Тимофей Терентьев: Анне вилсен


Тимофей Терентьев — Хусанти семинарирен вĕренсе тухнă учитель, çутĕç тата ĕçтăвком ертÿçи. Ытларах революци тапхăрĕнче вĕренмешкĕн ÿкĕтлесе çырнă… Тĕплĕнрех


Анне вилсен

Улма йывăçĕ чĕрĕлмен
Тĕпне шăши кышланăран.
Манăн анне тăмарĕ
Чунне турă илнĕрен.

Ах, аннеçĕм, тăван анне,
Алли-ури çыхланнă.
Вилĕм каснă, чунĕ тухнă,
Пĕр чĕнмесĕр выртать-çке.

Çерем каснă, шăтăк чавнă,
Анне валли çурт тунă –
Ĕмĕрлĕх пурнăçа пурăнми,
Пирĕн куçа курăнми.

Ах, чунăм хурланать,
Чунăм тухас пек тăрайрать.
Анне шăтăкра выртать-çке,
Çиелтен тăпрапа витĕнет-çке.

Шухăшларăм, кулянтăм
Анне шăтăкра выртнинчен.
Ах, турăçăм, турăçăм,
Пĕр турă пăрахминччĕ.

Ах, аннеçĕм-аннеçĕм,
Вилĕм шăтăкне кĕретĕн,
Пĕр чĕнмесĕр выртатăн-çке,
Чĕлхи вĕçĕ çыхланса.

Ах, аннеçĕм-аннеçĕм,
Ĕнерхи кун калаçатчĕ,
Паянхи кун пĕр чĕнмесĕр
Вилĕм тум-тирĕпе выртать-çке.

1910

↓ ↓ ↓

Малаллийĕ пĕлтерÿ хыççăн


VulaCV.com

2019 çулхи юпа 31-мĕшĕнче VulaCv WordPress платформине куçнăранпа 7 çул тулчĕ… 2020 çулăн Март уйăхĕнче вара пирĕн домен VulaСV.com пулса кĕскелчĕ.

– VulaCv, Вула чăвашла редакцийĕ

Сайта кĕртнĕ çĕнĕ текстсем:

↓ ↓ ↓

Малаллийĕ

Шухăшăра пĕлтерĕр

Fill in your details below or click an icon to log in:

WordPress.com Logo

WordPress.com аккаунчĕпе усă курса комментари çыратăр. Çырăнса тухса /  Улăштарас )

Google фото

Google аккаунчĕпе усă курса комментари çыратăр. Çырăнса тухса /  Улăштарас )

Twitter picture

Twitter аккаунчĕпе усă курса комментари çыратăр. Çырăнса тухса /  Улăштарас )

Facebook фотойĕ

Facebook аккаунчĕпе усă курса комментари çыратăр. Çырăнса тухса /  Улăштарас )

Connecting to %s

Ку сайт спамсене сахаллатмашкăн Akismet-па усă курать . Комментари даннăйĕсен обработки çинчен тĕплĕнрех пĕлĕр.