тăракан хуласем,

(28) Секелаг, Мехона тата ăна пăхăнса тăракан хуласем,

(29) ЕнРиммон, Цо ра, Иармуф,

(30) Заноах, Одоллам тата вĕсен ялĕсем, Лахис тата унăн уйĕсем, Азек тата ăна пăхăнса тăракан хуласем. Вĕсем Вирсавияран пуçласа Енном айлăмĕ таранах вырăнаçса тухнă.

(31) Вениамин ывăлĕсем пурăннă вырăнсем: Гева, Михмас, Гай, Вефильпе ăна пăхăнса тăракан хуласем,

(32) Анафоф, Нов, Анания,

(33) Гацор, Рама, Гиффаим,

(34) Хадид, Цевоим, Неваллат,

(35) Лод, Оно тата Алăстисен айлăмĕ.

(36) Иуда çĕрĕнче пурăннă хăшпĕр Левитсем Вениамин çĕрне вырăнаçнă.

12

(1) Салафиил ывăлĕпе Зоровавельпе тата Иисуспа пĕрле таврăннă священниксемпе Левитсем çаксем: Сераия, Иеремия, Ездра,

(2) Амария, Маллух, Хаттуш,

(3) Шехания, Рехум, Меремоф,

(4) Иддо, Гиннефой, Авия,

(5) Миямин, Маадия, Вилга,

(6) Шемаия, Иоиарив, Иедаия,

(7) Саллу, Амок, Хелкия, Иедаия. Кусем — Иисус пурăннă чухнехи священниксен пуçлăхĕсемпе вĕсен тăванĕсем.

(8) Левитсем: Иисус, Биннуй, Кадмиил, Шеревия, Иуда тата Матфания; Çÿлхуçана аслăланă чухне çак Матфания хăйĕн тăванĕсене, юрăçсене, ертсе пынă;

(9) вĕсен тăванĕсем Бакбукия тата Унний кĕлĕ тунă чухне вĕсемпе тĕлметĕл тăнă.

(10) Иисусран — Иоаким, Иоакимран — Елиашив, Елиашивран — Иоиада çуралнă,

(11) Иоиадаран— Ионафан, Ионафанран — Иаддуй çуралнă.

(12) Иоаким вăхăтĕнче священниксен ăрăвĕсен пуçлăхĕсем çаксем пулнă: Сераия килĕнчен — Мераия, Иеремия килĕнчен — Ханания,

(13) Ездра килĕнчен — Мешуллам, Амария килĕнчен — Иоханан,

(14) Мелиху килĕнчен — Ионафан, Шевания килĕнчен — Иосиф,

(15) Харим килĕнчен — Адна, Мераиоф килĕнчен — Хелкия,

(16) Иддо килĕнчен — Захария, Гиннефон килĕнчен — Мешуллам,

(17) Авия килĕнчен — Зихрий, Миниамин килĕнчен, Моадия килĕнчен — Пилтай,

(18) Вилга килĕнчен — Шаммуй, Шемаия килĕнчен — Ионафан,

(19) Иоиарив килĕнчен — Мафнай, Иедаия килĕнчен — Уззий,

(20) Саллай килĕнчен — Каллай, Аммок килĕнчен — Евер,

(21) Хелкия килĕнчен — Хашавия, Иедаия килĕнчен — Нафанаил.

(22) Левитсене, ăру пуçĕсене,— Елиашив, Иоиада, Иоханан тата Иаддуй вăхăтĕнче, священниксене вара Персире Дария патшана лариччен кĕнекене кĕртнĕ.

(23) Левий ывăлĕсене, ăру пуçĕсене, çулсеренхи кĕнекене Елиашив ывăлĕ Иоханан пурăннă вăхăтран маларах кĕртнĕ.

(24) Левитсен пуçлăхĕсем: Хашавия, Шеревия, Кадмиил ывăлĕ Иисус тата вĕсен тăванĕсем; Давид, Турă çынни, йĕркеленĕ пек, Турра мухтавланă чухне вĕсен пĕр ушкăнĕ тепĕр ушкăнĕпе тĕлметĕл тăнă.

(25) Матфания, Бакбукия, Овадия, Мешуллам, Талмон, Аккув — хапха хуралçисем, вĕсем хапха çумĕнче кĕлетсене хуралланă.

(26) Вĕсем Иоседек ывăлĕн Иисусăн ывăлĕ Иоаким пурăннă вăхăтра, Неемия çĕр пуçлăхĕ тата Ездра кĕнекеçĕ, священник, пурăннă вăхăтра пулнă.

(27) Иерусалим хÿмине тасалăх тивлечĕ кÿмешкĕн Левитсене мĕнпур вырăнтан чĕнтерсе пурне те Иерусалима пуçтарнă: çак уява чаплăн та савăнăçлăн ирттермешкĕн вĕсен мухтав юррисемпе тав юррисем юрласа, кимвал çапса, псалтирьпе кĕсле каласа тăмалла пулнă.

(28) Вара Иерусалим таврашĕнчен, Нетофа ялĕсенчен юрăçсен ывăлĕсем пуçтарăннă,

(29) БефГаггилгалран та, Гева çĕрĕнчен те, Азмавет çĕрĕнчен те килнĕ — юрăçсем хăйсен ялĕсене Иерусалим таврашĕнче лартнă пулнă.

(30) Священниксемпе Левитсем ĕнтĕ хăйсем те кĕлтуса тасалнă, халăха, хапхасемпе хÿмесене те кĕлтуса тасатнă.

(31) Çавăн хыççăн эпĕ Иудея пуçлăхĕсене хÿме çине илсе кайрăм, Турра мухтавласа пымашкăн икĕ пысăк ушкăн йĕркелерĕм, пĕр ушкăнĕ хÿме тăрăх сылтăмалла, Тислĕк хапхи еннелле, кайрĕ.

(32) Ун хыççăн Гошаия тата Иудея пуçлăхĕсен çур йышĕ пычĕç,

(33) вĕсемпе пĕрле пынисем: Азария, Ездра, Мешуллам,

(34) Иуда, Вениамин, Шемаия, Иеремия,

(35) трупа тытнă священниксем тата Ионафан ывăлĕ Захария, — Ионафан вара — Шемаия ывăлĕ, Шемаия — Матфания ывăлĕ, Матфания — Михей ывăлĕ, Михей — Закхур ывăлĕ, Закхур — Асаф ывăлĕ,—

(36) тата унăн тăванĕсем: Шемаия, Азариил, Милалай, Гилалай, Маай, Нафанаил, Иуда тата Хананий пычĕç, вĕсем пурте Турă çынни Давид тутарнă кĕвĕçемĕ сăпрайĕ тытнăччĕ; вĕсен умĕнчен Ездра кĕнекеçĕ пычĕ.

(37) Вĕсем, Çăлкуç хапхи патĕнчен иртсе, Давид çурчĕ çумĕнчи картлашкапа хăпарчĕç те, Давид çурчĕ тĕлĕнчен иртсе, тухăç енчи Шыв хапхи еннелле кайрĕç.

(38) Юрăçсен тепĕр ушкăнĕ вĕсене хирĕç пычĕ, ун хыççăн эпĕ тата çур халăх пычĕ, Кăмака пашнинчен пуçласа Анлă хÿме патне çитиччен хÿме тăрăх пытăмăр,

(39) Ефрем хапхипе Кивĕ хапхаран, Пулă хапхипе Хананел пашнинчен, Меа пашнинчен иртсе, Сурăх хапхи патне çитрĕмĕр, Тĕрме хапхи умĕнче чарăнса тăтăмăр.

(40) Унтан юрăçсен икĕ ушкăнĕ те Турă Çурчĕ патĕнче чарăнса тăчĕ, эпĕ те, манпа пĕрле пуçлăхсен çур йышĕ те унтахчĕ,

(41) унти священниксем: Елиаким, Маасея, Миниамин, Михей, Елиоенай, Захария, Ханания — вĕсем пурте трупа тытнăччĕ,

(42) тата Маасея, Шемаия, Елеазар, Уззий, Иоханан, Малхия, Елам, Езер пулчĕç. Юрăçсем хыттăн янăраттарса юрларĕç; аслийĕ вĕсен Израхия пулчĕ.

(43) Вара çав кун пысăк парнесем кÿтĕмĕр, савăнтăмăр, ĕнтĕ Турă вĕсене пысăк савăнăç пачĕ. Хĕрарăмсем те, ачапăча та питĕ хаваслăччĕ, Иерусалимăн хавасĕ аяккааякка илтĕнсе тăчĕ.

(44) Çав кунах эпир тата управăшпÿлĕмсене пăхса тăма çынсем уйăртăмăр: вĕсен ĕнтĕ малтанхи çимĕçсемшĕн, вуннăмĕш пайшăн яваплă пулмаллаччĕ, священниксемпе Левитсене саккун тăрăх тивĕçекен пая кашни хула çывăхĕнчи уйхиртен пуçтарса тăмаллаччĕ. Иудейсем ĕнтĕ кĕлĕ тăвакан священниксемпе Левитсене курса тем пекех хĕпĕртерĕç!

(45) Кусем вара, Давидпа унăн Соломон ывăлĕ хунă йĕркепе, хăйсен Туррине ĕçлесе тăчĕç, пурне те кĕлтуса тасатрĕç, вĕсем юрларĕç те, хапха умĕнче те тăчĕç.

(46) Ĕнтĕ тахçанах, Давидпа Асаф вăхăтĕнчех, юрăçсене ертсе пыраканĕсем пулнă, çавăн чухнех Турра мухтаса та тав туса юрламалли юрăсем юрланă.

(47) Зоровавель вăхăтĕнче те, Неемия вăхăтĕнче те Израильсем пурте юрăçсемпе хапха хуралçисене кашни кунлăха пай уйăрса панă, Левитсене вара Турра кÿрекен парнерен тивĕçекен таса пая панă, левичĕсем ăна Аарон ывăлĕсене парса тăнă.

