Çамрăклăх
Çамрăклăх — чаплă ят,
Чап ун кивелмĕ те чакмĕ.
Çамрăк шеллемĕ вăя,
Вăй ун —
Вулканăн вучахĕ.
Чăнкă, сулмак кăкăрта
Çамрăк чĕремĕр — турбина.
Çамрăк ÿте пăхăртан
Тÿсĕм хăвачĕпе хывнă.
Çамрăклăх — çут асамат.
Çамрăклăх, теççĕ, çиçĕм.
Çиçĕм тĕнче касаймасть,
Çамрăклăх касĕ те виçĕ!
Çамрăклăх! Юррăм ман
Емĕр санпа хĕвеллентĕр.
Кам хăй çамрăк пулман —
Çавă мана ан ĕнентĕр!
1926
Вула Чăвашла 