Алексей Милли: Çурçĕр иртсен


Алексей Милли — публицист, этнограф. Хусанти семинарире вĕреннĕ, хĕвелтухăç халăхĕсен чĕлхисемпе культурисене тĕпчес енĕпе аспирантура пĕтернĕ. “Хыпар” тата “Чухăнсен сасси” хаҫатсенче ĕҫленĕ, педтехникумра вĕрентнĕ, чăваш литераторĕсен обществине йĕркеленĕ. 1938 çулта репрессиленĕ… Тĕплĕнрех→


Çурçĕр иртсен

Çу уйăхĕ каçсенче
Çурçĕр иртсе кайнă чух,
Автансем те авăтса
Йăлт чарăнса ларнă чух
Çанталăк тĕлĕнмелле
Лăпах пулса тăн тăрать!

Этем сасси ун чухне
Анчăк сасси илтĕнмссть,
Çил кашлани туйăнмасть!..
Çу уйăхĕ каçсенче
Çу пек çемçе, ачаш каç
Ăшă, тутлă, уç сывлăш
Хумханмасăр тĕлĕрет.
Çулçисене чух йăтса
Лăпсăр йăмра йывăçсем
Тĕлĕнсе шухăшласа
Кашламасăр лараççĕ!

Ăвăс çулçисем анчах
Каçхи тĕнче шăплăхне.
Тĕлĕрекен сывлăшне
Кăшт вăрантарас тесе,
Шĕлтĕртетсе сикейсе,
Чĕлтĕртетсе лараççĕ!..
Карăш тапса авăтать
Нÿрлĕ курăк ăшĕнче,
Ешĕл калча хушшинче.
Хура вăрман хĕрринчен
Лÿ-лÿ тапхăр çил анать,
Тутлă шăрăш сарăлать!..
Çил те кăштах вĕрейрĕ,
Юратакан çамрăксен
Чечен, ачаш питсене
Çемçен кăштăр шăлайрĕ!
Çу уйăхĕ[н] тут сывлăш[ь]
Кăштах сĕртĕннипеле
Çамрăк чунĕ çемçелчĕ,
Юрату юн вĕрерĕ!
Лапсăр йăмра кашларĕ:
Хăй шухăшлă лăпсăрне
Ерипе кашлаттарса,
Час çут хĕвел çуталса
Тухассине систерчĕ,
Юратакан чунсене
Киле кайма пĕлтерчĕ!
Çунаттипе хыт çапса,
Шарт-шарт! туса харăссăн,
Ял автаньсем авăтрĕç;
Тĕлĕрекен сывлăш та
Вăранмашкăн тытăнчĕ. […]
Хĕвелтухăç хĕрелчĕ,
Ун малтанхи çутисем,
Вăйлă çутă па[йă]ркисем,
Пĕлĕт тÿпине ÿкрĕç,
Уйăх йăлт сăнран кайрĕ…
Çĕнĕ пурнăç хускалчĕ,
Ун вĕçĕ те курăнмасть.
Шухăшласан – ăс çитмест!

1917

↓ ↓ ↓

Малаллийĕ пĕлтерÿ хыççăн


30% чăвашла

WordPress.com-а тăван чĕлхене куçаратпăр.
VulaCV.com – ку платформăри чи анлă сайт. Чăвашла сайтсем валли çул уçса пыратпăр.

– VulaCv, Вула чăвашла редакцийĕ

Сайта кĕртнĕ çĕнĕ текстсем:

↓ ↓ ↓

Малаллийĕ

Шухăшăра пĕлтерĕр

Fill in your details below or click an icon to log in:

WordPress.com Логотипĕ

WordPress.com аккаунчĕпе усă курса комментари çыратăр. Çырăнса тухас /  Улăштарас )

Google фото

Google аккаунчĕпе усă курса комментари çыратăр. Çырăнса тухас /  Улăштарас )

Twitter picture

Twitter аккаунчĕпе усă курса комментари çыратăр. Çырăнса тухас /  Улăштарас )

Facebook фотойĕ

Facebook аккаунчĕпе усă курса комментари çыратăр. Çырăнса тухас /  Улăштарас )

Connecting to %s

Ку сайт спамсене сахаллатмашкăн Akismet-па усă курать . Комментари даннăйĕсен обработки çинчен тĕплĕнрех пĕлĕр.