Покров Кун Вĕрентсе Каламалли

Діаконъ Владиміръ Михайловъ


Юпа 1-мĕшĕ

Йуратнă тăванăмсем, пайан таса ђиркÿ авал Турă Амăшĕ пирĕнпе пĕр тĕнпе пурăнакан грек халăхĕшĕн тунă хăвата асăнса хисеплет.

Çав хăват çинђен таса ђиркÿ акă çапла каласа пĕлтерет. Пĕрре елĕк-авал пит вăйлă ђаплă пулнă грек ха­лăхин патша пурăнакан Константинопољ хулине сарацынсем (суйа тĕнлĕ, кĕлеткесене пуççапса пурăнакан халăх) пырса хупăрласа илнĕ. Греція патшалăхĕ çав вăхăта пат­шалăх хушшинђи тăшмансем пăлханнипе, тата йут тăш­мансем те тапăннине шалт аптăранă, пĕтес патнех çитнĕ. Греціянăн тăшмансене хирĕç тăма вăйĕ çителĕклĕ пулман, йут халăх çине шанма та шанђăк пулман. Тавăрари патшалăхсем, Греція патшалăхĕ вăйсăрланнине кура, хĕпĕртесе çеç тăнă; вăл пĕтсен харпăр-хăй пĕрер татăк татса илесшĕн пулнă. Çавăнпа грексем сарацынсем килсе хупăрласа илсен питĕ хăраса ÿкнĕ. Çавăн тĕрлĕ йывăр вăхăтра вĕсене пулăшакан никам та пулман, пĕр Турă çине шанасси анђах йулнă. Ђăнах та Турă çине шанса Унтан пулăшу ыйтнă та Турă вĕсене пăрахман.

Малаллине вулас

Advertisements

Радонежри Хăватсем Тăвакан Таса Пурăнăçлă Сергійе Асăнса Тăвакан Праçник Кунĕ Вĕрентсе Калани

Симеонъ Сергѣевъ


Авăн 25-мĕшĕ

Ашшийĕн, Ывăлийĕн, Святой Сывлăшийĕн йађĕпе.

Савнă тăванăмсем! Турă тĕнђене пит илемлĕ пултарнă; унпа усал пулман, ырă анђах пулнă. Турă çырăвĕнђе пулнă: пĕтĕм тĕнђе пит илемлĕ пулнă, тенĕ. Халĕ епир ăçта пăхнă, унта усал куратпăр. Унта çаратаççĕ, кунта вĕлереççĕ, тата тепĕр çĕрте пĕрне пĕри вут тĕртсе çунтараççĕ. Упăшки арăмĕпе харкашат̌, ашшĕ ывăлĕпе килĕштереймест; унта йĕреççĕ, кунта кăшкăрашупа çапăçу. Епир пĕр пĕрне кураймастпăр, пĕр пĕрин çинђен елеклетпĕр, сута тыта-тыта паратпăр. Пĕтĕм тĕнђе усалпа тулнă. Турă тĕнђене ырă пултарнă пулсан, усал ăçтан пулнă тата?—Усал, тăванăмсем, пиртен хамăртанах килет. Турă пире пурне те кăмăл панă. Епир кăмăла усал йенне те, ырă йенне те йама пултаратпăр. Кăмăла усал йенне йанине Адампа Ева Турă сăмахне улăштарнă, райран тухса кайнă. Унтан кăмăлĕсене ырă йенне çавăрса çылăхĕсенђен ÿкĕннĕ те, Турăран Çăлакан килесси çинђен хыпар илнĕ. Мĕн пур святой çынсем кăмăлĕсене ырă йенне йанипе çăлăннă.

Малаллине вулас

Турă Амăшĕ Çуралнă Кун Вĕрентсе Калани

Свящ. Николай Кузьминъ


Авăн 8-мĕшĕ

Йуратнă тăванăмсем! Пайăн вуланă евангеліе пире, Христос тĕнне тытакан çынсене, пуринђен ытларах мĕн кирлине, пуринђен ытла пирĕн мĕншĕн тăрăшмаллине кăтартат̌.

Пирĕн Туррăмăр Іисус Христос çĕр çинђе пурăннă ђухне, йалтан йала, хуларан хулана çÿресе халăха вĕрентнĕ. Вăл Хăйĕн ашшĕ-амăшне хăварса, Хăйĕн килне пăрахса çынсемшĕн тăрăшса çÿренĕ. Пĕрре çулпа пынă ђух, Іисус пĕр йăла кĕнĕ; унта Ăна пĕр Марѳа йăтлă хĕр-арăм хăй килне илсе кĕнĕ; унăн Марія йатлă йăмăкĕ пулнă; вăл Іисус ури патне ларса Унăн сăмахне итленĕ. (Лук. гл. 10, ст. 38—39). Малаллине вулас

Іоанн Пророк Пуçне Касни

Священник Николай Кузьминъ


Христос Умĕн Килсе Христоса Шыва Кÿртекен Святой Іоанн Пророк Пуçне Каснине Асăнса Тăвакан Праçник Кун Вĕрентсе Каламалли

Çурла 29-мĕшĕ

Йуратнă тăванăмсем! Пайан таса ђиркÿ мĕн тума хăй ађисене пуçтарат̌-ши? Мĕн пирки вĕсене ђиркĕвĕ ђĕнет-ши? Савăнма-ши! Йе хуйхăрма-ши? Вăл ађисене пухса мĕн çинђен каласшăн-ши? Мĕн çинђен аса илтересшĕн-ши?

