Григорій Бого­слов Кунĕ Каламалли


Андрей Меценатов — Хусанти миссионер курсĕнче вĕреннĕ священник. … Тĕплĕнрех→


Григорій Бого­слов Кунĕ Каламалли

Кăрлач 25-мĕшĕ

Пайанхи кун епир, тăвансем, святой Григорій Бого­слова асăнса праçник тăватпăр. Григорій Богословăн пурă­нăçĕ акă йепле пулнă.

Епир хисеплесе асăнакан святой Григорій Богослов Назіанз йатлă хулара çуралнă. Унăн ашшĕ Григорій, амă­шĕ Нонна йатлă пулнă. Григорій Богословăн ашшĕ Назі- анзра малтан священник пулса пурăннă, унтан, çав хула­рах, архіерей пулса халăха пăхса тăнă. Григорій Бого­словăн амăшĕ, Нонна, питĕ ырă кăмăллă хĕр-арăм пул­нă; Турăран хăраса, Вăл хушнине итлесе пурăннă. Вăл ывăлĕ çуралађђенех ăна Турра парăп тесе сăмах панă. Çавăнпа Нонна Григорій çуралсан, унăн ђунне çамрăк­лах, йепле те пулсан, Турăран хăраса пурăнма вĕрентнĕ. Амăшĕ, пĕр майах тăрăшса вĕрентсе тăнипе, Григорій пĕђĕкçĕлех питĕ ăслă ађа пулса ÿснĕ. Григорій çамрăклах çырăва вĕренесшĕн пулнă. Çавна кура, ăна ашшĕпе амă­шĕ Кесарія хулинђи шкула вĕренме панă. Унтан тухсан Григорій Александріяра вĕреннĕ, йулашкинђен Аѳиныри аслă шкулта вĕренсе тухнă. Аѳиныра вĕренсе тухсан, Гри­горій киле тавăрăннă,—нимĕнле вырăна та кĕресшĕн пул­ман. Григорій ăн-шухăшĕ йаланах Турă çинђе пулнă, Ăна пĕр майах кĕл-туса пурăннă. Пушă вăхăтра Турă çы­рăвĕнђе çырнă кĕнекесене вуланă, хăй те пайтах халăха вĕрентсе каламалли сăмахсем çырнă. Çапла пăртак пурăн­сан, Григорій пушă хире кайнă та, хăйĕн йулташĕпе, Ва­силій Великійпе, ђилай вăхăт пурăннă. Пушă хирти пу­рăнăçа Григорій хăйĕн ĕмĕрĕнђи ђи лайăх вăхăт тесе шу­хăшлат̌. Унăн ашшĕ пурăннăçемĕн ватăлса пынă, вăйĕ сахалланса килнĕ. Çавăнпа вăл ывăлне хăйне пулăшма тесе пушă хиртен ђĕнсе тавăрнă. Назіанза тавăрăнсанах, ăна ашшĕ священнике кÿртнĕ. Пăртак пурăнсан Ва­силій Великій Григорійе Сасим йатлă хулари архіерей туса хунă. Григорій унта халăха лайăх вĕрентсе пурăнаймăн тесе вăл йывăр ĕçе хăй çине илесшĕн пулман. Çав шухăш­па вăл Сасим хулине пăрахса ашшĕне пулăшса пурă­нас тесе Назіанз хулине тавăрăннă. 374 çулта унăн ашшĕ вилнĕ; ун хыçĕнђен амăшĕ те нумайах пурăнайман. Ашшĕ вилсен, Григорій ђилайђђен унăн ĕçне тăрăшса ĕçлесе тăнă. Хытă тăрăшса ĕçленипе Григорій ђирлесе кайнă. Сывалсан вăл пушă хире каллех кайнă та, виçĕ çула йа­хăн пĕђђенех Турра кĕл-туса пурăннă, Григорій Богослов пушă хирте халăхран пытанса ĕмĕрне ирттереймен. Константинопольре çав вăхăтра архі­ерей вырăнĕ пушă пулнă. Халăх вăл ђиркÿсемшĕн тăрăш­са пурăнассине питĕ ырă пĕлсе тăнă. Çавăнпа та Григорійе Константинополе пăхса тăма пушă хиртен ђĕнсе та­вăрнă. Григорій архіерей пулса тăнă вăхăтра ђиркÿсем­шĕн питĕ нумай тăрăшнă. Суйа тĕне вĕрентекен çынсемпе те нумай ђăн тĕншĕн тавлашнă. Григорій хăйĕн пурăнă­çĕнђе темĕн ђухлĕ ырă ĕçсем тунă, вĕсене пĕтĕмпех кун­та каласа та пĕтерес çук. Халăха ырă кăтартас тесе, вăл хăйĕн пурăнăçне те хĕрхенмен. Ватăлса çитерехпе Григо­рій Богослов хăй çуралнă хулана кайнă. Унта хăйĕн ĕмĕрĕнђи йулашки кунĕсене типĕ тытса, Турра йаланах кĕл­туса ирттернĕ. Григорій Богослов 389 çулта вилнĕ. Хри­стосăн таса ђиркĕвĕ ăна пайанхи кун асăнат̌.

Ей святой Григорій атте! Пире, хăвăн ђурусене, ху пек пурăнма вĕрент. Пирĕншĕн, çылăхлă çынсемшĕн, Тур­ра кĕл-ту; Санăн кĕллÿ тăрăх Вăл пирĕн ђунсене çăлин-ђђĕ. Амин.

↓ ↓ ↓ Маллаллийĕ пĕлтерÿ хыççăн ↓ ↓↓

Турă чăвашла калаçать. Библи тата Иисус Христос тĕнĕпе çыхăннă текстсене вулăр.

Канлĕ пултăр тесе, унччен тĕрлĕ вăхăтра хут çине çапса кăларнă текстсене сайта пухса тăратпăр. Чăвашла Библи кунта туллин пур.

Христос тĕнĕпе çыхăннă çĕнĕ текстсем:

↓↓↓ Маллали ↓↓↓

Шухăшăра пĕлтерĕр

Fill in your details below or click an icon to log in:

WordPress.com Логотипĕ

WordPress.com аккаунчĕпе усă курса комментари çыратăр. Çырăнса тухас /  Улăштарас )

Twitter picture

Twitter аккаунчĕпе усă курса комментари çыратăр. Çырăнса тухас /  Улăштарас )

Facebook фотойĕ

Facebook аккаунчĕпе усă курса комментари çыратăр. Çырăнса тухас /  Улăштарас )

Connecting to %s

Ку сайт спамсене сахаллатмашкăн Akismet-па усă курать . Комментари даннăйĕсен обработки çинчен тĕплĕнрех пĕлĕр.