Давид хĕлĕхли калать. Jan de Bray, 1670.

Псалтирь


Библире Тупмалли Авалхи халал: Моисей: [ Пл | Тх | Лв | Йш | Ск | Историлле: | Нв | Тр| Рф | | | 1Пш | 2Пш | | | Ез | Нм | Ез2 | Ез3 | Тв | Иф | Эс | | | | Ăслăлăх: Ив | Пс | Ыт | Ек | Юр | Ăс | Сх | Пророксем: | Ис | Ир | Хÿ | Вх | Из | Дн | Ос | Ил | Ам | Аи | Ио | Мх | На | Ав | Сф| Аг | Зр | Мл] • Çĕнĕ халал: [Мф | Мк | Лк | Ин | Ĕç | Рм | | | Гл | Эф | Фл | Кл | | | | | Ти | Фм | Ер | Ик | | | | | | Иу | Ÿл ]


Псалтирь

«Мухтав юррисен кĕнеки»

Асăрхаттарни
VulaCv сайтĕнчи Псалмсен нумерацийĕ Грекла (Çитмĕлĕн çырнилле) мар, Масоретле.

Тупмалли (Чалăш йĕр хыççăнхи -Грекла номерĕ)
[‎1‎ | ‎2‎ | ‎3‎ | ‎4‎ | ‎5‎ | ‎6‎ | ‎7‎ | ‎8‎ | ‎9/9‎ | ‎10/9‎ | ‎11/10‎ | ‎12/11‎ | ‎13/12‎ | ‎14/13‎ | ‎15/14‎ | ‎16/15‎ | ‎17/16‎ | ‎18/17‎ | ‎19/18‎ | ‎20/19‎ | ‎21/20‎ | ‎22/21‎ | ‎23/22‎ | ‎24/23‎ | ‎25/24‎ | ‎26/25‎ | ‎27/26‎ | ‎28/27‎ | ‎29/28‎ | ‎30/29‎ | ‎31/30‎ | ‎32/31‎ | ‎33/32‎ | ‎34/33‎ | ‎35/34‎ | ‎36/35‎ | ‎37/36‎ | ‎38/37‎ | ‎39/38‎ | ‎40/39‎ | ‎41/40‎ | ‎42/41‎ | ‎43/42‎ | ‎44/43‎ | ‎45/44‎ | ‎46/45‎ | ‎47/46‎ | ‎48/47‎ | ‎49/48‎ | ‎50/49‎ | ‎51/50‎ | ‎52/51‎ | ‎53/52‎ | ‎54/53‎ | ‎55/54‎ | ‎56/55‎ | ‎57/56‎ | ‎58/57‎ | ‎59/58‎ | ‎60/59‎ | ‎61/60‎ | ‎62/61‎ | ‎63/62‎ | ‎64/63‎ | ‎65/64‎ | ‎66/65‎ | ‎67/66‎ | ‎68/67‎ | ‎69/68‎ | ‎70/69‎ | ‎71/70‎ | ‎72/71‎ | ‎73/72‎ | ‎74/73‎ | ‎75/74‎ | ‎76/75‎ | ‎77/76‎ | ‎78/77‎ | ‎79/78‎ | ‎80/79‎ | ‎81/80‎ | ‎82/81‎ | ‎83/82‎ | ‎83/82‎ | ‎85/84‎ | ‎86/85‎ | ‎87/86‎ | ‎88/87‎ | ‎89/88‎ | ‎90/89‎ | ‎91/90‎ | ‎92/91‎ | ‎92/91‎ | ‎94/93‎ | ‎95/94‎ | ‎96/95‎ | ‎97/96‎ | ‎98/97‎ | ‎99/98‎ | ‎100/99‎ | ‎101/100‎ | ‎102/101‎ | ‎103/102‎ | ‎104/103‎ | ‎105/104‎ | ‎105/104‎ | ‎107/106‎ | ‎108/107‎ | ‎109/108‎ | ‎110/109‎ | ‎111/110‎ | ‎112/111‎ | ‎113/112‎ | ‎114/113‎ | ‎115/113‎ | ‎116/114-115‎ | ‎117/116‎ | ‎118/117‎ | ‎119/118‎ | ‎120/119‎ | ‎121/120‎ | ‎122/121‎ | ‎123/122‎ | ‎124/123‎ | ‎125/124‎ | ‎126/125‎ | ‎127/126‎ | ‎128/127‎ | ‎129/128‎ | ‎130/129‎ | ‎131/130‎ | ‎132/131‎ | ‎133/132‎ | ‎134/133‎ | ‎135/134‎ | ‎136/135‎ | ‎137/136‎ | ‎138/137‎ | ‎139/138‎ | ‎140/139‎ | ‎141/140‎ | ‎142/141‎ | ‎143/142‎ | ‎144/143‎ | ‎145/144‎ | ‎146/145‎ | ‎147/146-147‎ | ‎148‎ | ‎149‎ | ‎150‎ | ‎-/151‎]

I-мĕш кĕнеке

Псалом 1

Давид псаломĕ
(1) Усал çынсенĕн канашне çÿремен, çылăхлă çынсенĕн çулĕ çине тăман, астаракан çынсенĕн пухăвĕнче ларман çын телейлĕ;
(2) вăл пĕтĕм чунĕпе Турă саккунĕ енне ăнтăлать, кунĕн-çĕрĕн Унăн саккунĕ çинчен шухăшлать!
(3) Вăл юхăм шыв хĕррине лартнă йывăç пек пулĕ: çав йывăç хăйĕн çимĕçне вăхăтĕнче пултарать, унăн çулçийĕ те шанмасть; çав çын мĕн ĕç тăвать — унăн пурте ăнса пырать.
(4) Усал çынсем — ун пек мар, [ун пек мар]: вĕсем — [çĕр çийĕнчен] çил вĕçтерсе каякан хывăх пек.
(5) Çавăнпа усал çынсем сутра чăтаймĕç { Славянла куçарнинче: Çавăнпа чĕрĕлсе тăраймĕç…} çылăхлисем тÿррисенĕн ушкăнĕнче тăраймĕç.
(6) Тÿрĕ çынсенĕн çулне Турă пĕлсе тăрать, усал çынсенĕн çулĕ путланĕ.

Псалом 2

Давид псаломĕ
(1) Халăхсем мĕншĕн пăлханаççĕ-ши, ăрусем мĕншĕн кăлăх пулассине пуçăнаççĕ-ши?
(2) Çĕр патшисем Çÿлхуçана хирĕç, Вăл çу сĕрсе лартнă Патшана хирĕç тăраççĕ, пуçлăхсем пĕрле пухăнса каварлашаççĕ:
(3) «вĕсенĕн тăллине татса ывăтар, вĕсенĕн сăнчăрне çапса аркатар» теççĕ.
(4) Çÿлте Пурăнаканĕ вĕсенчен кулĕ, Çÿлхуçа вĕсене намăса хăварĕ.
(5) Ун чухне вĕсене çиллипе каласа, вĕсене хаярлăхĕпе шуйхатса ÿкерĕ:
(6) «Хамăн Патшама Хамăн сăваплă Сион тăвĕн патшине Эпĕ лартрăм {Çитмĕлĕн куçарнинче: Вăл Мана Сион патшине — Хăйĕн сăваплă тăвĕн патшине — лартрĕ.};
(7) Турă ирĕкне пĕлтеретĕп: Çÿлхуçа Мана каларĕ: Эсĕ — Манăн Ывăлăм; Эпĕ Сана паян çуратрăм;
(8) ыйт Манран — Сана халăхсене еткерлĕхе парăп, çĕре вĕçĕ-хĕррипех Сан аллуна парăп.
(9) Эсĕ вĕсене тимĕр туюпа парăнтарăн; вĕсене тăм савăт-сапа пек çапса салатăн» терĕ.
(10) Эй патшасем, тăна кĕрĕр; эй çĕр тÿрисем, ăнласа илĕр!
(11) Çÿлхуçашăн хăраса ĕçлесе тăрăр, [Унăн умĕнче] йăвашшăн савăнса тăрăр.
(12) Унăн Ывăлне хисеплĕр — Вăл сире ан çиллентĕр, сирĕн хăвăр çулăр çинче пĕтмелле ан пултăр: акă Унăн çилли часах хыпса илĕ. Ăна шанакансем пурте телейлĕ. Мухтав.

Псалом 3

Давид псаломĕ, Авессаломран — хăйĕн ывăлĕнчен — тарнă чухне йăлăнни.
(1) Эй Çÿлхуçа! тăшманăмсем мĕнле йышлăланчĕç! Нумайăшĕ мана тапăнать;
(2) нумайăшĕ манăн чунăма: «ăна Турă çăлмасть ĕнтĕ» тет.
(3) Эй Çÿлхуçа, Эсĕ — ман умри хулканăм, манăн мухтавăм, Эсĕ манăн пуçăма çĕклентеретĕн.
(4) Çÿлхуçана тархасласа чĕнетĕп те — мана сăваплă тăвĕ çинчен илтет Вăл.
(5) Выртатăп эпĕ, çывăратăп, тăратăп: мана Çÿлхуçа хÿтĕлет.
(6) Хама пур енчен те тапăнакан пин-пин халăхран эп хăрамăп.
(7) Эй Çÿлхуçа, çĕклен! çăлсам мана, Турăçăм! Эсĕ манăн тăшманăмсене пурне те питĕнчен çупатăн, йĕркесĕр çынсен шăлĕсене вататăн.
(8) Çăлăнăç Çÿлхуçаран килет. Санăн пиллĕхÿ Хăвăн халăхна çиттĕр. Мухтав.

Псалом 4

Юрлакан ушкăн пуçлăхне. Хĕлĕхлĕ сăпрайпа. Давид псаломĕ.
(1) Эй тÿрĕлĕхĕмĕн Турри! Хăвна тархасланă чухне илтсемччĕ мана!Йывăр килнĕ чухне Эсĕ мана çăмăллăх параттăн.Хĕрхенсемччĕ мана, манăн кĕллĕме илтсемччĕ.
(2) Эй ар ывăлĕсем! манăн ятăма хăçанччен таптăр-ши эсир?хăçанччен ăçтиçука савăр-ши, ултав шырăр-ши?
(3) Пĕлсе тăрăр: Çÿлхуçа Хăй валли Хăйĕн сăваплă çыннине уйăрса илчĕ;Çÿлхуçана тархаслатăп та — Вăл мана илтет.
(4) Çиллĕр килсен те çылăха ан кĕрĕр:вырăнăр çине çывăрма выртсассăн ăшăрта шухăшласа пăхăр та — лăпланăр;
(5) тÿрĕлĕх парнийĕ кÿрĕр,Çÿлхуçана шанса тăрăр.
(6) Нумайăшĕ: «кам пире ырăлăх кăтартĕ?» тет.Эй Çÿлхуçа, пире Хăвăн сăну çутине кăтартсам!
(7) Вĕсем çăкăр, эрех [тата çу] хушăннипе савăнчĕç,манăн чĕрене вара вĕсенчен те ытларах савăнтартăн.
(8) Канлĕ выртатăп та çывăратăп:эй Çÿлхуçамăм, пĕр Эсĕ анчах шанчăклă усратăн.

Псалом 5

Юрлакан ушкăн пуçлăхне. Вĕрсе каламалли сăпрайпа. Давид псаломĕ.
(1) Эй Çÿлхуçа, манăн сăмахăмсене илтсемччĕ,манăн шухăшăмсене ăнласа илсемччĕ.
(2) Эй Патшамăм, эй Туррăм,эпĕ йĕрсе тархасланине тăнласамччĕ!эпĕ Сана кĕлтăватăп.
(3) Эй Çÿлхуçа! манăн сассăма ирех илтсемччĕ,—эпĕ ир-ирех Сан умна пырса кĕтсе тăрăп:
(4) Эсĕ — йĕркесĕр ĕçе юратман Турă;усалли Сан патна вырăнаçаймĕ;
(5) йĕркесĕр çынсем Санăн куçу умĕнче тăраймĕç:Эсĕ йĕркесĕр ĕç тăвакансене пурне те кураймастăн;
(6) Эсĕ суя калаçакансене пĕтеретĕн;Çÿлхуçа юн тăкаканран, ултавçăран йĕрĕнет.
(7) Санăн иксĕлми ырăлăхун тивлечĕпеэпĕ Санăн керменне кĕрĕп,Санăн сăваплă Çуртна Санран хăраса пуççапăп.
(8) Эй Çÿлхуçа! тăшманăмсене кураХăвăн тÿрĕлĕхÿ çулĕпе ертсе пырсамччĕ мана;манăн умри çулна тÿрĕ тусамччĕ.
(9) Вĕсенĕн çăварĕнче чăнлăх çук:вĕсенĕн чĕри — пĕтермĕш,вĕсенĕн карланки — уçă тупăк,чĕлхипе йăпăлтатса калаçаççĕ.
(10) Эй Турăçăм, айăпа хăвар вĕсене,вĕсем шухăшланă шухăшĕсемпех путланччăр;çылăхĕсем нумаййине кура пăрах вĕсене:вĕсем Сана хирĕç тăчĕç.
(11) Вара Сана шанакансем пурте савăнĕç,ĕмĕрĕпе хавасланĕç,Эсĕ вĕсенĕн хутне кĕрсе тăрăн;Санăн ятна юратакансем Санпа мухтанĕç:
(12) эй Çÿлхуçа, Эсĕ тÿрĕ çынна пиллĕх паратăн;хулканпа хÿтĕленĕ пек, ăна ырăлăхупа витсе усратăн.

Псалом 6

Юрлакан ушкăн пуçлăхне. Сакăр хĕлĕхлипе. Давид псаломĕ.
(1) Эй Çÿлхуçа! хаярлăхупах ан айăпласам мана, çилленсех хаса ан парсам мана.
(2) Эй Çÿлхуçа, хĕрхенсем мана: эпĕ — халсăр;эй Çÿлхуçа, сыватсам мана: шăммăм-шаккăм хавшаса çитрĕ;
(3) чунăм та йăлтах хавшаса çитрĕ;эй Çÿлхуçа, хăçанччен тăхтăн-ши Эсĕ?
(4) Эй Çÿлхуçа, çаврăнса пăхсам, чунăма хăтарсам,хĕрхенекен кăмăлна кура çăлсам мана.
(5) Вилнĕ çын Сана асăнас çук: тупăка кĕрсессĕн Сана кам мухтатăр?
(6) Ентĕ ахлата-ахлата вăйран кайрăм: тÿшекĕме каçсерен куççульпе йĕпететĕп, выртакан вырăна куççульпе шăваратăп.
(7) Хуйхăрнипе куçăм путса кĕчĕ, тăшманăмсене пула куçăм çути сÿнчĕ.
(8) Эй йĕркесĕр ĕç тăвакансем, пурсăр та сирĕлĕр ман патăмран: йĕрекен сассăма Çÿлхуçа илтрĕ,
(9) эпĕ йăлăннине Çÿлхуçа илтрĕ; манăн кĕллĕме Çÿлхуçа хапăл тăвĕ.
(10) Манăн тăшмансем пурте намăса юлччăр, шуйханса ÿкчĕр; каялла кайччăр, намăсланччăр.Мухтав.

Псалом 7

Вениамин ăрăвĕнчи Хус ятлă çын тĕлĕшĕпе Çÿлхуçа умĕнче Давид хурланса юрланă юрă.
(1) Эй Çÿлхуçа, эй Туррăм! Сана шанса тăратăп; хама хĕсĕрлекенсенчен пуринчен те çăлсам мана, хăтарсам мана;
(2) хăтаракан [та çăлакан] çуккипе тăшман ман чунăма, арăслан пек туласа, тăпăлтарса ан кăларайтăр.
(3) Эй Çÿлхуçа, эй Туррăм! эпĕ мĕн те пулин тунă пулсассăн, аллăм ĕçĕ тÿрĕ мар пулсассăн,
(4) эпĕ, — хама пĕр сăлтавсăрах курайми пулнă тăшмана та хăтараканскер, — хама ырă сунакана усалпа тавăртăм пулсассăн,
(5) чунăма тăшман хăвалатăр, хăваласа çиттĕр, пурăнăçăма çĕр ăшне таптаса кĕрттĕр, чапăма та тĕппипе пĕтертĕр.
(6) Эй Çÿлхуçа, çĕклен, çиллÿне кăтарт; тилĕрнĕ тăшманăмсене хирĕç тух, Ху пĕлтернĕ сутупа килсе сут ту маншăн —
(7) Санăн тавра ушкăн-ушкăн çын тăрĕ; вĕсен тĕлĕнче çÿле çĕклен Эсĕ.
(8) Çÿлхуçа халăхсене сут тăвать.Эй Çÿлхуçамăм, тÿрĕлĕхĕме кура, айăпăм çуккине кура сут ту мана.
(9) Эй таса Турă!Эсĕ этем чĕрине, этем ăшне сăнатăн: çылăхлă çынсенĕн усаллăхĕ пĕттĕрччĕ, тÿрĕ çынна тĕреклĕлентерччĕ.
(10) Манăн хÿтлĕхĕм — Турă, таса чĕреллисене Çăлаканĕ.
(11)-
(12) Эй Турă — тÿррипе сут тăвакан [хăватлă та вăрах тÿсĕмлĕ] тÿре,Вăл тата — Хăй енне çаврăнманнисенчен кашни кун хытă шыраса илекен Турă. Вăл Хăйĕн хĕçне çивĕчлетет, уххине хытарса, тĕллесе тăрать,
(13) ун валли вилĕм сăпрайĕ хатĕрлет, çĕмренĕсене вутла çунтаракан тăвать.
(14) Акă йĕркесĕр çын тĕрĕсмарлăх тĕвĕлерĕ, усаллăхĕпе йывăр çын пек пулчĕ,вара ултав çуратрĕ;
(15) шăтăк алтрĕ, алтса пĕтерчĕ те — хатĕрленĕ шăтăкне хăех кĕрсе ÿкрĕ:
(16) унăн усаллăхĕ хăйĕн пуçне пулĕ, усал ĕçĕ хăйĕн лĕпки çине ÿкĕ.
(18) Çÿлхуçана тÿрĕлĕхне кура аслăлатăп, Çÿлти Туррăн ятне мухтаса юрлатăп.

Псалом 8

Юрлакан ушкăн пуçлăхне. Геф хулинче калакан сăпрайпа. Давид псаломĕ.
(1) Эй Çÿлхуçа, эй Туррăмăр! Санăн яту пĕтĕм çĕр çинче епле аслă! Санăн мухтавлăху тÿперен те çÿллĕ!
(2) Хăвăн тăшманусемшĕн — тăшмана, тавăракана чĕнейми тумашкăн — Эсĕ пĕчĕк ачасемпе кăкăр ачисенĕн чĕлхи-çăварне Хăвна мухтамалла тунă.
(3) Тÿпе çине, Санăн аллу пултарнă ĕç çине,
(Эсĕ лартнă уйăхпа çăлтăрсем çине пăхатăп та —
(4) çын мĕнех вăл? Эсĕ ăна çавах асăнтан ямастăн, мĕнех вара этем ывăлĕ? Эсĕ ăна çавах пăхса тăратăн.
(5) Эсĕ ăна Ангелсенчен кăшт анчах кĕçĕнрех тунă: ăна мухтав та, чыс-хисеп те пилленĕ;
(6) Хăвăн аллу мĕн пултарнă, ăна çавăн патши туса хунă; пурне те ăна пăхăнтарнă:
(7) пĕтĕм сурăхне, вăкăрне, хирте çÿрекен тискер кайăксене те,
(8) вĕçен кайăксене те, тинĕсри пулăсене те, тинĕс çулĕпе çÿрекеннисене те — пĕтĕмпе ăна пăхăнтарнă.
(9) Эй Çÿлхуçа, эй Туррăмăр!Санăн яту пĕтĕм çĕр çинче епле аслă! Мухтав.

Псалом 9/9

Юрлакан ушкăн пуçлăхне. Лабен вилсессĕн. Давид псаломĕ.
(1) Эй Çÿлхуçа, Сана пĕтĕм чунтан-вартан аслăлам, Санăн пур кĕтретÿ çинчен пĕлтерем.
(2) –
(3) Тăшманăмсем каялла тарсассăн, Санăн умунта ÿксе-вилсе пĕтсессĕн, эй Çÿлти Турă, Саншăн савăнăп, хĕпĕртĕп, Санăн ятна мухтаса юрлăп:
(4) Эсĕ мана сут турăн, манăн тавăçа татса патăн;тÿрĕ сут тăвакан Тÿре, Эсĕ аслă пукану çине лартăн.
(5) Эсĕ халăхсене çилленсе çитрĕн, усал çынна пĕтертĕн,вĕсенĕн ятне ĕмĕр-ĕмĕре çухатрăн.
(6) Тăшманăн кăралĕ те юлмарĕ, Эсĕ хулисене çĕмĕрсе тăкрăн; хăйсемпе пĕрле вĕсен ячĕ те пĕтрĕ.
(7) Çÿлхуçа Вăл ĕмĕрех тăрать;сут тумашкăн Вăл Хăйĕн аслă пуканне хатĕрленĕ,
(8) тĕнчене Вăл тĕрĕс сут тăвĕ, халăхсене тÿррипе сут тăвĕ.
(9) Пусмăр тÿсекеншĕн Çÿлхуçа тарса хăтăлмалли вырăн, хурлăхлă вăхăтра тарса хăтăлмалли вырăн, пулĕ;
(10) Санăн ятна пĕлекенсем Сана шанса тăрĕç:эй Çÿлхуçа, Эсĕ Хăвна шыракансене пăрахмастăн.
(11) Сион тăвĕ çинче пурăнакан Çÿлхуçана мухтаса юрлăр, Унăн ĕçĕсем çинчен халăхсем хушшинче пĕлтерĕр:
(12) Вăл юн тăкнăшăн шыраса илет; вĕсене астуса тăрать, пусмăр тÿсекенсем йĕрсе йăлăннине манăçа хăвармасть.
(13)-
(14) Эй Çÿлхуçа, хĕрхенсемччĕ мана;хама курайманнисенчен эпĕ епле асап тÿснине курсамччĕ,— Хăвăн пур мухтавлă ĕçÿ çинчен Сион хĕрĕн хапхи умĕнче пĕлтермешкĕн Эсĕ мана вилĕм хапхинчен кăлартăн: ĕнтĕ Эсĕ çăлнăшăн савăнам.
(15) Халăхсем хăйсем алтнă шăтăка кĕрсе ÿкрĕç;вăрттăн карса хунă танатисенчен хăйсен урисемех çыхланчĕç.
(16) Çÿлхуçана Вăл тунă сутран пĕлчĕç;усал çын хăйĕн алли ĕçĕсемпе çакланчĕ.
(17) Усал çынсем, Турра манса пурăнакан халăхсем пурте тамăка кайччăр.
(18) Кĕлмĕç ĕмĕрлĕхех манăçа юлмĕ, мĕскĕнсен шанăçĕ яланлăхах çухалмĕ.
(19) Эй Çÿлхуçамăм, çĕклен, этем ан çĕнтерейтĕр, халăхсем Санăн умна сута тăччăр.
(20) Эй Çÿлхуçа, хăрат вĕсене;пĕлччĕр халăхсем хăйсем этем çеç иккенне.

Псалом 10/9

(1) Эй Çÿлхуçа, мĕншĕн аякра тăратăн-ши,асап тÿснĕ чухне мĕншĕн пире курăнмастăн-ши?
(2) Усал çын мăнаçланса мĕскĕне хĕсĕрлет:вĕсем хăйсем шухăшласа тупнă чее мелĕсемпе çыхланччăр.
(3) Усал çын хăйĕн чунĕ аскăннипе мухтанать; мула савакан хăйне юраса пурăнать.
(4) Усал çын хăйне асла хывса Çÿлхуçана сума сумасть: «айăпламĕ» тет; ăшĕнче яланах: «Турă çук!» тет.
(5) Вăл кирек хăçан та ăнăçтарса пырать имĕш; уншăн Санăн суту аякра:мĕнпур тăшманĕ çине вăл йĕрĕнсе çеç пăхать;
(6) хăй ăшĕнче: «аптăрамăп,сыпăкран сыпăка та усал курмăп» теет;
(7) çăварĕнче — пĕр ылханасси, улталасси те суясси; чĕлхи вĕçĕнче — асаплантарасси те çынна пĕтересси;
(8) вăл çурт хыçĕнче пытанса ларать, айăпсăр çынна улах çĕрте вĕлерет; унăн куçĕ мĕскĕне вăрттăн сăнать;
(9) йăвине пытанса ларнă арăслан пек, вăл улах çĕрте сыхласа тăрать; мĕскĕне тытмашкăн пытанса ларать; мĕскĕне хăйĕн танатипе çаклатса ярса илет;
(10) лăпчăнать те, сиксе ÿкет те — мĕскĕнсем унăн тискер чĕрнине çакланаççĕ;
(11) хăй ăшĕнче вăл: «Турă манчĕ,сăнне хупларĕ, нихăçан та курмĕ» теет.
(12) Эй Çÿлхуçа, эй Туррăм, çĕклен, аллуна çĕкле, [Хăвăн] мĕскĕн çыннусене [йăлтах] ан манăçла.
(13) Мĕншĕн усал çын хăй ăшĕнче:«Эсĕ шыраса илмĕн-ха!» тесе, Турра сума сумасть-ши?
(14) Куратăн-çке: Хăвăн аллупа тавăрмашкăн
(Эсĕ этем асапне те, ăна пусмăрланине те пăхса тăратăн. Мĕскĕн хăйне Сан аллуна парать; Эсĕ тăлăха пулăшатăн.
(15) Йĕркесĕр çыннăн, усал çыннăн вăй-хăватне аркат: унăн усал ĕçне шырасассăн та тупаймалла ан пултăр.
(16) Çÿлхуçа — ĕмĕр-ĕмĕре, ĕмĕрлĕхе Патша, Унăн çĕрĕнчен суя тĕнлисем çухалĕç.
(17) –
(18) Эй Çÿлхуçа! Эсĕ йăвашшисем мĕн ыйтнине илтетĕн; вĕсен чĕрисене тĕрек пар; Хăвăн сутупа тăлăха, хĕн куракана хÿтĕлемешкĕн хăлхуна уç — тăпраран пулнă этем малашне хăратса ан пурăнайтăр.

Псалом 11/10

Юрлакан ушкăн пуçлăхне. Давид псаломĕ.
(1) Эпĕ Çÿлхуçана шанса тăратăп; епле-ха эсир манăн чунăма:«хăвăр патăра, ту çине, кайăк пек вĕçсе кай» теетĕр?
(2) Акă ĕнтĕ усал çынсемтаса чĕреллисене тĕттĕм çĕрте пемешкĕнуххисене алла тытрĕç, çĕмренне хурса хирлĕвне карăнтарчĕç.
(3) Никĕсне-тĕрекне çĕмĕрсессĕн тÿрĕ çын мĕнех тăвайĕ?
(4) Çÿлхуçа — Хăйĕн сăваплă Керменĕнче,Вăл — Çÿлхуçа, Унăн аслă пуканĕ — тÿпере,Унăн куçĕ [мĕскĕне] курса тăрать; Вăл куçне хĕссе этем ывăлĕсене сăнать.
(5) Çÿлхуçа тÿрĕ çынна сăнать,усал çынна, пусмăрлама юратакана Унăн чунĕ кураймасть.
(6) Усал çынсем çине Вăл шĕл-кăвар, вут-çулăм, кÿкĕрт çутарĕ; ĕнтекен çил те — вĕсен шăпиех:
(7) Çÿлхуçа — тÿрĕ, тÿрĕлĕхе юратать; тÿрĕ çынсем Унăн сăнне кураççĕ.

Псалом 12/11

Юрлакан ушкăн пуçлăхне. Сакăр хĕлĕхлипе. Давид псаломĕ.
(1) Эй Çÿлхуçа, çăлсамччĕ [мана]: йĕркеллĕ çын юлмарĕ, этем ывăлĕсем хушшинче тÿрĕ çын çук.
(2) Пурте пĕр-пĕрне улталаса калаçаççĕ;чĕринче урăх шухăш тытса, чĕлхи-çăварĕпе йăпăлтатаççĕ.
(3) Йăпăлти чĕлхе-çăварсене, каппайчăк чĕлхесене,
(4) «чĕлхемĕрпе çĕнтерĕпĕр, чĕлхе-çăварăмăр хамăрпа-ха, пире кам пуçлăх?» теекенсене Çÿлхуçа пурне те пĕтерĕ.
(5) Çÿлхуçа калать: кĕлмĕçсем асапланнине кура, мĕскĕнсем хуйхăрнине кура халех тăрам та — тытма шутласа хунă çынна шанчăклă çĕре тăратам, тет.
(6) Çÿлхуçа сăмахĕсем — таса сăмахсем, вĕсем — тăприне вучахра çунтарса, çичĕ хут шăратса тасатнă кĕмĕл.
(7) –
(8) Этем ывăлĕсем хушшинче ăçтиçуксем асла тухсассăн та, пур çĕрте те усал çынсем çÿресессĕн те, эй Турă, Эсĕ пире упраса хăварăн, çак ăруран ĕмĕрех сыхласа усрăн.

Псалом 13/12

Юрлакан ушкăн пуçлăхне. Давид псаломĕ.
(1) Эй Çÿлхуçа, хăçанччен мана пачах манса тăрăн-ши? Хăвăн сăнна хăçанччен мана кăтартмасăр тăрăн-ши?
(2) Чунăмăн хăçанччен хурлăх тÿсмелле-ши, чĕремĕн хăçанччен кунĕпе [те çĕрĕпе] асапланмалла-ши? Хăçанччен тăшманăм манран çÿлерех тăрĕ-ши?
(3) Эй Çÿлхуçа Туррăм, хĕрхенсе пăхсам, илтсем мана! Куçăма уçсам, вилмеллех çывăрса каям мар;
(4) тăшманăм: «эпĕ ăна çĕнтĕм» тесе ан калайтăр. Такăнассăм пулсассăн, мана хĕсĕрлекенсем ан савăнайччăр.
(5) Эпĕ Санăн ырăлăхна шанатăп; Эсĕ çăлнăшăн чĕрем савăнĕ манăн;
(6) хама ырăлăх тăвакан Çÿлхуçана мухтаса юрлăп, [Çÿлти Туррăн ятне юрласа мухтăп].

Псалом 14/13

Юрлакан ушкăн пуçлăхне. Давид псаломĕ.
(1) Ăссăр çын хăй ăшĕнче: «Турă çук» терĕ. Вĕсем иртĕхсе кайрĕç, ирсĕр ĕçсем турĕç; ырă тăвакан çук.
(2) Тăнлă çын, Турра шыракан çын пур-ши? тесе Çÿлхуçа тÿперен этем ывăлĕсем çине пăхрĕ.
(3) Пурте аташса кайнă, пурте юрăхсăра тухнă; ырă тăвакан çук, пĕр çын та çук.
(4) Йĕркесĕр ĕç тăвакансем, манăн халăха çăкăр çинĕ пек çиекенсем, Çÿлхуçана чĕнме пĕлменскерсем, пĕри те тăна кĕмĕç-ши вĕсем?
(5) Вĕсем унта [хăрамалла мар çĕртех] сехĕрленсе ÿкĕç: Турă — тÿрĕ çынсем хушшинче.
(6) Эсир мĕскĕнĕн шухăшĕнчен, вăл Çÿлхуçана шанса тăнинчен кулатăр.
(7) «Израиле Сион çинчен кам çăлăнăç парĕ?» Çÿлхуçа Хăй халăхĕн шăпине улăштарсассăн Иаков савăнĕ, Израиль хĕпĕртесе тăрĕ.Мухтав.

Псалом 15/14

Давид псаломĕ.
(1) Эй Çÿлхуçа! Санăн çуртунта кам тăма пултарайĕ? Санăн сăваплă тăву çине кам вырăнаçма пултарайĕ?
(2) Кам айăпсăр çÿрет, ĕçе тÿррипе тăвать, хăй ăшĕнче чăннине калать,
(3) кам чĕлхипе элеклемест, суймасть, çывăх çыннине усал тумасть, ăна хурласа калаçнине те йышăнмасть — унта çавă пулать;
(4) кам пăрахăçа юлнă çынран йĕрĕнет, Çÿлхуçаран хăракансене мухтать, çывăх çыннине панă сăмахне улăштармасть,
(5) кам хăйĕн кĕмĕлне усламла памасть, айăпсăр çынна хирĕç тăрса сĕтев илмест — унта çавă пулать. Çавăн пек пурăнакан çын ĕмĕрне те аптăрамĕ.

Псалом 16/15

Давид юрри.
(1) Эй Турă, сыхласам мана: эпĕ Сана шанатăп.
(2) Çÿлхуçана каларăм: Эсĕ — манăн Çÿлхуçамăм; маншăн Санран ытла ырри çук, терĕм.
(3) Манăн пĕтĕм чун-чĕрем çĕр çинчи сăваплă çынсем енне, Санăн ытарайми çыннусем енне ăнтăлать.
(4) Ют турă патне васкакансен хĕн-асапĕ хушăнса пытăр; эпĕ вĕсем пек юнлă парне кÿрсе юн тăкмăп,вĕсен ячĕсене чĕлхе-çăварăмпа та асăнмăп.
(5) Манăн еткерĕм, манăн пайăм — Çÿлхуçа. Манăн шăпама Эсĕ тытса тăратăн.
(6) Манăн чикĕсем паха çĕр çийĕн тăсăлаççĕ, еткерĕм питех те кăмăллă маншăн.
(7) Хама ăс-тăн панă Çÿлхуçана тав тăвăп; ăшăм-чиккĕм мана çĕр варринче те вĕрентет.
(8) Çÿлхуçана эпĕ яланах умăмра курса тăтăм: Вăл — манăн сылтăм енче; такăнассăм çук.
(9) Çавăнпа чун-чĕрем хĕпĕртерĕ, чĕлхем хавасланчĕ; шанăçлă тăнипе ÿтĕм те канăçлă пулĕ:
(10) Эсĕ манăн чунăма тамăкра хăвармăн, Хăвăн сăваплă çыннуна çĕрсе кайма памăн.
(11) Эсĕ мана пурăнăç çулне кăтартăн: Санăн умунта тулли савăнăçпа савăнăп, Санăн сылтăм аллунта — ĕмĕрлĕх телей.

Псалом 17/16

Давид кĕлли.
(1) Эй Çÿлхуçа, [манăн] тÿрĕлĕхĕме илтсем, эпĕ йĕрсе йăлăннине тăнласам, суясăр чĕлхе-çăварăмпа тунă кĕллĕме хапăл тусам.
(2) Маншăн Санăн суту çиттĕр; Санăн куçу тĕрĕслĕхе куртăр.
(3) Эсĕ манăн чĕрене сăнарăн, мана çĕрле те килсе пăхрăн, тĕрĕслерĕн мана — нимĕн те тупаймарăн;манăн чĕлхе-çăварăм шухăшăмпа килĕшÿллĕ.
(4) Эсĕ каланă сăмаха астуса,этем ĕçĕ-хĕлĕнче эпĕ хама хам сыхларăм, хĕсĕрлекен çын çулĕпе каймарăм.
(5) Манăн урана Хăвăн çулусем çине тĕреклĕ тăрат, ура ан такăнтăр, ан шутăр.
(6) Эй Турă, Эсĕ мана илтетĕн, çавăнпа Сана тархаслатăп; хăлхуна ман еннелле тайсам, манăн сăмахсене илтсем.
(7) Хăвăн тĕлĕнмелле ырăлăхна кăтартсам; [Хăвна] шанакансенеХăвăн сылтăм аллуна хирĕç тăракансенчен Çăлакан,
(8) –
(9) куç шăрçине сыхланă пек сыхă усрасам мана; хама тапăнакан усал çынсенчен,чун-чĕрем тăшманĕсенчен, хупăрласа илнĕ тăшмансенчен, Хăвăн çунату хÿттине илсемччĕ мана:
(10) вĕсенĕн чĕри çу ăшне путнă, чĕлхи-çăварĕпе мăнаçлăн калаçаççĕ.
(11) Мана халĕ кашни утăмра хупăрлаççĕ; çĕре ÿкересшĕн мана куçран ямаççĕ;
(12) вĕсем выçăхса çитнĕ арăслан евĕрлĕ,вăрттăн çĕрте пытанса ларакан çамрăк арăслан евĕрлĕ.
(13) Эй Çÿлхуçа, çĕклен, вĕсем мана ÿкериччен вĕсене хăйсене ÿкер. Чунăма усал çын аллинчен Хăвăн хĕçÿпе хăтар,
(14) эй Çÿлхуçа, çав çынсенчен, çак тĕнче çыннисенчен,çак пурăнăç çинчен çеç шухăшлакансенчен Хăвăн аллупа хăтарсам мана; вĕсенĕн хырăмне Эсĕ Хăвăн иксĕлми пÿлмÿрен тултаратăн; вĕсенĕн ывăлĕсем тутă,
(хăйсенчен мĕн юлнине вĕсем ачисене парса хăварĕç.
(15) Эпĕ вара Сан çине хамăн тÿрĕлĕхĕмпе пăхса тăрăп; вăрансассăн, Санăн сăнна курса тăранăп.Мухтав.

Псалом 18/17

Юрлакан ушкăн пуçлăхне. Çÿлхуçа чури Давидăн юрри, вăл ăна хăйне Çÿлхуçа мĕнпур тăшманĕ аллинчен тата Саул аллинчен хăтарсассăн Çÿлхуçана тав туса юрланă. Вăл каланă:
(1) эй Çÿлхуçа, эй хÿтлĕхĕм, Сана юрататăп!
(2) Çÿлхуçа — манăн тĕрекĕм, тарса хăтăлмалли вырăнăм, мана Хăтараканĕ, Туррăм — манăн чул хысакăм; эпĕ Ăна шанатăп;Вăл — манăн хулканăм, мана çăлакан мăйрака, манăн хÿттĕм.
(3) Мухтава тивĕçлĕ Çÿлхуçана йăлăнса чĕнетĕп те — тăшманăмсенчен хăтăлатăп.
(4) Мана вилĕм асапĕсем хупăрларĕç,мана капланса килнĕ йĕркесĕр ĕçсем хăратрĕç;
(5) тамăк сăнчăрĕсем явса илчĕç мана,вилĕм танатисем явакларĕç мана.
(6) Чун тăвăрланса çитнĕ чухне Çÿлхуçана йăлăнса чĕнтĕм,хамăн Туррăма тархасларăм.Вăл манăн сассăма Хăйĕн [сăваплă] керменĕнчен илтрĕ,эпĕ йĕрсе йăлăнни Унăн хăлхине çитрĕ.
(7) [Турă] çилленсе çитрĕ те — çĕр чĕтренчĕ, силленчĕ,тусен тĕпĕсем кисренсе хускалчĕç;
(8) Унăн çиллипе тĕтĕм мăкăрланса тухрĕ,Унăн çăварĕнчен хыпса çунтаракан вут-çулăм тапса тухрĕ;Унран шĕл-кăвар тăкăнса пычĕ.
(9) Вăл пĕлĕте тайăлтарчĕ те — аяла анчĕ,Унăн ури айĕнче — сĕм тĕттĕм.
(10) Херувимсем çине ларчĕ те — вĕçсе кайрĕ,çил çуначĕ çинче вĕçсе пычĕ.
(11) Сĕмлĕхе Хăйĕн пĕркенчĕкĕ турĕ,тĕтре пĕлĕтĕнчен, хура пĕлĕтрен Хăй тавра чатăр карчĕ.
(12) Ун умĕнче ялтăртатакан çутăран Унăн пĕлĕчĕсем тарса пычĕç,пăрпа вутлă кăвар тăкăнса пычĕ.
(13) Тÿпере Çÿлхуçа кĕмсĕртеттерсе ячĕ,Çÿлти Турă çапла сасă пачĕ,[пăрпа вутлă кăвар тăкăнса пычĕ.]
(14) Çĕмренĕсемпе печĕ те — вĕсене салатрĕ,çиçĕмне çиçтерчĕ те — вĕсене сапаларĕ.
(15) Эй Çÿлхуçа, Санăн кисретÿллĕ сассупа, Санăн çиллÿ çил пек вĕрсе тăнипе шыв тĕпĕсем курăнчĕç,тĕнченĕн тĕпĕ-никĕсĕ уçăлчĕ.
(16) Вăл çÿлтен аллине тăсрĕ те — мана ярса илчĕ,мана тарăн шывран туртса кăларчĕ;
(17) мана вăйлă тăшманăмран,хама курайманнисенчен, хамран вăйлăраххисенчен, хăтарчĕ.
(18) Вĕсем хĕн-асаплă кунăмра мана хирĕç тăчĕç,анчах Çÿлхуçа манăн тĕрекĕм пулчĕ.
(19) Вăл мана ирĕк вырăна илсе тухрĕ,мана хăтарчĕ: Вăл мана кăмăллать.
(20) Çÿлхуçа мана тÿрĕлĕхĕме кура тавăрса пачĕ,аллăм тасине кура тавăрса пачĕ мана:
(21) эпĕ Çÿлхуçа çулĕпе çÿрерĕм,хамăн Туррăм умĕнче усал çын пулмарăм;
(22) умăмрах Унăн пĕтĕм ÿкĕчĕ,эпĕ Унăн йĕркисенчен пăрăнмарăм.
(23) Эпĕ Унăн умĕнче айăпсăр пултăм,çылăха кĕресрен сыхлантăм;
(24) Çÿлхуçа мана тÿрĕлĕхĕме кура тавăрса пачĕ,Хăйĕн куçĕ умĕнче аллăм тасине кура тавăрса пачĕ.
(25) Эсĕ ырă çыншăн — ырă,тÿрĕ çыншăн — тÿрĕ,
(26) таса çыншăн таса пулатăн,ултавлă çынна ултавне кура тавăрса паратăн:
(27) Эсĕ хурлăх тÿсекенсене çăлатăн,мăнаçлисен куçне кĕçĕнлететĕн.
(28) Эй Çÿлхуçамăм, Эсĕ ман çутаткăçа çутатăн; Туррăм манăн сĕмлĕхе çутăлтарать.
(29) Санпа пĕрле тăшман çарне аркататăп, Туррăмпа пĕрле хÿме çине улăхатăп.
(30) Турă! — Унăн çулĕ айăпсăр, Çÿлхуçанăн сăмахĕ таса;
(Хăйне шанакансемшĕн пуриншĕн те хулкан Вăл.
(31) Çÿлхуçасăр пуçне кам Турă пултăртата?пирĕн Турăсăр пуçне кам тата хута кĕрекенĕ?
(32) Турă манăн пилĕке вăй-хăват çыхать,мана тĕрĕс çул кăтартать;
(33) манăн урасене пăлан ури пек тăвать, мана çÿллĕ вырăнăма тăратать;
(34) аллăмсене вăрçă вăрçма вĕрентет, хулăмсем пăхăр ухха аваççĕ.
(35) Эсĕ мана Хăвăн çăлакан хулканна патăн, мана Санăн сылтăм аллу хунтăлать, Санăн ырăлăху мана асла кăларать.
(36) Эсĕ мана пысăк утăмпа уттаратăн, урасем такăнмаççĕ манăн.
(37) Эпĕ хамăн тăшмансене хăвалатăп, хăваласа çитетĕп, вĕсене пĕтермесĕр каялла таврăнмастăп;
(38) вĕсене аркататăп, вĕсем ĕнтĕ тăраймаççĕ,манăн ура айне ÿкеççĕ:
(39) Эсĕ мана вăрçă вăрçма пилĕкĕме вăй-хăват çыхрăн,мана хирĕç тăнисене ман ура айне ÿкертĕн,
(40) Эсĕ мана тăшмансен çурăмне кăтартрăн;
(эпĕ хама курайманнисене тĕппипе пĕтеретĕп:
(41) вĕсем йăлăнаççĕ, анчах çăлаканĕ çук;Çÿлхуçана тархаслаççĕ — Вăл вĕсене илтмест;
(42) эпĕ вĕсене çил умĕнчи тусан пек салатса яратăп,урамри пылчăка таптанă пек таптатăп.
(43) Эсĕ мана халăх пăлхавĕнчен хăтартăн, мана ют ăрусен пуçлăхĕ турăн;хам пĕлмен халăхсемех мана ĕçлесе тăраççĕ;
(44) ман çинчен илтнипех мана пăхăнаççĕ;ют ăру çыннисем ман умра йăпăлтатаççĕ;
(45) ют халăх çыннисем хăйсен хÿтлĕхĕсенчех сăнран кайса, чĕтресе тăраççĕ.
(46) Çÿлхуçа чĕрĕ, мана Хÿтĕлекен мухтавлă!Мана çăлакан Турă асла тухтăр!
(47) Маншăн тавăракан Турă,халăхсене мана пăхăнтаракан Турă,
(48) мана тăшмансенчен хăтаракан Турă асла тухтăр!Эсĕ мана хама хирĕç тăракансенчен çÿле çĕклерĕн, мана хаяр çынран хăтартăн.
(49) Эй Çÿлхуçамăм, çавăнпа Сана ют халăхсем хушшинче мухтавлăп, Санăн ятна аслăласа юрлăп:
(50) Эсĕ — патшана тĕлĕнмелле çăлаканĕ, Хăвăн çу сĕрнĕ çыннуна Давида,унăн йăхне ĕмĕр-ĕмĕр ырăлăх кăтартаканĕ.Мухтав.

Псалом 19/18

Юрлакан ушкăн пуçлăхне. Давид псаломĕ.
(1) Тÿпе Турă мухтавлăхĕ çинчен пĕлтерсе тăрать, пĕлĕт Унăн алли пултарнă ĕçсем çинчен хыпарлать.
(2) Пĕр кун тепĕр куна каласа кăтартать, пĕр каç тепĕр каçа вĕрентет.
(3) Вĕсенĕн сассине илтмен пĕр чĕлхе те, пĕр халăх та çук.
(4) Вĕсенĕн сасси пĕтĕм çĕр тăрăх сарăлать, вĕсенĕн сăмахĕ çут тĕнче хĕрринех çитет. Вĕсен хушшине Вăл хĕвел валли чатăр карнă,
(5) хĕвелĕ туй керменĕнчен тухакан кĕрÿ пек тухать, хăй çулĕпе чупакан паттăр пек савăнса пырать:
(6) унăн тухăçĕ тÿпенĕн пĕр хĕрринче, çаврăнса çитесси тепĕр хĕрринче, унăн ăшши пурне те, пур çĕре те çитет.
(7) Çÿлхуçа саккунĕ пур тĕлĕшпе те паха — чуна тĕрек парать;Çÿлхуçа пĕлтерни тĕрĕс — айваннисене ăс кĕртет.
(8) Çÿлхуçа хушнă йĕркесем тÿрĕ — чуна савăнтараççĕ; Çÿлхуçа ÿкĕчĕ çутă — куçăмăра уçать.
(9) Çÿлхуçаран хăрани таса — ĕмĕртен ĕмĕре пырать. Çÿлхуçа сучĕсем чăн,пĕтĕмпех тÿрĕ;
(10) вĕсем ылтăнран та, темĕн чухлĕ таса ылтăнран та ытла ăмсантараççĕ,вĕсем пылран та, караслă пыл тумламĕнчен те пылакрах;
(11) Санăн чуруна çавсем сыхласа усраççĕ, вĕсене тытса-туса тăни — пысăк сăвап.
(12) Хăйĕн çылăхĕсене кам астуса çитерĕ? Пĕлмесĕр тунă çылăхсенчен тасатсамччĕ мана,
(13) пĕлсе çылăх тăвасран та чуруна тытса чарсамччĕ, вĕсем мана ан пусмăрлайччăр.Эпĕ вара айăпсăр пулăттăм, хăрушла пăсăласран çăлăнăттăм.
(14) Эй Çÿлхуçамăм, манăн тĕрекĕм, Хăтараканăм! Манăн сăмахăмсем, ăшăмри шухăшăмсем Сан умунта кăмăллă пулĕçинччĕ!

Псалом 20/19

Юрлакан ушкăн пуçлăхне. Давид псаломĕ.
(1) Хурлăхлă кун çитсессĕн Çÿлхуçа сана илттĕр, сана Иаков Туррийĕн ячĕ сыхлатăр.
(2) Хăйĕн Сăваплă Çуртĕнчен сан валли пулăшу ятăр, Сион çинчен тĕреклĕлентертĕр сана.
(3) Эсĕ кÿнĕ парнесене пурне те асне илтĕр, пĕтĕмĕшпе çунтарса панă парнÿ Ăна кăмăллă пултăр.
(4) [Çÿлхуçа] сана ху ĕмĕтленнине патăр, ху тăвас тенине пурне те туса çитертĕр.
(5) Эпир эсĕ çăлăннăшăн савăнăпăр, Туррăмăр ячĕпе ялав çĕклĕпĕр.Эсĕ мĕн ыйтнине Çÿлхуçа пурне те туса çитертĕр.
(6) Халĕ пĕлтĕм ĕнтĕ: Çÿлхуçа Хăйĕн çу сĕрнĕ çыннине çăлать, ăна Хăйĕн сăваплă пĕлĕчĕ çинчен илтсе сылтăм аллийĕн хăвачĕпе çăлăнăç парать.
(7) Хăшĕ — çар урапипе, хăшĕ учĕпе мухтанать,
(эпир вара Çÿлхуçа Туррăмăрăн ячĕпе мухтанатпăр:
(8) вĕсем чăтса тăраймарĕç, ÿксе пĕтрĕç, эпир сиксе тăтăмăр, чанк тăратпăр.
(9) Эй Çÿлхуçа! патшана çăлсамччĕ, [Хăвна] тархасланă чухне илтсемччĕ пире.

Псалом 21/20

Юрлакан ушкăн пуçлăхне. Давид псаломĕ.
(1) Эй Çÿлхуçа! патша Санăн вăй-хăватушăн савăнать,Эсĕ çăлнăшăн виçесĕр хĕпĕртет.
(2) Эсĕ ăна чĕри мĕн ĕмĕтленнине çитертĕн,вăл йăлăнса ыйтнине ахаль хăвармарăн.
(3) Эсĕ ăна ырăлăх пиллесе кĕтсе илтĕн,пуçне таса ылтăнран тунă пуçкăшăль тăхăнтартрăн.
(4) Вăл Санран пурăнăç ыйтрĕ;Эсĕ ăна вăрăм кунçул, ĕмĕрлĕх кунçул, парнелерĕн.
(5) Эсĕ çăлнипе вăл аслă мухтава тухрĕ;Эсĕ ăна хисеплĕ те чаплă турăн.
(6) Эсĕ ăна ĕмĕрлĕхе пиллĕх патăн,Хăвăн сăнна кăтартса савăнтартăн:
(7) патша Çÿлхуçана шанса пурăнать,Çÿлти Турă ырăлăхĕпе такăнас çук вăл.
(8) Санăн аллу пур тăшману патне те çитĕ,сылтăм аллу Хăвна курайманнисене [пурне те] тупĕ.
(9) Хăв çилленнĕ вăхăтра Эсĕ вĕсене хĕрсе çунакан кăмака пек тăватăн;Çÿлхуçа вĕсене Хăйĕн çиллипе пĕтерсе тăкĕ, вĕсене вут-çулăм çунтарса ярĕ.
(10) Çĕрĕ çинчен çимĕçне-хунавне,этем ывăлĕсем хушшинчен вĕсен йăхне пĕтерĕн:
(11) вĕсем Сана хирĕç усал тума тăчĕç, каварлашрĕç,анчах [туса çитерме] пултараймарĕç.
(12) Эсĕ вĕсене ухă пемелли тĕл вырăнне тăратăн,Хăвăн çĕмренÿсене пичĕсенчен тĕллесе ярăн.
(13) Эй Çÿлхуçа, Хăвăн вăй-хăватупа çĕклен:эпир Санăн хăватна юрласа, аслăласа мухтăпăр.Мухтав.

Псалом 22/21

Юрлакан ушкăн пуçлăхне. Шурăмпуç килнĕ чухне. Давид псаломĕ.
(1) Эй Туррăм! Туррăм! [илтсемччĕ мана;] мĕншĕн пăрахрăн-ши мана?Йĕрсе тархаслакан сăмахăмсем çăлăнăçран аякра çав.
(2) Эй Туррăм! кăнтăрла та тархаслатăп — Эсĕ мана илтместĕн,çĕрле те тархаслатăп — лăпланаймастăп.
(3) Эй Святой, ЭсĕХăвна Израиль аслăласа мухтакан çĕрте пурăнатăн.
(4) Пирĕн аттемĕрсем Сана шанса тăнă;шанса тăнă та — Эсĕ вĕсене хăтарса пынă;
(5) Сана тархасланă та — çăлăнса пынă;Сана шанса пурăннă та — намăса юлман.
(6) Эпĕ ĕнтĕ — этем те мар, хурт çеç,ĕнтĕ çын мăшкăлĕ, халăх йĕрĕнмелли пултăм.
(7) Куракансем пурте мана хăртаççĕ,пуçне сулла-сулла мăшкăлласа кулаççĕ:
(8) «Турра шанатчĕ; хăтартăр ĕнтĕ ăна,Ăна юрăхлă пулсассăн, çăлтăр ĕнтĕ ăна» тееççĕ.
(9) Мана аннем варĕнчен Эсĕ çуратнă,аннем кăкăрĕ çумĕнче чухнех мана Эсĕ шанăç панă.
(10) Мана çуралнăранпах Сана шанса панă;эпĕ аннем варĕнче пулнă чухнех Эсĕ — манăн Туррăм.
(11) Пăрахса ан кайсамччĕ мана: хĕн-асапăм çывăхарчĕ,пулăшаканĕ çук.
(12) Çамрăк вăкăрсем йышлăн сырса илчĕç мана;Васанри самăр вăкăрсем çавăрса илчĕç мана,
(13) апатшăн антăхса ахăракан арăслан пекмана хирĕç çăварне карса пăрахрĕç.
(14) Эпĕ шыв пек юхса тухрăм;шăммăм-шаккăм пĕтĕмпех шалтăртатса кайрĕ;чĕрем ăвăс пек çемçелчĕ, ăшăмрах шăранса пĕтрĕ.
(15) Вăйăм тăм савăт пек халтăркарĕ;чĕлхем пыр тĕпне çыпăçăнса ларчĕ,Эсĕ мана вилтăприпе пĕр турăн.
(16) Йытăсем çавăрса илчĕç мана,усаллисен эшкерĕ тапăнчĕ мана,аллăм-урама чиксе шăтарчĕç.
(17) Шакăр шăммăмсене шутласа тухма пулатчĕ;вĕсем вара пăхса тăраççĕ, ĕнтĕ манран кулăш турĕç;
(18) манăн тумтире хăйсем хушшинче валеçеççĕ,тумтирĕмшĕн шăпа сиктереççĕ.
(19) Эй Çÿлхуçамăм, пăрахса ан кайсам мана;эй тĕрекĕм! мана пулăшма васкасам;
(20) чунăма хĕçрен хăтарсам,пĕртен-пĕррескерĕме йытăсенчен çăлсам;
(21) арăслан çăварĕнчен,хир вăкăрĕсен мăйракинчен çăлсам мана,илтсессĕн — хăтарсам мана.
(22) Санăн ятна тăванăмсене пĕлтерĕп,халăх пухăвĕнче Сана мухтаса тăрăп.
(23) Эй Çÿлхуçаран хăракансем! мухтавлăр Ăна.Иаковăн мĕнпур йăхĕ! аслăла Ăна.Израилĕн мĕнпур йăхĕ Ун умĕнче хăраса-хисеплесе тăтăр:
(24) Вăл асапланаканăн асапĕнчен пăрăнмарĕ,Хăйĕн сăнне унран пытармарĕ,Хăйне тархасласассăн Вăл ăна илтрĕ.
(25) Аслă пухура Сан çинчен мухтаса калаçăп;хам асăннине Турăран хăракансем умĕнче пурăнăçа килтерĕп.
(26) Чухăнсем çиччĕр, тăранччăр;Çÿлхуçана шыракансем Ăна мухтаччăр;сирĕн чĕрĕрсем ĕмĕрех чĕрĕ тăччăр!
(27) Аса илĕç те — пĕтĕм тĕнче Çÿлхуçа енне çаврăнĕ,пур суя тĕнлĕ йăхсем те Сан умна ÿксе пуççапĕç,
(28) мĕншĕн тесессĕн патшалăх — Çÿлхуçанăн,Вăл — халăхсенĕн Патши.
(29) Çĕр çинчи мăнтăррисем пурте çийĕç, пуççапа пуçлĕç;çĕре кĕрекенсем те,пурăнăçне тăсма пултарайманскерсем,пурте Ун умне ÿксе пуççапĕç.
(30) [Манăн] йăхăм Уншăн ĕçлесе пурăнĕ,ăна ĕмĕрех Çÿлхуçа халăхĕ тейĕç:
(31) килĕç те — çуралакан этемсене Çÿлхуçа тÿрĕлĕхĕ çинчен,Вăл мĕн туни çинчен пĕлтерсе тăрĕç.