Малаллине вулас

Малтанхи Спас Кунĕ

Малтанхи Спас Кунĕ Вĕрентсе Калани

Никифоръ Соленцовъ


Ашшийĕн, Ывăлийĕн, Святой Сывлăшийĕн йађĕпе.

Йуратнă тăвансем! Кăшт тăрсанах, епир пайанхи кун таса хĕресе илсе, туратсемпе урамсем тăрăх шыв хĕррине кайăпăр. Шыв хĕрринђе епир кĕл-туса хĕреспе шыва тасатăпăр. Хĕресре пит пысăк Турă хăвађĕ, тăвансем. Ĕлĕк хĕрес усал çынсене мăшкăлласа вĕлермелли йапала кăна пулнă. Анђах виçĕ кунтан вилĕмрен ђĕрĕлсе тăнă Турă Ывăлĕ Іисус Христос ун çинђе асапланса ăна Хăй асапĕпе тасатнă. Халĕ ĕнтĕ хĕрес пирĕншĕн пит хисеплĕ, пит хаклă йапала. Епир хĕрес паллипе хамăртан мĕн пур усалсене, шуйттана хăваласа йаратпăр. Шуйттан-шăн хĕрес, хĕрес палли, хăрушă йапаласем; шуйттан вĕсене тÿсеймест: вĕсенђен çын вутран хăранă пек, шуйттан хăраса тăрат̌. Туррăн таса хĕресĕ пире курăнми тăшмансенђен кăна мар, курăнакан тăшмансенђен те хăтарат̌. Ĕлĕк Христос çуралсан 1164-мĕш çулта вырăс князĕ Андрей Боголюбский болгарсемпе вăрçнă. Андрей Боголюбский, Турра кĕл-тума йуратаканскер, хăйпе пĕрле йаланах хĕреспе Іисус Христос сăнне илсе çÿренĕ. Вăрçă пуçланас ђух вăл йалан вĕсен умĕнђе ђунтан кĕл-тунă. Вăл çав вăрçăра тăшмансене, вĕсем нумайăн пулсан та, хĕрес хăвађĕпе çĕнтернĕ. Хĕресрен, тата Іисус Христос сăнĕнђен çутă тухса тăнă. Çав çулах тата грексен таса пурăнăçлă патши Мануил та хĕрес хăвађĕпех сарацын халăхне çĕнтернĕ. Ун ђухне те хĕресрен çутă тухса тăнă. Çак тĕлĕнмелле ĕçсенђен вырăс князĕ Андрей Боголюбский те, грек патши Мануил та, пит тĕлĕннĕ. Вĕсем çав тĕлĕнмелле ĕçсене пайанхи кун кĕлĕре асăнмалла тунă.

Малаллине вулас

Христос Туррăмăр Çап-Çутă Пулнă Кун Вĕрентсе Калани

Симеон Сергеев


Христос Туррăмăр Çап-Çутă Пулнă Кун Вĕрентсе Калани

Çурла 6-мĕшĕ

Савнă тăванăмсем! Пайан пирĕн ђиркÿ Іисус Христос Ѳавор тăвĕ çинђе çап-çутă пулни çинђен Евангеліе вулат̌. Çав сăмахсене итлесе тăнă ђухне епир пурте шухăшпа Ѳавор тавĕ çине кайатпăр.

Малаллине вулас

Питрав типпи тытнă чухне вĕрентсе каламалли

5 проповѣдей во время говѣнія въ Петровскій постъ

1) Ђуна Çăласси Çинђен Вĕрентсе Калани

Ей йуратнă тăвансем, пирĕншĕн пур йапаларан та пахараххи, кирлĕреххи, хаклăраххи мĕн-ши? Пирĕн ђун. Ун çинђен Іисус Христос акă мĕн калат̌: „ђун апатран, ÿт тумтиртен пахарах мар-ши?“ тет. Апла пулсан пирĕн пур йапаларан та ытларах ђуна çăласси çинђен тăрă­шас пулат̌. Анђах епир ђуна çăласси çинђен пĕртте тă­рăшмастпăр; ÿтшĕн анђах тăрăшса пурăнатпăр. Мĕн те пулса лайăхрах апатсем çисе, тумланса çÿреме йуратат­пăр. Епир ђун çимĕçĕпе унăн тумтирĕшĕн пĕртте тăрăш­мастпăр. Епир ÿте кирлĕ йапаласемшĕн мĕн пур вăйпа тăрăшса, кунĕ-çĕрĕ, ырми-канми ĕçлетпĕр; ђуна çăлас тесе пĕртте тăрăшмастпăр, ун çинђен мансах кайатпăр. Пирĕн ђуна Турă панă; çавăнпа вăл Турă патне кайас­шăн тăрăшат̌. Анђах епир ăна хамăр çылăхсемпе Турă патне çывăхарма ђаратпăр. Çапла вара çылăхсемпе тĕт­тĕмленсе пĕтнĕ пирĕн ђунтан Турăпа Унăн ангелĕсем уйăрăлса кайаççĕ.

Акă вăл çакăнтан паллă: пĕрре Василій Блаженный урампа иртсе пынă ђухне пĕр пÿрт кĕтессине пырса ђуп тунă.—„Есĕ мĕншĕн унта ђуп-тăватăн“, тенĕ.—„Çын­сем ку пÿртре усал ĕçсем тăваççĕ, çавăнпа вĕсен анге­лĕсем кунта йĕрсе тăраççĕ, епĕ ангелсене ђуп-тăватăп“, тенĕ.

Малаллине вулас