Христосăн Таса Хĕресне Çĕкленĕ Кун Вĕрентсе Калани

Свящ. Павел Егоровъ.


Авăн 14-мĕшĕ

Пайанхи кун Іисус Христосăн хĕресне хисеплесе праçник тăваççĕ. Іисус Христоса іудейсем кураймасăр хĕрес çине пăталаса вĕлернĕ. Христос вилĕмрен ђĕрĕлсе тăрсан, пĕлĕт çине çĕкленсен кайран, Христоса пăталанă хĕресе іудейсем таçта çĕр айне пытарса хунă, —Христос çуралсан кайран пĕр виçĕ çĕр çул ытла иртсен, грексен патши Константин вăрçа кайнă. Вăл тăшмана хирĕç тухас умĕн, кăнтăрла пĕлĕт çинђе хĕрес палли курнă, вăл хĕрес çиçĕм пек çиçсе тăнă. Малаллине вулас

Advertisements
Турă Амăшĕ ача чухнехи

Турă Амăшĕ Çуралнă Кун Вĕрентсе Калани

Свящ. Павел Егоровъ.


Авăн 8-мĕшĕ

Пайанхи кун Турă Амăшĕ çуралнине асăнса праçник тăваççĕ. Турă Амăшин ашшĕ Іоаким йатлă пулнă, амăшĕ Анна йатлă пулнă. Вĕсем хăйсем пит ырă çынсем пулнă, Турă законне тытса пурăннă. Анђах вĕсен ађа-пăђа пулман, çавăнпа вĕсем пит хуйхăрнă. Вĕсем ађа, çук пирки хуйхăрса пĕр май Турăран: пире ађа пар, тесе йăлăннă. Турă вĕсен кĕллине илтсе вĕсене ађа курмалла тунă: Iоакимпа Анна ватăлса çитсен, вĕсен хĕр ађа çуралнă, ăна вĕсем Марія йатлă хунă. Ашшĕ-амăшĕсем—Іоакимпа Анна хăйсем ырă çынсем пулнă, ађи те вĕсен пит ырă пулнă. Çав Марія Хĕртен вара Христос Турă ÿтленсе çуралнă.Малаллине вулас

Авăн Уйăхин 1-Мĕш Кунĕнђе Вĕрентсе Калани

Тарасій Максимовъ


Авăн 1-мĕшĕ

Ађасене шкулта вĕренес умĕн вĕрентсе калани.

Ађасем, пирĕн малтан вĕренме пуçлиђђен, Турра кĕлтуса, Унтан вĕренме пулăшу ыйтас пулат̌, мĕншĕн тесен епир Турă пулăшмасан, пĕр ырă ĕç тума та пултараймастпăр. Іисус Христос Хăй каланă: „Мансăр пуçне, пĕр ырă ĕç тума та пултараймăр“, тет. Тата Радонежри таса пурăнăçлă Сергій çинђен шухăшласа пăхар-ха. Вăл пит тăрăшса вĕреннĕ, çапах та вĕренме пултарайман. Вăл нађар вĕреннĕшĕн пит хуйхăрнă. Вара ангел ватă çын пек курăнса, уншăн Турра кĕл-тунă. Таса Сергій çавăнтан кайран пит лайăх вĕрене пуçланă. Ађасем, апла пулсан сирĕн те ђунтан-вартан Турра кĕл-тăвас пулат̌. Вара Вăл сире вĕренме пулăшса тăрĕ.

Малаллине вулас

Іоанн Пророк Пуçне Каснине Асăнмалли

Священник Петр Егоровъ


Çурла 29-мĕшĕ

Христос Умĕн Килсе Христоса Шыва Кÿртекен Святой Іоанн Пророк Пуçне Каснине Асăнса Тăвакан Праçник Кун Вĕрентсе Каламалли

Іоанн Ирода: сана тăвану арăмне ху патăнта усрама йурамаст̌, тенĕ (Мѳ. 14, 4).

Еврейсен çĕрĕнђе ĕлĕк Іисус Христос çĕр çинђе пурăннă ђухне пĕр Ирод йатлă патша пурăннă, вăл пит усал, аскăн çын пулнă, вăй хăй пиђђĕшĕ Филиппăн арăмĕпе, Иродіадапа, пурăннă, çавăншăн ăна Христоса шыва кÿртекен, Іоанн пророк, ђас ђасах йатланă. Ирод çапах хăйĕн усал пурăнăçне пăрахман. Çапла усал пурăнсах вилнĕ, хăй ђунне пĕтернĕ.

