Василий Мач: Юратнисĕр, савнисĕр


Василий Мач — сăвăçă, райхаçат редакцийĕнче тата шкулта ĕçленĕ… Тĕплĕнрех→


Юратнисĕр, савнисĕр
Пĕччен çÿреп улăхпа –
Пĕчĕк çырма хĕррипе
Ăшăм тулли хуйхăпа.

Савнипеле çÿреттĕм
Çеçкесене тататтăм,
Пуçилемĕ тăваттăм,
Хам савнине параттăм.
Халь те çеçке татам-ши,
Пуçилемĕ тăвам-ши?
Пуçилемĕ тусассăн,
Ăна кама парам-ши?
Çавах чуна хытарса,
Тĕрлĕ çеçке тататăп;
Хам савнине асăнса,
Хам пуç çине хуратăп.
Ах, çунать-çке ман чĕрем,
Куççуль юхать куçăмран!
Ÿкет пуçăм илемĕ
Ман хуйхăллă пуçăмран.
Ах, рăскаллă кунăмсем
Килмĕç ĕнтĕ нихçан та!
Ĕлĕкхи пек сăвăçсем
Кураймăп эп ĕмĕрте.
Манăн чунăм савнисĕр
Çут тĕнчерен сивĕнчĕ:
Курăк çĕре витнĕ пек,
Хуйхăпала витĕнчĕ.
Чун савнисĕр пурăнма
Нумай кирлĕ вăй чăтма.
Çавах тÿссе пурăнап,
Хам савнине асăнап.

1914

↓ ↓ ↓

Малаллийĕ пĕлтерÿ хыççăн

Эпир пĕр-пĕр патшалăх тытса тăракан учреждени мар.

Тектсене ирĕклĕн тишкерсе хаклатпăр. Произведенисене сĕрĕмлĕх, сутлăх е пропаганда тĕллевĕпе мар – шырав, цитатăлу тунă чухне çăмăллăх кÿрессишĕн вырнаçтаратпăр.

– VulaCv, Вула чăвашла редакцийĕ

Сайта кĕртнĕ çĕнĕ текстсем:

↓ ↓ ↓

Малаллийĕ

Шухăшăра пĕлтерĕр

Fill in your details below or click an icon to log in:

WordPress.com Логотипĕ

WordPress.com аккаунчĕпе усă курса комментари çыратăр. Çырăнса тухас /  Улăштарас )

Twitter picture

Twitter аккаунчĕпе усă курса комментари çыратăр. Çырăнса тухас /  Улăштарас )

Facebook фотойĕ

Facebook аккаунчĕпе усă курса комментари çыратăр. Çырăнса тухас /  Улăштарас )

Connecting to %s

Ку сайт спамсене сахаллатмашкăн Akismet-па усă курать . Комментари даннăйĕсен обработки çинчен тĕплĕнрех пĕлĕр.