13

(1) Çав кун Моисей кĕнекине халăх валли сасăпа вуланă чухне çапла çырнине тĕл пулнă: «Аммон çынни, Моав çынни ĕмĕрне те Турă халăхĕн йышне кĕреймĕ,

(2) мĕншĕн тесессĕн вĕсем Израиль ывăлĕсене çăкăрпашывпа кĕтсе илмен, вĕсене хирĕç тăрса ылханмашкăн Валаама тара тытнă, анчах пирĕн Туррăмăр ылхана пиллĕхе çавăрчĕ» тенĕ кĕнекере.

(3) Çак саккуна илтсессĕн, вĕсем ют йăхсемпе мĕн çыхăннине пурне те Израильрен уйăрнă.

(4) Унччен маларах вара Туррăмăр Çурчĕ çумĕнчи пÿлĕмсене пăхса тăма шаннă Елиашив священник, Товия хурăнташĕ,

(5) Товияна пысăк пÿлĕм хатĕрлесе панă, унччен çав пÿлĕмре тырăпулă парни, латăн, савăтсапа тытнă пулнă, Левитсене, юрăçсене тата хапха хуралçисене саккун тăрăх тивĕçекен вуннăмĕш пая та — тырпулăн, эрехĕн, çăвăн вуннăмĕш пайне — çавăнта хунă пулнă; священниксем валли илсе килнĕ пая та çавăнтах хурса тăнă.

(6) Çакă ĕç пулса иртнĕ чухне эпĕ Иерусалимра пулман: Вавилон патши Артаксеркс вăтăр иккĕмĕш çул патшара ларнă чухне эпĕ патша патне кайнăччĕ; темиçе кун иртсессĕн, патшаран каялла таврăнма ирĕк ыйтса илтĕм.

(7) Иерусалима килсессĕн, эпĕ Елиашив тунă начар ĕç çинчен, Товияна Турă Çурчĕн картишĕнче пÿлĕм пани çинчен, пĕлтĕм,

(8) çакă мана питех те тарăхтарчĕ, эпĕ вара Товия япалисене пурне те пÿлĕмрен кăларса ывăтрăм,

(9) пÿлĕмсене тасатма каларăм, унта каллех Турă Çурчĕн савăчĕсене, тырăпулă парнипе латăна кĕртсе хума хушрăм.

(10) Тата çакна та пĕлтĕм эпĕ: Левитсене вĕсен пайне памаççĕ иккен, хăйсен ĕçне туса пурăннă Левитсемпе юрăçсем вара кашниех хăйĕн çĕрне таратара кайнăмĕн.

(11) Çакăншăн эпĕ пуçлăхсене хытах ятларăм: мĕншĕн Турă Çуртне юхăнтарса янă? терĕм. Вара пăрахса кайнисене пуçтартăм та хăйсен вырăнне лартса тухрăм.

(12) Ĕнтĕ иудейсем пурте пурлăх управăшĕсене тырăпа эрехĕн, çăвăн вуннăмĕш пайне кÿрсе тăма пуçларĕç.

(13) Вара пурлăх управăшĕсене пăхса тăма Шелемия священника, Садок кĕнекеçĕне, Федаия Левита лартрăм, Ханана — Матфания ывăлĕн Закхурăн ывăлне — вĕсене пулăшса тăраканĕ турăм, мĕншĕн тесессĕн вĕсем шанчăклă çынсем шутланатчĕç. Вĕсен ĕнтĕ хăйсен тăванĕсене пай валеçсе парса тăмаллаччĕ.

(14) Эй Туррăм, мана çакăншăн асна илсемччĕ, Туррăм Çурчĕшĕн, унта тумалли ĕçсемшĕн эпĕ епле тăрăшнине, тимленине манăçа ан хăварсамччĕ!

(15) Çав кунсенче эпĕ Иерусалимра шăматкун та юхтаркăчра иçĕм çырли тĕшĕрнине, кĕлте турттарнине, ашаксем çине эрех, иçĕм çырли, смоква тата ытти япала тиесе Иерусалима илеиле кайнине куртăм. Çав кунхине апатçимĕç сутакансене эпĕ çавăн чухнех хытă асăрхаттартăм.

(16) Иерусалимра пурăнакан Тир çыннисем пулă тата ытти тавар илеиле килсе шăматкун Иерусалимра Иудея çыннисене сутатчĕç.

(17) Эпĕ вара ятлăсумлă иудейсене хытах асăрхаттартăм: мĕншĕн эсир усал ĕç тăватăр, шăматкуна ирсĕрлететĕр?

(18) Аçăрсем те çапла туманиха? çавăншăн мариха Туррăмăр пирĕн çине, çак хула çине синкерсехмет янă? Эсир вара шăматкуна ирсĕрлетсе Израиль çине тата вăйлăрах çилĕ çитеретĕр, терĕм.

(19) Çакăн хыççăн шăматкун умĕн, Иеруса

(13) лим хапхисем умĕнче тĕттĕмленсен, эпĕ алăксене питĕрсе илме хушрăм, вĕсене шăматкун иртсе кайиччен ан уçăр терĕм. Шăматкун нимĕнле çĕклем те хулана ан кĕрейтĕр тесе хам тарçăмсене те хапхасем умне тăратрăм.

(20) Пĕрикĕ хутчен вара тĕрлĕ тавар сутакансемпе улшуçсем Иерусалим тулашĕнче çĕр каçрĕç.

(21) Ĕнтĕ эпĕ вĕсене хытах каларăм: мĕншĕн эсир хÿме çумĕнче çĕр каçатăр? Тата тепре çапла тусассăн, эпĕ сире вăйпах хăваласа ярăп, терĕм. Çавăн хыççăн вара вĕсем шăматкун килме пăрахрĕç.

(22) Вара шăматкун тасалăхне уямашкăн эпĕ Левитсене кĕлтуса тасалма, ун хыççăн хапхасем умĕнче хуралта тăма хушрăм. Эй Туррăмçăм, çакăншăн асна илсемччĕ мана, Хăвăн аслă ырăлăхупа хĕрхенсемччĕ мана!

(23) Тата çав кунсенче эпĕ Азот, Аммон, Моав хĕрĕсене качча илнĕ иудейсене куртăм:

(24) çавăнпа ĕнтĕ вĕсен çур ачипăчи азотла е урăх халăх чĕлхипе калаçать, иудейла калаçма пĕлмест.

(25) Çав упăшкасене çакăншăн ятларăм эпĕ, ылхантăм, хăшнепĕрне хĕнерĕм те, çÿçрен тăпăлтартăм. Вĕсене Турă ячĕпе тупа тутарса çапла каларăм: хăвăр хĕрĕрсене вĕсен ывăлĕсене ан парăр, вĕсен хĕрĕсене хăвăр ывăлăрсем валли, хăвăр валли ан илĕр.

(26) Соломон, Израиль патши, çапла çылăха кĕменччĕиха? Тĕрлĕ халăхсем хушшинче ун пек патша пулман. Ăна Турă юратнă, Турă ăна пĕтĕм Израиль патшине лартнă, анчах ют çĕртен илнĕ арăмĕсем ăна та çылăха кĕртнĕ.

(27) Халĕ ĕнтĕ пирĕн эсир те çавăн пек усалран та усал ĕç туни çинчен, ют çĕр арăмĕсемпе пурăнса Турă умĕнче çылăха кĕни çинчен илтсе тăмаллаи? терĕм.

(28) Иоиада аслă священникăн Елиашивăн ывăлĕччĕ. Унăн пĕр ывăлĕ Хорон çыннин Санаваллатăн хĕрне качча илнĕччĕ. Эпĕ ăна çак вырăнтан хăваласа ятăм.

(29) Эй Туррăмçăм, астутар вĕсене: вĕсем священник ятне, священниксемпе Левитсем хывнă халала вараларĕç.

(30) Çапла эпĕ вĕсене ютпа мĕн çыхăннинчен пĕтĕмпех тасатрăм, кашни çыннине хăй вырăнне тăратса, священниксемпе Левитсен Турă умĕнчи ĕçне çĕнĕрен пуçласа ятăм,

(31) каласа хунă вăхăтра вутă, малтанхи çимĕçе кÿрсе тăрассине те йĕркелерĕм. Эй Туррăмçăм, эпĕ ырă тунине асна илсемччĕ!

Ездрăн Пĕрремĕш Кĕнеки

1

(1) Перси патши Кир пĕрремĕш çул патшара ларнă чухне, Иеремия урлă каланă Çÿлхуçа сăмахне тÿрре кăларса, Çÿлхуçа Перси патшийĕн Кирăн чун хавалне хускатса янă та, вăл вара пĕтĕм патшалăхĕ тăрăх сăмах вĕççĕн те, çырупа та çапла пĕлтерсе тухма хушнă:

(2) Кир, Перси патши, çапла калать: тÿпери Çÿлхуçа Турă мана çĕр çинчи мĕнпур патшалăха пачĕ, Вăл мана Иудейăри Иерусалим хулинче Хăйне валли Çурт лартма хушрĕ.

(3) Сирĕн хушшăрта Ун халăхĕн çыннисем пулсассăн, — ĕнтĕ хăйсен Турри вĕсемпе пĕрле пултăр! — çавсем Иудейăри Иерусалима кайччăр, Çÿлхуçа Çуртне — Израиль Туррин, Иерусалимри Туррăн Çуртне — туччăр.

(4) Кам ăçта пурăннине пăхмасăр, вырăнти çынсем вĕсене ылтăнпа кĕмĕл тата ытти пурлăх, выльăхчĕрлĕх паччăр, Иерусалимри Турă Çурчĕ валли ырă кăмăлтан пурлăх парса пулăшчăр, тет.

