Іисус Христоса ђиркĕве илсе пыни


Симеон Сергеев ( Симеон Сергѣевъ ) — … Тĕплĕнрех→


Іисус Христоса ђиркĕве илсе пыни

Ашшийĕн Ывăлийĕн, Святой Сывлăшийĕн йађĕпе.

Савнă тăванăмсем! Епир пайан Іисус Христоса ђиркĕве илсе пынине асăнса праçник тăватпăр. Іисус Христос çурални хĕрĕх кун çитсен, Амăшĕ Ăна, закон хушнă тăрăх, Іерусалим ђиркÿне илсе пынă. Вăл вăхăтра Іерусалимре Симеон йатлă таса пурăнăçлă ватă çын пурăннă. Ăна Турă: есĕ Христос Турра курмасăр вилмĕн, тенĕ. Симеон Святой Сывлăш пĕлтернипе ђиркĕве пынă. Вăл Іисуса хăй алли çине илнĕ те, каланă: ей Туррăм! халĕ ĕнтĕ мана, хăвăн ђуруна, ху каланă пек, канăçлантарса йаратăн: Есĕ пур халăхсенĕн куçĕ умĕнђе хатĕрленĕ çăлăнăçа, суйа тĕнлисене çутатас Çутта, Хăвăн Израил халăхĕшĕн мухтавне манăн куçăмсем курмĕç ĕнтĕ, тенĕ.

Тăванăмсем, Симеон вилĕме мĕнле ђунтан кĕтсе тăнă. Вăл: ей Турă, Сана куртăм ĕнтĕ, халĕ канăçланса вилетĕп, тет. Симеон пĕтĕм пурăнăçне таса пурăнса ирттернĕ; вилсен канăçлă ĕмĕрлĕх пурăнăçа кĕрессе ђунтан кĕтсе тăнă. Çавăнпа вăл вилĕмрен пĕртте хăраман. Савăнса леш тĕнђене куçасшăн, ĕмĕрлĕхе Турăпа пĕрлешесшĕн çуннă. Ытти святой çынсем те, Симеон пекех, вилĕме савăнса кĕтсе пурăннă. Вĕсем çĕр çинђи йапаласемшĕн пĕртте тăрăшман; çĕр çинђи пуйанлăха, ђапа, мухтава шыраман; пĕр Христос Турăпа пĕрле анђах пурăнма тăрăшнă. Пĕтĕм ђунĕсемпе Ун йенелле сулăннă, мĕн пурне Турă мухтавĕшĕн тунă; леш Тĕнђере ĕмĕрлĕхе канăçлăх тупасса кĕтсе пурăннă. Çавăнпа святой çынсем вилĕмрен хăраман, ăна савăнса кĕтсе тăнă. Хăшĕ-хăшĕ хăйсен пурăнăçĕсене хĕрхенмесĕр, хăйсене хăйсем вилĕме тыта-тыта панă.

Пирĕн те, тăванăмсем, таса çынсем пек, вилĕме кĕтсе тăма тăрăшас пулат̌. Халĕ пире вилĕм питĕ хăрушă пек туйăнат̌. Вăл епир çылăхлă пурăннинђен килет. Ђăнахах, Турă çырăвĕнђе каланă пек, çылăхлă çыннăн вилĕмĕ хăрушă, вăл ăна ĕмĕрлĕх асапа илсе кайат̌. Пирĕншĕн вилĕм савăнăç пултăр тесен, пирĕн, Турă хушнă пек, пурăнмалла. Тăванăмсем, çамрăккисем те, ваттисем те, таса пурăнма тăрăшар. Çамрăксем: ватăлсан тăрăшăпăр-ха, тесе ан калăр. Епир хамăр хăçан ÿксе вилессине пĕлместпĕр. Вилĕм ура айĕнђех, теççĕ. Кĕтсе, хатĕрленсе тăман ђух вилĕн те, вара мĕн парса çăлăнăн? Христос каланă: нимĕнле хак парса та хăтăлаймăн, тенĕ. Çавăнпа пирĕн халĕ хамăр ђĕрĕ ђухне тăрăшас пулат̌. Епир те вара, таса Симеон пек, вилĕме савăнса кĕтсе илĕпĕр. Вилсен ĕмĕрлĕх пурăнăç тупăпăр. Унта ангелсемпе, мĕн пур святой çынсемпе пĕрле ĕмĕр ĕмĕрĕх савăнса пурăнмалла пулăпăр. Амин.

↓ ↓ ↓ Маллаллийĕ пĕлтерÿ хыççăн ↓ ↓↓

Турă чăвашла калаçать. Библи тата Иисус Христос тĕнĕпе çыхăннă текстсене вулăр.

Канлĕ пултăр тесе, унччен тĕрлĕ вăхăтра хут çине çапса кăларнă текстсене сайта пухса тăратпăр. Чăвашла Библи кунта туллин пур.

Христос тĕнĕпе çыхăннă çĕнĕ текстсем:

↓↓↓ Маллали ↓↓↓

Шухăшăра пĕлтерĕр

Fill in your details below or click an icon to log in:

WordPress.com Logo

WordPress.com аккаунчĕпе усă курса комментари çыратăр. Çырăнса тухса /  Улăштарас )

Google фото

Google аккаунчĕпе усă курса комментари çыратăр. Çырăнса тухса /  Улăштарас )

Twitter picture

Twitter аккаунчĕпе усă курса комментари çыратăр. Çырăнса тухса /  Улăштарас )

Facebook фотойĕ

Facebook аккаунчĕпе усă курса комментари çыратăр. Çырăнса тухса /  Улăштарас )

Connecting to %s

Ку сайт спамсене сахаллатмашкăн Akismet-па усă курать . Комментари даннăйĕсен обработки çинчен тĕплĕнрех пĕлĕр.