Малаллине вулас

Іоанн Пророк Пуçне Каснине Асăнмалли

Андрей Липатовъ


Христос Умĕн Килсе Христоса Шыва Кÿртекен Святой Іоанн Пророк Пуçне Каснине Асăнса Тăвакан Праçник Кун Вĕрентсе Каламалли

Çурла 29-мĕшĕ

Ей йуратнă тăвансем! Пайан, епир, Христоса ĕненекенсем, Христос умĕн килсе Ăна шыва кÿртекен святой Іоанн пророк пуçне каснине асăнса праçник тăватпăр.

Вăл ĕç ак çапла пулнă: Галилея патши Ирод Антипа хăйĕн пиђђĕшин Филиппăн арăмне, Иродіадана, кађђа илнĕ, Іоанн çавăншăн ăна питленĕ. Ирод хăйĕн арăмĕ хушнă тăрăх Іоанна тĕрмене хуптарнă. Пĕрре Ирод хăй çуралнă куна асăнса праçник тунă. Иродіада хĕрĕ, Соломія, пухăннă хăнасем умĕнђе ташласа Иродăн кăмăлне килнĕ. Çавăнпа ăна Ирод: „кирек мĕн ыйтсан та парăп“, тесе тупа тунă. Амăшĕ вĕрентнипе хĕрĕ каланă: „мана шыва кÿртекен Іоанн пуçне пар“, тенĕ. Патша çакна илтсен, хуйха ÿкнĕ: мĕншĕн тесен халăх Іоанн пророка аслă тесе хисепленĕ; анђах хăнисем умĕнђе тупа тунă сăмахне улăштарас мар тесе, Іоанн пуçне касма тĕрмене çар çыннине йанă. Çар çынни Іоанн пуçне касса тиркĕ çине хурса хĕре панă. Хĕрĕ амăшне панă; лешĕ ăна пĕр çырмана кăларса пăрахнă.Малаллине вулас

Алăпа Çырса Туман Христосăн Сăнне Асăннă Кун Вĕрентсе Калани

Священникъ Петр Егоровъ


Çурла 16-мĕшĕ

Пайанхи кун алăпа çырса туман Христосăн сăнне асăнса праçник тăваççĕ. Çав алăпа çырса туман Христосăн сăнĕ-иконĕ, ăçтан пулса кайнă, епĕ сире çавăн çинђен каласа кăтартам. Іисус Христос çĕр çинђе пурăннă ђухне тĕрлĕ хăватлă ĕçсем тунă: Христос вилнĕ çынсене вилĕмрен ђĕртсе тăратнă, ђирлĕ çынсене тÿрлетнĕ, Вăл тÿрлетеймен ђир пулман. Çавăнпа Христос çинђен ђап сарăлнăçĕм сарăлнă, Ун çинђен таçти таçти инçетри çынсем пĕлнĕ. Ун ђухне пур те пĕр Іисус Христос çинђен анђах калаçнă, çапла çапла Іудея çĕрĕнђе хăватлă ĕçсем тăвакан Христос пур, тесе калаçса çÿренĕ Çапла Христос çинђен ырă ђап Едес йатлă хулана та çитнĕ. Çав Едес хулинђе Авгарь йатлă патша пулнă. Авгарь патша пĕр йывăр ђирпе выртнă, ăна никам та тÿрлетеймен. Христос çинђен илтсессĕн, Христос йепле ђирлĕ çынсене те тÿрлетет тенине илтсен, Авгарь патша Христос патне хăй кайасшăн пулнă, анђах йывăр ђирлĕ выртнипе кайайман. Малаллине вулас

Малтанхи Спас Кунĕ

Малтанхи Спас Кунĕ Вĕрентсе Калани

Священникъ П. Егоровъ.

Пайан Христосăн хĕресне шыв хĕрне илсе кайса кĕл-туса шыва тасатаççĕ. Çав йĕрке ăçтан пуçланса кайнине епĕ сире каласа кăтартасшăн.

Пайанхи кун Христосăн хĕресне ђиркÿрен туратсемпе илсе тухас йăлана грексен патріархĕ Лукапа вырăссен митрополиђĕ Константин кăларнă. Вăл йăла акă мĕнтен пуçланса кайнă. Грексен патши Мануил, вырăссен князĕ Андрей Георгіевич, иккĕшĕ пĕр кунта вăрçа кайнă: грексен патши сарацын йатлă халăх çине вăрçа кайнă, вырăссен князĕ болгарсем çине вăрçа кайнă. Грексен патши те, вырăссен князĕ те, хăйсемпе пĕрле Турă Амăшĕ сăнĕпе Христосăн хĕресне вăрçа илсе кайнă. Малаллине вулас