Николай Шупуççынни: Маттурлăхăм


Николай Шупуççынни

Николй Шупуççынни хресчен çемйинче ÿснĕ, Чĕмпĕрти чăваш шкулĕнче вĕренме пуçланăскере ăна ытти ачасемпе пĕрле революци юхăмне хутшăннăшăн кăларса янă. Çапах та учитель пулма вĕренсе пĕтерет. Революци хыççăн писательсен союзне ертет, тĕпчев институчĕн директорĕ пулса ĕçлет… Тĕплĕнрех →



* * *

Матурлăхăм,
Саттурлăхăм,
Хăш вырăнта
Пусăрăнтăн?

Яштак пĕвĕм,
Кăтра çÿçĕм,
Кам умĕнче
Хуçăлтăн?

Хĕрлĕ питĕм,
Шурă çийĕм,
Мĕншĕн каплах
Хуралтăн?

Хаяр чĕрем,
Кĕлеткемрен
Мĕншĕн каплах
Тапрантăн?

Пÿлĕх пÿрсен,
Турă тавăрĕ,
Хĕвел пекех
Çавăрса.

Киле çитсен.
Сассăм юрлĕ,
Саркайăк пек
Савăнса.

Эх, аттиçĕм,
Эх, апиçĕм,
Сирĕн ума
Тăрăттăм,

Сире савса
Пуçа сулса,
Чунтан-ăшран
Пуплĕттĕм.

Атте пÿрчĕ –
Сарă пÿртре
Саркаланса
Ларăттăм;

Пĕтĕм пĕлĕш
Умне тăрса
Касак ташши
Ташлăттăм.

Ах, чунăмçăм,
Шух чунăмçăм,
Хăш вырăнта
Пусăрнăн?

Икĕ куçăм,
Шăрçа куçăм,
Мĕскер курса
Тăрăнăн?

Хура утсем
Туртара мар,
Çапах тупă
Туртаççĕ.
Аллăм-урам
Тăлăллă мар,
Çапах çыншăн
Утаççĕ.

Шухăшласан
Шуралатăп,
Хĕрсе кайсан
Хĕрелеп.

Кулянсан та
Кулса ярап,
Хуйхăрсан та
Юрлатăп.

Эх, тăвансем,
Эх, юлташсем,
Хăш чух мана
Астăвăр;
Турă умне
Кĕлле тăрсан,
Ман чуншăн та
Кĕл тăвăр.

1914 , октябрь, Саратов

Шухăшăра пĕлтерĕр

Fill in your details below or click an icon to log in:

WordPress.com Logo

WordPress.com аккаунчĕпе усă курса комментари çыратăр. Çырăнса тухса /  Улăштарас )

Google фото

Google аккаунчĕпе усă курса комментари çыратăр. Çырăнса тухса /  Улăштарас )

Twitter picture

Twitter аккаунчĕпе усă курса комментари çыратăр. Çырăнса тухса /  Улăштарас )

Facebook фотойĕ

Facebook аккаунчĕпе усă курса комментари çыратăр. Çырăнса тухса /  Улăштарас )

Connecting to %s

Ку сайт спамсене сахаллатмашкăн Akismet-па усă курать . Комментари даннăйĕсен обработки çинчен тĕплĕнрех пĕлĕр.