Псалом 23/22

Давид псаломĕ.
(1) Çÿлхуçа — манăн Кĕтÿçĕм;эпĕ çитменни мĕнне пĕлмĕп:
(2) Вăл мана тулăх улăхсенче канлĕн çÿретет,мана лăпкă шыв хĕррине илсе çÿрет,
(3) Хăй ячĕшĕн манăн чунăма тĕреклĕх парать,мана тÿрĕлĕх çулĕпе илсе пырать.
(4) Вилĕм ĕмĕлки тăракан айлăмпа кайсассăн та усалтан хăрамăп эпĕ, мĕншĕн тесессĕн Эсĕ манпа пĕрле;Санăн тую, Санăн патакку — çавсем канлĕ усраççĕ мана.
(5) Тăшманăмсем умĕнчех Эсĕ ман валли апат хатĕрлерĕн, пуçăма çу сĕртĕн;манăн куркам туп-туллиех.
(6) Çапла, [Санăн] ырăлăху, хĕрхенекен кăмăлу ĕмĕрĕм тăршшĕпех манпа пĕрле пулинччĕ, эпĕ вара Çÿлхуçа Çуртĕнче нумай-нумай кун пулăп.

Псалом 24/23

Давид псаломĕ. [Эрнен малтанхи кунĕнче.]
(1) Çĕр те, ăна тулли тăваканĕсем те, тĕнче те, тĕнчере пурăнаканĕсем те — пурте Çÿлхуçанăн:
(2) çĕре Вăл тинĕссем çине вырăнаçтарнă, юханшывсем çине тĕреклĕ лартнă.
(3) Çÿлхуçа тăвĕ çине кам улăхайĕ,Унăн сăваплă вырăнĕнче кам тăма пултарайĕ?
(4) Айăпсăр алăлли, таса чĕрелли, [çывăх çыннине] хăйĕн чунĕпе кăлăхах тупа туманни, улталаса чунлашманни —
(5) çавă Çÿлхуçаран пиллĕх илĕ,
(Турăран, хăйне Çăлаканран, ырăлăх курĕ.
(6) Турра шыракансенĕн,
(Санăн сăнна шыракансенĕн йăхĕ çавăн пек, эй Иаков Турри!
(7) Эй хапхасем, çийĕрсене çĕклĕр, эй ĕмĕрхи алăксем, çĕкленĕр — мухтав Патши кĕрет!
(8) Кам çав мухтав Патши? — тĕреклĕ, хăватлă Çÿлхуçа, вăрçăра паттăр Çÿлхуçа.
(9) Эй хапхасем, çийĕрсене çĕклĕр, эй ĕмĕрхи алăксем, çĕкленĕр — мухтав Патши кĕрет!
(10) Кам çав мухтав Патши? — çÿлти çарсенĕн Çÿлхуçи, Çавă — мухтав Патши.Мухтав.

Псалом 25/24

Давид псаломĕ.
(1) Эй Çÿлхуçамăм, чунăмпа Сан патналла çĕкленетĕп.
(2) Эй Турăçăм! Сана шанатăп, [ĕмĕрне те] намăс курмăпинччĕ, тăшманăмсем манран кулаймĕçинччĕ,
(3) Сана шанакансем те пĕри те намăс курмĕçинччĕ; кăлăхах йĕркесĕр ĕç тăвакансем намăса юлĕçинччĕ.
(4) Эй Çÿлхуçа, Хăвăн çулусене кăтарт мана, Хăвăн сукмакусене вĕрент мана.
(5) Хăвăн чăнлăху енне яр мана, вĕрентсе çитер мана: Эсĕ — мана çăлакан Турă;
(кирек хăçан та Сана шанса тăратăп.
(6) Эй Çÿлхуçа, Ху ĕмĕртенпех уçă кăмăллă пулнине, ырăлăх кăтартса тăнине асна илсемччĕ.
(7) Çамрăк чухнехи çылăхăмсене, йĕркесĕр ĕçĕмсене ан асăнсам; эй Çÿлхуçа, Ху ырă кăмăллă пулнăран, хĕрхенекен кăмăллă пулнăран асна илсемччĕ мана!
(8) Çÿлхуçа ырă та тÿрĕ,
(çавăнпа Вăл çылăхлă çынсене тĕрĕс çул çине тăратать,
(9) йăвашшисене тÿрĕлĕх енне ярать, йăвашшисене Хăйĕн çулĕсемпе çÿреме вĕрентет.
(10) Çÿлхуçа халалне, Вăл пĕлтернине уяса пурăнакансемшĕн Çÿлхуçа çулĕсем — пурте ырăлăх та чăнлăх.
(11) Эй Çÿлхуçамăм, эпĕ çылăха кĕнине
(Хăвăн ятушăн каçарсам: çылăхăм питĕ пысăк.
(12) Çÿлхуçаран хăракан çын кам вăл?
(Çÿлхуçа ăна хăш çула суйламаллине кăтартĕ.
(13) Унăн чунĕ ырăлăхра пулĕ, унăн вăрлăхне çĕр тивĕ.
(14) Çÿлхуçанăн вăрттăнлăхĕ — Унран хăракансем валли,Вăл Хăйĕн халалне çавсене пĕлтерет.
(15) Куçăмпа яланах Çÿлхуçа енне тĕмсĕлетĕп: Вăл манăн урана танатаран вĕçертет.
(16) Ман çине пăхсам, хĕрхенсем мана: эпĕ — тăр-пĕччен, эпĕ тертленетĕп.
(17) Чĕрем сехмечĕсем нумайланчĕç; асапăмсенчен хăтарсам мана,
(18) эпĕ асапланнине, халран кайнине курсам, пур çылăхăма та каçарсам.
(19) Тăшманăмсем çине пăхсам: епле йышлă вĕсем, мана епле хаяррăн кураймаççĕ вĕсем.
(20) Чунăма сыхласам, хăтарсам мана,
(Сана шанса тăнăшăн намăс курмăпинччĕ.
(21) Айăпсăр пулни, тÿрĕ пулни сыхлатăр мана: эпĕ Сана шанса тăратăп.
(22) Эй Турăçăм, Израиль халăхне пĕтĕм асапĕнчен хăтарсамччĕ.

Псалом 26/25

Давид псаломĕ.
(1) Эй Çÿлхуçамăм, тÿрĕ сут тусамччĕ мана: эпĕ айăпа кĕрсе çÿремерĕм, Çÿлхуçана шанса тăнăран такăнассăм çук.
(2) Эй Çÿлхуçамăм, тĕрĕсле мана, сăна мана; ăшăм-чиккĕме, чĕреме шăратсах тĕрĕсле:
(3) Санăн ырăлăху — куçăм умĕнчех, эпĕ Санăн чăнлăху çулĕпе çÿрерĕм,
(4) суеçĕ çынсемпе лармарăм, чее çынсемпе те каяссăм çук;
(5) усал шухăш тытнисен эшкерне курайми пулса çитрĕм,йĕркесĕр çынсемпе пĕрле ларассăм çук;
(6) эй Çÿлхуçамăм, хам айăпсăррине кăтартса алла çăвам та парне вырăнĕ тавра çаврăнам,
(7) Сана янăравлăн мухтаса калаçам, Санăн мĕнпур кĕтретÿ çинчен пĕлтерем.
(8) Эй Çÿлхуçа! эпĕ Санăн Çуртна, Санăн мухтавлăху тăракан вырăна юрататăп.
(9) Чунăма çылăхлă çынсемпе пĕрле, пурăнăçăма юн тăкакан çынсемпе пĕрле ан пĕтерсем:
(10) вĕсен аллинче усал ĕç,вĕсен сылтăм алли вĕçсĕр сĕрев илсе тăрать.
(11) Эпĕ вара айăпа кĕрсе çÿреместĕп;[эй Çÿлхуçа,] хăтарсам мана, хĕрхенсем мана.
(12) Манăн ура тÿрĕ çул çинче тăрать; пухусенче Çÿлхуçана мухтаса юрлăп.

Псалом 27/26

Давид псаломĕ. [Çу сĕриччен.]
(1) Çÿлхуçа — манăн çуттăм, манăн çăлăнăçăм: манăн камран хăрас? Çÿлхуçа — пурăнăçăмăн тĕрекĕ: манăн камран сехĕрленес?
(2) Усал ĕç тăвакансем,мана хирĕç тăракансем, манăн тăшманăмсем ÿтĕме çисе ярас тесе мана тапăнсассăн хăйсемех такăнса ÿксе пĕтĕç.
(3) Мана çар тапăнас пулсассăн та чĕрем шикленмĕ; мана хирĕç вăрçă хускалсассăн та пĕрех шанса тăрăп.
(4) Эпĕ Çÿлхуçаран пĕр çакна çеç ыйтрăм, çакна çеç ĕмĕтленетĕп: ĕмĕрĕм тăршшĕпе куллен-кунах Çÿлхуçа Çуртĕнче пуласчĕ, Çÿлхуçа илемне курса тăрасчĕ, Унăн [сăваплă] Керменне çÿресчĕ:
(5) хĕн-асаплă кунăмра Вăл мана Хăйĕн кĕлĕ чатăрĕнче пытарĕччĕ, Хăй пурăнакан вырăнта, шалта, пытарĕччĕ, мана чул хысак çине тăратĕччĕ.
(6) Вара хама хупăрлакан тăшмансем умĕнче пуçăма çĕклĕттĕм эпĕ; Унăн кĕлĕ чатăрĕнче мухтав парнийĕ кÿрĕттĕм, Çÿлхуçана кĕвĕ каласа, аслăласа мухтăттăм.
(7) Эй Çÿлхуçа, тархасланă сассăма илтсем, çырлахсам мана, тăнласам мана.
(8) Чĕрем Санăн сăмахна калать: «Манăн сăнăма шырăр» теет; эй Çÿлхуçа, эпĕ Санăн сăнна шырам.
(9) Хăвăн сăнна манран ан пытарсам; Хăвăн чуруна çиллÿпе тĕртсе ан ярсам. Эсĕ мана пулăшаканччĕ; эй Турăçăм, Çăлаканăм! ан пăрах мана, пăрахса ан кай мана!
(10) Мана ĕнтĕ аттем те, аннем те пăрахрĕ, анчах Çÿлхуçамăм хапăл тăвĕ мана.
(11) Эй Çÿлхуçа, тăшманăмсене кура Хăвăн çулупа пыма вĕрент мана, тÿрĕ сукмакпа илсе кай мана;
(12) тăшманăмсен аллине ан пар мана: мана суя кÿнтеленсем тапăнаççĕ, вĕчĕ тытса тăраççĕ.
(13) Эпĕ вара чĕррисен çĕрĕ çинче Çÿлхуçа ырăлăхне курасса шанатăп.
(14) Çÿлхуçана шан, çирĕп пул, чĕрÿ тĕреклĕленсе пытăр, Çÿлхуçана шан.Мухтав.

Псалом 28/27

Давид псаломĕ.
(1) Эй Çÿлхуçа, Сана тархаслатăп: эй тĕрекĕм! мана чĕнмесĕр ан тăрсамччĕ, Эсĕ чĕнмесĕр тăнипе манăн çĕре кĕрекенсем евĕрлĕ пулас марччĕ.
(2) Эй Турă, Хăвна тархасланă чухне, аллăмсене Санăн сăваплă Çурту енне çĕкленĕ чухне манăн тархаслакан сассăма илтсемччĕ.
(3) Мана йĕркесĕр çынсемпе пĕрле, çылăх тăвакансемпе пĕрле ан пĕтерсемччĕ, вĕсем çывăх çыннисемпе тăнăçлăх çинчен калаçаççĕ, ăшĕнче хăйсем усал шухăш тытаççĕ.
(4) Ĕçĕсене кура, хăйсем усал тунине кура тавăрса пар вĕсене; алли ĕçĕсене кура тавăр вĕсене, хăйсене тивĕçлине пар вĕсене.
(5) Вĕсем Çÿлхуçа ĕçĕсене, Унăн алли пултарнине вырăна хумаççĕ, çавăншăн Вăл вĕсене çĕмĕрсе тăкĕ, текех çĕклентермĕ.
(6) Çÿлхуçа мухтавлă — Вăл манăн йăлăнакан сассăма илтрĕ.
(7) Çÿлхуçа — манăн тĕрекĕм, манăн хулканăм; чĕрем Ана шанса тăчĕ те — Вăл мана пулăшрĕ, вара чĕрем хĕпĕртенчĕ; эпĕ Ăна юррăмпа аслăласа мухтатăп.
(8) Çÿлхуçа — Хăй халăхĕн тĕрекĕ, çу сĕрнĕ çыннине çăлакан хÿтлĕх Вăл.
(9) Эй Турă, Хăвăн халăхна çăл, Хăвăн еткерлĕхне пиллĕх пар; пăхса усра вĕсене, ĕмĕрех çĕклентер вĕсене!

Псалом 29/28

Давид псаломĕ. [Хÿшĕ уявĕ вĕçленнĕ чухне.]
(1) Эй Турă ывăлĕсем, Çÿлхуçана мухтавлăр, Çÿлхуçана аслăлăр та чыслăр,
(2) Çÿлхуçана Унăн ятне кура мухтавлăр; Çÿлхуçана Унăн чаплă Çуртĕнче пуççапăр.
(3) Çÿлхуçа сасси — шывсем çийĕнче; кĕмсĕртетет мухтавлăх Турри, Çÿлхуçа — аслă шывсем çийĕнче.
(4) Çÿлхуçа сасси хăватлă, Çÿлхуçа сасси мăнаçлă.
(5) Çÿлхуçа сасси кедр йывăçĕсене тăпăлтарать;Çÿлхуçа Ливан тăвĕ çинчи кедрсене йăвантарать,
(6) вĕсене пăру евĕр сиктерет, Ливанпа Сирион çинчи çамрăк хир вăкăрĕсем пек сиктерет.
(7) Çÿлхуçа сасси вут çулăмĕ çапса кăларать.
(8) Çÿлхуçа сасси пушхире чĕтрентерет; Çÿлхуçа Кадес пушхирне чĕтрентерет.
(9) Çÿлхуçа сасси айпăлансене пăру пăрахтарать, вăрмансене çаратса хăварать;
(Унăн Керменĕнче кирек мĕн те Унăн мухтавлăхне пĕлтерсе тăрать.
(10) Çÿлхуçа талай шывĕсем тĕлĕнче патшара ларнă, Çÿлхуçа ĕмĕрех патшара ларĕ.
(11) Çÿлхуçа Хăйĕн халăхне вăй-хал парса тăтăр, Çÿлхуçа Хăйĕн халăхне тăнăçлă пурăнма пиллĕх патăр.

Псалом 30/29

Давид псаломĕ. Çурт хăтланă чухне юрламалли юрă.
(1) Эй Çÿлхуçа, Сана аслăласа мухтам: Эсĕ мана çĕклерĕн, тăшманăмсене ман тĕлĕшĕмрен савăнмалла тумарăн.
(2) Эй Çÿлхуçа, эй Туррăм! Сана тархасларăм та — Эсĕ мана сыватрăн.
(3) Эй Çÿлхуçа! Эсĕ манăн чунăма тамăкран кăлартăн, мана чĕрĕ хăвартăн, вилсе шăтăка кĕресрен хăтартăн.
(4) Эй Çÿлхуçанăн сăваплă çыннисем, Ăна мухтаса юрлăр, Унăн сăваплăхне асăнса аслăлăр:
(5) Унăн çилли — саманта анчах, ырă сунни — ĕмĕр тăршшĕне: каçхине йĕртет,ирхинех савăнтарать.
(6) Хам ырă курса пурăннă чухне каларăм: «ĕмĕрне те такăнассăм çук» терĕм.
(7) Эй Çÿлхуçа, Ху кăмăл тунипе Эсĕ мана тĕреклĕ ту çине тăратрăн; анчах Хăвăн сăнна манран пытартăн та — эпĕ аптăрасах ÿкрĕм.
(8) Эй Çÿлхуçа, вара Сана тархасларăм, [хамăн] Çÿлхуçама йăлăнтăм:
(9) «манăн юнăм тăкăннинчен, эпĕ вилсе шăтăка кĕнинчен мĕн усси? Сана вилтăпри мухтĕ-и? Санăн чăнлăхна çавă пĕлтерсе тăрĕ-и?
(10) эй Çÿлхуçа, илтсемччĕ мана, хĕрхенсемччĕ мана; эй Çÿлхуçа! мана пулăшаканĕ пулсамччĕ» терĕм.
(11) Вара куççуль вырăнне Эсĕ мана хаваслăх патăн, ман çийĕмрен хуйхă тумтирне хывса илтĕн, мана савăнăç тумтирĕ тăхăнтартрăн,
(12) чунăм Сана мухтаса тăтăр, мухтама ан чарăнтăр. Эй Çÿлхуçа, эй Туррăм! ĕмĕр Сана аслăласа пурăнам.Мухтав.

Псалом 31/30

Юрлакан ушкăн пуçлăхне. Давид псаломĕ.
(1) Эй Çÿлхуçа, эпĕ Сана шанса тăратăп, ĕмĕрне те намăс курмăпинччĕ; Хăвăн тÿрĕлĕхÿпе хăтарсам мана;
(2) хăлхуна тайса итлесем мана, хăтарма васкасам мана. Мана çăлмашкăн маншăн чул тĕрекĕм пул, тарса хăтăлмалли çуртăм пул:
(3) манăн чул тăвăм, манăн хÿмем — Эсĕ;Хăвăн ятушăн ертсе çÿре мана, вĕрентсе тăр мана.
(4) Вăрттăн карса хунă танатаран вĕçерт мана: манăн тĕрекĕм — Эсĕ.
(5) Чунăма Санăн аллуна паратăп;эй Çÿлхуçамăм, шанчăклă Туррăм, мана Эсĕ хăтараттăн.
(6) Ăçтиçук йĕрĕхсене пуççапакансене кураймастăп, эпĕ Çÿлхуçана шанса пурăнатăп.
(7) Эсĕ ырăлăх тунăшăн савăнам, хĕпĕртем: Эсĕ манăн мĕскĕнлĕхĕме куртăн, чунăм хурлăхĕ çинчен пĕлтĕн,
(8) мана тăшман аллине памарăн; урана ирĕк çĕре тăратрăн.
(9) Эй Çÿлхуçа, хĕрхенсем мана: йывăр мана; хуйхăрнипе куçăм путса кĕчĕ,чунăм та, ăшăм-чиккĕм те касăлчĕ.
(10) Хурлăхпах пурăнăçăм чакрĕ, кунçулăм асаплă;çылăхăмсем пирки вăй-халăм юлмарĕ, шăммăм-шаккăм халтăркарĕ.
(11) Ентĕ тăшманăмсен мăшкăлĕ пултăм, кÿршĕсем пуринчен ытла кулаççĕ, пĕлĕшĕмсем те ман пата пыма хăраççĕ: мана урамра курсанах аяккалла тараççĕ.
(12) Вилнĕ çынна маннă пек, чĕрисем мана манчĕç; эпĕ ĕнтĕ — çĕмрĕк савăт пекех:
(13) хама нумайăшĕ хăртнине илтетĕп; вĕсем мана хирĕç каварлашнă чухне, манăн чунăма пĕтерме шухăшланă чухне пур енче те — тискерлĕх.
(14) Эй Çÿлхуçа, эпĕ вара Сана шанатăп: Эсĕ — манăн Туррăм, теетĕп.
(15) Манăн кунçулăм — Санăн аллунта;тăшманăмсен аллинчен, хама йĕрлекенсенчен хăтарсам мана.
(16) Чуруна Хăвăн çутă сăнна кăтартсам;хĕрхенекен кăмăлупа çăлсам мана.
(17) Эй Çÿлхуçа! Сана тархасланăшăн намăс курмăпинччĕ;усал çынсем намăса юлччăр, тамăкра пăчланччăр.
(18) Суя чĕлхе-çăварсем — тÿрĕ çын çинчен сĕмсĕр,мăнаçланса, йĕрĕнсе калаçакансем — чĕнейми пулччăр.
(19) Санăн ырăлăху иксĕлми, Эсĕ ăна Хăвăнтан хăракансем валли упратăн, Эсĕ ăна Хăвна шанакансем валли этем ывăлĕсем умĕнчех хатĕрленĕ:
(20) Эсĕ вĕсене халăхсен пăлхавĕнчен Хăвăн сăну хÿттинче пытарса усратăн, вĕсене çынсенĕн хаяр чĕлхинчен хÿтĕлесе тăратăн.
(21) Çÿлхуçа мухтавлă: Вăл мана йывăр вăхăтра Хăйĕн тĕлĕнмелле ырăлăхне кăтартрĕ!
(22) Аптăраса çитнĕ вăхăтра шухăшларăм: «мана Хăвăн куçу умĕнчен сиртĕн иккен» терĕм; анчах Сана тархасларăм та — Эсĕ манăн кĕллĕм сассине илтрĕн.
(23) Эй Çÿлхуçанăн таса çыннисем, пурсăр та юратăр Ăна; Çÿлхуçа тÿррисене сыхлать, мăнаçланакансене тÿпеми тавăрса парать.
(24) Эй Çÿлхуçана шанакансем,пурсăр та çирĕп пулăр, чĕрĕр тĕрекленсе пытăр!

Псалом 32/31

Давид псаломĕ. Вĕрентсе калани.
(1) Йĕркесĕр ĕçĕсене каçарттарнă, çылăхĕсене пăрахăçлаттарнă çын телейлĕ!
(2) Çылăхне Çÿлхуçа шута кĕртмен, ăшĕнче ултавлă шухăш тытман çын телейлĕ!
(3) Çылăха каламасăр пурăнтăм та — куллен ахлатнăран, йынăшнăран шăммăм-шаккăм та хăрăнчĕ:
(4) Санăн аллу мана кунĕн-çĕрĕн пусса тăчĕ; çуллахи шăрăхпа типнĕ евĕр, хĕрлĕ сăнăм шуралчĕ.
(5) Пĕрех Сана çылăхăма пĕлтертĕм, йĕркесĕр ĕçĕме пытармарăм;«ирсĕр ĕçĕме Çÿлхуçана каласа парам» терĕм, Эсĕ вара мана çылăхăм айăпĕнчен каçартăн.
(6) Çавăнпа кирек хăш тÿрĕ çын та йывăр вăхăтра Сана кĕлтăвĕ, вара сарăлса кайнă пысăк шывсем ун патне çитеймĕç.
(7) Эсĕ — манăн хÿттĕм: Эсĕ мана хĕн-хурлăхран сыхласа тăратăн, Ху хăтарса тăнипе савăнтаратăн.
(8) «Сана ăса кĕртĕп, вĕрентĕп, сана ху пымалли çул çине тăратăп; сана кăтартса пырăп, Манăн куçăм сан çинче пулĕ».
(9) «Лаша пек, ăссăр ашак пек ан пулăр: хăвна итлеттерес тесессĕн вĕсене йĕвен тăхăнтартса çăварлăхлас пулать».
(10) Усал çыннăн хĕн курасси нумай,
(Çÿлхуçана шанса пурăнакана ырăлăх хупăрлать.
(11) Эй тÿрĕ çынсем, савăнăр, Çÿлхуçашăн хĕпĕртĕр; эй таса чĕреллисем, пурте хавасланăр.Мухтав.

Псалом 33/32

[Давид псаломĕ.]
(1) Эй тÿрĕ çынсем, Çÿлхуçашăн савăнăр: мухтаса калаçни тÿррисене килĕшет.
(2) Çÿлхуçана кĕсле каласа аслăлăр,
(Ăна вунă хĕлĕхлĕ псалтирь каласа мухтавлăр;
(3) Ăна мухтаса çĕнĕ юрă юрлăр; хĕлĕхне килĕшÿллĕн янăратăр:
(4) Çÿлхуçа сăмахĕ — чăн, Унăн пур ĕçĕ те шанчăклă.
(5) Вăл тÿрĕлĕхе юратать, тĕрĕс сут тăвать; Çÿлхуçанăн ырăлăхĕ çĕр тулли.
(6) Çÿлхуçа Сăмахĕпе — тÿпе,Унăн Сывлăшĕпе çÿлти пĕтĕм çар пулса тăнă:
(7) тинĕс шывне Вăл çĕмел пек купаласа хунă, тĕпсĕр-йĕрсĕр шыва тарăн вырăнсене тултарнă.
(8) Пĕтĕм çĕр Çÿлхуçаран хăраса тăтăр;тĕнчере пурăнаканнисем пурте Ун умĕнче чĕтĕресе тăччăр:
(9) Вăл каланă та — пулнă; Вăл хушнă та — пулса тăнă.
(10) Çÿлхуçа суя тĕнлисен каварне аркатать,халăхсен усал шухăшне пĕтерет, [пуçлăхсен канашне путарать].
(11) Çÿлхуçа канашĕ вара ĕмĕрех тăрать;Унăн чĕринчи шухăш сыпăкран сыпăка пырать.
(12) Çÿлхуçана хăйĕн Турри тунă халăх —Турă Хăй валли суйласа илнĕ ăру — телейлĕ.
(13) Çÿлхуçа çÿлтен пăхса тăрать, этем ывăлĕсене пурне те курать;
(14) Хăй ларакан аслă пуканĕ çинченçĕр çинче пурăнакансене пурне те курать Вăл:
(15) вĕсенĕн чĕрисене пурне те Вăл пултарнă, вĕсенĕн пур ĕçне те тимлет Вăл.
(16) Çарĕ йышлă пулнипе патша хăтăлаймĕ; паттăра пысăк вăйĕ çăлаймĕ.
(17) Хăтăлмашкăн урхамах та шанчăклă мар: темĕнле вăйлă пулсан та çăлаймĕ.
(18) Акă Çÿлхуçанăн куçĕ — Хăйĕнчен хăракансем çинче, Унăн ырăлăхне шанакансем çинче:
(19) Вăл вĕсенĕн чунĕсене вилĕмрен хăтарĕ, выçлăхра тăрантарса, вĕсене тутă усрĕ.
(20) Пирĕн чунăмăр Çÿлхуçана шанать: Вăл — пире Пулăшаканĕ, пире Хÿтĕлекенĕ;
(21) пирĕн чĕремĕр Уншăн савăнать: эпир Унăн сăваплă ятне шанса тăратпăр.
(22) Эй Çÿлхуçа, Сана шанса тăнине кура пире Санăн ырăлăху çитинччĕ.

Псалом 34/33

Давид псаломĕ. Авимелех умĕнче ухмаха хывсассăн, хăйне ун патĕнчен хăваласа ярсассăн, унтан кайсассăн.
(1) Кирек хăçан та Çÿлхуçана мухтам; чĕлхе-çăварăм пĕр вĕçĕмсĕр Ăна мухтатăр.
(2) Манăн чунăм Çÿлхуçапа мухтанĕ; йăвашшисем илтĕç те — савăнĕç.
(3) Манпа пĕрле Çÿлхуçана аслăлăр, пĕрле тăрса Унăн ятне мухтавлар.
(4) Эпĕ Çÿлхуçана шырарăм та — Вăл мана илтрĕ, мана пĕтĕм инкек-синкекĕмрен хăтарчĕ.
(5) Ун çине шанса пăхакансем çутăлса кайрĕç, вĕсенĕн пичĕ-куçĕ намăс курмĕ.
(6) Çак мĕскĕн тархасларĕ те — Çÿлхуçа илтрĕ, ăна пĕтĕм асапĕнчен çăлса хăварчĕ.
(7) Çÿлхуçаран хăракансене Унăн Ангелĕ пур енчен те сыхласа тăрать, вĕсене хăтарать.
(8) Астивсе пăхăр, Çÿлхуçа епле ыррине курăр! Ăна шанса тăракан çын телейлĕ!
(9) Эй Çÿлхуçанăн сăваплă çыннисем, [пурсăр та] Çÿлхуçаран хăрăр: Унран хăракансем çитменни мĕнне пĕлмĕç.
(10) Пуяннисем çука юлаççĕ, выçă аптăраççĕ, Çÿлхуçана шыракансем вара пĕр ырăлăхран та юлмаççĕ.
(11) Килĕр, ачасем, итлĕр мана: сире Çÿлхуçаран хăрама вĕрентем.
(12) Этемĕн пурăнасси килет-и, вăрăм ĕмĕрлĕ пулса ырă курасси килет-и?
(13) Апла чĕлхÿне усал сăмах каласран, çăварна ултавлă сăмах каласран чарса тăр.
(14) Усал ĕçрен пăрăн, ырă ту; тăнăçлăха шыра, çавна йĕрле.
(15) Çÿлхуçанăн куçĕ — тÿрĕ çынсем çинче, Унăн хăлхи — вĕсем йăлăннă енче.
(16) Анчах Унăн сăнĕ — усал тăвакансене тÿртĕн: Вăл вĕсенĕн ятне çĕр çинчен пĕтересшĕн.
(17) Тархаслаççĕ те [тÿрĕ çынсем] — Çÿлхуçа вĕсене илтет, вĕсене пур асапĕнчен те хăтарать.
(18) Çÿлхуçа хурлăхлă чĕреллисене çывăх тăрать, Вăл йăваш кăмăллисене çăлать.
(19) Тÿрĕ çыннăн хĕн-асап нумай, Çÿлхуçа ăна пуринчен те хăтарĕ.
(20) Вăл унăн шăмми-шаккине сыхă усрать; унăн пĕр шăмми те ванмĕ.
(21) Çылăхлă çынна усаллăхĕ вĕлерĕ, тÿрĕ çынна курайманнисем айăпа юлĕç.
(22) Çÿлхуçа Хăйĕн чурисен чунне хăтарĕ, Ăна шанаканĕ пĕри те айăпа юлмĕ.Мухтав.

Псалом 35/34

Давид псаломĕ.
(1) Эй Çÿлхуçа, манпа тавлашакансен тавăçне татса пар, манпа тытăçакансене парăнтар;
(2) хулканпа хурçă тумна илсе мана пулăшма çĕклен;
(3) мана йĕрлекенсене хирĕç сăнăпа айпăлти туртса кăлар; манăн чунăма кала:«санăн çăлăнăçу — Эпĕ!» те.
(4) Манăн чунăма шыракансем намăсланччăр, мăшкăл курччăр; мана усал сунакансем каялла тарччăр, хисепрен тухчăр;
(5) вĕсем çил умĕнчи хывăх пек пулччăр, вĕсене Çÿлхуçа Ангелĕ хăваласа ятăр;
(6) вĕсен çулĕ тĕттĕм те шуçлака пултăр, Çÿлхуçа Ангелĕ вĕсене хыçран хăвалатăр:
(7) айăпăм çук çĕртех вĕсем вăрттăн ман валли таната карчĕç, айăпăм çук çĕртех чунăм валли шăтăк алтрĕç.
(8) Вĕсен пĕр кĕтмен чухне пĕтмелле пултăр, ман валли вăрттăн карнă танати вĕсене хăйсене çаклаттăр; çавăнта пĕтмеллипех кĕрсе ÿкчĕр.
(9) Манăн чунăм вара Çÿлхуçашăн савăнĕ, Вăл çăлнăшăн хĕпĕртесе тăрĕ.
(10) Пĕтĕм шăммăм-шаккăм çапла калĕ: «эй Çÿлхуçамăм! Сан пекки кам пултăр тата? Эсĕ вăйсăррине вăйлинчен хăтаратăн, чухăнпа мĕскĕне хăйсене çаратаканĕсенчен çăлатăн».
(11) Мана хирĕç суя кÿнтеленсем тăчĕç: манран хам пĕлменнине тĕпчеççĕ;
(12) ырăшăн мана усалпа тавăраççĕ, вĕсем манăн чунăма тытасшăн.
(13) Вĕсем чирленĕ чухнеэпĕ хуйхă тумтирĕ тăхăнса çÿрерĕм, типĕ тытса чунăма мĕскĕнлетрĕм, манăн кĕллĕм хам ăшăмах таврăнатчĕ.
(14) Вĕсене юлташăм, тăванăм вырăнне хурса хурланаттăм; амăшĕшĕн йĕрекен пек хуйхăрса, пуçăма чиксе çÿреттĕм.
(15) Эпĕ такăннă чухне вĕсем савăнатчĕç, пĕрле пухăнатчĕç, мана çиекенсем пĕрле пухăнатчĕç, эпĕ вĕсене палламастăм та, вĕсем хăртатчĕç мана, чарăна пĕлместчĕç;
(16) мана сăнатчĕç, мăшкăллатчĕç, мана хирĕç шăл хăйратчĕç.
(17) Эй Çÿлхуçа! çакна хăçанччен пăхса тăрăн-ши? Манăн чунăма вĕсен усаллăхĕнчен çăлсам, пĕртен-пĕррескерĕме çав арăслансенчен хăтарсам.
(18) Сана аслă пухура аслăласа тăрăп, Сана йышлă халăх хушшинче мухтаса тăрăп.
(19) Кăлăхах тапăнакан тăшманăмсем мана çĕнтерсе ан савăнайччăр,
(мана айăпсăр çĕртенех курайман çынсем пĕр-пĕрне куç хĕссе ан тăрайччăр;
(20) тăнăçлăх çинчен калаçмаççĕ вĕсем, çĕр çинче татуллă пурăнакансем çинчен чее кавар тăваççĕ;
(21) çăварне карса, манран кулаççĕ: «аван-ха ку, аван, куçăмăр курчĕ ĕнтĕ» тееççĕ.
(22) Эй Çÿлхуçа, Эсĕ куртăн, чĕнмесĕр ан тăрсамччĕ; эй Çÿлхуçа! пăрахса ан кайсамччĕ мана.
(23) Эй Турăçăм, эй Çÿлхуçамăм! вăран, мана сут тума çĕклен, манăн тавăçа татса пар.
(24) Эй Çÿлхуçамăм, эй Туррăм, Хăвăн тÿрĕлĕхÿпе сут ту мана, вĕсем ман тĕлĕшĕмрен ан савăнайччăр;
(25) хăйсен ăшĕнче: «аван-ха ку! [аван!] ĕнтĕ кăмăлăмăр тулчĕ!» тесе ан шухăшлайччăр. «Хыпса çăтрăмăр хайхине» тесе ан калайччăр.
(26) Манăн хĕн-асапшăн савăнакансем пурте намăсланччăр, мăшкăл курччăр; ман умра каппайланакансем хур курччăр, çын кулли пулччăр.
(27) Эпĕ тÿрре тухасса ĕмĕтленекенсем савăнччăр, хĕпĕртеччĕр, ĕнтĕ пĕр вĕçĕмсĕр:
(«Хăй чурине канăçлăх сунакан Çÿлхуçа асла тухтăр!» тесе тăччăр.
(28) Манăн чĕлхем те куллен-кун Санăн тÿрĕлĕхÿ çинчен, Санăн мухтавлăху çинчен вĕрентĕ.

Псалом 36/35

Юрлакан ушкăн пуçлăхне. Турă чури Давидăн.
(1) Йĕркесĕр çын усаллăхĕ çинчен манăн чĕрем çапла калать: вăл Турăран хăрамасть, çавă çук ун умĕнче:
(2) хăйĕн йĕркесĕр ĕçĕсене шыранă пек пулса, вĕсене курайми пек пулса, хăйне хăй йăпатать вăл;
(3) çăварĕнчен тухан сăмахĕ — суя та ултав; вăл ырă тăвасси çинчен шутламасть те;
(4) выртан вырăнĕ çинче те йĕркесĕр ĕç тăвасси çинчен шухăшлать, ырă мар çул çине тăрать, усалтан йĕрĕнмест.
(5) Эй Çÿлхуçа! Санăн ырăлăху тÿпене çитиех, Санăн чăнлăху пĕлĕтсем таранах!
(6) Санăн тÿрĕлĕхÿ — Турă тăвĕсем пек, Санăн сутусем — тĕпсĕр шывсем пек! Эй Çÿлхуçа, Эсĕ этеме те, выльăх-чĕрлĕхе те сыхă усратăн!
(7) Эй Турăçăм, Санăн ырăлăху мĕн тери паха! Этем ывăлĕсем Санăн çунату хÿттинче канлĕ пурăнаççĕ:
(8) вĕсем Санăн Çуртăнти тулăх апатпа тăранаççĕ, Эсĕ вĕсене Хăвăн сим пылу юхакан çырмаран ĕçтеретĕн,
(9) мĕншĕн тесессĕн Санра — чĕрĕлĕх çăлкуçĕ; Санăн çуттунта эпир çутă куратпăр.
(10) Хăвна пĕлекенсене ырăлăхна, тÿрĕ чĕреллисене тÿрĕлĕхне кăтартса тăр,
(11) ман çине мăнаçлăх ури пусайминччĕ, çылăхлă çын алли мана хăваласа ярайминччĕ:
(12) йĕркесĕр ĕç тăвакансем çавăнта ÿкрĕç, вĕсене ÿкернĕ, ĕнтĕ тăраймаççĕ.Мухтав.

Псалом 37/36

Давид псаломĕ.
(1) Усал çынсем тĕлĕшпе хĕрсе ан кай, йĕркесĕр ĕç тăвакансем тĕлĕшпе ан тарăх:
(2) вĕсене кĕçех курăк пек çулса пăрахĕç, вĕсем ешерекен ÿсен-тăран пек шанса кайĕç.
(3) Çÿлхуçана шан, ырă ту; çĕр çинче пурăн, чăнлăха упра.
(4) Çÿлхуçапа лăплан, Вăл санăн чĕрÿ ĕмĕтне çитерĕ.
(5) Хăвăн çулна Çÿлхуçа аллине пар, Ăна шан, Вăл туса çитерĕ,
(6) санăн тÿрĕлĕхне çутă пек, санăн тĕрĕслĕхне кăнтăр кунĕ пек кăтартĕ.
(7) Çÿлхуçана пăхăн, Ăна шанса пурăн. Ултавçă çыннăн çулĕ ăнса пынăшăн ан кĕвĕç.
(8) Çилленме чарăн, хаярлăхна пăрах; усал тумалăхах ан тарăх:
(9) усал тăвакансем тĕп пулĕç, Çÿлхуçана шанакансем еткерлĕх çĕр илĕç.
(10) Вăраха та каймĕ — усал çын пулмĕ; вăл тăнă вырăна пăхăн та — вăл çук та.
(11) Иăвашшисем еткерлĕх çĕр илĕç,
(вĕсем тулли тăнăçлăхпа савăнса пурăнĕç.
(12) Усал çын тÿрĕ çынна хирĕç усал шухăш тытать, ăна хирĕç шăлне хăйрать:
(13) Çÿлхуçа унран кулать,
(мĕншĕн тесессĕн унăн кунĕ çывăхарнине курса тăрать.
(14) Чухăна, мĕскĕне пĕтермешкĕн, тÿрĕ çулпа пыракансене чиксе пăрахмашкăн усал çынсем хĕçне кăлараççĕ, уххине карăнтараççĕ:
(15) вĕсенĕн хĕçĕсем хăйсен чĕрисенех тăрăнĕç, уххисем арканĕç.
(16) Тÿрĕ çыннăн сахалли те — нумай-нумай усал çын мулĕнчен пахарах:
(17) усал çынсенĕн вăйĕ путланĕ, тÿрĕ çынсене вара Çÿлхуçа тĕреклентерет.
(18) Айăпсăр çынсенĕн кунĕсене Çÿлхуçа пĕлсе тăрать, вĕсенĕн пурлăхĕ ĕмĕре пырĕ:
(19) хаяр вăхăтра вĕсем намăса юлмĕç, выçлăх çулсенче те тутă пулĕç;
(20) усал çынсем путланĕç, Çÿлхуçа тăшманĕсем путек çăвĕ пек çухалĕç, тĕтĕм ăшĕнче çухалĕç.
(21) Усал çын кивçен илет те — тавăрса памасть; тÿрĕ çын хĕрхенет те — парать.
(22) Турă пилленисене еткерлĕх çĕр тивĕ, Вăл ылханнисене пĕтерĕç.
(23) Тÿрĕ çыннăн урине Çÿлхуçа тĕреклĕлетет, унăн çулĕ Турра кăмăллă:
(24) вăл ÿке пуçласан та йăванса каймĕ — Çÿлхуçа ăна аллинчен тытса тăрать.
(25) Эпĕ çамрăкчĕ, ĕнтĕ ватăлтăм, тÿрĕ çынна пăрахнине, унăн ачисем çăкăр кĕлесе çÿренине курмарăм:
(26) вăл куллен ырă тăвать, кивçен парать, унăн йăхĕ пиллĕхлĕ пулать.
(27) Усал ĕçрен пăрăн, ырă ту, вара ĕмĕр пурăнăн:
(28) Çÿлхуçа тÿрĕ сута юратать, Хăйĕн сăваплă çыннисене пăрахмасть; вĕсем ĕмĕрех сыхланса юлĕç; [йĕркесĕррисене кăларса пăрахĕç,] усал çынсенĕн йăхĕ тĕп пулĕ.
(29) Тÿрĕ çынсене еткерлĕх çĕр тивĕ, вĕсем унта ĕмĕрех пурăнĕç.
(30) Тÿрĕ çыннăн чĕлхи-çăварĕ ăслă сăмах калаçать, унăн чĕлхи чăннине калать.
(31) Хăй Туррийĕн саккунĕ чĕринчех упранать; унăн ури такăнас çук.
(32) Усал çын тÿрĕ çынна вăрттăн сыхласа çÿрет, ăна вĕлерме май шырать;
(33) анчах Çÿлхуçа ăна ун аллине памĕ, сут тунă чухне ăна айăпа хăварттармĕ.
(34) Çÿлхуçана шан, Унăн çулĕпе çÿре: çĕре еткерлĕхе памашкăн Вăл сана çĕклĕ; эсĕ усал çынсене пĕтернине курса тăрăн.
(35) Эпĕ йĕркесĕр çынна, хăрушăскерне, курнăччĕ, вăл Ливан кедрĕ пекех мăнаçлăн курăнатчĕ;
(36) анчах вăл иртсе кайрĕ те, акă вăл çук та; шыратăп ăна — тупаймастăп.
(37) Айăпсăр çынран вĕрен, тÿрĕ çын çине пăх, ун пек çыннăн пуласлăхĕ — канлĕ пурăнăç;
(38) йĕркесĕр çынсем вара пурте тĕп пулĕç; усал çынсенĕн пуласлăхĕ путланĕ.
(39) Тÿрĕ çынсен çăлăнăçĕ Çÿлхуçаран килет, хĕн-асаплă вăхăтра вĕсен хÿтлĕхĕ — Турă;
(40) Çÿлхуçа вĕсене пулăшĕ, вĕсене хăтарĕ; усал çынсенчен хăтарĕ вĕсене, çăлĕ вĕсене, мĕншĕн тесессĕн вĕсем Ăна шанса тăраççĕ.Мухтав.

Псалом 38/37

Давид псаломĕ. [Шăматкуна] асăнса.
(1) Эй Çÿлхуçамăм! хаярлăхупах ан айăпласам мана, çилленсех хаса ан парсам мана:
(2) мана Санăн çĕмренÿсем тăрăнчĕç, мана Санăн аллу пусса тăрать.
(3) Эсĕ çилленнипе ÿтĕм-тирĕмре сурансăр вырăн юлмарĕ; çылăхăмсене пула шăммăмсем те канăç мĕнне пĕлмеççĕ:
(4) ĕнтĕ çылăхлă ĕçĕмсем пуç тÿпинчен те иртсе кайрĕç, мана йывăр çĕклем пек пусса тăраççĕ,
(5) хамăн ăссăрлăхăма пула суранăмсем шăршланса юхса тăраççĕ.
(6) Пĕкĕрĕлсех кĕтĕм, хутлансах лартăм, кунĕпе вăйăрханса çÿретĕп:
(7) пилĕкĕме шăтан-юхан тухса тулчĕ, ÿтĕм-тирĕмре сурансăр вырăн юлмарĕ.
(8) Халран кайса çитрĕм, ытла та хавшарăм; чĕрем тĕлкĕшнипе кăшкăрса макăратăп.
(9) Эй Çÿлхуçамăм! пĕтĕм шухăш-ĕмĕтĕм — Санăн умунта, эпĕ ахлатни те Санран пытанмасăр тăмасть.
(10) Чĕрем чĕтĕрет; вăйăм пĕтсе çитрĕ, куçăм çути — вăл та пулин юлмарĕ.
(11) Юлташăмсем, варлă-туслă пулнисем те, ман чирĕмрен пăрăнчĕç, çывăх çыннăмсем аякра тăраççĕ.
(12) Чунăма шыракансем танатасем караççĕ, мана усал сунакансем мана пĕтересси çинчен калаçаççĕ, кулленех мана пĕтерме каварлашаççĕ;
(13) эпĕ, хăлхасăр çын пек, илтместĕп, çăварне уçман чĕлхесĕр çын пек, чĕнместĕп;
(14) эпĕ ĕнтĕ илтмен çын пек, хирĕç тавăрса калайман çын пек тăрса юлтăм.
(15) Эй Çÿлхуçамăм, эпĕ Сана шанатăп; эй Çÿлхуçамăм, эй Туррăм, Эсĕ мана илтĕн.
(16) Эпĕ каларăм: [тăшманăмсем] эпĕ пĕтнине курса ан савăнайччăр; ман ура такăнсассăн вĕсем ман умăмра ан мухтанайччăр, терĕм.
(17) Эпĕ ĕнтĕ пĕтес патнех çитрĕм, асапăм яланах хам умăмра тăрать.
(18) Йĕркесĕр ĕçĕме эпĕ пĕлетĕп, çылăхăм пирки çунатăп.
(19) Сăлтавсăрах манăн тăшман пулнисем вара пурăнаççĕ, тĕрекленеççĕ, мана курайманнисем хушăнсах пыраççĕ;
(20) мана ырăшăн усалпа тавăракансем эпĕ ырă тума тăрăшнăшăн мана кураймасăр тăраççĕ.
(21) Эй Çÿлхуçамăм, эй Туррăм, ан пăрахсам мана! Пăрахса ан кайсам мана;
(22) эй Çÿлхуçамăм, эй Çăлаканăм, мана пулăшма васкасам!

Псалом 39/38

Юрлакан ушкăн пуçлăхне, Идифуна. Давид псаломĕ.
(1) Каларăм: чĕлхемпе çылăха кĕрес марччĕ тесе хамăн çулсене астуса тăрăп; усал çын умăмра тăнă чухне чĕлхе-çăварăма чаруллă тытăп, терĕм.
(2) Чĕнми пултăм, сасă та кăлармарăм, лайăх пултăр тесе нимĕн те шарламарăм; ĕнтĕ манăн асапăм амаланчĕ.
(3) Чĕреме çулăм хыпса илчĕ; шухăшăмсене вут-çулăм ярса илчĕ; ĕнтĕ калаçма пуçларăм:
(4) эй Çÿлхуçа, эпĕ хăçан вилессине тата миçе кун юлнине каласамччĕ, манăн ĕмĕрĕм тăршшĕне пĕлесчĕ.
(5) Акă Эсĕ мана шит тăршшĕ кунсем патăн, Санăн умунта манăн ĕмĕрĕм нимĕн те мар. Чăнах, кирек хăш этем те çил варкăшĕ çеç-мĕн.
(6) Чăнах, этем ĕмĕлке пек çеç çÿрет-мĕн; кăлăхах шараçланать вăл, мул пухать, вăл кама юласса хăй те пĕлмест.
(7) Эй Çÿлхуçа, мĕн кĕтес ĕнтĕ манăн? пĕр Сана çеç шанатăп.
(8) Мĕнпур йĕркесĕр ĕçĕмрен хăтарсам мана, ăссăр çын мăшкăлĕ ан тусам мана.
(9) Эпĕ чĕнместĕп, çăварăма та уçмастăп, мĕншĕн тесессĕн Эсĕ çапла турăн.
(10) Кăтартас асапна сирсе ярсамччĕ манран; аллу хаярлăхĕ тивнипе пĕтетĕп.
(11) Эсĕ этеме усал ĕçĕсемшĕн питлесе хаса парас пулсассăн,унăн илемĕ кĕве касса тăкнă пек çухалĕ. Çапла, кирек хăш этем те çил варкăшĕ çеç-мĕн!
(12) Эй Çÿлхуçамăм, манăн кĕллĕме илтсем, йĕрсе йăлăннине тăнласам,эпĕ куççулĕ тăкнă чухне сасă памасăр ан тăрсам: хамăн аттемсем пек, эпĕ Санăн умунта — çулçÿрен анчах, ютран килнĕ çын анчах.
(13) Куçăнтан вĕçертсем мана — ĕмĕрлĕхе кайиччен, вилсе çухаличчен кăштах савăнам эпĕ.

Псалом 40/39

Юрлакан ушкăн пуçлăхне. Давид псаломĕ.
(1) Çÿлхуçана çирĕп шанса тăтăм та — Вăл ман енне пĕшкĕнчĕ те эпĕ йĕрсе йăлăннине илтрĕ;
(2) мана хăрушă шăтăкран,юшкăнлă шурлăхран туртса кăларчĕ, урана чул çине пустарчĕ, ăна тĕреклĕ тăратрĕ;
(3) Туррăмăра мухтаса юрламашкăн чĕлхеме çĕнĕ юрă вĕрентрĕ. Нумайăшĕ çакна курĕ те хăраса ÿкĕ, Çÿлхуçана шана пуçлĕ.
(4) Çÿлхуçана шанса тăракан çын, мăнаçлисем енне,ултава парăнакансем енне сулăнман çын телейлĕ.
(5) Эй Çÿлхуçамăм, эй Туррăм, Эсĕ темĕн чухлех тунă: пирĕншĕн тунă хăватусем çинчен, тĕлĕнмелле ĕçÿсем çинчен — Санпа кам танлашайĕ? —вĕрентсе çÿрĕттĕм, калаçăттăм эпĕ, анчах вĕсен имĕ-сумĕ те çук.
(6) Сана парне выльăхĕ те, урăх парне те кирлĕ мар; Эсĕ манăн хăлхана уçрăн*; Эсĕ пĕтĕмĕшпе çунтарса кÿмелли парнесем, çылăхшăн кÿрекен парнесем ыйтмарăн.
(7) Çавăн чухне каларăм: хамах пыратăп, терĕм; ман çинчен кĕнекере çырса хунă:
(8) эй Туррăм, эпĕ Санăн ирĕкне туса тăрасшăн, Санăн саккуну — чĕрем варринчех, терĕм.
(9) Эпĕ Санăн тÿрĕлĕхне
(аслă пухура каласа пĕлтертĕм; чĕлхе-çăварăма чарса тăмарăм: Эсĕ, Çÿлхуçамăм, Ху пĕлетĕн.
(10) Санăн тÿрĕлĕхне чĕрере пытарса тăмарăм,Санăн тĕрĕслĕхÿ çинчен, Эсĕ çăлни çинчен каларăм, Санăн ырăлăхупа Санăн чăнлăхна аслă пуху умĕнче пытарса тăмарăм.
(11) Эй Çÿлхуçа, Хăвăн хĕрхенекен кăмăлна манран ан сирсемччĕ;Санăн ырăлăхупа Санăн чăнлăху мана яланах сыхласа тăрĕçинччĕ:
(12) темĕн тĕрлĕ асап та сырса илчĕ мана;хам тунă йĕркесĕр ĕçсем хамах çитрĕç, ĕнтĕ пăхса та курайми пултăм:вĕсем пуçăм çинчи çÿç пĕрчинчен те йышлăрах; чĕрем вăйĕ юлмарĕ.
(13) Эй Çÿлхуçа, мана хăтарма кăмăл тусамччĕ; эй Çÿлхуçа! мана пулăшма васкасамччĕ.
(14) Манăн чунăма пĕтерме ăнтăлакансем пурте намăсланччăр, мăшкăл курччăр! Мана усал сунакансем каялла тарччăр, çын кулли пулччăр!
(15) Мана: «аван-ха ку! аван!» теекенсем
(намăса юлнипе шуйханса ÿкчĕр.
(16) Сана шыракансем пурте Саншăн савăнса хĕпĕртеччĕр, Эсĕ çăлнине юратакансем пĕр вĕçĕмсĕр: «Çÿлхуçа аслă!» тесе тăччăр.
(17) Эпĕ — чухăн та мĕскĕн, анчах маншăн Çÿлхуçа тăрăшать. Эсĕ — мана Пулăшаканĕ, мана Хăтараканĕ, эй Туррăм! ан вăрахласамччĕ.Мухтав.

Псалом 41/40

Юрлакан ушкăн пуçлăхне. Давид псаломĕ.
(1) Мĕскĕне, [чухăна] асĕнче тытакан çын телейлĕ! Йывăр кун килсессĕн Çÿлхуçа ăна хăтарĕ.
(2) Çÿлхуçа ăна сыхлĕ, пурăнăçне упраса хăварĕ; вăл çĕр çинче телейлĕ пулĕ.Эсĕ ăна тăшманĕсен аллине памăн.
(3) Çÿлхуçа ăна чирлĕ выртакан вырăнĕ çинче самайлатĕ. Вăл чирлĕ выртакан вырăна Эсĕ пĕтĕмпех улăштарăн.
(4) Эпĕ каларăм: эй Çÿлхуçа! хĕрхенсем мана, чунăма сыватсам: эпĕ Сан умунта çылăха кĕтĕм, терĕм.
(5) Тăшманăмсем ман çинчен усал калаçаççĕ: «хăçан вилĕ-ши ку, ячĕ хăçан çухалĕ-ши?» теççĕ.
(6) Мана курма килекен суеçтерсе пуплет; чĕри унăн элек тĕвĕлет, тухса каять те — çисе çÿрет.
(7) Мана курайманнисем пурте ман çинчен пăшăлтатаççĕ, мана усал тума каварлашаççĕ:
(8) «хура ылхан çитрĕ ăна; ураран ÿкрĕ; тăрас çук ĕнтĕ» теççĕ.
(9) Варлă пурăннă тусăмах, хам шанса тăниех, ман çăкăра çинĕ çыннах мана хирĕç урине çĕклерĕ.
(10) Эсĕ вара, Çÿлхуçамăм, хĕрхенсем мана, сыватса тăратсам мана — вĕсене тавăрам.
(11) Тăшманăм хама çĕнтерейменнине курсассăн, Эсĕ мана кăмăл тунине ăнласа илĕп,
(12) Эсĕ мана тĕрĕс-тĕкел упраса хăварăн, ĕмĕрлĕхе Хăвăн умна тăратăн.
(13) Çÿлхуçа, Израиль Турри, ĕмĕртен ĕмĕре мухтавлă! Аминь, аминь!II-мĕш кĕнеке

Псалом 42/41

Юрлакан ушкăн пуçлăхне. Вĕрентсе калани. Корей ывăлĕсенĕн.
(1) Эй Турăçăм! шывсăр антăхнă айпăлан епле юхăм патне ăнтăлать, манăн чунăм та çапла Сан патна ăнтăлать.
(2) Манăн чунăм Турăшăн, чĕрĕ Турăшăн çунать: хăçан çитĕп-ши, хăçан Турă сăнне курăп-ши?
(3) Мана кунсеренех: «санăн Турру ăçта?» тенĕ чухне кăнтăрла та, çĕрле те куççулĕ манăн çăкăрăм пулчĕ.
(4) Çакна аса илсе чунăма уçса паратăп: эпĕ йышлă халăх хушшинче çÿреттĕм, уяв тăвакан халăхпа савăнса, Турра аслăласа Турă Çуртне пырса кĕреттĕм.
(5) Ах, чунăм, мĕншĕн кулянатăн, мĕншĕн пăлханатăн? Турра шан: эпĕ Ăна —
(Çăлаканăма, Туррăма — татах та мухтăп-ха.
(6) Ăшăмра чунăм кулянать; çавăнпа Иордан çĕрĕнче, Ермон çинче, Цоар тăвĕ çинче, Сана аса илетĕп.
(7) Санăн кĕрленкÿсен шавĕпе тĕпсĕр шыв каплана-каплана анать; Санăн мĕнпур шывусем, Санăн хумусем ман çийĕмрен иртрĕç.
(8) Çÿлхуçа мана кăнтăрла Хăй ырăлăхне кăтартĕ, çĕрле эпĕ Ăна тав туса юрлăп, пурăнăçăмăн Туррине кĕлтăвăп.
(9) Турра, хута кĕрекенĕме, çапла калăп: мĕншĕн мантăн-ши мана? Тăшман мăшкăлланă чухне мĕншĕн хуйхăрса çÿретĕп-ши эпĕ?
(10) Тăшманăмсем мана кунсерен: «санăн Турру ăçта?» тесе, шăммăмсене ватиччен хăртаççĕ, манран кулаççĕ.
(11) Ах, чунăм, мĕншĕн кулянатăн, мĕншĕн пăлханатăн? Турра шан: эпĕ Ăна —Çăлаканăма, Туррăма — татах та мухтăп-ха.

