Іисус Христоса ђиркĕве илсе пыни

Симеонъ Сергѣевъ


Ашшийĕн Ывăлийĕн, Святой Сывлăшийĕн йађĕпе.

Савнă тăванăмсем! Епир пайан Іисус Христоса ђиркĕве илсе пынине асăнса праçник тăватпăр. Іисус Христос çурални хĕрĕх кун çитсен, Амăшĕ Ăна, закон хушнă тăрăх, Іерусалим ђиркÿне илсе пынă. Вăл вăхăтра Іерусалимре Симеон йатлă таса пурăнăçлă ватă çын пурăннă. Ăна Турă: есĕ Христос Турра курмасăр вилмĕн, тенĕ. Симеон Святой Сывлăш пĕлтернипе ђиркĕве пынă. Вăл Іисуса хăй алли çине илнĕ те, каланă: ей Туррăм! халĕ ĕнтĕ мана, хăвăн ђуруна, ху каланă пек, канăçлантарса йаратăн: Есĕ пур халăхсенĕн куçĕ умĕнђе хатĕрленĕ çăлăнăçа, суйа тĕнлисене çутатас Çутта, Хăвăн Израил халăхĕшĕн мухтавне манăн куçăмсем курмĕç ĕнтĕ, тенĕ.Малаллине вулас

Advertisements

Василій Великий, Григорій Богослов тата Іоанн Златоуст çинчен Вĕрентсе Калани

Симеонъ Сергѣевъ


Мăн-Кăрлађ 30-мĕшĕ

Ашшийĕн, Ывăлийĕн, Святой Сывлăшийĕн йађĕпе.

Пирĕн Іисус Христос Туррăмăр апостолĕсене суйласа илсен, вĕсене йалсене, хуласене Хăй çинђен вĕрентме йанă. Йулашкинђен, Хăй пĕлĕт çине улăхнă ђух, вĕсене кала­нă: кайăр та, пĕтĕм тĕнђене вĕрентсе çÿрĕр; Епĕ мĕн тума хушнине пурне те тăвăр, тенĕ. Апостолсем ђăнах та, Хри­стос хушнă пек, пĕтĕм тĕнђене Ун çинђен вĕрентсе çÿ­ренĕ. Унтан хăйсене панă ирĕке архіерейсене, священник­сене парса хăварнă.

Пайан асăнакан святойсем Василій Великий, Григорій Богослов, Іоанн Златоуст, виççĕшĕ те, архіерей пулса пу­рăннă. Вĕсем апостолсен ђăн суйласа илнĕ çыннисем пул­нă. Апостолсем пек мĕн пур пурлăхĕсене, килĕ-çурђĕсене пăрахса Христос хыççăн кайнă; апостолсем пек ĕмĕрĕсем мĕн иртиђђенех Христос çинђен вĕрентнĕ. Пĕтĕм ђĕри­семпе Христосăн ђăн тĕнне сарма, тĕреклĕлетме тăрăшнă. Вĕсем вилĕмрен те хăраман, никамран та шикленмен:

Малаллине вулас

Іоанн Златоуст Кунĕ Каламалли Сăмах

Никифоръ Соленцов


Кăрлач 27-мĕшĕ

Ашшийĕн, Ывăлийĕн, Святой Сывлăшийĕн йађĕпе.

Йуратнă тăвансем! Пайанхи кун ылттăн ђĕлхелĕ ти­йекен Іоанна асăнатпăр.

Іоанн Антіохіяра 347—мĕш çулта çуралнă. Унăн амă­шĕ Анфуса ăна сăваплă çын тăвас-ђĕ тесе пит тăрăшса ÿстернĕ. Ђăнах та Іоанн Турра пит йурăхлă çын пулнă.

Вăл малтанах хăй çуралнă хулара священникре тăнă. Ăна халăх пит йуратнă. Çынсене пит лайăх каласа вĕрен­тнĕшĕн ăна ылттăн ђĕлхелĕ тесе йăт панă. Унăн ђапĕ пит айакка сарăлнă. Грек патши Аркадій ун çинђен илт­сессĕн ăна Константинополе ђĕнтернĕ те, унта архіепископа кÿртнĕ. Іоанн священникре ђухне те, архіепископра ђухне те, мĕн пур вăйĕпе халăха ђăн тĕн çинђен вĕрен­тсе Турă хушнă пек лайăх пурăнма ÿкĕтленĕ.

Іоанн пурăннă вăхăтра суйа тĕнпе пурăнакан çынсем нумай пулнă. Іоанн хăй те вĕренессе малтан вĕсен ђи аслă школĕнђе вĕреннĕ. Вăл суйа тĕн тытса пурăнакан çынсене ђăн тĕн çинђен вĕрентнĕ. Нумайĕшĕ вăл вĕрент­нине йышăнса тĕне кĕнĕ. Вăл вĕрентсе калаçнинђен пур­те тĕлĕннĕ.

Малаллине вулас

Григорій Бого­слов Кунĕ Каламалли

Андрей Меценатов


Кăрлач 25-мĕшĕ

Пайанхи кун епир, тăвансем, святой Григорій Бого­слова асăнса праçник тăватпăр. Григорій Богословăн пурă­нăçĕ акă йепле пулнă.

