Гаврил Кореньков: Савăн


Гаврил Кореньков


Савăн

Савăн,
Сурпансене хывтарса,
Чăваш майра тăвакан;
Учителе пăрахса
Ваккатланса пурнакан!

Савăн,
Кĕлентĕрсем тайтарса
Эрех-сăра сутакан,
Тутарсене пуçтарса
Маткуннĕпе пуякан!

Савăн,
Çемçе тÿшек саракан,
Выртсан – шăмма ватакан!

Савăн,
Чире персе ывăлна
Салтак панчен çăлакан;
Халăх пĕлмен анана
Куштансемпе акакан!

Савăн,
Иуда пек чуптуса
Учительна сутакан;
Петĕм яла пăлхатса
Хăвах таса пулакан!

Савăн,
Эрех ĕçсе пехлине
Этем шутне кĕртекен;
Тÿр çын пырас сукмакне
Чакаласа кÿлекен!

Санран сиен тухнăран
Кунлен сана аслăлар;
Сан урлă хĕн курнăран
Куççулĕпе кĕлтăвар:
Дай бог сана вăрманта
Юман çапса ÿкерме!
Дай бот ватлас кун-çулта
Ачу тытса пĕçертме!
Дай бог çырма ларнă чух –
Ие тыттăр аллуна!
Дай бог суда кайнă чух –
Шур илтĕрех сан куçна!

1908

Шухăшăра пĕлтерĕр

Fill in your details below or click an icon to log in:

WordPress.com Logo

WordPress.com аккаунчĕпе усă курса комментари çыратăр. Çырăнса тухса /  Улăштарас )

Google фото

Google аккаунчĕпе усă курса комментари çыратăр. Çырăнса тухса /  Улăштарас )

Twitter picture

Twitter аккаунчĕпе усă курса комментари çыратăр. Çырăнса тухса /  Улăштарас )

Facebook фотойĕ

Facebook аккаунчĕпе усă курса комментари çыратăр. Çырăнса тухса /  Улăштарас )

Connecting to %s

Ку сайт спамсене сахаллатмашкăн Akismet-па усă курать . Комментари даннăйĕсен обработки çинчен тĕплĕнрех пĕлĕр.