Гаврил Кореньков: Пуçра шухăш нумай та

Гаврил Кореньков — … Тĕплĕнрех→

---

Пуçра шухăш нумай та

Пуçра шухăш нумай та
Пуçра шухăш нумай та –
Алă-ура çаврăнмасть;
Çырас шухăш чылай та –
Юрăллă стих тухаймасть.

Мĕншĕн пирĕн ку таран
Поэт пекки пулман-ши?
Мĕншĕн пирĕн хушăран
Стихотворец тухман-ши?

Меншĕн, чăваш çыннисем,
Катăк пулса тăратпăр?
Мĕншĕн çыраç ыттисем,
Мĕншĕн эпир çывратпар?

Меншĕн пирĕн чăвашран
Пушкин пекки пит сахал?
Мĕншĕн хăраç çырасран,
Мĕшĕн пурте пит кахал?

Кашни пăртак çырсан та,
Чылай стихсем тухмалла:
Пĕр кĕнеке пулсан та.
Чылай усă памалла.

Рад бы тепри çырĕччĕ,
Тен, Пушкин пек пулĕччĕ,
Анчах çырма çул çукран
Ÿкет пери алăран.

Мĕн чул пирĕн çавăн пек
Аслă çынсем пĕтĕç пуль?
Хай «талантсем» тенĕ пек,
Мĕн чул ассем çĕрĕç пуль?

1907

↓ ↓ ↓

Малаллийĕ пĕлтерÿ хыççăн

Эпир пĕр-пĕр патшалăх тытса тăракан учреждени мар.

Тектсене ирĕклĕн тишкерсе хаклатпăр. Произведенисене сĕрĕмлĕх, сутлăх е пропаганда тĕллевĕпе мар – шырав, цитатăлу тунă чухне çăмăллăх кÿрессишĕн вырнаçтаратпăр.

Пирĕн çинчен

– VulaCv, Вула чăвашла редакцийĕ

Сайта кĕртнĕ çĕнĕ текстсем:

• Турă Амăшне Ырă Хыпар Каланă Кун Вĕрентсе Калани25/03/2023
• Христос Туррăмăра Чиркĕве Илсе Пынă Кун Вĕрентсе Калани06/02/2023
• Стихван Шавли: Вĕçкĕн Ваççа06/10/2022

↓ ↓ ↓

Малаллийĕ