Псалом 43/42

(1) Эй Турă, тÿррипе сут тусам мана, ырă мар халăхпа манăн хушшăмăрти тавăçа татса пар. Чее çынран, тÿрĕ мар çынран хăтарсам мана.
(2) Эсĕ — мана тĕрек паракан Турă. Мĕншĕн пăрахрăн-ши мана? тăшман мăшкăлланă чухне мĕншĕн хуйхăрса çÿретĕп-ши эпĕ?
(3) Хăвăн çуттупа Хăвăн чăнлăхна ярсамччĕ; мана çавсем ертсе кайччăр, Санăн сăваплă тăву çине, Санăн Çуртна илсе çитерччĕр.
(4) Вара Турра парне кÿмелли вырăн патне, хама савăнтаракан, хаваслантаракан Турă умне пырса тăрăп, эй Турăçăм, Турăçăм, Сана кĕсле каласа мухтăп!
(5) Ах, чунăм, мĕншĕн кулянатăн, мĕншĕн пăлханатăн? Турра шан: эпĕ Ăна — Çăлаканăма, Туррăма — татах та мухтăп-ха. Мухтав.

Псалом 44/43

Юрлакан ушкăн пуçлăхне. Вĕрентсе калани. Корей ывăлĕсенĕн.
(1) Эй Турă, эпир хамăр хăлхапа хамăр илтрĕмĕр, Эсĕ авалхи кунсенче, аттемĕрсен вăхăтĕнче, тунă ĕç çинчен аттемĕрсем пире кала-кала паратчĕç:
(2) Хăвăн аллупа Эсĕ халăхсене пĕтернĕ, аттемĕрсене вара вырăнаçтарнă;
(ют ăрусене çĕмĕрсе тăкнă, вĕсене вара вырăнаçтарса тухнă:
(3) çав çĕре аттемĕрсем хĕçпе çĕнтерсе илмен, вĕсене хăйсен вăйĕ çăлман —Санăн сылтăм аллу, Санăн вăю, Сан сăнун çутийĕ çăлнă вĕсене, мĕншĕн тесессĕн Эсĕ вĕсене кăмăлланă.
(4) Эй Турă, Эсĕ, шăпах Эсĕ — манăн Патшамăм, Эсĕ — Иакова çăлăнăç параканĕ.
(5) Санпа пĕрле хамăр тăшмансене мăйракапа сĕксе ÿкерĕпĕр, хамăра тапăнакансене Санăн ятушăн урапа таптăпăр:
(6) эпĕ хамăн уххăма шанмастăп, хĕçĕм те çăлас çук мана;
(7) хамăр тăшмансенчен пире Эсĕ çăлăн, пире курайманнисене намăса хăварăн.
(8) Куллен-кун Турăпа мухтанăпăр, Санăн ятна ĕмĕр аслăласа пурăнăпăр.
(9) Анчах халĕ Эсĕ пире пăрахрăн, пире намăса хăвартăн, пирĕн çарсемпе пĕрле тухмастăн;
(10) Эсĕ пире тăшмансенчен каялла тартрăн, пире хамăра курайманнисем çаратаççĕ;
(11) Эсĕ пире пусса çимелли сурăхсем вырăнне патăн, пире тĕрлĕ халăх хушшине салатрăн;
(12) Эсĕ Хăвăн халăхна ытла та йÿне сутрăн, унăн хакĕнчен тупăш илмерĕн;
(13) пире кÿршĕ халăхсен мăшкăлĕ турăн, хамăр таврара пурăнакансенĕн кулли турăн;
(14) Эсĕ пире халăхсем хушшинче çын кулли турăн,
(ют ăрусем хушшинче пуç сулласа хурламалли турăн.
(15) –
(16) Хам намăса юлни яланах умăмра тăрать, хама хăртакансен, мăшкăллакансен сассинчен, тăшмансем, тавăракан çынсем пăхса тăнăран питĕме намăс хуплать:
(17) çакă пĕтĕмпе пирĕн çине йăтăнса анчĕ, çавах эпир Сана манмарăмăр, Санăн халална пăсмарăмăр.
(18)-
(19) эсĕ пире шакалсен çĕрĕнче çĕмĕрсе тăкнă чухне, пире вилĕм ĕмĕлкипе хупăрланă чухне пирĕн чĕре каялла чакмарĕ, пирĕн урасем Санăн çулунтан пăрăнмарĕç.
(20) Эпир Туррăмăр ятне маннă пулсассăн, аллăмăра ют турă енне тăснă пулсассăн,
(21) Турă çакна асăрхаман пулĕччĕ-и вара? — Вăл чĕре вăрттăнлăхĕсене пĕлет-çке.
(22) Анчах пире кунсерен Саншăн вĕлереççĕ, пире пусас сурăхсем вырăнне хураççĕ.
(23) Эй Çÿлхуçа, тăр! мĕншĕн çывăратăн, вăран, яланлăхах ан пăрах пире.
(24) Мĕншĕн сăнна кăтартмасăр тăратăн-ши?мĕншĕн эпир куляннине, асапланнине манатăн-ши?
(25) Пирĕн чуна пылчăк çинех пăрахрĕç, пирĕн ÿт çĕр çумнех çыпăçăнчĕ.
(26) Эй Турă, тăрса пулăшсамччĕ пире, хĕрхенекен кăмăлушăн çăлсамччĕ пире.

Псалом 45/44

Юрлакан ушкăн пуçлăхне. Шошан теекен сăпрайпа. Вĕрентсе калани. Ко-рей ывăлĕсенĕн. Юрату юрри.
(1) Чĕремрен ырă сăмах тулса тăкăнать; пĕлтерем: Патша çинчен манăн юррăм; чĕлхем — хăвăрт çыракан çыруçăн калемĕ.
(2) Эсĕ — этем ывăлĕсенчен чи илемли; чĕлхÿ-çăварунтан тивлет юхса тăрать; çавăнпа Турă Сана ĕмĕрлĕхе пилленĕ.
(3) Эй Вăйлăскер, Хăвăн хĕçне — Хăвăн мухтавна, Хăвăн илемне — пилĕкÿнтен çакса яр,
(4) çапла капăрланнăскер, васка Эсĕ, чăнлăх, йăвашлăх, тÿрĕлĕх хутне кĕмешкĕн вăрçă урапи çине лар —
(вара сылтăм аллу Сана тĕлĕнмелле ĕçсем кăтартĕ.
(5) [Эй Вăйлăскер,] çĕмренÿсем çивĕч Санăн, халăхсем Санăн умна ÿкĕç, çĕмренÿсем — Патша тăшманĕсен чĕрине.
(6) Эй Турă, Санăн аслă пукану — ĕмĕр-ĕмĕре; тĕрĕслĕх туйи — Санăн патшалăхун туйи.
(7) Эсĕ тÿрĕлĕхе юрататăн, йĕркесĕрлĕхе кураймастăн, эй Турă, çавăнпа Сана Хăвăн Турру Хăвăнпа пая кĕнисенчен мала хурса савăнăç çăвĕ сĕрнĕ.
(8) Санăн пĕтĕм туму — смирна пек, алой та касия пек; сăлан шăмминчен тунă керменсенчен илтĕнекен кĕвĕсем кăмăлна çĕклентереççĕ.
(9) Хисеплĕ хăнусем хушшинче — патша хĕрĕсем; Санăн сылтăм енне Офир ылтăнĕ сăрнă тумпа патша мăшăрĕ пырса тăчĕ.
(10) Эй этем хĕрĕ, илт эсĕ, кур, хăлхуна тайса итле, ĕнтĕ хăвăн халăхна, аçу кил-çуртне манăçла.
(11) Патша санăн илемне сăхланĕ: Вăл — санăн Хуçу, пуççап Ăна.
(12) Тир хĕрĕ парнесемпе килĕ, сана халăх хушшинчи çĕрме пуянсем тархаслĕç.
(13) Патша хĕрĕн мĕнпур чапĕ — унăн чĕринче; унăн тумтирне ылтăнпа тĕрленĕ;
(14) чеченленĕ хÿхĕм тумпа ăна Патша патне илсе каяççĕ; ун хыççăн Сан патна хĕрсене, унăн тус-хĕрĕсене, ертсе пыраççĕ,
(15) савăнса, хавасланса пыраççĕ, Патша керменне çитсе кĕреççĕ.
(16) Аçусем вырăнне ывăлусем пулĕç Санăн; Эсĕ вĕсене пĕтĕм çĕр çине пуçлăхсем туса лартăн.
(17) Санăн ятна сыпăкран сыпăка асăнмалла тăвăп; çавăнпа Сана халăхсем ĕмĕр-ĕмĕрех мухтавлĕç.

Псалом 46/45

Юрлакан ушкăн пуçлăхне. Корей ывăлĕсенĕн. Аламоф теекен сăпрайпа. Юрă.
(1) Турă — пирĕн тарса хăтăлмалли хÿтлĕхĕмĕр, вăй-хăватăмăр, хĕн-инкекре пулăшаканĕ,
(2) çавăнпа эпир çĕр кисренсе каяс пулсассăн та, тусем тинĕс варрине ÿкес пулсассăн та хăрамăпăр.
(3) Тинĕс шывĕ шавлатăр, çĕклене-çĕклене кайтăр,
(вăл хумханнипе тусем чĕтĕреччĕр — эпир хăрамăпăр.
(4) Турă хулине, Çÿлти Туррăн сăваплă килне, юхса выртан шывсем савăнтараççĕ.
(5) Турă — çак хулара; вăл çирĕп тăрĕ: ăна Турă иртенпех пулăшса пырĕ.
(6) Халăхсем шавлаççĕ; патшалăхсем тапранчĕç: [Çÿлти Турă] сасă пачĕ те — çĕр ирĕлсе кайрĕ.
(7) Пирĕнпе пĕрле — çÿлти çарсенĕн Çÿлхуçи, пирĕн хута кĕрекенĕ — Иаков Турри.
(8) Килĕр, Çÿлхуçа ĕçĕсене курăр — Вăл çĕр çинче епле тустарса тухрĕ:
(9) вăрçа çĕр чиккине çитиех чарса ухăсене аркатрĕ, сăнăсене хуçса ывăтрĕ, вăрçă ураписене вут-çулăмпа çунтарса ячĕ.
(10) «Чарăнăр, Эпĕ Турă иккенне ăнласа илĕр: халăхсем хушшинче асла тухатăп, çĕр çинче асла тухатăп».
(11) Пирĕнпе пĕрле — çÿлти çарсенĕн Турри, Иаков Турри — пирĕн хута кĕрекенĕ.Мухтав.

Псалом 47/46

Юрлакан ушкăн пуçлăхне. Корей ывăлĕсенĕн. Псалом.
(1) Эй халăхсем, пурсăр та алă çупăр, савăнăçлă сасăпа кăшкăра-кăшкăра илĕр, Турра мухтăр:
(2) Çÿлти Турă, Çÿлхуçамăр, хăрушă — пĕтĕм çĕрĕн аслă Патши Вăл;
(3) халăхсене пире пăхăнтарчĕ, ăрусене пирĕн ура айне турĕ;
(4) пире хамăрăн еткерлĕхе — Хăй юратакан Иаковăн илемне — суйласа пачĕ.
(5) Турă Хăйне мухтакансем хĕпĕртесе кăшкăрса тăнă чухне çÿле çĕкленчĕ, трупасем кăшкăртса тăнă чухне Çÿлхуçа çÿле çĕкленчĕ.
(6) Юрлăр, Туррăмăра мухтаса юрлăр; юрлăр, Патшамăра мухтаса юрлăр:
(7) Турă — пĕтĕм çĕрĕн Патши; ăстайлăн та килĕшÿллĕн юрлăр.
(8) Турă халăхсенĕн патши пулчĕ, Турă Хăйĕн сăваплă аслă пуканĕ çине ларчĕ;
(9) халăхсенĕн пуçлăхĕсем Авраам Турри патне пухăнчĕç: вĕсем те, çĕр хулканĕсем, — Туррăн; Вăл вĕсенчен çÿле çĕкленчĕ.

Псалом 48/47

Юрă. Псалом. Корей ывăлĕсенĕн.
(1) Çÿлхуçа аслă, Туррăмăрăн хулинче, Хăйĕн сăваплă тăвĕ çинче, Вăл питех те мухтавлă.
(2) Сион тăвĕ — ытарайми сăртанкă, пĕтĕм çĕр савăнăçĕ; вăл — инçетре çурçĕр енче, вăл — аслă Патшанăн хули.
(3) Унти çуртсенче Турра хута кĕрекенĕ тесе хисеплеççĕ:
(4) акă патшасем пĕрле пухăнчĕç — вĕсем пĕрле тапăнасшăн;
(5) анчах курчĕç те — тĕлĕнсе кайрĕç, аптăраса ÿкрĕç те — каялла тарчĕç;
(6) вĕсем унта шуйхансах ÿкрĕç, ача çуратакан арăм пек асапланчĕç;
(7) Эсĕ Фарсис карапĕсене тухăç çилĕпе аркатнă чухнехи пек сехĕрленчĕç.
(8) Унччен хамăр мĕн илтнине çÿлти çарсенĕн Çÿлхуçи хулинче, хамăр Туррăмăр хулинче, куртăмăр: Турă ăна ĕмĕрлĕхе тĕреклĕ тăвĕ.
(9) Эй Турă, эпир Санăн Керменÿнте Санăн ырăлăху çинчен шухăшларăмăр.
(10) Эй Турă, Санăн яту та, Санăн мухтаву та çĕрĕн вĕçĕ-хĕррине çитиех; Санăн сылтăм аллунта туп-тулли тÿрĕлĕх.
(11) [Эй Çÿлхуçа,] Санăн сутусемшĕн Сион тăвĕ савăнтăр, Иудея хĕрĕсем хавасланччăр.
(13) Сион тавра кайăр, йĕри-тавра çаврăнăр, унăн пашнисене шутласа тухăр;
(14) килес ăрăва каласа кăтартмашкăн унăн тĕрекĕсене тĕсесе пăхăр, керменĕсене тишкерĕр:
(15) çак Турă — ĕмĕр-ĕмĕрлĕхе пирĕн Турă: Вăл ĕмĕрлĕхех пирĕн çулпуçĕ пулĕ.

Псалом 49/48

Юрлакан ушкăн пуçлăхне. Корей ывăлĕсенĕн. Псалом.
(1) Эй халăхсем, пурсăр та итлĕр çакна; тĕнчере пурăнакансем, пурте çакна тăнлăр —
(2) ахаль çынсем те, чаплисем те, пуянни те, чухăнни те — пурте итлĕр.
(3) Чĕлхе-çăварăм ăслăлăха пĕлтерĕ, чĕремпе шухăшласа пĕлни ăса вĕрентĕ.
(4) Ытарăш итлемешкĕн хăлхама таям, тупсăмне кĕсле каласа ăнлантарам:
(5) «хĕн-хурлă кунăмсенче, хама йĕрлекенсенĕн усаллăхĕ хупăрласа илнĕ чухне, манăн мĕншĕн хăрамалла-ха?»
(6) Эй хăвăр вăя шанакансем, мулăр нумаййипе мухтанакансем!
(7) этем хăйĕн тăванне ниепле те тÿлесе илеймĕ, уншăн Турра тÿлесе татаймĕ:
(8)
(Унăн чунĕшĕн тÿлес хак питех те пысăк, çавăнпа ĕмĕрех пурăнаканни, вилĕм курманни пулас çук).
(10) Кирек кам та курать: ăслисем те вилеççĕ, ăссăррисем те, ăнсăррисем те вĕсем пекех пĕтеççĕ, пурлăхне ыттисем валли хăвараççĕ.
(11) Хăйсен çĕрне хăйсен ятне параççĕ пулин те, вĕсен ĕмĕрхи çурчĕ, сыпăкран сыпăка пыракан килĕ виле шăтăкĕ пулĕ.
(12) Этем чысĕ вăраха пымĕ; вăл пĕтекен выльăх евĕрлĕ пулĕ.
(13) Хăйне шанакансене çавăн пек шăпа кĕтет, хăйсен сăмахĕпе киленекенсен пурăнăçĕ çапла вĕçленет.
(14) Вĕсене, сурăхсене хупнă пек, çĕр тĕпне хупса хурĕç; вĕсене вилĕм кĕтÿçĕ пек кĕтсе çÿрĕ, сăваплисем ирхине вĕсен пуçлăхĕсем пулĕç; вĕсенĕн вăйĕ пĕтсе ларĕ; вĕсенĕн килĕ — виле шăтăкĕ.
(15) Турă вара мана йышăнĕ, чунăма тамăк аллинчен хăтарĕ.
(16) Çын пуйса пынинчен, унăн çурчĕ чаплăланса пынинчен ан хăра:
(17) вилсессĕн нимĕн те илеймĕ; чапĕ те ун хыççăн каяймĕ;
(18) пурăннă чухне хăйне юраса пурăнсассăн та, çапла пурăннăшăн ăна ыттисем мухтасассăн та
(19) вăл пĕрех ашшĕсем патне кайĕ, лешĕсем вара нихăçан та çутă кураймĕç.
(20) Чыс-хисеп курса, анчах ăссăрла пурăнакан çын пĕтекен выльăх евĕрлĕ.Мухтав.

Псалом 50/49

Асаф псаломĕ.
(1) Турăсенĕн Турри, Çÿлхуçа калаçма пуçларĕ, пĕтĕм çĕре — хĕвелтухăçĕнчен пуçласа анăçа çитиччен — йыхăрать.
(2) Сион тăвĕ çинчен, чăн илем çинчен, Турă çуталать,
(3) пирĕн Турă килет, шăппăн килмест Вăл: Унăн умĕнче — çунтарса яракан вут-çулăм, Унăн тавра — кăра çил-тăвăл.
(4) Хăйĕн халăхне сут тумашкăн Вăл çÿлтен тÿпене, çĕре чĕнет:
(5) «Ман патăма Хамăн сăваплă çыннăмсене — парне кÿрсе Манпа халал хывнă çыннăмсене — пуçтарăр».
(6) Тÿпе Унăн тÿрĕлĕхне пĕлтерĕ: сут тăваканни — Турă.
(7) «Эй халăхăм, итле — Эпĕ калаçатăп; эй Израиль! Эпĕ сана хирĕç кÿнтелетĕп: Эпĕ — Турă, Санăн Турру.
(8) Сана парнÿсемшĕн ÿпкелемĕп; пĕтĕмĕшпе çунтарса кÿрекен парнÿсем яланах Ман умăмра;
(9) санăн килĕнти пăрăву та, картусенчи качакусем те кирлĕ мар Мана:
(10) вăрманти пур тискер кайăк та, пин-пин ту çинчи выльăх та — Манăн,
(11) тусем çинчи пур вĕçен кайăка та пĕлетĕп, хирти выльăх та Манăнах.
(12) Çиессĕм килес пулсан та сана калассăм çук, мĕншĕн тесессĕн тĕнче те, унти пĕтĕм пурлăх та — Хамăн.
(13) Эпĕ вăкăр ашĕ çиетĕп-и, качака юнĕ ĕçетĕп-и?
(14) Турра мухтав парнийĕ кÿр, Çÿлти Турă умĕнче сăмах панине пурăнăçа килтер,
(15) асаплă кунунта Мана чĕн; Эпĕ сана хăтарăп, эсĕ Мана аслăласа мухтăн».
(16) Çылăхлă çынна Турă çапла калать: «мĕн эсĕ Манăн йĕркемсене вĕрентсе çÿретĕн, Манăн халалăм çинчен калаçатăн?
(17) ху вара Эпĕ вĕрентнине кураймастăн, Ман сăмахăмсене хыçна пăрахатăн;
(18) вăрра курсассăн, унпа килĕштеретĕн, аскăн çынсемпе хутшăнатăн;
(19) çăварна усал сăмах калаçма каратăн, чĕлхÿ ултавлă хавха тĕвĕлет;
(20) тăванна çисе калаçса ларатăн, аннÿ ывăлĕ çинчен элек саратăн;
(21) çавăн пек турăн эсĕ, Эпĕ чĕнмен пулсассăн эсĕ Мана ху пек тесе шухăшлаттăн. Тăрă шыв çине кăларăп сана, [çылăхусене] куçу умне тăратăп.
(22) Эй Турра манакансем, ăнласа илĕр çакна, Манăн сире пĕтерсе тăкмалла ан пултăр — хăтаракан пулмĕ.
(23) Мана кам мухтав парнийĕ кÿрет, Мана çавă хисеплет, кам хăй çул-йĕрне астуса пырать, çавна Эпĕ Турă çăлнине кăтартăп» тет.

Псалом 51/50

Юрлакан ушкăн пуçлăхне. Давид псаломĕ. Вирсавия патне кĕнĕ хыççăн хăй патне Нафан пророк пырса кайсассăн.
(1) Эй Турăçăм, Хăвăн аслă ырăлăхупа хĕрхенсем мана,Хăвăн вĕçĕмсĕр ырă кăмăлупа йĕркесĕр ĕçĕме манăçа кăларсам.
(2) Манăн йĕркесĕрлĕхĕме çăва-çăва ярсам, çылăхăмран тасатсам мана:
(3) йĕркесĕр ĕçĕме эпĕ пĕлетĕп, çылăхăм яланах хам умра тăрать.
(4) Сан умунта, пĕр Сан умунта çылăха кĕтĕм, Сан умунта усал ĕç турăм:çавăнпа Эсĕ айăплани тĕрĕс, çавăнпа Санăн суту таса.
(5) Мана аннемех çылăхлă çуратнă, эпĕ аннем ăшĕнчех çылăхпа тĕвĕленнĕ.
(6) Акă Эсĕ чĕрери чăнлăха кăмăлларăн, Хăвăн ăслăлăхна мана вăрттăн вĕрентетĕн.
(7) Иссоппа сирпĕтсем мана, эпĕ тасалăп; çуса тасатсам мана, эпĕ юртан та шурă пулăп.
(8) Мана савăнăçпа хаваслăх илтмелле тусам, Эсĕ ватнă шăммăм-шаккăм савăнĕччĕ вара.
(9) Хăвăн сăнна манăн çылăхăмсенчен тÿртĕн тытсам, манăн мĕнпур йĕркесĕр ĕçĕме манăçа хăварсам.
(10) Эй Турăçăм, ман ăшăма таса чĕре туса хур, ăшăмри сывлăша çĕнетсе çирĕп ту.
(11) Мана Ху умăнтан сирсе ан ярсам, Хăвăн Таса Сывлăшна туртса ан илсем манран.
(12) Ху çăлассипе каллех савăнтар мана, хăватлă Сывлăшупа тĕреклĕлентер мана.
(13) Йĕркесĕр пурăнакансене Санăн çулупа пыма вĕрентĕп, усал çынсем Сан енне çаврăнĕç.
(14) Эй Турăçăм, мана çăлакан Туррăм, юн тăкнинчен хăтарсам мана, чĕлхем Санăн тÿрĕлĕхне мухтавлĕ.
(15) Эй Çÿлхуçа! чĕлхе-çăварăма уçсамччĕ, чĕлхе-çăварăм Сана мухтаса калаçĕ:
(16) Сана парне кирлĕ мар — эпĕ ăна парăттăм; пĕтĕмĕшпе çунтарса кÿнине те Эсĕ кăмăлламастăн.
(17) Турра юрăхлă парне — ÿкĕнекен чун; ÿкĕнекен йăваш чĕрене Эсĕ, Турă, пăрахмастăн.
(18) Эй Çÿлхуçа, Ху кăмăл тунипе Сиона ырăлăх кăтарт; Иерусалим хÿмисене хÿсе çавăр:
(19) вара Эсĕ тÿрĕлĕх парнине те, ытти парнене те, пĕтĕмĕшпе çунтарса кÿнине те кăмăл тăвăн; ун чухне Сана парне кÿрекен вырăн çине пăрусем пусса хурĕç.Мухтав.

Псалом 52/51

Юрлакан ушкăн пуçлăхне. Давид вĕрентсе калани. Доик — Идумея çынни — Саул патне пырса ăна Давид çинчен элеклесе, вăл Ахимелех килне пынă тесе пĕлтернĕ хыççăн.
(1) Эй паттăр, мĕншĕн усаллăхупа каппайланатăн? Турă ырăлăхĕ яланах манпа пĕрле;
(2) эй ултавçă, эсĕ пĕтермелли мел шыратăн; чĕлхÿ санăн хăйранă çĕçĕ пек!
(3) эсĕ ырринчен ытларах усала юрататăн, тĕрĕссине каличчен ытларах суеçтерме кăмăллатăн;
(4) ултавлă чĕлхе, эсĕ çынна пĕтерекен тĕрлĕ усал сăмах калаçма юрататăн:
(5) çавăншăн Турă сана тĕппипех пĕтерĕ, кăларса ывăтĕ, сана хăвăн çуртунтан, тымарна чĕррисенĕн çĕрĕнчен тăпăлтарса кăларĕ.
(6) Тÿрĕ çынсем курĕç те — хăраса кайĕç, унран кулĕç [те калĕç]:
(7) «акă хайхи — хăйĕн тĕрекне Турăра шыраман, хăйĕн çĕрме мулне шанса, усал ĕçне шикленмесĕр тăвакан çын» тейĕç.
(8) Эпĕ вара — Турă Çуртĕнче ешерсе ларакан çу йывăçĕ пек; ĕмĕр-ĕмĕрех Турă ырăлăхне шанса тăратăп.
(9) Эсĕ çапла тунăшăн Сана ĕмĕрех аслăласа тăрăп, Санăн ятна шанса пурăнăп:вăл Санăн сăваплă çыннусемшĕн ырă.

Псалом 53/52

Юрлакан ушкăн пуçлăхне. Вĕрсе каламалли сăпрайпа. Давид вĕрентсе калани.
(1) Ăссăр çын хăй ăшĕнче: «Турă çук» терĕ. Вĕсем иртĕхсе кайрĕç, ирсĕр ĕçсем турĕç; ырă тăвакан çук.
(2) Тăнлă çын пур-ши, Турра шыракан пур-ши? тесе Турă тÿперен этем ывăлĕсем çине пăхрĕ.
(3) Пурте аташса кайнă, пурте юрăхсăра тухнă; ырă тăвакан çук, пĕр çын та çук.
(4) Йĕркесĕр ĕç тăвакансем, ман халăха çăкăр çинĕ пек çиекенсем, Турра чĕнме пĕлменскерсем, пĕри те тăна кĕмĕç-ши вĕсем?
(5) Вĕсем унта хăрамалла мар çĕртех сехĕрленсе ÿкĕç: сана хирĕç пыракансенĕн шăмми-шаккине Турă салатса тăкĕ. Эсĕ вĕсене намăса хăварăн: Турă вĕсене пăрахрĕ.
(6) Израиле Сион çинчен кам çăлăнăç парĕ? Турă Хăйĕн халăхне çĕнĕрен çĕклесессĕн Иаков савăнĕ, Израиль хĕпĕртесе тăрĕ.

Псалом 54/53

Юрлакан ушкăн пуçлăхне. Хĕлĕхлĕ сăпрайпа. Давид вĕрентсе калани, Зифит çыннисем Саул патне çитсе: «Давид пирĕн патăмăрта пытанса пурăнать» тесе евитленĕ хыççăн.
(1) Эй Турăçăм! Хăвăн ятупа çăлсам мана, Хăвăн сутупа тÿрре кăларсам мана.
(2) Эй Турăçăм! кĕллĕме илтсем, манăн сăмахăмсене тăнласам:
(3) мана ют çынсем тапăнчĕç, пусмăрçăсем ман чунăма шыраççĕ; вĕсен умĕнче Турă çук.
(4) Акă Турă — мана пулăшаканĕ; Çÿлхуçа чунăма тĕреклентерет.
(5) Вăл манăн тăшмансен усаллăхне хăйсем çинех çитертĕр; Хăвăн чăнлăхупа пĕтер вĕсене.
(6) Эй Çÿлхуçа, Сана кăмăлтан парне кÿрем, Санăн ятна аслăлам: Санăн яту ырă,
(7) Эсĕ мана пур асапран та хăтартăн, ĕнтĕ куçăм тăшманăмсем çине пăхса тăчĕ.

Псалом 55/54

Юрлакан ушкăн пуçлăхне. Хĕлĕхлĕ сăпрайпа. Давид вĕрентсе калани.
(1) Эй Турăçăм, манăн кĕллĕме илтсем, эпĕ йăлăннă чухне курăнмасăр ан тăрсам;
(2) итлесем мана, илтсем мана; эпĕ ахлатса хуйхăратăп,
(3) тăшман сассинчен, усал çын хĕсĕрленинчен хавшаса ÿкрĕм: вĕсем ман çине йĕркесĕр ĕç йăвантараççĕ, мана хаяррăн кураймаççĕ.
(4) Ăшăмра чĕрем сиксе чĕтĕрет, вилĕм сехĕрлентерсе тăрать;
(5) ĕнтĕ хăранипе сехрем хăпрĕ, сехĕрленсех ÿкрĕм.
(6) Каларăм вара: «кăвакарчăн çуначĕ пек çунат кам парĕ-ши мана? вĕçсе кайăттăм та ларса канăттăм;
(7) аякка вĕçсе кайăттăм та пушă хирех юлăттăм;
(8) çавраçилтен, çил-тăвăлран тарса пытанăттăм» терĕм.
(9) Эй Çÿлхуçа, пăтраштарса яр вĕсене, чĕлхисене аташтар: хулара пусмăр та харкашу куратăп;
(10) ĕнтĕ çавсем кунĕн-çĕрĕн хула тавра хÿми тăрăх çаврăнаççĕ; хула хушшинче — усал ĕç, хĕн-хурлăх;
(11) хула хушшинче — синкерлĕх; урамĕсенчен ултавпа каварлăх кая пĕлмест.
(12) Мана хăртаканĕ — тăшман мар, эпĕ ăна тÿссе ирттерĕттĕм; мана таптаканĕ — хама курайман çын мар, эпĕ унран тарса пытанăттăм;
(13) эсĕ, хампа пĕр тан çыннăмах, шанчăклă тусăм, юлташăм, эсĕ хур турăн мана,
(14) эпир пĕр-пĕринпе чĕрене уçса калаçаттăмăр, пĕрле Турă Çуртне çÿреттĕмĕр.
(15) Вĕсене вилĕм çиттĕр; чĕрĕллех тамăка анса кайччăр вĕсем: вĕсен килĕ-çуртĕнче, вĕсен хушшинче — усал ĕç анчах.
(16) Эпĕ вара Турра тархаслăп та — Çÿлхуçа мана çăлĕ.
(17) Каçхине те, ирхине те, кăнтăрла та йăлăнăп, йĕрсе тархаслăп — Вăл манăн сассăма илтĕ,
(18) мана тапăнакансем темĕнле йышлă пулсассăн та, Вăл манăн чунăма хăтарса лăплантарĕ;
(19) Турă илтĕ, ĕмĕрех Пурăнаканĕ вĕсене пăхăнтарĕ, мĕншĕн тесессĕн вĕсем улшăнмаççĕ; вĕсем Турăран хăрамаççĕ,
(20) хăйсемпе тату пурăнакансем çине алă çĕклерĕç, хăйсемпе хывнă килĕшĕве пăсрĕç;
(21) вĕсенĕн чĕлхи-çăварĕ çуран та çемçерех, чĕринче вара — курайманлăх; сăмахĕсем паха çуран та чеченрех, хăйсем — йĕннинчен кăларнă хĕç пекех.
(22) Инкек-синкек çитсессĕн Çÿлхуçана шан, Вăл сана пулăшĕ. Вăл нихăçан та таса çынна такăнма памĕ.
(23) Эй Турăçăм, Эсĕ вĕсене вилĕм шăтăкне антарса ярăн; юн тăкакансем, ултавçăсем хăйсен кунçулĕн çуррине те çитеймĕç. Эпĕ вара, [Çÿлхуçамăм,] Сана шанса тăратăп.Мухтав.

Псалом 56/55

Юрлакан ушкăн пуçлăхне. «Аякра пĕр сасă кăлармасăр пурăнакан кăвакар-чăн» кĕвви евĕрлĕ. Давид хайлавĕ, ăна вăл хăйне Филисти çыннисем Геф хулинче ярса тытнă хыççăн çырнă.
(1) Эй Турăçăм, хĕрхенсем мана! мана этем хыпса çăтасшăн; кунсерен тапăнса хĕсĕрлет вăл мана.
(2) Тăшманăмсем куллен мана хыпса çăтасшăн хĕртĕнсе тăраççĕ: эй Çÿлти Турă, мана тапăнакансем ытла та нумай-çке!
(3) Шикленсе ÿксессĕн пĕр Сана шанса тăратăп.
(4) Эпĕ, Турă сăмахне мухтаканскер, эпĕ, Çÿлхуçа сăмахне мухтаканскер, Турра шанатăп — хăрамастăп; этем мана мĕн тăвайĕ?
(5) Ман сăмахăмсене куллен тÿнтерлетсе калаççĕ; мана усал тăвасшăн анчах шухăшлаççĕ:
(6) манăн чунăма пĕтересшĕн пуçтарăнаççĕ, пытанса лараççĕ, манăн кашни утăма сăнаççĕ.
(7) Хăйсен ирсĕр ĕçĕсемшĕн тавăрнине курмĕç-шим вĕсем? Эй Турăçăм, çав халăхсене çиллÿпе пĕтерсе тăк.
(8) Эпĕ мĕн чухлĕ тарса çÿренине Эсĕ шута илнĕ; манăн куççулĕме Хăвăн савăтна яр — вăл Санăн кĕнекÿнте мар-ши?
(9) Сана тархаслатăп та — тăшманăмсем каялла çаврăнаççĕ, Турă ман майлă пулнине эпĕ çавăнтан пĕлетĕп.
(10) Эпĕ, Турă сăмахне мухтаканскер, эпĕ, Çÿлхуçа сăмахне мухтаканскер,
(11) Турра шанатăп — хăрамастăп; этем мана мĕн тăвайĕ?
(12) Эй Турăçăм, Сана сăмах пани — хам çинчех; эпĕ Сана тав туса мухтăп:
(13) Эсĕ манăн чунăма вилĕмрен, [куçăма куççульрен] хăтартăн, манăн урана та такăнасран сыхларăн: мана Турă умĕнче, пурăнăç çутинче çÿремелле турăн.

Псалом 57/56

Юрлакан ушкăн пуçлăхне. «Ан пĕтерсем». Давид хайлавĕ, ăна вăл Саулран ту хăвăлне тарса пытаннă чухне çырнă.
(1) Хĕрхенсем мана, Турăçăм, хĕрхенсем мана: чунăм Сана шанса тăрать, инкек-синкек иртсе кайиччен Санăн çунату хÿттине пытанам.
(2) Çÿлти Турра, хама ырăлăх кăтартакан Турра, тархаслам;
(3) Турă Хăйĕн ырăлăхне, Хăйĕн чăнлăхне ярĕ: çÿлтен ярĕ те çăлĕ мана; мана хыпса çăтма ĕмĕтленекене намăса хăварĕ.
(4) Манăн чунăм арăслансем хушшинче; эпĕ вут-çулăмпа сывлакансем хушшинче, этем ывăлĕсем хушшинче выртатăп, вĕсенĕн шăлĕсем — сăнăпа ухă, вĕсенĕн чĕлхисем — çивчĕ хĕç.
(5) Эй Турă, çÿл тÿперен çÿле çĕклен, пĕтĕм çĕр çинче Санăн мухтавлăху пултăр!
(6) Манăн ура валли таната карса хучĕç; чунăма таптарĕç; умăма шăтăк алтса хучĕç, унта хăйсемех кĕрсе ÿкрĕç.
(7) Эй Турăçăм, чĕрем хатĕр ĕнтĕ, манăн чĕрем хатĕр ĕнтĕ: юрлам та мухтам.
(8) Эй чунăм, вăран, псалтирьпе кĕсле, вăранăр! Эпĕ ирхи шурăмпуçне вăратăп.
(9) Эй Çÿлхуçа, Сана халăхсем хушшинче аслăлăп; Сана ăрусем хушшинче мухтаса юрлăп:
(10) Санăн ырăлăху тÿпене çитиех, Санăн чăнлăху пĕлĕтсем таранах.
(11) Эй Турă, çÿл тÿперен çÿле çĕклен, пĕтĕм çĕр çинче Санăн мухтавлăху пултăр!

Псалом 58/57

Юрлакан ушкăн пуçлăхне. «Ан пĕтерсем». Давид хайлавĕ.
(1) Эй тÿресем, эсир этем ывăлĕсене тĕрĕс сут тăвас вырăнне хăвăр сăмахăрпа чăнах та тÿрĕлĕхе путаратăр-и?
(2) Эсир чăнах та чĕрĕрте йĕркесĕр ĕç тĕвĕлетĕр, çĕр çинче тĕрĕсмарлăх валли çул хыватăр.
(3) Усал çынсем çураличченех пăрăнса кайнă: вĕсем амăшĕ варĕнче чухнех суя суйса аташаççĕ.
(4) Вĕсен наркăмăшĕ — çĕлен наркăмăшĕ пекех, хăлхине хуплакан, нимĕн те илтмен аспид наркăмăшĕ пекех,
(5) çав аспид вара çĕлен чĕлхине пĕлекене, çĕлен чĕлхине ăста пĕлекене те илтмест.
(6) Эй Турă! вĕсен çăварĕнчи шăлсене аркат; эй Çÿлхуçа, арăслансен янахне çапса салат!
(7) Вĕсем юхса иртекен шыв пек çухалччăр; уххуна карăнтарсассăнах вĕсем çурмаран хуçăлса анччăр.
(8) Хуранĕнчен тухакан сĕлек пек пĕтчĕр; вăхăтсăр çуралнă ача пек, хĕвел ан курайччăр.
(9) Сирĕн хуранăрсем кÿкен çуннине сисиччен Вăл сире, чĕррисене, Хăйĕн çиллипе çапса салатĕ.
(10) Тавăру çитнине курсассăн тÿрĕ çын савăнĕ; урине çылăхлă çын юнĕпе çăвĕ.
(11) Этем çапла калĕ вара: «тÿрĕ çынна чăнах сăвап пулать иккен! çĕр çинче сут тăваканни — Турă — пур иккен!»Мухтав.

Псалом 59/58

Юрлакан ушкăн пуçлăхне. «Ан пĕтерсем». Давида вĕлересшĕн Саул унăн çуртне сыхлаттарнă, Давид çакна çавăн чухне çырнă.
(1) Эй Турăçăм! тăшманăмсенчен хăтарсам мана, хама тапăнакансенчен хÿтĕлесем мана;
(2) йĕркесĕр ĕç тăвакансенчен хăтар мана; юнăçлă çынсенчен çăл мана:
(3) акă вĕсем манăн чунăма сыхласа тăраççĕ; мана хирĕç вăйлисем пуçтарăнаççĕ: усал ĕçĕмшĕн мар, Çÿлхуçамăм, çылăхăмшăн та мар,
(4) айăпăм çук çĕртех пухăнаççĕ, вăрçă вăрçма хатĕрленеççĕ; мана пулăшма тăрсамччĕ, курсамччĕ.
(5) Эй Çÿлхуçа, çÿлти çарсенĕн Турри, Израиль Турри, çĕклен, пур халăхсене те килсе кур, йĕркесĕр усал çынсене пĕрне те ан хĕрхен:
(6) вĕсем каçалапа таврăнаççĕ, йытă пек улаççĕ, хула тавра çÿреççĕ;
(7) акă темĕн те каласа тултараççĕ; вĕсен çăварĕнче — хĕç: «пире кам илттĕр?» тесе шухăшлаççĕ.
(8) Анчах Эсĕ, Çÿлхуçа, вĕсенчен кулăн; халăхсене пурне те намăса хăварăн.
(9) Эй Вăйлăскер, эпĕ Сан патна ăнтăлатăп: ман хута кĕрекенĕ — Турă.
(10) Туррăм, мана хĕрхенекен Туррăм, ман умран пырĕ; Турă мана тăшманăмсем çине пăхса тăмалла тăвĕ.
(11) Эй пирĕн хута кĕрекен Çÿлхуçа, ан вĕлер вĕсене — халăхăм манса ан кайтăр; Хăвăн хăватупа салатса яр вĕсене, ÿкер вĕсене.
(12) Вĕсен чĕлхи каланă сăмах — вĕсен çăварĕн çылăхĕ; вĕсем хăйсен мăнаçлăхĕпе çакланччăр. Ылханнăшăн, суйса калаçнăшăн
(13) çиллÿпе салатса яр вĕсене, салатса яр, вĕсем ан пулччăр; Иакова çĕр вĕçĕ-хĕррине çитичченех Турă тытса тăнине пĕлччĕр вĕсем.
(14) Вĕсем каçалапа таврăнаççĕ, йытă пек улаççĕ, хула тавра çÿреççĕ;
(15) çимелли шыраса сĕтĕрĕнсе çÿреççĕ, выçах çĕр каçаççĕ.
(16) Эпĕ вара Санăн хăватна мухтаса юрлăп, иртен пуçласа Санăн ырăлăху çинчен каласа тăрăп: хурлăхлă кунăмра Эсĕ манăн хÿттĕм, тарса пытанмалли вырăнăм пултăн.
(17) Эй Вăйлăскер! эпĕ Сана мухтаса юрлăп: Турă — ман хута кĕрекенĕ, Туррăм — мана хĕрхенекенĕ.

Псалом 60/59

Юрлакан ушкăн пуçлăхне. Шушан-Эдуф теекен сăпрайпа. Давид хайлавĕ, вĕренмелли. Çакна вăл Месопотамири Сирипе тата Цованри Сирипе вăрçă вăрçнă чухне, Иоав унтан таврăннă чухне Тăварлă айлăмра идумейсен вуникĕ пин çыннине пĕтернĕ чухне çырнă.
(1) Эй Турă! Эсĕ пире пăрахрăн, Эсĕ пире аркатрăн, Эсĕ çиллентĕн: пирĕн енне çаврăнсам.
(2) Эсĕ çĕре силлентертĕн, ăна тустартăн: унăн суранĕсене сипле, вăл чĕтренет.
(3) Эсĕ Хăвăн халăхна тискерлĕх кăтартрăн, пире ăнран яракан эрех ĕçтертĕн.
(4) Ĕнтĕ Хăвăнтан хăракансене паллă парсамччĕ — тăшмансем ухăран тарса кайччăр:
(5) Хăв юратнисем хăтăлччăр; Хăвăн сылтăм аллупа çăлсам пире, илтсем пире.
(6) Турă Хăйĕн сăваплă Çуртĕнче каларĕ: «савăнăп, Сихеме уйăрса парăп, Сокхоф айлăмне виçсе уйăрăп:
(7) Галаад — Манăн, Манассия — Манăн, Ефрем — Манăн пуçăм тĕрекĕ, Иуда — Манăн туя,
(8) Моав — Эпĕ çăвăнакан савăт; Эдом çине аттăмпа таптăп. Эй Филисти çĕрĕ, мана хавассăн кăшкăрса кĕтсе ил!» терĕ.
(9) Тĕреклĕлетнĕ хулана мана кам илсе кĕрĕ? Эдом çĕрне мана кам ертсе çитерĕ?
(10) Эсех мар-и, Турăçăм, пире пăрахнă Турă, пирĕн çарсемпе пĕрле тухман Турă, Эсех мар-и?
(11) Пулăшсам пире, хĕсĕрлекенсенчен хÿтĕлесем, çын хÿтĕлени нимĕн те мар.
(12) Турăпа пĕрле эпир вăя кăтартăпăр, Вăл пирĕн тăшмансене урипе таптĕ.

Псалом 61/60

Юрлакан ушкăн пуçлăхне. Хĕлĕхлĕ сăпрайпа. Давид псаломĕ.
(1) Эй Турăçăм, эпĕ йĕрсе йăлăннине илтсем, манăн кĕллĕме тăнласам!
(2) Чĕрем хавшаса ÿкнипе Сана тĕнче хĕрринчен тархаслатăп; мана хам çитейми чул ту çине тăратсам:
(3) Эсĕ — манăн тарса хăтăлмалли вырăнăм, Эсĕ — тăшманран хăтаракан тĕреклĕ хÿтлĕхĕм.
(4) Эпĕ ĕмĕрех Санăн Çуртăнта пурăнам, Санăн çунату хÿтлĕхĕнче канлĕ тăрам.
(5) Эй Турăçăм, эпĕ мĕн тума асăннине Эсĕ илтрĕн, Хăвăн ятăнтан хăракансенĕн еткерне мана патăн.
(6) Патшанăн кунĕсем çумне тата кунсем хушсам, унăн ĕмĕрне сыпăкран сыпăка тăсса пырсам,
(7) вăл ĕмĕрех Турă умĕнче патшара лартăр; ырăлăхупа чăнлăхна ăна сыхласа тăма хуш.
(8) Эпĕ вара Санăн ятна ĕмĕр мухтаса юрлăп, мĕн тума асăннине куллен-кун пурăнăçа килтерĕп.Мухтав.

Псалом 62/61

Юрлакан ушкăн пуçлăхне Идифуна. Давид псаломĕ.
(1) Чунăм Турăпа анчах лăпланать: эпĕ çăлăнасси Унран килет.
(2) Пĕр Вăл анчах — манăн тĕрекĕм, çăлăнăçăм, тарса хăтăлмалли вырăнăм: ытлах аптăрамăп.
(3) Хăçанччен тапăнăр-ши эсир çынна? Эсир, эсир пурте ăна вĕлересшĕн, вăл ĕнтĕ — тайăлнă хÿме пек, тÿнекен карта пек.
(4) Вĕсем ăна аслă пуканĕ çинчен сирпĕтме шутларĕç, хĕпĕртесех суяççĕ; чĕлхи-çăварĕпе пиллеççĕ, чĕринче ылханаççĕ.
(5) Эй чунăм, Турăпа çеç лăплан! эпĕ Ăна çеç шанатăп.
(6) Пĕр Вăл анчах — манăн тĕрекĕм, çăлăнăçăм, тарса хăтăлмалли вырăнăм: ытлах аптăрамăп.
(7) Турăра манăн çăлăнăç, манăн мухтавăм; вăй-халăмăн тĕрекĕ, манăн шанăçăм Турăра.
(8) Эй халăх! кирек хăçан та Ăна шанса тăрăр; чĕрĕрте мĕн пуррине Унăн умĕнче уçса парăр: Турă — пирĕн вăй-халăмăр тĕрекĕ.
(9) Этем ывăлĕсем — çил варкăшĕ çеç; ар ывăлĕсем — ултав; вĕсене тараса çине хурсассăн,вĕсем пурĕ пĕрле те çил варкăшĕнчен çăмăлрах.
(10) Пусмăрласа илнине ан шанăр, çаратса тупнипе ан мухтанăр; мул пухăнса пынине чĕре патне ан илĕр.
(11) Турă пĕрре каласа хунă, эпĕ икĕ япала çинчен илтрĕм: вăй-хăват — Турăра,
(12) эй Çÿлхуçа, ырăлăх та — Санрах: Эсĕ пурне те ĕçĕсене кура тавăрса паратăн.

Псалом 63/62

Давид псаломĕ. Иудея пушхирĕнче çÿренĕ чухне.
(1) –
(2) Эй Турăçăм! Эсĕ — манăн Туррăм, эпĕ Сана мĕн иртенпех шыратăп; Сана унччен сăваплă Çуртăнта курнă пек, Санăн хăватупа Санăн мухтавлăхна курасшăн çак шывсăр типсе-çунса выртакан пушă çĕрте манăн чунăм Саншăн çунать, ÿтĕм Саншăн тĕмсĕлет:
(3) Санăн ырăлăху пурăнăçран та хаклăрах. Чĕлхе-çăварăм Сана мухтавлĕ.
(4) Çапла Сана ĕмĕрĕм тăршшĕпех аслăлам; Санăн ятна асăнса аллăма çĕклем.
(5)-
(6) Выртан вырăнăм çинче Сана аса илсессĕн, мĕн ирчченех Санăн яту чĕлхем вĕçĕнче пулсассăн, чунăм паха çупа, шăмă мимипе тăраннă пек тăранать, чĕлхе-çăварăм Сана хаваслă сасăпа мухтать:
(7) Эсĕ — мана пулăшаканĕ, эпĕ Санăн çунату хÿттинче савăнам;
(8) чунăм Сан çумна çыпăçăнчĕ; мана Санăн сылтăм аллу хунтăлать.
(9) Манăн чунăма пĕтерес теекенсем вара çĕр тĕпне анса кайĕç;
(10) вĕсене хĕçпе касса ÿкерĕç; вĕсем шакал тупăшĕ пулĕç.
(11) Патша вара Турăшăн савăнĕ, Унăн ячĕпе тупа тăвакан кирек кам та мухтанĕ: суя калаçакансенĕн чĕлхи-çăварĕ хупланĕ.

Псалом 64/63

Юрлакан ушкăн пуçлăхне. Давид псаломĕ.
(1) Эй Турăçăм, эпĕ йăлăннă чухне манăн сассăма илтсемччĕ, хăратакан тăшманран пурăнăçăма хăтарсамччĕ;
(2) чее çынсен каварĕнчен, усал çынсен пăлхавĕнчен витсе тăрсамччĕ мана,
(3) вĕсем чĕлхине хĕç пек çивĕчлетрĕç; уххине — йĕплĕ сăмахне — карăнтарчĕç:
(4) айăпсăр çынна вăрттăн персе ÿкересшĕн; вĕсем ăна пĕр кĕтмен çĕртен переççĕ — хăрамаççĕ те.
(5) Вĕсем хăйсен усал шухăшне çирĕп тытаççĕ, танатине пытарма канаш тăваççĕ: «пире кам курĕ?» тееççĕ.
(6) Ирсĕр ĕç тума каварлашаççĕ: «хатĕр! тĕплĕ хатĕрлентĕмĕр!» тееççĕ. Чăнах, этемĕн шалти пурăнăçĕ, чĕри кăткăс иккен!
(7) Анчах Турă вĕсене ухăпа персе ÿкерĕ: вĕсем пĕр кĕтмен çĕртен суранланĕç;
(8) хăйсен чĕлхипе вĕсем хăйсенех пĕтерĕç; вĕсене курсассăн пурте вĕсенчен пăрăнса кайĕç.
(9) Этемсем пурте хăраса ÿкĕç, Турă ĕçĕ çинчен пĕлтерĕç, ку Унăн ĕçĕ пулнине ăнкарĕç.
(11) Тÿрĕ çын вара Çÿлхуçашăн савăнĕ, Ăна шанса тăрĕ; таса чĕреллисем пурте мухтанĕç. Мухтав.

Псалом 65/64

Юрлакан ушкăн пуçлăхне. Давид псаломĕ. Юрă.
(1) Эй Турăçăм, Сион çинче Сана тивĕçлипе мухтаса мухтав юрри юрлаççĕ, Сана мĕн асăннине [Иерусалимра] кÿреççĕ.
(2) Эсĕ кĕлтунине илтетĕн; пур чĕрĕ чун Сан патна ăнтăлать.
(3) Мана йĕркесĕр ĕçсем пусса тăраççĕ; Эсĕ пирĕн усал ĕçсене тасатăн.
(4) Хăвăн картишÿнте пурăнмашкăн суйласа илнĕ, Хăв патна çывăхартнă çын телейлĕ. Эпир Санăн Çуртăнти, Санăн сăваплă Керменÿнти ырăлăхпа тăранăпăр.
(5) Эй Турă, эй Çăлаканăмăр, тÿррипе сут тунă чухне хăрушăскер, илтсемччĕ пире: Эсĕ — пĕтĕм çĕр çинче пурăнакансенĕн, инçетри тинĕсре çÿрекенсенĕн шанчăкĕ,
(6) пилĕкне хăватлăх çыхнăскер, Хăвăн вăюпа Эсĕ тусем лартса хунă,
(7) Эсĕ тинĕссен шавне, вĕсен хумĕсен кĕрлевне, халăхсен пăлхавне путаратăн!
(8) Санăн хăвату паллисенчен çĕр хĕрринче пурăнакансем те сехĕрленĕç. Тухăçа та, анăçа та Хăвна мухтамалла туса савăнтарăн.
(9) Эсĕ çĕр çине килсе пăхатăн та шывшăн антăхнăскерне ĕçтеретĕн, ăна иксĕлми тулăхлă тăватăн: Турă çырминче туп-тулли шыв; Эсĕ тырă-пулă хатĕрлетĕн — Эсĕ çĕре çапла пахалатрăн;
(10) унăн суха кассисене шăваратăн, муклашкисене вататăн, ăна çумăр пĕрчисемпе ислететĕн, унти ÿсентăрана пиллетĕн;
(11) Эсĕ çу кунĕсене ырăлăх кÿретĕн, Санăн сукмакусенчен çу тумлать,
(12) пушă кĕтÿлĕхсем çине юхса анать, вара сăртсем савăклăх тумне тăхăнаççĕ;
(13) ĕнтĕ улăхсен тумĕ те — кĕтÿсем, айлăмсене тырă хупласа илет, хавассăн кăшкăра-кăшкăра илеççĕ, юрлаççĕ.

Псалом 66/65

Юрлакан ушкăн пуçлăхне. Юрă. Псалом.
(1) Эй пĕтĕм çĕр, хавассăн кăшкăра-кăшкăра илĕр, Турра мухтăр!
(2) Туррăн ятне аслăласа юрлăр, чаплăлăр, мухтавлăр Ăна.
(3) Турра калăр: Хăвăн ĕçÿсене тунă чухне Эсĕ епле хăрушă! Вăю аслăран Сана тăшманусем парăнĕç, тейĕр.
(4) Сана пĕтĕм çĕр пуççаптăр, Сана мухтаса юрлатăр, [эй Çÿлти Турă,] Санăн ятна мухтаса юрлатăр!
(5) Килĕр, Турă ĕçĕсене курăр: Унăн этем ывăлĕсем хушшинче тăвакан ĕçĕсем хăрушă.
(6) Вăл тинĕсе типĕ çĕр туса хучĕ; шыв урлă утса каçрăмăр,
(эпир унта Уншăн хаваслантăмăр.
(7) Хăй хăвачĕпе Вăл ĕмĕрех патшара ларать; Унăн куçĕ халăхсем çине пăхать, пăлхавçăсем ан çĕкленейччĕр.
(8) Эй халăхсем, пирĕн Турра аслăлăр, Ăна чыслăр та мухтавлăр.
(9) Вăл пирĕн чуна чĕрĕ сыхласа хăварчĕ, пирĕн урана такăнма памарĕ.
(10) Эй Турă, Эсĕ пире сăнарăн, пире кĕмĕле шăратнă пек шăратрăн.
(11) Эсĕ пире танатана çаклантартăн, пире сăнчăр тăхăнтартрăн,
(12) этеме пирĕн пуç çине улăхтарса лартрăн. Ĕнтĕ эпир вута та, шыв а та кĕтĕмĕр, Эсĕ пире ирĕке илсе тухрăн.
(13) Санăн Çуртна пĕтĕмĕшпе çунтарса кÿмелли парнесем илсе кĕрĕп, Сана мĕн асăннине пурăнăçа килтерĕп:
(14) хам асапланнă вăхăтра эпĕ çапла тума пулнăччĕ, чĕлхем çапла тума сăмах панăччĕ.
(15) Самăр выльăха пĕтĕмĕшпе çунтарса, така çăвĕ çунтарса Сана парне кÿрĕп, вăкăрсемпе качака такисем те парăп.
(16) Эй Турăран хăракансем, пурсăр та килĕр, итлĕр, эпĕ сире Вăл манăн чунăмшăн мĕн тунине пĕлтерĕп.
(17) Эпĕ Ăна чĕлхе-çăварăмпа йăлăнса чĕнтĕм, чĕлхемпе Ăна тем териех мухтарăм.
(18) Эпĕ хам чĕрере йĕркесĕр шухăш тытнă пулсассăн, Çÿлхуçа мана илтместчĕ.
(19) Анчах Турă мана илтрĕ, манăн тархаслакан сассăма тăнларĕ.
(20) Турă мухтавлă: Вăл манăн кĕллĕмрен пăрăнмарĕ, мана Хăйĕн ырăлăхĕнчен хăвармарĕ.

