Тимофей Терентьев: Пÿрт умĕнчи решетке


Тимофей Терентьев — Хусанти семинарирен вĕренсе тухнă учитель, çутĕç тата ĕçтăвком ертÿçи. Ытларах революци тапхăрĕнче вĕренмешкĕн ÿкĕтлесе çырнă… Тĕплĕнрех


Пÿрт умĕнчи решетке,
Тĕрлĕ лайах, йываçран
Тунă иккен ăсти те –
Пусмасăрах улăхмалла,
Уçмасăрах кĕмелле.
Ай-хаях та çамрăксем,
Аллăрти сарă перçетке,
Çыхнă иккен хăйне те
Çара кăчăк çумĕнчен
Сарă, кăтра, ватă хĕрсем
Алăпа мар, урапа
Каçхи уйăх çутипе.

Ай-хаях та çамрăксем,
Уснă иккен хăйсем те,
Улăх хĕрринчи хăва пек.
Пĕр кукăр-макăрсăр,
Çавăн пысăкăш ÿссе те,
Такçан ĕç курман пек.
Курассине курман пуль
Кĕсье тулли премĕкрен,
Алăри уçă хут купăсран,
Кăнтăрлахи тутлă ыйăхран.
Каçне улах тăрăх çÿресрен.
Çăвар тулли каласран
Вĕçĕ-хĕррисĕр усал сăмах,
Ашшĕ-амăшĕпе вăрçасран.

Ай-хаях та хĕрĕсем.
Ÿснĕ иккен хăйсем те,
Станран тухнă çурта пек.
Çавăн пысăкăш ÿссе те,
Пир тĕртсе курман пек.
Тăхăннă иккен хăйсем те
Çара пусма кĕписем
Хăйсем тĕртме пĕлменрен.
Ирĕклĕ иккен хăйсем те
Ашшĕ-амăшĕ умĕнче,
Çÿлти вĕçен кайăк пек.
Пăхсах ачаш пулмалла,
Сăмахĕнченех туймалла.
Сăмах калама тытăнсан,
Хурăн пуçлă çĕлен пек,
Çĕр хуçăк пулайса,
Нăйăлтатать вăрăм туна пек,
Вĕçĕ-хĕррисĕр, çинçе пĕр саспа
Маннă иккен намăса:
Пулхашаççĕ хăйсем те
Çамрăксем патĕнче,
Çавраçил вĕçтернĕ пек.
Карнă иккен çăварĕсене,
Хĕрача-пăча пулсан та,
Пĕр шит те пĕр вершук.

↓ ↓ ↓

Малаллийĕ пĕлтерÿ хыççăн


VulaCV.com

2019 çулхи юпа 31-мĕшĕнче VulaCv WordPress платформине куçнăранпа 7 çул тулчĕ… 2020 çулăн Март уйăхĕнче вара пирĕн домен VulaСV.com пулса кĕскелчĕ.

– VulaCv, Вула чăвашла редакцийĕ

Сайта кĕртнĕ çĕнĕ текстсем:

↓ ↓ ↓

Малаллийĕ

Шухăшăра пĕлтерĕр

Fill in your details below or click an icon to log in:

WordPress.com Logo

WordPress.com аккаунчĕпе усă курса комментари çыратăр. Çырăнса тухса /  Улăштарас )

Google фото

Google аккаунчĕпе усă курса комментари çыратăр. Çырăнса тухса /  Улăштарас )

Twitter picture

Twitter аккаунчĕпе усă курса комментари çыратăр. Çырăнса тухса /  Улăштарас )

Facebook фотойĕ

Facebook аккаунчĕпе усă курса комментари çыратăр. Çырăнса тухса /  Улăштарас )

Connecting to %s

Ку сайт спамсене сахаллатмашкăн Akismet-па усă курать . Комментари даннăйĕсен обработки çинчен тĕплĕнрех пĕлĕр.