Чее Кушак ][ Спиридон Михайлов


Спиридон Михайлов


Чее Кушак

Эпĕ сире пĕр мыскаралла ĕç çинчен каласа парам.

Пĕр мужикĕн икĕ ĕне пулнă. Пĕр ĕни унăн тем пирки чирлесе ÿкнĕ. Мужик, нумай шухăшласа тăмасăрах, ĕнине аш- какайпа сутă тăвакан патне çавăтса кайнă. Чирлĕ ĕнене вунă тенке сутнă та, килне таврăнса хут укçана çÿлĕк çинче ларакан тăм чĕлмеке хунă. Ирхине арăмĕ, укçине упăшки ăçта хунине пĕлменскер, ĕне суса кĕнĕ те, сĕтне хайхи чÿлмеке шавлаттарнă.

— Пĕтертĕн укçана, — тенĕ упăшки.

Вара вĕсем васкаса сĕтне урăх çĕре пушатнă та йĕпеннĕ укçине хăйă çине типме çакнă.

Çаксене паçăртанпах сăнаса ларакан кушак, сĕтлĕ укçана кап хыпса илнĕ те картишнелле тухса вирхĕнĕ. Хуçисем — ун хыççăн. Анчах чăрсăр кушак аçи, вĕсем хăваласа çитсе туртса иллеччен, укçана чăмласа яма та ĕлкĕрнĕ. Тĕрĕс те тунă: çапа пĕлмен пушă хуçине хăйнех пырса тивнĕ. Чирлĕ ĕнине сутса, мужик çынсене улталасшăн пулнă та – хăй улталаннă.

1858.

Advertisements

2 thoughts on “Чее Кушак ][ Спиридон Михайлов

  1. Салам!

    1) Эпĕ сире пĕр мыскаралла ĕç çинчен каласа парам

    мыскараллă пуль

    2) çÿлĕк çинче ларакан тăм чĕлмеке хунă

    чÿлмеке

    3) хăваласа çитсе туртса иллеччен

    илличчен

    ​А/А​

    2017-05-23 14:35 GMT+03:00 Вула Чăвашла :

    > armuti posted: “Спиридон Михайлов Чее Кушак Эпĕ сире пĕр мыскаралла ĕç
    > çинчен каласа парам. Пĕр мужикĕн икĕ ĕне пулнă. Пĕр ĕни унăн тем пирки
    > чирлесе ÿкнĕ. Мужик, нумай шухăшласа тăмасăрах, ĕнине аш- какайпа сутă
    > тăвакан патне çавăтса кайнă. Чирлĕ ĕнене вунă тенке с”
    >

    Liked by 1 person

  2. Тавах, сана çаксене пĕлме интереслĕ пулать:

    Мыскара+ (л)ла. Ку йăнăш мар. -(л)лă аффиксăн пĕлтерĕшĕ урăхла (-ла: урăх-ла, кулăш-ла, айван-ла).

    Ыттисем хальхи орфографи тĕлĕшĕнчен йăнăш. Спиридон Михайловăн оригиналне çĕнĕ çырулăха куçарнă чухне (ăна кивĕ çырулăхпа çырнă – кивĕлле çырнă текст тĕслĕхĕсем сайтра пур), оргинала çывăхрах пултăр тесе хăварнисем. Паянхи стандартпа ИЛЛЕЧЧЕН мар ИЛИЧЧЕН çырмаллаччĕ.

    Like

Шухăшăра пĕлтерĕр

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s