Марфа Трубина: Чухăн çын


Марфа Трубина – Чĕмпĕрти чăваш шкулĕнче вĕреннĕ, РСФСР шайĕнче Ленин орденне тивĕçнĕ учитель тата чăвашла çыракан малтанхи хĕрарăм писательницăсенчен пĕри. «Мучар», «Асăнмалăх, савăнмалăх», «Ача чухнехи» ятлă хайлавĕсем уйрăмах паллă… Тĕплĕнрех→



Чухăн çын

Ял туленче пĕр начар кил-çурт ларать.
Пĕтĕмпе кивĕ, çĕрĕк: йăванас пек курăнать.
Пÿрт çĕрсе шăтса пĕтнĕ, кĕтессисем чалăшнă.
Çие çĕрсе курăк ÿстернĕ; кивĕ хапхи йăваннă,
Юписем кăна чалăшса пĕчченех тараççĕ.
Чÿречесене тутăр татăкисем вĕçкелеççĕ.
Кам килĕ-ши ку? Мĕншĕн ку тĕрлĕ юхăннă-ши?

Итлĕр… Кунта чухăн çын пурăнать.
Йывăр пурăнăçпа пуснăскер, çакăнта тарăхать…
Ак сивĕ хĕл… Сивĕ çил чарăнмасăр вĕрет,
Çак çĕтĕк пÿрте витĕрех кайса сивĕтет.
Миçе çултанпа пÿрт тăвас тесе пурăнать,
Анчах ĕмĕтне çитереймест; хăй шухăшлать:
«Мĕн тăвас? Çитмен пурăнăçпа пурăнса,
Виличчен пурăнсан та, пÿрт туса
Хĕлле ăшă çĕрте шăм-шаккăма кантараймăп,
Аван пурăнăçпа пĕр кун та пурăнаймăп.
Эх-хэх-ха, ай-аяй, пулмарĕ, çаплах вилĕп.
Чухăн пурăнăçпах тупăка кĕрсе ÿкĕп…»
Çапла хăй, мĕскĕн, чылайччен шухăшласа ларать,
Вăл темĕн ĕнтĕ çур çĕр те çитсе пырать –
Çывăрма вăхăт. Çĕтĕк тум-тирĕпе чĕркенет.
Мĕскĕн… сивĕ, ав епле вăл чĕтĕрет…
Хуйхăллă сывларĕ те кăмака çине улăхрĕ,
Тум-тир такисемпе витĕнсе выртрĕ.
Çыврас тет – ыйхă пĕрре те килмест,
Хурлăхлă пурăнăç шухăши пуçран каймасть.
Марьере çил кичемлĕн уласа йĕрет,
Чухăн ĕççынни ăна шухăша кайса итлет.
Çил улăшать…
Çил ăна шеллесе йĕнĕ пек туйăнать,
Çил йĕнине итлесе тĕлĕрсе каять.

1908

↓ ↓ ↓

Малаллийĕ пĕлтерÿ хыççăн


VulaCV.com

2019 çулхи юпа 31-мĕшĕнче VulaCv WordPress платформине куçнăранпа 7 çул тулчĕ… 2020 çулăн Март уйăхĕнче вара пирĕн домен VulaСV.com пулса кĕскелчĕ.

– VulaCv, Вула чăвашла редакцийĕ

Сайта кĕртнĕ çĕнĕ текстсем:

↓ ↓ ↓

Малаллийĕ

Шухăшăра пĕлтерĕр

Fill in your details below or click an icon to log in:

WordPress.com Logo

WordPress.com аккаунчĕпе усă курса комментари çыратăр. Çырăнса тухса /  Улăштарас )

Google фото

Google аккаунчĕпе усă курса комментари çыратăр. Çырăнса тухса /  Улăштарас )

Twitter picture

Twitter аккаунчĕпе усă курса комментари çыратăр. Çырăнса тухса /  Улăштарас )

Facebook фотойĕ

Facebook аккаунчĕпе усă курса комментари çыратăр. Çырăнса тухса /  Улăштарас )

Connecting to %s

Ку сайт спамсене сахаллатмашкăн Akismet-па усă курать . Комментари даннăйĕсен обработки çинчен тĕплĕнрех пĕлĕр.