Псалом 67/66

Юрлакан ушкăн пуçлăхне. Хĕлĕхлĕ сăпрайпа. Псалом. Юрă.
(1) –
(2) Эй Турăçăм! çĕр çинче Санăн çулна пĕлччĕр тесе, Эсĕ çăлнине пур халăхсем те курччăр тесе пирĕншĕн ырăлăхлă пулсам, пиллесем пире, Хăвăн сăнупа çутатсам пире.
(3) Эй Турă, Сана халăхсем мухтаччăр, Сана пур халăхсем те мухтаччăр.
(4) Ăрусем савăнччăр, хавасланччăр: Эсĕ халăхсене тÿррипе сут тăватăн, çĕр çинчи ăрусене пăхса тăратăн.
(5) Эй Турă, Сана халăхсем мухтаччăр, Сана пур халăхсем те мухтаччăр.
(6) Çĕр хăйĕн çимĕçне пачĕ; Турă, пирĕн Туррăмăр, пиллетĕр пире.
(7) Турă пиллетĕр пире, çĕрĕн пур вĕçĕ-хĕрри Унран хăраса тăтăр.Мухтав.

Псалом 68/67

Юрлакан ушкăн пуçлăхне. Давид псаломĕ. Юрă.
(1) Турă çĕклентĕр*, Унăн тăшманĕсем саланччăр, Ăна курайманнисем Унăн умĕнчен тарса пĕтчĕр.
(2) Тĕтĕм сирĕлнĕ пек, сирсе-сапаласа яр вĕсене; вут-çулăм умĕнче ăвăс епле шăранать, çылăхлă çынсем Турă умĕнчен çапла çухалччăр.
(3) Таса çынсем вара Турă умĕнче савăнса тăччăр, хĕпĕртенччĕр, савăнса киленччĕр.
(4) Туррăмăра мухтаса юрлăр, Унăн ятне мухтаса юрлăр, пĕлĕтсем çинче Çÿрекене аслăласа мухтăр; «Унăн ячĕ — Çÿлхуçа» тейĕр, Унăн умĕнче савăнса тăрăр.
(5) Тăлăхсенĕн ашшĕ, тăлăх арăмсенĕн хутне кĕрекенĕ — Турă — Хăйĕн сăваплă килĕнче.
(6) Пĕчченнисене Турă кил-çурта вырăнаçтарать, касмăкрисене сăнчăрĕнчен хăтарать, пăхăнманнисем вара шăрăх пушхирех юлаççĕ.
(7) Эй Турă! Эсĕ Хăвăн халăхна курăннă чухне, Эсĕ пушхирпе пынă чухне
(8) Турă сăнĕнчен, Синай [Турри] сăнĕнчен, Турă сăнĕнчен, Израиль Турри сăненчен, çĕр чĕтренĕ, пĕлĕтсем те ирĕлнĕ.
(9) Эй Турă, çунса выртакан çĕр çине Эсĕ тулăх çумăр çутарнă, ăна, типсе кайнăскере, ырăлатнă.
(10) Санăн халăху çавăнта выранаçнă: эй Турă, Хăв ырă пулнипе Эсĕ чухăн валли мĕн кирлине янтăланă.
(11) Çÿлхуçа сăмах калаттарать: хыпар пĕлтерекен арăмсем имсĕр-сумсăр:
(12) «çарсенĕн патшисем тараççĕ, тараççĕ. Арăмсем килте тупăш уйăраççĕ .
(13) Карта хыçĕнче ларакансем вара çунатне — кĕмĕл, тĕкне ылтăн сарнă кăвакарчăн пекех.
(14) Пурне те Пултаракан çак çĕр çинчи патшасене салатса янă чухне Селмон тăвĕ çине юр ÿкнĕ.
(15) Васан тăвĕ — Турă тăвĕ! çÿллĕ ту — Васан тăвĕ!
(16) Эй çÿллĕ тусем, меншĕн эсир Турă патшара ларма кăмăл тунă, ĕмĕрех Çÿлхуçа пурăнас ту çине вĕчĕрхенсе пăхатăр?
(17) Туррăн çар урапийĕсем пиншер-пиншер пин, имĕ-сумĕ те çук; весем хушшинче. Синай çинче, сăваплă вырăнта — Çÿлхуçа.
(18) Эсĕ çÿле çĕклентĕн, тыткăна тыткăнларăн, этемсем валли парне çĕнтерсе илтĕн, хирĕç тăраканнисем те Çÿлхуçа Турă патне вырăнаçчăр терĕн.
(19) Çÿлхуçа куллен-кун мухтавлă. Турă пирĕн çине çĕклем хурать — анчах пире Хăех çăлать Вăл.
(20) Турă пирĕншĕн — çăлакан Турă: вилĕм хапхи — Пурне те Тытса Тăракан Çÿлхуçа аллинче.
(21) Турă Хăй тăшманĕсен пуçне, çылăхĕсем айне путнă çыннăн çăмламас пуç тÿпине чăнах та çапса салатĕ.
(22) Çÿлхуçа каларĕ: Васанран каялла антарăп, тинĕс тĕпĕнчен кăларăп:
(23) «уруна тăшманусен юнне чикĕн, весен юнĕ йыттусене пулĕ» терĕ.
(24) Турă Эсĕ мĕнле пынине, манăн Туррăм, манăн Патшамăм сăваплă Çурта пынине куртăмăр:
(25) малта — юрлакансем, хыçалта кĕвĕ калакансем пыратчĕç, варринче хĕрсем тÿнкĕр çапса пыратчĕç:
(26) «эй Израиль вăрлăхĕнчен çуралнисем, пухусенче Çÿлхуçа Туррăмăра мухтавлăр!»
(27) Унта вĕсен çулпуçĕ — кĕçĕн Вениамин; Иуда çулпуçĕсем — вĕсен пуçлăхĕсем, Завулон çулпуçĕсем, Неффалим çулпуçĕсем.
(28) Хăвăн Турру сана вăй-хал панă. Эй Турă, пирĕншĕн Ху мĕн тунине çирĕплет!
(29) Иерусалимри Керменÿ умне патшасем Сан валли парнесем илсе килĕç.
(30) Хăмăшлăхри тискер кайăка, халăхсен пăрушĕсем хушшинчи вăкăр кĕтĕвне, кĕмĕл кÿмерккисемпе каппайланакансене, йăвашлат; вăрçăшăн хĕвĕшекен халăхсене салатса яр.
(31) Египетран элчĕсем килĕç; Эфиопи те аллине Турă енне тăсĕ.
(32) –
(33) Эй çĕр çинчи патшалăхсем! Турра мухтаса юрлăр, тÿпере, авалхи тÿпере, çÿрекен Çÿлхуçана аслăласа мухтăр. Акă Унăн сасси, вăй-хăват сасси, илтĕнет.
(34) Турă вăй-хăватне аслăлăр! Унăн чапĕ — Израиль çинче, Унăн хăвачĕ — пĕлĕтсем çинче.
(35) Эй Турă, Эсĕ Хăвăн сăваплă Çуртăнта хăрушă. Израиль Турри — Вăл [Хăйĕн] халăхне вăй-хăват та, тĕрек те парать.Турă мухтавлă!Мухтав:

Псалом 69/68

Юрлакан ушкăн пуçлăхне. Шошанним теекен сăпрайпа. Давид псаломĕ.
(1) Эй Турă, çăлсамччĕ мана: шывсем чунăм патнех çитрĕç.
(2) Эпĕ тарăн шурлăха путса лартăм, урана та пусма çук; тарăн çĕрех кĕтĕм,
(вăйкăн юхăм мана хăй хыççăн сĕтĕрет.
(3) Кăшкăра-кăшкăра халран кайрăм, пыр тĕпĕ типсе ларчĕ, Туррăма кĕте-кĕте куçăм та ĕшенсе çитрĕ.
(4) Мана пĕр айăпсăрах курайманнисем пуçăм çинчи çÿç пĕрчинчен те йышлăрах; мана кăлăхах йĕрлекен тăшманăмсем вăйлăланчĕç; манăн вĕсене хам илменнинех памалла-мĕн.
(5) Эй Турă! Эсĕ манăн ăссăрлăхăма пĕлетĕн, çылăхăмсем те Сана курăнмасăр тăмаççĕ.
(6) Эй Çÿлхуçа, çÿлти çарсенĕн Турри, Сана шанакансем мана пула ан намăсланччăр. Эй Израиль Турри, Сана шыракансем мана пула намăс ан курччăр:
(7) эпĕ Саншăн хурлăх куратăп, манăн питĕме мăшкăлпа хуплаççĕ.
(8) Тăванăмсемшĕн ют пулса тăтăм, аннем ывăлĕсемшĕн палламан çын пултăм:
(9) Санăн Çуртушăн çунни асаплантарчĕ мана, Сана хурлакансенĕн усал сăмахĕ тиврĕ мана;
(10) чунăмпа типĕ тытса йĕтĕм, мана уншăн та мăшкăлларĕç;
(11) çийĕме ырă тумтир вырăнне хуйхă тумтирĕ тăхăнтăм та — ман çинчен юптару ярса кулчĕç;
(12) хапха умĕнче ларакансем ман çинчен халап çапаççĕ, эрех ĕçекенсем манран тăрăхласа юрлаççĕ.
(13) Эй Çÿлхуçамăм, эпĕ вара кĕллĕмпе Сан умна пыратăп; эй Турăçăм, кăмăллă вăхăтра, ырăлăху пысăк пулнăран илтсем мана. Çăлăнăçу шанчăклă пулнăран
(14) юшкăн ăшĕнчен туртса кăларсам мана — путсах анмăпинччĕ; хама курайманнисенчен, тарăн шывсенчен хăтăлăпинччĕ;
(15) шыв юхăмĕ сĕтĕрсе ан кайтăрччĕ мана, тарăн авăр çăтса ан ятăрччĕ мана, карланкине туртса кĕрсе хупса ан хутăрччĕ мана.
(16) Эй Çÿлхуçамăм, илтсем мана: Эсĕ ырă кăмăллă; иксĕлми ырăлăхупа хĕрхенсе пăхсам ман çине;
(17) Хăвăн сăнна чурунтан ан пытарсамччĕ: эпĕ хуйхăратăп; часрах илтсем мана;
(18) чунăм патне çывăхарсам, хăтарсам ăна; тăшманăмсене кура çăл мана.
(19) Мана мăшкăлланине, мана намăс кăтартнине, мана хур тунине Эсĕ пĕлетĕн: тăшманăмсем пурте Санăн умунта.
(20) Мăшкăл курни чĕреме халсăрлатрĕ, эпĕ пĕтсе çитрĕм; хĕрхенессе кĕтрĕм — пулмарĕ,лăплантаракансем шырарăм — тупаймарăм.
(21) Апат вырăнне мана ват пачĕç, ĕçессĕм килнĕ чухне сĕрхе ĕçтерчĕç.
(22) Хăйсен ĕçми-çими вĕсене серепене çаклатаканни пултăр, чипер ĕçнĕ-çинĕ чухнех танатана çакланччăр;
(23) куçĕсем тĕттĕмленччĕр, курми пулччăр, вĕсене ĕмĕрлĕхе вĕчесĕр ту;
(24) вĕсем çине хаярлăхна çитер, вĕсене çиллÿн çулăмĕ çавăрса илтĕр;
(25) вĕсенĕн çурчĕ-йĕрĕ пушанса юлтăр, чатăрĕсенче пурăнакан ан пултăр,
(26) мĕншĕн тесессĕн вĕсем Эсĕ хĕн кăтартнă çыннах хĕсĕрлеççĕ, Эсĕ суранлатнисенĕн асапне ÿстереççĕ.
(27) Вĕсенĕн йĕркесĕр ĕçĕ çумне йĕркесĕр ĕç хуш, вĕсем Сан умунта тÿрре ан тухайччăр;
(28) вĕсем чĕррисенĕн кĕнекинчен çухалччăр, вĕсем тÿрĕ çынсемпе пĕрле ан çырăнайччăр.
(29) Эпĕ — мĕскĕн, асапланатăп; эй Турăçăм, Эсĕ пулăшни вăй патăрччĕ мана.
(30) Эпĕ Туррăмăн ятне юрă юрласа мухтăп, Ăна темĕн тĕрлĕ ырăласа аслăлăп;
(31) çакă вара Çÿлхуçашăн вăкăртан та, мăйракаллă, йĕкĕр чĕрнеллĕ пăруран та кăмăллăрах пулĕ.
(32) Асапланакансем çакна курĕç те — савăнĕç. Эй Турра шыракансем, сирĕн чĕрĕрсем те чĕрĕлĕç:
(33) Çÿлхуçа мĕскĕнсене илтет, Хăйĕн сăнчăрланă çыннисене пăрахмасть.
(34) Тÿпе те, çĕр те, тинĕссем те, унта мĕн çÿрекенни те — пурте Ăна мухтаччăр;
(35) Турă Сиона çăлĕ, Иуда хулисене çĕнĕрен туса лартĕ, унта вырăнаçĕç, Сион вĕсен еткерĕ пулĕ,
(36) Унăн чурисенĕн ăрăвĕ ăна еткерлĕхе илĕ, унта Унăн ятне юратакансем вырăнаçĕç.

Псалом 70/69

Юрлакан ушкăн пуçлăхне. Давид псаломĕ. Аса илмешкĕн.
(1) Эй Турă, васкасам мана хăтармашкăн, эй Çÿлхуçа, васкасам мана пулăшмашкăн.
(2) Манăн чунăма шыракансем намăсланччăр, мăшкăл курччăр! Мана усал сунакансем каялла тарччăр, çын кулли пулччăр!
(3) [Мана:] «аван-ха ку! аван!» теекенсем мана мăшкăлланăшăн каялла тарччăр!
(4) Сана шыракансем пурте Саншăн савăнса хĕпĕртеччĕр, Эсĕ çăлнине юратакансем пĕр вĕçĕмсĕр: «Турă аслă!» тесе тăччăр.
(5) Эпĕ чухăн та мĕскĕн; эй Турă, васкасамччĕ ман патăма! Эсĕ — мана Пулăшаканĕ, мана Хăтараканĕ; эй Çÿлхуçа! ан вăрахласамччĕ.Мухтав.

Псалом 71/70

(1) Эй Çÿлхуçа, Сана шанса тăратăп, ĕмĕрне те намăс курмăпинччĕ.
(2) Хăвăн тÿрĕлĕхÿпе хăтар мана, ирĕке кăлар мана; хăлхуна тайса итле мана, çăл мана.
(3) Маншăн çирĕп хÿтлĕх пул, кирек хăçан та çавăнта тарса хăтăлам; Эсĕ мана çăлма пултăн:
(манăн тĕрекĕм, манăн хÿттĕм — Эсĕ.
(4) Эй Турăçăм! усал çын аллинчен, йĕркесĕр çын, хĕсĕрлекен çын аллинчен хăтар мана:
(5) эй Çÿлхуçа Туррăм, Эсĕ — манăн ĕмĕтĕм, мĕн çамрăкранпах Эсĕ — манăн шанчăкăм.
(6) Эсĕ мана аннем варĕнче чухнех тĕреклĕлетнĕ; аннем ăшĕнчен мана Эсĕ çуратнă; Сана мухтама чарăнассăм çук.
(7) Нумай çыншăн эпĕ хăратмăш пекех пултăм, анчах Эсĕ — манăн çирĕп шанчăкăм.
(8) [Санăн мухтавлăхна аслăламашкăн,] куллен Санăн аслă илемне мухтамашкăн чĕлхе-çăварăм тулли мухтав юрри.
(9) Ватлăхăм кунĕсенче тĕртсе ан ярсам мана; вăй-халăм чакса пынă чухне ан пăрахсам мана:
(10) тăшманăмсем мана хирĕç калаçаççĕ, чунăма сыхласа тăракансем пĕр-пĕринпе канашлаççĕ:
(11) «Турă пăрахнă ăна; йĕрлĕр-тытăр ăна, хăтараканни çук унăн» тееççĕ.
(12) Эй Турă! пăрахса ан кайсам мана; эй Туррăм! мана пулăшма васкасам.
(13) Манăн чунăма хирĕç вăрçă вăрçакансем намăсланччăр, çухалччăр, мана усал сунакансем намăспа, мăшкăлпа хупланччăр!
(14) Эпĕ вара яланах [Сана] шанса тăрăп, Сана мухтанăçем мухтавлăп.
(15) Чĕлхе-çăварăм Санăн тÿрĕлĕхне, кулленех Санăн ырă ĕçÿсене пĕлтерсе тăрĕ — эпĕ ĕнтĕ вĕсенĕн шутне те пĕлместĕп.
(16) Кĕрĕп те Çÿлхуçа Туррăмăн аслă ĕçĕсем çинчен пĕлтерĕп; Санăн тÿрĕлĕхне, пĕр Эсĕ анчах тÿрĕ пулнине аса илĕп.
(17) Эй Турăçăм! Эсĕ мана мĕн çамрăкранпах вĕрентсе тăтăн, эпĕ халичченех Санăн кĕтретÿсем çинчен пĕлтеретĕп.
(18)-
(19) Эй Турăçăм, ватăлса çитиччен, çÿçĕм шураличчен, çак ăрăва Санăн вăй-хăвату çинчен пĕлтериччен, пĕтĕм килес ăрăва Санăн хăвату çинчен пĕлтериччен, Санăн тÿрĕлĕхне çÿле çити аслăличчен, Эсĕ пултарнă аслă ĕçсене тÿпене çити мухтиччен ан пăрахсам мана, Турăçăм; эй Турăçăм, Сан пекки кам пултăр тата?
(20) Эсĕ ман çине темĕн чухлĕ хăрушă асап яратăн, анчах мана каллех чĕртетĕн, мана каллех
(çĕр тĕпĕнчен кăларатăн.
(21) Çĕклентерсем мана, йăпатсам мана.
(22) Эй Турăçăм, эпĕ Сана псалтирь каласа мухтăп, Санăн чăнлăхна мухтавлăп; эй Израиль Святойĕ! Сана кĕсле каласа мухтавлăп.
(23) Сана мухтаса юрланă чухне чĕлхе-çăварăм та, Эсĕ хăтарнă чунăм та савăнать;
(24) чĕлхем те кунĕпех Санăн тÿрĕлĕхне пĕлтерсе тăрĕ: ĕнтĕ мана усал сунакансем намăсланчĕç, мăшкăл пулчĕç.

Псалом 72/71

Соломон çинчен. [Давид псаломĕ.]
(1) Эй Турăçăм! патшана Хăвăн сутна туса тăма пар, патша ывăлне Хăвăн тÿрĕлĕхне туса тăма пар:
(2) Сут тунă чухне вăл Санăн халăхна, Санăн мĕскĕн çыннусене тÿррипе сут тутăр;
(3) тусем çынсене тăнăçлăх паччăр, сăртсем тÿрĕлĕх кÿччĕр;
(4) халăх хушшинчи мĕскĕнсене хÿтĕлетĕр, кĕлмĕçсен ывăлĕсене хăтартăр, хĕсĕрлекене йăвашлаттăр.
(5) Унăн кунĕсем хĕвелпе уйăх сÿничченех, сыпăкран сыпăка тăсăлса пыччăр.
(6) Вăл ĕнтĕ çулнă çаран çине çăвакан çумăр пек, çĕре шăваракан тулăх тумлам пек анĕ;
(7) ун вăхăтĕнче тÿрĕ çын çутăлса тăрĕ, уйăх çухаличченех тулли тăнăçлăх пулĕ;
(8) вăл тинĕсрен тинĕсе çитичченех, Юханшывран* тĕнче хĕррине çитичченех тытса тăрĕ;
(9) пушхирте пурăнакансем унăн умне ÿкĕç, унăн тăшманĕсем тăпра çулĕç;
(10) Фарсис патшисемпе утрав патшисем ăна хырçă тÿлесе тăрĕç; Аравипе Сава патшисем парнесем илсе пырĕç;
(11) ăна пур патша та ÿксе пуççапĕ; ăна пур халăх та пăхăнса тăрĕ;
(12) вăл ĕнтĕ тархаслакан мĕскĕне, пулăшакан çуккипе хĕн тÿсекен çынна хăтарĕ.
(13) Вăл мĕскĕнпе чухăн çынна хĕрхенĕ, мĕскĕнсен чунне çăлса хăварĕ;
(14) вĕсенĕн чунне ултавпа пусмăртан хăтарĕ, унăн куçĕ умĕнче вĕсенĕн юнĕ хаклă пулĕ;
(15) вăл пурăнĕ,
(ăна Арави ылтăнне парса тăрĕç, уншăн пĕр вĕçĕмсĕр кĕлтăвĕç, ăна кулленех мухтавлĕç;
(16) ĕнтĕ тусем тăрринче те тырă-пулă тулăх пулĕ; çитĕннĕ тырă
(Ливан çинчи вăрман пек хумханса ларĕ, хуласенче халăх çĕр çинчи курăк пек ĕрчĕ;
(17) унăн ячĕ ĕмĕр пулĕ; хĕвел çухаличченех унăн ячĕ сарăлса пырĕ { Славянла куçарнинче: Унăн ячĕ хĕвелтен малтанах пур }; ун урлă [çĕр çинчи пур ăру та] пиллĕх илĕ, ăна пур халăх та ырăлĕ.
(18) Çÿлхуçа Турă, Израиль Турри, мухтавлă, пĕр Вăл анчах хăватсем тăвать!
(19) Унăн чаплă ячĕ те ĕмĕрех мухтавлă, Унăн мухтавлăхĕ пĕтĕм çĕре тулĕ. Аминь, аминь.
(20) Давидăн, Иессей ывăлĕн, кĕллисем вĕçленчĕç. Мухтав.III-мĕш кĕнеке

Псалом 73/72

Асаф псаломĕ.
(1) Израильшĕн, таса чĕреллисемшĕн Турă мĕн тĕрлĕ ырă!
(2) Эпĕ вара, — манăн урасем кĕçех тайăлатчĕç, ура тупанĕсем кĕçех шуса каятчĕç,—
(3) йĕркесĕр çынсем тулăх пурăннине кура, ăссăр çынсене ăмсантăм:
(4) вĕсем мĕн виличченех асап курмаççĕ, вĕсенĕн вăйĕ тĕреклĕ;
(5) вĕсем этем ĕçлекен ĕçре çÿремеççĕ, ытти çынсемпе пĕрле хĕн курмаççĕ.
(6) Çавăнпа мăнаçлăх вĕсене мăя пек çавăрса илнĕ, хаярлăх вĕсене тумтир пек витсе тăрать;
(7) самăрланнипе куçĕсем сиксе тухнă, чĕринче тĕрлĕ шухăш пăтранать;
(8) пуринчен те кулаççĕ, кураймасăр усал ят сараççĕ, мăнаç калаçаççĕ, хĕсĕрлесси çинчен калаçаççĕ;
(9) çăварне тÿпе енне çĕклеççĕ, чĕлхи хăйсен çĕр çийĕн сĕтĕрĕнет.
(10) Çапла вĕсем халăха хăйсен енне çавăраççĕ, курка тулли шыв ĕçтереççĕ,
(11) ĕнтĕ: «Турă епле пĕлтĕр? Çÿлти Турă пĕлсе тăрать-и вара?» тееççĕ.
(12) Акă çав усал çынсем ĕмĕрех тулăх пурăнаççĕ, мулне хушаççĕ.
(13) [Вара çапла шухăшларăм:] апла чĕреме кăлăхах тасатмарăм-ши, хам айăпсăррине кăтартма аллăма кăлăхах çумарăм-ши,
(14) кунсерен хама кăлăхах амантмарăм-ши, ирсерен хама кăлăхах питлемерĕм-ши? терĕм.
(15) Анчах та эпĕ «çапла калаçам» тенĕ пулсассăн Санăн ывăлусен йăхĕ умĕнче сутăнчăк пулаттăм.
(16) –
(17) Эпĕ çакна епле ăнласа илем-ши тесе шухăшларăм, анчах Туррăн сăваплă Çуртне кĕриччен, вĕсем мĕнле пĕтессе пĕличчен маншăн вăл чăтма çук йывăр пулчĕ.
(18) Çапла-мĕн! Эсĕ вĕсене шуса ÿкмелли çул çине тăратнă, Эсĕ вĕсене тĕппипе аркататăн, тĕпсĕр шăтăка пăрахатăн.
(19) Вĕсем пĕр самантра çука юлчĕç, çухалчĕç, сехри хăпнипе пĕтрĕç!
(20) Эй Çÿлхуçа, Эсĕ вĕсен ĕмĕчĕсене, ыйхăран вăрансанах сирĕлекен пушă тĕлĕк пек, сирсе ярăн.
(21) Чĕрем вĕресе тăнă чухне, ăшăм вăрканă чухне
(22) эпĕ нимĕн те пĕлмен, ăнласа илеймен; Санăн умунта эпĕ выльăх пек пулнă.
(23) Çавах эпĕ яланах Санпа пĕрле: Эсĕ мана сылтăм аллăмран тытса тăратăн;
(24) Эсĕ мана Хăвăн ăсупа çÿрететĕн, кайран мана мухтавлăхна кĕртĕн.
(25) Тÿпере маншăн кам пултăр? Сансăр пуçне мана çĕр çинче нимĕн те кирлĕ мар.
(26) Утĕмпе чĕрем халран кайсассăн та Турă — манăн чĕремĕн тĕрекĕ, манăн ĕмĕрлĕх пайăм.
(27) Акă Санран пăрăнса каякансем пĕтеççĕ; Эсĕ Хăвăнтан ютшăнакансене пурне те пĕтеретĕн.
(28) Маншăн вара Турă патне çывăхарасси чăн телей! Санăн пур ĕçÿ çинчен те [Сион хĕрĕн хапхи умĕнче] пĕлтерсе тăрас тесе эпĕ Çÿлхуçа Турра шанса тăратăп.

Псалом 74/73

Асаф вĕрентсе калани.
(1) Эй Турăçăм, мĕншĕн пире яланлăхах пăрахрăн-ши? мĕншĕн Хăвăн улăхăнти сурăхсене çилленсе çитрĕн-ши?
(2) Хăвăн авалах суйласа илнĕ ушкăнна, Хăвăн халăху пулма хăтарнă ăрăвна, çак Ху вырăнаçнă Сион тăвне асна илсемччĕ.
(3) Ĕмĕрхи ишĕлчĕксем патне васкасамччĕ: сăваплă вырăна тăшман пĕтĕмпе аркатса тăкрĕ.
(4) Санăн пухăвусенче тăшманусем ахăрчĕç; пирĕн элемсем вырăнне хăйсен паллисене лартса тухрĕç;
(5) кăтартрĕç хăйсене — явăнчăк-явăнчăк йывăç турачĕсем çине пуртă çĕклерĕç;
(6) унти касса тунă пĕтĕм эреше пĕр ăстрăмра пуртăпа, айпăлтапа касса-вакласа тăкрĕç;
(7) Санăн сăваплă Çуртна вут-çулăмпа çунтарса ячĕç; Санăн ятупа лартнă Çурта пĕтĕмпех ирсĕре кăларчĕç;
(8) хăйсен ăшĕнче каларĕç: «вĕсене тĕппипех аркатар» терĕç, çĕр çинче Турă ячĕпе пуçтарăнакан пур вырăна та çунтарса ячĕç.
(9) Ĕнтĕ хамăр паллăмăрсене курмастпăр, ĕнтĕ пророк та çук, ку хăçанччен пырассине пĕлекенни те пирĕн çук.
(10) Эй Турăçăм, тăшман хăçанччен мăшкăл кăтартĕ-ши? Санăн ятна вăл ĕмĕрех хурласа тăрĕ-ши?
(11) Мĕншĕн аллуна, Хăвăн сылтăм аллуна каялла илтĕн-ши? Ана хĕвÿнтен кăлар та — пĕтерсе пăрах вĕсене.
(12) Эсĕ — манăн Туррăм, ĕмĕрхи Патшамăм, çĕр çинче çăлăнăç ĕçне тăваканĕ!
(13) Эсĕ Хăвăн вăюпа тинĕсе икĕ енне уйăрнă, Эсĕ шыв çийĕнчи çĕленсен пуçне аркатнă;
(14) Эсĕ левиафан пуçне аркатнă, ăна пушхирте [Эфиопире] пурăнакансенĕн апачĕ тунă;
(15) Эсĕ чулран çăлкуçĕ, юхăм шыв çапса кăларнă, Эсĕ ялан юхакан шывсене типĕтсе янă.
(16) Кун та — Санăн, каç та — Санăн: уйăхпа çăлтăрсене, хĕвеле Эсĕ туса çитернĕ;
(17) çĕрĕн чиккисене Эсĕ кăтартнă, çăва та, хĕле те Эсĕ тунă.
(18) Асна илсем: тăшман Çÿлхуçана мăшкăллать, ăссăр çынсем Санăн ятна хурлаççĕ.
(19) Хăвăн кăвакарчăнун чунне тискер кайăксене ан парсамччĕ; мĕскĕн халăхун пурăнăçне яланлăха ан мансамччĕ.
(20) Хăвăн халална асна илсемччĕ: çĕр çинчи пур улах вырăн та пусмăр килĕ пулса тăчĕ.
(21) Хурлăх куракан çын намăс курса ан таврăнтăр; мĕскĕн çынпа чухăн çын Санăн ятна мухтаса тăччăр.
(22) Эй Турă, çĕклен, Хăвăн ĕçне хÿтĕле, ăссăр çын Хăвна куллен мăшкăлланине асна ил;
(23) тăшманусем кăшкăрашнине, Сана хирĕç пăлханакансем вĕçсĕр шăв-шав çĕкленине ан манăçла.Мухтав.

Псалом 75/74

Юрлакан ушкăн пуçлăхне. «Ан пĕтерсем». Асаф псаломĕ. Юрă.
(1) Аслăлатпăр Сана, Туррăмăр, аслăлатпăр: Санăн яту çывăхрах; Санăн кĕтретÿсене мухтаса юрлаççĕ.
(2) «Вăхăтне суйласа илĕп те — Эпĕ тÿррипе сут тăвăп.
(3) Çĕр те, ун çинче пурăнакансем те чĕтĕреççĕ: Эпĕ унăн никĕсне тĕреклĕлентерĕп».
(4) Ăссăрланакансене: «ан ăссăрланăр» тетĕп, усал çынсене калатăп: «мăйракăра ан çĕклĕр,
(5) мăйракăра çÿлех ан çĕклĕр, чурăс ан калаçăр» тетĕп:
(6) çĕкленесси тухăçран та, анăçран та, пушхиртен те мар,
(7) Сут тăваканни — Турă: Вăл пĕрне ÿкерет, тепĕрне çĕклентерет:
(8) курка — Çÿлхуçа аллинче, куркара эрех вĕрет, унта темĕн те хутăштарнă, Вăл çав куркаран яра-яра парать. Çĕр çинчи пĕтĕм усал çын унăн çĕприне те сăрăхтарса ĕçĕ.
(9) Эпĕ вара ĕмĕрех Иаков Турри çинчен пĕлтерсе тăрăп, Ăна юрласа мухтăп,
(10) усал çынсенĕн пур мăйракине те хуçса пăрахăп, тÿрĕ çыннăн мăйраки çĕкленĕ.

Псалом 76/75

Юрлакан ушкăн пуçлăхне. Хĕлĕхлĕ сăпрайпа. Асаф псаломĕ. Юрă.
(1) Иудейăра Турра пĕлеççĕ; Израиль хушшинче Унăн ячĕ аслă.
(2) Унăн чатăрĕ — Салим хулинче, Унăн вырăнĕ — Сион çинче.
(3) Вăл унта çĕмрен çулăмне, хулкана, хĕçе, вăрçа аркатрĕ.
(4) Эсĕ çуталса тăратăн, Эсĕ çăткăн тусенчен хăватлă.
(5) Паттăр чĕреллисем тупăш пулчĕç, тарăн ыйха путрĕç, пĕр ар аллинче те вăй-хăват пулмарĕ.
(6) Эй Иаков Турри, Эсĕ хăтăрса илтĕн та — вăрсă урапи те, учĕ те тĕлĕрсе кайрĕ.
(7) Эсĕ — хăрушă, Эсĕ çилленнĕ вăхăтра Санăн умунта кам чăтса тăрĕ?
(8) –
(9) Хăвăн суту çинчен Эсĕ тÿперен пĕлтертĕн; çĕр çинчи пур тертленекен çынна çалмашкăн Турă сут тума килсессĕн, çĕр хăраса ÿкрĕ, шăп пулчĕ.
(10) Этем çилленни те Сана мухтаниех пуле: юлашки çиллÿне Эсĕ чарăн.
(11) Çÿлхуçана, хăвăр Туррăра сăмах п юар. мĕн асăннине пурăнăçа килтерер: Ун тавра тăраканĕсем пурте Хăрушăскерне парне кÿччĕр.
(12) Вăл пуçлăхсенĕн кăмăлне пусарать. Вăл çĕр çинчи патшасемшĕн — хăрушă.

Псалом 77/76

Идифунăн юрлакан ушканĕн пуçлăхне. Асаф псаломĕ.
(1) Сассăм — Турă енне, эпе тархаслама ть:т -:ам: сассăм — Турă енне, Вăл мана илтĕ.
(2) Хурлăхлă кунăмра Çÿлхуçана шыратăп; çĕрĕпе аллăмсене çĕклесе тăратап. аялалла усмастăп: чунăм лăпланасшăн мар.
(3) Турра аса илетĕп те — чĕтĕретеп шухăшлатăп та — чунăм халран каять.
(4) Эсĕ мана куçăма хупма па: Еастан: шалтăрах кайрăм, калаçайми пултă:
(5) Авалхи кунсем çинчен, иртнĕ ĕмĕрсен çулĕсем çинчен шухашлатăп.
(6) çĕрле юррăмсене аса илетĕп. чĕремпе пуплетĕп, ăстăнăм та тепчет.
(7) Çÿлхуçа яланлăхах пăрахрĕ-ши? Ĕнтĕ малашне кăмăллламĕ-ши?
(8) Унăн ырăлăхĕ яланлаха чарăнса тарче-ши? Унăн сыпăкран сыпăка пыракан самахĕ татăлчĕ-ши?
(9) Турă хĕрхенме манчĕ-ши вара? Çилленсе çитсе, иксĕлми ырăлăхне питĕрсе лартрĕ-ши вара?
(10) Ĕнтĕ каларăм: «Çÿлти Туррăн сылтăм алли улăшăннă — манăн асапăм çакă» терĕм.
(11) Çÿлхуса ĕçĕсене асăма илем; авалхи кĕтретÿсене асăнам.
(12) ун пур ĕçне те ăнласа илме тăрăшам, Санăн аслă ĕçÿсем çинчен шухăшлам.
(13) Эй Турă! Санăн çулу сăваплă. Пирĕн Турă пек аслă Турă кам пултăр?
(14) Эсĕ — кĕтретсем тăвакан Турă; Эсĕ халăхсем хушшинче Хăвăн вăй-хăватна кăтартнă;
(15) Эсĕ хăватупа Хăвăн халăхна, Иаковпа Иосиф ывăлĕсене, хăтарнă.
(16) Шывсем Сана курнă та, эй Турă, шывсем Сана курнă та хăраса кайнă, тĕпсĕр авăрсем сехĕрленсе ÿкнĕ.
(17) Пĕлĕтсем шыв юхтарнă, хура пĕлĕтсем кĕмсĕртетнĕ, Санăн çĕмренÿсем вĕçсе çÿренĕ.
(18) Аслатийÿ сасси çавра тÿпере кĕрленĕ; тĕнчене çиçĕм çутатнă; çĕр кисреннĕ, силленнĕ.
(19) Санăн çулу — тинĕс çинче, Санăн сукмаку — аслă шывсем çинче, Санăн йĕрÿсене пĕлме çук.
(20) Эсĕ Хăвăн халăхна, кĕтĕве ертсе пынă пек, Моисейпе Аарон аллипе ертсе пынă.Мухтав.

Псалом 78/77

Асаф вĕрентсе калани.
(1) Эй халăхăм, манăн саккуна тăнла, чĕлхе-çăварăм каланă сăмахсене хăлхăра тайса итлĕр.
(2) Чĕлхе-çăварăм юптарса пĕлтерĕ, авалхи ытарăшсене каласа кăтартăп.
(3) Хамăр мĕн илтнине, мĕн пĕлнине, аттемĕрсем хамăра каласа хăварнине
(4) вĕсен ачисенчен пытарса тăмăпăр, килес ăрăва Çÿлхуçа мухтавлăхĕ çинчен, Унăн вăй-хăвачĕ çинчен, Вăл пултарнă кĕтретсем çинчен каласа парăпăр.
(5) Вăл Иакова Хăйĕн йĕркине пĕлтернĕ, Израиле Хăйĕн саккунне панă, аттемĕрсене çавна хăйсенĕн ачисене каласа хăварма хушнă:
(6) çитес ăру пĕлсе тăтăр, çуралас ачасем пĕлсе тăччăр, хăйсен вăхăтĕнче вĕсем те ачисене пĕлтерччĕр тенĕ:
(7) Турра шанса пурăнччăр, Турă ĕçĕсене ан манччăр, Унăн ÿкĕчĕсене уяса тăччăр,
(8) хăйсен ашшĕсем пек, чурăс та пăлхавлă ăру пек, иккĕленчĕк чĕреллĕ, чун-чĕрипе Турра пăхăнман ăру пек ан пулччăр тенĕ.
(9) Кăрал тытнă, ухăпа перекен Ефрем ывăлĕсем çапăçу куннех каялла тарнă:
(10) вĕсем Турă халалне асра тытман, Унăн саккунĕпе çÿресшĕн пулман;
(11) Унăн ĕçĕсене, Вăл кăтартнă кĕтретсене манăçланă.
(12) Вăл вĕсен ашшĕсен куçĕ умĕнче Египет çĕрĕнче, Цоан хирĕнче, кĕтретсем пултарнă.
(13) тинĕсе икĕ енне уйăрса, вĕсене ун урлă каçарнă, шыва хÿме пек тăратнă;
(14) вĕсене кăнтăрла пĕлĕт хыççăн, çĕрле çĕрĕпе вут çути хыççăн ертсе пынă;
(15) пушхирте чула çапса шыв кăларнă, вĕсене тĕпсĕр юханшывран ĕçтернĕ пек ĕçтернĕ;
(16) Чултуран юхăмсем кăларнă, шыв çырма пек юхса аннă.
(17) Анчах вĕсем Турă умĕнче çылăх тума пăрахман, пушхирте Çÿлти Турра хирĕç тăма чарăнман:
(18) хăйсем кăмăллакан апата ыйтса, вĕсем хăйсен ăшĕнче Турра сăнанă,
(19) Турра хирĕç калаçнă: «Турă пушхирте çимĕç хатĕрлеме пултараять-ши?» тенĕ.
(20) Акă Вăл чула çапнă та — шыв тапса тухнă, çырмасем пулса юхнă. «Вăл Хăй халăхне çăкăр та пама пултараять-ши, ун валли аш хатĕрлеме пултараять-ши?»
(21) Çÿлхуçа çакна илтнĕ те — çилли тулса çитнĕ, вара Иаков çине вут-çулăм тухнă, Израиль çине çилĕ çитнĕ,
(22) мĕншĕн тесессĕн вĕсем Турра ĕненмен, Вăл çăласса шанман.
(23) Вăл çÿлти пĕлĕтсене хушнă та тÿпе алăкĕсене уçнă —
(24) вĕсем çине апат валли манна çутарнă, вĕсене тÿпе çăкăрĕ панă.
(25) Этем ангелсен çăкăрне çинĕ; Вăл вĕсем валли тăранмалăхах апат антарнă.
(26) Вăл тÿпере тухăç çилĕ хускатнă, Хăйĕн хăвачĕпе кăнтăр çилĕ илсе килнĕ,
(27) вĕсем çине, тусан хупăрласа килнĕ пек, аш çутарнă, тинĕсри хăйăр пĕрчи чухлĕ вĕçен кайăк антарнă:
(28) çавна вĕсен тапăрнех, вĕсен килĕсем çывăхнех ÿкернĕ,
(29) вĕсем вара мăй таран çинĕ, тăранмаллипех тăраннă; вĕсене хăйсем ĕмĕтленнине панă.
(30) Анчах вĕсен кăмăлĕ туличченех, апачĕ çăварĕнче чухнех
(31) вĕсене Турă çилли çитнĕ, Израилĕн паттăр ывăлĕсене тата яш ачисене вĕлерсе тăкнă.
(32) Çакна курса та вĕсем çылăх тума пăрахман, Унăн кĕтречĕсене ĕненмен.
(33) Вара Вăл вĕсен кунĕсене çил варкăшĕ пек ирттерсе янă, шуйхатса вĕсен кунçулне вĕçленĕ.
(34) Вăл хăйсене вĕлернĕ чухне вĕсем Ăна шыранă, Ун енне çаврăннă, Ăна тупасшăн пулнă,
(35) хăйсенĕн хÿтлĕхĕ Турă иккенне, хăйсене Хăтараканĕ Çÿлти Турă иккенне асне илнĕ,
(36) Унăн умĕнче йăпăлтатса калаçнă, Унăн умĕнче чĕлхипе суеçтернĕ;
(37) вĕсенĕн чĕри Унăн умĕнче тÿрĕ пулман, вĕсем Унăн халалне уяман.
(38) Вăл вара, Ырăскер, вĕсен çылăхĕсене каçарнă, вĕсене тĕппипех пĕтермен, Хăйĕн çиллине нумай хутчен пусарнă, Хăйĕн хаярлăхне пĕтĕмпех кăларман:
(39) Вăл вĕсем ÿт иккенне, сывлан сывлăш — пĕр кайсан каялла килмен сывлăш — иккенне астуса тăнă.
(40) Вĕсем Ăна пушхирте миçе хутчен хирĕç тăнă, çын пурăнман çĕрте мĕн чухлĕ çиллентернĕ!
(41) Турра каллех сăнанă-тĕрĕсленĕ, Израилĕн Святойне хурланă,
(42) Унăн аллине, хăйсене пусмăртан хăтарнă куна асра тытман:
(43) Вăл ун чухне Египетра Хăйĕн паллисене, Цоан хирĕнче Хăйĕн кĕтречĕсене кăтартнă;
(44) вĕсем ан ĕçейччĕр тесе Нил шывне, вĕсен çăлĕсене юн тунă;
(45) вĕсене сăхчăр тесе вĕсем çине хурт-кăпшанкă янă, вĕсене пĕтерччĕр тесе вĕсем çине шапа янă;
(45) вĕсенĕн çĕр çимĕçĕсене хурта, ĕçленĕ ĕçне хĕрлĕ шăрчăка панă;
(47) иçĕм çырлине пăр çаптарнă, сикомор йывăçĕсене тăм тивтернĕ;
(48) выльăх-чĕрлĕхне пăрпа, кĕтĕвĕсене çиçĕмпе пĕтернĕ;
(49) вĕсем çине Хăй çиллийĕн çулăмне, хаярлăхне тата инкек-синкек, асап, усал ангелсен ушкăнне янă;
(50) Хăйĕн çилли валли çул тикĕсленĕ, вĕсен чунĕсене вилĕмрен сыхламан, вĕсен выльăх-чĕрлĕхне мур чирĕпе пĕтернĕ;
(51) Египет çĕрĕнчи малтан çуралнисене — Хам чатăрĕсенчи вăйăн пуçламăшне — пĕтĕмпех хирсе тухнă;
(52) Хăй халăхне сурăхсене хускатнă пек хускатса кайнă, вĕсене, кĕтÿ çÿретнĕ пек, пушхирпе ертсе пынă;
(53) вĕсене шанчăклă илсе пынă, вĕсем хăраман, вĕсен тăшманĕсене тинĕс хупласа хунă;
(54) вĕсене Хăйĕн сăваплă çĕрĕ çине, Хăйĕн сылтăм алли хатĕрленĕ çак ту çине илсе çитернĕ;
(55) вĕсен умĕнчен ют халăхсене хăваласа янă, халăхсенĕн çĕрĕсене вĕсене ĕмĕрлĕхе уйăрса панă, Израиль йăхĕсене вĕсен чатăрĕсене вырăнаçтарнă.
(56) Вĕсем вара каллех Çÿлти Турра сăнанă, хирĕç тăнă, Вăл панă йĕркесене уяман;
(57) хăйсен ашшĕсем пек, Ăна пăрахнă, Унран сивĕннĕ, йăнăш яракан çĕмрен пек, каялла кайнă;
(58) Ăна хăйсен тÿпем вырăнĕсемпе кÿрентернĕ, Ăна хăйсен йĕрĕхĕсемпе çиллентернĕ.
(59) Турă илтнĕ те — çилли вутла хыпса илнĕ, Израильрен пачах та сивĕннĕ;
(60) вара Вăл Силомри кĕлĕ чатăрне, этемсем хушшинче пурăнакан килне, пăрахнă;
(61) Хăйĕн тĕреклĕ вырăнне, Хăйĕн мухтавлăхне тăшман аллине тыткăна панă,
(62) Хăйĕн халăхне хĕç айне ÿкернĕ, Хăйĕн еткерне çилленсе çитнĕ.
(63) Унăн çитĕннĕ ывăлĕсене вут-çулăм çунтарнă, унăн хĕрĕсемшĕн туй юрри юрламан;
(64) унăн священникĕсем хĕç айне пулса ÿкнĕ, унăн тăлăх арăмĕсене макăрма та паман.
(65) Акă Çÿлхуçа ыйхăран вăраннă пек вăраннă, эрехпе ÿсĕрĕлнĕ улăп евĕр тăнă та
(66) унăн тăшманĕсене каялла хăваласа янă, вĕсене ĕмĕрлĕхе намăса хăварнă;
(67) Иосиф килне пăрахнă, Ефрем йăхне те суйласа илмен,
(68) Вăл Иуда йăхне, Хăй кăмăлланă Сион тăвне суйласа илнĕ.
(69) Хăйĕн сăваплă Çуртне тÿпе пек тунă, ăна çĕр пек ĕмĕрлĕхе тĕреклĕ лартнă,
(70) Давида, Хăйĕи чурине, суйласа илнĕ, ăна сурăх карти патĕнчен,
(71) сăвакан выльăх патĕнчен Хăйĕн халăхне Иакова, Хăйĕн еткерне Израиле кĕтсе çÿреме илсе килнĕ.
(72) Вăл вара вĕсене таса чĕрепе кĕтсе, ăстайлă аллипе ертсе çÿренĕ.Мухтав.

Псалом 79/78

Асаф псаломĕ.
(1) Эй Турăçăм! Санăн çĕрÿ çине суя тĕнлисем килчĕç, Санăн сăваплă Керменне ирсĕрлетрĕç, Иерусалим вырăнĕнче ишĕлчĕк çеç выртать;
(2) Санăн чурусенĕн виллисене вĕçен кайăксене, сăваплă çыннусенĕн ÿчĕсене çĕр çинчи тискер кайăксене çиме пачĕç;
(3) Иерусалим таврашĕнче вĕсенĕн юнне шыв пек тăкрĕç, вĕсене пытаракан та пулмарĕ.
(4) Эпир кÿршĕ халăхсен кулли пултăмăр, хамăр таврара пурăнакансенĕн мăшкăлĕ пултăмăр, намăса юлтăмăр.
(5) Эй Çÿлхуçамăр, хăçанччен пĕр чарăнмасăр çилленсе тăрăн-ши, çиллÿ хăçанччен вут-кăварла çунса тăрĕ-ши?
(6) Хăвăн çиллÿне Хăвна пĕлмен халăхсем çине, Хăвăн ятна асăнман патшалăхсем çине яр:
(7) вĕсем Иакова çисех ячĕç, унăн кил-çуртне пушă хăварчĕç.
(8) Пире асаттесен çылăхĕсемшĕн ан айăпласам; Санăн ырăлăху пирĕн пата часрах çитинччĕ: эпир ĕнтĕ япăхлансах кайрăмăр.
(9) Эй Туррăмăр, Çăлаканăмăр, Хăвăн яту мухтавĕшĕн пулăшсам пире; пире Хăвăн ятушăн хăтарсам, пирĕн çылăхсене каçарсам.
(10) Суя тĕнлисем: «вĕсен Турри ăçта?» тесе ан калайччăр. Санăн чурусенĕн юнне тăкнăшăн тавăрни пирĕн куç умĕнчех пулса иртинччĕ.
(11) Тĕрмере ларакан йынăшни Сан умна çитинччĕ; вĕлерме айăпланисене Хăвăн аллу хăвачĕпе хăтарсамччĕ.
(12) Эй Çÿлхуçамăр, Хăвна хурланăшăн пирĕн кÿршĕсене çичĕ хут ытла хурлăх кăтартса ăшĕсене витер.
(13) Эпир — Санăн халăху, Санăн улăхăнти сурăхсем ĕмĕрех Сана аслăлăпăр, Санăн мухтавлăхна сыпăкран сыпăка пĕлтерсе тăрăпăр. Мухтав.

Псалом 80/79

Юрлакан ушкăн пуçлăхне. Шошанним-Эдуф теекен сăпрайпа. Асаф псаломĕ.
(1) Эй Израиль Кĕтÿçи! тăнласамччĕ; Иосифа сурăхсене çÿретнĕ пек çÿретекен, Херувимсем çинче ларакан, Хăвна кăтартсамччĕ.
(2) Ефрем умĕнче, Вениаминпа Манассия умĕнче Хăвăн вăйна кăларсамччĕ, пире çăлма килсемччĕ.
(3) Эй Турăçăм! пире çĕнĕрен çĕклесемччĕ; Санăн сăну çутăлса кайтăр, вара çăлăнăпăр!
(4) Эй Çÿлхуçа, çÿлти çарсенĕн Турри! Хăвăн халăху кĕлтунă чухне хăçанччен çилленсе тăрăн-ши?
(5) Эсĕ вĕсене пысăк виçепех куççулĕ çăкăрĕпе тăрантартăн, вĕсене пысăк виçепех куççулĕ ĕçтертĕн,
(6) пире кÿршĕ халăхсен мăшкăлĕ турăн, тăшманăмăрсем пирĕнтен кулаççĕ.
(7) Эй çÿлти çарсенĕн Турри! пире çĕнĕрен çĕклесемччĕ; Санăн сăну çутăлса кайтăр, вара çăлăнăпăр!
(8) Эсĕ Египетран иçĕм йывăçĕ куçарса килтĕн, халăхсене хăваласа ярса, ăна вĕсен вырăнне лартрăн;
(9) ун валли вырăн тасатрăн, тымарне çирĕплетрĕн, вăл вара пĕтĕм çĕре сарăлчĕ.
(10) Унăн ĕмĕлки тусене хупласа илчĕ, турачĕсем, сарăлса, Турă кедрĕсене хупларĕç;
(11) турачĕсене вăл тинĕс хĕрринех, хунавĕсене юханшыв хĕрринех çитерчĕ.
(12) Мĕншĕн Эсĕ унăн картине çĕмĕрсе тăкрăн? халĕ ăна пур иртен-çÿрен тата-тата каять.
(13) Ăна вăрман сысни те тăрмалать, ăна хирти тискер кайăк та кăшлать.
(14) Эй çÿлти çарсенĕн Турри! хÿтĕлесемччĕ, тÿперен хĕрхенсе пăхсамччĕ, курсамччĕ, çав иçĕм йывăçне килсе пăхсамччĕ:
(15) Хăвăн сылтăм аллу лартнине, Ху валли ÿстернĕ хунава сыхласа хăварсамччĕ.
(16) Вăл вут-çулăмпа вĕтеленнĕ, касăлса пĕтнĕ; Санăн вăраха кайнă çиллÿпе пĕтсех ларĕç.
(17) Санăн аллу сылтăм аллу енче тăракан ар çинче — Ху валли тĕреклентернĕ этем ывăлĕ çинче — пултăр,
(18) эпир Санран уйăрăлса каймăпăр; чĕртсем пире, эпир Санăн ятна асăнсах тăрăпăр.
(19) Эй Çÿлхуçа, çÿлти çарсенĕн Турри! пире çĕнĕрен çĕклесемччĕ; Санăн сăну çутăлса кайтăр, вара çăлăнăпăр!

Псалом 81/80

Юрлакан ушкăн пуçлăхне. Геф хулинче калакан сăпрайпа. Асаф псаломĕ.
(1) Турра, хамăр тĕрекĕмĕре, хавассăн мухтаса юрлăр; Иаков Туррине янăравлăн, кăшкăра-кăшкăра мухтавлăр!
(2) Псалом юрлăр, тÿнкĕр тытăр, ытарайми сасăллă кĕслепе псалтирь тытăр;
(3) çĕнĕ уйăх кунĕнче, палăртнă вăхăтра, хамăр уяв кунĕнче, трупа кăшкăртăр:
(4) çакă вăл Израилыпĕн саккун пулать, Иаков Турри панă йĕрке пулать.
(5) Вăл ăна Иосифа Египет çĕрĕнчен тухсассăн — çакна астуса тăччăр тесе — панă, халăх унта хăй пĕлмен чĕлхе сассине илтнĕ:
(6) «Эпĕ унăн хулпуççийĕ çинчен йывăр çĕклемне илсе пăрахрăм, ĕнтĕ унăн аллисем кунтă йăтассинчен хăтăлчĕç.
(7) Хĕн курнă чухне Мана чĕнтĕн те — Эпĕ сана хăтартăм; аслати варринчен хуравларăм сана, Мерива шывĕ патĕнче сăнарăм сана.
(8) Эй халăхăм, итле, сана каласа хуратăп: ах Израиль! эсĕ Мана итлесе пурăнсанччĕ!
(9) Санăн урăх турă ан пултăр, ют çĕр туррине ан пуççап эсĕ.
(10) Эпĕ — Çÿлхуçа, санăн Турру, Египет çĕрĕнчен сана Эпĕ илсе тухрăм; çăварна уç, Эпĕ ăна тултарăп».
(11) Анчах халăхăм Манăн сасса итлемерĕ, Израиль Мана пăхăнмарĕ;
(12) çавăнпа Эпĕ вĕсене хăйсен тÿрккес кăмăлĕ хыççăн кайма ирĕк патăм, хăйсем шухăшланă пек çÿреччĕр терĕм.
(13) Ах, халăхăм Мана итленĕ пулсанччĕ, Израиль Манăн çулсемпе çÿренĕ пулсанччĕ!
(14) Эпĕ унăн тăшманĕсене çийĕнчех пăхăнтарăттăм, аллăма вĕсене хĕсĕрлекенсем енне çавăрăттăм:
(15) Çÿлхуçана курайманнисем вĕсене йăпăлтатса çеç тăрĕччĕç, вĕсем вара ĕмĕрĕпе ырă курĕччĕç;
(16) Эпĕ вĕсене тутă тулăпа, чул хысакран кăларнă пылпа тăрантарса усрăттăм.

Псалом 82/81

Асаф псаломĕ.
(1) Турă турăсен пухăвĕнче тăчĕ те турăсем хушшинче сут турĕ:
(2) хăçанччен эсир тĕрĕс мар сут тăвăр-ши, йĕркесĕр çынсем майлă пулăр-ши?
(3) Чухăнпа тăлăха тÿрĕ сут тăвăр; хĕн тÿсекенпе мĕскĕне тĕрĕссипе сут тăвăр;
(4) кĕлмĕçе, мĕскĕне хăтарăр; ăна йĕркесĕр çын аллинчен туртса илĕр.
(5) Пĕлмеççĕ, ăнланмаççĕ, сĕмлĕхре çÿреççĕ; çĕрĕн пĕтĕм никĕсĕ чĕтренет.
(6) Эпĕ каларăм: эсир — турăсем, эсир пурсăр та — Çÿлти Турă ывăлĕсем;
(7) пĕрех эсир те ытти çынсем пекех вилетĕр, кирек хăш пуçлăх ÿкнĕ пекех ÿкетĕр, терĕм.
(8) Эй Турăçăм, çĕклен, тĕнчене сут ту: пур халăха та Эсĕ тытса тăратăн.

