Покров Кун Вĕрентсе Каламалли

Священник Петр Егоровъ


Юпа 1-мĕшĕ

Турă Амăшĕ хăй вилес умĕн çынсене каласа хăвар­нă: „Епĕ сире нихăçан та пăрахмăп“, тенĕ. Ђăнах та Турă Амăшĕ Христоса ĕненекен çынсене нихă­çан та пăрахмаст̌, Вăл пĕр май вĕсене пулăшса тăрат̌. Турă Амăшĕ халĕ те Христоса ĕненекен çынсене пĕр май пулăшса тăрат̌; Турă Амăшĕ темĕн ђухлĕ çынсене ырă кăтартнă, мĕн ђухлĕ ырă кăтартнине шутласа та кăларас çук.

Пĕрре Константинопольри çынсене пит пысăк хуйхă килнĕ: вĕсене йут тăшмансем пĕтере пуçланă, хăйсем те пĕр пĕринпе килĕштерсе пурăнайман, вăрçса тавлашса ан­ђах пурăннă; тата выçлăх пулнă, вырăнĕ вырăнĕпе мур та пулнă. Çынсем пур те хăраса ÿкнĕ: пайан мурпа вилĕпĕр-и, ыран йут тăшмансем килсе пĕтерсе кайĕç-и? тесе анђах шухăшласа, хăраса пурăннă. Пĕрре çынсем (пай­анхи кун) ђиркÿре кĕлĕре тăнă. Çынсем хушшинђе Святой Андрейпе унăн вĕренекенĕ Епифаній пулнă. Сасартăк ђиркÿре çÿлте Турă Амăшĕ курăннă, ун тавăра ангелсем тăнă; Турă Амăшĕ халăха тутăр пеккипе витсе тăнă. Андрей çавна курсан хай куçĕсене шанмасăр Епифаніяна каланă: „авă тĕнђе хутне Кĕрекен тăрат̌, куратăн-и есĕ?” тенĕ. Лешĕ каланă: „куратăп та, ђун темшĕн хăрат̌”, тенĕ. Çавăнтан кайранах вара Турă Амăшĕ пулăшнипе Константинопольри çынсем хăйсен тăшманĕсене хуса йанă, мур та ђарăннă, вара самана тÿрленсе кайнă. Çавна асăн­са халĕ çуллен октябрĕн 1 кунĕнђе праçник тăваççĕ.

Малаллине вулас

Христосăн Таса Хĕресне Çĕкленĕ Кун Вĕрентсе Калани

Свящ. Николай Кузьмин


Авăн 14-мĕшĕ

Пайăн епир, тăвансем, Христосăн хĕресне тупнине асăнса праçник тăватпăр. Çавăнпа епĕ сире хĕрес çинђен, хамăр çине хĕрес палли хурасси çинђен пĕр-ик сăмах калас тетĕп.

Ĕлĕк хĕрес çине усал çынсене, вăрă-хурахсене пăта­ланă. Çавăнпа ăна хисеплекен те пулман. Ăна курсанах вăл усал çынсене пăталакан йапала пулни аса килнĕ. Усал çынсене пăталамалли хатĕрĕ те çыннăн ђĕрине, кăмăлне килес çук.Малаллине вулас

Мария çÿл тÿпене илĕнни

Турă Амăшĕ Çĕр çинчен Тÿпене Илĕннĕ Кун Вĕрентсе Калани

Никифоръ Соленцов


Çурла 15-мĕшĕ

Турă Амăшĕ Леш Тĕнђене Куçнă Кун Вĕрентсе Калани

Тăвансем! Пайан епир Турă Амăшĕ вилнине асăнса праçник тăватпăр.

Пирĕн Туррăмăр Іисус Христос хĕрес çинђе асапланнă ђух, Вăл Хăй Амăшне Іоанн апостол çине кăтартса каланă: ку санăн Ывăлу, тенĕ. Унтан Іоанн апостола хăй Амăшĕ çине кăтартса каланă: ку санăн Аннÿ, тенĕ. Іоанн апостол вара (Іисус Христос хушнă тăрăх) Турă Амăшне хăй патне илсе кайнă. Вăл ăна хăй амăшне пăхнă пек пит ђипер, лайăх пăхса тăнă.

Малаллине вулас

Апостолсемпе Пĕр Тан Святой Константин Патшапа Унăн Амăшĕ Святая Еленана Асăннă Кун Вĕрентсе Калани

Іаковъ Обуховъ


Май 21-мĕшĕ

Ашшийĕн, Ывăлийĕн, Святой Сывлăшийĕн йађĕпе.

