Хветĕр Уяр: Лашана çăлни

Хветĕр Уяр


Лашана çăлни

uyar1
Хĕветĕр Уяр. Çыравçă.

Ваçук турат куçĕ витĕр лаçалла пăхса тăчĕ-тăчĕ те хĕр ача патне таврăнчĕ. Сăнĕ-пуçĕ хăйĕн шапшурă.

— Ку мĕнле япала, Ульти? Çăва патне тĕшмĕшне-мĕнне! Мĕн мыскари ку?!

— Ан кăшкăр-ха эс, ача. Ялта мар-çке эс. Кунта ваттисем çывăраççĕ, киремет кати те инçе мар… Мĕнле, вилеймен-и лаши?Малаллине вулас

Advertisements

Сăвăр куççулĕ

С. Садал


Сăвăр куççулĕ

— Костя, тăр-ха, тăр! Тăр тетĕп-иç! Вăхăт иртет, — ывăлне вăратас тесе пĕр чарăнмасăр калаçрĕ Çемен пичче.

Лешĕн вара çывăрас килет — куçне те уçмасть. Те çĕркаç клубран час кĕмен ĕнтĕ.

— Халех-и? Çывăрас килет ман. Каймастăп паян сунара. Пĕчченех уттар-ха, — тепĕр енне çаврăнса выртрĕ вун çичĕ çулти каччă.Малаллине вулас

Елюк сăртĕнче

Александр Артемьев


Кашни çулах чи малтан Елюк сăртĕнче юр кайса пĕтет. Вара таврари хирсем хуралма тытăнаççĕ. Акă сăрт çамкинче хĕвел хытă хĕртнĕрен çĕр типсе çитнĕ ĕнтĕ, тĕллĕн-тĕллĕн çерем симĕслене пуçланă. Сад тавра лартса тухнă шурă ураллă хурăнсем те çуркунне çитнине сиснĕ. Вĕсен иртнĕ хура кĕртех хуралнă турачĕсем вăй илнĕ евĕр хĕрелме тытăннă.

Хурăнсем хушшинче хăмăр туналлă çăкасем тирпейлĕн вырнаçнă. Вĕсен турачĕсене юн тĕсĕ çапайман-ха: сĕткенĕ тулса хăпарайман. Акаци харсăр. Унăн тĕмисем хÿме пек ларса тухнă та хăйсемпе юнашар никама та вырăн парасшăн мар. Сирень тĕми сăпайлă. Унăн кÿршисен вырăнне йышăнмалăх чăрсăрлăх çук. Вăл ют ялтан килнĕ ларма хĕр пек именсе питĕ сăпайлă ÿсет. Анчах — ан шарла — вăл та хăй пурри çинчен систерĕ-ха. Пур ÿсен-тăрана та çамрăк чунлă çуркунне капăр тутăр парнелет.Малаллине вулас

Курăк академикĕ

Юхма Мишши


Хам курăк-чечек çинчен питех те сахал пĕлнине чухлатăп-ха. Çавăнпа ĕнтĕ:

— Микулай пичче, — терĕм пĕррехинче, — май пулсан вăрман кĕнекин курăк-чечек çинчен çырнă сыпăкĕсене вулар-ха пĕрле…

Ку ватă вăрманçă килĕшрĕ.

— Юрĕ, ыранах кайăпăр акă, — сăмах пачĕ вăл.

Тепĕр кунне ирхине унпа çула тухрăмăр.Малаллине вулас

Ĕççинче

Аркадий Ĕçхĕл


Ваня Тарасова кĕлте урапине тиесе пама хăйсен бригадирĕ Варвари кинеми пулăшрĕ. Яланах халаплама юратакан Ваня паян мĕн иртенпех сайра хутра кăна сăмах хунтăласа илет. Ку бригадира кăшт тĕлĕнтерчĕ.

— Мĕн пулнă сана, Ванюк? Эс ытти чух кун пек чĕмсĕр марччĕ-çке? — ыйтрĕ вăл.

— Нимех те пулман, шăл ыратать, — терĕ Ванюк хурлăхлă сасăпа. Вăл хăйĕн сасси çавăн пек мĕскĕннĕн тухнăшăн хăйне çавăнтах вăрçса та илчĕ. «Капла мана ачаш теме пултараççĕ», — шухăшларĕ вăл. Анчах Варвари çав пĕчĕк паттăр сăмаха урăх çĕрелле пăрса яма хăтланнине çийĕнчех сиссе илчĕ те Ванюкăн кăмăлне пăсас мар тесе урăх чĕнмерĕ. «Шăл ыратать… Сан пек пĕчĕк ачан мĕн шăлĕ ыраттăр-ха? Темле хуйхă пулнă-тăр… Халь ĕнтĕ кашнин хăйĕн хуйхи пур…» — калаçса илчĕ Варвари кинеми хăйĕнпе хăй.Малаллине вулас

Раксем ăçта хĕл каçаççĕ

Виталий Бианки


Кухньăра тенкел çинче карçинкка ларнă, плита çинче — кастрюль, сĕтел çинче — пысăк шурă тирĕк. Карçинккара раксем йăшăлтатнă, кастрюльте тăварпа укроп янă шыв вĕренĕ, тирĕк пушах пулнă.

Хуçа арăмĕ кĕнĕ:

пĕрре — вăл карçинккаран рак туртса кăларнă та —

иккĕ — ăна кастрюле ывăтнă, пиçиччен тăхтанă та —

виççĕ — рака кастрюльтен кашăкпа çаклатса тытса тирĕке хунă.

Татах, татах…Малаллине вулас

Çăкăр

Юрий Артамонов


Амăшĕ каçхинех кăвас хурса лартать. Ирхине вара туратсăр, типĕ, малтанах хатĕрлесе хунă яп-яка пуленкесене суйласа илсе васкамасăр вут хутса ярать, унаса хунă çавра çăкăрсене таса пир татăкĕпе витет, вĕсене кăмакана хывиччен яланхи йăлипе яшка, хура чугунпа çĕр улми пĕçерме лартать, выльăх апачĕ хатĕрлет, шыв вĕретет. Çаксем пурте вĕреме кĕрсен, пиçсен йăлтах пĕр енне, кĕтеселле, вырнаçтарать, кайран-малтан ан кансĕрлеччĕр тет ĕнтĕ. Унтан çунса пĕтеймен вутпуççисене тимĕр хĕскĕчпе хĕстере-хĕстере картишĕнчи шыв валашкине тухса пăрахать. Павлик, кăмака çинчен пуçне аялалла усса пăхса выртаканскер, амăшĕн кашни утăм нех сăнать, веçех курать.Малаллине вулас