Геннадий Айхи ][ Туслăх çулĕ тумхахлă…

В. А.
Туслăх çулĕ тумхахлă пулсассăн,
Чун та пулĕ — татах та хĕрÿ.
Адресу сан ыран улшăнсассăн,
Улшăнма пултараймĕ — чĕрÿ.
1950

Геннадий Айхи ][ Паллах, халь Шупашкар çаплах шавлать…

Паллах, халь Шупашкар çаплах шавлать,
Çаплах ялтраççĕ Атăл хумĕсем.
Урамсенче çĕршер хунар çунать,
Çуртсем çине ÿкеççĕ шевлисем.
Ăçта эсир, телей сунан кунсем,
Мĕскершĕн вăрататăр чĕрене?
Ăçта эсир?.. Халь манăн шухăшсем
Пурте вĕçеççĕ Шупашкар енне…
1948

Александра Лазарева: Aйăп

Александра Лазарева — ача-пăча çыравçи, куçаруçă. Авиаци техникумĕнче вĕренсе тухса хĕрарăмсен пĕрремĕш эскадрильине кĕнĕ, анчах сывлăхĕ япăхланнă пирки Шупашкара куçнă. Журналсенче тата радиора редактор пулса ĕçленĕ… Тĕплĕнрех→


Сайтран:

 

«Турăçăм, чăлах пулма ан парах, çын куçĕнчен пăхмалла ан тăвах мана!» – тет калавăн тĕп сăнарĕ Елампи. Ватăлнă кинемее, «тĕн сĕрĕмне»  парăннă хĕрарăма пĕр енчен шеллесе, тепĕр енчен питлесе тухса тăратать вулакан умне религи çинчен çырма кăмăллакан Александра Лазарева.  Хăйĕн тепĕр вăрăмрах повеçĕнче тĕп геройинисенчен пĕрин çăварнĕ «Совет влаçĕ ĕмĕрлĕхех юлать. Никам та çĕнеймест ăна. Ăнланатăр-и çавна, хĕрачасем?»Малаллине вулас

Геннадий Айхи: Тĕкĕр

Верăна

Эп кĕнĕ чух тăраттăн эсĕ
Тăр шыв пек тĕкĕр умĕнче.
Эп сан куçусене тĕл пултăм
Малтан çав тĕкĕр хумĕнче.
Таса та ирĕклĕ чиперлĕх,
Илемлĕ, ырă ăраскал!..
Хуçасене ыр каç сунма та
Ун чух çитмерĕ ман вăй-хал.
Халь, тĕкĕрсем çине пăхсассăн,
Тем курăнать пек ман тĕле.
Мĕскер-ши вăл? Анчах пĕр мар-и:
Е пулĕ хурлăх, е телей!
1952

 А. Лазарева: Хула Хĕрĕ

Александра Лазарева — ача-пăча çыравçи, куçаруçă. Авиаци техникумĕнче вĕренсе тухса хĕрарăмсен пĕрремĕш эскадрильине кĕнĕ, анчах сывлăхĕ япăхланнă пирки Шупашкара куçнă. Журналсенче тата радиора редактор пулса ĕçленĕ… Тĕплĕнрех→


 

Тупмалли

1 2 3 4 5 6 7 8 9 10

Хула Хĕрĕ

(Аппа каласа пани)
Повесть

1

1 2 3 4 5
6 7 8 9 10

Ун чухне хура кĕркуннеччĕ…

Йывăçсем йăлт çаралса, хăрăмпа сĕрнĕ пек хуралса, хăрнă тĕслĕ пулса ларнă, ялан чуна савăнтармалла юрлакан чĕвĕлти кайăксем тахçанах ăшă çĕрелле вĕçсе кайнă — вĕсен сасси çук ĕнтĕ. Уй-хирсем те пуш-пушах, çав тери салху сăнлă. Хура-кăвак пĕлĕтсем вăрманти çÿллĕ юман тăррисене тĕкĕнес пекех аялтан шăваççĕ. Пĕр эрне ытла пуль таттисĕр çумăр лÿшкерĕ, урамсенче чĕркуççи таран пылчăк — ни тухма, ни кĕме çук темелле, уйри çулсем те епресе кайнă, лакăм-тĕкĕмсенче лапра шыв кÿлленсе тăрать, урапа кустăрмисем кÿпчекĕ-мĕнĕпех путаççĕ унта.

Çумăр çунă чух пĕтĕм выльăхМалаллине вулас

Геннадий Айхи ][ Çуллахи çыру

Хуллен, пуçа мĕн килнине, çыратăп,
юри сана аса илес тесе,
епле шухăшланать — çав йĕркепе.
Тулта, лутра тĕкме çумĕпеле,
пĕр вĕлтĕрен çинчен тепри çине шевле,
кăрт-кăрт йĕр ÿкерсе куçать.
Пĕр шухăш пур: çапла çыру çырасчĕ,
шухăшăма йĕркеллĕн пĕлтерсе»
пуçласчĕ: «Эп ирех паян вăрантăм,
чие тĕмне сăнарăм кантăкран,
вара сана асилтĕм. Пĕлтерем-и:
кашни сехетĕм ман çапла иртет.
Ак халĕ те: вĕлтĕренсем çинче
шевле кăрт-кăрт йĕр ÿкерсе куçать,
ман шухăшăн йĕрки пек: кунĕпе
сана аса илетĕп: тĕл пуласчĕ;
кунсем иртеççĕ; таврăн хăвăртрах».
1955