(5) Турă çынсен чун хавалне Иерусалима таврăнма, унти Çÿлхуçа Çуртне çĕнĕрен юсаса лартма хускатса янă та, вара çав çынсем — Иудăпа Вениамин ăрăвĕсен пуçлăхĕсем, священниксемпе Левитсем, ĕнтĕ камăн кăмăлĕ çаврăннă, çавсем пурте — кар çĕкленнĕ.

(6) Турă Çурчĕ валли ырă кăмăлтан панă парнисемсĕр пуçне вĕсем тата кĕмĕл савăтсем, ылтăн, тĕрлĕ пурлăх, выльăхчĕрлĕх тата хаклă япаласем панă.

(7) Вара Кир патша Çÿлхуçа Çурчĕн савăчĕсене — Навуходоносор Иерусалимран пуçтарса кайса хăй туррин çуртне хунă савăтсене — илсе килме хушнă,

(8) илсе килсессĕн Кир, Перси патши, вĕсене мул управçин Мифредатăн аллине панă, лешĕ вара, пĕтĕмпе шута илсе, иудейсен пуçлăхне Шешбацара панă.

(9) Акă мĕн чухлĕ савăт пулнă: ылтăн тирĕк — вăтăр, кĕмĕл тирĕк — пин, çĕçĕ — çирĕм тăххăр,

(10) ылтăн курка — вăтăр, кĕмĕл курка — тăватçĕр вуннă, ытти савăтсапа — пин: пылтăн тата кĕмĕл савăтсем мĕнпурĕ пилĕк пин те тăватçĕр пулнă. Тыткăнри çынсем Вавилонран Иерусалима таврăннă чухне Шешбацар çакна пĕтĕмпе хăйпе пĕрле илнĕ.

2

(1) Вавилон патши Навуходоносор тыткăна Вавилона куçарса кайнă çынсенчен Иерусалима тата Иудейăна, кашнийĕ хăйĕн хулине, таврăннă çĕршывăн ывăлĕсем çаксем пулаççĕ,—

(2) вĕсене ĕнтĕ Зоровавель, Иисус, Неемия, Сараий, Реелай, Мардохей, Билшан, Мисфар, Бигвай, Рехум, Ваана ертсе килнĕ. Акă Израиль çыннисен йышĕ:

(3) Парош ывăлĕсем — икĕ пин те çĕр çитмĕл икĕ çын;

(4) Сафатия ывăлĕсем — виççĕр çитмĕл икĕ çын;(5) Арах ывăлĕсем — çичçĕр çитмĕл пилĕк çын;

(5) ПахафМоав ывăлĕсем, Иисус тата Иоав тăхăмĕсем — икĕ пин те сакăрçĕр вуникĕ çын;

(7) Елам ывăлĕсем — пин те икçĕр аллă тăватă çын;

(8) Заттуй ывăлĕсем — тăхăрçĕр хĕрĕх пилĕк çын;

(9) Закхай ывăлĕсем — çичçĕр утмăл çын;

(10) Ваний ывăлĕсем — ултçĕр хĕрĕх икĕ çын; пБебай ывăлĕсем — ултçĕр çирĕм виçĕ çын;

(12) Азгад ывăлĕсем — пин те икçĕр çирĕм икĕ çын;

(13) Адоникам ывăлĕсем — ултçĕр утмăл ултă çын;

(14) Бигвай ывăлĕсем — икĕ пин те аллă ултă çын;

(15) Адин ывăлĕсем — тăватçĕр аллă тăватă çын;

(16) Езекия килĕнчен тухнă Атер ывăлĕсем — тăхăрвун сакăр çын;

(17) Бецай ывăлĕсем — виççĕр çирĕм виçĕ çын;

(18) Иора ывăлĕсем — çĕр вуникĕ çын;

(19) Хашум ывăлĕсем — икçĕр çирĕм виçĕ çын;

(20) Гиббар ывăлĕсем — тăхăрвун пилĕк çын;

(21) Вифлеем çыннисем — çĕр çирĕм виçĕ çын;

(22) Нетофа çыннисем — аллă ултă çын;

(23) Анафоф çыннисем — çĕр çирĕм сакăр çын;

(24) Азмавеф çыннисем — хĕрĕх икĕ çын;

(25) Кириаф-Иарим, Кефира тата Беероф çыннисем — çичçĕр хĕрĕх виçĕ çын;

(26) Рама тата Гева çыннисем — ултçĕр çирĕм пĕр çын;

(27) Михмас çыннисем — çĕр çирĕм икĕ çын;

(28) Вефиль тата Гай çыннисем — икçĕр çирĕм виçĕ çын;

(29) Нево çыннисем — аллă икĕ çын;

(30) Магбиш çыннисем — çĕр аллă ултă çын;

(31) тепĕр Елам ывăлĕсем — пин те икçĕр аллă тăватă çын;

(32) Харим ывăлĕсем — виççĕр çирĕм çын;

(33) Лидда, Хадид тата Оно çыннисем — çичçĕр çирĕм пилĕк çын;

(34) Иерихон çыннисем — виççĕр хĕрĕх пилĕк çын;

(35) Сенаа çыннисем — виçĕ пин те ултçĕр вăтăр çын.

(36) Священниксем: Иисус килĕнчен тухнă Иедаия ывăлĕсем — тăхăрçĕр çитмĕл виçĕ çын;

(37) Иммер ывăлĕсем — пин те аллă икĕ çын;

(38) Пашхур ывăлĕсем — пин те икçĕр хĕрĕх çичĕ çын;

(39) Харим ывăлĕсем пин те вунçичĕ çын.

(40) Левитсем: Годавия ывăлĕсенчен тухнă Иисуспа Кадмиил ывăлĕсем — çитмĕл тăватă çын;

(41) юрăçсем: Асаф ывăлĕсем — çĕр çирĕм сакăр çын;

(42) хапха хуралçисен ывăлĕсем: Шаллум ывăлĕсем, Атер ывăлĕсем, Талмон ывăлĕсем, Аккув ывăлĕсем, Хатита ывăлĕсем, Шовай ывăлĕсем — пурĕ çĕр вăтăр тăхăр çын.

(43) Левитсене пулăшакансем: Циха ывăлĕсем, Хасуфа ывăлĕсем, Таббаоф ывăлĕсем,

(44) Керос ывăлĕсем, Сиага ывăлĕсем, Фадон ывăлĕсем,

(45) Лебана ывăлĕсем, Хагаба ывăлĕсем, Аккув ывăлĕсем,

(46) Хагав ывăлĕсем, Шамлай ывăлĕсем, Ханан ывăлĕсем,

(47) Гиддел ывăлĕсем, Гахар ывăлĕсем, Реаия ывăлĕсем,

(48) Рецин ывăлĕсем, Некода ывăлĕсем, Газзам ывăлĕсем,

(49) Узза ывăлĕсем, Пасеах ывăлĕсем, Бесай ывăлĕсем,

(50) Асна ывăлĕсем, Меуним ывăлĕсем, Нефисим ывăлĕсем,

(51) Бакбук ывăлĕсем, Хакуфа ывăлĕсем, Хархур ывăлĕсем,

(52) Бацлуф ывăлĕсем, Мехида ывăлĕсем, Харша ывăлĕсем,

(53) Баркос ывăлĕсем, Сисра ывăлĕсем, Фамах ывăлĕсем,

(54) Нециах ывăлĕсем, Хатифа ывăлĕсем.

(55) Соломон чурисен ывăлĕсем: Сотай ывăлĕсем, Гассофереф ывăлĕсем, Феруда ывăлĕсем,

(56) Иаала ывăлĕсем, Даркон ывăлĕсем, Гиддел ывăлĕсем,

(57) Сефатия ывăлĕсем, Хаттил ывăлĕсем, Похереф-Гаццебайим ывăлĕсем, Амий ывăлĕсем —

(58) Левитсене пулăшакансемпе Соломон чурисен ывăлĕсем пурĕ — виççĕр тăхăрвун икĕ çын.

(59) Акă Тел-Мелах, Тел-Харша, Херуб-Аддан-Иммер çĕрĕсенчен килнисем, анчах хăйсен йăхĕ-кăкĕ Израильрен пулнипе пулманнине кăтартса парайманнисем:

(60) Делаия ывăлĕсем, Товия ывăлĕсем, Некода ывăлĕсем — ултçĕр аллă икĕ çын.

(61) Тата священниксен ывăлĕсенчен: Хебая ывăлĕсем, Гаккоц ывăлĕсем, Верзеллий ывăлĕсем; çав Верзеллий ĕнтĕ Галаадра пурăнакан Верзеллий хĕрĕсенчен пĕрне качча илнĕ те, вара ăна хăйне те Верзеллий тесе чĕнме пуçланă.

(62) Вĕсем хăйсен йăх-кăк тымарĕн çырăвне шыранă та, анчах тупайман, çавăнпа вĕсене священниксен йышĕнчен кăларнă.

(63) Вара халăх пуçлăхĕ вĕсене уримпа туммим тытнă священник килмесĕр аслă та сăваплă парнене çиме каламан.

(64) Çапла вара пĕтĕм халăх йышĕ хĕрĕх икĕ пин те виççĕр утмăл çын пулнă;

(65) кунсăр пуçне вĕсен чурисемпе хăрхăмĕсем — çичĕ пин те виççĕр вăтăр çичĕ çын; тата арçын юрăçсемпе хĕрарăм юрăçсем — икçĕр çын.

(66) Вĕсен çичçĕр вăтăр ултă ут, икçĕр хĕрĕх пилĕк ашакла лаша,

(67) тăватçĕр вăтăр пилĕк тĕвепе ултă пин те çичçĕр çирĕм пуç ашак пулнă.

