Октябрь Ачисем
Утар, утар пĕр харăссăн,
Октябрь ачисем!
Хĕвел шевли пек харсăрлăх,
Çиçсем, çиçсем, çиçсем!
Пыратпăр ак урам тăрăх,
Умра — хĕрлĕ ялав.
Хытрах, атьсемĕр, янтăрăр,
Çĕнетĕр кив яла!
Эпир çĕнĕ пăлхавăрăн
Чăн ывăль-хĕрĕсем.
Пур хапрăк-савăт — хамăрăн,
Тăраççĕ кĕрлесе.
Мĕнпур тĕнчен пархатăрĕ,
Мĕнпур телей — пире!
Урхамах пек тракторĕ
Çĕмĕрттерет хире.
Йÿçет тăшман кĕвелĕкĕ,
Тăшман çилли урать.
Çурхи кунсен хĕвелĕ пек
Çиçер çапăçура!
Утар ударлăн, харăссăн,
Атьсемĕр, малалла!
Хĕвел шевли пек харсăрлăх
Эпир кăлармалла!
Пыратпăр ак урам тăрăх,
Умра — хĕрлĕ ялав.
Хытрах, атьсемĕр, янтăрăр,
Çĕнетĕр кив яла!
1928
Вула Чăвашла 