Тимофей Терентьев: Чăпар кайăк


Тимофей Терентьев — Хусанти семинарирен вĕренсе тухнă учитель, çутĕç тата ĕçтăвком ертÿçи. Ытларах революци тапхăрĕнче вĕренмешкĕн ÿкĕтлесе çырнă… Тĕплĕнрех


 Чăпар кайăк

Пирĕн хăта пахчинче
Пĕчĕк лутра йывăç çинче,
Çап-çаврака чашăк пек,
Пĕр кайăк йăви пур.
Кайăкĕ ытла илемлĕ
Темиçе тĕслĕ тĕкĕпе.

Ăшă çăва тухсассăн,
Хĕвел хĕртсе пăхсассăн,
Çĕр курăкпа ешерсен,
Йывăçсем чечеке ларсассăн,
Çав çаврака йăва çинче
Пилĕк пĕчек çăмартапа
Пусса ларать чăпар кайăк.
Кайăк пусма ларсассăн.
Вун ултă кун иртсессĕн.
Çуралаççĕ ачисем
Çап-çара та пĕр тĕксĕр,
Хĕп-хĕрлĕ çăварлă.
Ачисем ÿссе çитĕниччен
Ашшипеле амăшĕ
Пĕр канмасăр ĕçлеççĕ,
Пĕрмай апат шыраççĕ.
Вĕсем ÿссе çитĕнсен,
Килте ларас килмесĕр,
Вĕçсе тухса каяççĕ,
Хăйсем апат шыраççĕ.
Ирхи куна каçчен
Хавасланса вĕçсе çÿреççĕ.
Каç пула пуçласан.
Пурĕ пĕрле пулайса,
Хыпаланаççĕ килелле.
Çуллахи вăрăм кунсенче
Çавă кайăк чĕпписем.
Икĕ çунатне шарт çупса.
Çинçе илемлĕ сасăпа
Шăрантараççĕ юранă.
Пĕтĕм пахчана янăратса.
Иртен-çÿрене илĕртсе.
Çуллахи кĕске çĕрсенче
Çав пахчари икĕ тупчăк*
Янăратаççĕ пĕтĕм яла
Пĕр-пĕринчен ăмăртса.

1912

*тупчăк — шăпчăк.

↓ ↓ ↓

Малаллийĕ пĕлтерÿ хыççăн


VulaCV.com

2019 çулхи юпа 31-мĕшĕнче VulaCv WordPress платформине куçнăранпа 7 çул тулчĕ… 2020 çулăн Март уйăхĕнче вара пирĕн домен VulaСV.com пулса кĕскелчĕ.

– VulaCv, Вула чăвашла редакцийĕ

Сайта кĕртнĕ çĕнĕ текстсем:

↓ ↓ ↓

Малаллийĕ

Шухăшăра пĕлтерĕр

Fill in your details below or click an icon to log in:

WordPress.com Logo

WordPress.com аккаунчĕпе усă курса комментари çыратăр. Çырăнса тухса /  Улăштарас )

Google фото

Google аккаунчĕпе усă курса комментари çыратăр. Çырăнса тухса /  Улăштарас )

Twitter picture

Twitter аккаунчĕпе усă курса комментари çыратăр. Çырăнса тухса /  Улăштарас )

Facebook фотойĕ

Facebook аккаунчĕпе усă курса комментари çыратăр. Çырăнса тухса /  Улăштарас )

Connecting to %s

Ку сайт спамсене сахаллатмашкăн Akismet-па усă курать . Комментари даннăйĕсен обработки çинчен тĕплĕнрех пĕлĕр.