(68) Иерусалимри Çÿлхуçа Çурчĕ патне çитсессĕн, хăшхăш ăру пуçлăхĕсем Турă Çуртне унчченхи вырăнĕнче çĕнĕрен туса лартма парнесем панă.

(69) Вĕсем ĕнтĕ вăйĕ çитнĕ таран панă, Çÿлхуçа Çурчĕн мул управăшне вĕсем утмăл пĕр пин драхма ылтăн, пилĕк пин мина кĕмĕл тата священниксем валли çĕр тум хывнă.

(70) Вара священниксем, Левитсем, халăхпа юрăçсем, хапха хуралçисем. Левитсене пулăшакансем — хăйсен хулисене пурăнма вырăнаçнă.

3

(1) Çиччĕмĕш уйăхра ĕнтĕ лĕсем хăйсен хулисенче

вара ун çинче петемешпе çунтарса Çÿлхуçана ирсерен те, каçсерен те парне кÿрсе тăма пуçланă. “Вĕсем ĕнтĕ хÿшĕ уявĕ уявланă, ăна саккун йĕркипе тунă: пĕтĕмĕшпе çунтарса памалли парнене хăш кунĕнче мĕн чухлĕ кÿмелле пулнă, çавăн чухлĕ кÿнĕ.

(5) Çавăн хыççăн вĕсем пĕтĕмĕшпе çунтарса памалли парнене кунсеренех кÿме пуçланă, çав парнене тата çĕнĕ уйăх кунĕнче те, Çÿлхуçана халалланă мĕнпур уявра та парса тăма пуçланă, тимлĕ пулса, çынсем тата ырă кăмăлтан Çÿлхуçана парнесем кÿнĕ.

(6) Çÿлхуçана çиччĕмĕш уйăхăн пĕрремĕш кунĕнчен пуçласа пĕтĕмĕшпе çунтарса паракан парнесем кÿрсе тăма пуçланă. Ун чухне Çÿлхуçа Çурчĕн никĕсне те хывман пулнăха.

(7) Чул касакансемпе йывăç каскалакан ăстасене кĕмĕл панă, Сидонпа Тир çыннисене вара — вĕсем Перси патши Кир ирĕк панипе Ливанран тинĕс урлă Яффăна кедр йывăçĕ кÿрсе тăччăр тесе — ĕçмеçиме, çу парса тăма тытăннă.

(8) Акă ĕнтĕ Иерусалима Турă Çурчĕ патне таврăнни иккĕмĕш çул çине кайсассăн, иккĕмĕш уйăхра

(10) Ĕçлекенсем Çÿлхуçа Çурчĕн никĕсне хывсассăн, Çÿлхуçана Израиль патши Давид панă йĕркепе мухтама унта священниксен тумне тăхăннă, аллине трупа тытнă, саященниксем тата кимвал тытнă Асаф ывăлĕсене тăратса тухнă.

(11) Вара вĕсем, пĕрпĕринпе ылмашăнса: «мухтавлăр», «Çÿлхуçана аслăлăр», «Вăл ырă, Унăн ырăлăхĕ — ĕмĕрлĕхе» тесе юрлама пуçланă. Çÿлхуçа Çурчĕн никĕсне хывса хăварнăшăн савăнса, пĕтĕм халăх Çÿлхуçана мухтавласа хыттăн, янăравлăн кăшкăрса тăнă.

(12) Çав вăхăтрах священниксемпе Левитсем, ăру пуçлăхĕсемпе ватă çынсем нумайăшĕ, унчченхи Çурта курнăскерсем, çакă Çурт никĕсне хывнине пăхса тăнă чухне ÿлесех йĕнĕ, ытларахăшĕ вара савăнсахĕпĕртесе кăшкăрса тăнă.

(13) Халăх ĕнтĕ хăй савăнса кăшкăрнипе йĕнине пĕрпĕринчен уйăрса та илеймен, мĕншĕн тесессĕн халăх хытă шавланă, унăн сасси питĕ аякра илтĕнсе тăнă.

4

(1) Иудăпа Вениамин тăшманĕсем ĕнтĕ тыткăнран таврăннисем Çÿлхуçанăн, Израиль Туррийĕн, Çуртне тума пуçлани çинчен илтнĕ;

(2) вара вĕсем Зоровавельпе ăру пуçлăхĕсем патне пынă та каланă вĕсене: эпир те сирĕнпе пĕрле ĕçлĕпĕр, мĕншĕн тесессĕн эпир те сирĕн Туррăра пуççапатпăр, эпир Ăна хамăра Сири патши Асардан çакăнта куçарса килнĕренпех парне кÿрсе тăратпăр, тенĕ.

(3) Зоровавельпе Иисус, Израиль ăрăвĕсен ытти пуçлăхĕсем каланă вĕсене: сирĕн пирĕнпе пĕрле пирĕн Туррăмăрăн Çуртне лартасси пулас çук; хамăра Перси патши Кир хушнă пек, Çÿлхуçанăн, Израиль Туррийĕн, Çуртне эпир хамăрах тăватпăр, тенĕ.

(4) Çав çĕр халăхĕ вара Иудея халăхĕн вăйне хавшатма, вĕсен ĕçне чăрмантарма тытăннă;

(5) çак ĕçе путарас шутпа, вĕсем канашçăсене сĕрев парса хăйсем майлă çавăрнă, Перси патши Кир вăхăтĕнче тăршшĕпех çапла пулнă, ку Перси патшине Дарий ларичченех çапла пулса пынă.

(6) Патшара Ахашверош ларнă чухне, вăл тин кăна патшана ларсассăн, вĕсем Иудейăпа Иерусалимра пурăнакансене айăпласа çырса янă.

(7) Артаксеркс вăхăтĕнче Бишлам, Мифредат, Табеел тата вĕсен юлташĕсем Перси патши Артаксеркс патне çыру çырнă. Çырăвне Сири саспаллийĕсемпе, сирилле çырнă пулнă, ăна куçарса панă.

(8) Çавăн чухне Рехум канашçăпа Шимшай çыруçă Артаксеркс патша патне Иерусалима хирĕçле çакăн пек çыру çырса янă:

(9) «Рехум канашçă, Шимшай çыруçă тата вĕсен юлташĕсем — динейсем, афарсафхейсем, тарпелейсем, апарссем, арехьянсем, вавилонсем, сусансем, дагсем, еламсем

(10) тата ытти халăхсем — аслă та мухтавлă Аснафар [Сеннахирим] куçарса килсе Самари хулисемпе юханшыв леш енчи хуласене вырăнаçтарнă тĕрлĕ халăхсем» тата ытти те. пÇав çырура акă мĕнле çырнă пулнă: «Артаксеркс патшана — санăн чурусем, юханшыв леш енче пурăнакансем» тата ытти те.

(12) Патша пĕлсе тăтăрччĕ: сан патăнтан тухса пирĕн патăмăра Иерусалима килнĕ иудейсем çакă пăлхавлă та юрăхсăр хулана çĕнетме тытăнчĕç: хÿме хĕвеççĕ, унăн никĕсне сиплерĕç те ĕнтĕ.

(13) Патша пĕлсе тăтăрччĕ: ку хулана туса пĕтерсессĕн, унăн хÿмине çĕнетсе тухсассăн, хырçă та, куланай та, ытти тÿлеве те пама пăрахĕç, вара патша хыснине сиен пулĕ.

(14) Эпир, патшамăра ĕçлесе тăракан çынсем, патшашăн сиенлĕ ĕçе асăрхамасăр тăма пултараймастпăр, çавăнпа ĕнтĕ патшана пĕлтеретпĕр:

(15) аçусенĕн çулсеренхи кĕнекинче шыраччăр — çулсеренхи кĕнекере эсĕ çакă хула пăлхавлă та патшасемпе çĕрсемшĕн сиенлĕ хула пулни çинчен, çав хула ĕлĕкренпех уйрăлауйрăла тухни çинчен, ăна шăпах çавăншăн аркатни çинчен вуласа пĕлĕн.

(16) Çавăнпа эпир патшана пĕлтеретпĕр: ку хулана туса çитерсессĕн, хÿмине хÿсе çаврăнсассăн, эсĕ юханшыв леш енчи пĕтĕм çĕрне çухатăн».

(17) Вара патша Рехум канашçăпа Шимшай çыруçă патне, вĕсен Самарире тата юханшыв леш енчи хуласенче пурăнакан юлташĕсем патне çапла çырса янă: «Канăçлăх пултăр сире»… тата ытти те.

(18) «Эсир пирĕн пата янă çырăва ман умăмра ăнланмалла вуласа пачĕç;

(19) хушрăм та — шыраса тупрĕç, пĕлчĕç: чăнах, ку хула мĕн авалтанпах патшасене хирĕç тăнине, унта пăлхавсемпе пăтравсем пулапула иртнине,

(20) Иерусалимра хăватлă патшасем пулнине, вĕсем юханшыв леш енчи пĕтĕм çĕре тытса тăнине, вĕсене хырçă, куланай тата ытти тÿлев парса тăнине пĕлтĕмĕр.

(21) Апла çав çынсене ĕçлеме чарăр, эпĕ каламасăр вăл хулана ан туччăр.

(22) Астăвăр, пурне те тĕплĕ тăвăр, тимлĕ пулăр; çав сиене пула патшалăхăн шар курмалла ан пултăр».

(23) Артаксеркс патшан çырăвне Рехумпа Шимшай çыруçă умĕнче тата вĕсен юлташĕсем умĕнче вуласа панă хыççăнах вĕсем пĕр тăхтаса тăмасăр Иерусалима иудейсем патне тухса кайнă та вĕсен ĕçне пысăк çар вăйĕпех чарса лартнă.

(24) Вара Иерусалимра Турă Çуртне тăвас ĕç чарăнса ларнă, Перси патши Дарий патшана ларни иккĕмĕш çул çитичченех çак ĕç вырăнтан хускалман.