Псалом 83/82

Юрă. Асаф псаломĕ.
(1) Эй Турăçăм! Чĕнмесĕр, сас памасăр ан тăрсамччĕ, эй Турăçăм! нимĕн тумасăр ан тăрсамччĕ:
(2) акă ĕнтĕ тăшманусем шавлашаççĕ, Сана курайманнисем пуçне çĕклерĕç;
(3) Санăн халăхна хирĕç чее шухăш тытрĕç, Хăв упраса тăракансене хирĕç каварлашаççĕ;
(4) ĕнтĕ çапла каларĕç: «каяр та вĕсене халăхсем хушшинчен пĕтерер, ÿлĕм Израиль ятне ан асăнччăр» терĕç.
(5) Пĕр шухăшлă пулса пĕр канаша килчĕç, Сана хирĕç сăмах татрĕç:
(6) вĕсем — Эдом халăхĕпе Измаил çыннисем, Моав тата Агарь çыннисем,
(7) Гевал, Аммон, Амалик, филистимсемпе Тир çыннисем.
(8) Ассур та вĕсен çумне хутшăнчĕ: вара вĕсем Лот ывăлĕсен хевти пулчĕç.
(9) Вĕсене Мадиана мĕн тунине, Сисарăна тата Киссон юхăмĕ хĕрринче Иавина мĕн тунине ту:
(10) çавсене Ен-Дорта аркатнă, вĕсем ĕнтĕ çĕр валли тислĕк пулса тăнă.
(11) Вĕсене, вĕсенĕн çулпуçĕсене, Орива тата Зива мĕн кăтартнине кăтарт, вĕсен пĕтĕм çулпуçне Зевее тата Салмана мĕн кăтартнине кăтарт,
(12) çавсем те: «Туррăн ялĕ-хулисене хамăр алла илер» тесе мухтаннă.
(13) Эй Туррăм! Вĕсем çавраçил ăшĕнчи хумхах пек, çил умĕнчи улăм пек пулччăр.
(14) Вăрмана вут-çулăм çунтарнă пек, тусене çулăм вĕтеленĕ пек,
(15) вĕсене Хăвăн тăвăлупа хăвала, Хăвăн çавраçилÿпе шуйхантар;
(16) эй Çÿлхуçа, вĕсен питне намăспа хупла, вĕсем Санăн ятна шыраччăр!
(17) вĕсем намăсланччăр, ĕмĕрлĕхе сехĕрленсе ÿкчĕр, хур пулччăр, çухалччăр,
(18) пĕр Эсĕ анчах Çÿлхуçа ятлине, пĕтĕм çĕр çинче пĕр Эсĕ анчах Çÿлти Турă иккенне пĕлсе çитчĕр.

Псалом 84/83

Юрлакан ушкăн пуçлăхне. Геф хулинче калакан сăпрайпа. Корей ывăлĕсенĕн. Псалом.
(1) Ах, çÿлти çарсенĕн Турри, Санăн Çуртушăн эпĕ епле тĕмсĕлетĕп!
(2) Манăн чунăм Çÿлхуçа картишĕнче пуласшăн çунать; чĕрем те, ÿтĕм те хаваслансах чĕрĕ Турă патне ăнтăлать.
(3) Эй çÿлти çарсенĕн Турри, эй Патшамăм, эй Туррăм! Санăн Çурту таврашĕнче çерçи те хăйне пурăнма вырăн тупать, чĕкеç те чĕпĕ кăларма йăва çавăрать.
(4) Санăн Çуртунта пурăнакансем телейлĕ: вĕсем вĕçĕмсĕр Сана мухтаса тăрĕç.
(5) Хăйĕн вăйне Санра тупакан çын телейлĕ, унăн чĕринчи сукмакĕсем çÿлелле хăпараççĕ.
(6) Типĕ айлăмпа пынă чухне вĕсем ăна çăлкуçĕсен вырăнĕ тăваççĕ, çав айлăма çумăр та пиллĕх парать;
(7) Турра Сион çинче куриччен вĕсем вăй илнĕçемĕн вăй илсе пыраççĕ.
(8) Эй Çÿлхуçа, çÿлти çарсенĕн Турри! Манăн кĕллĕме илтсемччĕ, эй Иаков Турри, тăнласамччĕ!
(9) Эй Турă, пирĕн хута кĕрекенĕ! Пĕшкĕнсе пăхсамччĕ, çу сĕрнĕ çынну çине хĕрхенсе пăхсамччĕ.
(10) Сан картишÿнте пĕр кун пурăнни пин кунран лайăхрах. Усал çынсен çуртĕнче пурăниччен мана Турă Çурчĕн алăкĕ патĕнче тăма аванрах.
(11) Çÿлхуçа Турă — хĕвел те, хÿтлĕх те, Çÿлхуçа тивлет парать, мухтавлă тăвать; айăпсăр пурăнакансене Вăл Хăйĕн ырăлăхĕнчен хăвармасть.
(12) Эй çÿлти çарсенĕн Турри! Сана шанса тăракан çын телейлĕ!

Псалом 85/84

Юрлакан ушкăн пуçлăхне. Корей ывăлĕсенĕн. Псалом.
(1) Эй Çÿлхуçа! Эсĕ Хăвăн çĕрне хĕрхентĕн, Иаков шăпине улăштартăн;
(2) Хăвăн халăхун йĕркесĕр ĕçĕсене каçартăн, унăн пĕтĕм çылăхне манăçларăн,
(3) Хăвăн пĕтĕм хаярлăхна пусартăн, Хăвăн тискер çиллÿне сирсе ятăн.
(4) Эй çăлакан Туррăмăр, пире çĕнĕрен çĕклесем, ĕнтĕ пире тарăхма чарăнсам.
(5) Пире ĕмĕрех çилленсе тăрăн-ши вара, çиллÿне сыпăкран сыпăках тăсăн-ши вара?
(6) Хăвăн халăхна Хăвăншăн савăнтармашкăн пире çĕнĕрен чĕртмĕн-ши вара?
(7) Эй Çÿлхуçа, ырăлăхна кăтартсамччĕ пире, çăлăнăçна парсамччĕ пире.
(8) Çÿлхуçа Турă мĕн каланине итлем-ха. Вăл Хăйĕн халăхне, Хăй суйласа илнĕ çыннисене тăнăçлăх сунĕ, анчах вĕсем каллех ан ăссăрланччăр тейĕ.
(9) Чăнах, Унран хăракансемшĕн çăлăнăç çывăхрах, апла Унăн мухтавлăхĕ пирĕн çĕр çинчех.
(10) Ырăлăхпа чăнлăх тĕл пулчĕç, тÿрĕлĕхпе тăнăçлăх пĕр-пĕрне чуптурĕç;
(11) çĕртен чăнлăх тухрĕ, тÿперен тÿрĕлĕх анчĕ;
(12) Çÿлхуçа ырăлăх парĕ, пирĕн çĕр те хăй çимĕçне ÿстерĕ;
(13) Унăн умĕнчен тÿрĕлĕх пырĕ, Унăн утăмĕсем валли çул хывĕ. Мухтав.

Псалом 86/85

Давид кĕлли.
(1) Эй Çÿлхуçа, хăлхуна тайсам, илтсем мана: эпĕ чухăн, мĕскĕн çын.
(2) Манăн чунăма сыхласам, эпĕ Сан умунта хисеплесе-хăраса тăратăп; эй Туррăм, Хăвăн чуруна, Хăвна шанса тăраканскерне, çăлсамччĕ.
(3) Эй Çÿлхуçа, хĕрхенсем мана: кулленех Сана тархаслатăп.
(4) Хăвăн чурун чунне савăнтар, эй Çÿлхуçа, чунăмпа Сан енне çĕкленетĕп:
(5) эй Çÿлхуçа, Эсĕ Хăвна йăлăнакансемшĕн пуриншĕн те ырă, хĕрхенекен кăмăллă, нумай ырăлăхлă.
(6) Эй Çÿлхуçамăм, манăн кĕллĕме илтсем, йăлăнакан сассăма тăнласам.
(7) Хурлăхлă кунăмра Сана тархаслатăп, мĕншĕн тесессĕн Эсĕ мана илтетĕн.
(8) Эй Çÿлхуçа, турăсем хушшинче Сан евĕрли çук, Санăн ĕçÿсем пек ĕçсем те çук.
(9) Эй Çÿлхуçа, Эсĕ пултарнă халăхсем пурте килĕç те Сан умна ÿксе пуççапĕç,Санăн ятна мухтавлĕç.
(10) Эсĕ аслă, Эсĕ кĕтретсем тăватăн, эй Турăçăм, Эсĕ — пĕртен-пĕр Турă.
(11) Эй Çÿлхуçа, Хăвăн çулу çине тăрат мана, Санăн чăнлăху çулĕпе çÿрем; чĕреме Хăвăн ятунтан хăрамалла туса çирĕплет.
(12) Эй Çÿлхуçа, эй Туррăм, Сана пĕтĕм кăмăлтан мухтавлам, Санăн ятна ĕмĕр-ĕмĕрех аслăлам.
(13) Эсĕ мана пысăк ырăлăх кÿтĕн: манăн чунăма çĕр тĕпĕнчи тамăкран хăтартăн.
(14) Эй Турă! мăнаçлисем мана хирĕç тăчĕç, пусмăрçăсен эшкерĕ манăн чунăма шырать: вĕсем Сана хăйсен умне тăратмаççĕ.
(15) Эсĕ вара, Çÿлхуçа, — уçă кăмăллă, хĕрхенекен чĕреллĕ, вăрах тÿсĕмлĕ, нумай ырăлăхлă, чăн Турă —
(16) ман çине пăхсамччĕ, хĕрхенсемччĕ мана; Хăвăн чуруна Хăвăн тĕреклĕхне парсамччĕ, Хăвăн чурун ывăлне çăлсамччĕ;
(17) мана кăмăл тунине паллă туса кăтарт, мана курайманнисем курччăр, намăсланччăр, мĕншĕн тесессĕн, Çÿлхуçамăм, мана Эсĕ пулăшрăн, лăплантартăн.

Псалом 87/86

Корей ывăлĕсенĕн. Псалом. Юрă.
(1) Унăн {Иерусалимăн} никĕсĕ — сăваплă тусем çинче. Çÿлхуçа Сион хапхине Иаковăн пур хулинчен те ытларах юратать.
(2) Эй Турă хули, сан çинчен ырăран ырă калаççĕ!
(4) Мана пĕлекенсене Раава {Египета} тата Вавилона аса илтерĕп; акă филистимсем, Тир та, Эфиопи те: «çавă унта çуралнă» тейĕç.
(5) Сион çинчен вара: «унта çав-çав ар çуралнă, ăна Çÿлти Турă Хăй тĕреклентернĕ» тейĕç.
(6) Çÿлхуçа халăхсен йышне шута илнĕ чухне: «çавă унта çуралнă» тесе çырса хурĕ.
(7) Юрлаканнисем те, кĕвĕ калаканнисем те: «манăн мĕнпур çăлкуçăм — санра» тейĕç.

Псалом 88/87

Юрă. Псалом. Корей ывăлĕсенĕн. Юрлакан ушкăн пуçлăхне, юрламаш-кăн, Махалаф. Зерах йăхĕнчи Еман вĕрентсе калани.
(1) Эй Çÿлхуçа, мана çăлакан Туррăм! кунĕпе Сана тархаслатăп, çĕрле те — Сан умăнтах:
(2) манăн кĕллĕм Сан умна çитинччĕ; эпĕ тархасланине хăлхуна тайса итлесемччĕ:
(3) ĕнтĕ чунăм хĕн-асап курса тăранчĕ, пурăнăçăм тамăк патнех çывăхарчĕ.
(4) Эпĕ çĕре кĕрекенсемпе танлашрăм; халсăр çын пек тăрса юлтăм,
(5) вилнисем хушшине пăрахнăскер, вĕлерсе пăрахнă, тупăкра выртакан çын евĕрлĕ пултăм — ĕнтĕ Эсĕ вĕсене асна та илместĕн, Эсĕ вĕсене аллупа тĕртсе ятăн.
(6) Эсĕ мана тамăк тĕпне, сĕмлĕхе, тĕпсĕр шăтăка пăрахрăн.
(7) Мана Санăн хаярлăху пусса тăрать, Эсĕ [мана] пĕтĕм хумупа çапса ÿкертĕн.
(8) Манран пĕлĕшĕмсене сивĕтрĕн, вĕсене манран йĕрĕнмелле турăн; мана хупса лартнă — ĕнтĕ тухаймастăп.
(9) Хĕн-асапа пула куçăм вăйĕ пĕтрĕ: эй Çÿлхуçамăм, Сана кунĕпех тархасларăм, аллăмсене Сан еннелле çĕклесе тăтăм.
(10) Эсĕ вилнисемшĕн кĕтрет тăвăн-и? Вилнисем тăрĕç те Сана мухтавлĕç-и?
(11) е тупăкра Санăн ырăлăху çинчен, çĕрекен çĕрте Санăн чăнлăху çинчен пĕлтерсе тăрĕç-и?
(12) сĕмлĕхре Санăн кĕтретÿсене мĕнле курайăн? манăç çĕрĕнче Санăн тÿрĕлĕхне мĕнле пĕлейĕн?
(13) Эй Çÿлхуçамăм, Сана тархаслатăп, манăн кĕллĕм ир-ирех Санăн умна пырĕ.
(14) Эй Çÿлхуçа, мĕншĕн манăн чунăмран пăрăнатăн-ши, Хăвăн сăнна мĕншĕн манран тÿртĕн тытатăн-ши?
(15) Эпĕ çамрăкранпах телейсĕр, çамрăкранпах асапланатăп; Санăн сехметÿсене тÿсетĕп, халран каятăп.
(16) Санăн хаярлăху ман çийĕмренех иртрĕ, Эсĕ хăратни мана пĕтерсех хучĕ,
(17) мана кулленех шыв пек çавăрса илеççĕ: пĕрле пухăнса хупăрлаççĕ.
(18) Эсĕ манран тусăма, варлă çыннăма сивĕтрĕн; пĕлĕшĕмсем те курăнмаççĕ. Вĕсем вырăнне — сĕмлĕх çеç.Мухтав.

Псалом 89/88

Ефам Езрахит вĕрентсе калани.
(1) Эй Çÿлхуçа, [Санăн] ырăлăхусене ĕмĕрех мухтаса юрлăп, Санăн тÿрĕлĕхне сыпăкран сыпăка пĕлтерсе тăрăп.
(2)-
(4) Çапла калатăп: эй Турăçăм, Эсĕ: «Хам суйласа илнĕ çыннăмпа халал хыврăм, Хамăн Давид чурама тупа туса, санăн вăрлăхна ĕмĕрлĕх тăвăп, санăн патшалăхна сыпăкран сыпăка тăсса пырăп» тенĕ чухне Эсĕ ырăлăхна ĕмĕрлĕхе никĕсленĕ, Хăвăн тÿрĕлĕхне тÿпере çирĕплетнĕ.
(5) Эй Çÿлхуçа, тÿпере Санăн тĕлĕнмелли ĕçÿсене мухтĕç, Санăн тÿрĕлĕхне сăваплисенĕн ушкăнĕнче аслăлĕç.
(6) Тÿпере кам Çÿлхуçапа танлашĕ? Турă ывăлĕсем хушшинче кам Çÿлхуçа пек пулĕ?
(7) Турă сăваплисенĕн ушкăнĕнче питĕ хăрушă, Вăл Хăй таврашĕнчисемшĕн пуриншĕн те аслă та хăрушă.
(8) Эй Çÿлхуçа, çÿлти çарсенĕн Турри! Сан пек хăватли, эй Çÿлхуçамăм, кам пултăр? Санăн чăнлăху — Хăвăн йĕри-тавра.
(9) Эсĕ тинĕс хаярлăхне пăхăнтарса тăратăн: хумĕсем çĕкленсе-хăпарса кайсассăн, Эсĕ вĕсене путаратăн.
(10) Эсĕ Раава амантса çапса ÿкертĕн; хăватлă вăюпа тăшманусене салатса ятăн.
(11) Тÿпе те — Санăн, çĕр те — Санăн; тĕнчене, ăна тулли тăваканнине Эсĕ туса хунă.
(12) Çурçĕр енĕпе кăнтăр енне Эсĕ пултарнă; Фавор тăвĕпе Ермон тăвĕ Санăн ятушăн савăнаççĕ.
(13) Санăн хăвату тĕреклĕ, Санăн аллу вăйлă, сылтăм аллу çÿлте тăрать!
(14) Тÿрĕ сутпа тĕрĕслĕх — Санăн аслă пуканун никĕсĕ; ырăлăхпа чăнлăх Санăн умăнтан пыраççĕ.
(15) Чăн савăнăç мĕнне пĕлекен халăх телейлĕ! Эй Çÿлхуçа, вĕсем Санăн сăну çутинче çÿреççĕ,
(16) кунĕпе Санăн ятушăн савăнаççĕ, Санăн тÿрĕлĕхÿпе мухтанаççĕ:
(17) Эсĕ — вĕсен вăй-хăвачĕн илемĕ, Эсĕ кăмăл тунипе пирĕн мăйрака çĕкленет.
(18) Пирĕн хÿтлĕх — Çÿлхуçаран, пирĕн патша — Израиль Святойĕнчен.
(19) Эсĕ ĕлĕк Хăвăн сăваплă çыннусене курăнса калаçнă чухне каланă: «Эпĕ паттăрскере пуçкăшăль тăхăнтартрăм, халăх хушшинчен суйласа илнĕскере асла кăлартăм.
(20) Эпĕ Давида, Хамăн чурама, тупрăм, ăна Хамăн таса çăвăмпа сĕртĕм.
(21) Манăн аллăм унпа пĕрле пулĕ, Манăн хăватăм ăна тĕреклентерĕ.
(22) Тăшман ăна çĕнтереймĕ, усаллăх ывăлĕ ăна хĕсĕрлеймĕ.
(23) Унăн тăшманĕсене хăй умĕнчех аркатса тăкăп, ăна курайманнисене пĕтерĕп.
(24) Манăн чăнлăхăм, Манăн ырăлăхăм унпа пĕрле пулĕ, Манăн ятăмпа унăн мăйраки çĕкленĕ.
(25) Унăн аллине тинĕс çине хурăп, сылтăм аллине юханшывсем çине тăсăп.
(26) Вăл Мана: Эсĕ манăн Аттемĕм, манăн Туррăм, мана çăлакан тĕрекĕм тесе чĕнĕ.
(27) Эпĕ ăна малтанхи ывăлăм тăвăп, çĕр çинчи патшасенчен чи чапли тăвăп,
(28) ырăлăхăма ăна ĕмĕрлĕхе парăп, унпа хывнă халал тĕрĕс тăрĕ.
(29) Унăн вăрлăхне ĕмĕр-ĕмĕрех усрăп, патшалăхĕн ĕмĕрне тÿпе ĕмĕрĕ чухлĕ тăвăп.
(30) Унăн ывăлĕсем Манăн саккуна пăрахсассăн, Манăн ÿкĕтĕмсене уяса пурăнмасассăн,
(31) Эпĕ панă йĕркесене пăссассăн, Эпĕ хушнине тытса тăмасассăн,
(32) вĕсен йĕркесĕрлĕхне — туяпа, вĕсен çылăхне çапкăчпа пырса пăхăп;
(33) çавах та унран ырăлăхăма туртсах илмĕп, чăнлăхăма улăштармăп.
(34) Хамăн халала пăсмастăп, Хам мĕн каланине урăхлатмастăп.
(35) Пĕрре Эпĕ Хамăн сăваплăхăмпа тупа турăм: Давида суйăп-и вара?
(36) Унăн вăрлăхĕ ĕмĕре пырĕ, унăн аслă пуканĕ Ман умăмра хĕвел пек пулĕ,
(37) вăл уйăх пек ĕмĕрех тĕреклĕ тăрĕ, тĕрĕс кÿнтелекенĕ — тÿпере» тенĕ.
(38) Анчах халĕ Эсĕ ăна тĕртсе ятăн, кĕçĕне хăвартăн, Хăвăн çу сĕрнĕ çыннуна çилленсе çитрĕн;
(39) Хăвăн чурупа хывнă халала уямарăн, унăн пуçкăшăльне çĕре пăрахрăн;
(40) унăн хÿмисене йăлтах ишсе антартăн, тĕреклетнĕ хулисене ишĕлчĕк купи туса хăвартăн.
(41) Ĕнтĕ пур иртен-çÿрен ăна çаратать; кÿршĕ халăхсенĕн кулли вăл пулчĕ.
(42) Эсĕ ăна хирĕç тăракансенĕн сылтăм аллине çĕклентертĕн, унăн мĕнпур тăшманне савăнтартăн;
(43) Эсĕ ун хĕçĕн çивĕчĕшне каялла çавăртăн, ăна вăрçăра тĕреклентермерĕн;
(44) унăн чапне туртса илтĕн, аслă пуканне çĕре пăрахрăн;
(45) унăн çамрăк ĕмĕрне кĕскетрĕн, ăна намăса хăвартăн.
(46) Эй Çÿлхуçа, хăçанччен пĕр курăнмасăр тăрăн-ши, хаярлăху хăçанччен вут-кăварла çунса тăрĕ-ши?
(47) Эй Çÿлхуçа, этем ĕмĕрне асна илсемччĕ: Эсĕ пĕтĕм этем ывăлне ниме тăман пурăнăç валли пултарнă-и вара?
(48) Пурăнакан этемрен хăшĕ вилĕм курманни пур? хăйĕн чунне çĕр тĕпне каясран хăтарни кам пур?
(49) Эй Çÿлхуçа, унччен кăтартнă ырăлăхусем ăçта-ши? Эсĕ вĕсене Давида пама тупа тунăччĕ.
(50) Эй Çÿлхуçа, Хăвăн чурусем курнă мăшкăла — чĕрем варринчех тытакан мăшкăла, вăйлă халăхсем мĕн кăтартнине — асна илсемччĕ;
(51) эй Çÿлхуçа, тăшманусем Сана епле хурланине, Хăвăн çу сĕрнĕ çыннуна епле чысран кăларнине асна илсемччĕ.
(52) Çÿлхуçа ĕмĕрех мухтавлă! Аминь те аминь.Мухтав.IV-мĕш кĕнеке

Псалом 90/89

Моисейĕн, Турă çыннийĕн, кĕлли.
(1) Эй Çÿлхуçа! Эсĕ — пирĕн сыпăкран сыпăка тарса хăтăлмалли хÿтлĕхĕмĕр.
(2) Эсĕ тусем çураличченех, Ху çĕрпе тĕнчене пултаричченех пулнă, Эсĕ ĕмĕр-ĕмĕрех — Турă.
(3) Эсĕ этеме каллех тăпра тăватăн: «этем ывăлĕсем, каялла таврăнăр!» тетĕн.
(4) Санăн куçу умĕнче пин çул та — иртсе кайнă ĕнерхи кун евĕр анчах, çĕрлехи темиçе сехет евĕр анчах.
(5)-
(6) Эсĕ вĕсене шывпа юхтарнă пек илсе каятăн; вĕсем — тĕлĕк пек, курăк пек: ирпеле ÿсекен, ирхине çеçке çурса ешерсе ларакан, каçпа хуçăлса анса хăрăнакан курăк пек:
(7) эпир çапла Санăн çиллÿпе çухалатпăр, Санăн хаярлăхупа шуйханатпăр.
(8) Пирĕн йĕркесĕр ĕçсене Эсĕ Хăв умунта тытатăн, пирĕн вăрттăн шухăш-кăмăла Хăвăн сăну çутинче куратăн.
(9) Пирĕн пур кун та Санăн çиллÿне курса иртрĕ; пирĕн кунçул хаш сывлам пек çухалать.
(10) Эпир пурăнас ĕмĕр — çитмĕл çул, тĕреклĕрех пулсассăн — сакăрвунă çул; чи лайăх вăхăчĕ те — йывăр ĕç те чир анчах: вăл хăвăрт иртет, эпир вĕçсе пыратпăр.
(11) Санран хăраса, Санăн çиллÿ хăватне, Санăн хаярлăхна кам пĕлсе çитерĕ?
(12) Хамăр чĕрене ăслăлантармашкăн хамăр кунсене мĕнле шутласа пымаллине вĕрент пире.
(13) Эй Çÿлхуçа, çаврăнсам! Хăçанччен-ши? Хăвăн чурусене хĕрхенсем.
(14) Ырăлăхупа ирех тăрантарсам пире, эпир вара ĕмĕр тăршшĕпе савăнăпăр, хĕпĕртенĕпĕр.
(15) Хăв асап кăтартнă кунсем вырăнне, хамăр хĕн-хур тÿснĕ çулсем вырăнне савăнтар пире.
(16) Хăвăн чурусем çинче Санăн ĕçÿ, вĕсен ывăлĕсем çинче Санăн мухтавлăху курăнтăр;
(17) Çÿлхуçа Туррăмăр пире кăмăллатăр, пирĕн аллăмăрсен ĕçне ăнтарса пыр, пирĕн аллăмăрсен ĕçне ăнтар.

Псалом 91/90

[Давидăн мухтав юррийĕ.]
(1) Çÿлти Турă хÿтлĕхĕнче пурăнаканĕ Пурне те Тума Пултараканăн хÿттинче канлĕ тăрать,
(2) Çÿлхуçана çапла калать вăл: «тарса хăтăлмалли вырăнăм, манăн хÿтлĕхĕм, шанса тăракан Туррăм!»
(3) Вăл сана сунарçă танатинчен, вĕлерекен суранран хăтарĕ,
(4) сана Хăйĕн тĕкĕсемпе хупăрласа тăрĕ, Унăн çуначĕ айĕнче эсĕ шанчăклă тăрăн; Унăн шанчăклăхĕ — хулкан та хÿме.
(5) Çĕрлехи сехметрен те, кăнтăрла вĕçсе килекен çĕмренрен те,
(6) сĕмлĕхре çÿрекен чиртен те, кăнтăр варринче хирекен муртан та хăрамăн.
(7) Санăн тавра пинĕпе ÿкĕç, санăн сылтăм енне вунă пинĕпе ÿкĕç; çавах сан патна çывăхараймĕ:
(8) эсĕ куçупа анчах пăхса тăрăн, усал çынсене тавăрнине курса тăрăн.
(9) Мĕншĕн тесессĕн эсĕ: «манăн шанчăкăм Çÿлхуçа» терĕн; Çÿлти Турра хăвăн тарса хăтăлмалли хÿтлĕхÿ турăн;
(10) сана инкек çакланмĕ, çурту яхăнне чир-чĕр çывăхараймĕ:
(11) Вăл Хăйĕн Ангелĕсене сан çинчен пĕлтерсе хурĕ — сана пур çулу çинче те сыхлама хушĕ:
(12) урупа чула такăнасран сана алă çинче çĕклесе çÿрĕç;
(13) аспидпа василиск çине урупа пусăн; çамрăк арăсланпа аçтаха çĕлене эсĕ таптăн.
(14) «Хама юратнăшăн хăтарăп ăна; Манăн ятăма пĕлнĕшĕн хÿтĕлĕп ăна.
(15) Хама тархасласанах илтĕп ăна; хурлăхĕнче унпа пĕрле пулăп; ăна хăтарăп, ăна асла кăларăп,
(16) тăранса çитиччен пурăнтарăп, ăна Хам çăлнине кăтартăп».Мухтав.

Псалом 92/91

Псалом. Шăматкун юрламалли юрă.
(1) Эй Çÿлти Турă, Çÿлхуçана аслăламашкăн, Санăн ятна мухтаса юрламашкăн — ырă,
(2) ирхине — Санăн ырăлăхна, çĕрле Санăн тÿрĕлĕхне пĕлтерсе
(3) вунă хĕлĕхлине тата псалтирь каласа, кĕсле каласа юрламашкăн — ырă.
(4) Эсĕ, Çÿлхуçамăм, мана Ху мĕн пултарнипе савăнтартăн: эпĕ аллун тунă ĕçсемшĕн хĕпĕртетĕп.
(5) Эй Çÿлхуçа, Санăн ĕçÿсем мĕнле аслă! Санăн шухăшусем епле калама çук тарăн!
(6) Ăна ăссăр çын пĕлеймест, ăнсăр çын ăнласа илеймест.
(7) Çылăхлă çынсем курăк пек ĕрчеççĕ пулин те, усал ĕç тăвакансем чечекленеççĕ пулин те, кайран ĕмĕр-ĕмĕрлĕхе çухалаççĕ.
(8) Эсĕ вара, Çÿлхуçамăм, ĕмĕрех аслă!
(9) Эй Çÿлхуçа, акă Санăн тăшманусем, акă Санăн тăшманусем пĕтеççĕ, усал ĕç тăвакансем пурте саланаççĕ;
(10) манăн мăйракана вара Эсĕ хир вăкăрĕн мăйраки пек çĕклентеретĕн, мана чи паха çу сĕртĕн;
(11) куçăм тăшманăмсем çине пĕр шиксĕр пăхать, хăлхам хама тапăнакан усал çынсем çинчен илтет.
(12) Тÿрĕ çын пальма йывăçĕ пек ÿсет, хунав ярать, Ливан тăвĕ çинчи кедр йывăçĕ пек çÿле çĕкленет.
(13) Вĕсем, Çÿлхуçа Çуртне лартнăскерсем, Туррăмăр картишĕсенче чечек сарса лараççĕ;
(14) –
(15) Çÿлхуçа тÿрĕ пулнине, Вăл манăн тĕрекĕм пулнине, Унăн тĕрĕс марри çуккине пĕлтерсе, вĕсем ватлăхра та çимĕç кÿреççĕ, вĕсем сĕтеклĕ те ешĕл.

Псалом 93/92

[Давидăн мухтав юррийĕ. Шăмат умĕнхи кун — çĕр çине этем вырăнаçнă кун — валли.]
(1) Çÿлхуçа патшара ларать; Вăл аслăлăх тăхăннă, Çÿлхуçа вăй-хăват тăхăннă, пилĕкне çыхнă: çавăнпа тĕнче тĕреклĕ, вăл хускалмĕ.
(2) Санăн аслă пукану ĕлĕкренех тĕреклĕ тăрать: Эсĕ ĕмĕртен малтанах пур.
(3) Эй Çÿлхуçа, шывсем çĕклеççĕ, шывсем хăйсен сассине çĕклеççĕ, шывсем хумĕсене çĕклеççĕ.
(4) Анчах йышлă шывсен шавĕнчен те, тинĕссен вăйлă хумĕнчен те вăйлăрах çÿлти Турă.
(5) Эсĕ пĕлтерни — чăнах та шанчăклă. Эй Çÿлхуçа, Санăн Çурту ĕмĕрех сăваплă тăрĕ.

Псалом 94/93

[Давид псаломĕ, эрнен тăваттăмĕш кунĕнче.]
(1) Эй тавăракан Турă, Çÿлхуçа, эй тавăракан Турă, Хăвна кăтартсам!
(2) Эй тĕнче Тÿри, çĕкленсем, мăнаçлисене тивĕçлипе тавăр.
(3) Эй Çÿлхуçа, çылăхлă çынсем хăçанччен, çылăхлă çынсем хăçанччен иртĕхсе пурăнĕç-ши?
(4) Вĕсем ытла та чăрсăр палкаççĕ; йĕркесĕр ĕç тăвакансем пурте хăйсене асла хураççĕ;
(5) эй Çÿлхуçа, вĕсем Санăн халăхна ватаççĕ, Санăн еткерне хĕсĕрлеççĕ;
(6) тăлăх арăма, ютран килнĕ çынна вĕлереççĕ, тăлăх ачасене пĕтереççĕ,
(7) хăйсем: «Çÿлхуçа курмасть, Иаков Турри пĕлмест» тееççĕ.
(8) Эй ăссăр çынсем, тăна кĕрĕр! эй ăнсăрсем, эсир хăçан ăнласа илĕр-ши?
(9) Хăлха лартса параканĕ илтмĕ-и вара? куçа тăваканĕ курмĕ-и вара?
(10) Халăхсене ăс-тăн параканĕ питлемĕ-и вара? Çынна ăса вĕрентекенĕ — Çÿлхуçа —
(11) этем шухăшĕсене пĕлсе тăрать. Вĕсем ахаль пулнине.
(12) Эй Çÿлхуçа, Эсĕ ăса кĕртсе, Хăвăн саккунна вĕрентнĕ çын телейлĕ:
(13) усал çын валли шăтăк алтса хатĕрличчен Эсĕ ăна хĕн-хурлă кунĕсенче çапла лăплантаратăн!
(14) Çÿлхуçа Хăйĕн халăхне хуса ямĕ, Хăйĕн еткерне пăрахмĕ:
(15) Сут тÿрĕлĕх енне çавăрĕ, тÿрĕ чĕреллисем пурте ун хыççăн кайĕç.
(16) Маншăн усал çынсене хирĕç кам тăрĕ? Маншăн йĕркесĕр ĕç тăвакансене хирĕç кам пырĕ?
(17) Мана Çÿлхуçа пулăшман пулсассăн, чунăм часах шăплăх тĕнчине куçĕччĕ.
(18) Эпĕ: «ĕнтĕ ура такăнать» тенĕ чухне, эй Çÿлхуçамăм, мана Санăн ырăлăху хунтăларĕ.
(19) Чĕремре хĕн-асап хушăнса пынă чухне Эсĕ лăплантарнипе манăн чунăм канать.
(20) Чуниллисен, саккуна пăхăнмасăр пусмăрлакансен, пуканĕ Санăн çывăхăнта ларĕ-и?
(21) Вĕсем тÿрĕ çын чунĕ çине эшкерĕпе тăрăнаççĕ, айăпсăрринех айăплаççĕ.
(22) Анчах Çÿлхуçа манăн хÿттĕм пулчĕ, Туррăм тĕреклĕ хÿтлĕхĕм пулчĕ,
(23) Вăл вĕсен йĕркесĕр ĕçне хăйсем çинех çитерчĕ, вĕсене хăйсен усаллăхĕпех пĕтерчĕ, Çÿлхуçа Туррăмăр вĕсене пĕтерчĕ.Мухтав:

Псалом 95/94

[Давидăн мухтав юррийĕ.]
(1) Килĕр, Çÿлхуçана мухтаса юрлар, [Турра,] хамăрăн çăлăнăç тĕрекне, хавассăн кăшкăра-кăшкăра илсе, аслăлар;
(2) Унăн умне Ăна мухтаса пырса тăрар, Ăна юрăсем юрласа, хавассăн кăшкăра-кăшкăра илсе, аслăлар,
(3) мĕншĕн тесессĕн Çÿлхуçа — аслă Турă, Вăл — пур турăран та аслă Патша.
(4) Унăн аллинче — çĕрĕн тĕпĕ-йĕрĕ, тусен тăррисем те — Унăнах;
(5) тинĕс те — Унăнах, Вăл пултарнă ăна, типĕ çĕре те Унăн аллиех пултарнă.
(6) Килĕр, Çÿлхуçана — хамăра пултарнă Турра — пуççапар, ÿксе пуççапар, Ун умĕнче чĕркуçленер:
(7) Вăл — пирĕн Туррăмăр, эпир — Унăн кĕтÿлĕхĕнчи халăх, Унăн аллинчи сурăхсем. Ах, Паян Унăн сассине илтинччĕ эсир:
(8) «чĕрĕре Мерива патĕнче, пушхирте Масса кунĕнче хаярлатнă пек ан хаярлатăр,
(9) унта Мана сирĕн аçăрсем сăнарĕç, Мана сăнарĕç-тĕрĕслерĕç, хăйсем вара Манăн ĕçĕме курчĕç.
(10) Çав ăру Мана хĕрĕх çул вĕчĕрхентерчĕ, вара каларăм: ку — чĕри аташакан халăх; вĕсем Манăн çулсене пĕлмерĕç, терĕм,
(11) çавăнпа Эпĕ çиллĕмпе тупа турăм: вĕсем Манăн канăçлăхăма кĕреймĕç, терĕм».

Псалом 96/95

[Давидăн мухтав юррийĕ. Турă Çуртне лартнă ятпа.]
(1) Çÿлхуçана мухтаса çĕнĕ юрă юрлăр; çĕр çинчисем, пурте Çÿлхуçана мухтаса юрлăр;
(2) Çÿлхуçана мухтаса юрлăр, Унăн ятне аслăлăр,
(Вăл çăлни çинчен, çăласси çинчен куллен-кун ырă хыпар сарăр;
(3) халăхсем хушшинче Унăн мухтавлăхĕ çинчен,
(пур тĕрлĕ йăх хушшинче Унăн кĕтречĕсем çинчен пĕлтерĕр:
(4) Çÿлхуçа аслă, Ăна пурте мухтавлаççĕ, Вăл пур турăран та хăрушă.
(5) Халăхсенĕн туррисем пурте — йĕрĕх, Çÿлхуçа вара тÿпене пултарнă.
(6) Унăн умĕнче — мухтавлăх та аслăлăх,
(Унăн сăваплă Çуртĕнче — хăват та чаплă илем.
(7) Эй халăхсенĕн ăрăвĕсем, Çÿлхуçана мухтавлăр, Унăн сăваплă Çуртĕнче — хăват та чаплă илем;
(8) Çÿлхуçана Унăн ятне кура мухтавлăр, парнĕрсене илĕр те Унăн картишĕсене кĕрĕр;
(9) Çÿлхуçана Унăн чаплă сăваплă Çуртĕнче пуççапăр. Эй çут тĕнче, Унăн умĕнче чĕтĕресе тăр!
(10) Калăр халăхсене: Çÿлхуçа патшара ларать! çавăнпа тĕнче тĕреклĕ тăрать, вăл хускалмĕ. Вăл халăхсене тÿррипе сут тăвĕ.
(11)-
(13) Çÿлхуçа умĕнче тÿпе савăнтăр, çĕр хĕпĕртентĕр; тинĕс те, ăна тулли тăваканнисем те шавлаччăр; хир те, унта мĕн пурри те пурте савăнччăр, вăрман йывăçĕсем те пурте хавасланччăр: килет, çĕре сут тума килет. Вăл тĕнчене тÿрĕлĕхпе сут тăвĕ, халăхсене чăнлăхĕпе сут тăвĕ.

Псалом 97/96

[Давид псаломĕ, унăн çĕрĕ çинче йĕрке пулса çитсессĕн.]
(1) Çÿлхуçа патшара ларать: çĕр савăнтăр; нумай-нумай утрав хĕпĕртентĕр.
(2) Унăн тавра — хура пĕлĕт те сĕмлĕх; Ун аслă пуканĕн никĕсĕ — тÿрĕлĕх те сут.
(3) Ун умĕнчен вут-çулăм пырать, йĕри-тавра Унăн тăшманĕсене вĕтелет.
(4) Унăн çиçĕмĕсем тĕнчене çутатаççĕ; çĕр çавна курса чĕтĕресе тăрать.
(5) Çÿлхуçа умĕнче, пĕтĕм çĕр Çÿлхуçи умĕнче, тусем ăвăс пек ирĕлеççĕ.
(6) Тÿпе Унăн тÿрĕлĕхне пĕлтерет, халăхсем пурте Унăн мухтавлăхне курса тăраççĕ.
(7) Кĕлеткесене пуççапакансем, йĕрĕхсемпе мухтанакансем пурте намăсланччăр. Эй турăсем
(Çитмĕлĕн куçарнинче: Унăн пĕтĕм Ангелĕ), пурте Ăна пуççапăр.
(8) Эй Çÿлхуçа, Сион илтсе савăнса тăрать, Иуда хĕрĕсем те Санăн тÿрĕ сутусемшĕн хĕпĕртеççĕ:
(9) Эсĕ — Пурне те Тытса Тăракан Çÿлхуçа, Эсĕ пур турăран та аслă.
(10) Эй Çÿлхуçана юратакансем, усала курайми пулăр! Вăл Хăйĕн сăваплă çыннисенĕн чунĕсене сыхлать; вĕсене йĕркесĕр çын аллинчен хăтарать.
(11) Тÿрĕ çынна çутă çутатса тăрать, таса чĕреллисене савăнăç çутатать.
(12) Эй таса çынсем, Çÿлхуçашăн савăнăр, Унăн сăваплăхне асăнса аслăлăр.Мухтав.

Псалом 98/97

Псалом [Давидăн].
(1) Çÿлхуçана мухтаса çĕнĕ юрă юрлăр: Вăл кĕтретсем пултарчĕ. Сылтăм аллийĕ, таса вăй-хăвачĕ çĕнтерÿ Ăна кÿчĕ.
(2) Çÿлхуçа Хăй çăлнине кăтартрĕ, халăхсем умĕнче Хăйĕн тÿрĕлĕхне пĕлтерчĕ.
(3) Вăл Хăйĕн [Иакова] кăтартас ырăлăхне, Израиль килне пĕлтерес тÿрĕлĕхне асне илчĕ. Пирĕн Турă çăлнине тĕнченĕн пур вĕçĕ-хĕррийĕ курчĕ.
(4) Эй çĕр çинчисем, пурте Çÿлхуçана мухтăр; хавассăн кăшкăра-кăшкăра илĕр, савăнăр, хĕпĕртĕр, юрлăр;
(5) Çÿлхуçана кĕсле каласа мухтăр, кĕсле каласа, псалом юрласа мухтавлăр;
(6) Çÿлхуçа Патша умĕнче трупа кăшкăртса, мăйрака кăшкăртса хавасланăр.
(7) Çÿлхуçа умĕнче тинĕс те, ăна тулли тăваканнисем те, тĕнче те, тĕнчере пурăнаканнисем те пурте кĕрлеччĕр;
(8) çырмасем алă çупчăр, вĕсемпе пĕрле тусем те савăнччăр:
(9) мĕншĕн тесессĕн Вăл тĕнчене сут тума килет. Вăл тĕнчене тÿррипе сут тăвĕ, халăхсене тĕрĕс сут тăвĕ.

Псалом 99/98

[Давид псаломĕ.]
(1) Çÿлхуçа патшара ларать: халăхсем чĕтреççĕ! Вăл херувимсем çинче ларать: çĕр кисренсе тăрать!
(2) Çÿлхуçа Сион çинче аслă, Вăл пур халăхсене тытса тăрать.
(3) Санăн аслă та хăрушă ятна аслăлаччăр: Вăл — сăваплă!
(4) Патшанăн чысĕ тĕрĕс сут тунине кăмăллать. Эсĕ тĕрĕслĕхе çирĕплетрĕн; Иакова Эсĕ
(тĕрĕс сутпа тÿрĕлĕх кăтартрăн.
(5) Çÿлхуçана, хамăр Туррăмăра, аслăласа мухтăр, Унăн ури умне ÿксе пуççапăр: Вăл — сăваплă!
(6) Моисейпе Аарон священниксем хушшинче, Самуил Унăн ятне асăнакансем хушшинче Çÿлхуçана тархасланă та — Вăл вĕсене тăнланă.
(7) Вĕсемпе Вăл пĕлĕт юпа ăшĕнчен калаçнă; вĕсем Унăн ÿкĕчĕсене, хăйсене панă йĕркене уяса пурăннă.
(8) Эй Çÿлхуçамăр, эй Туррăмăр! Эсĕ вĕсене тăнланă; Эсĕ вĕсемшĕн каçаракан Турă, усал ĕçĕсене кура хаса паракан Турă пулнă.
(9) Çÿлхуçана, хамăр Туррăмăра, аслăласа мухтăр, Ăна Хăйĕн сăваплă тăвĕ çинче пуççапăр: Çÿлхуçамăр, пирĕн Туррăмăр — сăваплă.

Псалом 100/99

[Давидăн] мухтав псаломĕ.
(1) Эй пĕтĕм тĕнче, Çÿлхуçана мухтавлăр, хавассăн кăшкăра-кăшкăра илĕр!
(2) Çÿлхуçашăн савăнса ĕçлесе тăрăр; Унăн умне юрласа, хавассăн кăшкăра-кăшкăра пырăр!
(3) Çÿлхуçа Турă иккенне, пире Вăл пултарнине, эпир Унăн иккенне, Унăн халăхĕ, Унăн кĕтÿлĕхĕнчи сурăхсем иккенне пĕлсе çитĕр.
(4) Унăн хапхинчен Ăна аслăласа кĕрĕр, Унăн картишне мухтав юрри юрласа кĕрĕр. Ăна аслăлăр, Унăн ятне мухтавлăр:
(5) Çÿлхуçа — ырă: Унăн ырăлăхĕ — ĕмĕрлĕхе, Унăн шанчăклăхĕ — сыпăкран сыпăка.

Псалом 101/100

Давид псаломĕ.
(1) Ырăлăхпа тÿрĕлĕхе асăнса юрлăп; эй Çÿлхуçа, Сана мухтаса юрлăп.
(2) Айăпсăр çул çинчен тимлесех шухăшлăп: «ман патăма хăçан килĕн-ши Эсĕ?» Хамăн килĕм-çуртăмра таса черепе эпе çÿреп.
(3) Куçăма эпĕ ирсĕр япала çине пăхма памăп; эпĕ йĕркесĕр ĕçе кураймастăп: вăл ман çума çыпăçаймĕ.
(4) Пăсăк чĕре манран аякра тăрĕ; эпĕ усал-хаяра пĕлмĕп.
(5) Çывăх çынни çинчен вăрттăн элек паракана пĕтерĕп; çÿлтен пăхакана, мăнаçлă чĕреллине чăтса тăмăп.
(6) Куçăм çĕр çинчи тÿрĕ çынсем çине пăхать: ĕнтĕ ман çумăмра çавсем пулччăр; кам айăпсăр çулпа çÿрет, маншăн çавă ĕçлесе тăрĕ.
(7) Ултавçă чее çын ман çуртăмра пурăнаймĕ; суя калаçакан манăн куçăм умĕнче тăраймĕ.
(8) Йĕркесĕр ĕç тăвакансене пурне те Çÿлхуçа хулинчен тĕппипех кăкламашкăн çĕр çинчи пĕтĕм çылăхлă çынна иртен-ир пĕтерме пуçлăп.

Псалом 102/101

Асап тÿсекен çын йывăр самантра Çÿлхуçа умĕнче хăйĕн хуйхи-суйхине уçса панă чухнехи кĕлĕ.
(1) Эй Çÿлхуçа! манăн кĕллĕме илтсемччĕ, эпĕ йĕрсе йăлăнни Сан патна çитинччĕ.
(2) Асаплă кунăмра Хăвăн сăнна манран ан пытарсамччĕ; [Хăвна] тархасланă кун мана часрах илтсемччĕ, хăлхуна ман енне тайсамччĕ.
(3) Ĕнтĕ кунăмсем тĕтĕм пек çухалчĕç, шăммăм-шаккăм вутпуççи пек тăрса юлчĕ;
(4) чĕрем курăк евĕр касăлчĕ, хăрăнчĕ, çăкăр çиме те манса каятăп;
(5) ахлата-ахлата йынăшнипе ÿтĕм-тирĕм шăммăм çумнех çыпăçăнчĕ.
(6) Эпĕ пушхирти тăмана евĕрлĕ пултăм; ишĕлчĕк çинчи ÿхĕ пек тăрса юлтăм;
(7) ĕнтĕ çывăраймастăп, çурт тăрринчи пĕр-пĕччен кайăк пек ларатăп.
(8) Тăшманăмсем мана куллен-кун хăртаççĕ, мана курайманнисем ман ятпа ылханаççĕ.
(9) Ĕнтĕ çăкăр вырăнне кĕл çиетĕп, ĕçекен шывăма куççулĕпе хутăштаратăп:
(10) çакă Эсĕ çилленннпе, Эсĕ тарăхнипе пулчĕ; Эсĕ мана çÿле çĕклерĕн те — аяла ÿкертĕн.
(11) Манăн кунăмсем — шуса иртекен ĕмĕлке пек; эпĕ курăк пек хăрăнтăм.
(12) Эсĕ вара, Çÿлхуçа, ĕмĕрех патша пуканĕ çинче ларатăн, Сана сыпăкран сыпăка асăнаççĕ.
(13) Эсĕ тăрăн та — Сиона хĕрхенĕн: ăна хĕрхенме вăхăт ĕнтĕ, вăхăт çитнĕ ĕнтĕ:
(14) Санăн чурусем унăн чулĕсене те юратакан пулчĕç, унăн тусанне те хĕрхенеççĕ.
(15) Вара халăхсем Çÿлхуçа ятĕнчен хăраса ÿкĕç, çĕр патшисем пурте Санăн мухтавлăхунтан сехĕрленĕç:
(16) Çÿлхуçа Сиона çĕнĕрен туса лартĕ, Хăйĕн мухтавлăхĕпе курăнĕ;
(17) мĕскĕнсенĕн кĕлли çине хĕрхенсе пăхĕ, вĕсем тархасланине ахаль хăвармĕ.
(18) Çакăн çинчен килес ăру валли çырса хурĕç, вара пулас ăрусем Çÿлхуçана мухтавлĕç:
(19) –
(20) касмăкрисем йынăшнине илтесшĕн, вĕлерес ывăлсене хăтарасшăн Вăл Хăйĕн çÿлти сăваплă вырăнĕнчен пĕшкĕнсе пăхрĕ, Çÿлхуçа тÿперен çĕр çине хĕрхенсе пăхрĕ:
(21) –
(22) халăхсемпе патшалăхсем Çÿлхуçашăн ĕçлеме пĕрле пухăнсассăн, вĕсем Сион çинче Çÿлхуçа ятне, Иерусалимра Унăн мухтавлăхне пĕлтерччĕр терĕ.
(23) Пурăнăç çулĕ çинче Вăл манăн вăйăма хавшатрĕ, кунçулăма кĕскетрĕ.
(24) Çапла калатăп: эй Турăçăм!
(çур ĕмĕрĕмрех илсе ан кайсам мана, Санăн куну-çулусем сыпăкран сыпăка пыраççĕ.
(25) [Эй Çÿлхуçа,] Эсĕ малтан çĕре пултарнă, тÿпе те — Санăн аллу ĕçĕ;
(26) вĕсем пĕтсе ларĕç, Эсĕ вара ĕмĕрех пулăн; вĕсем пурте тумтир пек кивелĕç, Эсĕ вĕсене тум улăштарнă пек улăштарăн та — вĕсем улăшăнĕç;
(27) Эсĕ вара — çав-çавах, Санăн кунусем пĕтес çук.
(28) Санăн чурусен ывăлĕсем çакăнта пурăнĕç, вĕсен вăрлăхĕ Сан умунта тĕреклĕ тăрĕ.

Псалом 103/102

Давид [псаломĕ].
(1) Эй чунăм, Çÿлхуçана мухта, пĕтĕм ăшăм-чиккĕм, Унăн сăваплă ятне аслăла.
(2) Эй чунăм, Çÿлхуçана мухта, Вăл тунă ырăлăхсене пĕрне те ан манăçла.
(3) Вăл санăн йĕркесĕр ĕçÿсене пурне те каçарать, сана пĕтĕм чир-чĕртен сыватать;
(4) пурăнăçна вилĕмрен хăтарать, хĕрхенекен кăмăлĕпе сана тулли ырăлăх кăтартать;
(5) ĕмĕтленнĕ ĕмĕтне çитерет: ĕнтĕ çамрăклăху ăмăрткайăк пек çĕнелет.
(6) Хурлăха юлнисене пурне те хÿтĕлесе Çÿлхуçа тĕрĕс сут тăвать, тÿррине тăвать.
(7) Вăл Моисее Хăйĕн çулĕсене, Израиль ывăлĕсене Хăйĕн ĕçĕсене кăтартнă.
(8) Çÿлхуçа ырă, хĕрхенекен кăмăллă, вăрах тÿсĕмлĕ, нумай ырăлăхлă:
(9) вĕçне çитиех çилленсе каймасть, ĕмĕрех тарăхса тăмасть.
(10) Пире пĕтĕм йĕркесĕр ĕçшĕн айăпламасть, пире пĕтĕм çылăхшăн тавăрмасть:
(11) çÿллĕ тÿпепе çĕр хушши епле пысăк, [Çÿлхуçанăн] ырăлăхĕ Хăйĕнчен хăракансемшĕн çавăн пек пысăк;
(12) тухăç анăçран епле аякра, йĕркесĕр ĕçĕмĕрсене Вăл пирĕнтен çапла аякка сирчĕ;
(13) ашшĕ ачисене хĕрхеннĕ пек, Çÿлхуçа Хăйĕнчен хăракансене çапла хĕрхенет:
(14) Вăл эпир мĕнрен пулнине пĕлет, эпир тăпра иккенне астуса тăрать.
(15) Этем кунçулĕ — курăк пек; вăл хирти чечек пек чечекленет.
(16) Ун çийĕн çил иртсе каять те, вăл — çук та, вăл ÿснĕ вырăна та тупаймăн.
(17) Çÿлхуçа ырăлăхĕ вара Хăйĕнчен хăракансемшĕн ĕмĕртен ĕмĕре пырать,
(18) Унăн тивлечĕ Унăн халалне упракансен, Унăн ÿкĕчĕсене астуса-уяса тăракансен ывăлĕсенĕн ывăлĕсене çитет.
(19) Хăйĕн аслă пуканне Çÿлхуçа тÿпене лартнă, Унăн патшалăхĕ пурне те тытса тăрать.
(20) Эй Çÿлхуçанăн Ангелĕсем — вăй-хăватлисем, Вăл каланине, Унăн сăмахне итлесе, Унăн сăмахне туса тăракансем — [пурсăр та] Çÿлхуçана мухтăр;
(21) эй Унăн пĕтĕм çарĕ — Ăна ĕçлесе тăракансем, Унăн ирĕкне туса тăракансем — пурсăр та Çÿлхуçана мухтăр;
(22) эй Унăн пĕтĕм ĕçĕ, Унăн патшалăхĕнче пурсăр та пур çĕрте те Çÿлхуçана мухтăр. Эй чунăм, Çÿлхуçана мухта!

