Чăваш

Гурий Комиссаров (Вантер)


«Чăваш – йăваш халăх,
Чăваш – ырхан халăх,
Чăваш – теттĕм халăх,
Чăваш – чухăн халăх.

Юсаймĕ вăл пурăнăçне,
Кăтартаймĕ хăватне,
Чыслă халăх пулаймĕ,
Хăй культурине усраймĕ», –

Çапла çынсем калаççĕ,
Пирĕн çине шанмаççĕ.
Вĕсем каланă тăрăх,
Чăваш – вăл пĕтнĕ халăх…

Анчах чăваш ĕçчен-ха,
Унăн хастар пĕтмен-ха:
Кунĕн-çĕрĕн вăл ĕçлет,
Начар çĕрне кукалет

Вĕренме вăл ÿркенмест,
Кĕнекерен йĕрĕнмест;
Ăсталăха юратать,
Малаллах тапаланать.

Шанатăп: чăваш пуçĕ
Ăспа тухĕ-ха мала;
Унăн уçăлĕ куçĕ:
Пăхĕ ялан çутталла!

Вĕренсе çутта тухнипе
Чăваш юсĕ пурăнăçне,
Ăсталăха пĕлнипе
Хуса çитĕ çынсене!

Чĕмпĕр, 1903, январь.

Advertisements

Митта Ваçлейĕ: Тĕнчере хĕрĕх те пĕр илем, теç…

Тĕнчере хĕрĕх те пĕр илем, теç…

Тĕнчере хĕрĕх те пĕр илем, теç,—
Пурте пирĕн пулĕç вĕсем.
Ахаль мар-тăр хĕрхаллĕн иленчĕç
Пире юрă кайăкĕсем.

Малаллине вулас

Митта Ваçлейĕ: Ан тив, хисеп те, чыс та ан курам…

Ан тив, хисеп те, чыс та ан курам…

Ан тив, хисеп те, чыс та ан курам.

Пин юррăмран пĕри анчах юлайтăр.

Ана тăван ыр кăмăлпа юрлатăр,—

Вара ман канлĕ пулĕччĕ тăпрам.

Митта Ваçлейĕ: Ăртиван Мучи Ямаша Кайса Курнă Радио-Тамаша

Митта Ваçлейĕ


Ăртиван Мучи Ямаша Кайса Курнă Радио-Тамаша

Йăпăр-йăпăр юптарса,
Кукăр-макăр пымăпăр.
Тÿрех, çапла каласа,
Чăн сăмаха пуçлăпăр.Малаллине вулас

Çемен Элкер: Улăпсем

Улăпсем

(Çемен Элкер çырнинчен)

Урхамахне юрттарса
Пынă Ахрат çыр тăрăх,
Хĕвел пăхнă çуптарса,—
Çанталăкĕ пит шăрăх.
Кĕтмен çĕртен улăпа
Кăшкăрашса, ĕрлешсе
Сырнă илнĕ ушкăнпа
Хайхи тискер этемсем:
Малаллине вулас