5

(1) Ĕнтĕ Аггей пророкпа Захария пророк, Адда ывăлĕ, Иудейăри тата Иерусалимри иудейсене Израиль Турри ятĕнчен пророкла сăмах каланă.

(2) Вара Салафиил ывăлĕ Зоровавель тата Иоседек ывăлĕ Иисус Иерусалимра Турă Çуртне тума тытăннă, Турă пророкĕсем вĕсене хавхалантарса тăнă.

(3) Çавăн чухне вĕсем патне юханшыв леш енчи çĕр пуçлăхĕ Фафнай тата ШЕфарБознай хăйсен юлташĕсемпе пĕрле пынă та çапла каланă: ку Çурта тума, ăна туса лартма кам ирĕк панă сире? тенĕ.

(4) Вара эпир вĕсене çак Çурта тăвакан çынсен ячĕсене каларăмăр.

(5) Иудейăн аслă çыннисене хăйсен Турри хÿтĕлесе тăнă, кусем вара вĕсене ĕçлеме чарман, ку ĕç пирки Дарий патне çыру янă, ĕçе мĕнле татса парассине кĕтнĕ.

(6) Юханшыв лешьенĕн пуçлăхĕ Фафнай тата ШЕфарБознай хăйсен юлташĕсемпе, юханшыв леш енчи тÿрешарапа, Да рий патне янă çырура çапла çырнă пулнă —

(7) ăна хыпар ярса акă мĕн çырнă вĕсем: «Дарий патшана — пур тĕлĕшпе те тăнăçлăх пултăр!

(8) Патша пĕлсе тăтăрччĕ: эпир Иудея çĕрне аслă Туррăн Çурчĕ патне кайса килтĕмĕр; Çурта шултăра чултан купалаççĕ, стенисене йывăç та хывса хăвараççĕ; хăвăрт ĕçлеççĕ, ăнса пырать ку ĕç вĕсен аллинче.

(9) Эпир вĕсен аслă çыннисенчен çапла ыйтрăмăр: «ку Çурта тума, ăна туса лартма кам ирĕк панă сире?» терĕмĕр.

(10) Тата эпир, сана пĕлтерсе çырса ярас тесе, вĕсен аслă çыннисен ячĕсене ыйтса пĕлтĕмĕр.

(11) Вĕсем пире çапла каласа хуравларĕç: «эпир — тÿпепе çĕр Туррин чурисем; эпир нумай çул ĕлĕкрех туса лартнă Çурта çĕнĕрен тăватпăр, ăна Израилĕн аслă патши тунă, туса лартнă пулнă.

(12) Ĕнтĕ пирĕн аттемĕрсем Çÿлти Турра çиллентерсе çитернĕ те, Вăл вĕсене халдей çыннин Навуходоносорăн, Вавилон патшийĕн, аллине ÿкернĕ; патша çак Çурта çĕмĕрсе тăкнă та халăха Вавилона куçарса кайнă.

(13) Анчах та Вавилон патши Кир хăй пĕрремĕш çул патшара ларнă чухне çак Турă Çуртне тума ирĕк панă;

(14) Турă Çурчĕн савăчĕсене те — Навуходоносор Иерусалимри Çуртран илсе Вавилона, хăйсен туррисен çуртне кайса хунă ылтăнкĕмĕл савăтсене — Кир патша Вавилон туррисен çуртĕнчен илсе тухнă та Шешбацар ятлă çынна панă, — Шешбацара вăл çĕр пуçлăхне лартнă пулнă,—

(15) вăл ăна каланă: çак савăтсене ил те Иерусалим Çуртне илсе кайса пар; Турă Çуртне унчченхи вырăнĕнчех туса лартчăр, тенĕ.

(16) Вара çав Шешбацар килнĕ те Иерусалимра Турă Çурчĕн никĕсне хывса хăварнă; çав Çурта тăвас ĕç çавăнтанпах пырать, вăл халĕ те вĕçленменха» терĕç вĕсем.

(17) Эппин, патшан кăмăлĕ пулсассăн, патшасен мулĕ упранакан çуртра, унта Вавилонра, Кир патша Иерусалимра Турă Çуртне тума ирĕк панипе паманнине шыраса тупчăр, вара ăна пире ярса паччăр» тенĕ çырура.

6

(1) Вара, Дарий патша хушнипе, Вавилонра мул управăшĕнче кĕнекесем упранакан вырăна пăхса тухнă.

(2) Ĕнтĕ Миди çĕрĕнчи Екбатан керменĕнче пĕр тĕркем тупăннă, унта çапла çырнă пулнă: «Асра тытма:

(3) Кир патша хăй пĕрремĕш çул патшара ларнă чухне Иерусалимри Турă Çурчĕ пирки панă хушу: Çурта парне кÿрекен вырăнта лартчăр, ăна валли çирĕп никĕс хывччăр; унăн çÿллĕшĕ утмăл чике, сарлакăшĕ утмăл чике пултăр;

(4) шултăра чулсен речĕ — виççĕ, йывăç хунă рет пĕрре пултăр; тăккаланма мĕн кирлине патша килĕнчен парса тăччăр.

(5) Турă Çурчĕн савăчĕсене те — Навуходоносор Иерусалим Çуртĕнчен Вавилона илсе кайнă ылтăн та кĕмĕл савăтсене — каялла Иерусалим Çуртне тавăрса паччăр, кашни япалине Турă Çуртне хăйĕн вырăнне лартчăр».

(6) Дарий патшаран вара çакăн пек хушу çитнĕ: «Эсир вара, юханшыв леш енĕн пуçлăхĕ Фафнай, Шефар-Бознай, хăвăрăн юлташăрсемпе, юханшыв леш енчи тÿрешарапа, унтан пăрахса кайăр.

(7) Турă Çуртне тума ан чăрмантарăр; Иудея çĕрĕн пуçлăхĕпе Иудейăн аслă çыннисем Турă Çуртне унчченхи вырăнĕнчех туса лартчăр.

(8) Çапла хушатăп: Турă Çуртне тунă чухне Иудейăн аслă çыннисене пулăшсах тăрăр: патша пурлăхĕнчен — юханшыв леш енче пухнă куланайран — пĕр тăхтаса тăмасăр илĕр те çав çынсене парса тăрăр: ĕç чарăнса ан тăтăр;

(9) мĕн кирлине — пĕтĕмĕшпе çунтарса Çÿлти Турра парнесем кÿме пăрусем-и, сурăхсем-и, путексем-и, тулă-и, тăвар-и, эрех-и, çу-и — Иерусалим священникĕсем мĕн ыйтнине пурне те кунран-кунах, пĕр тытăнса тăмасăр парса тăрăр,

(10) вĕсем çапла Çÿлти Турра кăмăллă парнесем кÿрсе тăччăр, патшапа унăн ывăлĕсенĕн пурăнăçĕшĕн кĕлтуччăр.

(11) Тата çапла хушатăп: кам та кам çак хушăва пăсас пулсассăн, çавăн çурчĕн пĕренине кăларса илмелле те хăйне ăна çав пĕрене çумне пăталамалла, çуртне тĕппипех çĕмĕрмелле.

(12) Пĕр-пĕр патша е пĕр-пĕр халăх çак хушăва пăсса Иерусалимри Турă Çуртне сиен кÿме хăйсассăн, вĕсене Хăйĕн ячĕ çавăнта тăма кăмăл тунă Турă пĕтертĕр. Эпĕ, Дарий, çапла хушатăп: ăна тĕп-тĕрĕс пурăнăçласа тăрăр!»

(13) Вара юханшыв леш енĕн пуçлăхĕ Фафнай, Шефар-Бознай тата вĕсен юлташĕсем Дарий патша епле хушнă, пурне те çапла тĕп-тĕрĕс туса тăнă.

(14) Иудейĕн аслă çыннисем ăнăçлăн ĕçленĕ, Аггей пророкпа Адда ывăлĕ Захария вĕсене хавхалантарса тăнă. Çапла Израиль Туррин ирĕкĕпе, Перси патшисен Кирăн, Дарийĕн тата Артаксерксăн ирĕкĕпе Турă Çуртне туса лартнă, ĕçе вĕçленĕ.

(15) Çав Çурта адар уйăхĕн виççĕмĕш кунĕ тĕлне, Дарий патша улттăмĕш çул патшара ларнă чухне, туса пĕтернĕ.

(16) Вара Израиль ывăлĕсем — священниксемпе Левитсем, тыткăнран таврăннă пĕтĕм халăх — тем тĕрлĕ савăнсахĕпĕртесе Турă Çуртне тасалăх тивлечĕ кÿнĕ.

(17) Турă Çуртне тасалăх тивлечĕ кÿнĕ чухне вĕсем çĕр вăкăр, икçĕр сурăх таки, тăватçĕр путек кÿнĕ, тата пĕтĕм Израиль çылăхĕшĕн — Израиль йăхĕсен шутне кура — вуникĕ качака таки парне кÿнĕ.

(18) Унтан, Моисей кĕнекинче çырнă пек, Иерусалимра Турра ĕçлесе тăма священниксемпе Левитсене ушкăнушкăна уйăрнă, вĕсене хăйсен вырăнĕсене тăратса тухнă.

(19) Вара тыткăнран таврăннисем пĕрремĕш уйăхăн вунтăваттăмĕш кунĕнче Пасха уявне ирттернĕ,

(20) мĕншĕн тесессĕн священниксем, Левитсем тасалнă ĕнтĕ — вĕсем пурте, пĕр çын пек, таса пулнă; вара Левитсем тыткăнран таврăннисем валли пурин валли те, хăйсен священниктăванĕсем валли тата хăйсем валли пасха путекĕсем пуснă.

(21) Ĕнтĕ тыткăнран таврăннă Израиль ывăлĕсем пасха апачĕ çинĕ; Çÿлхуçана, Израиль Турриие, пуççапмашкăн ытти халăхсен тасамарлăхĕнчен хăпса Израиль ывăлĕсем çумне хутшăннисем те пасха апачĕ çинĕ.