Псалом 104/103

[Давид псаломĕ, тĕнчене пултарни çинчен.]
(1) Эй чунăм, Çÿлхуçана мухта! эй Çÿлхуçа, эй Туррăм! Эсĕ тĕлĕнмелле аслă, Эсĕ мухтавлăхпа аслăлăх тăхăннă;
(2) Эсĕ риза вырăнне çутă тăхăнатăн, тÿпене чатăр пек каратăн;
(3) çÿлти пÿлĕмÿсене шывсем çине туса лартатăн, пĕлĕтсене Хăвăн урапу тăватăн, çил çуначĕсем çинче пыратăн.
(4) Эсĕ сывлăшсене Хăвăн ангелусем тăватăн, ялкăшса çунакан вут-çулăма Хăвна ĕçлесе тăракансем тăватăн.
(5) Эсĕ çĕре тĕреклĕ никĕс çине вырăнаçтарнă: вăл ĕмĕр-ĕмĕрне те хускалмĕ.
(6) Тĕпсĕр шыв ăна тумтирпе витнĕ пек витнĕ; тусем çинче шывсем тăраççĕ;
(7) Эсĕ хăтăрса илнипе вĕсем чупаççĕ, аслатийÿ сассине илтсе хăвăрт каяççĕ;
(8) тусем çине хăпараççĕ, айлăмсене — Эсĕ вĕсем валли палăртнă тĕле — анаççĕ.
(9) Эсĕ чиккине кăтартнă, вĕсем унтан иртес çук, çĕре хуплама та каялла килес çук.
(10) Эсĕ çăлсене айлăмсем тăрăх янă: тусем хушшипе [шывсем] юхаççĕ,
(11) пур тĕрлĕ хир кайăкне те шăвараççĕ; хир ашакĕсем ĕçсе ăшне кантараççĕ.
(12) Вĕсен таврашĕнче вĕçен кайăксем пурăнаççĕ, туратсем хушшинче чĕвĕлтетеççĕ.
(13) Эсĕ тусене çÿлтен шăваратăн, Санăн ĕçÿсенĕн ырăлăхĕпе çĕр тăранать.
(14) Çĕртен çимĕç кăлармашкăн Эсĕ выльăх-чĕрлĕх валли курăк ÿстеретĕн, ĕç ĕçлемешкĕн этем валли калча çитĕнтеретĕн,
(15) этем чунне савăнтаракан эрех, унăн сăнне çутатакан йывăç çăвĕ, этем чĕрине вăй кĕртекен çăкăр пултаратăн.
(16) Çÿлхуçа йывăçĕсем — Вăл лартнă Ливан кедрĕсем — шывран тăранаççĕ;
(17) вĕсем çинче кайăксем йăва çавăраççĕ: чăрăшсем çинче — аист йăви,
(18) çÿллĕ тусем çинче — ту качакисем; чул хысаксем — мулкачсене пытанмашкăн.
(19) Уйăха Вăл вăхăт кăтартмашкăн пултарнă, хĕвел те хăй анăçне пĕлет.
(20) Эсĕ сĕмлĕхе саратăн та — каç пулать: вăл вăхăтра вăрманти пĕтĕм тискер кайăк çÿрет;
(21) арăслансем тупăшшăн ахăраççĕ, хăйсем валли Турăран апат ыйтаççĕ.
(22) Хĕвел тухать те — вĕсем пуçтарăнса шăтăкне кĕрсе выртаççĕ;
(23) этем хăй ĕçне тума тухать,
(мĕн каçченех хăйĕн ĕçĕпе аппаланать.
(24) Эй Çÿлхуçа, Санăн ĕçÿсем ытла та нумай-çке! Эсĕ пурне те ăслăлăхпа пултарнă;
(çĕр Эсĕ мĕн пултарнипе тулнă.
(25) Акă тинĕс — аслă та сарлака вăл: унта чĕрчунсем кĕшĕлтетеççĕ,
(вĕтти те, шултăри те — имĕ-сумĕ те çук;
(26) унта карапсем ишсе çÿреççĕ,
(унта — Эсĕ тинĕсре вылямашкăн пултарнă çав левиафан та.
(27) Пурте вĕсем Санран кирлĕ вăхăтра апат парасса кĕтеççĕ.
(28) Паратăн та — илеççĕ,
(аллуна уçатăн та — ырăлăхупа тăранаççĕ;
(29) Хăвăн сăнна кăтартмастăн та — аптăраса ÿкеççĕ, сывлан сывлăшне илетĕн те — вилеççĕ, каллех тăпра пулаççĕ;
(30) Хăвăн сывлăшна яратăн та — чĕрĕлеççĕ, çапла Эсĕ çĕр питне çĕнететĕн.
(31) Çÿ. хуçана ĕмĕрех мухтав пултăр; Çÿлхуçа Хăйĕн ĕçĕсемшĕн савăнтăр!
(32) Вăл çĕр çине пăхать те — çĕр чĕтренет; тусене сĕртĕнет те — вĕсенчен тĕтĕм тухать.
(33) Ĕмĕрĕм тăршшĕпех Çÿлхуçана мухтаса юрлам, хам пурăннă чухне Туррăма кĕвĕ каласа мухтам.
(34) Манăн юррăм Ăна кăмăллă пулинччĕ; вара эпĕ Унпа пĕрле савăнăп.
(35) Çылăхлă çынсем çĕр çинчен çухалччăр, йĕркесĕр çынсем малашне ан пулччăр. Эй чунăм, Çÿлхуçана мухта! Аллилуия!Мухтав.

Псалом 105/104

(1) Çÿлхуçана аслăлăр; Унăн ятне асăнăр; халăхсем хушшинче Унăн ĕçĕсем çинчен пĕлтерĕр;
(2) Ăна мухтавлăр, Ăна мухтаса юрлăр; Унăн мĕнпур кĕтречĕ çинчен каласа кăтартăр.
(3) Унăн сăваплă ячĕпе мухтанăр; Çÿлхуçана шыракансенĕн чĕри хаваслантăр.
(4) Çÿлхуçана, Унăн вăй-хăватне шырăр, яланах Унăн сăнне шырăр.
(5) Вăл пултарнă кĕтретсене, Ун хăвачĕн паллисене, Вăл каланă йĕркесене астуса тăрăр,
(6) эсир — Авраам вăрлăхĕ, Унăн чурисем, Иаков ывăлĕсем, Турă суйласа илнисем.
(7) Вăл — пирĕн Çÿлхуçа Туррăмăр: пĕтĕм çĕр çинче Унăн йĕркисем.
(8)-
(9) Вăл Хăйĕн халалне — Авраампа хывнă халалне, пин-пин сыпăк валли каланă сăмахне — тата Хăй Исаака тупа тунине ĕмĕрĕпе астăвать.
(10) Çавна Вăл Иаковшăн саккун тунă, Израильшĕн ĕмĕрлĕх халал туса хунă:
(11) «сана Ханаан çĕрне еткерлĕхе парăп» тенĕ.
(12) Вĕсем сахаллăн, питĕ сахаллăн пулнă чухнех, унта ютран пынă çынсем пулнă чухнех,
(13) пĕр халăх патĕнчен тепĕр халăх патне, пĕр патшалăхран урăх ăру хушшине куçса çÿренĕ чухнех
(14) вĕсене мăшкăллама никама та ирĕк паман, вĕсемшĕн патшасене те чарнă:
(15) «Манăн çу сĕрнĕ çыннăмсене ан тĕкĕнĕр, Манăн пророкăмсене усал ан тăвăр» тенĕ.
(16) Ентĕ çĕр çине выçлăх янă; сыхлăх тырра та пĕтернĕ.
(17) Вĕсен умĕнчен çын янă: Иосифа чуралăха сутса янă.
(18) –
(19) унăн сăмахĕ тÿрре тухиччен ăна Çÿлхуçа сăмахĕ сăнанă: урине тăлланă, мăйне тимĕр мăйкăч тăхăнтартнă.
(20) Патша çын янă та унăн тăллине хывтарнă, халăхсене тытса тăраканĕ ăна ирĕке кăларнă;
(21) ăна хăйĕн килĕ-çуртĕнче асли туса хунă, хăйĕн мĕн пуррине пăхса тăраканĕ тунă:
(22) патша улпучĕсене хăй кăмăлне кайнă пек ăс патăр, аслă çыннисене ăслăлăха вĕренттĕр тенĕ.
(23) Унтан Израиль Египет çĕрне пырса çитнĕ, Хам çĕрĕнче Иаков ют халăх пек пурăннă.
(24) Хăйĕн халăхне Турă питех те ĕрчетнĕ, ăна тăшманĕсенчен вăйлăрах тунă.
(25) Тăшманĕсен чĕрисене Хăйĕн халăхне курайми тунă, Хăйĕн чурисене хирĕç вĕсене чее шухăш тыттарнă.
(26) Унтан Моисее, Хăйĕн чурине, тата Хăй суйласа илнĕ Аарона янă.
(27) Вĕсем вара халăх хушшинче Хам çĕрĕнче Турă паллисене, [Унăн] кĕтречĕсене кăтартнă.
(28) Вăл сĕмлĕх янă та — сĕм тĕттĕм пулса тăнă, анчах лешĕсем Унăн сăмахне итлемен.
(29) Вĕсен шывне юн тунă та — пĕтĕм пуллине пĕтернĕ.
(30) Вĕсен çĕрĕ çине шапа тухса тулнă, патшисем çывăракан пÿлĕме те шапа кĕнĕ.
(31) Вăл каланă та — тĕрлĕ хурт-кăпшанкă çитсе тулнă, вĕсен пĕтĕм çĕрне ÿпре сăрса илнĕ.
(32) Вĕсем çине çумăр вырăнне пăр, çĕрĕ çине çунтаракан вут-çулăм янă,
(33) вĕсен çĕрĕнчи иçĕм йывăçĕсемпе смоква йывăçĕсене пăр çапнă, пур йывăçа та хуçса пĕтернĕ.
(34) Каланă та — шутсăр йышлă хĕрлĕ шăрчăк, хурт килсе тулнă;
(35) вĕсен çĕрĕнчи пĕтĕм курăка çисе янă, вĕсен хирĕнчи пĕтĕм çимĕçе çисе пĕтернĕ.
(36) Вĕсен çĕрĕнчи малтан çуралнисене, вĕсен вăйĕн пуçламăшне, пурне те хирсе тухнă.
(37) Израиль çыннисене ылтăнлă-кĕмĕллĕ кăларнă, вĕсен йăхĕсенче такăнакан çын та пулман.
(38) Египет ĕнтĕ вĕсем тухса кайнăшăн савăннă, мĕншĕн тесессĕн вăл вĕсенчен хăраса çитнĕ.
(39) [Вĕсене] витсе пымашкăн пĕлĕт карнă, çĕрле çутатмашкăн [вĕсем валли] вут-çулăм янă.
(40) Вĕсем ыйтнă та — Вăл путенесем ярса панă, вĕсене çÿлти çăкăрпа тăрантарнă.
(41) Чула çапса çурнă та — шыв палкаса тухнă, пушхир тăрăх çырма пек юхса кайнă,
(42) мĕншĕн тесессĕн Вăл Хăйĕн сăваплă сăмахне асне илнĕ, Авраама, Хăйĕн чурине, асне илнĕ,
(43) Хăйĕн халăхне савăнтарса, Хăй суйланă çыннисене хаваслантарса кăларнă,
(44) вĕсене халăхсенĕн çĕрĕсене панă, вĕсем ют ăрусем ĕçлесе тунине еткерлĕхе илнĕ:
(45) вĕсен вара Вăл панă йĕркесене, Унăн саккунне уяса пурăнмалла пулнă. Аллилуия!Мухтав.Аллилуия.

Псалом 105/104

(1) Çÿлхуçана аслăлăр: Вăл ырă, Унăн ырăлăхĕ ĕмĕрлĕхе.
(2) Çÿлхуçанăн хăватлăхĕ çинчен кам каласа парайĕ, Ана тивĕçлĕ мухтава кам пĕлтерме пултарайĕ?
(3) Тĕрĕс сут тăвакансем, кирек хăçан та тÿррине тăвакансем телейлĕ!
(4) Эй Çÿлхуçа, Хăвăн халăхна кăмăл туса, мана асна илсемччĕ; мана килсе çăлсамччĕ:
(5) манăн Эсĕ суйласа илнисем куракан ырăлăха курасчĕ, Санăн халăхун савăнăçĕпе савăнасчĕ, Санăн еткерÿпе пĕрле мухтанасчĕ.
(6) Эпир аттемĕрсемпе пĕрле çылăха кĕтĕмĕр, çылăха кĕтĕмĕр, тÿрĕ мар ĕçсем турăмăр.
(7) Пирĕн аттесем Египетра Санăн кĕтретÿсене ăнласа илмен, Санăн темĕн чухлĕ ырăлăхна асра тытман, тинĕс хĕрринче, Хĕрлĕ тинĕс хĕрринче, пăлхав хускатнă.
(8) Хăйĕн хăватлăхне кăтартас тесе Вăл вĕсене Хăйĕн ячĕшĕн хăтарнă.
(9) Хĕрлĕ тинĕсе хăтăрса илнĕ те — вăл типсе ларнă; вĕсене тĕпсĕр вырăн урлă типĕ çĕрпе каçарнă пек каçарнă;
(10) вĕсене курайман çын аллинчен çăлнă, тăшман аллинчен хăтарнă.
(11) Вĕсенĕн тăшманĕсене шыв хупласа хунă: вĕсенчен пĕри те чĕрĕ юлман.
(12) Вара вĕсем Унăн сăмахне ĕненнĕ те Ăна тав туса мухтав юрри юрланă.
(13) Анчах Унăн ĕçĕсене часах манăçа хăварнă, Унăн ирĕкне кĕтсе илмен;
(14) пушхирте хăйсен екки хыççăн кайнă, çын пурăнман çĕрте Турра сăнанă.
(15) Вăл вĕсене хăйсем мĕн ыйтнине панă, анчах чунĕсене хĕн-асап кăтартнă.
(16) Тапăрта вĕсем Моисее тата Аарона, Çÿлхуçанăн сăваплă çыннине, ăмсаннă.
(17) Çĕр çурăлса кайнă та — Дафана çăтса янă, Авирон эшкерне хупласа хунă.
(18) Вĕсен эшкерне вут хыпса илнĕ, усал çынсене çулăм пĕтернĕ.
(19) Хорив тăвĕ патĕнче пăру кĕлетки тунă, шăратса тунă кĕлеткене пуççапнă;
(20) хăйсенĕн чапне курăк çиекен вăкăр кĕлеткипе улăштарнă.
(21) Турра — хăйсене Çăлакана, Египетра аслă ĕç тунăскере,
(22) Хам çĕрĕнче тĕлĕнмелле ĕç тунăскере, Хĕрлĕ тинĕс хĕрринче хăрушă ĕç тунăскере — манăçа хăварнă.
(23) Моисей — Хăйĕн суйласа илнĕ çынни — [вĕсене] пĕтересрен Унăн хаярлăхне сиресшĕн Унăн умне, Унпа халăх хушшине, тăман пулсассăн, Вăл вĕсене пĕтеретчĕ.
(24) .Вĕсем хăйсем ĕмĕтленнĕ çĕрне тиркенĕ, Çÿлхуçа сăмахне ĕненмен;
(25) чатăрĕсенче ÿпкелешсе калаçнă, Çÿлхуçанăн сассине итлемен.
(26) Вăл вара вĕсем çине аллине çĕкленĕ: вĕсене пушхиртех пĕтерес,
(27) вĕсен йăхне халăхсем хушшине сапалас, вĕсене тĕрлĕ çĕре салатса ярас тенĕ.
(28) Вĕсем Ваалфегора иленнĕ, чунсăррисене чÿк тунă çимĕçе çинĕ,
(29) хăйсен ĕçĕсемпе Турра тарăхтарнă, çавăнпа вĕсене этем мурĕ çитнĕ.
(30) Финеес тăнă та — тÿрĕ сут тунă, вара мур чирĕ чарăннă.
(31) Унăн çак ĕçне сыпăкран сыпăка, ĕмĕрлĕхе пыракан тÿрĕлĕх вырăнне хунă.
(32) Мерива шывĕ хĕрринче Турра çиллентернĕ, вĕсем пирки Моисейĕн те тÿсме тивнĕ:
(33) вĕсем унăн чунне пăлхантарнă та, вăл чĕлхи-çăварĕпе çылăха кĕнĕ.
(34) Вĕсем Çÿлхуçа пĕтерме каланă халăхсене пĕтермен,
(35) СуЯ тĕнлисемпе хутшăнса кайнă, вĕсен ĕçĕсене тума вĕренсе çитнĕ;
(36) вĕсен йĕрĕхĕсене пуççапса пурăннă, ĕнтĕ çавсем вĕсемшĕн таната пулнă,
(37) хăйсенĕн ывăлĕсене, хăйсенĕн хĕрĕсене вĕсем шуйттансене чÿкленĕ;
(38) Ханаан йĕрĕхĕсене çапла чÿк туса, айăпсăр юна, ывăлĕсемпе хĕрĕсен юнне, тăкса пурăннă — юн тăкнипе çĕр ирсĕрленнĕ;
(39) хăйсен ĕçĕсемпе хăйсене ирсĕрлетнĕ, аскăн ĕçсем туса пурăннă.
(40) Вара Çÿлхуçа Хăйĕн халăхне çилленсе çитнĕ, Хăйĕн еткерĕнчен йĕрĕннĕ,
(41) вĕсене суя тĕнлисен аллине ÿкернĕ, вĕсене хăйсене курайманнисем тытса тăнă.
(42) Ĕнтĕ тăшманĕсем вĕсене хĕсĕрленĕ, вĕсем çавсен аллинче йăвашланнă.
(43) Вăл вĕсене нумай хутчен хăтарнă; вĕсем вара [Ăна] хăйсен ĕмĕчĕ-шухăшĕпе хирĕç тăнă, хăйсен çылăхĕсем ăшне путнă.
(44) Вăл вара вĕсем йĕрсе йăлăннине илтсессĕн вĕсен асапĕ çине хĕрхенсе пăхнă,
(45) вĕсемпе хывнă халалне вĕсемшĕн асне илнĕ, вĕçĕмсĕр ырăлăхне пула шухăшне улăштарнă;
(46) тыткăна илекенĕсен кăмăлне çемçетнĕ, вĕсене хĕрхенекен тунă.
(47) Эй Çÿлхуçа, эй Туррăмăр, çăлсамччĕ пире, Хăвăн сăваплă ятна аслăламашкăн, Хăвăн мухтавлăхупа мухтанмашкăн халăхсем хушшинчен пуçтарсамччĕ пире.
(48) Çÿлхуçа, Израиль Турри, ĕмĕртен ĕмĕре мухтавлă! Пĕтĕм халăх: аминь! тетĕр. Аллилуия!Мухтав:Аллилуия.

Псалом 107/106

(1) Çÿлхуçана аслăлăр: Вăл ырă, Унăн ырăлăхĕ ĕмĕрлĕхе!
(2) Çÿлхуçа хăтарнисем çапла калаччăр: Вăл вĕсене хĕн-хурлăх асапĕнчен хăтарнă,
(3) тĕрлĕ çĕршывран, тухăçпа анăç енчен, çурçĕрпе тинĕс енчен пуçтарнă.
(4) Вĕсем пушхирте çын пурăнман çĕрте аташса çÿренĕ, çын пурăнакан хула енне каякан çула тупайман;
(5) выçлăх тÿснĕ, шывшăн антăхнă, ĕнтĕ чунĕсем хавшаса çитнĕ.
(6) Хĕн-хурлăхра вĕсем Çÿлхуçана тархасланă та — Вăл вĕсене асапран хăтарнă,
(7) çын пурăнакан хулана çитчĕр тесе Вăл вĕсене тÿрĕ çулпа ертсе пынă.
(8) Çÿлхуçана Унăн ырăлăхĕшĕн, этем ывăлĕсемшĕн тунă тĕлĕнмелли ĕçĕсемшĕн мухтаччăр!
(9) Вăл антăхакан чуна тăрантарнă, выçăхнă чуна ырăлăхĕпе тутă тунă.
(10) Хĕн-хурлăхпа, тимĕрпе тăлланнăскерсем, вĕсем сĕмлĕхре, вилĕм ĕмĕлки айĕнче ларнă,
(11) мĕншĕн тесессĕн вĕсем Турă сăмахне хирĕç пынă, çÿлти Турă ирĕкне уяман.
(12) Вăл вĕсенĕн чĕрине ĕçпе йăвашлатнă; вĕсем такăннă — пулăшаканĕ пулман.
(13) Хĕн-хурлăхра вĕсем Çÿлхуçана тархасланă та — Вăл вĕсене асапран хăтарнă;
(14) вĕсене сĕмлĕхрен, вилĕм ĕмĕлки айĕнчен кăларнă, тăллисене татса ывăтнă.
(15) Çÿлхуçана Унăн ырăлăхĕшĕн, этем ывăлĕсемшĕн тунă тĕлĕнмелли ĕçĕсемшĕн мухтаччăр!
(16) Вăл пăхăр хапхасене аркатса тăкнă, тимĕр сăлăпсене çапса салатнă.
(17) Ăссăрскерсем хăйсенĕн йĕркесĕр çулĕ пирки, хăйсенĕн тĕрĕсмарлăхĕ пирки асапланнă;
(18) вĕсенĕн чунĕ пур апата та тиркенĕ, вара вĕсем вилĕм хапхи патнех çывăхарнă.
(19) Хĕн-хурлăхра вĕсем Çÿлхуçана тархасланă та — Вăл вĕсене асапран хăтарнă;
(20) Хăй сăмахне ярса, вĕсене сыватнă, вĕсене çĕре кĕресрен çăлса хăварнă.
(21) Çÿлхуçана Унăн ырăлăхĕшĕн, этем ывăлĕсемшĕн тунă тĕлĕнмелли ĕçĕсемшĕн мухтаччăр!
(22) Ăна мухтав парнийĕ кÿччĕр, Унăн ĕçĕсем çинчен савăнăçлăн юрласа пĕлтерччĕр!
(23) Тинĕс тăрăх караппа каякансем, пысăк шывсем çинче ĕç ĕçлекенсем
(24) тĕпсĕр шыв çинче Çÿлхуçа ĕçĕсене, Унăн кĕтречĕсене кураççĕ:
(25) Вăл калать те — вăйлă çил-тăвăл тухать, тинĕс хумĕсене çĕклентерсе ярать:
(26) вĕсем тÿпене çитиех çĕкленеççĕ, тĕпсĕр авăрах анса каяççĕ; ĕнтĕ чунĕсем инкекпе хавшаççĕ;
(27) вĕсем ÿсĕр çын пек сулкаланаççĕ, тайкаланаççĕ, ăспуçне йăлтах çухатаççĕ.
(28) Хĕн-хурлăхра вĕсем Çÿлхуçана тархасланă та — Вăл вĕсене асапран хăтарнă.
(29) Вăл çил-тăвăла лăплантарать, тинĕс хумĕсем шăпах пулаççĕ.
(30) Хумсем чарăннăшăн вĕсем хĕпĕртеççĕ, Вăл вĕсене хăйсем çитес тенĕ çĕре илсе çитерет.
(31) Çÿлхуçана Унăн ырăлăхĕшĕн, этем ывăлĕсемшĕн тунă тĕлĕнмелли ĕçĕсемшĕн мухтаччăр!
(32) Ăна халăх пухăвĕнче аслăлаччăр,
(аслă пуçлăхсен ушкăнĕнче мухтавлаччăр!
(33) –
(34) çĕр çинче пурăнакансенĕн йĕркесĕрлĕхне пула Вăл юханшывсем вырăнне — пушхир, çăлкуçсем вырăнне — типĕ çĕр, тулăхлă çĕр вырăнне тăварлă çĕр тăвать.
(35) Вăл пушхир вырăнне — кÿлĕ, çунса типнĕ çĕр вырăнне çăлкуçĕсем тăвать;
(36) унта выçăхнисене вырăнаçтарать, вĕсем пурăнмашкăн хула лартаççĕ;
(37) хирсене тырă акаççĕ, иçĕм йывăçĕсем чĕртеççĕ, унтан тухăçлă çимĕç пуçтарса илеççĕ.
(38) Вăл вĕсене пиллет те — вĕсем питех те ĕрчесе каяççĕ, вĕсен выльăх-чĕрлĕхне те чакармасть.
(39) Кайран вĕсем сахалланнă, пусмăр тÿснипе, инкек-синкек, хĕн-хурлăх тÿснипе ураран ÿкнĕ;
(40) Вăл пуçлăхсене мăшкăл кăтартать, вĕсене çул-йĕрсĕр пушхирте аташса çÿреме хăварать.
(41) Мĕскĕне вара хĕн-хуртан туртса кăларать, унăн йăхне сурăх кĕтĕвне ĕрчетнĕ пек ĕрчетет.
(42) Тÿрĕ çынсем çавна кураççĕ те — савăнаççĕ, пур усаллăх та çăварне хуплать.
(43) Кам ăслă, çавă çакна асăрхĕ, Çÿлхуçанăн ырăлăхне ăнласа илĕ.Мухтав.

Псалом 108/107

(1) Эй Турăçăм, чĕрем хатĕр ĕнтĕ, [манăн чĕрем хатĕр ĕнтĕ]; юрлам, кĕвĕ каласа мухтам.
(2) Эй псалтирьпе кĕсле, вăранăр! Эпĕ шурăмпуçне вăратăп.
(3) Эй Çÿлхуçа, Сана халăхсем хушшинче аслăлăп; Сана ăрусем хушшинче мухтаса юрлăп:
(4) Санăн ырăлăху тÿперен те çÿллĕрех, Санăн чăнлăху пĕлĕтсем таранах.
(5) Эй Турă, çÿл пĕлĕтрен çÿле çĕклен; Санăн мухтавлăху пĕтĕм çĕр çинче пултăр:
(6) Хăв юратнисем хăтăлччăр: Хăвăн сылтăм аллупа çăлсамччĕ пире, илтсемччĕ пире.
(7) Турă Хăйĕн сăваплă Çуртĕнче каларĕ: «савăнăп, Сихеме уйăрса парăп, Сокхоф айлăмне виçсе уйăрăп;
(8) Галаад — Манăн, Манассия — Манăн, Ефрем — Манăн пуçăм тĕрекĕ, Иуда — Манăн туя,
(9) Моав — Эпĕ çăвăнакан савăт, Эдом çине аттăмпа таптăп, Филисти çĕрĕнче хавассăн кăшкăрăп» терĕ.
(10) Тĕреклĕлетнĕ хулана мана кам илсе кĕрĕ? Эдом çĕрне мана кам ертсе çитерĕ?
(11) Эсех мар-и, Турăçăм, пире пăрахнă Турă, пирĕн çарсемпе пĕрле тухман Турă, Эсех мар-и?
(12) Пулăшсамччĕ пире, хĕсĕрлекенсенчен хÿтĕлесемччĕ, çын хÿтĕлени нимĕн те мар.
(13) Турăпа пĕрле вăя кăтартăпăр эпир: Вăл пирĕн тăшмансене урипе таптĕ.

Псалом 109/108

Юрлакан ушкăн пуçлăхне. Давид псаломĕ.
(1) Эй эпĕ мухтакан Туррăм! чĕнмесĕр ан тăрсамччĕ:
(2) ман çине усал чĕлхе-çăвар, ултавлă чĕлхе-çăвар караççĕ; манпала суя чĕлхепе калаçаççĕ;
(3) мана пур енчен те курайманлăхпа хупăрлаççĕ, пĕр сăлтавсăрах манпа çапăçаççĕ;
(4) эпĕ вĕсене юрататăп — вĕсем мана кураймаççĕ, эпĕ вара — кĕлтăватăп;
(5) ырăшăн мана усалпа тавăраççĕ, эпĕ юратнăшăн — кураймаççĕ.
(6) Усал çынна унăн пуçлăхĕ туса хур, унăн сылтăм енне айăплакан тăтăр.
(7) Кĕллинче пире ÿпкелесессĕн, вăл кĕлтуни çылăха пултăр;
(8) унăн кунçулĕ кĕске пултăр, унăн тивĕçлĕхне тепĕри илтĕр;
(9) унăн ачисем тăлăха юлччăр, унăн арăмĕ тăлăх пултăр;
(10) унăн ачисем сĕтĕрĕнсе çÿреччĕр, ыйткаласа пурăнччăр, кĕллесе çÿреччĕр, вĕсене ишĕлнĕ кил-çуртĕнчен те хăваласа кăларччăр;
(11) кивçен параканĕ унăн мĕн пуррине йăлтах туртса илтĕр, ĕçленĕ ĕçне ют çынсем çаратса кайччăр;
(12) унăн хутне кĕрекен ан пултăр,
(унăн тăлăх ачисене хĕрхенекен ан пултăр;
(13) унăн ачи-пăчи пĕтмелле пултăр, вĕсенĕн ячĕ тепĕр сыпăкрах çухалтăр;
(14) унăн ашшĕсен йĕркесĕрлĕхне Çÿлхуçа умĕнче асăнччăр, амăшĕн çылăхĕ те ан çухалтăр;
(15) Çÿлхуçа вĕсене яланах курса тăтăр, вĕсенĕн ятне çĕр çинчен пĕтертĕр,
(16) мĕншĕн тесессĕн вăл ырă тăвас тесе шухăшламарĕ, чухăна, мĕскĕн çынна, аптăраса ÿкнĕ çынна хĕсĕрлерĕ, вĕлерттересшĕн пулчĕ;
(17) ылханма юрататчĕ, ылханĕ хăйнех çитĕ; пиллĕхе кăмăлламарĕ, пиллĕх унран пăрăнса кайĕ;
(18) ылхана тумтир тăхăннă пек тăхăнтăр, вăл ун ăшне шыв пек кĕрсе кайтăр, шăмми-шаккине йывăç çăвĕ пек витертĕр;
(19) вăл уншăн — тăхăнакан тумтирĕ вырăнне, яланах çыхса çÿрекен пиçиххийĕ вырăнне пултăр.
(20) Мана айăплакансене,
(манăн чунăма усал сунакансене Çÿлхуçа çапла тавăрать!
(21) Эй Çÿлхуçамăм, Çÿлхуçамăм,
(маншăн Хăвăн ятна тивĕçлине тусамччĕ, хĕрхенекен ырă кăмăлна кура мана çăлсамччĕ:
(22) эпĕ чухăн та мĕскĕн, ăшăмри чĕрем касăлчĕ.
(23) Эпĕ шуса иртекен ĕмĕлке пек çухалатăп; мана хĕрлĕ шăрчăка хăваланă пек хăвалаççĕ.
(24) Типĕ тытнипе чĕркуççийĕм чĕтĕрет, ÿтĕм-тирĕм чĕптĕм çусăр тăрса юлчĕ.
(25) Ĕнтĕ вĕсемшĕн çын кулли пултăм: мана курсассăнах пуçне суллаççĕ.
(26) Эй Çÿлхуçа, эй Туррăм, пулăшсам мана, хĕрхенекен кăмăлупа çăлсам мана,
(27) эй Çÿлхуçа, çакă Санăн аллу иккенне, çакна Эсĕ тунине пĕлччĕр.
(28) Вĕсем ылханаççĕ — Эсĕ пиллĕх пар; вĕсем хирĕç тăраççĕ — намăс курччăр; ĕнтĕ Санăн чуру хĕпĕртентĕр.
(29) Манăн тăшмансем мăшкăлпа хупланччăр, хăйсен намăсне тумтир пек тăхăнса çÿреччĕр.
(30) Эпĕ вара Çÿлхуçана янăравлăн мухтаса юрлăп, Ана халăх хушшинче аслăлăп:
(31) мĕскĕне унăн чунне айăплакансенчен çăлмашкăн Вăл унăн сылтăм енче тăрать.Мухтав.

Псалом 110/109

Давид псаломĕ.
(1) Çÿлхуçа манăн Çÿлхуçана каланă: Эпĕ Санăн тăшманусене уру айне тăвиччен Эсĕ Манăн сылтăм енче лар, тенĕ.
(2) Çÿлхуçа Сионран Санăн вăй-хăватун туйине ярĕ: Эсĕ тăшманусен хушшинче хуçа пул.
(3) Хăватлăхун кунĕнче Санăн халăху таса илем тăхăнса хатĕр тăрĕ; Эпĕ Сана ăшăмран шурăмпуç киличченех çуратрăм.
(4) Çÿлхуçа тупа тунă, Вăл ăна улăштармĕ: Эсĕ — ĕмĕрлĕх священник, Мелхиседек евĕрлĕ священник.
(5) Çÿлхуçа — Санăн сылтăм енче. Вăл Хăйĕн çилли кунĕнче патшасене пĕтерсе тăкĕ;
(6) халăхсене сут тăвĕ, çĕр çине вилĕ тултарĕ, анлă çĕр çинче пуçсене çапса çĕмĕрĕ.
(7) Çулпа пынă чухне çăлкуçĕнчен ĕçĕ, çавăнпа пуçне çĕклĕ.

Псалом 111/110

(1) Эй Çÿлхуçа, [Сана] тÿрĕ çынсенĕн канашĕнче, халăх пухăвĕнче пĕтĕм чун-чĕремрен мухтатăп.
(2) Çÿлхуçа ĕçĕсем аслă, çав ĕçсене юратакансем вĕсене шырама-тупма пултараççĕ.
(3) Унăн ĕçĕ — мухтав та илем, Унăн тÿрĕлĕхĕ ĕмĕртен ĕмĕре пырать.
(4) Хăйĕн кĕтречĕсене Вăл ĕмĕр асăнмалла тунă; Çÿлхуçа ырăлăхлă, хĕрхенекен кăмăллă.
(5) Хăйĕнчен хăракансене çимĕç парать; Хăйĕн халалне ĕмĕр астăвать.
(6) Хăйĕн халăхне суя тĕнлисен еткерне парса Вăл ăна Хăй ĕçĕсен хăватне кăтартнă.
(7) Ун аллийĕн ĕçĕсем — шанчăклă, тÿрĕ; Унăн ÿкĕчĕсем пурте тĕрĕс,
(8) ĕмĕр-ĕмĕрлĕхе тĕреклĕ,
(вĕсене шанчăклăхпа тĕрĕслĕх çине никĕсленĕ.
(9) Вăл Хăйĕн халăхне çăлăнăç янă; Хăйĕн халалне ĕмĕрлĕхе хывнă. Унăн ячĕ сăваплă та хăрушă!
(10) Çÿлхуçаран хăрани — ăслăлăх пуçламăшĕ; ăслăлăха уяса пурăнакансем пурте тĕрĕс ăслă. Ăна мухтасси ĕмĕр-ĕмĕре пырĕ.

Псалом 112/111

(1) Çÿлхуçаран хăракан çын, Унăн ÿкĕчĕсене хытă юратакан çын телейлĕ.
(2) Унăн вăрлăхĕ çĕр çинче тĕреклĕ пулĕ; тÿрĕ çынсен йăхĕ пиллĕхлĕ пулĕ.
(3) Унăн килĕнче — тулăхлăх, пуянлăх, унăн тÿрĕлĕхĕ ĕмĕртен ĕмĕре пырать.
(4) Тÿрĕ çынсемшĕн сĕмлĕхре çутă çутатать; вăл çын ырă, хĕрхенекен кăмăллă, тÿрĕ.
(5) Ырă çын хĕрхенет, кивçен парать; пур ĕçне те вăл тÿррипе туса тăрать.
(6) Вăл нихăçан та иккĕленмĕ; тÿрĕ çынна ĕмĕрĕпе асра тытĕç.
(7) Усал сăмах сарнинчен хăрамĕ: Çÿлхуçана шаннипе унăн чĕри çирĕп.
(8) Унăн чĕри тĕреклĕленнĕ: тăшманĕсем çине пăхĕ — шикленмĕ.
(9) Вăл салатса пĕтернĕ, кĕлмĕçсене валеçсе панă; унăн тÿрĕлĕхĕ ĕмĕртен ĕмĕре пырать; унăн мăйраки мухтавпа çĕкленĕ.
(10) Усал çын çакна курса тарăхса тăрĕ, шăлне качăртаттарĕ, çухалĕ. Усал çынсен ĕмĕчĕ путланĕ.Мухтав.

Псалом 113/112

(1) Эй Çÿлхуçа чурисем, мухтăр, Çÿлхуçа ятне мухтăр.
(2) Çÿлхуçа ячĕ кунтан малашне те ĕмĕр-ĕмĕрех мухтавлă пултăр.
(3) Тухăçран пуçласа анăçа çитиччен Çÿлхуçа ятне аслăлаççĕ.
(4) Çÿлхуçа пур халăхсенчен те аслă, Унăн мухтавлăхĕ тÿперен те çÿллĕ.
(5) Пирĕн Çÿлхуçа Туррăмăр евĕрли кам пултăр? Вăл, çÿлте пурăнаканскер,
(6) çĕрпе пĕлĕт çине пăхмашкăн пĕшкĕнет;
(7) кĕлмĕçе çĕртен йăтса тăратать, тислĕк вырăнне юлнă мĕскĕне асла кăларать,
(8) ăна пуçлăхсемпе, Хăй халăхĕн пуçлăхĕсемпе пĕрле лартать;
(9) ача туман арăма кил-çуртра ачи-пăчипе савăнакан амăшĕ туса усрать.

Псалом 114/113

(1) Иаков килĕ ют халăх хушшинчен тухсассăн,
(2) Иуда — Унăн сăваплă халăхĕ, Израиль Унăн еткерĕ пулса тăнă.
(3) Тинĕсĕ курнă та — чупсах кайнă; Иордан каялла чакнă.
(4) Тусем така пек, сăртсем путек пек сиккеленĕ.
(5) Мĕн пулчĕ сана, тинĕс? — эсĕ чупсах кайрăн, Иордан, [сана] мĕн пулчĕ — мĕншĕн каялла чакрăн?
(6) Эй тусем, эсир мĕншĕн така пек сикетĕр, эй сăртсем, эсир мĕншĕн путек пек сиккелетĕр?
(7) Эй çĕр, Çÿлхуçа умĕнче, Иаков Турри умĕнче, чĕтĕресе тăр:
(8) Вăл чул хысакран шыв кÿлли, чулран çăлкуçĕ тăвать.

Псалом 115/113

(1) Пирĕншĕн мар, Çÿлхуçа, пирĕншĕн мар, Хăвăн ырăлăхупа чăнлăхушăн Хăвăн ятна мухтавлă тусам.
(2) Мĕншĕн-ха суя тĕнлисем: «вĕсен Турри ăçта-ха?» тееççĕ.
(3) Пирĕн Турă — тÿпере [те, çĕр çинче те]; мĕн тăвас тенине пурне те тăвать.
(4) Вĕсен йĕрĕхĕсем вара — ылтăнпа кĕмĕл, этем алли тунă япала.
(5) Вĕсен çăварĕ те пур — калаçмаççĕ; куçĕ те пур — курмаççĕ;
(6) хăлхи те пур — илтмеççĕ; сăмси те пур — шăрша туймаççĕ;
(7) алли те пур — хыпашлаймаççĕ; ури те пур — утаймаççĕ; пырĕнчен сасă та кăлараймаççĕ.
(8) Вĕсене тăваканнисем, вĕсене шанаканнисем пурте çавсем евĕрлех пулччăр.
(9) Эй Израиль [килĕ]! Çÿлхуçана шан: Вăл — сана пулăшаканĕ, сана хÿтĕлекенĕ.
(10) Эй Аарон килĕ! Çÿлхуçана шан: Вăл — сана пулăшаканĕ, сана хÿтĕлекенĕ.
(11) Эй Çÿлхуçаран хăракансем! Çÿлхуçана шанăр: Вăл — сире пулăшаканĕ, сире хÿтĕлекенĕ.
(12) Çÿлхуçа пире асĕнче тытать, [пире] пиллĕх парать, Израиль килне пиллĕх парать, Аарон килне пиллĕх парать;
(13) Çÿлхуçаран хăракансене — кĕçĕннине те, аслине те — пиллĕх парать.
(14) Çÿлхуçа сире, сирĕн ачăрсене ĕрчетнĕçем ĕрчеттĕр.
(15) Эсир — пиллĕхлĕ, сире тÿпепе çĕре пултарнă Çÿлхуçа пилленĕ.
(16) Тÿпе — тÿпе Çÿлхуçа валли, çĕре Вăл этем ывăлĕсене панă.
(17) Çÿлхуçана вилнисем, шăплăх сĕмлĕхне анакансем мухтамаççĕ;
(18) Çÿлхуçана эпир [чĕррисем] кунтан малашне те ĕмĕрех мухтаса тăрăпăр. Аллилуия.

Псалом 116/114-115

(1) Эпĕ савăнатăп: Çÿлхуçа манăн сассăма, эпĕ йăлăннине илтрĕ;
(2) ман енне хăлхине тайрĕ, çавăнпа ĕмĕрĕм тăршшĕпех Ана тархасласа чĕнĕп.
(3) Мана вилĕм чирĕсем сăрса илчĕç, мана тамăк асапĕсем çитрĕç; эпĕ хурлăхпа асап тĕл пултăм.
(4) Вара Çÿлхуçа ятне тархасласа чĕнтĕм: эй Çÿлхуçамăм! чунăма хăтарсамччĕ.
(5) Çÿлхуçа ырăлăхлă, тÿрĕ, пирĕн Турă хĕрхенекен кăмăллă.
(6) Çÿлхуçа юмарт çынсене упрать: эпĕ ахаль çын кăна — Вăл мана пулăшрĕ.
(7) Эй чунăм, унчченхи пекех канăçлă пул: Çÿлхуçа сана ырăлăх турĕ.
(8) Эсĕ манăн чунăма вилĕмрен хăтартăн, куçăма — куççульрен, урана такăнасран сыхларăн.
(9) Эпĕ чĕррисенĕн çĕрĕнче Çÿлхуçа умĕнче çÿрĕп.
(10) «Касăлса çитрĕм» тенĕ чухне те эпĕ ĕненеттĕм.
(11) Ăнран кайнă вăхăтра каларăм: пур çын та ултавçă, терĕм.
(12) Хама кăтартнă мĕнпур ырăлăхшăн Çÿлхуçана мĕнле тав тăвам-ши?
(13) Çăлăнăç курки тытам та Çÿлхуçа ятне асăнам.
(14) Хам асăннине Çÿлхуçана Унăн пĕтĕм халăхĕ умĕнче кÿрем.
(15) Çÿлхуçа умĕнче Унăн сăваплă çыннисенĕн вилĕмĕ хаклă!
(16) Эй Çÿлхуçамăм! эпĕ — Санăн чуру, эпĕ — Санăн чуру, Сан чурун ывăлĕ; Эсĕ манăн тăллăмсене салтса ятăн.
(17) Сана мухтав парни кÿрем, Çÿлхуçа ятне асăнам.
(18) Хам асăннине Çÿлхуçана Унăн пĕтĕм халăхĕ умĕнче,
(19) Çÿлхуçа Çурчĕн картишĕнче, эй Иерусалим, санăн хутлăхунта кÿрем! Аллилуия.

Псалом 117/116

(1) Эй халăхсем, пурсăр та Çÿлхуçана мухтавлăр, эй ăрусем, пурсăр та Ăна аслăлăр:
(2) Унăн хăватлă ырăлăхĕ — пирĕн çинчех, Çÿлхуçанăн шанчăклăхĕ ĕмĕре [пырать].

Псалом 118/117

(1) Эй, Çÿлхуçана тав тăвăр, вăл ырă. Унăн ырăлăхĕ ĕмĕрлĕхе.
(2) Израиль [килĕ] халĕ калатăр:
([Вăл ырă,] Унăн ырăлăхĕ ĕмĕрлĕхе, тетĕр.
(3) Аарон килĕ халĕ калатăр:
([Вăл ырă,] Унăн ырăлăхĕ ĕмĕрлĕхе, тетĕр.
(4) Çÿлхуçаран хăракансем халĕ калаччăр: [Вăл ырă,] Унăн ырăлăхĕ ĕмĕрлĕхе, теччĕр.
(5) Хĕсĕк вăхăтра Çÿлхуçана тархасларăм та — Çÿлхуçа мана илтрĕ, ирĕк вырăна илсе тухрĕ.
(6) Çÿлхуçа ман майлă — эпĕ хăрамăп: этем мана мĕн тăвайĕ?
(7) Çÿлхуçа — манăн пулăшаканăм: тăшманăмсем çине паттăррăн пăхса тăрăп.
(8) Çынна шаниччен Çÿлхуçана шанни лайăхрах.
(9) Пуçлăхсене шаниччен Çÿлхуçана шанни лайăхрах.
(10) Пур халăхсем те çавăрса илчĕç мана, эпĕ вара вĕсене Çÿлхуçа ячĕпе ÿкертĕм;
(11) хупăрласа илчĕç мана, çапла, хупăрласа илчĕç мана, эпĕ вара вĕсене Çÿлхуçа ячĕпе ÿкертĕм;
(12) пыл хурчĕ [караса] сырăннă пек сырса илчĕç мана, хăйсем хăвăрт çунакан кÿкен пек сÿнсе ларчĕç: эпĕ вĕсене Çÿлхуçа ячĕпе ÿкертĕм.
(13) Укерес тесе мана вирлĕн тĕртсе ячĕç, анчах мана Çÿлхуçа ярса тытрĕ.
(14) Çÿлхуçа — манăн вăй-халăм, манăн юррăм; Вăл мана çăлаканĕ пулчĕ.
(15) Тÿрĕ çынсен чатăрĕсенче — савăнăç сассипе çăлăнăç сасси: Çÿлхуçанăн сылтăм алли хăватлăхне кăтартать!
(16) Çÿлхуçанăн сылтăм алли — çÿлте, Çÿлхуçанăн сылтăм алли хăватлăхне кăтартать!
(17) Вилмĕп, чĕрĕ пулăп, Çÿлхуçа ĕçĕсене пĕлтерсе тăрăп.
(18) Çÿлхуçа пысăк асап хучĕ, çапах мана вилме памарĕ.
(19) Ман валли тÿрĕлĕх хапхине уçăр: ун витĕр кĕрсе Çÿлхуçана аслăлам.
(20) Акă вăл Çÿлхуçа хапхи: ун витĕр тÿрĕ çынсем кĕрĕç.
(21) Сана аслăлатăп: Эсĕ мана илтрĕн, манăн çăлăнăçăм пултăн.
(22) Çурт тăвакансем тиркенĕ чул кĕтес никĕсĕ пулчĕ:
(23) ку — Çÿлхуçа ĕçĕ, пирĕн куç умĕнчи тĕлĕнмелле ĕç.
(24) Çакă куна Çÿлхуçа пултарнă: савăнар, хĕпĕртер çакă кун!
(25) Эй Çÿлхуçа, çăлсамччĕ! эй Çÿлхуçа, ĕнтĕ васкасамччĕ!
(26) Çÿлхуçа ячĕпе килекен — мухтавлă! Сире Çÿлхуçа Çуртĕнчен пиллетпĕр.
(27) Турă Вăл — Çÿлхуçа, пире çутатса ячĕ; парне кÿмеллине пăявпа çыхăр, парне вырăнĕн мăйраки патне илсе пырăр.
(28) Эсĕ — манăн Туррăм: Сана тав туса мухтавлам; Эсĕ — манăн Туррăм: Сана аслăлам;
([Сана тав туса мухтавлам: Эсĕ мана илтрĕн, манăн çăлăнăçăм пултăн].
(29) Çÿлхуçана аслăлăр: Вăл ырă, Унăн ырăлăхĕ ĕмĕрлĕхе.Мухтав.

Псалом 119/118

א

(1) [Аллилуия.] Çул çинче айăпа кĕменнисем, Çÿлхуçа саккунĕпе çÿрекеннисем телейлĕ.
(2) Вăл пĕлтернине уякансем, Ăна пĕтĕм чун-чĕререн шыракансем телейлĕ.
(3) Вĕсем йĕркесĕр ĕç тумаççĕ, Унăн çулĕпе çÿреççĕ.
(4) Эсĕ Хăв хушнине çирĕп тытса тăма хушнă.
(5) Эх, Санăн йĕркÿсене туса тăмашкăн манăн çулăм-йĕрĕм вĕсен енне кайинччĕ!
(6) Вара, Санăн пур ÿкĕтне те туса тăнăçем, намăса юлман пулăттăм;
(7) Санăн тÿрĕлĕхÿн сучĕсене вĕренсе, Сана таса кăмăлтан аслăлăттăм.
(8) Эсĕ панă йĕркесене уяса пырам; йăлтах ан пăрахсамччĕ мана.

ב
(9) Хăйĕн çулне яш ачан епле таса тытмалла-ха? — Хăйне хăй Санăн сăмахупа сыхласа.
(10) Сана пĕтĕм чĕремрен шыратăп; мана Хăвăн ÿкĕтÿсенчен пăрăнса кайма ан парсамччĕ.
(11) Санăн умунта çылăха кĕрес марччĕ тесе Санăн сăмахна чĕрем тĕпĕнчех тытатăп.
(12) Эй Çÿлхуçа, Эсĕ мухтавлă! Ху панă йĕркесене вĕрент мана.
(13) Чĕлхÿ-çăварупа мĕн хушнине-вĕрентнине чĕлхе-çăварăмпа пĕлтерсе тăтăм.
(14) Эсĕ пĕлтернĕ йĕркесенĕн çулĕсемшĕн савăнатăп, мулпа савăннинчен ытларах савăнатăп.
(15) Санăн ÿкĕтÿсем çинчен шухăшлатăп, Санăн çулусем çине пăхатăп.
(16) Эсĕ панă йĕркесемпе лăпланатăп, Санăн сăмахна манмастăп.

ג

(17) Хăвăн чуруна ырăлăх кăтартсамччĕ — чĕрĕ пулам, Санăн сăмахна тытса пурăнам.
(18) Куçăма уçсамччĕ, вара Санăн саккунун кĕтречĕсене курăп.
(19) Тăван çĕршывăмра эпĕ — ют çĕр çынни пек; Хăвăн ÿкĕтÿсене манран ан пытарсамччĕ.
(20) Кирек хăçан та чунăм Санăн йĕркÿсемшĕн тĕмсĕлет.
(21) Эсĕ мăнаçлисене пусартăн, Хăвăн ÿкĕтÿсенчен пăрăнакансене ылхантăн.
(22) Ман çийĕмрен мăшкăла, хурлăха сирсемччĕ: эпĕ Эсĕ пĕлтернине упратăп.
(23) Пуçлăхсем эпĕ юнашар чухнех мана хирĕç каварлашса лараççĕ, Санăн чуру вара çавăн чухне те Эсĕ панă йĕркесем çинчен шухăшлать.
(24) Эсĕ пĕлтерни — манăн лăпланăçăм, [Эсĕ панă йĕркесем] — мана канаш паракансем.

ד

(25) Манăн чунăм вĕçнех çитрĕ; Хăвăн сăмахупа чĕртсем мана.
(26) Эпĕ хамăн пурăнăçăм çинчен каларăм та — Эсĕ мана илтрĕн; Хăвăн йĕркÿсене вĕрентсем мана.
(27) Ху хушнă йĕркесенĕн çулне ăнласа илме пар мана, эпĕ Санăн кĕтретÿсем çинчен шухăшлам.
(28) Ĕнтĕ хĕн-асапа пула чунăм халсăрланчĕ: Хăвăн сăмахупа тĕреклĕлетсем мана.
(29) Ултав çулне манран аякка яр, Хăвăн саккунупа хĕрхенсем мана.
(30) Санăн сутусене умăмра тытса эпĕ чăнлăх çулне суйласа илтĕм.
(31) Эй Çÿлхуçа, эпĕ Эсĕ пĕлтернĕ йĕркесем çумне çыпăçăнтăм; намăса ан хăварсамччĕ мана.
(32) Эсĕ манăн чĕреме анлăлатсассăн, эпĕ Санăн ÿкĕтÿсен çулĕпе чупсах кайăп.

ה

(33) Эй Çÿлхуçа, мана Хăвăн йĕркÿсенĕн çулне кăтартсам, эпĕ мĕн виличченех çав çулпа пырăп.
(34) Ăс парсам мана: Санăн саккунна туса тăрăп, ăна пĕтĕм чĕререн уяса пурăнăп.
(35) Хăвăн ÿкĕтÿсен сукмакĕ çине тăратсам мана — эпĕ çавна кăмăллатăп.
(36) Кăмăлăма мул-пурлăх енне мар, Ху пĕлтернĕ йĕркесем енне çавăр.
(37) Куçăма ниме тăман япала енне ан пăхтар; Хăвăн çулу çинче мана чĕрĕлĕх пар.
(38) Хăвăн чурушăн Хăвăн сăмахна тытсам — Санăн умунта хăраса тăмалла пултăр.
(39) Хама хăратса тăракан мăшкăла ман çинчен сирсе яр: Санăн сутусем тÿрĕ.
(40) Акă эпĕ Эсĕ хушнă йĕркесене кăмăлларăм; Хăвăн тÿрĕлĕхÿпе чĕрĕ усрасам мана.

ו

(41) Санăн сăмахупа, эй Çÿлхуçамăм, ман патăма Санăн ырăлăху, Эсĕ çăласси çитинччĕ —
(42) вара хама хурлакана хирĕç тавăрса калăп: эпĕ Санăн сăмахна шанатăп.
(43) Чĕлхе-çăварăмран чăнлăх сăмахне нихăçан та туртса ан илсемччĕ: эпĕ Санăн сутусене шанатăп;
(44) Санăн саккунна яланах, ĕмĕр-ĕмĕрех уяса тăрăп;
(45) эпĕ ирĕкре çÿрĕп: эпĕ Эсĕ хушнă йĕркесене шырарăм;
(46) Эсĕ мĕн пĕлтерни-уçса пани çинчен патшасем умĕнче калаçăп, вăтанмăп;
(47) Санăн ÿкĕтÿсене юратса, вĕсемпе лăпланса пурăнăп;
(48) Санăн ÿкĕтÿсене юратса аллăмсене вĕсен енне тăсăп, Эсĕ панă йĕркесем çинчен шухăшлăп.

ז

(49) Хăвăн чуруна панă сăмахна асна илсем, Эсĕ мана çавна шанса тăма хушнăччĕ:
(50) Санăн сăмаху мана вăй-хал парса тăчĕ, хĕн-асапăмра мана çавă лăплантарчĕ.
(51) Мăнаçлисем мана темĕн тĕрлĕ те мăшкăлларĕç, эпĕ çавах Санăн саккунунтан пăрăнмарăм.
(52) Эй Çÿлхуçа, Санăн ĕмĕр-ĕмĕрхи сутусене аса илеттĕм те — лăпланаттăм.
(53) Усал çынсене, Санăн саккунна пăрахакансене, курсассăн чунăм çÿçенет.
(54) Ют çĕрте çÿренĕ чухне Санăн йĕркÿсем маншăн юррăмсем пулчĕç.
(55) Эй Çÿлхуçа, çĕрле Санăн ятна асăнаттăм, Санăн саккунна асра тытаттăм.
(56) Вăл маншăн хамăн пулчĕ: Эсĕ хушнă йĕркесене уяса тăратăп.

ח

(57) Эй Çÿлхуçа, эпĕ çапла каларăм:
(манăн пайăм — Санăн сăмахна уяса пурăнасси, терĕм.
(58) Сана пĕтĕм чĕререн кĕлтурăм: Хăвăн сăмахушăн хĕрхенсем мана.
(59) Хамăн çулăм-йĕрĕм çинчен шухăшларăм, Эсĕ пĕлтерни-уçса пани енне çул тытрăм.
(60) Санăн ÿкĕтÿсене уяса пурăнма васкарăм, вăраха ямарăм.
(61) Мана усал çынсен танати çавăрса илчĕ, эпĕ çавах Санăн саккунна манмарăм.
(62) Сана тÿрĕ сутусемшĕн мухтамашкăн эпĕ çĕр варринчех тăраттăм.
(63) Эпĕ — Санран хăракансемпе, Эсĕ хушнă йĕркесене уяса пурăнакансемпе пĕрле.
(64) Эй Çÿлхуçа, Санăн ырăлăху çĕр тулли; Ху панă йĕркесене вĕрентсем мана.ט
(65) Хăвăн сăмахупа Эсĕ, Çÿлхуçамăм, Хăвăн чурушăн ырăлăх турăн.
(66) Ăслă-тăнлă пулма, пĕлсе тăма вĕрентсем мана: эпĕ Санăн ÿкĕтÿсене ĕненетĕп.
(67) Асап куриччен эпĕ аташса пурăнтăм; халĕ вара Санăн сăмахна уяса пурăнатăп.
(68) [Эй Çÿлхуçа,] Эсĕ ырă, ырăлăх тăватăн; Хăвăн йĕркÿсене вĕрентсем мана.
(69) Мăнаçлисем ман çинчен суя сăмах хайлаççĕ;
(эпĕ вара пĕтĕм чĕререн Эсĕ хушнă йĕркесене уяса пурăнăп.
(70) вĕсен чĕри мăнтăрланнă, самăр аш пек пулса кайнă; эпĕ вара Санăн саккунупа лăпланатăп.
(71) Асап тÿсни маншăн ырă пулчĕ: эпĕ Санăн йĕркÿсене ăнласа илтĕм.
(72) Эсĕ пĕлтернĕ саккун маншăн — ылтăн-кĕмĕл кÿмерккинчен те паха.Мухтав.

י

(73) Мана Санăн аллу пултарнă, туса çитернĕ;
(ăса кĕрт мана, Санăн ÿкĕтÿсене вĕренсе çитем.
(74) Санран хăракансем мана курĕç те — эпĕ Санăн сăмахна шаннăшăн савăнĕç.
(75) Эй Çÿлхуçа, Санăн сутусем тÿрĕ иккенне, Эсĕ мана тивĕçлипе хĕн кăтартнине пĕлетĕп.
(76) Хăвăн чуруна каланă сăмахна кура Санăн ырăлăху мана лăплантаринччĕ.
(77) Хĕрхенекен кăмăлу мана çитинччĕ, вара эпĕ пурăнăп: мана Санăн саккуну лăплантарать.
(78) Мăнаçлисем намăса юлĕçинччĕ: вĕсем мана суя-ултавпа хĕсĕрлеççĕ; эпĕ вара Эсĕ хушнă йĕркесем çинчен шухăшлатăп.
(79) Санран хăракансем, Эсĕ пĕлтернине пĕлекенсем ман енне çаврăнĕçинччĕ.
(80) Санăн йĕркÿпе пурăнса манăн чĕрем таса тăринччĕ, эпĕ намăсланмăпинччĕ.

