Çеçпĕл Мишши: Чăн чĕрĕлнĕ


Çeçпĕл Мишши – поэт, коммунист партийĕн агитаторĕ, революци трибуналĕсен Чăвашри ертÿçи, Украинăра çакăнса вилет. Чăваш поэтикинче унăн вырăнĕ уйрăмах пĕлтерĕшлĕ, мĕншĕн тесен вăл çĕнĕ жанрпа традици хывать… Тĕплĕнрех →


Çеçпĕл Мишши


Чăн чĕрĕлнĕ

Sijen1• Профанаци

Эй, ваттисем! Иртнĕ ĕмĕрĕре
Асап чăтса ирттернисем!
Мĕн авалтан чăваш чĕлхи
Асап чăтни аса килет-и сире.
Сире аса килет-и авалхи.
Шухăшлăр-ха! Астăвăр, ваттисем!

Чăваш çынни авал чухне
Пуçне чиксе шăппăн çÿренĕ,
Тункатаран та шикленнĕ…
Чăваш чĕлхи асап айне
Путарăннăччĕ ун чухне…

Эй, ваттисем!
Эй, ват çынсем!
Авал чăваш асаплă пулнине
Çамрăксене каласа парăр:
Тăван çĕршывăн капăр чĕлхине
Ялан савма хушса хăварăр.
Эй, ваттисем! Пĕтĕм чĕререн
Сире пиллетпĕр ыр пилпе:
Эпир асапсене парăнманнипе
Чăваш чĕлхи чĕрĕлчĕ вилĕмрен.

Кăвак хуппи пĕлĕт тăрĕнчен
Чăваш çĕрне çутатса ячĕ.
Тăван çĕршыв чĕлхи хăвачĕ
Чĕрĕлсе тăчĕ вилĕмрен.
Чăваш чĕлхи текех чухăн мар!
Чăваш чĕлхи чĕрĕлчĕ вилĕмрен.
Эй, чăвашсем! Пĕтĕм чĕререн:
— Чăн чĕрĕлчĕ! — тесе кăшкăрар.

Эсир тата, вĕри чунсем!
Кăвар чунсем, яшсем, хĕрсем!
Каç-кăç урамсене тухса,
Кĕвĕллĕ юрăсем хурса,
Тăван çĕршывăн чĕлхине
Мухтав тума манса кайман-и.
Чăваш чĕлхин хĕвеллĕ илемне
Чунтан савса тăма манман-и.

Пур çамрăксем! Çунат хушар:
Чăваш чĕлхи чĕрĕлчĕ вилĕмрен!
Эй, çамрăксем! Пĕтĕм чĕререн:
— Чăн чĕрĕлнĕ! — тесе кăшкăрар.

Тăван çĕршыв вăрманĕсем!
Чечек çеçки тăхăннă улăхсем!
Чăваш чĕлхи хăвачĕ кăмăлне
Мухтав юрри шавласа янрăр:
— Авал асап чăтнă вырăнне
Чăваш чĕлхи хăватлăлантăр!

Сĕм вăрмансем, шавласа ларăр:
— Чăваш чĕлхи чĕрĕлчĕ вилĕмрен! —
Уйсем, варсем! Вĕçе-вĕçĕмрен:
— Чăн чĕрĕлнĕ! — тесе ян ярăр.
Чăваш чĕлхи текех чухăн мар!
Чăваш чĕлхи чĕрĕлчĕ вилĕмрен.
Эй, чăвашсем! Пĕтĕм чĕререн:
— Чăн чĕрĕлчĕ! — тесе кăшкăрар.

Шухăшăра пĕлтерĕр

Fill in your details below or click an icon to log in:

WordPress.com Logo

WordPress.com аккаунчĕпе усă курса комментари çыратăр. Çырăнса тухса /  Улăштарас )

Google фото

Google аккаунчĕпе усă курса комментари çыратăр. Çырăнса тухса /  Улăштарас )

Twitter picture

Twitter аккаунчĕпе усă курса комментари çыратăр. Çырăнса тухса /  Улăштарас )

Facebook фотойĕ

Facebook аккаунчĕпе усă курса комментари çыратăр. Çырăнса тухса /  Улăштарас )

Connecting to %s

Ку сайт спамсене сахаллатмашкăн Akismet-па усă курать . Комментари даннăйĕсен обработки çинчен тĕплĕнрех пĕлĕр.