Григорий Тяммин: Платун


Григорий Тяммин — сăввийĕсемпе асра юлнă, анчах пурнăçĕ пирки пĕлни сахал… Тĕплĕнрех→


Платун

Нумай та пулмасть вăл,
Вун ик çула яхăн иртнĕ пуль,
Пурăннă пулнă пирĕн ялта
Нумай çынсем пулнă та
Тата тепĕр çын Платун ятлăскер.

Вăл пулнă ухмахрахскер.
Тĕнчере тĕклĕ сăмах пур тесе
Ахаль каламан пуль çав ват çынсем те.
Эпир халь сахал пурăннă.
Хăш-хăш çынсем нумайтарах пурăннă.
Эпир сахал пурăннă пулсан та
Хамăр пурăннă таран та
Емĕр тăрăшĕ вăрăмран
Хамар пуçсăр çÿренĕрен
Хыпарне те нумайтарах илтеттĕмĕр.
Пĕрре юлташпа эпир
Ирхине ирех
Урам тăваткăльне тухрăмăр тÿрех!
Унта куртăмăр халапĕсене,
Пакăлтатса лараканскерсем.
Хайхи эпир юлташăмăрпа
Хăлхасене тăн ках тăратрăмăр та
Иксĕмĕр те ыткăнса лартăмăр.
Пĕр кĕтесе таянтăмăр,
Хайхи пирĕн ыр çынсем
Унти-кунти халапсем
Çинчен калаçма тытăнчĕç.
Иван пиччепе Энтюк пичче пуçласа ячĕç.
Иван пичче калать,
Ĕнтюк пичче те пуçлать:
— Ах! çав Платунтан тĕлĕнмелле:
Хай ватăлса,
Ăсĕ Катăлса
Пырать пирĕн Платун пиччен
Пĕр виç-тăватă çулшăн
Авланма шухăш тытать тет.
Платун хĕр шырама тытăнать.
Евчине кайса калама тухатлать,
Анчах намăсран хăрать.
Намăсран та хăраса пулмасть тет те
Часрах кÿрĕшĕ тупать.
Ăна пĕлнĕ чее Тимьян
Ун çумĕнчен хăпман,
Часрах улталасшăн тăрăшать.
Килне тупать
Юлташне калать:
«Айта Платуна улталатпăр,
Хамăра мĕн пулассипе пĕлмесĕр», —
Тет те наччас
Мĕн пулассине пĕлмес[т],
Хĕрарăм кĕпи тăхăнса пырать,
Хырăмне минтер хурать.
Калама ярать хăвăртрах:
«Укçине илтĕр çитенкĕллĕрех», –
Теме хушать Тимьян.
Лашин кÿлнĕ кÿлмен
Платун патне чуптарать,
Лешĕ çул çине Платуна тĕл пулать.
«Лар часрах,
Çÿреместĕн хыпаланарах», –
Тет те часрах Платуна çуна çине лартать.
Сиккипе пырать,
Хĕр кил патне çитеççĕ,
Çапах сиккипе пыраççĕ.
«Платун пичче, вăл хĕршĕн
Хулăмне хаклă ыйтмăпăр», – тет.
Пирĕн Платун хавасланнă,
Чунтан-вартан савăннă.
Четвĕрт памалăх пулать,
Татах хĕре памаççĕ.
Четвĕрт çура юлмаççĕ.
Хĕре илме шухăшлать те
Икĕ четвĕрт парать.
Хайхи пирĕн Платун.
Шур сухала саракан.
Хĕре лартать, чуптарать,
Тăр халĕ, çул çинче мĕн пулать?
Тăвайккинчен анать сиккипе
Мĕн пулассине пĕлмест хаваспе:
Çуна тÿнет,
Платун умĕнче ларать
Çавăрăнса пăхмасть хĕр çине.
Хĕрĕ ÿксе юлнă сулнăк çине.
Платун хапхи айне çитсен
Тин çавăрăнса пăхать:
Çухалнă пирĕн хĕр!
Чавсана çавăрса çыртас —
Çăвар çитмес[т], —
Терĕ пирĕн Ентюк пичче.
Çапла пĕтерчĕ халапне,
Хăй çăварĕнчи сăмахне.

1913

↓ ↓ ↓

Малаллийĕ пĕлтерÿ хыççăн

Эпир пĕр-пĕр патшалăх тытса тăракан учреждени мар.

Тектсене ирĕклĕн тишкерсе хаклатпăр. Произведенисене сĕрĕмлĕх, сутлăх е пропаганда тĕллевĕпе мар – шырав, цитатăлу тунă чухне çăмăллăх кÿрессишĕн вырнаçтаратпăр.

– VulaCv, Вула чăвашла редакцийĕ

Сайта кĕртнĕ çĕнĕ текстсем:

↓ ↓ ↓

Малаллийĕ

Шухăшăра пĕлтерĕр

Fill in your details below or click an icon to log in:

WordPress.com Логотипĕ

WordPress.com аккаунчĕпе усă курса комментари çыратăр. Çырăнса тухас /  Улăштарас )

Twitter picture

Twitter аккаунчĕпе усă курса комментари çыратăр. Çырăнса тухас /  Улăштарас )

Facebook фотойĕ

Facebook аккаунчĕпе усă курса комментари çыратăр. Çырăнса тухас /  Улăштарас )

Connecting to %s

Ку сайт спамсене сахаллатмашкăн Akismet-па усă курать . Комментари даннăйĕсен обработки çинчен тĕплĕнрех пĕлĕр.