(22) Тутлăлла çăкăр уявне çичĕ кун хушши савăнăçлăн та хĕпĕртевлĕн уявланă, мĕншĕн тесессĕн Çÿлхуçа вĕсене савăнăç кÿнĕ: Çÿлхуçанăн, Израиль Туррин, Çуртне тунă чухне вăйхал парса пулăшса тăма Ассири патшин чĕрине вĕсем майлă çавăрнă.

7

(1) Çак ĕçсем пулса иртнĕ хыççăн, Перси патшинче Артаксеркс ларнă чухне, Вавилонран Ездра таврăннă; Ездра вăл — Сераия ывăлĕ, Сераия — Азария ывăлĕ, Азария — Хелкия ывăлĕ,

(2) Хелкия — Шаллум ывăлĕ, Шаллум — Садок ывăлĕ, Садок — Ахитув ывăлĕ,

(3) Ахитув — Амария ывăлĕ, Амария — Азария ывăлĕ, Азария — Мерайоф ывăлĕ,

(4) Мерайоф — Захария ывăлĕ, Захария — Уззий ывăлĕ, Уззий — Буккий ывăлĕ,

(5) Буккий — Авишуй ывăлĕ, Авишуй — Финеес ывăлĕ, Финеес — Елеазар ывăлĕ, Елеазар — аслă священникăн Ааронăн ывăлĕ;

(6) çав Ездра Вавилонран таврăннă. Вăл кĕнекеçĕ пулнă — Çÿлхуçа, Израиль Турри, панă Моисей саккунне лайăх пĕлнĕ. Патша ăна мĕн ыйтнине пĕтĕмпех панă, мĕншĕн тесессĕн Ездрăпа пĕрле хăйĕн Çÿлхуçа Турри пулнă.

(7) Артаксеркс патша çиччĕмĕш çул патшара ларнă чухне Израиль ывăлĕсен пĕр пайĕ — хăшпĕр священниксемпе Левитсем, юрăçсем, хапха хуралçисем, Левитсене пулăшакансем — Ездрăпа пĕрле Иерусалима тухса кайнă.

(8) Ездра Иерусалима пиллĕкĕмĕш уйăхра, çав патша çиччĕмĕш çул патшара ларнă чухне, пырса çитнĕ.

(9) Вавилонран вăл пĕрремĕш уйăхăн пĕрремĕш кунĕнче тухнă пулнă, Иерусалима вара пиллĕкĕмĕш уйăхăн пĕрремĕш кунĕнче çитнĕ — ĕнтĕ ырăлăх паракан Турă алли ун çинчех пулнă,

(10) мĕншĕн тесессĕн Ездра пĕтĕм чун хавалĕпе Çÿлхуçа саккунне тĕпчеме, ăна вырăна килтерсе тăма, Изра иль халăхне саккунпа тÿрĕлĕхе вĕрентме тăрăшнă.

(11) Артаксеркс патша Ездра священника, Израильре Çÿлхуçа ÿкĕчĕсемпе саккунĕсене вĕрентнĕ кĕнекеçĕне, панă çырура çапла каланă:

(12) «Артаксеркс, патшасенĕн патши, — Ездра священника, тÿпери Турă саккунне тĕплĕ пĕлекене» тата ытти те.

(13) «Çапла хушатăп: манăн патшалăхăмра пурăнакан Израиль халăхĕн çыннисем, священниксемпе Левитсем кам та кам Иерусалима кайма шухăшлать, çавсем санпа пĕрле кайччăр.

(14) Сана патшапа унăн çичĕ канашçи Иудăпа Иерусалима яраççĕ: санăн хăвăн Туррун саккунĕ пур, унти ларутăрăва çак саккун тăрăх пăхса тух.

(15) Унсăр пуçне санăн унта ылтăнпа кĕмĕл — патшапа унăн канашçисем Иерусалимра пурăнакан Израиль Турри валли панă ылтăнкĕмĕле — илсе çитермелле;

(16) тата эсĕ пĕтĕм Вавилон çĕрĕ тăрăх кайса ылтăнкĕмĕл пуçтарăн та ăна та, тата халăхпа священниксем Иерусалимри хăйсен Туррин Çурчĕ валли ырă кăмăлтан панă парнисене те хăвăнпа пĕрле илсе кайăн;

(17) çав укçапа хăвăртрах вăкăрсем, сурăхсем, путексем тата унсăр пуçне тырăпулă парнисем туян, вĕсем çине сирпĕтме иçĕм эрехĕ туян, çакна пĕтĕмпе хăвăр Туррăрăн Иерусалимри Çурчĕн парне вырăнĕ çинче парне кÿр.

(18) Ытти мĕн юлнă ылтăнкĕмĕлпе ху тата хăвăн тăванусем мĕн тума шухăшлатăр, хăвăр Туррăр ирĕкĕпе çавна тăвăр.

(19) Сана хăвăн Туррун Çуртĕнче ĕçлесе тăма панă савăтсене Иерусалим Турри умне ларт.

(20) Хăвăн Туррун Çурчĕ валли тата мĕн кирлине сана патша мулĕн управăшĕнчен илсе парĕç.

(21) Эпĕ, Артаксеркс патша, юханшыв леш енчи мул управçисене çапла хушатăп: Ездра священник, Çÿлти Турă саккунне вĕрентекен, сирĕнтен мĕн ыйтать, çавна пĕр тăхтаса тăмасăр парăр:

(22) çĕр талант таран кĕмĕл, çĕр кор таран тулă, çĕр бат таран иçĕм эрехĕ, çĕр бат таран çу парăр, тăварне вара виçме те кирлĕ мар.

(23) Çÿлти Турă мĕн хушнă, çÿлти Турă Çурчĕшĕн çавна тимлĕн, тăрăшса тумалла; [асăрханăр, çÿлти Турă Çурчĕ çине кам та пулин алă ан тăстăр,] çавна пула патшалăх çине, патшапа унăн ывăлĕсем çине Унăн çилли ан ÿктĕр.

(24) Эпир сире пĕлтерсе хуратпăр: священниксенчен е Левитсенчен, юрăçсенчен, хапха хуралçисенчен, Левитсене пулăшакансенчен, çак Турă Çуртĕнче ĕçлесе тăракансенчен нихăшĕнчен те хырçă та, куланай та, нимĕнле тÿлев те илмелле мар.

(25) Эсĕ вара, Ездра, Турру ăслăлăхне чĕрÿне хывнăскер, пуçлăхсемпе тÿресем лартса тух; вĕсем юханшыв леш енчи пĕтĕм халăха — санăн Туррун саккунĕсене пĕлекенскерсене — тÿррипе сут туччăр, пĕлменнисене вара вĕрентĕр.

(26) Кам та кам санăн Туррун саккунне, патша саккунне пурăнăçламасть, çавна çийĕнчех сут туса е вĕлермелле, е хăваласа ямалла, е укçа тÿлеттермелле, е тĕрмене хупмалла».

(27) Çÿлхуçамăр, пирĕн аттемĕрсен Турри, мухтавлă. Вăл патша чĕрине Иерусалимри Çуртне илем кÿрес шухăш хыврĕ,

(28) патшапа унăн канашçисен, патшанăн пур хăватлă çулпуçĕсен кăмăлне ман еннелле çавăрчĕ! Кăмăлăм çĕкленчĕ, мĕншĕн тесессĕн Çÿлхуçа Туррăмăн алли ман çинче пулчĕ, вара эпĕ Израиль пуçлăхĕсене хампа пĕрле кайма пуçтартăм.

8

(1) Артаксеркс патшара ларнă чухне Вавилонран манпа пĕрле тухнă ăрусен пуçлăхĕсем тата вĕсен йăхĕ-кăкĕ çакă:

(2) Финеес ывăлĕсенчен — Гирсон; Ифамар ывăлĕсенчен — Даниил; Давид ывăлĕсенчен — Хаттуш;

(3) Шехания ывăлĕсенчен, Парош ывăлĕсенчен — Захария, унпа пĕрле, йăх-кăк çырăвĕ тăрăх, çĕр аллă арçын;

(4) ПахафМоав ывăлĕсенчен — Ельегоенай, Зерахия ывăлĕ, унпа пĕрле икçĕр арçын;

(5) [Зафой] ывăлĕсенчен — Шехания, Яхазиил ывăлĕ, унпа пĕрле виççĕр арçын;

(6) Адин ывăлĕсен чен — Евед, Ионафан ывăлĕ, унпа пĕрле аллă арçын;

(7) Елам ывăлĕсенчен — Иешаия, АфаЛия ывăлĕ, унпа пĕрле çитмĕл арçын;

(8) Сафатия ывăлĕсенчен — Зевадия, Михаил ывăлĕ, унпа пĕрле сакăрвунă арçын;

(9) Иоав ывăлĕсенчен — Овадия, Иехиел ывăлĕ, унпа пĕрле икçĕр вунсакăр арçын;

(10) Вааний ывăлĕсенчен — Шеломиф, Иосифия ывăлĕ, унпа пĕрле çĕр утмăл арçын;

(11) Бевай ывăлĕсенчен — Захария, Бевай ывăлĕ, унпа пĕрле çирĕм сакăр арçын;

(12) Азгад ывăлĕсенчен — Иоханан, Гаккатан ывăлĕ, унпа пĕрле çĕр те вунă арçын;

(13) юлашкинчен Адоникам ывăлĕсем килнĕ, акă вĕсен ячĕсем: Елифелет, Иеиел тата Шемаия, вĕсемпе пĕрле утмăл арçын;

(14) Бигвай ывăлĕсенчен — Уфай тата Заббуд, вĕсемпе пĕрле çитмĕл арçын.

