Митта Ваçлейĕ: Тăвалла Марш

Тăвалла Марш

Чăнкă çул.
Тумхах та тăвалла.
Çак вăл пирĕн çул —
Ĕççамрăк çулĕ.
Пĕр пăхсан —
Çÿçпуç йăлт тăмалла,—
Тен, чылайăшĕн çаплах та пулĕ?

Митта Ваçлейĕ: Мĕншĕн

Мĕншĕн

(Агротакмаксем)

Пăри терĕм — акăнчĕ,
Сĕлĕ терĕм — сапăнчĕ.
Шăтрĕ тухрĕ хуп-хура
Ăшçунтармăш хытхура.
— Мĕншĕн?
Евит пултăр халăха:
Тасатманччĕ вăрлăха.

Митта Ваçлейĕ: Чăнах-и

Чăнах-и?

Ана çинче хытхура,
Пирĕн ялта сас-хура:
Эй, тусăм Çинахви,
Эс кахал теç, чăнах-и?

Колхоз хирте вырмара,
Çинук килте — выртмара.
Эй, тусăм Çинахви,
Çак сăмах та чăнах-и?

Митта Ваçлейĕ: Анатри Юрă

Митта Ваçлейĕ

---

Ман пурлăхăм чух, пин ылтăнăм çук,
Нумай кирлĕ мар тăван пĕрле чух.

Нумай та пĕтет, сахал та çитет,
Тату пурнăçа элле мĕн çитет?

Çеçпĕл Мишши: Чăн чĕрĕлнĕ

Çeçпĕл Мишши – поэт, коммунист партийĕн агитаторĕ, революци трибуналĕсен Чăвашри ертÿçи, Украинăра çакăнса вилет. Чăваш поэтикинче унăн вырăнĕ уйрăмах пĕлтерĕшлĕ, мĕншĕн тесен вăл çĕнĕ жанрпа традици хывать… Тĕплĕнрех →

---

Çеçпĕл Мишши

---

Чăн чĕрĕлнĕ

• Профанаци

Эй, ваттисем! Иртнĕ ĕмĕрĕре
Асап чăтса ирттернисем!
Мĕн авалтан чăваш чĕлхи
Асап чăтни аса килет-и сире.
Сире аса килет-и авалхи.
Шухăшлăр-ха! Астăвăр, ваттисем!