Гаврил Кореньков: Юрă


Гаврил Кореньков


 Юрă

Пырса кĕтĕм çуркунне
Çамрăк çĕмĕрт вăрманне,-
Пурте чечек çураççĕ;
Икĕ çĕмĕрт хăраççĕ.

Мĕншĕн вĕсем çуралман,
Мĕншĕн вĕсем хăраççĕ?
Ватă çĕмĕрт уссăртан
Икĕ çамрăк хăраççĕ.

Пырса кĕтĕм çуркунне
Çамрăк улма пахчине, —
Пурте чечек сараççĕ;
Ик улмуççи хăраççĕ.

Мĕншĕн вĕсем çурăлман,
Мĕншĕн вĕсем хăраççĕ?
Тымар тăпри хытăран
Икĕ çамрăк хăраççĕ.

Пырса кĕтĕм çуркунне
Чие çырли пахчине, –
Пурте чечек çураççĕ;
Икĕ чие хăраççĕ.

Мĕншĕн вĕсем çурăлман,
Мĕншĕн вĕсем хăраççĕ?
Айра тăпра шывсăртан
Икĕ çамрăк хăраççĕ.

Пырса кĕтĕм çуркунне
Ялти çамрăк ушкăнне, –
Пурте йăл-йăл кулаççĕ;
Икĕ çамрăк макраççĕ.

Мĕншĕн вĕсем кулайман,
Мĕншĕн вĕсем макраççĕ?
Килти ватă ăссăртан
Икĕ çамрăк макраççĕ!

1916

Шухăшăра пĕлтерĕр

Fill in your details below or click an icon to log in:

WordPress.com Logo

WordPress.com аккаунчĕпе усă курса комментари çыратăр. Çырăнса тухса /  Улăштарас )

Google фото

Google аккаунчĕпе усă курса комментари çыратăр. Çырăнса тухса /  Улăштарас )

Twitter picture

Twitter аккаунчĕпе усă курса комментари çыратăр. Çырăнса тухса /  Улăштарас )

Facebook фотойĕ

Facebook аккаунчĕпе усă курса комментари çыратăр. Çырăнса тухса /  Улăштарас )

Connecting to %s

Ку сайт спамсене сахаллатмашкăн Akismet-па усă курать . Комментари даннăйĕсен обработки çинчен тĕплĕнрех пĕлĕр.