Кунĕпех макăрать кĕркунне
Куççульпе кĕпине йĕпетсе.
Урам тăрăх йăмра çулçине
Çил ачи хăвалать ĕрĕхсе.
Çут хĕвел пĕлĕтсем хыçĕнче
Тĕлĕрет çĕр çулхи мучилле:
Ах, ытла та салхуллă тĕнче, —
Ма килмест пĕрех хут сив хĕлле!
Уй-хирти ĕç шавĕ нихçанхинчен те хĕрсе çитрĕ. Кăнтăрла та, çĕрле те вăл пĕртте лăпланмасть. Хăйĕн пĕтĕм вăйне ял кунта пухнăн туйăнать. Комбайнсем тырă выраççĕ. Грузовиксем вырнă тыррине турттарса тăраççĕ. Ушкăн машина улмури купалать. Ана пушанать çеç — тракторсем сухалама пырса кĕреççĕ, теприсем кĕрхи ыраш, тулă акаççĕ… Мĕн кăна тумасть пулĕ çĕр çынни! Алли ун пур çĕре те вăхăтра ĕлкĕрет. Халăха август пысăк пурлăх пама пулнă, халĕ вăлах çавна илме, йăлтах тирпейлĕ пуçтарса кĕртме васкатать.Малаллине вулас
Хĕрÿ хĕвел хĕрелсе анчĕ,
Ыраш ăшне вăшлатрĕ путене.
Çĕре хуралламашкăн тепĕр анчăк —
Сар уйăх — час хăпарĕ тÿпене.
Çатан çумне таяннă шурă хурăнМалаллине вулас
Вăранман-ха йăлтăр кÿлĕ,
Тул çути кăшт палăрать.
Шăплăха сирсе ир кÿлĕм
Кайăк-кĕшĕк сас парать.Малаллине вулас
…Июнь çитрĕ. Çĕртме тенĕ ăна пирĕн асаттесем. Чечек уйăхĕ теме те пулать ăна.
Улăх-çаранта çеç мар, вăрман чечекĕсем те, пĕр-пĕринпе тупăшса тенĕ пекех, çеçке сараççĕ. Уçланкăсем, çеремлĕ вар севекĕсем шуррăн, саррăн, кăваккăн-хĕрлĕн — тем тĕрлĕ тĕспе те тĕрленсе ытарайми капăрланаççĕ. Сывлăш, çăрăлса тасалнăскер, сиплĕ ăсла пек туйăнать. Унта та кунта пыл хурчĕсем сĕрлени илтĕнет. Шăрчăксем чăр-латаççĕ. Пур çĕрте те кайăксен юрри янăрать.Малаллине вулас
Тÿпеми пулмалăх тулчĕ
Çырмана сĕт пек тĕтре.
Нÿрĕк сыпрĕ курăк-çулçă
Ăмсанса ăна хитрен.Малаллине вулас
Çинçе ураллă çумăр тĕпĕр-тепĕр,
Тиха пек,
Вăрманта тĕпĕртетет.
Çăвар тулли шыв сыпнă хырлăх шăпăрт.
Ав çĕмĕрт çеç,
Çÿçеннĕскер, чĕтрет.
Малаллине вулас
