Святой Николайăн Ÿтне Ку­çарнине Асăнни

Андрей Липатов — священник. 1877 çулта Пушкăртри Султтанкăл ялĕнче çуралса ÿснĕ. 1930 çулта ăна арестлесе концлагере вырнаçтарнă, 1989 çулта реабилитациленĕ… Тĕплĕнрех→


Хăватсем Тăвакан Святой Николайăн Çĕр­мен Таса Ÿтне Миры Хулинђен Бар Хулине Ку­çарнине Асăнса Тăвакан Праçник Кунĕ Вĕрент­се Каламалли

Май 9-мĕшĕ

Пайанхи кун таса ђиркÿ хăватсем тăвакан святой Николайăн çĕрмесĕр выртакан таса ÿтне Миры хулинђен Бар хулине куçарнине асăнса праçник тăват̌. Вăл ĕç ак йепле пулнă: 1086-мĕш çулта тĕрĕк халăхĕ пырса Миры хулине çĕмĕрсе тăкнă. Христоса ĕненекен ырă пурăнăçлă çынсем святой Николайăн çĕрмен ÿтне суйа тĕнлĕ çынсем ан мăшкăлађђăр тесе, çĕре пытарса хунă.

Малаллине вулас

Святой Димитрійе Асăнни

Андрей Липатов — священник. 1877 çулта Пушкăртри Султтанкăл ялĕнче çуралса ÿснĕ. 1930 çулта ăна арестлесе концлагере вырнаçтарнă, 1989 çулта реабилитациленĕ… Тĕплĕнрех→


Святой Димитрійе Асăнса Тăвакан Праçник Умĕнђи Шăмат Кун Вĕрентсе Калани

Юпа 26-мĕшĕ

Ей йуратнă тăвансем! Пайан таса ђиркÿ пур вăрçăра вилнĕ çынсене асăнат̌. Вăл ĕç çапла асăнасси ак мĕнтен пуçланса кайнă: Димитрій Іоаннович Донской аслă княçра ларнă вăхăтра тутарсем вырăс халăхне вăрçăпа çĕнтерсе илесшĕн пулнă. Вырăс халăхĕ тутарсен аллинђе 200 çул ытла хĕн курса пурăннă. 1380-мĕш çулта тутарсем каллах вырăс çĕрне çар пустарса килнĕ. Вырăссем те вĕсене хирĕç çарпа тухнă. Çапла пĕр Куликово йатлă хирте вырăссем тутарсемпе пит хытă вăрçнă. Вырăссем тутарсене çĕнтерсе вырăс çĕрĕнђен хăваласах йанă. Çав вăрçăра пирĕн Христос тĕнĕпе пурăнакан çынсем те пит нумай вилнĕ. Вăрçă пĕтсен, аслă княз Димитрій Іоаннович Донской çав вăрçăра вилнĕ çынсене асăннă. Çав кунтан вара çуллен октябр уйăхин 26-мĕш кунĕ умĕн килекен шăмат кун асăнма хушнă. Çав вăрçăра вилнĕ çынсемпе пĕрле епир пайан хамăрăн вилнĕ аттесене, тăвансене, асăнатпăр.

Малаллине вулас

Александр Княçа Асăнмалли

Андрей Липатов — священник. 1877 çулта Пушкăртри Султтанкăл ялĕнче çуралса ÿснĕ. 1930 çулта ăна арестлесе концлагере вырнаçтарнă, 1989 çулта реабилитациленĕ… Тĕплĕнрех→


Ђăн Тĕне Тĕрĕс Тытса Пурăннă Святой Александр Княçа Асăнса Тăвакан Праçник Кунĕ Вĕрентсе Каламалли

Çурла 30-мĕшĕ

Ей савнă тăвансем! Епир пайан ђăн тĕне тĕрĕс тытса пурăннă святой Александр княçа асăнса праçник тăватпăр.

Святой Александр Россія çĕрĕнђе аслă княç пулса пурăннă. Святой Александр аслă княç пулса пурăннă вăхăтра, вырăс халăхĕ тутарсен аллинђе хĕн-хур курса пурăннă. Россія халăхĕ тутарсем аптăратса пурăннипе пит вăйсăрланса çитнĕ. Çавна кура, ытти патшалăхри çынсем те пирĕн патшалăха çĕнтерсе илме тăрăшнă. Вырăс халăхне пурăнма пит хĕн пулнă. Çав йывăр вăхăтра, святой Александр княç хăйĕн халăхĕшĕн пит хытă тăрăшнă. Вăл вĕсен хутне кĕрсе, вĕсен хĕн пурăнăçне çăмăллатас тесе ордана хан патне пилĕк хутђен кайнă. Ордара святой Александра тутарсем кĕлеткесене, вута пуççап тесе темĕн ђухлĕ хĕсĕрленĕ.

Малаллине вулас

Іоанн Пророк Пуçне Каснине Асăнмалли

Андрей Липатов — священник. 1877 çулта Пушкăртри Султтанкăл ялĕнче çуралса ÿснĕ. 1930 çулта ăна арестлесе концлагере вырнаçтарнă, 1989 çулта реабилитациленĕ… Тĕплĕнрех→


Христос Умĕн Килсе Христоса Шыва Кÿртекен Святой Іоанн Пророк Пуçне Каснине Асăнса Тăвакан Праçник Кун Вĕрентсе Каламалли

Çурла 29-мĕшĕ

Ей йуратнă тăвансем! Пайан, епир, Христоса ĕненекенсем, Христос умĕн килсе Ăна шыва кÿртекен святой Іоанн пророк пуçне каснине асăнса праçник тăватпăр.

