Митта Ваçлейĕ: Уяв Юрри

Уяв Юрри

• Суя тĕн

Ялавăмăр — çулăм,
Ялавăмăр — вут.
Кам тарлă кунçуллă —
Тÿрех унпа ут!

Вăл çăлăнăç панă,
Вăл хывнă чăн çул.
Никамăн ылханĕ
Ăна çитес çук.

Кам пусмăрлăх, хурлăх
Кунне курнисем —
Çĕршыв, ирĕк, пурлăх
Туянчĕç вĕсем.

Митта Ваçлейĕ: Утаман

Утаман

• Этеме турă вырăнне хуни

Ахăрать, кăтăрать тинĕс шывĕ,
Темĕнле тытăçать пĕрмаях.
Инçетре…
Инçетре…
Ах, мĕн-ши вăл?
Те — телейлĕ хĕвел, те — маяк?

Инçетре…
Инçетре…
Ах, мĕскер вăл?
Ах, мĕскер вутланать тинĕсре?
Нимĕн те мар ăна хум кисревĕ,
Сÿнтереймĕ ăна нимĕскер…

Митта Ваçлейĕ: Улăхра

Улăхра

• Суя тĕн
• Этеме турă вырăнне хуни

Куçăмсен умĕнче аслă улăх
Атăл евĕр сиксе ыткăнать.
Улăх, улăх!
Мĕн чул санăн пурлăх,
Мĕн чул ырлăх сана пăхăнать!

Улăх, улăх!
Хитре эс, ятуллă,
Ешĕл тум сан — савнин улани.
Ахаль мар
Çав тери юратуллă
Сан çине куç хывать
Ял ачи.

Сайфи Кудаш: Икĕ Сăвă

1

Этем, ан хурлан
Ĕмĕрÿ кĕскерен;
Ĕçÿ сыв пулсан:
Эс вилсен те вилмен.