Савнă тăванăмсем! Пайанхи кун пирĕншĕн питĕ аслă савăнăçлă кун. Христос ђиркĕвĕ пайан апостолсемпе пĕр тан святой Константин патшапа унăн амăшне святая Еле­нана асăнса праçник тăват̌. Вăл праçник акă ăçтан пуç­ланса кайнă.

Христос тĕнĕ çĕр çинђе сарăлса çите пуçласан, вăл тĕне хирĕç нумай суйа тĕнлĕ тăшмансем тăнă. Христоса ĕненекенсене курайман. Вĕсене пĕр айăпсăрах айăпа хур­са вĕлере вĕлере пĕтерттернĕ. Христоса ĕненекенсене пу­рăнма питĕ хĕн пулнă.

Малаллине вулас

Турă Амăшне Ырă Хыпар Каланă Кун Вĕрентсе Калани

Симеон Сергеев ( Симеон Сергѣевъ ) — … Тĕплĕнрех→


Пуш 25-мĕшĕ

Тăванăмсем! Хĕпĕртесе савăнар! Пайанхи кун епир Çăлăнасси пуçланнă, Турă авал каланă пĕлми ĕç уçăлнă, Турă Ывăлĕ Хĕр Ывăлĕ пулнă. Ун çинђен етемсене кала­са пĕлтерме çÿлтен çĕр çине Гавріил архангел аннă. Са­вăнăр, тăванăмсем! Пайанхи кун Гавріил архангел пире тĕрĕслĕх çинђен вĕрентнĕ, аслă Пророк çураласси çинђен ырă хыпар каланă. Пурте савăнђђăр: пайан Гавріил ар­хангел етеме Турăпа пĕрлештерекен священник çураласси, çинђен ырă хыпар каланă. Пайанхи кун пĕтĕм тĕнђе са­вăнтăр: Гавріил архангел пире курăнакан, курăнман тăшмансенђен хăтарса тăракан Патша çураласси çинђен ка­лама аннă.

Малаллине вулас

Христос Турă Шыва Кĕнĕ Кун Вĕрентсе Калани

Свящ. Н. Кузьминъ.

Кăрлачăн 6-мĕшĕ

Іисус Христос халăха вĕрентме тухиђђен Ун çинђен, Вăл çĕр çине килни çинђен, шыва кÿртекен Іоанн халăха каласа вĕренте пуçланă. Вăл вĕсене: ÿкĕнĕр, çÿлти патшалăх çывăхарђĕ ĕнтĕ, тесе вĕрентнĕ. Шыва кÿртекен Іоанн Христос умĕн килсе халăха вĕрентесси çинђен Исаія пророк малтанах каласа хунă. Вăл каланă: пушă хирте: Турă валли çул хатĕрлĕр, Ун валли сукмаксене тÿрĕ туса хурăр, тесе ђĕнекенĕн сасси илтĕнет, тенĕ. Исаія пророк калани çитнĕ: шыва кÿртекен Іоанн çĕр çине килнĕ. Малаллине вулас

Раштав Уйăхин 26-мĕш Кунĕнђе Вĕрентсе Калани

Никифоръ Соленцовъ


Раштав 26-мĕшĕ

Ашшийĕн, Ывăлийĕн, Святой Сывлăшийĕн йађĕпе.

Тăвансем! Пайанхи кун епир Турă Амăшĕ пĕлĕт çин­ђе пит аслă, пит мухтавлă пулса тăнине асăнса праçник тăватпăр.

Таса Хĕр Марія çĕр çинђе пит сăваплă пурăннă. Çа­вăнпа вăл Турă Амăшĕ пулма тивĕçлĕ пулнă: унтан Турă Ывăлĕ Іисус Христос ÿтленсе çуралнă. Вăл ĕнтĕ херувимсемсенђен те аслă, Серафимсенђен те мухтавлă. Халĕ анă пур ангелсем те, пур пророксем те, пур святойсем те аслăласа мухтаса йурлаççĕ. Турă Амăшийĕн мухтавĕ пĕлĕт çинђе те, çĕр çинђе те. Христоса ĕненсе тăракан халăх кирек хăçан та унăн йатне асăнат̌, ăна шанса унтан хăйне пу­лăшу ыйтат̌, мĕншĕн тесен вăл пирĕншĕн йаланах тăрă­шат̌, Хăй Ывăлĕ—пирĕн Туррăмăр Іисус Христос умĕн­ђе хута кĕрет. Ăна ђăн тĕне тытса тăракансем: Есĕ Хе­рувимсенђен те аслă, Серафимсенђен те мухтавлă тесе хисеплесе йурлаççĕ.

Малаллине вулас