Вăл ĕç ак çапла пулнă: Галилея патши Ирод Антипа хăйĕн пиђђĕшин Филиппăн арăмне, Иродіадана, кађђа илнĕ, Іоанн çавăншăн ăна питленĕ. Ирод хăйĕн арăмĕ хушнă тăрăх Іоанна тĕрмене хуптарнă. Пĕрре Ирод хăй çуралнă куна асăнса праçник тунă. Иродіада хĕрĕ, Соломія, пухăннă хăнасем умĕнђе ташласа Иродăн кăмăлне килнĕ. Çавăнпа ăна Ирод: „кирек мĕн ыйтсан та парăп“, тесе тупа тунă. Амăшĕ вĕрентнипе хĕрĕ каланă: „мана шыва кÿртекен Іоанн пуçне пар“, тенĕ. Патша çакна илтсен, хуйха ÿкнĕ: мĕншĕн тесен халăх Іоанн пророка аслă тесе хисепленĕ; анђах хăнисем умĕнђе тупа тунă сăмахне улăштарас мар тесе, Іоанн пуçне касма тĕрмене çар çыннине йанă. Çар çынни Іоанн пуçне касса тиркĕ çине хурса хĕре панă. Хĕрĕ амăшне панă; лешĕ ăна пĕр çырмана кăларса пăрахнă.

Малаллине вулас

Іисус Христос Пĕлĕт Çине Çĕкленни

Андрей Липатов — священник. 1877 çулта Пушкăртри Султтанкăл ялĕнче çуралса ÿснĕ. 1930 çулта ăна арестлесе концлагере вырнаçтарнă, 1989 çулта реабилитациленĕ… Тĕплĕнрех→


Іисус Христос Пĕлĕт Çине Çĕкленнине Асăнса Тăвакан Праçник Кунĕ Вĕрентсе Каламалли

Савнă тăвансем! Пайан епир Іисус Христос пĕлĕт çине çĕкленнине асăнса праçник тăватпăр. Ĕлĕк етемсем çĕр çине Çăлакан килессине тем пек кĕтсе пурăннă. Вăхăт çитсен, Турă Ывăлĕ Іисус Христос, Хăй çине етем ÿтне илсе, Таса Хĕр Маріяран ÿтленсе çуралнă. Турă Ывăлĕ Іисус Христос çĕр çинђе вăтăр виç çул çурă пурăннă. Çав вăхăтра Вăл çынсене çÿлти патшалăха йепле кĕресси çинђен кала-кала вĕрентнĕ. Хăй ђăнах Турă Ывăлĕ иккенне пĕлтермешкĕн тĕрлĕ-тĕрлĕ тĕлĕнмелле ĕçсем тунă. Çĕр çинђе етемсене çăлас ĕçе туса пĕтерсен, хăйĕн мухтавлăхĕпе пĕлĕт çине çĕкленнĕ. Пирĕн хушшăмăртан пĕри-пĕри: мĕншĕн Іисус Христос пĕлĕт çине ђас çĕкленнĕ? Мĕншĕн Вăл тĕнђе пĕтиђђенех çĕр çинђе пурăнман? тесе ыйтĕ. Іисус Христос пĕлĕт çине çĕкленнĕ ђухне, апостолсем хăйсем Іисус Христосран уйăрăлса йулнăшăн пит хуйхăрнă. Іисус Христос Хăйĕн вĕренекенĕсене лăплантарса каланă: ан хуйхăрăр, Епĕ пĕлĕт çине сирĕн валли вырăн хатĕрлеме кайатăп, вырăн хатĕрлесен, каллах килсе, сире Хам патма илсе кайăп; вара Епĕ ăçта, есир те çавăнта пулăр, тенĕ.

Малаллине вулас

Император Александра Асăнса Каламалли

Андрей Липатов — священник. 1877 çулта Пушкăртри Султтанкăл ялĕнче çуралса ÿснĕ. 1930 çулта ăна арестлесе концлагере вырнаçтарнă, 1989 çулта реабилитациленĕ… Тĕплĕнрех→


Император Александра Асăнса Каламалли

Февралĕн 19-мĕшĕ

Ей Христоса ĕненекен тăвансем! Пайанхи кун ĕлĕк пирĕн патшалăхри çынсемшĕн пит пысăк ĕç пулнă. Вил­нĕ патша Император Александр Николаевич хресђенсене улпутсен аллинђен хăтарса ирĕке кăларнă. Кашни улпут хăй­ĕн аллинђи çыннисене сутма та, илме те пултарнă. Çапла – хресђенсем улпутсен аллинђе 250 çула йахăн хĕн-хур курса пурăннă. Император Александр Николаевич патша вĕсен çав тĕрлĕ йывăр хĕн-хурне курса, вĕсене хĕрхенсе ирĕке кăларнă. Тăвансем, епир пайан ђиркĕве Турра кĕл­тума пуçтарăнтăмăр.

Малаллине вулас