Митта Ваçлейĕ: Паян эпĕ хĕпĕртерĕм…


Паян эпĕ хĕпĕртерĕм…

Паян эпĕ хĕпĕртерĕм,

Çăл шыв сыпрăм йăлăмра.

Сив чĕремĕм — хытнă эрĕм —

Халь шерпетлĕ сывлăмра!

 

Çамрăк юнăм ак ташларĕ

Çепĕç туппăль çуппипе.

Эп халь — пулхăр чăн яш арĕ,

Ак сикетĕп пит чипер.

 

Ĕлĕк йăшнă хал-çунатăм

Халь хĕлхемлĕн вăл хыпать…

Акă кÿчĕ çак кун Атăл

Маншăн чаплă ыр хыпар.

 

Хыпар кÿчĕ Аслă Атăл,

Килчĕ, терĕ, тăвану.

Мана çыхнă тăлă, татăл,

Ирĕк пуçăм, аван ут!

 

Хыпар ячĕ паттăр тусăм,

Тин чĕремçĕм хыт тапать.

Чаплă паттăр капкăн хуçнă,

«Сыв пул,— тенĕ,— Асхапат!..»

 

Паян эпĕ çунат хыврăм,

Çăл шыв сыпрăм пĕлĕтре.

Çамрăк пуçшăн ĕнтĕ йывăр

Пулмĕ сĕрĕм-тĕтĕре.

 

Кив поэзи тăмлă,— вантăр!

Пире кирлĕ вут чĕлхи!

Кĕмĕл лира эс, тăванăм,

Эпĕ — çиçĕм йĕс çилхи!

 

1927

Шухăшăра пĕлтерĕр

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.