Иван Яковлев: Ача-пăча калавĕсем

Иван Яковлев

Иван Яковлев – çĕнĕ çырулăха пуçарса йĕркеленĕ вĕрентÿçĕ – сĕм тăлăх ÿснĕ. Усрава илнĕ кил-йыш ăна нумай ĕçе хăнăхтарнă, çавăнпах ĕнтĕ вăл та нумай çынна пулăшма тăрăшнă: чăваш ачисем валли шкул уçнă, учебниксем кăларнă… Тĕплĕнрех→



Ача-пăча калавĕсем

ТУПМАЛЛИ
Автан
Чакак
Сармантей
Лаша Шырани
Ĕç çинче
Чăлха çыхни
Михала
Сÿсмен хакĕ
Утăра
Вăрăмтунасемпе Старик
Пулă Сĕрни
Çил-тăвăл
Хураçка
Кахалпа юхлав
Йăлăнтарни
Кулачă
Эпĕ ÿкĕнни
Çуркунне
Вилнĕ Чĕпĕ Чĕрĕлни
Эпĕ Сехет Çĕмĕрни
Шăрчăкпа кăткăсем
Шăши
Уçăлма Тухнă Шăши Çури
Тилĕпе Тăрна
Тилĕ Тус
Кашкăрпа Путек
Йытăпа Унăн Мĕлки
Икĕ Йĕкехÿре
Сăвакан Ĕне
Хĕсĕр Ĕне
Ĕнепе Качака Таки
Укçа Уйăрни
Кашкăрпа Карчăк
Çухалнă Укçа Тупăнни
Хĕветĕр
Суеçĕ
Выртмара
Хăравçă Иван
Тăманапа Мулкачă

Автан

Пирĕн пĕр пысăк хĕрлĕ автан пур. Вăл тăр кăнтăрла урапа çине хăпарать те: «Кики-рик-ку!» – тесе авăтать. Сасси аван, хÿри илемлĕ, авăна-авăна тăрать. Кикирикки пысăк, тĕклĕ ураллă, качи вăрăм.
Сирĕн автан çапла-и?

Чакак

Чакак çулла вăрманта пурăнать, юр çусан яла пырать. Çулла вăрманта вăл чĕпĕ кăларать, ялтан çăмарта вăрласа кайса чĕпписене тăрантарать. Хĕлле, сивĕ пулсан, йывăрлăх çине ларать те: «Чак-чакак, чак-чакак», – тесе чакаклатать.

Малаллине вулас

Геннадий Айхи ][ Юрă Ăсти

Çут тĕнчери чи хÿхĕм кĕвĕсем —
Шыв шăнкăр-шăнкăрĕ, чĕкеç чĕвĕлтетни,
Шур çĕмĕрт çеçкисем çилпе пăшăлтатни —
Пĕр сасăра янрарĕç вăй илсе.
Чун йыхравне чунпа тăнламалла, —
Çапла калаççĕ сасă ăстисем.
Эсир юрланине илтес тесен,
Тен, чун та сирĕнни пек пулмалла.
1950