Василий Лебедев пачăшкă çемйинче çуралнă, Хусанти тĕн семинарийĕнче вĕреннĕ, хай те пачăшкă пулнă. Анчах пĕлÿшĕн çуннă пирки Петербурга медицина академинчен вĕренме кайнă, ун хыççăн Ют çĕршыв ĕçĕсен министерствинче ĕçленĕ… Тĕплĕнрех →
(Пирĕн телей)
Чăваш эпĕр пултăмăр,
Атăл патне килтĕмĕр,
Унта тăтăш лартăмăр.
Халĕ тияксам итяççĕ:
Çтан чăвашсем каяççĕ.
Эпĕр чăваш, тăтăш чăваш;
Тутар – пирĕн хурăнташ;
Пирĕн чĕлхи – чăваш чĕлхи.
— Тинĕс тĕпĕнче мĕнле чул выртать?
— Тинĕс тĕпĕнче йĕпе чул выртать-иç!
Арçынпа хĕр пасартан таврăннă. Пĕр ял витĕр тухнă чух хапха айĕнче ларакан çынсем: «Ай-яй, ку хĕрпе яш питĕ май килет», — терĕç тет. Хĕрĕ: «Çук, апла мар, ку яшăн амăшĕ ман аннен хунямăшĕ пулать», — терĕ тет.
Пасартан кампа кам таврăннă?
Хуравĕ. Ашшĕпе хĕрĕ.
Пĕр кайăк хур вĕçсе пыруçăн кайăк хур ушкăнне тĕл пулать те калать: «Аван-и, çĕр кайăк хур?» «Эпир çĕрĕн мар, çĕрĕн пулма тата çакăн чул, çакăн çурри чул, çакăн çуррин çурри чул тата ху та пирĕнпе пулмалла», — теççĕ лешсем.
Çав ушкăнра миçе кайăк хур вĕçсе пынă?
Хуравĕ. Вăтăр улттă. (36 хушас 36, хушас 18, хушас 9, хушас 1 — пулать 100.)
Пĕрин Атăл леш енчен кимĕпе кашкăра, качакана, купăста илсе каçмалла. Кимми çине пĕрерĕшне кăна илме юрать: е кашкăра, е качакана, е купăстана. Унсăрăн кимĕ путать. Анчах пĕр çыранта кашкăрпа качакана тата качакапа купăстана пĕрле хăварма юрамасть. Хăварсан хуçи çук чухне кашкăрĕ качакана е качаки купăстана çисе ярать.
Мĕнле каçармалла?
Хуравĕ. Малтан хуçи ку енне качакана илсе каçарать, унтан купăстана, купăстине хăварать те качакине каялла леш енне леçет, ăна пĕччен хăварса кашкăра ку енне каçарать. Купăстапа кашкăр юлаççĕ, вара качакана кайса илет. Акă каçарчĕ те!
Вула Чăвашла 