Асапсем Тÿснĕ Таса Татіана Çинђен

А. И.


Кăрлач 12-мĕшĕ

Пайан ђиркÿ асапсем тÿснĕ таса Татіанана асăнса хисеплет. Татіана пуйан Рим çынни хĕрĕ пулнă. Римре суйа тĕнлĕ çынсем пурăннă. Татіанана ашшĕ çав тĕнпе ÿстермен. Вăл ăна Христос тĕнне кÿртнĕ. Ÿссе çит­сен, Татіана кађђа кайман. Вăл ђиркĕве Турра кĕл-туса пурăнма кайнă. Вăл унта діаконисса пулнă.

Малаллине вулас
Advertisements

Христос Турă Шыва Кĕнĕ Кун Вĕрентсе Калани

Свящ. Н. Егоровъ.

Кăрлачăн 6-мĕшĕ

Пайан епир, тăвансем, турăшсене (иконасене) илсе шыв хĕрне кайатпăр. Унта Христосăн хĕресне шыва ђиксе кăларса шыва тасатаççĕ. Çав йăлана Іисус Христос Іордан шывĕнђе шыва кĕнине асăнса тăваççĕ. Іисус Христос вăтăр çула çитсен Назарет хулинђен Іордан шывĕ патне кайнă. Іордан шывĕнђе Вăл вара шыва кĕнĕ. Вăл шыва кĕнĕ ђухне сасартăк пĕлĕт уçăлса кайнă, çÿлтен, пĕлĕт çинђен Атте Туррăн сасси илтĕннĕ: Çакă Манăн савнă Ывăлăм, Манăн ирĕкĕм Ун çинђе, тенĕ. Çавăн ђухнех тата çÿлтен Іисус Христос çине кăвакарђăн пек пулса Святой Сывлăш аннă. Çапла Іисус Христос Хăй Іордан шывĕнђе шыва кĕрсе çынсене тĕне кĕме çĕр çинђи шыва тасатса панă.Малаллине вулас

Василій Великій çинђен вĕрентсе каламалли

Священникъ Николай Кузьминъ


Кăрлач 1-мĕшĕ

Йуратнă тăванăмсем! Пайан таса ђиркÿ св. Василій Великійе асăнат̌. Çавăнпа епĕ сире ун пурăнăçĕ çинђен каласа кăтартас тетĕп.

Василій Великій Кесарія хулинђе çуралнă. Вăл хула Малая Азіяри Каппадокія йатлă вырăнта. Вăл Христос Туррăмăр çуралсан кайран 330 çулта çуралнă. Ун ђух патшара Константин Великій ларнă.

Малаллине вулас

Çĕнĕ Çул Кунĕ Вĕрентсе Каламалли

Андрей Меценатов


Кăрлач 1-мĕшĕ

Ашшийĕн, Ывăлийĕн, Святой Сывлăшийĕн йађĕпе.

Пайанхи кун епир, тăвансем, çĕнĕ çула лайăх кĕтсе илнĕшĕн Турра тав-туса мухтатпăр. Турă пулăшнипе епир кивĕ çула лайăх ирттернĕ пулсан, çĕнĕ çула та çавăн пекех Турă аван ирттерме патăр тесе тархасламалла. Хĕнхур курса ирттернĕ пулсан, малашне ырă кун-çул патăр тесе тархасламалла. Çыннăн ĕмĕђĕ малалла, çын йаланах малта курас ырăлăхсем çине шанса пурăнат̌.

Малаллине вулас

Святой Николай Аттене Асăннă Кун Вĕрентсе Калани

Священник Николай Кузьминъ


Раштав 6-мĕшĕ

Йуратнă тăванăмсем! Акă хамăр хушшăмăрта пĕр­пĕр çын вилет. Ăна асăнма тăванĕсем, йал-йышсем пу­хăнаççĕ. Пухăннă çынсем çав вилнĕ çын йĕппине, кама йепле пулăшнине, пурăнăçне йепле пурăнса ирттернине астуса хуйхăрса калаçса лараççĕ.

Пайан епир святой Николай аттене асăнса праçник тăватпăр. Ăна асăнса, ăна кĕл-тума, хамăра пулăшма йă­лăнас тесе çак таса ђиркĕве пухăнтăмăр. Халĕ ĕнтĕ свя­той Николай атте çинђен шухăшласа пăхар. Вăл йепле- йепле тĕлĕнмелле ĕçсем тунине аса илĕр.

Малаллине вулас

Святой Николай Аттене Асăннă Кун Вĕрентсе Калани

Священникъ Петр Егоровъ


Раштав 6-мĕшĕ

Сăваплă Николайа хисеплесе пайанхи кун епир ђир­кĕве Турра кĕл-тума килтĕмĕр: пирĕншĕн, çылăхлă çын­семшĕн, Турă умĕнђе хута кĕр, тесе сăваплă Николайа тархаслама çакăнта пухăнтăмăр. Сăваплă Николай хăйне хисеплекен çынсене пит пулăшат̌, Турă умĕнђе вĕсенĕн хутне кĕрсе, весене тĕрлĕ ырăлăх кăтартат̌, тĕрлĕ усалтан хăтарса усрат̌. Тĕнђери çынсем сăваплă Николай урлă Турăран мĕн ђухлĕ ырăлăх илнине каласа та пĕтерес çук. Çавăнпа пĕтĕм тĕнђери халăх сăваплă Николайа хисеплесе пурăнат̌.

Малаллине вулас

Таса Гурійе Асăнса Вĕрентсе Калани

Кузьма Сидоровъ


Раштав 5-мĕшĕ

Хусанти Хăватсем Тăвакан Таса Архіерей Гурійе Асăнса Тăвакан Праçник Кунĕ Вĕрентсе Калани

Ашшийĕн, Ывăлийĕн, Святой Сывлăшийĕн йађĕпе. Святой Гурій Хусан хулинђе архіепископ пулса пу­рăннă; унăн йатне асăнса епир пайан праçник тăватпăр.

Кашни çын, йепле тĕнпе пурăнсан та, мĕнле халăх пулсан та, хăй тĕнне тĕрĕс тытса тăма тăрăшат̌; мĕн вăй çитнĕ таран ытти çынна та ăнлантарса вĕрентме тăрăшат̌.

Малаллине вулас