Тарас Кириллов: Ху халăхна ан хурла


Тарас Кириллов


Ху халăхна ан хурла

(«Çывăхри ял-йышсем» поэмăран)

Ĕçсĕр ан пул, урă пул,
Табак ан турт, ĕçлĕ пул.
Ĕçлемелли вăхăтра
Табак туртса ан ирттер.
Çынсенчен табак ыйтса –
Хăвăнтан ан йĕрĕнтер.
Ĕçкĕпеле ăс ярса
Ху кил-йышна ан йĕрттер.
Çиме ларсан, ăсра тыт:
Тĕнчере, çĕршыв çинче,
Санран чухăнни нумай.
Ху умăнти çимĕçÿ
Ху ĕçленипе пултăр.
Ĕçсе-çисе çимĕçсем
Ÿсчĕр хамăр пахчара.
Ана-çаран юсанма
Çуллен ĕçле пĕр алпа:
Пăхнăн тхман çĕр-шывран
Усă нумай курма çук.
Ютра курнă япала
Ÿлĕм пултăр хамăрта.
Кирек ăçта кайсан та,
Ху халăхна ан хурла.
Кирек ăçтан килсен те,
Халăхушăн усă кÿр.
Эпир чăваш, пĕр ухмах,
Тесе апла ан хурла.
Туррăн хура халăхне
Хурламашкăн юрамасть.
Санăн чĕлхÿ авантан,
Начар тесе ан кулян.
Çыннăн ырă пуласси
Ырă кăмăлтан килет.
Ырă, ăшă кăмăла
Ырă сăмах палăртать.
Кирек мĕнле чĕлхе те
Ку таранччен пурăнать.
Çухаласси тахăçан:
Ана кĕтсе пурăнсан.
Ху чĕлхуна ху мансан,
Кая юлăн выльăхран,
Вĕçсе çÿрен кайăкран.
Шăпчăк юрлать шăпчăкла,
Куккук тата куккуклать,
Путенесен те юрри пур, –
Çĕр çинчи пур кайăксен
Харпăр хайĕн юрри пур –
Кам вĕсене хупăрлать,
Хăйсем пĕлнĕ юррине
Кам вĕсене мантарать? –
Вĕт никам та мантармасть.
Çаван пекех çынна та
Мантариччен нумайрах
Вĕрентмешкĕн çулне уç.
Калаç, вĕрен, ăса кĕр,
Ырă, канлĕ пурăнма
Пулăш пултăр пĕлнинчен.

1915

Шухăшăра пĕлтерĕр

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.