Митта Ваçлейĕ: Элеги

Элеги

Савнă Ульхана

Каясси ман каллех — вăрăм çул,
Курасси ман каллех — темĕн чул…
Тусăм, тусăм, мĕн пулчĕ? Мĕн килчĕ?
Тĕрĕс-тĕкĕл пурнар тенĕ чух,
Ак каллех уйрăлмашкăн тĕл килчĕ…

Митта Ваçлейĕ: Тав сана

Тав Сана!

Петĕр Хусанкая

Кам тÿссе ирттерчĕ çынпа тан,
Кам ырра усал теме хăймарĕ,
Усала айваннăн пуç таймарĕ,
Çав калатăр пĕтĕм кăмăлтан:
Çамрăк ĕмĕр харама каймарĕ.

Митта Ваçлейĕ: Атăл Юрри

Çилпи хĕрĕме

1

Ачаш ача пек Атăл ирхине:
Ăш çил лăпкать, вăл тутлăн анаслать…
Вăран, савни! Уç чатăр аркине,
Малъен санах хаваслăн саламлать!

Митта Ваçлейĕ: И мĕн пуян?

И мĕн пуян, тăванăм?
Сывлăх пуян.
Сывлăх çул памасăр çта каян?

И мĕн пуян, тăванăм?
Туслăх пуян.
Пин ылтăн мар, пин тус эс туян.

Сенкер май

Сергей Есенин

---

Сенкер май. Çутă шуçăм ăшши.
Сас памасть кил хапхи — калăн, çĕмрĕк.
Сывлăшра — йÿçĕ эрĕм шăрши.
Ыйăхра — шурă шупăрлă çĕмĕрт.
Урмăш уйăх кăвак кантăкран
Тирĕнсе шăтăкла каркăç витĕр
ÿкерет урайне аякран
Эрешсем — тĕлĕнтермĕшсем питĕ.
Сад шур кăпăк пек кăпăш, кăтра.
Ун çинче тăп тăрать кĕмĕл уйăх.

 

Г. Ефимов куçарнă

Генри Лонгфелло: Гайавата Юрри

Гайавата Юрри

The Song of Hiawatha

---

Эпикăлла поэмăн сыпăкĕ

VII. Hiawatha’s Sailing

Шурă хурăн, шурă хурăн,
Шурă шупăрна хывам-и,
Сарă кимĕ эп тăвам-и?
Сар чечеклĕ сарана[i] пек
Сарăлса ишсе çÿретĕр.

Çемен Мрес: Салтак çырăвĕ

Çемен Мрес — учитель, халăх йăли-йĕрки çинчен сăвă çырать. Ача чухнех чире пула хăрах урисĕр инвалида юлать. Пăлхава хутшăннăшăн ăна шкултан кăларса яраççĕ. Çапах та кайран вăл учитель ятне илет, ĕмĕр тăршшĕпех тăван таврари шкулсенче ĕçлет… Тĕплĕнрех→

---

Салтак çырăвĕ

Атте, анне, сире
Раштав çитнĕ çĕре
Яратăп эпĕ салам.
Пичче, инке, итлĕр:
Салам манран эсĕр
Ку çырура ан кĕтĕр.
Ман мăшăрăм – арăм,
Сана прахса карăм
Çулталăкран салтака.
Сана эпĕ юратса,
Хам сăнăма ÿкерсе
Çак çырупа яратăп.