כ

(81) Эсĕ çăлассине кĕтсе чунăм халсăрланать; Санăн сăмахна шанса тăратăп.
(82) Эсĕ мана хăçан лăплантарăн-ши? тесе йăлăннă чухне Санăн сăмахна кĕтсе куçăм халсăрланать.
(83) Эпĕ пас тытнă сăран хутаç пек пултăм, çавах Эсĕ панă йĕркесене манмарăм.
(84) Санăн чурун кунçулĕ мĕн чухлĕ вара? Мана хĕсĕрлекенсене хăçан сут тăвăн?
(85) Мăнаçлисем, Санăн саккунна пăхăнманскерсем, ман валли шăтăк алтрĕç.
(86) Санăн пур ÿкĕтÿ те — чăн; мана вырăнсăрах хĕсĕрлеççĕ: пулăшсам мана;
(87) мана çĕрĕм çинче кăшт çеç пĕтермерĕç, эпĕ çавах Эсĕ хушнă йĕркесене пăрахмарăм.

ל

(88) Хĕрхенекен кăмăллă пулнăран чĕрĕ усрасам мана, Эсĕ пĕлтернине-уçса панине уяса пурăнам.
(89) Эй Çÿлхуçа, Санăн сăмаху тÿпере — ĕмĕрлĕхе тĕреклĕ;
(90) Санăн шанчăклăху — сыпăкран сыпăка. Эсĕ çĕре пултарнă та — вăл çав-çавах тăрать.
(91) Эсĕ мĕнле палăртнă — пурте халичченех çапла тăрать: пур япала та Сана пăхăнать.
(92) Мана Санăн саккуну лăплантарман пулсассăн, эпĕ инкек-синкекĕмпех пĕтеттĕм.
(93) Эсĕ хушнă йĕркесене ĕмĕрне те манмăп: Эсĕ мана çавсемпе чĕртетĕн.
(94) Эпĕ — Санăн, çăлсамччĕ мана: эпĕ Эсĕ хушнă йĕркесене шырарăм.
(95) Усал çынсем мана пĕтересшĕн сыхласа тăраççĕ; эпĕ вара Эсĕ пĕлтернине тарăнрах тимлетĕп.

מ

(96) Эпĕ пур ĕçĕн-япаланăн вĕçĕ пуррине куртăм, Санăн ÿкĕтÿ анчах вĕçĕмсĕр анлă.
(97) Санăн саккунна эпĕ епле юрататăп! кунĕпех çавăн çинчен шухăшлатăп.
(98) Санăн ÿкĕтÿ мана тăшманăмсенчен ăслăрах турĕ: вăл яланах манпа пĕрле.
(99) Эпĕ хама вĕрентекенсенчен пуринчен те тăнлăрах пултăм, мĕншĕн тесессĕн Эсĕ пĕлтерни çинчен шухăшлатăп.
(100) Эпĕ ватăсенчен те ытларах пĕлетĕп, мĕншĕн тесессĕн Эсĕ хушнă йĕркесене уяса тăратăп.
(101) Санăн сăмахна астуса тăрас тесе урана кирек мĕнле усал çулпа каясран та чаратăп;
(102) Санăн сутусенчен пăрăнмастăп: мана Эсĕ вĕрентетĕн.
(103) Ман пырăмшăн Санăн сăмахусем епле тутлă! чĕлхе-çăварăмшăн пылран та паха.
(104) Эпĕ санăн йĕркÿсемпе ăса кĕретĕп; çавăнпа кирек мĕнле суя çула та кураймастăп.

נ

(105) Санăн сăмаху манăн урана çутă кăтартать, манăн сукмака çутатать.
(106) Эпĕ Санăн тÿрĕ сутусене уяма тупа турăм, çапла тăвăп та.
(107) Эй Çÿлхуçа, питĕ тертленетĕп эпĕ; Хăвăн сăмахупа чĕртсемччĕ мана.
(108) Эй Çÿлхуçа, чĕлхе-çăварăм ирĕккĕн кÿрекен парнене йышăнма кăмăл тусамччĕ, мана Хăвăн сутусене вĕрентсемччĕ.
(109) Манăн чунăм яланах хăрушлăх аллинче, çавах Санăн саккунна манмастăп. Усал çынсем ман валли таната карчĕç, эпĕ çавах Эсĕ хушнă йĕркесенчен пăрăнмарăм.
(111) Эсĕ пĕлтернине-уçса панине эпĕ еткер йышăннă пек ĕмĕрлĕхе йышăнтăм: вĕсем манăн чĕреме савăнтараççĕ.
(112) Хамăн чĕреме Санăн йĕркÿсене ĕмĕрех, мĕн виличченех туса тăма хатĕрлерĕм.

ס

(113) Иккĕллĕ чĕреллисене кураймастăп, Санăн саккунна юрататăп.
(114) Эсĕ — манăн хÿттĕм, манăн хулканăм; Санăн сăмахна шанатăп.
(115) Эй йĕркесĕр çынсем, пăрăнăр ман патăмран, эпĕ Туррăм ÿкĕчĕсене уяса пурăнам.
(116) Хăвăн сăмахупа тĕреклĕлентер мана, чĕрĕ пулам; ĕмĕтĕме çитермесĕр намăса ан хăварсам мана;
(117) хунтăла мана — вара çăлăнăп; Санăн йĕркÿсем тĕлĕшĕнчен тимлĕрен тимлĕ пулăп.
(118) Эсĕ Хăвăн йĕркÿсенчен ютшăнакансене пурне те ÿкеретĕн, мĕншĕн тесессĕн вĕсен чеелĕхĕ — суя.
(119) Çĕр çинчи пĕтĕм йĕркесĕр çынна Эсĕ çунчăк пек шăлса пăрахатăн; çавăнпа эпĕ Эсĕ пĕлтернине-уçса панине юрататăп.
(120) Санран хăранипе ÿтĕм чĕтĕресе тăрать, Санăн сутусенчен хăратăп.

ע

(121) Эпĕ сут турăм, тÿррине турăм; хама хĕсĕрлекенсен аллине ан парсамччĕ мана.
(122) Хăвăн чуруна ырăлăх туса ăна хÿтĕлесемччĕ: мăнаçлисем мана ан хĕсĕрлейччĕр.
(123) Эсĕ çăлассине кĕтсе, Санăн чăнлăхун сăмахне кĕтсе куçăм вăйран сулăнать.
(124) Хăв ырăлăхлă пулнине кура Хăвăн чуруна ырă ту, Хăвăн йĕркÿсене вĕрент мана.
(125) Эпĕ — Санăн чуру: ăса кĕрт мана, Эсĕ пĕлтернине-уçса панине ăнласа çитем.
(126) Çÿлхуçанăн пикенме вăхăт ĕнтĕ: Санăн саккунна пăсса пĕтерчĕç.
(127) Эпĕ вара Санăн ÿкĕтÿсене ылтăнран, таса ылтăнран та ытларах юрататăп,
(128) çавăнпа та Эсĕ хушнă пур йĕркене те, пурне те тĕрĕс тесе йышăнатăп; кирек мĕнле ултав çулне те кураймастăп.

פ

(129) Эсĕ пĕлтернине-уçса панине ытарма та çук; çавăнпа чунăм вĕсене астусах тăрать.
(130) Санăн сăмахусем пĕлтерни юмарт çынсене çутăлтарать, ăса кĕртет.
(131) Çăварăма уçатăп та ахлататăп: Санăн ÿкĕтÿсемшĕн çунатăп.Мухтав.
(132) Хăвăн ятна юратакансене хĕрхеннĕ пек ман çине пăхсамччĕ, хĕрхенсемччĕ мана.
(133) Манăн урана Хăвăн сăмахун çулĕ çине тăрат, нимĕнле йĕркесĕр ĕç те мана ан çĕнтерейтĕр;
(134) этем пусмăрлассинчен хăтар мана, Эсĕ хушнă йĕркесене уяса пурăнам;
(135) чуруна Хăвăн сăну çутипе çутăлтар, Хăвăн йĕркÿсене вĕрент мана.
(136) Санăн саккунна уямаççĕ, çавăнпа куçăмран куççуль шыв пек юхать.

צ

(137) Эй Çÿлхуçа, Эсĕ тÿрĕ, Санăн сутусем тĕрĕс.
(138) Эсĕ пĕлтернĕ-уçса панă йĕркесем — тÿрĕ, пĕтĕмпех чăн.
(139) Манăн тăшмансем Санăн сăмахусене манчĕç, çавăнпа çунса тухатăп.
(140) Санăн сăмаху тасаран та таса, Санăн чуру ăна юратать.
(141) Эпĕ пĕчĕк çын, мана хисепе те хумаççĕ, çавах Эсĕ хушнă йĕркесене манмастăп.
(142) Санăн тÿрĕлĕхÿ — ĕмĕрхи тÿрĕлĕх, Санăн саккуну — чăнлăх.
(143) Мана хĕн-асап та хурлăх çитрĕ; мана Санăн ÿкĕтÿсем лăплантараççĕ.
(144) Эсĕ пĕлтерни-уçса пани — ĕмĕрлĕхе тĕрĕс: ăса кĕрт мана, вара чĕрĕ пулăп.

ק

(145) Пĕтĕм чĕремрен тархаслатăп: эй Çÿлхуçа, илтсемччĕ мана, Эсĕ панă йĕркесене уяса пурăнам.
(146) Сана йăлăнса чĕнетĕп: çăлсамччĕ мана, Эсĕ пĕлтернине уяса тăрам.
(147) Çутăличченех тăратăп та тархаслатăп; Санăн сăмахна шанса пурăнатăп.
(148) Санăн сăмахна тимлемешкĕн куçăм ирхи хурал черечĕ çитичченех уçăлать.
(149) Эй Çÿлхуçа, ырă кăмăлупа манăн сассăма илтсемччĕ; эй Çÿлхуçа, Хăвăн сутупа чĕртсемччĕ мана.
(150) Ултавлă шухăш тытакансем çывăхарчĕç; вĕсем Санăн саккунунтан аякра.
(151) Эй Çÿлхуçа, Эсĕ — çывăхрах, Санăн пĕтĕм ÿкĕтÿ шанчăклă.
(152) Хăв пĕлтернĕ йĕркесенчен Эсĕ çакна ĕмĕрлĕхе хывнине эпĕ малтанах пĕлтĕм.

ר

(153) Хĕн-асапăма курсамччĕ, хăтарсамччĕ мана: эпĕ Санăн саккунна манмастăп.
(154) Ĕçĕм хутне кĕрсе хÿтĕлесем мана; Хăвăн сăмахупа чĕртсем мана.
(155) Çăлăнăç — усал çынсенчен аякра: вĕсем Эсĕ панă йĕркесене шырамаççĕ.
(156) Эй Çÿлхуçа, Санăн — иксĕлми ырăлăх; Хăвăн сутупа чĕртсем мана.
(157) Мана хĕсĕрлекенсем, тăшмансем нумаййăн, эпĕ çавах Эсĕ пĕлтернĕ йĕркесенчен пăрăнмастăп.
(158) Санран ютшăнакансене куратăп та — йĕрĕнетĕп: вĕсем Санăн сăмахна уямаççĕ.
(159) Курсамччĕ — Эсĕ хушнă йĕркесене эпĕ епле юрататăп; эй Çÿлхуçа, Ху ырă пулнăран чĕртсемччĕ мана.
(160) Санăн сăмахун тĕпĕ-йĕрĕ — чăн, Санăн тÿрĕлĕхÿн сучĕсем пурте — ĕмĕрлĕхе.ש
(161) Пуçлăхсем мана пĕр айăпсăр çĕртен хĕсĕрлеççĕ, чĕрем вара Санăн сăмахăнтан çеç хăрать.
(162) Санăн сăмахушăн эпĕ пысăк тупăш тупнă çын пек савăнатăп.
(163) Суяна кураймастăп, унран йĕрĕнетĕп; Санăн саккунна юрататăп.
(164) Тÿрĕ сутусемшĕн Сана кунсерен çичĕ хут аслăласа мухтатăп.
(165) Санăн саккунна юратакансем питех те канăçлă, вĕсем такăнас çук.
(166) Эй Çÿлхуçа, Эсĕ çăласса шанатăп, Санăн ÿкĕтÿсене пурăнăçа килтеретĕп.
(167) Манăн чунăм Эсĕ пĕлтернĕ йĕркесене астуса тăрать, эпĕ вĕсене питех те юрататăп.
(168) Эсĕ хушнă йĕркесене, Эсĕ пĕлтернĕ йĕркесене уяса тăратăп: манăн пĕтĕм çул-йĕрĕм — Санăн умунта.

ת

(169) Эй Çÿлхуçа, эпĕ йĕрсе йăлăнни Санăн умна çывăхаринччĕ; Хăвăн сăмахупа ăса кĕртсем мана.
(170) Эпĕ тархаслани Сан умна çитинччĕ; Хăвăн сăмахупа хăтарсам мана.
(171) Эсĕ мана Хăвăн йĕркÿсене вĕрентсе çитернипе чĕлхе-çăварăмра туп-тулли мухтав юрри пултăр.
(172) Чĕлхем Санăн сăмахна мухтаса юрлĕ: Санăн ÿкĕтÿсем пурте тÿрĕ.
(173) Санăн аллу мана пулăшса тăринччĕ: Эсĕ хушнă йĕркесене йышăнтăм эпĕ.
(174) Эй Çÿлхуçа, Эсĕ çăласса тем пек ĕмĕтленетĕп, Санăн саккуну лăплантарать мана.
(175) Чунăм чĕрĕ пултăр, Сана аслăласа тăтăр, мана Санăн сутусем пулăшчăр.
(176) Çухалнă сурăх пек аташса кайрăм: Хăвăн чуруна шыраса тупсамччĕ: эпĕ Санăн ÿкĕтÿсене манăçламарăм.Мухтав.

Псалом 120/119

Улăхнă чухнехи юрă.
(1) Хĕн-асап тÿснĕ чухне Çÿлхуçана тархасларăм та — Вăл мана илтрĕ.
(2) Эй Çÿлхуçамăм! чунăма суя чĕлхе-çăвартан, чее чĕлхерен хăтарсамччĕ.
(3) Чее чĕлхе, сана мĕн кÿмелле, сана мĕн хушса памалла?
(4) Вăйлăскерĕн çивĕчлетнĕ çĕмренĕсене, уртăш йывăçĕн тĕлкĕшекен кăварне.
(5) Асапăм çакă: Мосох патĕнче ют çĕр çынни пек пурăнтăм, Кидар чатăрĕсем таврашĕнче çÿрерĕм.
(6) Тăнăçлăха курайман çынсем хушшинче вăрах пурăнчĕ манăн чунăм.
(7) Эпĕ лăпкă çын: анчах калаçа пуçлатăп çеç — вĕсем вăрçă вăрçасшăн. Улăхнă чухнехи юрă.

Псалом 121/120

(1) Пуçăма çĕклесе тусем еннелле пăхатăп. Мана пулăшу ăçтан килет-ши?
(2) Мана пулăшу килĕ тÿпепе çĕре пултарнă Çÿлхуçаран.
(3) Вăл санăн уруна тайăлма памĕ, сана упраканĕ ыйхăламĕ;
(4) Израиле упракан тĕлĕрмест, çывăрмасть.
(5) Сана упраканĕ — Çÿлхуçа; Çÿлхуçа сана сылтăм аллу енчен хупăрласа тăрать.
(6) Сана кăнтăрлахи хĕвел те, çĕрлехи уйăх та сиен тумĕ.
(7) Çÿлхуçа сана кирек мĕнле усалтан та сыхласа хăварĕ; санан чунна сыхласа хăварĕ.
(8) Çÿлхуçа сана тухнă чухне те, кĕнĕ чухне те, кунтан малашне те ĕмĕрех сыхласа тăрĕ.

Псалом 122/121

Улăхнă чухнехи юрă. Давидăн.
(1) Мана: «Çÿлхуçа Çуртне каяр» терĕç те, эпĕ савăнсах ÿкрĕм.
(2) Акă ĕнтĕ пирĕн урасем санăн хапху умĕнче тăраççĕ, Иерусалим;
(3) Иерусалим — çурчĕсене пĕр вĕçĕмрен лартса тухнă хула,
(4) унта, Израиль саккунĕ тăрăх, Çÿлхуçа ятне аслăламашкăн ăрусем, Çÿлхуçа халăхĕн ăрăвĕсем, çÿреççĕ.
(5) Унта — сут пуканĕсем, Давид килĕн аслă пуканĕсем лараççĕ.
(6) Иерусалим валли канăçлăх ыйтăр: сана юратакансем ырă курса пурăнччăр!
(7) Санăн килÿсенче канăçлăх пултăр, санăн керменÿсенче ырăлăх пултăр!
(8) Тăванăмсемшĕн, çывăх çыннăмсемшĕн калатăп: «сана канăçлăх пултăр!» теетĕп.
(9) Хамăр Çÿлхуçа Туррăмăр Çурчĕшĕн сана ырă сунатăп, саншăн кĕлтăватăп.

Псалом 123/122

Улăхнă чухнехи юрă.
(1) Эй çÿлте Пурăнакан! пуçăма çĕклесе Сан еннелле пăхатăп.
(2) Чурасем хуçа аллинчен, хĕрарăм чура хуçа арăмĕ аллинчен пăхса тăнă пек, акă пирĕн куçăмăрсем Çÿлхуçа енне, хамăр Туррăмăр енне, хамăра хĕрхеничченех пăхаççĕ.
(3) Хĕрхенсем пире, Çÿлхуçамăр, хĕрхенсем пире: ĕнтĕ мăшкăл курса тăрантăмăр;
(4) ĕнтĕ пирĕн чунăмăр мăшкăл курса тăранчĕ, мăнаçлисем хăртнипе, мăнкăмăллисем хур тунипе тăранчĕ.

Псалом 124/123

Улăхнă чухнехи юрă. Давидăн.
(1) Израиль çапла калатăр: пирĕнпе Çÿлхуçа пулман пулсассăн,
(2) пире тапăнакансем, — пирĕнпе Çÿлхуçа пулман пулсассăн,—
(3) пире хирĕç вутла хаярлăхне çитерсе пире чĕрĕллех çăтса яратчĕç;
(4) пире шыв путаратчĕ, чунамарсем çииен юхам шыв иртетче;
(5) чунăмăрсем çийĕн кĕрлевлĕ шывсем иртетчĕç.
(6) Çÿлхуçа мухтавлă: Вăл пире
(вĕсенĕн шăлне çакланма памарĕ!
(7) Пирĕн чунăмăр вĕсенĕн танатинчен кайăк хăтăлнă пек хăтăлчĕ: танати татăлчĕ те — эпир хăтăлтăмăр.
(8) Пире тÿпепе çĕре пултарнă Çÿлхуçанăн ячĕ пулăшать.Мухтав.

Псалом 125/124

Улăхнă чухнехи юрă.
(1) Çÿлхуçана шанакансем — Сион тăвĕ пек: вĕсем ÿкмĕç, ĕмĕрех тĕреклĕ тăрĕç.
(2) Иерусалим тавра — тусем, Çÿлхуçа вара — малашне те ĕмĕр-ĕмĕрех Хăйĕн халăхĕ тавра.
(3) Тÿрĕ çынсем хăйсен аллине йĕркесĕр ĕç енне ан тăсчăр тесе Çÿлхуçа тÿрĕ çынсен шăпине усал çынсен туйи айне хăвармĕ.
(4) Эй Çÿлхуçа, ырă çынсене, тÿрĕ кăмăллă çынсене ырăлăх ту;
(5) хăйсен кукăр çулĕ çине илĕртсе каякансене Çÿлхуçа йĕркесĕр ĕç тăвакансемпе пĕрле çÿреме хăвартăр. Израиле канăçлăх пултăр!

Псалом 126/125

Улăхнă чухнехи юрă.
(1) Çÿлхуçа Сиона çĕнĕрен çĕклентернĕ чухне эпир тĕлĕк куракан пек пултăмăр:
(2) пирĕн чун-чĕрере ун чухне туп-тулли савăнăçчĕ, чĕлхе вĕçĕнче — юрăччĕ; ун чухне халăхсем хушшинче калаçрĕç: «Çÿлхуçа вĕсемшĕн аслă ĕç турĕ!» терĕç.
(3) Çÿлхуçа пирĕншĕн аслă ĕç турĕ: эпир хĕпĕртерĕмĕр.
(4) Эй Çÿлхуçа, пирĕн çынсене, тыткăнра юлнисене, каялла тавăр, кăнтăр çилĕ çумăр илсе килнĕ пек, каялла илсе кил вĕсене.
(5) Куççулĕпе акаканнисем савăнса вырĕç.
(6) Вăрлăхне йĕрсе йăтса пыраканĕ кĕлтине савăнса йăтса килĕ.

Псалом 127/126

Улăхнă чухнехи юрă. Соломонăн.
(1) Çурт лартма Çÿлхуçа пулăшмасассăн тăваканнисем кăлăхах тăрăшаççĕ; хулана Çÿлхуçа сыхламасассăн хуралçи кăлăхах куç хупмасăр сыхлать.
(2) Эсир кăлăхах ир тăратăр, çĕрлеччен ларатăр, хурлăх çăкăрĕ çиетĕр, юратнă çыннине çывăрнă чухнех мĕн кирлине парать Вăл.
(3) Çÿлхуçа панă еткер çакă — ывăлсем; Унăн парнийĕ — вартан çурални.
(4) Çамрăк ывăлсем —
(вăйлă çын аллинчи çĕмренсем пек.
(5) Хăйĕн йĕннине çавна тултарнă çын телейлĕ! Хула хапхи патĕнче тăшманĕсемпе калаçнă чухне намăса юлмĕç вĕсем.

Псалом 128/127

Улăхнă чухнехи юрă.
(1) Çÿлхуçаран хăракан çын, Унăн çулĕсемпе çÿрекен çын кирек кам та телейлĕ!
(2) Эсĕ хăвăн аллу ĕçĕпе тăранса пурăнăн: телейлĕ эсĕ, сана лайăх пулĕ!
(3) Килĕнте — арăму, çырлаллă иçĕм пултранки евĕрлех вăл; сĕтелÿ тавра — ывăлусем, çу йывăçĕн хунавĕ евĕрлĕ вĕсем:
(4) Çÿлхуçаран хăракан çын çапла пиллĕхлĕ пултăр!
(5) Çÿлхуçа сана Сион çинчен пиллетĕр, санăн ĕмĕрÿ тăршшĕпех Иерусалим ырă курнине курса тăмалла пултăр;
(6) хăвăн ывăлусенĕн ывăлĕсене курмалла пултăр. Израиле канăçлăх пултăр! “”■ О О Улăхнă чухнехи юрă.

Псалом 129/128

Улăхнă чухнехи юрă.
(1) Израиль çапла калатăр: мана çамрăкранпах нумай хĕсĕрлерĕç;
(2) мана çамрăкранпах нумай хĕсĕрлерĕç, çавах мана çĕнеймерĕç.
(3) Сухалакансем манăн çурăм çинче сухаларĕç, вăрăм йăрансем туса тухрĕç.
(4) Анчах та Çÿлхуçа тÿрĕ: Вăл усал çынсенĕн тăллисене касса татрĕ.
(5) Сиона курайманнисем пурте намăсланччăр, каялла тарччăр!
(6) Хуралтă çийĕнчи курăк пек пулччăр: вăл тăпăлтарса кăларичченех типсе каять,
(7) вăл выраканăн аллине тулас çук, кĕлте çыхаканăн ывăçне те кĕрес çук;
(8) иртсе пыракансем те вĕсене: «сире Çÿлхуçа пиллĕхĕ пултăр; сире Çÿлхуçа ячĕпе пиллетпĕр!» тееймĕç.Мухтав.

Псалом 130/129

Улăхнă чухнехи юрă.
(1) Сана чунтан-вартан тархаслатăп, Çÿлхуçамăм.
(2) Çÿлхуçамăм! сассăма илтсемччĕ. Йăлăнакан сассăма Санăн хăлху тимлĕ илтинччĕ.
(3) Эй Çÿлхуçа, Эсĕ çылăхлă ĕçсене шута илес пулсассăн, эй Çÿлхуçа! кам чăтса тăрайĕ?
(4) Анчах Эсĕ каçаратăн, Санăн умунта хăраса тăччăр.
(5) Çÿлхуçана шанатăп, чунăм шанать; Унăн сăмахне шанса тăратăп.
(6) Манăн чунăм Çÿлхуçана кĕтет — хуралçăсем тул çутăласса кĕтнинчен ытларах, хуралçăсем тул çутăласса кĕтнинчен ытларах кĕтет.
(7) Израиль Çÿлхуçана шанса тăтăр: ырăлăх — Çÿлхуçара, йăлтах хăтарасси те — Унра,
(8) Вăл Израиле хăтарĕ, пур çылăхлă ĕçĕнчен те хăтарĕ.

Псалом 131/130

Улăхнă чухнехи юрă. Давидăн.
(1) Эй Çÿлхуçа! чĕрем мăнаçланмарĕ, куçăм çÿлтен пăхмарĕ, эпĕ пысăк ĕçе, вăйăм çитменнине пуçăнмарăм.
(2) Пачах урăхла: чунăма, амăш кăкăрĕнчен уйăрнă ача пек, йăвашлатрăм; ăшăмри чунăм
(кăкăр пăрахтарнă ача пек пулчĕ.
(3) Израиль кунтан малашне те ĕмĕрех Çÿлхуçана шанса тăтăр.

Псалом 132/131

Улăхнă чухнехи юрă.
(1) Эй Çÿлхуçа, Давида, унăн пĕтĕм хурлăхне асна илсемччĕ:
(2) вăл Çÿлхуçана епле тупа тунă, Иаковăн Вăйлăскерне епле сăмах панă:
(3) –
(5) «Çÿлхуçа валли вырăн тупиччен, Иаковăн Вăйлăскерĕ валли Çурт лартичченкилĕме, чатăрăма, эпĕ кĕмĕп, вырăнăм çине те выртмăп, куçăм та ыйхă мĕнне пĕлмĕ, куç хупанки те тĕлĕрмĕ» тенĕ.
(6) Эпир саккун арчи çинчен Ефрафăра илтрĕмĕр, ăна Иарим хирĕнче тупрăмăр.
(7) Атьăр Унăн Çуртне каяр, Унăн ури умне ÿксе пуççапар.
(8) Эй Çÿлхуçа, Хăвăн канлĕхлĕ вырăнна тăр, Хăвăн хăватлăхун арчипех тăр.
(9) Санăн священникусем тÿрĕлĕх тăхăнччăр, Санăн сăваплă çыннусем савăнса тăччăр.
(10) Хăвăн çу сĕрнĕ çыннуна Давидшăн, Хăвăн чурушăн, йышăнсам:
(11) Çÿлхуçа Давида Хăйĕн шанчăклăхĕпе тупа тунă, Вăл ăна тунмĕ: «санăн йăхунтан çуралнине санăн аслă пукану çине лартăп.
(12) Эпĕ санăн ывăлусене Хамăн халала, Хамăн йĕркемсене вĕрентĕп, вĕсем çавна уяса тăрсассăн,
(вĕсенĕн ывăлĕсем те ĕмĕр-ĕмĕрех санăн аслă пукану çинче ларĕç» тенĕ.
(13) Çÿлхуçа Сиона суйласа илчĕ, [ăна] Хăйĕн пурăнмалли килĕ турĕ.
(14) «ку — Манăн ĕмĕрлĕхе канăçлăх вырăнĕ: çакăнта вырăнаçăп: Эпĕ ăна кăмăлларăм.
(15) Унăн çимĕçне пиллемеллипех пиллĕп, унăн кĕлмĕçĕсене тăраниччен çăкăр çитерĕп;
(16) унăн священникĕсене çăлăнăç тăхăнтартăп, унăн сăваплă çыннисем савăнмаллипех савăнĕç.
(17) Унта Давид валли мăйрака ÿстерĕп, çу сĕрнĕ çыннăм валли çутă çутса лартăп.
(18) Унăн тăшманĕсене намăс тăхăнтартăп, ун çинче вара пуçкăшăль çуталса тăрĕ».

Псалом 133/132

Улăхнă чухнехи юрă. Давидăн.
(1) Тăванпа тăван пĕрле пурăнни мĕнле ырă, мĕнле илемлĕ!
(2) Вăл — пуçа сĕрнĕ ытарайми çу пек, сухал çине, Аарон сухалĕ çине, унăн çухи çине юхса анакан çу пек;
(3) вăл — Ермон тăвĕ енчен килсе, Сион тăвĕ çине ÿкекен сывлăм пек: Çÿлхуçа унта пиллĕх, ĕмĕрлĕх пурăнăç панă.

Псалом 134/133

Улăхнă чухнехи юрă.
(1) Эй Çÿлхуçа чурисем,— çĕрле Çÿлхуçа Çуртĕнче, [Туррăмăр Çурчĕн картишĕнче] тăракансем,— халĕ пурсăр та Çÿлхуçана мухтавлăр.
(2) Аллăрсене сăваплă Çурт еннелле тăсса Çÿлхуçана мухтавлăр.
(3) Тÿпепе çĕре пултарнă Çÿлхуçа сана Сион çинчен пиллĕх парĕ.Мухтав.

Псалом 135/134

(1) Çÿлхуçа ятне мухтавлăр, эй Çÿлхуçа чурисем,—
(2) Çÿлхуçа Çуртĕнче, Туррăмăр Çурчĕн картишĕнче тăракансем, — мухтавлăр.
(3) Çÿлхуçана мухтавлăр: Çÿлхуçа ырă; Унăн ятне аслăлăр — тутлă ят вăл.
(4) Çÿлхуçа Хăй валли Иакова суйласа илнĕ, Израиле Хăйĕн халăхĕ тунă.
(5) Эпĕ пĕлсе çитрĕм: Çÿлхуçа аслă, пирĕн Çÿлхуçа пур турăран та аслă.
(6) Çÿлхуçа çÿлте те, çĕр çинче те, тинĕсре те, пур тĕпсĕр вырăнта та мĕн тăвас тенине пурне те тăвать;
(7) çĕр хĕрринчен пĕлĕт хăпартать, çумăр çунă чухне çиçĕм çиçтерет, Хăйĕн управăшĕнчен çил кăларать.
(8) Вăл Египетра чи малтан çуралнисене
(çыннинчен пуçласа выльăхĕ таранччен вĕлерсе тухнă,
(9) эй Египет, Вăл санăн çĕрÿ çинче фараона та, унăн пур чурине те хăватсемпе кĕтретсем кăтартнă,
(10) халăхсене нумайăшне çĕмĕрсе тăкнă, вăйлă патшасене пĕтернĕ:
(11) Аморрей патшине Сигона, Васан патшине Ога, Ханаан çĕрĕнчи пур патшалăха та пĕтернĕ;
(12) вĕсенĕн çĕрне еткерлĕхе, еткерлĕхе Хăйĕн халăхне Израиле панă.
(13) Эй Çÿлхуçа! Санăн яту — ĕмĕрлĕхе; эй Çÿлхуçа! Сана сыпăкран сыпăка асăнĕç:
(14) Çÿлхуçа Хăйĕн халăхне тÿррипе сут тăвĕ, Хăйĕн чурисене хĕрхенĕ.
(15) Суя тĕнлисен йĕрĕхĕсем — ылтăнпа кĕмĕл, этем алли тунă япала:
(16) çăварĕ те пур — калаçмаççĕ; куçĕ те пур — курмаççĕ;
(17) хăлхи те пур — илтмеççĕ, ăшĕнче сывлан сывлăшĕ те çук.
(18) вĕсене тăваканнисем те, вĕсене шанаканнисем те пурте çавăн пек пулĕç.
(19) Эй Израиль килĕ! Çÿлхуçана мухтăр. Эй Аарон килĕ! Çÿлхуçана мухтăр.
(20) Эй Левий килĕ! Çÿлхуçана мухтăр. Эй Çÿлхуçаран хăракансем! Çÿлхуçана мухтăр.
(21) Иерусалимра пурăнакан Турă Сион çинче мухтавлă! Аллилуия!

Псалом 136/135

(1) [Аллилуия.] Çÿлхуçана аслăлăр: Вăл — ырă, Унăн ырăлăхĕ ĕмĕрлĕхе.
(2) Турăсенĕн Туррине аслăлăр: Унăн ырăлăхĕ ĕмĕрлĕхе.
(3) Хуçасенĕн Çÿлхуçине аслăлăр: Унăн ырăлăхĕ ĕмĕрлĕхе;
(4) пĕр Хăй анчах пысăк хăватсем Тăвакана аслăлăр: Унăн ырăлăхĕ ĕмĕрлĕхе;
(5) Вăл тÿпене ăслăлăхĕпе пултарнă: Унăн ырăлăхĕ ĕмĕрлĕхе;
(6) çĕре шывсем çине тĕреклĕ лартнă: Унăн ырăлăхĕ ĕмĕрлĕхе;
(7) аслă çутăсем пултарнă: Унăн ырăлăхĕ ĕмĕрлĕхе;
(8) куна тытса тăма хĕвеле пултарнă: Унăн ырăлăхĕ ĕмĕрлĕхе;
(9) каçа тытса тăма уйăхпа çăлтăрсене пултарнă: Унăн ырăлăхĕ ĕмĕрлĕхе;
(10) Египетра малтан çуралнисене пĕтерсе тухнă: Унăн ырăлăхĕ ĕмĕрлĕхе;
(11) Израиле вĕсен хушшинчен илсе тухнă: Унăн ырăлăхĕ ĕмĕрлĕхе;
(12) хăватлă аллипе, пысăк вăйĕпе илсе тухнă: Унăн ырăлăхĕ ĕмĕрлĕхе;
(13) Хĕрлĕ тинĕсе икĕ енне уйăрса тăратнă: Унăн ырăлăхĕ ĕмĕрлĕхе;
(14) Израиле ун урлă каçарнă: Унăн ырăлăхĕ ĕмĕрлĕхе;
(15) фараона çарĕ-мĕнĕпех Хĕрлĕ тинĕсе путарнă: Унăн ырăлăхĕ ĕмĕрлĕхе;
(16) Хăйĕн халăхне пушхирпе ертсе пынă: Унăн ырăлăхĕ ĕмĕрлĕхе;
(17) аслă патшасене çĕмĕрсе тăкнă: Унăн ырăлăхĕ ĕмĕрлĕхе;
(18) хăватлă патшасене вĕлернĕ: Унăн ырăлăхĕ ĕмĕрлĕхе;
(19) Аморрей патшине Сигона вĕлернĕ: Унăн ырăлăхĕ ĕмĕрлĕхе;
(20) Васан патшине Ога вĕлернĕ: Унăн ырăлăхĕ ĕмĕрлĕхе;
(21) вĕсенĕн çĕрне еткерлĕхе панă: Унăн ырăлăхĕ ĕмĕрлĕхе;
(22) еткерлĕхе Израиле, Хăйĕн чурине, панă: Унăн ырăлăхĕ ĕмĕрлĕхе;
(23) эпир мăшкăл тÿснĕ чухне пире аса илнĕ: Унăн ырăлăхĕ ĕмĕрлĕхе;
(24) пире хамăр тăшмансенчен хăтарнă: Унăн ырăлăхĕ ĕмĕрлĕхе;
(25) пур чĕрĕ чуна та çимĕç парать: Унăн ырăлăхĕ ĕмĕрлĕхе.
(26) Тÿпенĕн Туррине аслăлăр: Унăн ырăлăхĕ ĕмĕрлĕхе.

Псалом 137/136

[Давидăн.]
(1) Вавилон шывĕсем хĕрринче,— эпир çавăнта лараттăмăр,— Сиона аса илсе йĕреттĕмĕр;
(2) хамăр арфăсене унти хăвасем çине çакса хураттăмăр.
(3) Çавăнта пире тыткăнра тытакансем пире юрлама хушатчĕç,
(пире хĕсĕрлекенсем хăйсене савăклантарма хушатчĕç: «Сион юррисене юрласа кăтартăр-ха пире» теетчĕç.
(4) Ют çĕршывра Çÿлхуçа юррисене пирĕн епле юрлас-ха?
(5) Ах, Иерусалим, сана манас пулсассăн, сылтăм аллăм хăрса лартăр;
(6) сана асăмран ярсассăн, хам савăннă чухне пуринчен ытла Иерусалима асăнмасассăн чĕлхем пыр тĕпне çыпăçăнса лартăр.
(7) Эй Çÿлхуçа, Эдом ывăлĕсене Иерусалим кунне аса илтерсемччĕ, вĕсем ун чухне: «аркатăр, тĕпĕ-йĕрĕпех аркатăр» тесе тăчĕç.
(8) Эй Вавилон хĕрĕ, эй тустаруçă! пире çапла тунăшăн сана тивĕçлипе тавăраканĕ телейлĕ!
(9) Санăн ачу-пăчуна тыта-тыта чул çумне çапса вĕлерекенĕ телейлĕ!Мухтав.

Псалом 138/137

Давидăн.
(1) Эй Турă, Сана пĕтĕм чĕререн аслăлатăп, Сана турăсем
(Çитмĕлĕн куçарнинче: Ангелсем умĕнче) умĕнче кĕвĕ каласа мухтатăп, [Эсĕ манăн чĕлхе-çăварăм мĕн каланине пурне те илтрĕн].
(2) Санăн сăваплă Çуртна ÿксе пуççапатăп, Санăн ырăлăхушăн, Эсĕ шанчăклă пулнăшăн Санăн ятна аслăлатăп: Эсĕ Хăвăн сăмахна Хăвăн пур ятунтан та ытларах чапа кăлартăн.
(3) Эпĕ Сана тархасланă кун Эсĕ мана илтрĕн, манăн чунăма вăй-хал кÿтĕн.
(4) Эй Çÿлхуçа, Эсĕ каланă сăмахсене илтсессĕн çĕр çинчи патшасем пурте Сана аслăласа тăрĕç,
(5) Çÿлхуçа çулĕсене мухтаса юрлĕç: Çÿлхуçа мухтавлăхĕ — аслă.
(6) Çÿлхуçа — çÿлте: Вăл йăвашшине те курса тăрать, мăнаçлине те аякранах паллать.
(7) Эпĕ инкек-синкек витĕр кайăп-и — Эсĕ мана чĕртĕн, тăшманăмсен хаярлăхне хирĕç аллуна тăсăн та — Санăн сылтăм аллу мана хăтарĕ.
(8) Маншăн Çÿлхуçа туса çитерĕ! эй Çÿлхуçа, Санăн ырăлăху ĕмĕр-ĕмĕре: Хăвăн аллу ĕçĕсене ан пăрахсамччĕ.

Псалом 139/138

Юрлакан ушкăн пуçлăхне. Давид псаломĕ.
(1) Эй Çÿлхуçа! Эсĕ мана сăнарăн, ĕнтĕ пĕлетĕн.
(2) Эпĕ хăçан ларнине те, хăçан тăнине те пĕлетĕн; Эсĕ эпĕ мĕн шухăшлассине малтанах пĕлсе тăратăн.
(3) Çÿретĕп-и, канатăп-и —
(Саншăн манăн пĕтĕм çулăм-йĕрĕм паллă.
(4) Эй Çÿлхуçа, сăмахăм чĕлхем вĕçне çитичченех Эсĕ ăна пĕтĕмпе пĕлетĕн.
(5) Эсĕ мана хыçалтан та, малтан та хупăрласа тăратăн, аллуна ман çинче тытса тăратăн.
(6) [Эсĕ] çапла пĕлсе тăни мана тĕлĕнтермеллипех тĕлĕнтерет — хăватлă вăл, эпĕ ăна ăнласа çитерейместĕп!
(7) Санăн Сывлăшунтан ăçта каям-ха? Санăн умăнтан ăçта тарам-ха?
(8) Пĕлĕт çине улăхăп-и — унта Эсĕ; çĕр тĕпне анăп-и — унта та Эсĕ.
(9) Шурăмпуç çуначĕ çинче тинĕс хĕррине çитĕп-и —
(10) Санăн аллу мана унта та шыраса тупĕ, мана сылтăм аллу тытса тăрĕ.
(11) «Мана сĕмлĕх хупласа тăмĕ-ши,
(ман таврари çутă тĕттĕм каç пулмĕ-ши?» тейĕп-и,
(12) анчах Санран сĕмлĕх те хупăрлаймĕ, Саншăн тĕттĕм каç та кун пекех çутă: Саншăн сĕмлĕх те, çутă та — пĕр.
(13) Эсĕ манăн ăшăм-чиккĕме туса çитернĕ,
(мана аннем варĕнче пĕрчĕн-пĕрчĕн çитĕнтернĕ.
(14) Сана аслăлатăп — Эсĕ мана тĕлĕнмелле пултарнă. Санăн ĕçÿсем тĕлĕнтермеллипех тĕлĕнтереççĕ, ăна чунăм та лайăх пĕлсе тăрать.
(15) Эпĕ вăрттăн тĕвĕленнĕ чухнех, аннем варĕнче амаланнă чухнех Эсĕ манăн шăммăм-шаккăма курса тăнă.
(16) Санăн куçу манăн чĕрĕ тĕввĕме курнă; эпĕ пĕр кун пурăничченех мана пÿрнĕ пĕтĕм куна Хăвăн кĕнекÿ çине çырса хунă.
(17) Эй Турăçăм, Санăн ĕçÿсене эпĕ ăнласа çитерейместĕп, тата вĕсен имĕ-сумĕ те çук!
(18) Вĕсене шутласа кăларайăп-и — вĕсем хăйăр пĕрчинчен те йышлăрах; ыйхăмран вăрансассăн та Сан çинчен шухăшлатăп.
(19) Эй Турăçăм, усал çынна пĕтерĕсĕнччĕ! Юнăçлă çынсем, кайăр ман патăмран!
(20) Вĕсем Сана хирĕç йĕркесĕр калаçаççĕ; Санăн тăшманусем кăлăхах каварлашаççĕ.
(21) Эй Çÿлхуçа, епле-ха манăн Сана курайманнисене курайми пулас мар? епле-ха Сана хирĕç тăракансенчен йĕрĕнес мар?
(22) Тулса çитнĕ курайманлăхпа кураймастăп вĕсене: манăн тăшманăмсем вĕсем.
(23) Эй Турăçăм, сăна мана, чĕреме пĕлсе çит; сăна мана, шухăшăмсене пĕлсе çит;
(24) эпĕ усал çул çинче мар-ши — пăхсамччĕ, мана ĕмĕрлĕх çул çине тăратсамччĕ.

Псалом 140/139

Юрлакан ушкăн пуçлăхне. Давид псаломĕ.
(1) Эй Çÿлхуçа, усал çынран хăтарсам мана; хĕсĕрлекенрен сыхласам мана:
(2) чĕринче вĕсем усал шухăшлаççĕ, куллен вăрçа хатĕрленеççĕ,
(3) чĕлхине çĕлен чĕлхи пек çивĕчлетеççĕ; вĕсенĕн чĕлхи айĕнче — аспид наркăмăшĕ.
(4) Эй Çÿлхуçа, усал çын аллинчен хăтарсам мана, хĕсĕрлекенсенчен сыхласам:
(вĕсем ман урана такăнтарма шутларĕç.
(5) Мăнаçлисем ман валли вăрттăн çĕре мăйкăчсем, йăлмаксем лартрĕç, çул çине таната карчĕç, ман валли серепесем сарса хучĕç.
(6) Çÿлхуçана каларăм: Эсĕ — манăн Туррăм; эй Çÿлхуçа, тархаслакан сассăма илтсемччĕ! терĕм.
(7) Эй Çÿлхуçамăм, эй Туррăм, мана çăлакан вăй-хăватăм! вăрçă кунĕ Эсĕ манăн пуçăма витсе тăтăн.
(8) Эй Çÿлхуçа, усал çыннăн ĕмĕтленнĕ ĕмĕтне харама яр; унăн усал шухăшне путар: вĕсем мăнаçлансах кайĕç.
(9) Мана хупăрласа тăракансенĕн çăварĕнчен тухнă усаллăхĕ хăйсенĕн пуçнех хуплатăр.
(10) Вĕсем çине вутлă кăвар тăкăнтăр; вĕсем вут-çулăм ăшне, тĕпсĕр шăтăка кĕрсе ÿкчĕр, унтан ан тухайччăр.
(11) Усал чĕлхеллĕ çын çĕр çинче тытăнса ан тăрайтăр; хĕсĕрлекен çынна хăйĕн усаллăхĕ хыçран хăвалатăр.
(12) Çÿлхуçа хĕн-хур тÿсекенсене хÿтĕлессе, мĕскĕнсене тÿрре кăларасса пĕлетĕп.
(13) Çапла! тÿрĕ çынсем Санăн ятна аслăласа тăрĕç; айăпсăррисем Санăн умунта пурăнĕç.

Псалом 141/140

(1) Эй Çÿлхуçа! Сана тархаслатăп: ман патăма васкасам, Хăвна тархасланă чухне йăлăнакан сассăма тăнласам.
(2) Манăн кĕллĕм Санăн умна фимиам пек пытăр, аллăмсене çĕклени Сана каçхи парне пек пултăр.
(3) Эй Çÿлхуçа, чĕлхе-çăварăма сыхă тăрат, чĕлхе-çăварăм алăкне картала;
(4) чĕреме чее сăмах енне ан сулăнтар: çылăхлă ĕçĕмсене тÿрре кăларасшăн усал ĕç тăвакансемпе пĕрле ан пулам, вĕсен пылак çимĕçне те ан тутанам.
(5) Мана тÿрĕ çын хаса патăр: ку вăл — ырăлăх; мана çавă питлетĕр: манăн пуçăма çылăхлă çын çăвĕ ан сĕрĕнтĕр; манăн кĕллĕмсем — вĕсен усал ĕçĕсене хирĕç.
(6) Вĕсен тÿрисене ту çинчен пăрахĕç, вара манăн сăмахăмсене илтĕç, вĕсем — кăмăллă сăмахсем.
(7) Çĕре касса ватнă пек ватаççĕ, тĕпретеççĕ пире; пирĕн шăмăсем тамăк çăварне тăкăнаççĕ.
(8) Эй Çÿлхуçамăм, эй Туррăм, куçăм Сан енне тĕмсĕлет; Сана шанатăп, чунăма ан пăрахсам!
(9) Ман валли карса хунă серепесенчен, усал çынсен танатисенчен сыхласам мана.
(10) Вĕсем пурте пĕрле хăйсен танатине кĕрсе ÿкчĕр, эпĕ унта çакланам мар.

Псалом 142/141

Давид вĕрентсе калани. Ту хăвăлĕнче пытанса пурăннă чухне каланă кĕлĕ.
(1) Çÿлхуçана эпĕ сасăпах тархаслатăп, Çÿлхуçана сасăпах кĕлтăватăп;
(2) Унăн умĕнче чунтан-вартан кĕлтăватăп; Ăна хурлăхăма уçса паратăп.
(3) Чунăм хавшаса çитнĕ чухне Эсĕ манăн çулăм-йĕрĕме пĕлеттĕн. Эпĕ çÿрекен çул çине вĕсем ман валли вăрттăн таната карса хучĕç.
(4) Сылтăмалла пăхатăп та куратăп — пурте мана палламан пек тăваççĕ: маншăн хÿтлĕх вырăн юлмарĕ, мана никам та хÿтĕлемест.
(5) Эй Çÿлхуçа, эпĕ Сана тархасларăм: Эсĕ — манăн тарса хăтăлмалли вырăнăм, чĕррисен çĕрĕнчи пайăм, терĕм.
(6) Эпĕ йĕрсе йăлăннине тăнласам: эпĕ халран кайса çитрĕм; хама хĕсĕрлекенсенчен хăтарсам мана: вĕсем манран вăйлăрах.
(7) Чунăма тĕрмерен кăларсам: Санăн ятна аслăлам. Мана Хăвăн ырăлăхна кăтартсассăн ман тавра тÿрĕ çынсем пуçтарăнĕç.

Псалом 143/142

Давид псаломĕ, [хăйне ывăлĕ — Авессалом — йĕрленĕ чухне кĕлтуни].
(1) Эй Çÿлхуçа! манăн кĕллĕме илтсем, Хăвăн чăнлăхна кура эпĕ йĕрсе йăлăннине тăнласам; мана Хăвăн тÿрĕлĕхне кура илтсем,
(2) Хăвăн чуруна айăпламаллипех ан айăпла: пурăнакансенчен никам та Сан умунта тÿрре тухаймĕ.
(3) Тăшман манăн чунăма йĕрлесе çÿрет, пурăнăçăма пылчăк ăшнех таптаса кĕртрĕ, ĕмĕрлĕхе вилнĕ çын пек сĕмлĕхре пурăнмалла турĕ,
(4) ĕнтĕ чунăм та хавшаса çитрĕ, ăшăмра чĕрем те туйми пулчĕ.
(5) Авалхи куисене аса илетĕп, Санăн пĕтĕм ĕçÿ çинчен, Санăн аллу тунă ĕçсем çинчен шухăшлатăп.
(6) Аллăмсене Сан патналла тăсатăп; çумăршăн антăхакан çĕр пек, чунăм Саншăн çунса тăрать.
(7) Эй Çÿлхуçа, часрах илтсемччĕ мана: чунăм халран каять; Хăвăн сăнна манран ан пытарсам: эпĕ çĕре кĕрекенсем евĕрлĕ ан пулам.
(8) Ырăлăху çинчен ирех илтме парсам мана: эпĕ Сана шанса тăратăп. [Эй Çÿлхуçа,] хăш çулпа пымаллине кăтартсам мана: чунăмпа Сан патна çĕкленетĕп.
(9) Эй Çÿлхуçа, тăшманăмсенчен хăтарсам мана; Сан патна ăнтăлатăп.
(10) Хăвăн ирĕкне тума вĕрентсем мана: Эсĕ — манăн Туррăм; Санăн ырă Сывлăшу мана тÿрĕлĕх çĕрне ертсе пытăр.
(11) Эй Çÿлхуçа, Хăвăн ятушăн чĕртсем мана; Хăвăн тÿрĕлĕхне кура чунăма инкекрен хăтарсам,
(12) хĕрхенекен кăмăлна кура тăшманăмсене пĕтер, чунăма хĕсĕрлекенсене пурне те тĕп ту: эпĕ — Санăн чуру.Мухтав.

Псалом 144/143

(1) Аллăмсене çапăçма, пÿрнемсене кĕрешме вĕрентекен Çÿлхуçамăм, манăн тĕрекĕм, мухтавлă.
(2) Вăл мана хĕрхенет, Вăл — манăн хÿттĕм, тарса хăтăлмалли вырăнăм, мана Хăтараканĕ, манăн хулканăм, — эпĕ Ăна шанатăп; Вăл халăхсене мана пăхăнтарса тăрать.
(3) Эй Çÿлхуçа! çын мĕнех вăл? — Эсĕ ăна пĕлетĕн; мĕнех вара вăл этем ывăлĕ? — Эсĕ уншăн тăрăшатăн.
(4) Этем — варкăш пек; унăн кунçулĕ — шуса иртекен ĕмĕлке пек.
(5) Эй Çÿлхуçа! Пĕлĕтне тайăлтар та — аяла ан; тусене сĕртĕн те — вĕсенчен тĕтĕм мăкăрланса тухĕ;
(6) çиçĕмне çиçтер те — салатса яр вĕсене; уххусемпе пер те — çыхлантарса ÿкер вĕсене;
(7) çÿлтен аллуна тăс та — хăтар мана, пысăк шывсенчен, ют ăру ывăлĕсен аллинчен çăл мана:
(8) вĕсенĕн чĕлхи-çăварĕ пушă сăмах калаçать, вĕсенĕн сылтăм алли — ултав алли.
(9) Эй Турăçăм! Сана çĕнĕ юрă юрласа мухтам, Сана вунă хĕлĕхлĕ псалтирь каласа мухтам:
(10) Эсĕ патшасене çăлăнăç паратăн, Хăвăн Давид чуруна хаяр хĕçрен хăтаратăн.
(11) Ют ăру ывăлĕсен аллинчен хăтарсам мана, çăлсам мана: вĕсенĕн чĕлхи-çăварĕ пушă сăмах калаçать, вĕсенĕн сылтăм алли — ултав алли.
(12) Пирĕн ывăлăмăрсем сарăлса ÿсекен çамрăк йывăç пек пулччăр; пирĕн хĕрĕмĕрсем керменри чеченленĕ юпа пек пулччăр.
(13) Пирĕн кĕлетсем туп-тулли пулччăр, унта тĕрлĕ тырă иксĕлми пултăр; хамăр улăхсенче пирĕн сурăхсем пинĕ-пинĕпе, тĕменĕ-тĕменĕпе ĕрчеччĕр;
(14) пирĕн вăкăрсем самăр пулччăр; пирĕн урамсенче çаратасси те, çухатасси те, кăшкăрасси те, йĕресси те ан пултăр.
(15) Çавăн пек пурăнакан халăх телейлĕ. Çÿлхуçана хăйсенĕн Турри тунă халăх телейлĕ.

Псалом 145/144

Давид мухтани.
(1)Эй Туррăм, эй Патшамăм, Сана аслăласа мухтам, Санăн ятна ĕмĕр-ĕмĕрех мухтавлам.
(2) Куллен-кунах Сана мухтавлам, Санăн ятна ĕмĕр-ĕмĕрех аслăлам.
(3) Çÿлхуçа аслă, мухтава тивĕçлĕ, Унăн аслăлăхне тишкерсе çитереймĕн.
(4) Пĕр сыпăк тепĕр сыпăка Санăн ĕçÿсем çинчен мухтаса каласа пырĕ, Санăн хăватлăху çинчен пĕлтерсе тăрĕ.
(5) Эпĕ вара Санăн аслăлăхун пысăк мухтавлăхĕ çинчен, Санăн тĕлĕнмелли ĕçÿсем çинчен шухăшлăп.
(6) Санăн хăрушă ĕçÿсенĕн хăватлăхĕ çинчен калаçĕç, эпĕ Санăн аслăлăху çинчен пĕлтерсе тăрăп.
(7) Асра юлтăр тесе Эсĕ мĕн тери ырă пулни çинчен каласа кăтартĕç, Санăн тÿрĕлĕхне мухтаса юрлĕç.
(8) Çÿлхуçа уçă кăмăллă, хĕрхенекен кăмăллă, вăрах тÿсĕмлĕ, нумай ырăлăхлă.
(9) Çÿлхуçа Хăй мĕн пултарнине пурне те юратать, Унăн ырăлăхĕ пур ĕçĕнче те курăнать.
(10) Эй Çÿлхуçа, Хăв мĕн пултарни пурте Сана мухтатăр, Сана Хăвăн сăваплă çыннусем аслăлаччăр;
(11)-
(12) Этем ывăлĕсене Санăн хăватлăху çинчен, Санăн патшалăхун тĕлĕнмелле чаплăлăхĕ çинчен пĕлтермешкĕн Санăн патшалăхун чапĕ çинчен вĕрентчĕр, Санăн хăватлăху çинчен каласа паччăр.
(13) Санăн патшалăху — ĕмĕр-ĕмĕрхи патшалăх, Эсĕ патшара ларни — сыпăкран сыпăка. Çÿлхуçанăн пур сăмахĕ те тĕрĕс, Вăл пур ĕçĕнче те сăваплă.
(14) Çÿлхуçа ÿкекенсене пĕрне те ÿкме памасть, пĕкĕрĕлсе аннисене те тăратать.
(15) Пурин куçĕсем те Сан çине шанса пăхаççĕ, Эсĕ вĕсене кирлĕ вăхăтра çимĕç паратăн;
(16) Хăвăн аллуна уçатăн та — пур чуна та кăмăл курса тăрантаратăн.
(17) Çÿлхуçа Хăйĕн пур çулĕ çинче те тÿрĕ, пур ĕçĕнче те ырă.
(18) Хăйне чĕнекенсемшĕн, Хăйне таса чĕререн чĕнекенсемшĕн Çÿлхуçа пуриншĕн те çывăх.
(19) Вăл Хăйĕнчен хăракансенĕн ĕмĕтне çитерет, вĕсем йĕрсе йăлăннине илтет те — çăлать вĕсене.
(20) Хăйне юратакансене Çÿлхуçа пурне те сыхлать, йĕркесĕр çынсене вара пурне те пĕтерĕ.
(21) Чĕлхе-çăварăм Çÿлхуçана мухтаса калаçĕ, пур чун та ĕмĕр-ĕмĕрех Унăн сăваплă ятне мухтаса тăтăр.Мухтав.

