Иван Юркин: Вĕреннĕ çынсем

Иван Юркин


Вĕреннĕ çынсем

Эпир Чĕмпĕрте юлашки çулĕ çырăва вĕреннĕ чухне, пушă вăхатра, пĕр кĕнеке, чирсем çинчен çырнине, вырăслинчен чăвашла куçартăмăр. Вĕренсе тухсан, çав çулах пире, куçаракан юлташла иксĕмĕре, кĕнеке тумалли çырусемпе Шупашкара кайма хушрĕç, меншĕн тесен çав кĕнекене малтан вырăсла çыраканни, тухтăрĕ, унта пурăнать иккен. Епле куçарнине ăна вуласа кăтартма хушрĕç.

Малаллине вулас
Advertisements

Турă Амăшне Ырă Хыпар Каланă Кун Вĕрентсе Калани

Симеонъ Сергѣевъ


Пуш 25-мĕшĕ

Ашшийĕн, Ывăлийĕн, Святой Сывлăшийĕн йађĕпе.

Епĕ Турă ђури, есĕ каланă пек пултăр мана

Лук. I, 38.

Назарет йатлă хулара таса пурăнăçлă арлă-арăмлă Іоакимпа Анна пурăннă. Вĕсенĕн ватăлиђђенех ађа-пăђа пулман. Пĕр ÿпкелемесĕр Іоакимпа Анна Турăран ађа ыйтнă. Турă вĕсенĕн йăвашлăхне, таса пурăнăçне курса, Іоакимпа Аннана хĕр ађа панă. Ашшĕпе амăшĕ хĕрне Марія йатлă хунă. Іоакимпа Анна хăйсен хĕрĕ Туррăн суйласа илнĕ савăнăçĕ пулассине, унтан тĕнђене Çăлакан çуралассине пĕлмен. Марія ÿссе çитнĕ. Вăл Исаія пророк Христос хĕртен çуралмалла тенине вуланă, анђах Христос Турра хăй çуратмаллине пĕлмен; ун çинђен Вăл нихăçан та шухăшлама та пултарман. Вăл Христоса çуратмалла Хĕрĕн йулашки тарçи те пулин пуласшăн пулнă. Анђах хăйĕн йăвашлăхне, таса пурăнăçне кура, Таса Хĕр Марія пирĕн Христос Туррăмăрăн Амăшĕ пулма тивĕçлĕ пулнă. Вăл Херувимсенђен те аслă, Серафимсенђен те мухтавлă пулнă, Ăна пĕтĕм тĕнђе мухтат̌.

Малаллине вулас

Харăс пусса пыр, тăванăм…

Турхан Энтри


Харăс пусса пыр, тăванăм,
Пурĕ пĕр çын пек утар.
Тăрăс! тапса пус, юлташăм,
Хамăр ĕçе палăртар. […]

Ĕмĕрĕпех тертре пултăр,
Савнă чăваш тусăмсем.
Хурланине нумай куртăр, –
Иртчĕр усал вăхăтсем.

Малаллине вулас

Ку таранччен пире çирĕç…

Турхан Энтри


Ку таранччен пире çирĕç,
Тÿрĕ ĕлле, крĕслеттер!
Çăкăр-тăвар хире-хирĕç,
Кас, чик, вакла, тирĕнтер.

Халăх çарри! Шикленмесĕр,
Тавăр тăшман мăшкăлне!
Макăртнăшăн хĕрхенмесĕр
Хуç тăшманун ĕнсине.
1917

Юлашки юррăм

Турхан Энтри


Тăван халăхăм! Сехет çитрĕ – вилеп!
Тăван çĕр-шывран ĕмĕре уйрăлап:
Сана юлашки хут савса пехиллеп.
Чăваш ятне çеç, вилес чух, асăнап.

Ача чухнерен, вулама пуçличчен,
Сана ман пекех савакан кам пулас?
Вĕри сăмахпа, юрăпа, виличчен
Чăваш чĕрине кам çĕклес, хăпартас?

Малаллине вулас