(15) Эпĕ вĕсене Агавăна юхса кĕрекен шыв хĕрринче пуçтартăм та, эпир унта виçĕ кун тăтăмăр; халăхпа священниксене пăхса çаврăнсассăн, эпĕ унта Левий ывăлĕсенчен никама та тупаймарăм.

(16) Эпĕ вара Елиезер, Ариэл, Шемаия, Елнафан, Иарив, Елнафан, Нафан, Захария, Мешшулам пуçлăхсене тата Иояривпа Елнафан ăсчахсене чĕнтерсе килме хушрăм.

(17) Эпĕ вĕсене Касифье теекен вырăнти Иддо пуçлăх патне ĕçпе ятăм, Иддопа унăн тăванĕсене, Касифьери Левитсене пулăшакансене, мĕн каламаллине вĕрентсе, Туррăмăрăн Çуртĕнче ĕçлесе тăма хамăр пата çынсем илсе килме хушрăм.

(18) Туррăмăрăн ырăлăх кăтартакан алли пирĕн çинче пулнăран вĕсем пирĕн пата Шеревияна, ăслă çынна, Махлий ывăлне, — Махлий вăл — Левий ывăлĕ, Левий — Израиль ывăлĕ,— татаунăнывăлĕсемпе тăванĕсене вунсакăр çын,

(19) тата Хашавияна, унпа пĕрле Мерари тăхăмне Иешаияна, унăн тăванĕсене, вĕсен ывăлĕсене çирĕм çын илсе килчĕç;

(20) тата Левитсене пулăшакансене, — вĕсен йăхне хăй вăхăтĕнче Давидпа унăн аслă улпучĕсем Левитсене пулăшса тăма уйăрнă пулнă,— икçĕр çирĕм çын илсе килчĕç; вĕсене пурне те ятран çырса тухнă.

(21) Туррăмăр умĕнче йăвашланас, хамăршăн, хамăр ачасемшĕн тата хамăрăн мĕнпур пурлăхшăн ăнăçлă çул ыйтас тесе, Агава юханшывĕ хĕрринче эпĕ типĕ тытмалли çинчен пĕлтертĕм,

(22) мĕншĕн тесессĕн хамăра çул çинчи тăшмансенчен сыхласа пыма патшаран çарпа юланутсем ыйтма эпĕ иментĕм: патшапа сăмахласа, эпир çапла каланăччĕ: Хăй патне пыракансемшĕн пирĕн Туррăмăрăн алли — ырăлăх кăтартакан алă, Хăйне пăрахакансене вара пурне те Унăн хăвачĕ, Унăн çилли çитет! тенĕччĕ.

(23) Эпир вара типĕ тытрăмăр, Турра хута кĕме тархасларăмăр, Вăл пире илтрĕ.

(24) Эпĕ ĕнтĕ священниксен пуçлăхĕсенчен вуникĕ çын — Шеревияна, Хашавияна тата вĕсемпе пĕрле вĕсен вунă тăванне — уйăрса илтĕм;

(25) эпĕ вĕсене Туррăмăр Çурчĕ валли пухăннă пĕтĕм пулăшулăха — патшапа унăн канашçисем, унăн аслă улпучĕсем, çав çĕршыври пур Израильсем парнелесе панă ылтăнкĕмĕле, савăтсене — виçевиçе патăм.

(26) Виçсе тухса, эпĕ вĕсене акă мĕнмĕн патăм: кĕмĕл — ултçĕр аллă талант, кĕмĕл савăт — çĕр талант чухлĕ, ылтăн — çĕр талант,

(27) пиншер драхма тăракан ылтăн курка — çирĕм, хакĕпе ылтăнпа танах çутă йĕс савăт — иккĕ.

(28) Вара эпĕ вĕсене каларăм: сире Çÿлхуçана халалланă, çак савăтсапана та Ăна халалланă; ку ылтăнпа кĕмĕле аçăрсенĕн Çÿлхуçа Туррине парнеленĕ.

(29) Тимлĕ пулăр, çакна Иерусалима илсе çитерсе, священниксемпе Левитсен пуçлăхĕсем умĕнче, Израиль ăрăвĕсен пуçлăхĕсем умĕнче виçепе виçсе Çÿлхуçа Çурчĕн управăшне хуриччен тимлĕ пулăр, терĕм.

(30) Священниксемпе Левитсем вара — Иерусалима Туррăмăрăн Çуртне илсе çитермешкĕн — мĕн чухлĕ тайнине виçнĕ ылтăнпа кĕмĕле, савăтсене йышăнчĕç.

(31) Çапла эпир Агава юханшывĕ хĕрринчен пĕрремĕш уйăхăн вуниккĕмĕш кунĕнче Иерусалима кайма тапранса тухрăмăр; Туррăмăрăн аллийĕ пирĕн çинче пулчĕ, пире тăшман аллине, сыхласа тăракансен аллине лекесрен çул çинче хăтарса пычĕ.

(32) Ентĕ Иерусалима çитрĕмĕр, унта виçĕ кун тăтăмăр.

(33) Тăваттăмĕш кунхине эпир ылтăнпа кĕмĕле те, савăтсене те, виçепе виçсе, Туррăмăр Çуртне, Меремоф священника, Урия ывăлне, тата Финеес ывăлне Елеазара, тата Левитсене — Иисус ывăлне Иозавада, Виннуй ывăлне Ноадияна — патăмăр,

(34) пĕтĕмпех шутласа, виçсе тухрăмăр, пĕтĕмĕшле виçине çавăн чухнех çырса хутăмăр.

(35) Тыткăнран куçса килнисем Израиль Туррине пĕтĕм Израилыпĕн парне — пĕтĕмĕшпе çунтарса кÿме вуникĕ пăру, тăхăрвун ултă сурăх, çитмĕл çичĕ путек тата çылăх парни кÿме вуникĕ качака таки — илсе пычĕç: çакна пурне те пĕтĕмĕшпе çунтарса Çÿлхуçана парне кÿчĕç.

(36) Вĕсем патша мĕн хушса çырнине патшанăн вырăнти пуçлăхĕсемпе юханшыв лешьенĕн çĕр пуçлăхĕсене пачĕç. Вара çав пуçлăхсем халăха, Турă Çуртне чыс турĕç.

9

(1) Çакăн хыççăн ман патăма халăх пуçлăхĕсем пычĕç те каларĕç: Израиль халăхĕ, священниксемпе Левитсем ют халăхсенчен, вĕсен ирсĕрлĕхĕнчен, Ханаансенчен, хетсенчен, ферезейсенчен, иевусейсенчен, аммонсенчен, моавсенчен, египетсенчен, амморейсенчен хăпман,

(2) хăйсем те, ывăлĕсем те çав халăхсен хĕрĕсене качча илнĕ, ĕнтĕ таса вăрлăх ют халăх йăхĕсемпе хутăшса кайнă; çакă йĕркесĕр ĕçре паллă çынсемпе аслă çынсем вара чи малта пулнă, терĕç.

(3) Çак сăмаха илтсессĕн эпĕ çири тумтирĕме аялтиçиелтипех çурса антартăм, çÿçĕмпе сухалăма тăпăлтартăм; эпĕ шалт тĕлĕнсе, хуйхăрса лартăм.

(4) Çавăн чухне вара ман патăма унччен куçса килнисем тунă усал ĕçсемшĕн Израиль Турри сăмахĕнчен хăраса ÿкнисем пухăнчĕç, эпĕ ĕнтĕ каçхи парне вăхăчĕ çитичченех хуйхăрса лартăм.

(5) Каçхи парне вăхăтĕнче эпĕ хам кулянса ларнă вырăнтан тăтăм та çурса антарнă аялтиçиелти тумтирĕм вĕççĕнех чĕркуçлентĕм, аллăмсене Çÿлхуçа Туррăм еннелле çĕклесе

(6) çапла каларăм: эй Туррăмçăм! Сан умăнта эпĕ пуçăма çĕклеме те намăсланатăп, хăратăп, эй Туррăмçăм, пирĕн йĕркесĕр ĕçĕмĕрсем пуç тÿпинчен те çÿлерех, пирĕн айăпăмăр тÿпене çитиех купаланнă.

(7) Аттемĕрсен вăхăтĕнчен пуçласа мĕн паянхи кунчченех эпир тÿсме çук пысăк айăпра; йĕркесĕр ĕçĕмĕрсемшĕн пире, пирĕн патшасене, пирĕн священниксене ют çĕр патшисен аллине панă, хĕç айне тунă, тыткăна ăсатнă, çаратнă, паянхи пекех, намăс курса пурăнмалла тунă.

(8) Çÿлхуçа Туррăмăр пире кĕске вăхăтлăха ырăлăх пачĕ, Вăл, пирĕн халăхăн йăлкăмне сыхласа хăварса, пире Хăйĕн сăваплă çĕрĕ çинче тĕпленме ирĕк пачĕ, Туррăмăр пирĕн куçсене çуталтарчĕ, чуралăхра йăл илме пачĕ.

(9) Эпир — чурасем, анчах Туррăмăр пире чуралăхра та пăрахмарĕ. Вăл Перси патшисен кăмăлне пирĕн еннелле çавăрчĕ те, лешĕсем пире вăй илме, Туррăмăр Çуртне ишĕлчĕкрен çĕклесе çĕнĕрен туса лартма, Иудейăпа Иерусалимра хÿттĕн пурăнма май пачĕç.

(10) Эй Туррăмăр, халĕ ĕнтĕ çакăн хыççăн эпир мĕн калама пултарайăпăр? Эпир Санăн ÿкĕтÿсенчен пăрăнтăмăр,

(11) Эсĕ вĕсене пире Хăвăн чурусем, пророкусем, урлă панă, Эсĕ каланă: «эсир хăвăр аллăра илме каякан çĕр таса çĕр мар, вăл ют халăхсен тасамарлăхĕпе, вĕсен йĕрĕнчĕкĕсемпе вараланнă, вĕсем çĕре пĕр хĕрринчен пуçласа тепĕр хĕррине çитиех ирсĕрлетнĕ.