Псалом 146/145

(1) Мухтав Сана, Çÿлхуçа. Эй чунăм, Çÿлхуçана мухта!
(2) Хам пурăннă чухне Çÿлхуçана мухтаса тăрам; хам чĕрĕ чухне Туррăма мухтаса юрлам.
(3) Пуçлăхсене ан шанăр, этем ывăлне ан шанăр — вăл çăлас çук.
(4) Чунĕ-чĕмĕ тухать те унăн, вăл каллех çĕре кĕрет: çав кун унăн [пĕтĕм] шухăшланă шухăшĕ пĕтет.
(5) Хăйне Иаков Турри пулăшакан çын телейлĕ: вăл хăйĕн Çÿлхуçа Туррине —
(6) тÿпепе çĕре, тинĕсе, унта мĕн пуррине пултарнă, ĕмĕрĕпе тÿрĕлĕхне упракан,
(7) мĕскĕнсене тÿрре кăларакан, выçăхнисене çăкăр паракан Турра — шанса пурăнать. Çÿлхуçа касмăкрисене ирĕке кăларать,
(8) Çÿлхуçа суккăрсенĕн куçне уçать, Çÿлхуçа пĕкĕрĕлсе аннисене тăратать, Çÿлхуçа тÿрĕ çынсене юратать.
(9) Çÿлхуçа ютран килнисене сыхлать, тăлăха, тăлăх арăма хунтăлать, усал çынсенĕн çулне пăтраштарать.
(10) Çÿлхуçа ĕмĕрех патшара ларĕ, эй Сион, санăн Турру — сыпăкран сыпăка. Аллилуия.

Псалом 147/146-147

(1) Çÿлхуçана мухтăр: хамăр Туррăмăра мухтаса юрламашкăн ырă, Ăна мухтани чун-чĕрене килентерет.
(2) Çÿлхуçа Иерусалима çĕнĕрен çĕклентерет, Израилĕн саланнă халăхне пуçтарать.
(3) Вăл хурлăхлă чĕреллисене сыватать, вĕсенĕн суранне эмеллет;
(4) çăлтăрсен шутне палăртса хурать; вĕсене ят парса тухать.
(5) Пирĕн Çÿлхуçа аслă, [Унăн] вăйĕ аслă, Унăн ăсне виçме те çук.
(6) Çÿлхуçа йăвашшисене çĕклет, усал çынсене çĕр çумнех пĕшкĕртет.
(7) Çÿлхуçана аслăласа мухтав юрри юрлăр; Туррăмăра кĕсле каласа мухтавлăр.
(8) Вăл тÿпене пĕлĕтсемпе хупăрлать, çĕр валли çумăр хатĕрлет, тусем çинче курăк [тата этемшĕн усăллă тырă] ÿстерет;
(9) выльăх-чĕрлĕхе те, Хăйĕнчен кăшкăрса ыйтакан çăхан чĕпписене те апат парать.
(10) Урхамах вăйне пăхмасть Вăл, этем çăмăл ураллă пулнине те кăмăл тумасть —
(11) Çÿлхуçа Хăйĕнчен хăракансене, Хăйĕн ырăлăхне шанакансене кăмăллать.
(12) Эй Иерусалим, Çÿлхуçана мухта; эй Сион, хăвăн Турруна аслăла:
(13) Вăл санăн хапху юписене тĕреклетет, ху патăнти ывăлусене пиллĕх парать;
(14) санăн çĕрне тăнăçлă тăратать; сана тутă тулăпа тăрантарса усрать;
(15) çĕр çине Хăйĕн сăмахне ярать; Унăн сăмахĕ хăвăрт сарăлать;
(16) шурă çăм евĕрлĕ юр çутарать; кĕл сапнă пек, пас тăкать;
(17) катăк-катăк пăр пăрахать; Унăн сиввине кам чăтайĕ?
(18) Хăйĕн сăмахне ярĕ те — пĕтĕмпех ирĕлтерĕ; çилне вĕртерĕ те — шывсем юха пуçлĕç.
(19) Вăл Хăйĕн сăмахне Иакова пĕлтерет, Хăйĕн йĕркисемпе Хăйĕн сучĕсене Израиле пĕлтерет.
(20) Çавна Вăл урăх пĕр халăхшăн та туман, вĕсем Унăн йĕркисене пĕлмеççĕ. Аллилуия.Мухтав.

Псалом 148

Çÿлхуçана тÿпере мухтăр, Ана çÿлте мухтавлăр.
(1) Эй Унăн Ангелĕсем, пурте Ăна мухтăр, эй Унăн çарĕсем, пурте Ăна мухтăр.
(2) Эй хĕвелпе уйăх, Ăна мухтăр, эй çутă çăлтăрсем, пурте Ăна мухтăр.
(3) Çÿлти пĕлĕтсем те, пĕлĕтсенчен çÿлерех шывсем те, Ăна мухтăр.
(4) Çÿлхуçа ятне мухтаччăр: Вăл [каланă та — пулнă,] хушнă та — пулса тăнă;
(5) вĕсене ĕмĕр-ĕмĕрлĕхе туса хунă; улăшăнми йĕрке панă.
(6) Çÿлхуçана çĕр çинче те мухтăр: мăн пулăсем, пур тĕпсĕр шывсем,
(7) вут-çулăм та пăр, юр та тĕтĕре, Унăн сăмахне пурăнăçа килтерекен çил-тăвăл,
(9) тусемпе сăртсем, çимĕç кÿрекен йывăçсемпе кедр йывăçĕсем,
(10) тискер кайăксемпе пур тĕрлĕ выльăх-чĕрлĕх, çĕлен-калтапа çунатлă вĕçен кайăксем,
(11) çĕр çинчи патшасемпе мĕнпур халăхсем, пуçлăхсемпе çĕр çинчи мĕнпур тÿресем,
(12) каччăсемпе хĕрсем, ваттисемпе çамрăккисем —
(13) пурте Çÿлхуçа ятне мухтаччăр: пĕр Унăн ячĕ çеç асла тухнă, Унăн мухтавлăхĕ çĕртен те, тÿперен те çÿлерех.
(14) Вăл Хăй халăхĕн мăйракине çĕклерĕ, Хăйĕн мĕнпур сăваплă çыннисенĕн, Израиль ывăлĕсенĕн, çывăх халăхĕн, мухтавне çĕклерĕ. Аллилуия.

Псалом 149

(1) [Аллилуия.] Çÿлхуçана мухтаса çĕнĕ юрă юрлăр; Ана сăваплисен пухăвĕнче мухтаччăр.
(2) Израиль хăйне Пултараканĕшĕн савăнтăр; Сион ывăлĕсем хăйсен Патшишĕн хавасланччăр.
(3) Унăн ятне ташласа мухтаччăр, Ăна тÿнкĕр çапса, кĕсле каласа мухтавлаччăр:
(4) Çÿлхуçа Хăйĕн халăхне кăмăллать, йăвашшисене çăлса асла кăларать.
(5) Сăваплисем мухтава тухчăр, выртнă вырăнĕ çинче савăнччăр.
(6) Вĕсенĕн чĕлхи вĕçĕнче Çÿлхуçана мухтасси пултăр, вĕсенĕн аллинче икĕ çивчĕллĕ хĕç пултăр:
(7) вĕсем ĕнтĕ халăхсене тавăрассине, ăрусене хаса парассине туччăр,
(8) вĕсенĕн патшисене тăллаччăр, аслă улпучĕсене тимĕрпе тимĕрлеччĕр,
(9) вĕсене Турă çырăвĕнчи сутпа айăплаччăр. Ку чыслăх Унăн мĕнпур сăваплă çыннине тивĕçлĕ. Аллилуия.

Псалом 150

(1) [Аллилуия.] Турра Унăн сăваплă вырăнĕнче мухтавлăр, Ăна Хăйĕн вăй-хăвачĕ курăнакан тÿпере мухтавлăр.
(2) Ăна хăватлăхне кура мухтавлăр, Ăна вĕçĕмсĕр аслăлăхне кура мухтавлăр.
(3) Ăна трупа кăшкăртса мухтавлăр, Ăна псалтирь тата кĕсле каласа мухтавлăр.
(4) Ăна тÿнкĕр çапса, ташласа мухтавлăр, Ăна хĕлĕх янăратса, шăхличĕ каласа мухтавлăр.
(5) Ăна янăравлă кимвал çапса мухтавлăр, Ăна кисретÿллĕ кимвал çапса мухтавлăр.
(6) Мĕн сывлаканни пурте Çÿлхуçана мухтатăр! Аллилуия.Мухтав.

Псалом -/151

[Давид псаломĕ, Голиафпа çапăçнине аса илсе.]
(1) Эпĕ хамăн тăванăмсем хушшинче чи кĕçĕнниччĕ, аттем килĕнче чи çамрăккиччĕ; аттем сурăхĕсене кĕтеттĕм.
(2) Аллăмсем кĕвĕ сăпрайĕ ăсталарĕç, пÿрнемсем псалтирь ĕнеретчĕç.
(3) Çÿлхуçама кам пĕлтерес пурччĕ? Çÿлхуçа Хăй, Хăех илтрĕ мана.
(4) Вăл Хăйĕн хыпарçине ячĕ те —
(мана аттем сурăхĕсем патĕнчен илсе кайрĕ, сĕрмелли çăвĕпе сĕрчĕ мана.
(5) Манăн пиччемсем илемлĕ те кĕрнеклĕ, çавах Çÿлхуçа вĕсене кăмăл тумарĕ.
(6) Эпĕ ют йăх çыннине хирĕç тухрăм, вăл мана хăйĕн йĕрĕхĕсене асăнса ылханчĕ.
(7) Эпĕ унран хĕçне туртса илтĕм те пуçне касса татрăм, çапла Израиль ывăлĕсене мăшкăлран хăтартăм.

Библире Тупмалли Авалхи халал: Моисей: [ Пл | Тх | Лв | Йш | Ск | Историлле: | Нв | Тр| Рф | | | 1Пш | 2Пш | | | Ез | Нм | Ез2 | Ез3 | Тв | Иф | Эс | | | | Ăслăлăх: Ив | Пс | Ыт | Ек | Юр | Ăс | Сх | Пророксем: | Ис | Ир | Хÿ | Вх | Из | Дн | Ос | Ил | Ам | Аи | Ио | Мх | На | Ав | Сф| Аг | Зр | Мл] • Çĕнĕ халал: [Мф | Мк | Лк | Ин | Ĕç | Рм | | | Гл | Эф | Фл | Кл | | | | | Ти | Фм | Ер | Ик | | | | | | Иу | Ÿл ]

↓ ↓ ↓ Маллаллийĕ пĕлтерÿ хыççăн ↓ ↓↓

Турă чăвашла калаçать. Библи тата Иисус Христос тĕнĕпе çыхăннă текстсене вулăр.

Канлĕ пултăр тесе, унччен тĕрлĕ вăхăтра хут çине çапса кăларнă текстсене сайта пухса тăратпăр. Чăвашла Библи кунта туллин пур.

Христос тĕнĕпе çыхăннă çĕнĕ текстсем:

↓↓↓ Маллали ↓↓↓

Advertisements

Псалтирь” çине 20 шухăш

  1. […] Давид псаломĕ. Усал çынсенĕн капашне çÿремен çын, çылăхлă çынсен çулĕ çинче тăман çын, астаракан çынсенĕн ушкăнĕнче ларман çын телейлĕ. Унăн кăмăлĕ Турă законĕ çинче. Унăн законĕ çинчен вăл кунĕн-çĕрĕн шухăшлать. Вăл юхăм шыв хĕррине лартнă йывăç пек пулĕ: çав йывăç хăй çимĕçне вăхăтĕнче пултарать, унăн çулçи тăкăнмасть; вăл çын мĕн туни пурте ăнса пулĕ. Усал çынсем апла мар (апла мар вĕсем); вĕсем (çĕр çинчен) çил çавăрса каякан тусан пек. Çавăнпа усал çынсем судра чăтаймĕç, çылăхлисем тÿррисенĕн ушкăнĕнче тăраймĕç. Тÿрĕ çынсенĕн çулне Турă пĕлсе тăрать, усал çынсенĕн çулĕ пĕтсе ларĕ. (Танл. РБП 2007 Пс. 1) […]

    Like

  2. […] Давидăн Вениамин Арăвĕнчи Хус ятлă çын ĕçĕ тĕлĕшĕпе юрланă хурлăхлă юрри. Эй Турăçăм, Туррăм, Сан çине шанса тăратăп, хама хăвалакансенчен пуринчен те çăл мана, хăтар мана. Хăтаракан (çăлакан) çук пирки тăшман манăн чунăма арăслан пек туласа туртса илсе тарминччĕ. Эй Турăçăм, Туррăм, эпĕ мĕн те пулин тунă пулсан, аллăм ĕçĕ тÿрĕ мар пулсан, эпĕ, хама вырăнсăрах курайми пулнă тăшмана та хăтараканскер, хампа лайăх тăракан çынна усалпа тавăрнă пулсап чунăма тăшман хăваласа çÿретĕр, çитсе тыттăр; пурнăçăма çĕр ăшне таптаса кÿрттĕр, мухтавлăхăма çĕр айне тутăр. Эй Турă, çиленсе тытăн, тăшманăмсен усаллăхне хирĕç тух тăрса, Ху каласа хунă пек суд ту мана, – этемсем ушкăнĕпе Сан тавра тăрĕç, вĕсен тĕлĕнче Эсĕ çÿле çĕклен. Турă халăхсене суд тăвать. Эй Турă, тÿрĕлĕхĕме кура, айăпăм Çуккине кура суд ту мапа. Эй тÿрĕ Турă, Эсĕ çын чĕрине, çын ăшне витĕр пĕлсе тăратăн; çылăхлă çынсенĕн усаллăхĕ пĕттĕрччĕ, тÿрĕ çынна тĕреклĕлентерччĕ. Манăн хÿтлĕхĕм — таса чĕреллисене çăлакан Турă. Турă — тÿррипе суд тăвакан (хăватлă, вăрах тÿсĕмлĕ)Тÿре, кулленех явап ыйтакан Турă. Тÿрленменнишĕн Вăл Хăйĕн хĕçне çивĕчлетет, çĕмĕренне хытарса, тĕллесе тăрать; ун валли вĕлерекен япаласем хатĕрлет, уххиссне çунтаракан тăвать. Акă усал çын тÿрĕ мар ĕç пуçларĕ, усаллăхĕпе йывăр çын пек пулчĕ, хăй валли ултав çуратрĕ, шăтăк алтрĕ, алтса пĕтерчĕ те хатĕрленĕ шăтăкне хăех кĕрсе ÿкрĕ, унăн усаллăхĕ хайен пуçпе пулĕ, усал ĕçĕ хăйĕн пуçĕ çине ÿкĕ. Турра тÿрĕлĕхне кура аслăлатăп, çÿлти Туррăн ятне мухтаса юрлатăп. (Танл. РБП 2007 Пс. 7) […]

    Like

  3. […] Юрлакан ушкăн пуçлăхне. Гефри кĕвĕ каломаллипе. Давид псаломĕ. Эй Турă, Сана пĕтĕм чунтан-вартан аслăлам, Санăн пур хăватусем çинчен те каласа пĕлтерем. Эй Çÿлти Турă, Саншăн савăнам, хĕпĕртем, Санăн ятпа мухтаса юрлам. Тăшманăмсем каялла тарчĕç, вĕсем такăнса ÿкĕç, Сан умăнта пĕтсех ларĕç; Эсĕ мана суд турăн, манăн тава татса патăн; Эсĕ, туррппе суд тăвакан Тÿре, аслă вырăну çине лартăн. Эсĕ халăхсем çине çиленсе çитрĕн, усал çынна пĕтертĕн, вĕсенĕн ятне те ĕмĕр-ĕмĕрлĕхе çухатрăн. Тăшманăн хĕç-пăшалĕ те юлмаре, хулисене те Эсĕ салатса тăкрăн, вĕсенĕн ячĕ те хăйсемпе пĕрлех пĕтрĕ. Турă Хăй ĕмĕрех тăрать: суд тума Вăл Хăйĕн аслă вырăнне хатĕрлесе хунă, Вăл тĕнчене тÿрĕлехпе суд тăвĕ, халăхсене тÿррипе суд тăвĕ. Тертленекеншĕн Турă тарса хăтăлмаллп вырăн пулĕ; хуйхăрнă вăхăтра тарса хăталмалли вырăп пулĕ: Санăн ятна пĕлекенсем Сап çине шанса тăрĕç: эй Турă, Эсĕ Хăвна шыракансене пăрахмастăн. Сионра пурăнакан Турра мухтаса юрлăр. Унăн ĕçĕсем çинчен халăхсем хушшипче каласа пĕлтерĕр. Вăл юн тăкнăшăн явап ыйтать, вĕсене астуса тăрать; тертленекенсем йĕрсе йăлăннине манмасть. Эй Турă, хĕрхен мана; Эсĕ мана вилĕм хапхп умĕнчен çĕклентерсе Каякан, мана тăшмансем асаплантарнине кур; Санăн пур мухтавлă ĕçÿсем çинчеи те Сион хĕрийĕн хапхи умĕнче каласа тăрам, Эсе çăлнăшăн савăнам. Халăхсем хăйсем алтса хупă шăтăка кĕрсе ÿкрĕç, вăрттăн карса хунă танатисене хăйсен урисемех çаклапчĕç. Турра Вăл тунă судĕнчен пĕлчĕç, усал çын хăйĕн алли ĕçĕсемпе çыхланчĕ. Усал çынсем, Турра манса пурăнакан пур халăхсем те тамăкалла кайччăр. Мĕскĕн çын ĕмĕре манăçа юлмĕ, юрлисем ĕмĕтленни ахалех çухалмĕ. Эй Турă, тăр, этем ан çĕнтерейтĕр, халăхсем Сан умна суда тăччăр. Эн Турă, хăрат вĕсепе: хăйсем этем иккенне халăхсем туйччăр. Эй Турă, мĕншĕн инçетре тăратăн-ши, эпир хуйхăрнă вăхăтра мĕншĕн курăнмастăн-ши? Усал çын мăнкăмăлланса мĕскĕне хĕсĕрлет; вĕсем хăйсем шухăшласа тупнă чее шухăшĕсемпе çыхланччăр. Усал çын хăйĕн чунĕ аскăннипе мухтанать, мула юратакан хайне ырра хурать. Усал çын хăйне асла хывса Турра сума сумасть: айăпламĕ, тет; ăшĕнче яланах: Турă çук, тет. Унăн çулĕсем пур вăхăтра та ирсĕр, уншăн Санăн суду инçе, хăйĕн пур тăшманĕсем çине те вăл йĕрĕнсе анчах пăхать, хăй ăшĕнче калать: аптăрамăп, сыпăкран сыпăка та усал курмăп тет; унăн çăварне — ылханасси, улталасси, суеçтересси тулнă; асаплаптарасси, çынна пĕтересси унăн чĕлхи айĕнчех; вăл çурт хыçĕнче пытанса ларать, айăпсăр çынна улах çĕрте вĕлерет; унăн куçĕ мĕскĕне вăрттăн пăхсах тăрать; арăслан чăтлăхра ларнă пек, улах çĕрте кĕтсе тăрать; мĕскĕне тытас тесе пытанса ларать; мĕскĕне тытать те хăйĕн тапатине сĕтĕрсе кÿртет; хутланса ларать те, лăпчăнса выртать те — мĕскĕнсем унăн хытă чĕрнисем ăшне кĕрсе ÿкеççĕ; хăй ăшĕнче калать: Турă манчĕ, сăнне хупларĕ, нихçан та курмĕ тет. Эй Турăçăм, Туррăм, тăр, аллуна çĕкле, тертленекен çыннусепе пĕтĕмпех ан ман. Меншĕн усал çын Турра сума сумасть-ши? Вăл хăй ăшĕнче калать: Эсĕ айăпламăн тет. Эсĕ куратăн: Хăвăн аллупа тавăрса парас тесе хурлантарни çине, хĕсĕрлени çине Эсĕ пăхса тăратăн. Мĕскĕн хăйне Сан аллуна парать, тăлăха Эсĕ пулăшатăн. Çылăхлă çыннăп, усал çыннăн хăватне пĕтер: унăн çылăхне шырасан та тупаймалла мар пултăр. Турă емĕр-ĕмĕре, ĕмĕрлĕхе Патша; Унăн çĕрĕнчен суя тĕнлисем çухалĕç. Эй Турă, Эсĕ мĕскĕнсем мĕн ыйтнине илтетĕн, вĕсен чĕрисепе тĕреклĕлентер; хăлхуна уçса тăлăха, тертленекене суд ту; çĕр çинчс малашне этем хăратса ан пурăнтăр. (Танл. РБП 2007 Пс. 9) […]

    Like

  4. […] Давид псаломĕ. Мĕншĕн халăхсем пăлханаççĕ-ши, мĕншĕн ăрусем пултарас çука шухăшлаççĕ-ши? Турра хирĕç, Унăн Христосне хирĕç çĕр çинчи патшасем тăраççĕ, пуçлăхсем пĕрле пухăнса канашлаççĕ: вĕсенĕн çыххисене татар, вĕсенĕн çĕклемне хамăр çинчен пăрахар, теççĕ. Çÿлте Пурăнакан вĕсенчен кулĕ, Турă вĕсене мăшкăл тăвĕ. Ун чухне вĕсене Хăйĕн çиллипе калĕ, Хăйĕн хаярлăхĕпе вĕсене хăратса ÿкерĕ: Хамăн Патшама таса тăвăм Сион патши туса Эпĕ лартрăм, тейĕ. Турă ирĕкне каласа пĕлтерем: Турă мана каларĕ: Эсĕ Манăн Ывăлăм, Эпĕ Сана паян çуратрăм; ыйт Манран: халăхсене Сана ĕмĕрлĕхе парăп, çĕре вĕçĕ-хĕррипех Сан аллуна парăп. Эсĕ вĕсене тимĕр туяпа çĕмĕрсе тăкăн, вĕсене тăм савăт-сапа пек ватса тăкăн, терĕ. Эй патшасем, ăнланса илĕр ĕнтĕ; эй çĕр çинчи тÿресем, вĕренĕр! Турăшăн хăраса тăрăшăр, Ун умĕпче чĕтĕресе савăнăр. Ывăлне хисеплĕр, Вăл çиленмелле ан пултăр, çулăр çинчех пĕтмелле ан пулăр, — Унăн çилли час пуçланĕ. Ун çиие шанса тăракан пурте телейлĕ. (Танл. РБП 2007 Пс. 1) […]

    Like

  5. […] Давид псаломĕ. Усал çынсенĕн капашне çÿремен çын, çылăхлă çынсен çулĕ çинче тăман çын, астаракан çынсенĕн ушкăнĕнче ларман çын телейлĕ. Унăн кăмăлĕ Турă законĕ çинче. Унăн законĕ çинчен вăл кунĕн-çĕрĕн шухăшлать. Вăл юхăм шыв хĕррине лартнă йывăç пек пулĕ: çав йывăç хăй çимĕçне вăхăтĕнче пултарать, унăн çулçи тăкăнмасть; вăл çын мĕн туни пурте ăнса пулĕ. Усал çынсем апла мар (апла мар вĕсем); вĕсем (çĕр çинчен) çил çавăрса каякан тусан пек. Çавăнпа усал çынсем судра чăтаймĕç, çылăхлисем тÿррисенĕн ушкăнĕнче тăраймĕç. Тÿрĕ çынсенĕн çулне Турă пĕлсе тăрать, усал çынсенĕн çулĕ пĕтсе ларĕ. (Танл. РБП 2010 Пс. 1) […]

    Like

  6. […] Давидăн Вениамин Арăвĕнчи Хус ятлă çын ĕçĕ тĕлĕшĕпе юрланă хурлăхлă юрри. Эй Турăçăм, Туррăм, Сан çине шанса тăратăп, хама хăвалакансенчен пуринчен те çăл мана, хăтар мана. Хăтаракан (çăлакан) çук пирки тăшман манăн чунăма арăслан пек туласа туртса илсе тарминччĕ. Эй Турăçăм, Туррăм, эпĕ мĕн те пулин тунă пулсан, аллăм ĕçĕ тÿрĕ мар пулсан, эпĕ, хама вырăнсăрах курайми пулнă тăшмана та хăтараканскер, хампа лайăх тăракан çынна усалпа тавăрнă пулсап чунăма тăшман хăваласа çÿретĕр, çитсе тыттăр; пурнăçăма çĕр ăшне таптаса кÿрттĕр, мухтавлăхăма çĕр айне тутăр. Эй Турă, çиленсе тытăн, тăшманăмсен усаллăхне хирĕç тух тăрса, Ху каласа хунă пек суд ту мана, – этемсем ушкăнĕпе Сан тавра тăрĕç, вĕсен тĕлĕнче Эсĕ çÿле çĕклен. Турă халăхсене суд тăвать. Эй Турă, тÿрĕлĕхĕме кура, айăпăм Çуккине кура суд ту мапа. Эй тÿрĕ Турă, Эсĕ çын чĕрине, çын ăшне витĕр пĕлсе тăратăн; çылăхлă çынсенĕн усаллăхĕ пĕттĕрччĕ, тÿрĕ çынна тĕреклĕлентерччĕ. Манăн хÿтлĕхĕм — таса чĕреллисене çăлакан Турă. Турă — тÿррипе суд тăвакан (хăватлă, вăрах тÿсĕмлĕ)Тÿре, кулленех явап ыйтакан Турă. Тÿрленменнишĕн Вăл Хăйĕн хĕçне çивĕчлетет, çĕмĕренне хытарса, тĕллесе тăрать; ун валли вĕлерекен япаласем хатĕрлет, уххиссне çунтаракан тăвать. Акă усал çын тÿрĕ мар ĕç пуçларĕ, усаллăхĕпе йывăр çын пек пулчĕ, хăй валли ултав çуратрĕ, шăтăк алтрĕ, алтса пĕтерчĕ те хатĕрленĕ шăтăкне хăех кĕрсе ÿкрĕ, унăн усаллăхĕ хайен пуçпе пулĕ, усал ĕçĕ хăйĕн пуçĕ çине ÿкĕ. Турра тÿрĕлĕхне кура аслăлатăп, çÿлти Туррăн ятне мухтаса юрлатăп. (Танл. РБП 2010 Пс. 7) […]

    Like

  7. […] Давид кĕлли. Эй Турă, тÿрĕлĕхĕме илтсем, эпĕ пĕрсе йăлăннине хăлхуна чиксем, суеçтермен чĕлхе-çăварăмпа тунă кĕллĕме хапăл тусам. Мана Эсĕ Ху суд ту, Санăн куçу тÿрĕлĕхе куртăр. Эсĕ манăн чĕреме сăнарăн, çĕрле те килсе пăхрăн, мана витĕрех куртăн, нимĕн те тупмарăн; манăн чĕлхе-çăварăм ăшри шухăшран уйăрăлмасть. Этем тăвакан ĕçсене тунă чух, Сан çăварăнтан тухнă сăмаха астуса, эпĕ хама хам сыхларăм, хĕсĕрлекен çын çулĕпе каймарăм. Ман урама Хăвăн çулусем çине тĕреклĕ тăрат, урам ан шутăр. Эй Турă, Эсĕ мана илтетĕн, çавăнпа Сана тархаслатăп; хăлхуна ман енелле тайсам, манăн сăмахăмсене илтсем. Эсĕ Ху çине шанакансене Хăвăн сылтăм аллуна хирĕç тăракансенчен Çăлакан, Хăвăн тĕлĕнмелле ырăлăхна кăтарт. Куç шăрçине пăхса усранă пек пăхса усра мана; хама хĕн кăтартакан усал çынсенчен, хама çавăрса илнĕ чунăм тăшманĕсенчен çунату хÿттинче сыхласа тăр мана. Вĕсенĕн чĕри çу ăшне путнă, чĕлхи-çăварĕсемпе мăнкăмăлланса калаçаççĕ. Ура ярса пусмассерен пире йĕри-тавра çавăрса илеççĕ ентĕ, мана çĕре персе ÿкересшĕн куçĕсене ман çие тĕллерĕç. Вĕсем выçăхса çитнĕ арăслан евĕрлĕ, вăрттăн çĕртс пытанса ларакан çамрăк арăслан пек. Эй Турă, тăр, вĕсен умне ÿк, ÿкер вĕсене. Чунăма усал çын аллинчен Хăвăн хĕçÿпе хăтар, эй Турă, çав çынсенчен, çак тĕнче çыннисенчен Хăвăн аллупа хăтар; вĕсенĕн пурăнăçĕ çак ĕмĕрте анчах, вĕсенĕн хырăмĕсене Эсĕ Хăвăн ырăлăхупа тултаратăн; вĕсенĕн ывăлĕсем тăраннă, хăйсенчен юлнине ачисене хăварĕç. Хам тÿрĕрен эпĕ Сан çине пăхса тăрăп, вăрансан Санăн сăнна курса тăранăп. (Танл. РБП 2010 Пс. 16) […]

    Like

  8. […] Юрлакан ушкăн пуçлăхне. Турă чури Давидăн; вăл ку юррăн сăмахĕсене Турă ăна пур тăшманĕсен аллинчен те, Саул аллинчен те хăтарсан Турра тав туса юрланă, Вăл каланă: Эй Туррăм, эй хăватăм, Сана пит юрататăп. Турă манăн тĕрекĕм, тарса хăтăлмалли вырăнăм, манăн хăтараканăм, манăн Туррăм – манăн чул тăвăм; эпĕ Ун çине шанатăп; Вăл манăн хупланмалли хÿтлĕхĕм, мана çăлакан мăйрака, манăн хÿтĕ вырăнăм. Мухтама тивĕçлĕ Турра йăлăнăп та ташманăмсенчен хăтăлăп. Мана вилĕм чирĕсем ерчĕç, йĕркесĕр ĕçсем капланса килсе хăратрĕç мана; тамăк сăнчăрĕсем çавăрса илчĕç мана, вилĕм танатисем чăптаса илчĕç мана. Йывăр килнĕ чух Турра чĕнсе, хамăн Туррăма тархасларăм та, Вăл манăн сассăма Хăйĕн (таса) çуртĕнчен илтрĕ, эпĕ йĕрсе йăлăнни Унăн хăлхине кĕчĕ. Вăл çиленсе çитрĕ те, çĕр чĕтĕресе, силленсе кайрĕ, тусен тĕпĕсем кисренсе хускалчĕç. Унăн çиллипе тĕтĕм мăкăрланса тухрĕ, Унăн çăварĕнчен пĕтерекен вут персе тухрĕ, Хăйĕнчен вĕри кăвар тăкăнса пычĕ. Вăл пĕлĕте тайăлтарчĕ те аяла анчĕ, — Унăн ури айĕнче сĕм-тĕттĕм. Херувимсем çине ларчĕ те вĕçсе кайрĕ, çил çуначĕ çинче çĕкленсе пычĕ. Тĕттĕме Хăйĕн пĕркенчĕкĕ турĕ, çумăр пĕлĕтĕнчен, хура пĕлĕтрен Хăй тавра чатăр карчĕ. Ун умĕнче ялтăртатакан çутăран Унăн пĕлĕчĕсем тарса пычĕç, пăрпа вутлă кăвар тăкăнса пычĕ. Пĕлĕт çинче Турă кĕмсĕртеттерсе ячĕ, Çÿлти Турă Хăй сассине пачĕ, пăрпа вутлă кăвар тăкрĕ. Уххисемпе печĕ те тăшмансене тустарса ячĕ, çиçĕмне çиçтерчĕ те салатса тăкрĕ. Эй Турă, Санăн харушă сассу кĕрленипе, Санăн çиллÿ çил пек вĕрсе тăнипе шыв тĕпĕнчи çăлкуçĕсем курăнчĕç, тĕнчейĕн тĕпĕ-йĕрĕ уçăлчĕ. Вăл çÿлтен аллине тăсрĕ те мана ярса илчĕ, мана тарăн шывран туртса кăларчĕ. Вăйлă тăшманăмран, хама кураймансенчен хăтарчĕ мана; вĕсем манран хăватлăрахчĕ. Эпĕ аптăраса çитнĕ вăхăтра вĕсем ман çине тăчĕç, анчах Турă манăн тĕрекĕм пулчĕ. Вăл мана ирĕке кăларчĕ, мана хăтарчĕ: Вăл мана кăмăл курать. Тÿрĕлĕхĕме кура Турă мана тавăрса пачĕ, аллăм тăснине кура тавăрса пачĕ мана. Эпĕ Ун çулĕпе пытăм, хамăн Туррăм умĕнче усал çын пулмарăм: Унăн саппăвĕчĕсем пурте ман умра, эпĕ Вăл панă йĕркесене пăрахмарăм. Эпĕ Ун умĕнче айăпсăр пултăм, çылăха кĕресрен сыхланса тăтăм. Вара тÿрĕлĕхĕме кура, Унăн куçĕ умĕнче аллăм тасине кура, Турă мана тавăрса пачĕ. Эсĕ ырă çыншăн ырă, лайăх çыншăн лайăх, таса çыншăн таса, усал çыншăн усаллăхне кура. Эсĕ хурлăх куракансене çăлатăн, мăн кăмăллисенĕн куçĕсене пусаратăн. Эй Турă, Эсĕ манăн çуртăма çутса яратăн, манăн Туррăм ман таврари тĕттĕме çутатса тăрать. Санпа пĕрле эпĕ тăшман çарне çĕмĕрсе тухатăп, Туррăмпа пĕрле хÿме урлă каçатăп. Вăл — Турă! Унăн çулĕ айăпсăр, Туррăн сăмахĕ таса, Хăй çине шанакансемшĕн пуриншĕн те Вăл — хÿтлĕх. Турăран пуçне кам Турă тата? Пирĕн Турăран пуçне хута кĕрекен кам пур тата? Турă ман пилĕке хăватпа çыхать, ман çулăма тÿрĕ тăвать. Урамсене пăлан ури пек çăмăллатать, мана çÿллĕ çĕре тăратать. Аллăмсене вăрçма вĕрентет, хуллăмсем пăхăр çĕмĕрене те туртса пĕреççĕ. Эсĕ мана Хăвăн çăлакан хÿтлĕхне патăн, Санăн аллу мана тытса тăрать. Эсĕ хĕрхенни мана асла кăларать. Эсĕ ман утăма пысăклататăн, ман урасем чĕтĕремеççĕ. Эпĕ тăшманăмсене хăваласа каятăп, вĕсене çитетĕп, вĕсене пĕтермесĕр таврăнмастăп. Вĕсене çĕмĕрсе тăкатăп, вĕсем тăраймаççĕ, ман ура айне ÿкеççĕ. Эсĕ ман пилĕкĕме вăрçа каймашкăн хăватпа çыхрăн, ман çине тăракансене ман ура айне ÿкертĕн. Эсĕ тăшманăмсене манран тартрăн, хама кураймансене эпĕ пĕтеретĕп. Вĕсем йăлăнаççĕ, анчах çăлакан çук: Турра тархаслаççĕ, Вăл вĕсене илтмест. Эпĕ вĕсене çил çинчи тусан пек салатса яратăп, çул çинчи пылчăк пек таптатăп. Эсĕ мана халăх пăлхавĕнчен хăтартăн, мана ют халăхсен пуçлăхĕ туса хутăн, хам пĕлмен халăх мана пăхăнса тăрать. Ман çинчен илтнипех мана пăхăнаççĕ, ют халăхсем ман умра йăпăлтатса калаçаççĕ, ют халăхсем тĕсрен ÿкрĕç, хăйсенĕн хÿтĕ вырăнĕнче чĕтĕресе тăраççĕ. Турă чĕрĕ, ман хута Кĕрекен мухтавлă! Мана çăлакан Турă асла тухтăр. Вăл – маншăн тавăракан Турă, халăхсене мана пăхăнтаракан Турă, мана тăшмансенчен хăтаракан Турă! Эсĕ мана хама хирĕç тăракансенчен асла кăлартăн, мана хаяр çынран хăтартăн. Эй Турă, çавăнпа ют халăхсем хушшинче Сана аслăлăп, Санăн ятна мухтаса юрлăп. Эсĕ — патшана тĕлĕнмелле çăлакан, Хăвăн çу сĕрнĕ çыннуна Давида, унăн йăхне те ĕмĕрех ырлăх кăтартакан. (Танл. РБП 2010 Пс. 17) […]

    Like

  9. […] Юрлакан ушкăн пуçлăхне. Çурăмпуç килнĕ чухне. Давид псаломĕ. Эй Туррăм, Туррăм, илтсем мана! Мĕншĕн пăрахрăн-ши мана? Йĕрсе йăлăннă сăмахăмсем мана çăлассинчен инçе тăраççе. Эй Туррăм, кăнтăрла та тархаслатăп — Эсĕ мана илтместĕн, çĕрле те тархаслатăп — лăпланаймастăп. Эй таса Турă, Эсĕ Израил аслăласа мухтанă çĕрте пурăнатăн. Пирĕн аттемĕрсем Сан çине шанса тăнă; шанса тăнă та, Эсĕ вĕсене хăтарса пынă; Сана тархасланă та çăлăнса пынă; Сан çиие шанса пурăннă та намăса юлман. Эпĕ этем те мар, çĕрти хуртпа пĕр, çын мăшкăлĕ, халăх йĕрĕнмелли пултăм. Куракансем пурте мана мăшкăллаççĕ, пуçĕсене сулла-сулла чĕлхи-çăварĕсемпе калаççĕ: Турă çине шанатчĕ, хăтартăр ĕнтĕ ăна, вăл Ӑна юрăхлă пулсан, çăлтăр ĕнтĕ ăна, теççĕ. Мана аннем ăшĕнчен Эсĕ çуратнă, мана аннем кăкăрĕ çумĕнчех ĕмĕт Эсĕ панă. Çуралнăранпа мана Сана шанса панă, аннем ăшĕнче чухнеренпех Эсĕ манăн Туррăм. Пăрахса ан кайсам мана: хуйхăм çывхарчĕ, пулăшакан çук. Темĕн чухлĕ çамрăк вăкăрсем сырса илчĕç мана, çимешкĕн çунса ахăракан арăслан пек, мана хирĕç çăварĕсене карса пăрахрĕç. Эпĕ шыв пек юхса тухрăм, шăммăм-шаккăм пĕтĕмпех саланса кайрĕ, чĕрем ăвăс пек çемçелчĕ, ăшăмра ирĕлсех кайрĕ. Вăйăм тăм сават пек типсе çитрĕ, чĕлхем пыр тĕпне çыпçăнса ларчĕ: мана Эсĕ вилнĕ çын тăприпе пĕр турăн. Йытăсем çавăрса илчĕç мана, усал çынсем ушкăнĕпе тапăнчĕç: аллăмсене те, урамсене те витĕрех шăтарчĕç. Пур шăммăмсем те суса тухмаллах палăрчĕç; хăйсем пăхса тăраççĕ, курмалли япала вырăнне турĕç мана; манăн тумтирĕмсене пĕр пĕринпе уйăраççĕ, тумтирĕмшĕн шăпа сиктереççĕ. Эй Турă, Эсĕ мана пăрахса ан кайсам; эй хăватăм, мана пулăшма васкасам; чунăма хĕçрен хăтар, пĕчченскерĕме йытăсенчеп çăл; арăслан çăварĕнчен, пĕр мăйракаллă хир вăкăрĕсенĕн мăйракинчен çăлсам мана, илтсе хăтарсам мана. Санăн ятна тăванăмсене пĕлтерĕп, халăх ушкăнĕнче Сана мухтаса тăрăп. Эй Турăран хăракансем! Ăна мухтăр. Яковăн мĕнпур йăхĕ! Ӑна аслăла. Израилĕн мĕнпур йăхĕ Унран хăраса тăтăр. Хĕн куракан хуйхăрнинчен Вăл йĕрĕнмерĕ, илтмесĕр хăвармарĕ, Хăй сăнне унтан пытарса тăмарĕ, Хайне тархасласан, ăна илтрĕ. Пысăк пухура Сан çинчен мухтаса калаçăп, Турăран хăракансем умĕнче хам асăннипе парăп. Мĕскĕнсем çиччĕр, тăранччăр; Турра шыракансем Ӑна мухтаччăр; сирĕн чĕрĕрсем ĕмĕрех чĕрĕ тăччăр. Çĕрĕн вĕçĕ-хĕрринчисем пурте астуса илĕç те Турă енне çаврăнĕç, пур суя тĕнлĕ йахсем те Сан умна ÿксе пуççапĕç, мĕншĕн тесен патшалăх — Туррăн, халăхсене вăл тытса тăрать. Çĕр çинчи мăнтăрсем пурте çийĕç, пуççапа пуçлĕç, çĕр ăшне кĕрекснсем, чунпе усрайманнисем пурте Уп умне ÿкĕç, пуççапĕç: Манăн йахăм Ăна пăхăнса пурăнĕ, вĕсене ĕмĕрех Туррăн тейĕç. Килĕç те çуралас этемсене Туррăн тÿрĕлĕхĕ çинчеп, Вăл мĕн туни çинчен каласа пĕлтерĕç. (Танл. РБП 2010 Пс. 21) […]

    Like

  10. […] Юрлакан ушкăн пуçлăхне. Давид псаломĕ. (Аптăраса çитнĕ вăхăтра.) Эй Турă, эпĕ Сан çине шанса тăратăп, ĕмĕрне те намăс курмăпинччĕ, Ху тÿрĕ тăрăх хăтар мана, хăлхуна тайса итле мана, часрах хăтар мана. Мана çăлмашкăн маншăн чул тĕрекĕм пул, тарса хăтăлмалли çурт пул. Манăн чул тăвăм, манăн хÿмем – Эсĕ Хăвăн ятушăн ертсе çÿре мана, пăхса тăр мана. Вăрттăн карса хунă танатаран кăлар мапа; манăн тĕрекĕм — Эсĕ. Чунăма Сан аллăна паратап; эй Турă, чăнлăх Турри, Эсĕ хăтараттăн мана. Çук япалана хисеплесе пурăнакана кураймастăп эпĕ, эпĕ Турă çине шанса пурăнатăп. Эсĕ кăтартнă ырлăхшăн савăнам, хĕпĕртем: Эсĕ ман мĕскĕнлĕхĕме куртăн, чунăм хуйхине пĕлтĕн; мана тăшман аллине хăвармарăн, урамсене ирĕк çĕре тăратрăн. Эй Турă, хĕрхен мана: чунăм тăвăрланса çитрĕ, хуйхăпа куçăм путса кĕчĕ, чунăм та, ăшăм-чиккĕм те касăлчĕ. Хуйхăпах пурăнăçăм чакрĕ, йынăшса хуйхăрсах кун-çулăм иртрĕ, çылăхăмсем пирки вăйăм юлмарĕ, шăммăм-шаккăм типсе кайрĕ. Пур тăшманăмсем пирки эпĕ кÿршĕсен мăшкăлĕ пултăм, пĕлĕшĕмсемшĕн хăрушă япала пултăм: урамра мана куракансем манран тараççĕ. Вилнĕ çынна маннă пек, чĕрисенче мана манчĕç; эпĕ çĕмрĕк савăт пек пултăм, — нумайăшĕ хама çисе калаçнине илтетĕп; вĕсем мана пĕтерме канаш тунă чух, ман чунăма туртса илме шухăшланă чух пуринчен те сехĕрленсе тăратăп. Эй Турă, эпĕ Сан çине шанатăп, эпĕ калатăп: Эсĕ манăн Туррăм, тетĕп. Манăп кун-çулăм Сан аллăнта; тăшманăмсен аллинчен, хама хăвалакансенчен хăтар мана. Чуруна Хăвăн çутă сăнна кăтарт, Хăвăн ырă кăмăлупа çăл мана. Эй Турă, Сана тархасланăшăн намăс курмăпинччĕ; усал çынсем намăса юлччăрччĕ, тамăка кайса çăварĕсем хупăнччăрччĕ. Суеçтерекен чĕлхе-çăварĕсем чĕнейми пулччăрччĕ, вĕсем тÿрĕ çын çинчен мăнкăмăлланса, вырăна хумасăр, усал калаçаççĕ. Санăн ырăлăх ытла та нумай-ĕçке! Эсĕ ăна хăвăнтан хăракансем валли усратăн, Эсĕ ăна Ху çине шанакансем валли этем ывăлĕсем умĕнчех янтăлатăн. Эсĕ вĕсене халăхсен пăлхавĕнче Хăвăн сăну хÿттинче пытарса усратăн, çынсенĕн хаяр чĕлхинчен вĕсене хÿтĕлесе тăратăн. Турă мухтавлă: Вăл мана тĕреклĕ хулара Хăйĕн тĕлĕнмелли ырăлăхне кăтартрĕ. Аптăраса çитнĕ вăхăтра эпĕ каларăм: Эсĕ мана Хăвăн куçу умĕнче тăратмарăн иккен, терĕм; анчах Сана тархасларăм та, Эсĕ ман кĕллĕм сассине илтрĕн. Эй Туррăн таса çыннисем, пурсăр та юратăр Ӑна; Турă тÿррисене сыхлать, мăн кăмăлланакансене ылашшипех тавăрса парать. Эй Турă çине шанакансем, пурсăр та тĕреклĕ тăрăр, чĕрĕр хăватлăланса пытăр. (Танл. РБП 2010 Пс. 30) […]

    Like

  11. […] Юрлакан ушкăн пуçлăхне. Гефри кĕвĕ каломаллипе. Давид псаломĕ. Эй Турă, Сана пĕтĕм чунтан-вартан аслăлам, Санăн пур хăватусем çинчен те каласа пĕлтерем. Эй Çÿлти Турă, Саншăн савăнам, хĕпĕртем, Санăн ятпа мухтаса юрлам. Тăшманăмсем каялла тарчĕç, вĕсем такăнса ÿкĕç, Сан умăнта пĕтсех ларĕç; Эсĕ мана суд турăн, манăн тава татса патăн; Эсĕ, туррппе суд тăвакан Тÿре, аслă вырăну çине лартăн. Эсĕ халăхсем çине çиленсе çитрĕн, усал çынна пĕтертĕн, вĕсенĕн ятне те ĕмĕр-ĕмĕрлĕхе çухатрăн. Тăшманăн хĕç-пăшалĕ те юлмаре, хулисене те Эсĕ салатса тăкрăн, вĕсенĕн ячĕ те хăйсемпе пĕрлех пĕтрĕ. Турă Хăй ĕмĕрех тăрать: суд тума Вăл Хăйĕн аслă вырăнне хатĕрлесе хунă, Вăл тĕнчене тÿрĕлехпе суд тăвĕ, халăхсене тÿррипе суд тăвĕ. Тертленекеншĕн Турă тарса хăтăлмаллп вырăн пулĕ; хуйхăрнă вăхăтра тарса хăталмалли вырăп пулĕ: Санăн ятна пĕлекенсем Сап çине шанса тăрĕç: эй Турă, Эсĕ Хăвна шыракансене пăрахмастăн. Сионра пурăнакан Турра мухтаса юрлăр. Унăн ĕçĕсем çинчен халăхсем хушшипче каласа пĕлтерĕр. Вăл юн тăкнăшăн явап ыйтать, вĕсене астуса тăрать; тертленекенсем йĕрсе йăлăннине манмасть. Эй Турă, хĕрхен мана; Эсĕ мана вилĕм хапхп умĕнчен çĕклентерсе Каякан, мана тăшмансем асаплантарнине кур; Санăн пур мухтавлă ĕçÿсем çинчеи те Сион хĕрийĕн хапхи умĕнче каласа тăрам, Эсе çăлнăшăн савăнам. Халăхсем хăйсем алтса хупă шăтăка кĕрсе ÿкрĕç, вăрттăн карса хунă танатисене хăйсен урисемех çаклапчĕç. Турра Вăл тунă судĕнчен пĕлчĕç, усал çын хăйĕн алли ĕçĕсемпе çыхланчĕ. Усал çынсем, Турра манса пурăнакан пур халăхсем те тамăкалла кайччăр. Мĕскĕн çын ĕмĕре манăçа юлмĕ, юрлисем ĕмĕтленни ахалех çухалмĕ. Эй Турă, тăр, этем ан çĕнтерейтĕр, халăхсем Сан умна суда тăччăр. Эн Турă, хăрат вĕсепе: хăйсем этем иккенне халăхсем туйччăр. Эй Турă, мĕншĕн инçетре тăратăн-ши, эпир хуйхăрнă вăхăтра мĕншĕн курăнмастăн-ши? Усал çын мăнкăмăлланса мĕскĕне хĕсĕрлет; вĕсем хăйсем шухăшласа тупнă чее шухăшĕсемпе çыхланччăр. Усал çын хăйĕн чунĕ аскăннипе мухтанать, мула юратакан хайне ырра хурать. Усал çын хăйне асла хывса Турра сума сумасть: айăпламĕ, тет; ăшĕнче яланах: Турă çук, тет. Унăн çулĕсем пур вăхăтра та ирсĕр, уншăн Санăн суду инçе, хăйĕн пур тăшманĕсем çине те вăл йĕрĕнсе анчах пăхать, хăй ăшĕнче калать: аптăрамăп, сыпăкран сыпăка та усал курмăп тет; унăн çăварне — ылханасси, улталасси, суеçтересси тулнă; асаплаптарасси, çынна пĕтересси унăн чĕлхи айĕнчех; вăл çурт хыçĕнче пытанса ларать, айăпсăр çынна улах çĕрте вĕлерет; унăн куçĕ мĕскĕне вăрттăн пăхсах тăрать; арăслан чăтлăхра ларнă пек, улах çĕрте кĕтсе тăрать; мĕскĕне тытас тесе пытанса ларать; мĕскĕне тытать те хăйĕн тапатине сĕтĕрсе кÿртет; хутланса ларать те, лăпчăнса выртать те — мĕскĕнсем унăн хытă чĕрнисем ăшне кĕрсе ÿкеççĕ; хăй ăшĕнче калать: Турă манчĕ, сăнне хупларĕ, нихçан та курмĕ тет. Эй Турăçăм, Туррăм, тăр, аллуна çĕкле, тертленекен çыннусепе пĕтĕмпех ан ман. Меншĕн усал çын Турра сума сумасть-ши? Вăл хăй ăшĕнче калать: Эсĕ айăпламăн тет. Эсĕ куратăн: Хăвăн аллупа тавăрса парас тесе хурлантарни çине, хĕсĕрлени çине Эсĕ пăхса тăратăн. Мĕскĕн хăйне Сан аллуна парать, тăлăха Эсĕ пулăшатăн. Çылăхлă çыннăп, усал çыннăн хăватне пĕтер: унăн çылăхне шырасан та тупаймалла мар пултăр. Турă емĕр-ĕмĕре, ĕмĕрлĕхе Патша; Унăн çĕрĕнчен суя тĕнлисем çухалĕç. Эй Турă, Эсĕ мĕскĕнсем мĕн ыйтнине илтетĕн, вĕсен чĕрисепе тĕреклĕлентер; хăлхуна уçса тăлăха, тертленекене суд ту; çĕр çинчс малашне этем хăратса ан пурăнтăр. (Танл. РБП 2010 Пс. 9) […]

    Like

  12. […] Давид псаломĕ. Эй Турă, эпĕ хампа тавлашакансемпе тавлашнă чух ман хута кĕр, манпа тытăçнисене çĕн. Хÿтлĕхне, тимĕр сăрнă тумтирне илсе, мана пулăшма тытăн. Хĕçне кăлар, мана хăвалакансенĕн çулне пÿл, манăн чунăма кала: сана çăлакан –Эпĕ, те. Манăн чунăма шыракансем намăсланччăр, намăса юлччăр; мана усал тума шухăшлакансем каялла тарччăр, мăшкăл пулччăр. Вĕсем çил çинчи тусан пек пулччăр, Турă ангелĕ вĕсене хăваласа ятăр. Вĕсемĕн çулĕ тĕттĕм пултăр, шуса ÿкмелле пултăр, Турă ангелĕ вĕсене хăваласа пытăр; вĕсем пĕр айăпсăрах ман валли вăрттăн шăтăк алтрĕç, таната карчĕç, пĕр айăпсăр çĕртенех чунăм валли шăтăк алтса хучĕç. Хăй кĕтмен хутрах пĕтмелле пултăр, карса хунă танати ăна хăйне çаклантăр, ун ăшне пĕтмеллех кĕрсе ÿктĕр. Манăн чунăм вара Турăшăн савăнĕ, Вăл çăлнăшăн хĕпĕртесе тăрĕ; мĕн пур шăммăм-шаккăм каласа тăрĕ: эй Турă, Сан пекки кам пур? Эсĕ вăйсăррине вăйлинчен хăтартăн, мĕскĕне, чухăна хăйсене пусмăрлаканран хăтартăн, тенĕ. Ман çие суя суйса кăтартакан çынсем тăчĕç; манран хам пĕлменни çинчен ыйта-ыйта тĕпчеççĕ. Ырăшăн мана усалпа тавăраççĕ, чунăма тăлăха хăварчĕç. Вĕсем чирлĕ чух эпĕ хуйхă тумтирĕ тăхăнса çÿреттĕм, чунăма типĕ тытса халран яраттăм, манăн кĕллĕм хам ăшах таврăнатчĕ. Эпĕ вĕсемшĕн çывăх çын пек, тăван пек пултăм, амăшĕшĕн йĕрекен пек хуйхăрса, пуçăма чиксе çÿреттĕм. Эпĕ такăннă чух вĕсем савăнатчĕç, пĕрле пухăнатчĕç, мана çисе калаçакансем пĕр çĕре пуçтарăнатчĕç, мĕншĕнне пĕлместĕм, мана хăрататчĕç, чарăна пĕлместчĕç, икĕ питлĕ мăшкăлçăсемпе пĕрле шăлĕсене качăртаттаратчĕç. Эй Турă, хăçанччен пăхса тăрăн-ши? Чунăма вĕсен усаллăхĕнчен пăрса ярсам, пĕчченскерĕме çав арăслансенчен хăтарсам. Пысăк пухура Сана аслăласа тăрăп, йышлă халăх хушшинче Сана мухтаса тăрăп: мана вырăнсăрах кураймасăр тăракансем ман тĕлĕшĕмрен ан савăнччăр, мана айăпсăр çĕртенех курайман çынсем пĕр-пĕрне куç хĕссе ан тăччăр. Лăпкă пурăнасси çинчен калаçмаççĕ вĕсем, вĕсем çĕр çинче лăпкă пурăнакансем çинчен чее шухăш тытаççĕ. Çăварĕсене карса манран ахăлтатса кулаççĕ: аван-ха ку, аван, куçăмăр курчĕ ĕнтĕ теççĕ. Эй Турă, Эсĕ куртăн, чĕнмесĕр ан тăрсам; эй Турă, пăрахса ан кайсам мана. Эй Туррăм, вăран, суд тума тăр, тавăма татса пар. Эй Турăçам, Туррăм, Хăвăн тÿрĕлĕхÿпе суд ту мана: вĕсем ман тĕлĕшĕмрен ан савăнччăр; хăйсен ăшĕнче: аван-ха ку, аван, чунăмăр ĕмĕтленни çитрĕ тесе ан шухăшлаччăр; хыпса çăтрăмăр иккен хайхине тесе ан калаччăр. Ман хуйхăшăн савăнакансем пурте намăсланччăр, намăса юлччăр; мана çисе мухтанакансем намăс курччăр, мăшкăл пулччăр. Эпĕ тÿрре тухасса ĕмĕтленекенсем савăнччăр, хĕпĕртеччĕр; вĕсем яланах: Хăй чурине канăçлăх сунакан Турă асла тухтăр тесе тăччăр. Вара манăн чĕлхем Санăн тÿрĕлĕхÿ çинчен, Санăн мухтавлăху çинчен куллен-кун каласа тăрĕ. (Танл. РБП 2010 Пс. 34) […]

    Like

Шухăшăра пĕлтерĕр

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.