Курак

Георгий Орлов


Кайăксен ячĕпе календарь тăвас пулсан марта эпĕ курак уйăхĕ тейĕттĕм. Ним иккĕленмесĕр. Пирĕн таврана, Чăваш Ене, вăл шăп та лăп пуш уйăхĕн варринче таврăнать-çке. Кăнтăрта хĕл каçакан вĕçен кайăксенчен пуринчен малтан çитет, çуркунне хыпарçи лек. Килет те хăйĕн мăнă сассипе пĕтĕм яла вăратать.

Вăл вăхăтра хĕл йăтма тытăнни курăнсах каймасть-ха: урамри çул та хура мар, хĕвел питтинчи тÿпем-сĕвек те тарласа пăсланмасть. Ирпе-каçпа тата самаях сивĕ.Малаллине вулас

Çуркунне

Куçма Турхан


Çуркунне…

Таврара пур çĕрте те юр выртать-ха. Анчах вăл йăшнă ĕнтĕ, хĕвел питтинче ура йĕпенмелĕх сĕлкĕшленнĕ. Тÿпене кăн-кăвак теме çук. Типме тухса çакнă кĕпе пек, унта та кунта кăтрашка пĕлĕтсем çакăнса тăраççĕ. Çапах та тÿпе кунсеренех тăрăлса, тасалса пырать.Малаллине вулас

Чăваш сăмахĕ

Çeçпĕл Мишши – поэт, коммунист партийĕн агитаторĕ, революци трибуналĕсен Чăвашри ертÿçи, Украинăра çакăнса вилет. Чăваш поэтикинче унăн вырăнĕ уйрăмах пĕлтерĕшлĕ, мĕншĕн тесен вăл çĕнĕ жанрпа традици хывать… Тĕплĕнрех →


220px-sespel
Çеçпĕл Мишши. Чаплă чăваш поэчĕ.

Вăхăт çитĕ. Чăваш чĕлхи те тимĕр татĕ. Çивĕч пулĕ. Хĕртнĕ хурçă пек пулĕ. Вăхăт çитĕ — чăваш юрри те илтĕнсе кайĕ. Таса пĕлĕте, çут тĕнчене, хĕрлĕ хĕвеле савса юрлĕ вăл. Чăваш юрринче таса пĕлĕт çумĕнчи тăри юрри илтĕнĕ. Чăваш юрринче тинĕс хумĕ шавлĕ, вăрман чашлĕ, вĕçĕ-хĕррисĕр улăхсем симĕсленсе выртĕç. Авалхи хуйхă сасси илтĕнмĕ, телей куç умне тухса тăрĕ. Атăл хĕрри тăрăх тĕнче кĕсле сассипе янраса тăрĕ — çакă чăваш юрри пулĕ. Чăваш чĕлхи кăвар пулĕ, хĕрнĕ хурçă пулĕ!

— Çеçпĕл Мишши

↓ ↓ ↓

Малаллийĕ пĕлтерÿ хыççăн


30% чăвашла

WordPress.com-а тăван чĕлхене куçаратпăр.
VulaCV.com – ку платформăри чи анлă сайт. Чăвашла сайтсем валли çул уçса пыратпăр.

– VulaCv, Вула чăвашла редакцийĕ

Сайта кĕртнĕ çĕнĕ текстсем:

↓ ↓ ↓

Малаллийĕ

Çуркунне пуçланать

Н. Прокопьев


Васкавлăн çитрĕ чи малтан
Курак разведчик кăнтăртан.
Хĕл Мучие вăл пур вăйран
Тытса силлерĕ сухалтан.
Мăнаçлăн ларчĕ çул çине,
Тем тăршшĕ сарчĕ çунатне.
Пĕр шит пек карчĕ çăварне:
«Пуçланчĕ, — терĕ, — çуркунне».

Кэлин Груя: Пакăлти

Călin Gruia [rf]


Пакăлти

Ку ача ыттисем пекех. Вĕсенчен нимĕнпе те уйрăлса тăмасть темелле. Анчах вăл питĕ нумай калаçма юратать: кирлĕ чухне те, кирлĕ мар чухне те.

— Ÿснĕ май пакăлтатма чарăнĕ-ха, — тетчĕç ун пирки.

Анчах çак йăла унăн хăйпе пĕрлех ÿссе пычĕ. Иртен пуçласа каçченех калаçать. Хăй пакăлтатнипе никама та сиен тумасть темелле ĕнтĕ. Кахал ача та мар вăл, кирек мĕнле ĕçе тума та ухута. Анчах ĕçе тытăннă чухне вара картишĕнче кама тĕл пулать, çавсемпе пуринпе те калаçать: автанпа та, йытă çурипе те, сысна çурипе те. Тата… хăйпе хăй те калаçать! Ун пек чухне вара сухан йăранĕ çумланмасăрах юлать, лаххан шывсăрах ларать, чăх-чĕп выçах çÿрет.Малаллине вулас

А. Кăлкан: Йытăпа Кушак

Александр Кăлкан çыравçă

Александр Кăлкан – проза çыравçи, драматург. Унсăр пуçне юптарăвĕсемпе, юрă сăввисемпе тата обществăлла ĕçĕпе палăрнă çыравçă. Островский, Симонов, Шекспир хайлавĕсенчен хăшĕ пĕрне чăвашла куçарнă… Тĕплĕнрех→


Йытăпа Кушак

Кушакăн шартлама хĕл варринче
Вутти пĕтсе çитет,
Выртасчĕ кăмака çинче,
Анчах сив кирпĕч хытă чĕпĕтет!
Ăшша вĕреннĕ Кушака
Пит ырах мар-мĕн шăннă кăмака.
Тек тÿсеймест хайскер, пÿртрен тухса
Йăпăлтатма пуçлать
Йытта курса: «Салам, пускилĕм!
Ма-а вĕрен?

Малаллине вулас

Çĕр ыйхăран вăранать

Н. Матвеев


Хĕвел çÿлтен çÿле хăпарса пырать. Апрель уйăхĕн малтанхи кунĕсенчех çырмасене шыв анса тулать, пăр вырăнтан хускалать. Юртан тасалнă йывăçсен, пĕлтĕрхи йĕпе курăксен хăйне евĕрлĕ шăрши çуркунне çитнине пĕлтерет.

Хĕл каçа пухăннă юр кĕске хушăрах ирĕлсе пĕтет те кĕрлесе юхса каять. Çакăн хыççăн улăх-çаран, вăрмансем ешерме тытăнаççĕ. Кĕрен, кăвак çеçпĕлсем вăрман уçланкине асамлă юмахри пек тăваççĕ.Малаллине вулас