Алексей Милли: Чăвашсен марсельесĕ


Алексей Милли — публицист, этнограф. Хусанти семинарире вĕреннĕ, хĕвелтухăç халăхĕсен чĕлхисемпе культурисене тĕпчес енĕпе аспирантура пĕтернĕ. “Хыпар” тата “Чухăнсен сасси” хаҫатсенче ĕҫленĕ, педтехникумра вĕрентнĕ, чăваш литераторĕсен обществине йĕркеленĕ. 1938 çулта репрессиленĕ… Тĕплĕнрех→


Чăвашсен марсельесĕ

Тирансене патшалăхран –
Хăваласа салатрăмăр,
Вĕсенĕн тискер аллинчен
Патшалăха хăтартăмăр.

Хупса лартрăмăр тĕрмене
Мĕскĕн халăхсен юнне
Сĕлĕх пек ĕçекенсене,
Халăхран кулакансене!

Эпир çĕр çулччен халăхшăн
Куççульпе йĕрсе ĕçлерĕмĕр,
Нумайăш пирĕн ушкăнран
Çул çинче пĕтрĕç вăхăтсăр.

Вĕсен пурăнăçĕ тĕрмере
Турăш умĕнчи майĕпе
Сÿнекен таса çуртасем пек
Сÿнсе ларчĕç хĕсĕклĕхре.

Яппун вăрçинче пăлханса
Çĕнĕ йĕрке тăвас тесе,
Ăмăрткайăк çунатланса
Вĕçнĕ пек кайрăмăр вĕçме.

Пире ун чух патшашăн
Тата хăйсен пурнăçĕшĕн
Çунакан усал этемсем
Тĕрмене хупса пĕтерчĕçĕ.

Нумайăшне пире çакса
Вĕлерчĕç тата Çĕпĕре
Хăваларĕç сивĕ çĕре,
Пиртен кулса мăшкăлларĕç.

Хавасланмашкăн тытăнчĕç
Авалхи йĕрке çыннисем.
Пирĕн йĕрке ĕмĕрне те
Пулмасть тесе хавасланчĕç.

Ухмах этемсем, чăнлăха
Епле пытарма пултартăр?
Эсир, пĕлмесĕр чăнлăха,
Унтан мăшкăлласа кулатăр.

Ак паянхи кун ирĕклĕх
Çĕнĕ йĕрке сиксе тăчĕ.
Пирĕн юн тăкни ахалех,
Тăвансем, çапах çухалмарĕ.

Тирансене патшалăхран
Хăваласа кăлартăмăр,
Вĕсенĕи тискер аллинчен
Патшалăха хăтартăмăр,

Пĕгĕм Раççей те савăнать
Тирансене пĕтернĕшĕн,
«Урра!» тесе хыт кăшкăрать
Ирĕклĕ çĕнĕ йĕркешĕн.

Мĕнпур чăваш халăхĕшĕн
Эп те çĕнĕ ирĕклĕхшĕн
Мĕнпур чĕререн кăшкăрса
Чăваш чĕлхине «урра» теп.

1917, çу уйăхĕ

↓ ↓ ↓

Малаллийĕ пĕлтерÿ хыççăн


30% чăвашла

WordPress.com-а тăван чĕлхене куçаратпăр.
VulaCV.com – ку платформăри чи анлă сайт. Чăвашла сайтсем валли çул уçса пыратпăр.

– VulaCv, Вула чăвашла редакцийĕ

Сайта кĕртнĕ çĕнĕ текстсем:

↓ ↓ ↓

Малаллийĕ

Шухăшăра пĕлтерĕр

Fill in your details below or click an icon to log in:

WordPress.com Логотипĕ

WordPress.com аккаунчĕпе усă курса комментари çыратăр. Çырăнса тухас /  Улăштарас )

Google фото

Google аккаунчĕпе усă курса комментари çыратăр. Çырăнса тухас /  Улăштарас )

Twitter picture

Twitter аккаунчĕпе усă курса комментари çыратăр. Çырăнса тухас /  Улăштарас )

Facebook фотойĕ

Facebook аккаунчĕпе усă курса комментари çыратăр. Çырăнса тухас /  Улăштарас )

Connecting to %s

Ку сайт спамсене сахаллатмашкăн Akismet-па усă курать . Комментари даннăйĕсен обработки çинчен тĕплĕнрех пĕлĕр.