Епир хисеплесе асăнакан святой Григорій Богослов Назіанз йатлă хулара çуралнă. Унăн ашшĕ Григорій, амă­шĕ Нонна йатлă пулнă. Григорій Богословăн ашшĕ Назі- анзра малтан священник пулса пурăннă, унтан, çав хула­рах, архіерей пулса халăха пăхса тăнă. Григорій Бого­словăн амăшĕ, Нонна, питĕ ырă кăмăллă хĕр-арăм пул­нă; Турăран хăраса, Вăл хушнине итлесе пурăннă. Вăл ывăлĕ çуралађђенех ăна Турра парăп тесе сăмах панă. Çавăнпа Нонна Григорій çуралсан, унăн ђунне çамрăк­лах, йепле те пулсан, Турăран хăраса пурăнма вĕрентнĕ. Малаллине вулас

Асапсем Тÿснĕ Таса Татіана Çинђен

А. И.


Кăрлач 12-мĕшĕ

Пайан ђиркÿ асапсем тÿснĕ таса Татіанана асăнса хисеплет. Татіана пуйан Рим çынни хĕрĕ пулнă. Римре суйа тĕнлĕ çынсем пурăннă. Татіанана ашшĕ çав тĕнпе ÿстермен. Вăл ăна Христос тĕнне кÿртнĕ. Ÿссе çит­сен, Татіана кађђа кайман. Вăл ђиркĕве Турра кĕл-туса пурăнма кайнă. Вăл унта діаконисса пулнă.

Малаллине вулас

Турă Патшалăхне Йепле Кĕресси Çинђен Вĕ­рентсе Калани

Андрей Липатовъ


Раштав 26-мĕшĕ

Малтан Турă патша­лăхĕпе Унăн тĕрĕс­лĕхне шырăр, ытти вара пурте пулĕ сире (Мѳ. VI, 33).

Ей савнă тăвансем! Пирĕн Туррăмăр Іисус Христос ђи малтан Турă патшалăхĕпе Унăн тĕрĕслĕхне шырама хушат̌. Мĕншĕн пире Іисус Христос пуринђен те ытларах çÿлти патшалăха шырама хушат̌-ши? Акă мĕншĕн, тăван­сем: епир çÿлти патшалăха кĕресси çинђен шухăшламаст­пăр, ђас- ђасах çĕр çинђи ырăлăхсемшĕн тăрăшатпăр. Пи­рĕн хушăра, пĕри çĕр çинђи пуйанлăхшăн тăрăшат̌, тепĕри-хăйне валли мухтавлăхпа ђаплăлăх шырат̌, тата тепĕри-çĕр çинђи канлĕ пурăнăçпа ырă курса пурăнас-ђĕ тесе тăрăшат̌. Пурте çав ырăлăхсене тупсан, мĕн кирли çитĕ-ђђĕ вара тесе шухăшлаççĕ. Ђăнахах, пирĕн çĕр çинђи ырă­лăхсемшĕн те тăрăшас пулат̌, мĕншĕн тесен пире пурăн­ма çурт, тăхăнма тумтир, çиме çăкăр кирлĕ. Анђах кусемшĕн пирĕн сахалтарах тăрăшас пулат̌. Пуринђен те ытларах çÿлти патшалăхшăн тăрăшас пулат̌. Пирĕншĕн ђи кирли, ђи пахараххи, Турă патшалăхĕпе Унăн тĕрĕслĕхĕ пулас пулат̌. Епир çÿлти патшалăха шуйттан улталаса çылăха кÿртнĕ пирки çухатнă, çавăнпа пирĕн ăна хирĕç тăрса çĕнтерме тăрăшас пулат̌. Çÿлти патшалăха епир каллех Іисус Христосăн асапĕсемпе тупнă, çавăнпа пирĕн Христоспа пĕрле пулма тăрăшас пулат̌. Епир Христоспа пĕрле пулмасассăн, Турă патшалăхне кĕме пултараймаст­пăр. Іисус Христоспа пĕрле пулас тесен, Ăна ĕненсе тĕне кĕрес пулат̌.

Малаллине вулас

Христос Турă Шыва Кĕнĕ Кун Вĕрентсе Калани

Свящ. Н. Егоровъ.

Кăрлачăн 6-мĕшĕ

Пайан епир, тăвансем, турăшсене (иконасене) илсе шыв хĕрне кайатпăр. Унта Христосăн хĕресне шыва ђиксе кăларса шыва тасатаççĕ. Çав йăлана Іисус Христос Іордан шывĕнђе шыва кĕнине асăнса тăваççĕ. Іисус Христос вăтăр çула çитсен Назарет хулинђен Іордан шывĕ патне кайнă. Іордан шывĕнђе Вăл вара шыва кĕнĕ. Вăл шыва кĕнĕ ђухне сасартăк пĕлĕт уçăлса кайнă, çÿлтен, пĕлĕт çинђен Атте Туррăн сасси илтĕннĕ: Çакă Манăн савнă Ывăлăм, Манăн ирĕкĕм Ун çинђе, тенĕ. Çавăн ђухнех тата çÿлтен Іисус Христос çине кăвакарђăн пек пулса Святой Сывлăш аннă. Çапла Іисус Христос Хăй Іордан шывĕнђе шыва кĕрсе çынсене тĕне кĕме çĕр çинђи шыва тасатса панă.Малаллине вулас