Уяв Юрри
• Суя тĕн
Ялавăмăр — çулăм,
Ялавăмăр — вут.
Кам тарлă кунçуллă —
Тÿрех унпа ут!
Вăл çăлăнăç панă,
Вăл хывнă чăн çул.
Никамăн ылханĕ
Ăна çитес çук.
Кам пусмăрлăх, хурлăх
Кунне курнисем —
Çĕршыв, ирĕк, пурлăх
Туянчĕç вĕсем.
Кĕрлет хапрăк-савăт,
Шавлать çеçенхир.
Пурте — пирĕн шав вăл,
Пурте вăл — эпир.
Патшасăр, улпутсăр
Çак çĕнĕ çĕре
Ĕçри революци
Пиллерĕ пире.
Кам тарлă кунçуллă —
Çавна çех тĕнче!..
Улать вут та çулăм
Мĕнпур çĕр çинче.
1930
Вула Чăвашла 