(12) Çапла ĕнтĕ, хăвăр хĕрĕрсене вĕсен ывăлĕсене качча ан парăр, вĕсен хĕрĕсене те ывăлăрсем валли качча ан илĕр; çав çĕрĕн ырăлăхĕпе пурăнса ăна хăвăр ывăлăрсем валли еткерлĕхе хăварас тесессĕн, вĕсене ĕмĕрне те тăнăçлă ырă пурăнăç ан сунăр» тенĕ.

(13) Хамăрăн усал ĕçсемшĕн, хамăрăн пысăк çылăхшăн çакăн пек асап тÿснĕ хыççăн та,— эй Туррăмăр, Эсĕ пире йĕркесĕр ĕçсемшĕн тивĕçлипе хаса памарăн, хĕрхентĕн пире, халăх йăлкăмне сыхласа хăвартăн,—

(14) çакăн хыççăн та эпир Эсĕ хунă йĕркесене татах пăсса пурăнăпăрши, çав йĕрĕнчĕк халăхсемпе хурăнташланăпăрши? Эсĕ пире тĕппипех пĕтермелле çилленмĕнши, ĕнтĕ йăлкăм та сыхланса юлмĕши?

(15) Эй Çÿлхуçа, Израиль Турри, Эсĕ сăваплă! Эпир чĕрĕ юлтăмăр, паянхи кунчченех сыхланса юлтăмăр; акă эпир Сан умăнта хамăрăн çылăхăмăрсемпе тăратпăр; пирĕн ĕнтĕ çакăн хыççăн Сан умна курăнмалла та мар, терĕм эпĕ.

10

(1) Ездра çапла Турă Çурчĕ умĕнче ÿпне ÿксе, йĕрейĕре ÿкĕнсе кĕлтунă хушăра ун патне Израильсем — арçынсемпе хĕрарăмсем, ачапăча — питех те нумаййăн пуçтарăннă, ĕнтĕ пĕтĕм халăх йĕнĕ, ĕсĕкленĕ.

(2) Вара Шехания, Елам ывăлĕсенчен тухнă Иехиил ывăлĕ, Ездрăна çапла хуравласа каланă: эпир, çак вырăнти ют халăхсен хĕрĕсене качча илсе, Туррăмăр умĕнче усал ĕç турăмăр, çавах та Израилĕн шанчăк сÿнменха;

(3) халĕ эпир Туррăмăрпа халал хывăпăр: хуçамăм канашне тата Туррăмăр ÿкĕчĕсене хисеплесеуяса тăракансен канашне итлесе, эпир хамăрăн арăмсене тата вĕсем çуратнă ачасене пурне те каялла яма пулăпăр,— саккун хушнă пек пултăр!

(4) Тăр, мĕншĕн тесессĕн ку вăл — санăн ĕçÿ, эпир вара — санпа пĕрле: сывлăш çавăрса ил те ĕçе тытăн! тенĕ.

(5) Ездра ĕнтĕ ура çине тăнă, вăл священниксен пуçлăхĕсене, Левитсене тата пĕтĕм Израиль çыннисене çапла тумашкăн пулса тупа тума хушнă. Вĕсем ĕнтĕ тупа тунă.

(6) Ездра вара Турă Çурчĕ патĕнчен ЕЛияшив ывăлĕн Иохананăн килне кайнă, вăл çавăнтах çĕр каçнă. Çăкăр та çимен вăл, шыв та ĕçмен, куçса килнисенĕн çылăхĕсемшĕн хуйхăрса йĕнĕ.

(7) Иудейăра та, Иерусалимра та пĕлтерсе тухнă: тыткăнра пулнисене пурне те Иерусалима пухăнма чĕннĕ,

(8) кам та кам вара виçĕ кун хушшинче унта пымасть, пуçлăхсемпе аслă çынсем кăтартнă тăрăх, çавăн пĕтĕм пурлăхне тупаламалла, ăна хăйне куçса килнĕ халăхран уйăрмалла, тенĕ.

(9) Вара Иудейăра пурăнакансем те, Вениамин çĕрĕнче пурăнакансем те виçĕ кун хушшинче пурте Иерусалима пухăннă. Ку вăл тăххăрмĕш уйăхăн çирĕммĕш кунĕнче пулнă. Пĕтĕм халăх Турă Çурчĕ умĕнчи уçă вырăнта çак ĕçе тата çумăра пула чĕтресе ларнă.

(10) Ентĕ Ездра священник тăнă та вĕсене çапла каланă: ют халăх хĕрĕсене качча илсе эсир усал ĕç тунă, çапла Израилĕн айăпне тата пысăклатнă.

(11) Çавăншăн аçăрсен Çÿлхуçа Турри умĕнче ÿкĕнсе айăпăра йышăнăр, Унăн ирĕкне вырăна килтерсе, хăвăра ют халăхсенчен, ютран илнĕ арăмăрсенчен уйăрăр, тенĕ.

(12) Пĕтĕм пуху хыттăн хуравласа каланă: эсĕ каланă пек тăвăпăр!

(13) Анчах та халăх йышлă, вăхăчĕ те халĕ çумăрлă; урамра тăма май çук. Еçĕ те ку пĕрик кун хушшинчех тумалли ĕç мар, мĕншĕн тесессĕн ку ĕçре эпир çылăха кĕрсе пĕтрĕмĕр.

(14) Пирĕн пуçлăхсем çак ĕçе пĕтĕм халăх ятĕнчен пăхса тухчăр та, вара пирĕн хуласенче пурăнакансем, ют халăх хĕрĕсене качча илнисем, палăртса хунă вăхăтра çакăнта çав хуласен аслă çыннисемпе, тÿрисемпе килччĕр. Ĕнтĕ çак çылăха пула Туррăмăрăн вутçулăмла çунакан çилли пирĕнтен сирĕлинччĕ! тенĕ.

(15) Темиçе çын çеç — Асаил ывăлĕ Ионафан тата Фиква ывăлĕ Яхзеия — çакна хирĕç пулнă; тата Мешуллам, Шавфай Левит вĕсем майлă пулнă.

(16) Тыткăнран тухнисем çапла тунă та. Çак ĕçе тумашкăн Ездра священник ăру пуçĕсене, — кашни ăруран, ятран,— суйласа илнĕ. Вара вĕсем çак ĕçе тишкерсе пĕлме вуннăмĕш уйăхăн пĕрремĕш кунĕнче канашлу ирт тернĕ;

(17) ют халăхсен хĕрĕсене качча илнисенĕн ĕçĕсене вĕсем пĕрремĕш уйăхăн пĕрремĕш кунĕ тĕлне тишкерсе тухнă.

(18) Священниксен ывăлĕсем хушшинче ют халăх хĕрĕсене качча илнисем çаксем тупăннă: Иоседек ывăлĕн Иисусăн ывăлĕсемпе ун тăванĕсенчен: Маасея, Елиезер, Иарив тата ГедаЛия;

(19) вĕсем хăйсен арăмĕсене каялла яма сăмах панă; кашнийĕ хăйĕн çылăхĕшĕн пĕр сурăх таки парне кÿнĕ;

(20) Иммер ывăлĕсенчен: Хананий тата Зевадия;

(21) Харим ывăлĕсенчен: Маасея, Елия, Шемаия, Иехиил тата Уззия;

(22) Пашхур ывăлĕсенчен: Елиоенай, Маасея, Исмаил, Нафанаил, Иозавад тата Еласа;

(23) Левитсенчен: Иозавад, Шимей, Келаия, вăлах — Клита, Пафахия, Иуда тата Елиезер;

(24) юрăçсенчен: ЕЛияшив; хапха хуралçисенчен: Шаллум, Телем тата Урий;

(25) Израильсенчен вара — Парош ывăлĕсенчен: Рамаия, Иззия, Малхия, Миямин, Елеазар, Малхия тата Венаия;

(26) Елам ывăлĕсенчен: Матфания, Захария, Иехиел, Авдий, Иремоф тата Елия;

(27) Заффу ывăлĕсенчен: Елиоенай, Елияшив, Матфания, Иремоф, Завад тата Азиса;

(28) Бевай ывăлĕсенчен: Иоханан, Ханания, Забвай тата Афлай;

(29) Ваний ывăлĕсенчен: Мешуллам, Маллух, Адая, Иашув, Шеал тата Иерамоф;

(30) ПахафМоав ывăлĕсенчен: Адна, Хелал, Венаия, Маасея, Матфания, Веселиил, Биннуй тата Манассия;

(31) Харим ывăлĕсенчен: Елиезер, Ишшия, Малхия, Шемаия, Симеон,

(32) Вениамин, Маллух, Шемария;

(33) Хашум ывăлĕсенчен: Мафнай, Мафафа, Завад, Елифелет, Иеремай, Манассия тата Шимей;

(34) Ваний ывăлĕсенчен: Маадай, Амрам, Уел,

(35) Бенаия, Бидья, Келуги,

(36) Ванея, Меремоф, Елиашив,

(37) Матфания, Мафнай, Иаасай,

(38) Ваний, Биннуй, Шимей,

(39) Шелемия, Нафан, Адаия,

(40) Махнадбай, Шашай, Шарай,

(41) Азариел, Шелемиягу, Шемария,

(42) Шаллум, Амария тата Иосиф;

(43) Нево ывăлĕсенчен: Иеиел, Матфифия, Завад, Зевииа, Иаддай, Иоель хĕрĕсене качча илнĕ пулнă, хăш арăмĕтата Бенаия.

(44) Çаксем пурте ют халăх сем ĕнтĕ вĕсене ачасем те çуратса панă.